گجرات (جی پی آئی) پورے ملک کی طرح گجرات میں بھی شہداء کربلا کا چہلم عقیدت و احترام سے منایا گیا۔مرکزی جلوس شبیہہ ذوالجناح امام بارگاہ حسینیہ سرکلرروڑ سے برآمد ہوا۔برآمدگی سے قبل مجلس عزا میں ذاکرین نے فضائل و مصائب شہداء کربلا بیان کئے۔جلوس سرکلرروڑ،شاہدولہ گیٹ،پتاسیاں والا چوک ،مسلم بازار،مچھلی چوک،سے ہوتا ہوا مقبرہ پانڈی شاہ پہنچا جہاں مجلس عزا منعقد ہوئی ملک کے ممتاز عالم دین علامہ امجد جوہری اور پروفیسر سرفرازجعفری نے فضائل و مصائب شہداء کربلا بیان کئے ۔بعد ازاں جلوس اپنے مقررہ راستوں سے ہوتا ہوا واپس امام بارگاہ حسینیہ میں احتتام پذیر ہواضلعی انتظامیہ کی طرف سے سخت حفاظتی انتظامات کئے گئے۔پروفیسر سرفراز جعفری،سید الطاف عباس کاظمی،جواد حسین جعفری اورحسینیہ ٹرسٹ کے ممبران جلوس کے منتظمین میں شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)حضرت مجدد الف ثانی رحمة اللہ علیہ قوم مسلم کے ہیرو ہیں ۔ سارمایہ ملت اسلامیہ حضرت مجدد الف ثانی کا نام رہتی دنیا تک روشن رہے گا۔دین اسلام کیلئے شیخ سرہندی کی خدمات ناقابل فراموش ہیں۔حضرت مجدد الف ثانی شیخ سرہندی رحمة اللہ علیہ نے جابر حکمران کے سامنے کلمہ حق بلند کیا ۔ شان اولیاء کے تذکرے قرآن و سنت میں موجود ہیں ۔ اہل اللہ کی کاوشوں سے برصغیر میں اسلام کا پرچم لہرایا ۔پاکستان حقیقت میں اولیاء اللہ کا فیضان ہے۔تذکار اولیاء سے دلوں میں نرمی اور محبت پروان چڑھتی ہے ۔ صاحبان امر اولیاء امت نے قوم مسلم کی ہر دور میں مشکل کشائی اور حاجت روائی فرمائی ۔پاکستان میں صوفیاء کرام کے پیرو کار ہی نظام مصطفےٰ ۖ لا سکتے ہیں ۔سیدنا مجدد الف ثانی اور امام احمد رضا محدث بریلوی رحمة اللہ علیہما نے عشقِ رسول ۖ کو فروغ دے کر امت کو دفاع اسلام و تحفظ ناموس رسالت ۖ کے دروس دئیے ۔آج پاکستان میں اسلام کی بہاریں اولیاء اللہ کے قدموں کی بدولت ہیں ۔ قومِ مسلم خانقاہوں سے اپنا رشتۂ عقیدت مضبوط بنا کر دہشت گردوں کے ناپاک عزائم خاک میں ملا دے ۔ان خیالات کا اظہار صاحبزادہ غلام بشیر نقشبندی نے جامع مسجد آرائیاں مدینہ سیداں میں بزم جمیل کے زیر اہتمام عشرہ مجدد الف ثانی شیخ احمد فاروقی سرہندی رحمة اللہ علیہ کے سلسلہ میں مجدد کانفرنس سے خطاب کرتے ہوئے کیا ۔کانفرنس کی نگرانی صاحبزادہ سید عثمان شاہ نے کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) پیس ٹریولز گجرات کے زیر اہتمام عمرہ کا دوسرا گروپ ، عمرہ کی سعادت حاصل کرنے کیلئے روانہ ۔ گزشتہ روز پیس ٹریولز کے آفس میں عمرہ کے عازمین کی تربیتی ورکشاپ منعقد ہوئی جس میں چیف ایگزایکٹو پیس ٹریولز سید آصف رضا نقوی نے عازمین کو عمرہ کی تربیت دی تا کہ وہ مناسک عمرہ احسن طریقہ سے سرانجام دے سکیں انہوں نے سعودی عرب کے قوانین کے حوالہ سے بھی بریفنگ دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گجرات کے عوام کی خدمت کیلئے جوڑا خاندان کی خدمات قابل تحسین ہیں جوڑا خاندان نے گجرات کی عوام کی خدمت کیلئے دن رات کام کیا ہے ان خیالات کا اظہار آفس سیکرٹری چوہدری نسیم اصغر جوڑا ، مہر محمد سلیم ، راجہ اسلم پرویز اور ندیم بٹ نے مشترکہ بیان میں کیا انہوں نے کہا کہ یونین کونسل نمبر 10کے عوام کی خدمت اور یونین کونسل کو مثالی بنانے کے سلسلہ میں چوہدری نسیم اصغر جوڑا کی خدمات قابل تحسین ہیں انہوں نے یونین کونسل کی عوام کی خدمت کیلئے چوہدری مبشر حسین سے 60لاکھ روپے کی خطیر گرانٹ حاصل کی ہے جس سے علاقہ کے تمام مسائل حل ہونگے اور یونین کونسل نمبر 10گجرات کی مثالی یونین کونسل بنے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) استقبال ربیع الاول کے سلسلہ میں 2دسمبر کو عظیم الشان میلاد ریلی کا انعقاد کیا جائیگا جو کہ جامع مسجد شہنشاہ ولایت سے بعد از نماز جمعہ شروع ہو گی اور پورے شہر کا چکر لگا کر واپس جامع مسجد شہنشاہ ولایت میں اختتام پذیر ہو گی اس ریلی کی قیادت صاحبزادہ پیر سید حسن محمود شاہ گجراتی اور چوہدری افتخار احمد ملہی کریں گے جبکہ اختتام پر صاحبزادہ پیر سید سعید احمد شاہ گجراتی خطاب کریں گے اس ریلی کا انعقاد بزم غلامانِ گھمگول شریف کے زیر اہتمام ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) معیاری تحقیقی سرگرمیوں کا فروغ جامعات کی پہچان اورساکھ کا مظہر بنتا ہے۔ جامعہ گجرات اپنے اساتذہ میں تحقیقی کلچر کے فروغ کے لیے ہر ممکن اقدامات کر رہی ہے۔ اساتذہ جامعات میں معیاری تحقیق کے معمار ہیں۔ ہم اپنے اساتذہ کو تحقیق کے فروغ کے لیے بہتر ماحول فراہم کرنے کی راہ پر گامزن ہیں۔ جامعات میں جاری تحقیقی سرگرمیوں نے ترقی یافتہ قوموں کی معاشی زندگی میں اہم کردار ادا کیا ہے۔ ان خیالا ت کااظہار وائس چانسلر پروفیسر ڈاکٹر ضیاء القیوم نے جامعہ گجرات کے فیکلٹی برائے سائنسز کے مختلف شعبہ جات کے پی ۔ ایچ۔ ڈی اساتذہ کے ایک اجلاس سے خطاب کرتے ہوئے کیا۔ اس اجلاس میں مختلف سائنس مضامین میں ڈاکٹر یٹ ڈگری کے حامل تقریباً ساٹھ اساتذہ نے شرکت کی۔ پی ایچ ڈی اساتذہ کے اس اجلاس کا اہتمام ڈائریکٹر ORICڈاکٹر عبدالماجد اور انکی ٹیم کی جانب سے کیا گیا تھا تاکہ جامعہ گجرات کے اساتذہ میں معیاری تحقیق کے رُجحانات کو فروغ دیتے ہوئے انکے تحقیقی نتائج کو ملکی صنعت کے لیے بارآور اورثمر ور بنایا جا سکے۔ اس اجلاس میں ڈین فیکلٹی برائے سائنسز ڈاکٹر محمد فہیم ملک نے بھی شرکت کی۔ ڈاکٹر ضیاء القیوم نے مزید کہا کہ جامعہ گجرات اپنے ہر شعبہ میں کوالیفائڈ اساتذہ کی موجودگی کو یقینی بنا رہی ہے۔ محنتی، ذہین اور باصلاحیت اساتذہ جامعہ گجرات کی بہترین پہچان ہیں۔ مہارت یافتہ اساتذہ ہی اپنے طلبہ میں تعلیم و تحقیق کا اعلیٰ ذوق پید اکر سکتے ہیں۔ جامعہ گجرات کی رینکنگ کو مزید بہتر بنانے کے لیے ہمارے اساتذہ کلیدی کردار ادا کر سکتے ہیں۔ حکومت اعلیٰ تعلیم کے اہداف کو حاصل کرنے کے لیے کوشاں ہے۔ اساتذہ کی اجتماعی کوششیں جامعہ گجرات کی ترقی اور ناموری کے لیے اہم سنگ میل ہیں۔ تحقیق کے اعلیٰ ترین معیار کو حاصل کرنے کے لیے مناسب منصوبہ بندی اور حکمت عملی بنیادی اُمور ہیں۔ ہر استاد کے لیے یہ مدنظر رکھنا ضروری ہے کہ اسکے تحقیقی اُمور میں جدت، تازگی اور اختراعی نوعیت پائی جائے ۔ہم اختراع اور تخلیق کے عہد میں زندگی بسر کر رہے ہیں۔ انہوں نے اساتذہ کویقین دلایا کہ جامعہ گجرات اپنے تمام ممکنہ وسائل کو بروئے کار لاتے ہوئے اساتذہ و طلبہ کو تحقیقی میدان میں جاری سرگرمیوں کو آگے بڑھانے اور مزید بہتر بنانے کے سلسلہ میں معاونت کریگی۔ جامعہ گجرات میں ایک جدید ترین سنٹرل لیب کا قیام عمل میں لایا جائے گا۔ اساتذہ کی حوصلہ افزائی کے لیے امسال بیسٹ ٹیچر ایوارڈ اور بیسٹ ریسرچر ایوارڈ کا آغاز کر دیا گیا ہے۔ اساتذہ کو مزید سہولیات فراہم کرنے کے لیے12نئی رہائش گاہیں،2نئے اکڈیمک بلاکس، ایک منی مارکیٹ اور ایک میڈیکل سنٹر کا آغاز بھی جلد ہی کر دیا جائے گا۔ 2017ء کو جامعہ گجرات میں اختراعی ترقی کے سال کے طور پرمنایا جائے گا۔ مختلف شعبہ جات کے اساتذہ اور طلبہ ٹیموں کی جانب سے پیش کیے جانے والے اختراعی و تخلیقی خیالات کوUOGکی ویب سائٹ پر شائع کیا جائے گا۔ اس موقع پر مختلف اساتذہ نمائندوں نے ڈاکٹر ضیاء القیوم کو اپنے مسائل سے آگاہ کیا۔ ڈاکٹر ضیاء القیوم نے اساتذہ کو ہر ممکن تعاون کا یقین دلایا۔ قبل ازیں ڈاکٹر محمد فہیم ملک نے تمام پی ایچ ڈی اساتذہ کو اس اجلاس میں خوش آمدید کہا۔ ڈاکٹر عبدالماجد نے اساتذہ کوORICکی کارکردگی اور اس کی آئندہ حکمت عملی سے مفصل طور پر آگاہی بخشی۔ ڈاکٹر عبدالماجدنے کہا کہ اساتذہ کو پاکستان کو درپیش مختلف مسائل کو اپنی تحقیقی سرگرمیوں کا موضوع بناتے ہوئے اپنی تحقیق میں جدت و اختراع کا پہلو برتنا چاہیے۔ ORICکا بنیادی مقصد جامعات میں جاری تحقیق کو بہتر بنانا اور اس تحقیق کے نتائج کو ملکی صنعت میں بہتری کے لیے استعمال کرنا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)ڈسٹرکٹ ڈئیزائن اینڈ پلاننگ کمیٹی نے ماسٹر پلاننگ کی تکمیل کے بعد تحصیل گجرات کی 68شاہرات کو کمرشل قرار دیدیا ہے ، شہر میں رہائشی، کمرشل اور انڈسٹریل ایریاز کی نشاندہی بھی کر دی گئی ہے اور جلد پیری اربن پلاننگ پر بھی کام شروع کر دیا جائے گا ۔ یہ فیصلہ ڈی سی او لیاقت علی چٹھہ کی زیر صدارت اجلاس میں کیا گیا جس میں ایڈمنسٹریٹر بلدیہ عرفان علی کاٹھیا، ٹی ایم او خرم محمود، ایکسئین یاور عباس اور دیگر افسران نے شرکت کی۔ اجلاس میں گجرات کی ماسٹر پلاننگ کے لئے مقرر کردہ کمپنی نے اپنی رپورٹ پیش کی جس کے تحت گجرات میں اراضی کے استعمال کی تقسیم (land use classification)کر دی گئی ہے اور ان تمام علاقہ جات کی نشاندہی کر دی گئی ہے جنہیں رہائشی مقاصد کیلئے استعمال کیا جائے گا اور جہاں کمرشل یا صنعتی سرگرمیاں ہو سکتی ہیں۔ کمیٹی نے گجرات، سی او یونٹس جلالپور جٹاں، شادیوال، کنجاہ کی 68ایسی شاہرات جن پر اس سے پہلے کمرشل سرگرمیوں کی اجازت نہیں تھی انہیں کمرشل قرار دیدیا جبکہ یہاں کمرشل سرگرمیوں کیلئے ایک بار کنورشن فیس کی ادائیگی کے بعد کمرشل سرگرمیوں کی اجازت ہوگی۔ انہوںنے کہا کہ کمرشل اور صنعتی سرگرمیاں مخصوص علاقوںمیں ہونے سے بہت سے مسائل سے بچا جا سکے گا اور میونسپل سروسز و دیگر خدمات میں سہولیت ہوگی ۔ ڈی سی او لیاقت علی چٹھہ نے کہا کہ گجرات کی ماسٹر پلاننگ کیلئے گذشتہ دو سال کے دوران تیزی سے کام مکمل کیا گیا ہے جس کے بعد کاروباری افراد کی طرف سے مختلف روڈز کو کمرشل کرنے کا مطالبہ بھی پور ا کر دیا گیا ہے۔ انہوںنے کہا کہ حکومت نے گجرات کو میونسپل کارپوریشن کا درجہ دیدیا ہے، یہ شہر تیزی سے ترقی یافتہ شہرو ں کی صف میں شامل ہورہا ہے اور ہدایت کی کہ اگلے مرحلے میں پیری اربن پلاننگ کیلئے کام شروع کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)چہلم امام حسین و شہدا کربلا کے موقع پر مرکزی جلوس پرامن طریقے سے اختتام پذیر ہوگیا ہے، ڈی سی او لیاقت علی چٹھہ نے امام بارگاہ حسینہ ٹرسٹ سے برآمد ہونیوالے جلوس کے روٹس کا معائنہ کیا اور ٹی ایم اے آفس میں قائم کنٹرول روم میں سی سی ٹی وی کیمروں کے ذریعے جلوسوںکی مانیٹرنگ کرتے رہے،ایڈمنسٹریٹر بلدیہ عرفان علی کاٹھیا، ٹی ایم او خرم محمود، عظمت فرید، سول ڈیفنس آفیسر محمد اشفاق بھی موجود تھے۔ڈی سی او لیاقت علی چٹھہ نے چہلم کے جلوس کے موقع پر امن و امان برقرار رکھنے کیلئے پو لیس اور قانون نافذ کرنیوالے اداروں کے افسران و اہلکاروں ، ٹی ایم اے ، سول ڈیفنس اور علماء کرام کی کاوشوں کو زبردست سراہا ۔ انہوںنے کہا کہ انتظامی مشینری و پولیس نے وزیر اعلی پنجاب میاںشہباز شریف کے وژن کے مطابق اقدامات کئے ، علما کرام کے مثبت رویہ سے ضلع میں اتحاد بین المسلمین ، اخوت اور بھائی چارے کی فضا کو فروغ دینے میں مد د ملی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)ملک میں جاری خشک سالی کے خاتمہ اور باران رحمت کے لئے ضلع کونسل لان میں نماز استسقا ادا کی گئی جس میں ای ڈی او زراعت محمد جمیل، ڈی اوز محمد رفیق، ڈاکٹر واجد ارشد، سید سجاد حسین بخاری سمیت محکمہ زراعت کے افسران، کسانوں اور مختلف شعبہ ہائے زندگی سے تعلق رکھنے والے افراد نے شرکت کی۔ اس موقع اللہ رب العزت کی بارگاہ میں باران رحمت کیلئے خصوصی دعا بھی کرائی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) علامہ اقبال نے نوجوان نسل کو اپنے کلام کے ذریعے آگے بڑھنے کا شعور دیا۔ علامہ اقبال کی نظموں کا عنوان ہی نوجوانوں کیلئے تھا۔ ان خیالات کا اظہار سابق سینئر نائب صدر گجرات چیمبر آف کامرس اینڈ انڈسٹری سید آصف رضا نقوی نے دی ایگزا سکول گجرات میں تقریب تقسیم انعامات کے موقع پر خطاب کرتے ہوئے کیا۔ انہوں نے کہا کہ آج کا یہ پروگرام دیکھ کر مجھے اپنے بچپن کے وہ دن یاد آ گئے جب ہم بھی اس طرح ہم نصابی سرگرمیوں میں حصہ لیا کرتے تھے۔ جب تک نوجوانوں کی بہتر انداز میں تربیت نہ کی جائے ان میں آگے بڑھنے کا جذبہ و حوصلہ پیدا نہیں ہوتا۔ دی ایگزا سکول کی انتظامیہ اس بات پر مبارکباد کی مستحق ہے کہ انہوں نے بچوں کی بہتر تعلیم و تربیت کا اہتمام کیا ہے ۔اسسٹنٹ ڈائریکٹر ایجوکیشن آفس محمد فاروق نے کہا کہ اگر بچوں کی حوصلہ افزائی کی جائے تو وہ ترقی کی تمام منازل طے کر سکتے ہیں۔ آج مجھے خوشی ہے کہ آج کے بچوں میں وہ جذبہ موجود ہے کہ وہ دنیا کے تمام چیلنجز کا مقابلہ کر سکیں۔ دی ایگزا سکول کی انتظامیہ مبارکباد کی مستحق ہے کہ وہ نوجوان نسل کی بہتر تعلیم و تربیت کا فریضہ سرانجام دے رہے ہیں۔ انچارج ایلیٹ فورس گوجرانوالہ ڈویژن چوہدری ضیغم ثناء وڑائچ نے کہا کہ ہمیں آج ہی یہ فیصلہ کرنا ہے کہ ہمارے بچوں نے بڑھے ہو کر کیا بننا ہے۔ اور ہمیں اسی انداز میں انکی تربیت کا بھی اہتمام کرنا ہے۔ دی ایگزا سکول کی انتظامیہ اسی سمت میں کام کر رہی ہے۔ اور ہم چاہتے ہیں کہ ہمارے بچے مستقبل کے لیڈر بنیں۔ یاسر احمد نے کہا کہ دی ایگزا سکول بلا شبہ ایک معیاری تعلیمی ادارہ ہے جس میں بچوں کی راہنمائی اور تربیت کا بہترین بندوبست کیا گیا ہے۔ اس موقع پر بچوں نے ٹیبلو ‘ خاکے وغیرہ پیش کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)گجرات میں تعینات سکیورٹی انسپکٹر سیدمحمود احمد شاہ اور چوہدری خالد گجر کو ڈی ایس پی کے عہدہ پر ترقی دے دی گئی ہے گزشتہ روز ایڈیشنل آئی جی محمد طاہر اوراے ڈی آئی جی اطہر علی نے گوجرانوالہ میں سید محمود شاہ اور چوہدری خالد گجر کو ڈی ایس پی کے بیج لگائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گجرات میں تعینات رہنے والے انسپکٹر میاں توصیف احمد کو ترقی دے کر ڈی ایس پی بنا دیا گیا ہے شتہ روز ایڈیشنل آئی جی محمد طاہر اوراے ڈی آئی جی اطہر علی نے گوجرانوالہ نے میاں توصیف کو ڈی ایس پی کے بیج لگائے ،میاں توصیف احمد کو ڈی ایس پی بننے کے بعد پنڈی بھٹیاں تعینات کر دیا گیا ہے ڈی ایس پی پروموٹ پر سیاسی سماجی حلقوں نے مبارکباد پیش کی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)سابق چیف جسٹس آف پاکستان افتخار احمد چوہدری کے چھوٹے بھائی اسرار چوہدری وفات پاگئے ۔نمازے جنازہ 24نومبر بروز جمعرات دن 1:30بجے خالد مسجد گیلری گراونڈ لاہورمیں ادا کی جائے گی اور تدفین کوئٹہ میں کی جائے گی تفصیلات کے مطابق سابق چیف جسٹس آف سپریم کورٹ پاکستان و سربراہ پاکستان جسٹس ڈیموکریٹک پارٹی افتخار احمد چوہدری کے چھوٹے بھائی اسرار چوہدری سویڈن میں انتقال کرگئے ،جن کی میت سویڈن سے لاہور ائیرپورٹ پر لائی جائے گی اور نمازے جنازہ 24نومبر بروز جمعرات دن 1:30بجے خالد مسجد گیلری گراونڈ لاہور میں ادا کی جائے گی اور تدفین کوئٹہ میں کی جائے گی تمام احباب سے شرکت کی استداعا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)مرکزی راہنماP PJDخواتین ونگ میڈیم نائیلہ روبی سے اسلام باد میںچوہدری بدر السلام ایڈووکیٹ کی قیادت میںگجرات خواتین وفد کی خصوصی ملاقات ۔گجرات سے PJDPکی خواتین ونگ بنانے پر تبادلہ خیال۔گزشتہ روز سابق صدر گجرا ت بارو مرکزی صدر پنجابPJDP چوہدری بدر السلام ایڈووکیٹ کی قیادت میںگجرات سے خواتین کے وفد کی اسلام باد میںمرکزی راہنما PJDPمیڈیم نائیلہ روبی سے خصوصی ملاقات کی اور گجرات میںPJDPکی خواتین ونگ بنانے پر خصوصی تبادلہ خیال ہوا جس پر چوہدری بدرا لسلام ایڈووکیٹ نے کہاکہ ضلع گجرات میں ایسی خواتین ونگ ٹیم بنائیے گے جواپنے وطن پاکستان کیلئے حب الوطنی کا جذبہ رکھتی ہوںاور جوگھر گھر جاکر خواتین کے مسائل کے حل کیلئے اپنا عملی کردار ادا کریں اور PJDPکی مزید ممبر سازی اور ضلع بھر میںخواتین ونگ کو مظبوط کرنے کیلئے اہم کردار ادا کریں ،ایسے خواتین کو آگے لائیں گے جو پارٹی کو مزید فعال بنائے ،آخر میں انہوں نے کہاکہ گجرات میں بنائی جانے والی خواتین ونگ پر خصوصی غور کیا جا رہا ہے جس کافیصلہ مرکزی ٹیم کی مشاروت کے بعد کیا جائے گااور جلد ضلع گجرات میں ایک PJDPکی خواتین ونگ کی ٹیم قایم کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)یونین کونسل بدرمرجان میں ممبران کی اکثریت ہمارے ساتھ ہے چھ ممبران میرے ساتھ ہیں ان خیالات کا اظہار وائس چیئرمین راہنما پی ٹی آئی چوہدری اجمل حسین پیارا نے کیا۔ انہوں نے کہا کہ مخصوص سیٹوں پر ہمارے2ممبران بلامقابلہ کامیاب ہوئے جن میں ایک یوتھ اور ایک لیڈی ممبر شامل ہے جبکہ مخالفین کے دو ممبران بذریعہ قرعہ اندازی کامیاب ہوئے پھر بھی ان کے پاس اکثریت نہیں اکثریت ہمارے پاس ہے ہمارے ممبران کونسلر صوبیدار(ر) نذیر لدڑ، کونسلر تنویر چوہان تہال، کونسلر جمشید علی رانا بدر، یوتھ ممبر چوہدری عمر منور سندھاریہ، لیڈی کونسلر تسلیم بی بی چک سجاول شامل ہیں انہوں نے کہا کہ اگر غداری نہ ہوتی تو پی ٹی آئی بھاری اکثریت سے کامیاب ہوتی ہم عوامی مینڈیٹ کا مکمل احترام کرتے تھے اور آئندہ بھی کرتے رہیں گے یونین کونسل بدرمرجان کی خدمت ہی ہمارا مشن ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)کھاریاں شہر کی چیئرمینی کے لئے پارٹی جو فیصلہ کرے گی قبول کریں گے عوام افواہوں پر کان نہ دھریں انشاء اللہ شہر اور عوام کے وسیع تر مفاد کے لئے ہی فیصلہ ہو گا مشن صرف اور صرف شہر کی تعمیر و ترقی اور عوامی فلاح و بہبود ہے ان خیالات کا اظہار راہنما مسلم لیگ(ن) کھاریاں سٹی عبدالقیوم بھٹی (کونسلر) نے کیا۔ انہوں نے کہا کہ مخصوص سیٹوں کے الیکشن میں جو رزلٹ آیا وہ شہر کے لئے بہتر ثابت ہوگا مسلم لیگ(ن) پہلے بھی شہر کی تعمیر و ترقی کے لئے کوشاں ہے آئندہ بھی یہ سلسلہ جاری رہے گا کوٹلہ برادران MNA چوہدری عابد رضا اور MPA چوہدری شبیر احمد کی قیادت میں خدمت کا مشن جاری رکھیںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)اپنے امیر سراج الحق کی کال پر پاکستان سے کرپشن کے خاتمہ کے لئے اپنا بھرپور کردار ادا کریں گے جماعت نے جو بھی مہم چلائی ضلع گجرات میں اُس کو ہر لحاظ سے کامیاب بنائیں گے ان خیالات کا اظہار نائب امیر جماعت اسلامی ضلع گجرات سید ضیاء اللہ شاہ ایڈووکیٹ نے کیا۔ انہوں نے کہا کہ کرپشن کا ناسور ملک کو دیمک کی طرح چاٹ رہا ہے حکمران ملک کی بنیادیں کھوکھلی کر رہے ہیں اپنی اور اپنے بچوں کی تجوریاں بھرنے میں مصروف ہیں موجودہ حکمرانوں نے تاریخ کے سب سے زیادہ قرضے لینے کے تمام ریکارڈ توڑ دیئے ہیں جماعت اسلامی ملک سے کرپشن اور فرسودہ نظام کے خاتمے اور کرپٹ لوگوں کے بے رحمانہ احتساب تک جنگ جاری رکھے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (ایم عمر) مرکزی راہنما پاکستان مسلم لیگ ن میاں حمزہ شہباز کی آمدپرچیئرمین یوسی دھوریہ چوہدری افتخار حیدرکی قیادت میں درجنوں گاڑیوں اور موٹرسائیکل کی صورت میں جلسہ جلالپورجٹاں شرکت کی تفصیلات کے مطابق گذشتہ روز مرکزی راہنما پاکستان مسلم لیگ نMNAمیاں حمزہ شہباز کی جلالپورجٹاں آمد پر چیئرمین یوسی دھوریہ چوہدری افتخار حیدر کی قیادت میں درجنوں گاڑیوںا ور موٹرسائیکل ریلی تاج محل میرج ہال سے چوہدری شبیر کوٹلہ MPAکی قیادت میں جلا لپورجٹاں جلسہ میںشرکت کی اس موقع پر درجنوں کی تعداد میں موٹرسائیکل اور گاڑیو ں پر سینکڑوں کارکن تھے نمایاںشرکت کرنیوالوں میں چوہدری اعجاز تارڑ،چوہدری طارق محمد نمبردار مہمند چک،چوہدری اشفاق الحسن مہر چیئرمین یوسی مرالہ،چوہدری عدنان طارق مہر،چوہدری عمیر چدھڑ،نعمان ایوب چدھڑ،چوہدری یوسف کونسلر،،چوہدری صغیر کونسلر،چوہدری افضال بائو سینکڑوں افراد شریک تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)یونین کونسل بدرمرجان میں ممبران کی اکثریت ہمارے ساتھ ہے چھ ممبران میرے ساتھ ہیں ان خیالات کا اظہار وائس چیئرمین راہنما پی ٹی آئی چوہدری اجمل حسین پیارا نے کیا۔ انہوں نے کہا کہ مخصوص سیٹوں پر ہمارے2ممبران بلامقابلہ کامیاب ہوئے جن میں ایک یوتھ اور ایک لیڈی ممبر شامل ہے جبکہ مخالفین کے دو ممبران بذریعہ قرعہ اندازی کامیاب ہوئے پھر بھی ان کے پاس اکثریت نہیں اکثریت ہمارے پاس ہے ہمارے ممبران کونسلر صوبیدار(ر) نذیر لدڑ، کونسلر تنویر چوہان تہال، کونسلر جمشید علی رانا بدر، یوتھ ممبر چوہدری عمر منور سندھاریہ، لیڈی کونسلر تسلیم بی بی چک سجاول شامل ہیں انہوں نے کہا کہ اگر غداری نہ ہوتی تو پی ٹی آئی بھاری اکثریت سے کامیاب ہوتی ہم عوامی مینڈیٹ کا مکمل احترام کرتے تھے اور آئندہ بھی کرتے رہیں گے یونین کونسل بدرمرجان کی خدمت ہی ہمارا مشن ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)ملک عمران حسین جنرل کونسلر ڈوگہ یونین کونسل ڈوگہ نے کہا ہے کہ انشاء اللہ چوہدری تنویر کوٹلہ ہی ضلع گجرات کے چیئرمین منتخب ہوں گے قائدین میاں برادران زمینی حقائق کو مدنظر رکھتے ہوئے انہیں اپنا امیدوار نامزد کریں انشاء اللہ یہ بھاری اکثریت سے کامیاب ہوں گے اور ضلع گجرات کو بھی تعمیر و ترقی کے لئے مثالی بنائیں گے۔ MNA چوہدری عابد رضا کوٹلہ اورMPA چوہدری شبیر احمد حلقہ این اے 107 اور پی پی115 کی تاریخ ساز تعمیر و ترقی کروا رہے ہیں چوہدری تنویر احمد کوٹلہ ضلعی چیئرمین منتخب ہو کر اپنے بھائیوں کے تعمیر و ترقی کے مشن کو آگے بڑھائیں گے اور ضلع گجرات کو بھی نمایاں بنائیں گے۔ انہوں نے مزید کہا کہ ہم اپنے چیئرمین ملک محمد اشفاق ڈوگہ اور وائس چیئرمین حاجی راجہ فضل الرحمن مکوال کی زیر قیادت یونین کونسل کی تعمیر و ترقی اور عوامی خدمت کے لئے سرگرم عمل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) ہیل ویلفیئرسوسائٹی کے زیراہتمام منعقدہ کرکٹ ٹورنامنٹ کا فائنل سیدکلب دھنی نے جیت لیا۔ تفصیل کے مطابق یونین کونسل پنجن کسانہ کے نواحی گائوں ہیل ویلفیئر سوسائٹی کے زیراہتمام کرکٹ ٹورنامنٹ کا فائنل سید کلب دھنی اور علی چک کے درمیان کھیلا گیا جو سید کلب دھنی نے جیت لیا مہمانِ خصوصی راہنما پی ٹی آئی حلقہ این اے106 سید مدد علی شاہ اور سابق ایم پی اے چوہدری لیاقت علی بھدر نے جیتنے والی ٹیم کو8ہزار نقد اور ٹرافی انعام دیا اور وسرے نمبر پر آنے والی ٹیم کو 6ہزار اور ٹرافی انعام دیا دیگر مہمانوں میں چوہدری شاہد رضا باشنہ، چوہدری ناظم کالس برنالی اور امیدوار چیئرمین یونین کونسل پنجن کسانہ چوہدری شہزاد بابر، ظفر مہر، لیاقت پسوال، عرفان الحق سابق نائب ناظم نے شرکت کی اس موقع پر مہمانِ خصوصی سید مدد علی شاہ اور چوہدری لیاقت بھدر نے ہیل ویلفیئر سوسائٹی کے لئے چالیس ہزار روپے فنڈز دینے کا اعلان کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)تعلیمی معیار میں بہتری کیلئے پبلک اور پرائیویٹ سیکٹر کا آپس میں اشتراک ضروری ہے، آپس میں مل بیٹھنے سے بہت سے مسائل کا پائیدار حل تلاش کیاجاسکتا ہے ۔ دیرپا ملکی ترقی وخوشحالی کیلئے بے لوث ہوکر ہمیں نئی نسل کی تربیت کرنا ہوگی۔ ان خیالات کا اظہار محکمہ تعلیم کے افسران ڈسٹرکٹ ایجوکیشن افسر ایلیمنٹری سکولز گوجرانوالہ ملک محمد سلیم، ڈپٹی ڈسٹرکٹ ایجوکیشن سکینڈری وکنونیئر پرائیویٹ سکولز ثاقب شعیب اور دیگر نے وزیرآبادچیمبر آف ایجوکیشن کے عہدیداران کیساتھ اجلاس میں کیا۔اس موقع پر ڈپٹی ڈی اوقمر الزمان،صدر محمداشفاق وڑائچ،ڈائریکٹر دی ایجوکیٹرزسکول محمدعمران بھٹی،ریجنل ڈائریکٹردار ارقم سکولزصابر حسین بٹ،اے ای اوزآفتاب صادق چیمہ،محمدارشد سیال،محمدفیاض،ڈائریکٹرالائیڈ سکول عرفان یوسف چوہدری،ڈائریکٹر الفارابی سکول شہزاداحمد،سجاد احمدمدنی،ڈائریکٹردار اروم سکولزمحمدفاروق مرزا،محمدنعیم،روحیل باٹھ ،جمشید چٹھہ بھی موجودتھے۔ڈسٹرکٹ ایجوکیشن افسرملک محمد سلیم نے کہا کہ پبلک اور پرائیویٹ سیکٹر ٹرین کی پٹریوں کی طرح ہیں جن کی منزل ایک ہی ہے وہ فروغ تعلیم اور معیار تعلیم میں بہتری ہے ہمیں مستقبل کے معماروں نئی نسل کی کردار سازی اور تربیت کیلئے نیک نیتی سے کردار ادا کرنا چاہئے ۔کسی بھی قوم کے مستقبل کا انحصار اس کی نوجوان نسل پر ہوتا ہے اگر نئی نسل صحیح راستے پر گامزن ہو گی تو ایک ترقی یافتہ قوم وجود میں آئے گی ۔انہوں نے چیمبر آف ایجوکیشن کی جانب سے تعلیمی شعبہ کو درپیش رکاوٹوں کے خاتمہ اور نظام تعلیم کو مزید بہتری کیلئے سرکاری سیکٹر کے ساتھ تعاون کرنے کی کوششوں کی تعریف کی اور کہا کہ تعلیمی اداروں کو فعال بنانے اور وہاں زیر تعلیم طلباء و طالبات کی تعلیم و تربیت پر خصوصی توجہ دینے سے بہترین نتائج حاصل کئے جاسکتے ہیں۔انہوں نے کہا کہ تعلیم کو عام کرنا حکومتی ترجیحات میں شامل ہے اور اس مقصد کیلئے پرائیویٹ سیکٹرکو بھرپور ریلیف دیا جارہا ہے چیف منسٹر روڈ میپ پر عملدرآمد سے تعلیمی معیار کو بہتر سے بہترین بنایا جارہا ہے۔انہوں نے پرائیویٹ تعلیمی اداروں کے سربراہان کے نام خصوصی پیغام میں اس بات پر ضرور دیا کہ پبلک سیکٹر کی طرح نجی سیکٹر کو بھی زیادہ سے زیادہ بچوں کو تعلیمی دائرہ کار میں لانا چاہئے غریب خاندانوں کے بچوںکی تعلیمی کفالت سے ہم ایسا معاشرہ پروان چڑھا سکتے ہیں جسے کسی میدان میں ناکامی کا سامنا نہیں کرنا پڑے گا۔ ثاقب شعیب اور دیگر افسران نے کہا کہ حکومت سرکاری سکولوں میں زیادہ سے زیادہ سہولتیں فراہم کررہی ہے گزشتہ سالوں کی نسبت عوام کی جانب سے سرکاری تعلیمی اداروں پر اعتماد میں اضافہ ہوا ہے اور سکولوں میں بچے بچیوں کے داخل ہونے کی تعداد میں ریکارڈ اضافہ ہوا ہے۔ انہوں نے کہاکہ سکولوں کے سربراہان،اساتذہ پنجاب ایگزمینیشن کمیشن کیساتھ زیادہ سے زیادہ طلبا وطالبات کو رجسٹرڈ کرواکے معاشرے کی بہتری ،فروغ تعلیم کیلئے حکومتی کوششوں میں معاون ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)ممبرصوبائی اسمبلی شوکت منظورچیمہ کاچیئرمین کے الیکشن میں حمایت کے لئے جماعت اسلا می سے رابطہ۔تفصیلات کے مطابق ایم پی اے شوکت منظورچیمہ اورامیدوارچیئرمین وزیرآبادبابو محمدشعیب ادریس نے جماعت اسلا می کی سیاسی کمیٹی کے سیکرٹری جنرل صابر حسین بٹ سے ملقات کی۔اس موقع پر عدنان انورکھرل،محمدفاروق مرزابھی موجودتھے۔انہوںنے کہا کہ وزیرآبادمیںشرافت کی سیاست کوفروغ دینے اورکرپشن مافیا کاتمہ کے لئے ہمارا ساتھ دینا چاہئے اوراس سلسلہ میںہم جماعت اسلا می کی اعلیٰ قیادت سے بھی رابطہ کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)ناقص سیوریج اور ڈرین نالیوں کی ٹوٹ پھوٹ سے جناح کالونی اور ماڈل کالونی میں گندا پانی جوہڑ کی شکل اختیار کر گیا۔اہل علاقہ کا شدید احتجاج۔مذ کورہ جگہوں پر کئی ماہ سے سیوریج اور نالیوں کا گندہ بدبودار پانی ماڈل کالونی کے وسط اور معروف تعلیمی درس گاہ کے ساتھ جوہڑ کی شکل اختیار کر جانے کے باعث مچھروں کی نرسری کی صورت اختیار کر جانے سے ڈینگی بخار اور مہلک بیماریوں کا سبب بن چکا ہے اور اہل مکین بیماریوں میں مبتلا ہو رہے ہیں ۔اہل علاقہ کی شکایت کے باوجود ٹی ایم اے حکام ٹس سے مس نہیں ہو رہے جبکہ جناح کالونی کی گلی سیوریج کے پانی میں ڈوبی رہنے سے لوگوں کا گذرنا محال ہو چکا ہے گندگی کے باعث لوگوں میں ہیپا ٹاٹس اور پیٹ کی موزی بیماریاں روز بروز بڑھتی جا رہی ہیں لوگ سخت ازیت اور کرب کا شکار ہیںعلاقہ مکینوں نے حکام کے خلاف سخت احتجاج کرتے ہوئے اسسٹنٹ کمشنر وزیرآباد انور بریار اور میونسپل انتظامیہ سے فوری طور پر گندے پانی کی نکاسی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیالکوٹ(جی پی آئی)سابق مئیر ڈاکٹر محمد اشرف ارائیں نے کہا ہے کہ سیالکوٹ کی عوام کو صحت کی سہولیات فراہم کر کے لیے ہمارے دو ادارے کام کر رہے ہیں جن مین بلا تمیز ہر شہری کو طبی سولیات دی جارہی ہیں ان خیالات کا اظہار انہوں نے سیالکوٹ چیمبر کے سابق نائب صدر خاور سپال کے صاحبزادے انشال خاور سپال یونیورسٹی طلبہ کی جانب سے اکھٹے کئے گئے75ہزار روپے سیالکوٹ میڈیکل کمپلیکس اور الحدمت ہسپتال کے مستحق مریضوں کے علاج معالجے کے لیے چیک دیتے ہوئے کیا اس موقع طالبعلم انشال خاور سپال نے کہا کہ ہم طالبہ اور طالبات نے اپنی پاکٹ منی سے فنڈ ریزنگ کر کے پچاس ہزار روپے سیالکیوٹ میڈیکل کمپلیکس اور پیچس ہزار روپے الخدمت ہسپتال کو اکھٹے کر کے دئی ہیں انہوں نے بتایا کہ ہم نے انسانی خدمت کے جزبے سے سرشار ہو کر فنڈ ریزنگ کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی)پاکستان تحریک انصاف سندھ کے صدر ایم این اے ڈاکٹر عارف علوی نے انصاف ہاوس کراچی میںاسٹیل مل ملازمین اور انصاف ورکر اتحاد کے رہنماوں کے ہمراہ پریس کانفرنس کرتے ہوئے کہا کہ حکمرانوں نے اسٹیل مل کو تباہ کردیا ہے نواز شریف کی حکومت اتفاق فاونڈری تو چلا سکتی ہے مگر پاکستان اسٹیل مل نہیں چلا سکتی اسٹیل مل بند پڑا ہے ملازمین کو کئی ماہ سے تنخواہیں نہیں دی جارہی ہیں حکومت کے پاس اسٹیل مل چلانے کے حوالے سے کوئی پلان نہیں ہے ان کے پاس صرف ایک ہی پلان ہے کہ بس بیچ دو جس طرح انہوں نے پی آئی اے کو بیچنے کا ارادہ کیا اور جب پی ٹی آئی نے اس پر آواز اٹھائی تب جاکہ انہوں نے تھوڑا بہت اسے چلانے کہ قابل بنایا اسٹیل مل کے ملازمین اپنے حقوق کے لیے احتجاج کر رہے تھے ان کے مطالبات ماننے کی بجاء انہیں شوکاز نوٹسز اور ایف آء آر کٹوائیں گئی ہیں ہم مطالبہ کرتے ہیں کہ فوری طور پر یہ سب واپس لیے جائیں ہم حکومت کو پندرہ دن کا الٹی میٹم دیتے ہیں اگر اسٹیل مل ملازمین کے مطالبات نہ مانے گئے تو مزدوروں کے ساتھ ملکر ان کے مشورے سے ہم نیشنل ہاء وے اور ریلوے ٹریک بند کرسکتے ہیں ، اس موقع پر ان کے ہمراہ لیبرونگ سندھ کے صدر گل نمروز خان ،نصرت واحد، نعیم عادل شیخ ، سربلند خان ، فضل وہاب ، اسٹیل مل ورکرز اتحاد کے رہنما یاسین جامڑو ، سرور نیازی ، یحی خان ، مقبول کھوڑو ، عبدالرسول بلالی ، علی رضا اور دیگر بھی موجود تھے ہم مزدوروں کے ساتھ کھڑے ہیں پاکستان پیپلز پارٹی اور مسلم لیگ ن مزدوروں کے حقوق کی بات تو کرتی ہے مگر ان کا ساتھ دینے کے لیے تیار نہیں ھکومت مزدوروں کے چولہے ٹھنڈے کررکے اپنی جیبیں بھرنے میں مصروف ہیں ، مزدور طبقہ پستا جارہا ہے غریب غریب ہوتا جارہا ہے اور امیر طبقہ اور امیر ہوتا جارہا ہے ۔گڈانی پر سانحہ پیش آیا اورحکومت نے اب وہاں پر سیکشن 144لگا دیا ہے جس سے سارا کام بند ہوچکا ہے اور مزدور فاقہ کشی کی حالت میں ہیں ساری ملیں اور انڈسٹریز بند کردی گئی ہیں صرف نواز شریف کی انڈسٹری چل رہی ہے مطالبہ کرتے ہیں کہ فوری طور وہاں سے 144ہٹایا جائے سالانہ 12ارب ٹکس گڈانی سے سرکار کے خزانے میں جمع ہوتا ہے اس واقعے کی شفاف تحقیقات کی جائے اس میں ملوث اصل ملزمان کو سامنے لایا جائے لواحقین سے کئے گئے واعدوں میں سے ایک بھی حکومت پورا نہیں کرسکی ہے فوری طور پر شہداء کے ورثاء اور زخمیوں کو معاوضہ دیا جائے گڈانی میں جو ہسپتال موجود ہے اس کی حالت بدتر ہے کسی قسم کی سہولت وہاں پر موجود نہیں ہے ،پیپلز پارٹی پانامہ کیس میں سنجیدہ نہیں بس تاریخ پر تاریخ دے رہیں تب تک ہم خد ہی اس پاانمہ کیس سے نمٹ لیں گے پیپلز پارٹی ن لیگ کے سامنے کھڑی نہیں ہوسکتی ۔ ایک سوال کے جواب میں ڈاکٹر عارف علوی نے کہا کہ ہم مزدوروں کے حقوق کی ترجمانی کررہی ہیں ان کے مشورے سے ہم لائحہ عمل طئہ کریں گے ، 68سال میں ملک کو لوٹا گیا مگر ملک میں پہلی بار واھد جماعت تحریک انصاف ہے جو کرپشن سمیت دیگر کیسز میں کھڑی ہے ۔ پانامہ کیس میں سپریم کورٹ اچھا فیصلہ کرے گی اور وہ فیصلہ پاکستان کی تاریخ میں بہترین فیصلہ ہوگا ،اسٹیل مل کے ملازمین جو دھرنے پر بیٹھے ہوئے تھے انہوں نے ہمارے کہنے پر دھرنا ختم کیا ہے اور اگر پندرہ دن کے بعد حکومت نے اگر کوئی ایکشن نہیں لیا مزدوروں کے مطالبات نہیں مانے گئے تو مزدوروں کے مشورے سے ان کے ساتھ ملکر نیشنل ہاء وے اور ریلوے ٹریک بند کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)پاکستان پیپلز پارٹی( شہید بھٹو ) پنجاب کا اجلاس گزشتہ روز ڈاکٹر مبشر حسن کی صدارت میں انکی رہائش گاہ گلبرک لاہور میں منعقد ہوا۔ اجلاس میں پیپلز پارٹی (ش ب) کا48 واں یوم ِ تاسیس 30 نومبر بروز بدھ کو ڈاکٹر مبشر حسن کی رہائش پر منانے کا فیصلہ کیا گیا ۔ یاد رہے یہ یوم ِ تاسیس اس لحاظ سے اہم اور تاریخی ہو گا کہ 1967 ء میں ذوالفقار علی بھٹو نے پاکستان پیپلز پارٹی کی بنیاد اسی جگہ رکھی تھی۔ پارٹی چیئر پر سن غنوی بھٹو کراچی سے خصوصی طور پر شرکت کریں گی اس کے علاوہ بھٹو کے دیرینہ ساتھی اور سابق وفاقی وزیر ڈاکٹر غلام حسین ،سابق گورنر پنجاب غلام مصطفی کھر ، میاں احسان الحق، میاں اسلم ، قیوم نظامی ، حسین نقی اور ڈاکٹر مہدی حسن اور ملک بھر سے پارٹی رہنمااورکارکنان بھی شرکت کریں گے ۔اجلاس میں پنجاب پیپلز پارٹی ( ش ب ) کے جنرل سیکریٹری جاوید معظم لاہور کے صدر نصر علی شاہ ، آصف بٹ، مرزا رفیع، شہزادہ مزمل ، علی حسن چشتی، تنویر خان،میاں ادریس، حسنین احمد، جابر علی ، قمر خان، سرفراز احمد ، عظیم طارق اور خالد احمد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)روہنگیا کے مسلمانوں پر ہونے والے انسانیت سوز مظالم پر عالم اسلام کی خاموشی افسوسناک ہے۔ عالمی انسانی حقوق کے ادارے ،اقوام متحدہ اور اسلامی سربراہی کانفرنس مجرمانہ خاموشی کو ختم کرکے روہنگیاکے مسلمانوں کیلئے عملی اقدامات اٹھائیں۔علماء ،خطباء ، آئمہ 25نومبر کو جمعہ کے خطبات میں روہنگیا کے مظلوم مسلمانوں پر ہونے والے مظالم سے عوام الناس کو آگاہ کریں ۔یہ بات پاکستان علماء کونسل کے مرکزی چیئرمین اور وفاق المساجد پاکستان کے صدر حافظ محمد طاہر محمود اشرفی نے پاکستان علماء کونسل بلوچستان کے وفد سے ملاقات کرتے ہوئے کہی۔ وفد میں صوبائی صدر مفتی وحید احمد سواتی،مولانامحمد جہانزیب ،قاری فیصل محمود ، مولانا بلال قاسمی،مولانا یوسف عثمانی ودیگر بھی شامل تھے۔ حافظ محمد طاہر محمود اشرفی نے کہا کہ پاکستان علماء کونسل روہنگیا کے مظلوم مسلمانوں پر ہونے والے مظالم کیخلاف ہر سطح پر آواز بلند کرتی رہے گی۔ عالم اسلام کی قیادت کو امت مسلمہ کے مسائل کے حل کیلئے متحد ہو کر سنجیدہ کوششیں کرنا ہوں گی۔ روہنگیا،شام،عراق،فلسطین،کشمیر میں بے گناہ مسلمانوں کے بہنے والے خون کو روکنے کیلئے امت مسلمہ کو متحد ہونا ہوگا۔ انہوں نے علماء ،خطباء ،آئمہ سے اپیل کرتے ہوئے کہا کہ وہ 25نومبر کو اپنے جمعہ کے خطبات میں روہنگیا کے مظلوم مسلمانوں کے ساتھ یکجہتی کا اظہار کریں اورروہنگیا کے مظلوم مسلمانوں پر ہونے والے مظالم سے عوام الناس کونہ صرف آگاہ کریں بلکہ ان پر ہونے والے مظالم کیخلاف ہر سطح پر آواز بھی بلند کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)سڑکوں پر جابجا کنسٹرکشن میٹریل کے ڈھیر اندورن شہر ریڑھیوں ،دوکانوں کے تھڑوں دن کے اوقات میں اندرون شہر سڑکوں اور ٹریکٹر ٹرالیوں کی بھرمار سے بھمبر کے شہری عاجز آگئے سماہنی چوک تا کوٹھی موڑ تک اکثر ٹریفک جام سکول اوقات رش میں انتہائی اضافہ اندرون شہر میلاد چوک ،سبزی چوک ،مین بازار ،سکول روڈ ،مسلم بازار میں ٹریفک پولیس اہلکار تعینات نہ ہونے کے باعث عوام کو شدید مشکلات کا سامنا ٹریفک جام سے گاڑیوں اور موٹر سائیکل سواروں کے درمیان جھگڑے معمول بن گئے انتظامیہ ،بلدیہ اور ٹریفک پولیس کی غفلت اور عدم توجہی عوام کیلئے وبال جان بن گئی بھمبرکے عوامی اور شہری حلقوں کا ڈپٹی کمشنر بھمبر سے نوٹس لینے کا مطالبہ تفصیلات کیمطابق بھمبرمیں تجاوزات اورمافیا نے پنجے گاڑ لیے ضلعی انتظامیہ ،بلدیہ اور ٹریفک پولیس کی اپنے فرائض سے چشم پوشی اور ذمہ داروں کیطرف سے نوٹس نہ لیے جانے کے باعث بھمبر کے بازار سکڑ کر رہ گئے اندرون شہر سڑکوں پر کنسٹرکشن میٹیریل کی بہتات بڑی گاڑیوں ٹرکوں ،ڈمپروں اور ٹریکٹر ٹرالیوں کی اندرون شہر ٹریفک جام کا باعث بن رہے ہیں جس سے سکول اوقات میں طلباء وطالبات اور بازاروں میں ریڑھیوں اور دوکانداروں کے بے جا تھڑے اور تجاوزات کے باعث بازار سکڑ کر رہ گئے جس کی وجہ سے راہگیروں خریداروں اور بالخصوص خواتین اور بچوں کو سخت دشواری کا سامنا کرنا پڑ رہا ہے بھمبر کے عوامی شہری سماجی حلقوں نے بھمبر میں تعینات ہونیو الے نئے ڈپٹی کمشنر سردار عدنان خورشید سے مطالبہ کیاہے کہ بھمبر شہر میںدن کے اوقات میں بڑی گاڑیوں کے داخلے پر پابندی عائد کے کیساتھ ساتھ سڑکوں پر جا بجا پڑے کنسٹرکشن میٹریل کے ڈھیر اٹھوانے اور اندرون شہر دن 11بجے سے دن 2بجے تک ٹریفک پولیس اہلکار تعینات کرنے کا مطالبہ کیا ہے اور اصلاح و احوال کی استدعا کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)تنازعہ کشمیر کا حل ناگزیر ہوچکا سردار عتیق احمدخان کی طرف سے منحوس کنٹرول لائن روند ڈالنے کا فیصلہ نیک شگون ہے 24نومبر آذادکشمیر کی تاریخ میں سنگ میل کی حیثیت اختیار کرے گا بھمبرکے عوام 24نومبر کو کنٹرول لائن عبور کرنے کیلئے مارچ میں بھرپور شرکت کریں ان خیالات کااظہار بھمبر کے سیاسی سماجی راہنماؤں راجہ آفتاب اور ماسٹر بشیر بٹ نے اپنے مشترکہ بیان میں کیا اس موقع پر انہوںنے کہاکہ بھمبر کے غیور عوام نے ہمیشہ تحریک آزادی کشمیر میں ہر دور کے اندر بھرپور شرکت کو یقینی بنائیں اب یہ وقت آگیا ہے کہ مقبوضہ کشمیر کے عوام کی مدد کیلئے یک جان ہو کر کنٹرول لائن کو عبور کرکر مقبوضہ کشمیر کے بھائیوں سے اظہار یکجہتی کیا جائے انہوںنے کہاکہ موت اٹل حقیقت ہے او رہم کنٹرول لائن عبور کرنے کیلئے اپنی جانوں کے نذرانے دینے کیلئے تیار ہیں 24نومبر آزادکشمیر کی تاریخ کا اہم ترین دن ہو گا جو کہ تحریک آذادکشمیر میںایک سنگ میل کی حیثیت اختیار کرے گا انہوںنے کہاکہ 24نومبر کو بھمبر کے عوام اور بالخصوص نوجوان کنٹرول لائن کراسنگ میں بھرپور شرکت کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) لائن آف کنٹرول پر بھارتی افواج بلا اشتعال فائرنگ کھلی دہشتگردی ہے بھارت آذادکشمیر کے سرحدی علاقوں میں بزدلانہ کا رروائیاں بند کرے بھارتی افواج پاکستان کی خاموشی کو کمزوری بی سمجھے کشمیری افواج پاکستان کیساتھ کھڑے ہیں بھارت کی جارحیت کا ڈٹ کر مقابلہ کرینگے ان خیالات کااظہار راجہ اسد بشیر اور راجہ نعیم اقبال آف بنڈالہ نے اپنے مشترکہ بیان میں کیاانہوںنے کہاکہ بھارتی افواج مقبوضہ کشمیر اور لائن آف کنٹرول پر ظلم وستم کا بازار بند کرے بھارتی افواج سرحدی علاقوں پر بلا اشتعال فائرنگ کرکے کنٹرول لائن پر بسنے والوں کے عزم و حوصلے پست نہیں کر سکتی کنٹرول لائن پر بسنے والے عوام پاکستان کا دفاعی حصار ہیں اور افواج پاکستان کیساتھ شانہ بشانہ کھڑے ہیں اگر بھارت نے کسی بھی قسم کی جارحیت کی تو کنٹرول لائن کے عوام بھارت کو افواج پاکستان کیساتھ ملکر ناکوں چنے چبوائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)اسسٹنٹ کمشنر کا بلدیہ ایڈمنسٹریٹر کے ہمراہ تجاوزات کیخلاف آپریشن کوٹھی موڑ تا سماہنی چوک تک ناجائز تجاوزات اور تھڑے مسمار دوکانوں کے باہر ہولڈنگ بورڈ ،کیبن ضبط ،ریڑھیاں بھ ہٹوا دیں شہریوں کا اظہار اطمینان سڑک پر جابجا بڑی گاڑیوں کی پارکنگ ختم کروانے کا مطالبہ تفصیلات کیمطابق سماہنی چوک سے لیکر کوٹھی موڑ تک مین شاہراہ پر تجاوزات کی بھرمار تھی جس پر عوامی شکایات پر اسسٹنٹ کمشر بھمبر راجہ طارق محمود نے گزشتہ روز ایڈمنسٹریٹر بلدیہ چوہدری فیاض حسین ،نائب تحصیلدار راجہ نثار احمد اورپولیس و بلدیہ اہلکارن کی بھاری نفری کے ہمراہ کوٹھی موڑ سے لیکر سماہنی چوک اور سماہنی روڈ تک تجاوزات کیخلاف بلا تفریق آپریشن کیا اس دوران دوکانوں کے آگے بنائے گئے تھڑے اور دیگر تجاوزات مسمار کر دی گئیں جبکہ دوکانوں کے باہر لگے غیر ضروری بورڈ ،سامان اور کیبن وغیرہ اٹھوالیے گئے جبکہ سڑک کنارے لگی فروٹ اور سبزی کی ریڑھیاں بھی ہٹوالی گئی اس موقع پر متعدد دوکانداروں کو وارننگ اور کئی ایک کو جرمانے بھی کیے گئے تجاوزات کیخلاف آپریشن کے دوران اسسٹنٹ کمشنر راجہ طارق محمود خان نے کہاکہ کسی کو بھی دوکانوں کے آگے ناجائز تجاوزات نہیں بنانے دینگے تجاوزات کے باعث ٹریفک جام اور راہگیروں کو گزرنے میں مشکلات درپیش ہیں سماہنی چوک تا کوٹھی موڑ مین روڈ ہے اور LOCسے زخمیوں کولانے والی ایمبولینسز بھی یہی راستہ استعمال کرتی ہیں دوکاندار انتظامیہ سے تعاون کریں اور آئندہ کسی بھی قسم کی تجاوزات کے ذریعے رکاوٹ کھڑی نہ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)ضلع بھمبر کے سرحدی علاقوں میں بھارتی افواج کی کئی روز سے جاری بلا اشتعال فائرنگ کے پیش نظر ایمرجنسی کے نفاذ کے موقع پر LOCکے زخمیوں کیلئے بھمبر بلڈ بنک کا ایمرجنسی سے نمٹنے کیلئے MDSاور ڈسٹرکٹ ہسپتال کو فری بلڈ کا عطیہ ضلعی انتظامیہ بلڈ گروپنگ کیمپ کیلئے تعاون کرے لائن آف کنٹرول پر بھارتی شیلنگ سے متاثرہ افراد کو ہرصورت خون کی فراہمی یقینی بنائیںگے بھمبر بلڈ بنک کی انتظامیہ کا موقف تفصیلات کیمطابق گزشتہ روز تحصیل سماہنی میں لائن آف کنٹرول پر بھارتی افواج کی بلا اشتعال فائرنگ اور گولہ باری کے باعث متعدد افراد زخمی ہو گئے جنہیں فوری طور پر ایمبولینسز کے ذریعے بھمبر کے سول اور فوجی ہسپتالوں میں منتقل کیا گیا کنٹرول لائن پر ایمرجنسی کے باعث ڈسٹرکٹ ہیلتھ آفیسر ڈاکٹر اقبال حسین چوہدری سے شدید زخمیوں کی ٹریٹ منٹ کیلئے بھمبر بلڈ بنک کا دورہ کیا اور بلڈ بنک انتظامیہ سے شدید ذخمیوں کیلئے خون عطیہ کرنے کی اپیل کی جس پر بھمبر بلڈ بنک انتظامیہ نے فوری طور پر ایمرجنسی سے نمٹنے کیلئے MDSاور ڈسٹرکٹ ہیڈ کوارٹر ہسپتال کے شعبہ ایمرجنسی میں وافر مقدار میں بلڈ پہنچا دیا گزشتہ روز بلڈ بنک بھمبرکی انتظامیہ نے بھی ایمرجنسی حالات میں خون کی بلا تعطل فراہمی کیلئے ضلعی انتظامیہ سے بلڈ گروپنگ کیمپ لگانے کیلئے تعاون کی استدعا کی اور کہاکہ انتظامیہ اور محکمہ صحت بھمبر بھمبر بلڈ بنک سے بلڈ گروپنگ کیمپ لگانے کیلئے تعاون کرے انشاء اللہ کسی بھی سرحدی حادثے کی صورت میں ہسپتالوں میں انسانی زندگیاں بچانے کیلئے خون کی ضروریات کو پورا کیا جائیگا دریں اثناء بلڈ بنک بھمبرکی انتظامیہ کیطرف سے لائن آف کنٹرول کے لوگوں کیلئے فوری طورپر خون کے عطیات کی فراہمی پر ڈسٹرکٹ ہیلتھ آفیسر ڈاکٹر اقبال حسین چوہدری ،ضلعی ڈرگ انسپکٹرڈاکٹر ظہیر اقبال نے بھی بلڈ بنک بھمبرکی انتظامیہ کی طرف سے فوری طورپر زخمیوں کیلئے خون کی فراہمی اور بھرپور تعاون کو سراہا اور انک شکریہ ادا کیا اور بھمبربلڈ بنک کو بھی اپنے بھرپور تعاون کا یقین دلایا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)ملزم ہارون رشید ولد چمن ساکنہ شاہدرہ وتکے مینگورہ کو ایڈیشنل سیشن جج سید عبیداللہ شا ہ ششم سوات نے ان کے مقدمہ پر فیصلہ سنا دیا۔ملزم پر منشیات فروشی کا الزام تھا۔جبکہ جرم ثابت ہونے پر3سال قید اور 20 ہزار روپے جرمانہ کی سزا سنا دی ۔ اور جرمانہ وقت پر ادا نہ کرنے کی صورت میں مزید تین ماہ قید ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)ڈسٹرکٹ پولیس آفیسر عباس مجید خان مروت نے چارج سنبھالتے ہی اشتہاروں کیخلاف گھیرا تنگ کردیا ۔قتل،اقدام قتل ،اغوائیگی اور دہشتگردی جیسے سنگین مقدمات میں پولیس کو انتہائی مطلوب مجرمان اشتہاری میں 30مجر مان اشتہاری گرفتارڈسٹرکٹ پولیس آفیسر عباس مجید خان مروت نے چارج سنبھالتے ہی اشتہاریوں کیخلاف گھیرا تنگ کردیا ،مجرمان اشتہاری کیخلاف مہم شروع کرکے ضلع بھر کے تمام داخلی وخارجی راستوں پر فول پروف ناکہ بندیاں کرتے ہوئے ایک ہفتہ کے قلیل مدت میں قتل،اقدام قتل ،اغوائیگی اور دہشتگردی جیسے سنگین مقدمات میں پولیس کو انتہائی مطلوب مجرمان اشتہاری میں 30مجر مان اشتہاری گرفتارکرلئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)ڈرگ انسپکٹر سوات مصطفی انور اور کوارڈینیٹر ڈی ایچ او سوات آفس نے مورخہ21/11/2016کو ڈینٹل پریکٹشنر کے خلاف کاروائی کرتے ہوے دو غیر رجسٹر ڈینٹل کلینکوں کو بند کیا اور متعدد کو خبردار کیا کہ جو کوئی بھی یہ پریکٹس کر ے گا وہ حفظان صحت کے اصولوں کو مد نظر رکھ کر پریکٹس کر یگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)گذشتہ روز کبل ہزارہ میں 18سالہ نوجوان کو بے در دی سے قتل کرنے والے دو ملزمان کو پولیس نے گرفتار کر لیا ملزمان کا اعتراف جرم پولیس نے آلہ قتل سمیت اہم شواہد برآمد کرکے مقدمہ درج کر لیا تفصیلات کے مطابق گذشتہ روز تحصیل کبل کے علا قہ ہزارہ میں چھریوں سے قتل شدہ سلیمان ولد آمن خان سکنہ ہزارہ کے قتل میں ملوث دو افراد کو پولیس نے گرفتار کرنے کا دعویٰ SHOکبل کے مطابق ملزمان غزن ولد افسر ، شعیب ولد احمد نے مقتول کے سا تھ جھگڑا ہوا تھا جو بعد ازا ں رات کے وقت گھر سے نکال کر چھریوں سے وار کرکے قتل کرنے کے بعد پانی میں ڈبو دیا پولیس نے بروقت کاروائی کر کے ملزمان کو گرفتار کر لیا ملزمان نے دوران تفتیش قتل کا اعتراف کر تے ہوئے نشاندہی پر آلہ قتل سمیت اہم شواہد حا صل کی گئی جس پر کبل پولیس نے مقدمہ درج کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی) CDOتنظیم کے طرف سے کبل ڈگری کالج اور ہائیر سیکنڈری سکول کبل میں بلڈ گروپینگ کا انعقاد CDOکی جانب سے ڈاکٹر خان ڈگری کالج کبل اور ہائیر سیکنڈر سکول کبل میں مفت بلڈ گروپینگ کا انعقاد کیا گیا بلڈ گروپینگ میں طلباء کی طرف سے بھر پور تعاون فراہم کیا گیا طلباء نے اس عزم کا اظہار کیا کہ کسی بھی نا گہانی صورتحال میں ہم خدمات فراہم کرنے کو تیار رہینگے بلڈ گروپنگ میں CDOکے تمام ارکان شریک ہوئے سکول اور کالج کے پرنسپلزاور طلباء نے CDOکے سر گرمیوں کو سرا ہا اور اپنے طرف سے تعاون کی یقین دہانی کرائیں میڈیاارگنائزرCDOشمس الرحمان کے پریس ریلیز کے مطابق اس طرح کے سر گرمیوں کو سکول اور کالجز تک وسیع کیا جائے گا اور پوری سوات میں اس کا جال بچھا دیا جائے گا۔ کیونکہ یہ خدمت خلق کا مقدس پروگرام ہے جس میں CDOکے تمام ارکان اخلاص کے سا تھ شرکت کر رہے ہیںلہٰذا علاقہ مشران اور عوام الناس سے رہنمائی اور تعاون کی اپیل کی جا تی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)وطن پال یوتھ آرگنائزیشن کی ضلعی تنظیم کے قیام کیلئے حلقہ پی کے اسی کا اجلاس طلب،امیدواروں سے درخواستیں وصول کی جائیںگی،اس حوالے سے قومی وطن پارٹی کی ذیلی تنظیم وطن پال یوتھ آرگنائزیشن کے صوبائی آرگنائزر انوراقبال بالے عیسیٰ خیل نے ایک اخباری بیان جاری کیا ہے جس کے مطابق وطن پال یوتھ آرگنائزیشن کا اجلاس چوبیس نومبر کو پارٹی کے دفترمیں ہوگا جس میں ضلعی تنظیم کے قیام کیلئے امیدواروں سے درخواستیں طلب کی جائیںگی ،انہوںنے تمام امیدواروں اور کارکنوں سے اجلاس میں بروقت شرکت یقینی بنانے کی ہدایت کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)برتھانے باباجی کانفرنس کیلئے تیاریوںکو آخری شکل دے دی گئی،جمعیت علماء اسلام کے کارکن اور علاقے کے عوام بھرپور شرکت کریںگے،کانفرنس سے سینٹ کے ڈپٹی چیئرمین مولانا عبدالغفورحیدری ودیگر قائدین خطاب کریںگے،اس حوالے سے جمعیت علماء اسلام حلقہ پی کے 80کے جنرل سیکرٹری اعجازخان نے میڈیا کو بتایا کہ برتھانے باباجی کانفرنس چھبیس نومبرکو مٹہ میں منعقدہوگی اوراس عظیم الشان کانفرنس کیلئے تیاریاںمکمل کی جاچکی ہیں،انہوںنے کہاکہ کانفرنس سے سینٹ کے ڈپٹی چیئرمین مولانا عبدالغفورحیدری اوردیگر قائدین خطاب کریںگے جس میں جمعیت علماء اسلام کے کارکن اور عوام کثیرتعدادشرکت کریںگے اوربرتھانے بابا جی کو خراج عقیدت پیش کریںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)چیئرمین ڈیڈیک سوات فضل حکیم خان نے کہا کہ جہانزیب کالج کو 38کروڑ روپے کی لاگت سے اپنے پرانے نقشے کے عین مطابق تعمیر کیا جاے گا جو والئی سوات کی طرز تعمیر کا حکومت اور عوام کی جانب سے بہترین اعتراف ہے۔وہ ڈی سی سوات کے دفتر میں منعقدہ ڈیڈیک اجلاس کی صدارت کر رہے تھے۔ایم پی اے عزیزاللہ گران ،ڈی سی سوات عاطف رحمان ،اے ڈی سی غلام سعید خان،سوات کے منتخب ارکان اسمبلی کے نمائندوں اور تحصیل ناظم بابوزئی اکرام خان کے علاوہ تمام محکموں کے آفسران نے اجلاس میں شرکت کی۔چیئرمین نے محکمہ سی اینڈ ڈبلیو کو ہدایت کی کہ جہانزیب کالج کے علاوہ سیدو میڈیکل کالج کے 32 کروڑ روپے کی تعمیراتی کام ، سیدو میڈیکل کمپلیکس کی 71کروڑ روپے کے بقیہ کام ،ڈگری کالج مینگورہ ،مدین ہسپتال اور دیگر تعمیراتی منصوبوں پر کام کے دوران اعلیٰ معیار کے میٹریل اور بر وقت تکمیل کو یقینی بنایاجاے ۔انھوں نے کہا کہ محکمہ آبنوشی ، آبپاشی ، تعلیم ،صحت ، سماجی بہبود ،خصوصی تعلیم اور دیگر شعبوں میں جاری منصوبوں کو بر وقت مکمل کیا جائے اور جو ٹھیکدار مروجہ اصولوں کے مطابق کام نہ کریں ان کے خلاف بر وقت قانونی کاروائی کی جائے اور اگر پھر بھی راہ راست پر نہ آئیں توان کے ٹھیکے کینسل کرکے ان کو بلیک لسٹ کیا جائے۔چیئر مین ڈیڈیک نے افسران کو ہدایت کی کہ وہ خود کو عوام کا خادم سمجھ کر کام کریں اور رشوت و بد عنوانی سے بچتے ہوئے اپنی آخرت کو سنوارنے کی کوشش کریں انھوں نے ہدایت کی اپنے ضمیر کو زندہ رکھیں اور عوام کی ترقی اور ان کے مسائل کے حل کو عبادت کے طور پر یقینی بنائیں۔اجلاس میں تمام ضلعی محکموں کے ترقیاتی منصوبوں پر غور و خوص کیا گیا اور فیصلہ کیا گیا کہ تمام منصوبے بر وقت مکمل کئے جائیں گے ۔افسران اور شرکائے اجلاس نے بھی اہم نقاط کی وضاحت کی جبکہ ایم پی اے عزیزاللہ گران نے سوات اور اپنے حلقہ کے اہم منصوبوں کی پیش رفت پیش کی۔
دوسری سٹوڈنٹس ایجوکیشنل ایکسپو آج سے لاہور میں شروع ہو گی: جبران بن سلمان
گجرات کی خبروں کی تصویری جھلکیاں