گجرات کی خبریں 10/8/2016

Gujrat

Gujrat

گجرات (جی پی آئی) ضلع گجرات کے معروف تعلیمی ادارے آئی ایل ایم کالج کی ہونہار طالبہ ثناء انصر نے میدان مار لیا۔ اس سال بھی ہونہار طالبہ نے یونیورسٹی آف گجرات میں پہلی پوزیشن حاصل کر لی۔ تفصیلات کے مطابق آئی ایل ایم کالج کی ہونہار طالبہ ثناء انصر کو بی کام پوزیشن حاصل کرنے پر یونیورسٹی آف گجرات میں منعقدہ تقریب کے دوران گولڈ میڈل 25 ہزار روپے نقد اور ٹرافی دی گئی جبکہ یونیورسٹی کی جانب سے سکالر شپ کا بھی اعلان کیا گیا۔ وائس چانسلر ڈاکٹر ضیاء القیوم نے آئی ایل ایم کالج کی خدمات کو بے حد سراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) آئی ایل ایم کالج فروغ تعلیم کیلئے کوشاں ہے اور یہ ادارہ طلبہ و طالبات کی تعلیمی ضروریات کو پورا کرنے کیلئے اپنی صلاحیتیں بروئے کار لا رہا ہے۔ ان خیالا ت کا اظہار چیئرمین آئی ایل ایم کالج سید انجم گیلانی نے پریس کانفرنس کے دوران کیا۔ انہوں نے کہا کہ ہمارے ادارے نے ہمیشہ طلبہ کی حوصلہ افزائی کی ہے۔ جس طرح ثناء انصر نے یونیورسٹی اف گجرات میں پوزیشن حاصل کر کے ہمارا سر فخر سے بلند کر دیا ہے اس سے پہلے بھی چار طلبہ یو او جی میں نمایاں پوزیشن حاصل کر چکے ہیں۔ ہم کالج کی طرف سے ثناء انصر کیلئے لیپ ٹاپ اور سکالر شپ کا اعلان کرتے ہیں۔ جب تک ثناء انصر ہمارے ادارے میں تعلیم حاصل کرے گی اسے فری تعلیم مہیا کی جائے گی۔ پرنسپل سید سلیمان حید رنے کہا کہ ہم اللہ تعالیٰ کے شکر گزار ہیں کہ اس نے ہمیں سرخرو کیا ہے۔ اور ہمارے ادارے نے پوزیشن حاصل کی ہے۔ ہونہار طلبہ ہمارا اثاثہ ہیں ہم انکی حوصلہ افزائی کا سلسلہ جاری رکھیں گے۔ آئی کام ‘ بی کام میٹرک کے بعد بچوں کو مختلف علوم میں تعلیم دی جاتی ہے۔ اور ہم اللہ تعالیٰ کے شکر گزار ہیں کہ ہمارے سٹوڈنٹس نے پوزیشن حاصل کی ہے۔ ثناء انصر نے کہا کہ یہ میرے ادارے کا اعزاز ہے اور میرے والدین کی دعائوں اور اساتذہ کی محنتوں کا نتیجہ ہے کہ میں اس مقام پر ہوں۔ ممتاز صحافی مقبول الٰہی بٹ نے کہا کہ ہم گجرات کے صحافیوں کی طرف سے ثناء انصر اور ممتاز ماہر تعلیم انجم گیلانی کو مبارکباد پیش کرتے ہیں۔ اس موقع پر صحافی برادری کی طرف سے انجم گیلانی کو پھولوں کا گلدستہ پیش کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) عظیم روحانی شخصیت حضرت پیر سید محمود شاہ گجراتی المعروف مجاہد ِ ملت کے سالانہ عرس مبارک کے سلسلہ میں عظیم الشان مجاہد ملت کانفرنس بروز جمعتہ المبارک دن 12 بجے جامع مسجد شہنشاہ ولایت میں منعقد ہو گی۔ جس کی صدارت پیر سید حسن محمود شاہ گجراتی زیب سجادہ نشین آستانہ عالیہ شہنشاہ ولایت کریں گے۔ جبکہ پاکستان اور بیرون ملک سے آئے ہوئے علماء کرام و ثناء خوان رسول شریک ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) جشن آزادی کے پر مسرت موقع پر غلامان گھمکول کے زیر اہتمام عظیم الشان ماہانہ محفل ذکر و ختم خواجگان 14 اگست بروز اتوار پانچ بجے سہ پہر تا مغرب عامر الیکٹرانکس نزد فروٹ منڈی میں منعقد ہو گی۔ چوہدری عبدالرحمن عامر’ چوہدری افتخار احمد ملہی اور راجہ اسلم پرویز کی طرف سے مہمانوں کو دعوت نامے جاری کر دئیے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) چیف ایڈیٹر جی پی آئی ڈاکٹر رزاق احمد غفاری کراچی کے معلوماتی دورہ کے بعد واپس گجرات پہنچ گئے۔ انہوں نے اپنے دورہ کے دوران مختلف سماجی ‘ سیاسی و کاروباری شخصیات سے ملاقاتیں کیں اور کراچی کے حالات کے بارے میں تفصیلی وزٹ کیا۔ انہوں نے مزار قائد پر بھی حاضری دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) عطائی ڈاکٹروں کے خلاف مہم کی آڑ میں ہومیو پیتھک ڈاکٹروں کو ہراساں کرنے کا سلسلہ بند کیا جائے۔ ڈاکٹر سید طاہر عباس چیئرمین طاہر ہومیو پیتھک میڈیکل کالج نے کہا ہے کہ جو ہومیو پیتھک ڈاکٹرز نیشنل کونسل ہومیو پیتھک اور پنجاب ہیلتھ کیئر کمیشن سے رجسٹرڈ ہیں اور ہومیو پیتھک پریکٹس کر رہے ہیں ان کو تنگ کرنے کا سلسلہ بند کیا جائے۔ انہوں نے کہا کہ ہومیو پیتھ ڈاکٹرز انسانیت کی خدمات کیلئے دن رات کام کر رہے ہیں ان کو ہراساں کیا جا رہا ہے جس سے وہ پریشان ہیں۔ حکومت پنجاب اس سلسلہ میں احکامات جاری کرے۔ اور صرف عطائی ڈاکٹروں کیخلاف مہم کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)جامعہ گجرات نے اپریل مئی2016ء میں منعقدہونے والے بی ایس سی بی اے بی کام(پارٹ فرسٹ وسکینڈ) کے سالانہ امتحانات کے نتائج کا اعلان بروز منگل09اگست2016ء کو کر دیا۔ اس سلسلہ میں ایک پُر وقار تقریب جامعہ گجرات کے حافظ حیات کیمپس میں منعقد ہوئی جس کے مہمان خصوصی وائس چانسلر پروفیسر ڈاکٹر ضیاء القیوم تھے۔ اس تقریب میں پوزیشن حاصل کرنے والے طلبا و طالبات کو میرٹ سر ٹیفکیٹس اور نقد انعامات سے نوازا گیا۔ کنٹرولر امتحانات پروفیسر ڈاکٹر محمد دانش نے ا ن امتحانات کے باقاعدہ نتائج کا اعلان کیا۔ بی ایس سی کے سالانہ امتحانات میں پنجاب کالج برائے خواتین رحمان شہید روڈ نزد شادمان کالونی گجرات کی طالبہ نگہت رشید نے 701نمبر حاصل کرکے پہلی اور اسی کالج سے پلوشہ طاہر نے690نمبر حاصل کرکے دوسری جبکہ ابن امام سائنس کالج جلالپورجٹاں کی طالبہ امینہ مسعود نے681نمبر حاصل کرکے تیسری پوزیشن حاصل کی۔ بی اے کے سالانہ امتحانات میں گجرات کالج برائے کامرس و آئی ٹی(خواتین) بھمبر روڈ گجرات کی طالبہ امینہ بی بی نے614نمبر حاصل کرکے پہلی پوزیشن، گورنمنٹ کالج برائے خواتین کوٹلہ ارب علی خاں کی طالبہ ذکریہ شاہین نے610نمبر حاصل کرکے دوسری اور غزالی کالج برائے خواتین پھالیہ کی آمنہ ظہیرنے608نمبر حاصل کرکے تیسری پوزیشن حاصل کی۔ بی کام کے سالانہ امتحانات میںILMکالج یونس فین بلڈنگ جی ٹی روڈ گجرات کی طالبہ ثناء انصر نے1011 نمبر حاصل کرکے پہلی، انڈس کالج برائے کامرس لالہ زار کالونی مال واہ کینٹ کے امیر الرحمان نے1004نمبر حاصل کرکے دوسری اور ابن امام سائنس کالج جلالپورجٹاں کی سیماب آصف نے1000نمبر حاصل کرکے تیسری پوزیشن حاصل کی۔ ڈاکٹر ضیاء القیوم نے خصوصی تقریب میں ان طلبا و طالبات کو میرٹ سر ٹیفکیٹس اور نقد انعامات پیش کیے۔ اوّل پوزیشن حاصل کرنے والوں کو پچیس ہزار، دوم کو بیس ہزار جبکہ سوم کو پندرہ ہزار روپے کے نقد انعامات پیش کئے گئے۔ کنٹرولر امتحانات کے مطابق بی ایس سی کے امتحانات میں67.46فیصد، بی اے کے امتحانات میں44.11فیصد اور بی کام کے امتحانات میں32.83فیصد طلبا و طالبات نے کامیابی حاصل کی۔ کنٹرولر امتحانات کے اعلامیہ کے مطابق طلبا و طالبات ری چیکنگ کے لیے نتائج کے اعلان کی تاریخ سے بیس دن کے اندر درخواست دے سکتے ہیں۔ ری چیکنگ فارم بنک آف پنجاب کی فوارہ چوک اورUOGبرانچ حافظ حیات کیمپس سے دستیاب ہیں۔ اعلامیہ کے مطابق سپلیمنٹری امتحانات کا آغاز بروز منگل04اکتوبر2016ء سے ہو گا۔ ان سپلیمنٹری امتحانات کے لیے سنگل فیس کے ساتھ23اگست تک اور ڈبل فیس کے ساتھ31اگست2016ء تک داخلہ جمع کروایاجا سکتا ہے۔ ریگولر طلبہ کے رزلٹ کارڈ ان کے متعلقہ کالجوں اور پرائیویٹ طلبہ کے رزلٹ کارڈ ان کے رہائشی پتوں پر ارسال کر دئیے گئے ہیں۔ رزلٹ جامعہ گجرات کی ویب سائٹwww.uog.edu.pkپر بھی دستیاب ہے۔ علاوہ ازیں طلبہ800241پر اپنا رول نمبر بھیج کر موبائلSMSکے ذریعے بھی رزلٹ معلوم کر سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)نوجوان طلبہ میں پاکستانیت کے شعور کا فروغ عہد حاضر کی اہم ضرورت ہے۔ نسل نو کو جدید تعلیم کے زیور سے آراستہ کرکے ہی ہم قومی ترقی کے ہدف کو حاصل کرنے میں کامیاب ہونگے۔ دنیا بھر میں جدید و ترقی یافتہ معیشتوں کا انحصار علم کے وسیع تر پھیلائو پر منحصر ہے۔ اساتذہ اور طلبہ میں تکریم و احترام کا رشتہ اہم کردار ادا کرتے ہیں۔ اساتذہ طلبہ کے لیے علم کے روشن مینار کی حیثیت رکھتے ہیں۔ طلبا و طالبات ہمارے مستقبل کے معمار اور ہماری قومی ترقی کے امین ہیں۔ نئی نسل کو سماجی اقدار سے وابستہ جدید ترین تعلیم سے آراستہ کیے بغیر ترقی کے خواب کو شرمندۂ تعبیرنہیں کیا جا سکتا۔ صلاحیتوں پر یقین، مقاصد کو حاصل کرنے کا عزم اور صدق دل سے محنت میں ہی کامیابی کا راز پنہاں ہے۔ ان خیالات کا اظہار مہمان خصوصی وائس چانسلر جامعہ گجرات پروفیسر ڈاکٹر ضیاء القیوم نے جامعہ گجرات کے تحت منعقدہ سالانہ امتحانات2016ء برائے بی اےبی ایس سی بی کام میں پوزیشن حاصل کرنے والے طلبا و طالبات کے اعزاز میں منعقدہ ایک خصوصی پُروقار تقریب سے خطاب کرتے ہوئے کیا۔ اُنہوں نے مزید کہا کہ جامعہ گجرات کالجوں میں پڑھائی کے معیار کو بہتر بنانے کے لیے ہر ممکن سہولتیں فراہم کرنے کے لیے تیار ہے۔جامعہ گجرات ذہین و محنتی طلبہ کی صلاحیتوں کو مہمیز کرنے اور معیار تعلیم کو بہتر بنانے کے لیے کئی اقدامات کر رہی ہے۔ معاشرہ میں بردباری اور برداشت کی قدروںکا فروغ احسن اقدام ہے۔ نوجوان نسل کی بہترین راہنمائی کے ذریعے ہی ہم اُن میں جذبہ حب الوطنی کو اُجاگر کر سکتے ہیں۔ اُنہو ںنے پوزیشن ہولڈر طلبا و طالبات کے لیے جامعہ گجرات میں داخلہ پر انکی ٹیوشن فیس معاف کرنے کا اعلان بھی کیا۔ اُنہوں نے امتحانات میں پوزیشن حاصل کرنے والے طلبا و طالبات ،اُنکے والدین اور اساتذہ کو مبارکباد پیش کی۔اس موقع پر سانحہ کوئٹہ کے شہداء کے لیے فاتحہ خوانی کا اہتمام کرتے ہوئے ملک بھر میں دہشت گردی کی شدید مذمّت کی گئی۔ رجسٹرار جامعہ گجرات ڈاکٹر طاہر عقیل نے کہا کہ جامعہ گجرات نے اس مرتبہ بھی نتائج کے اعلان بر وقت کرنے کی روایت قائم رکھی ۔ میں کنٹرولر امتحانات اور اُن کے تمام عملہ کو انتہائی جانفشانی اور تندہی سے اپنا فریضہ مکمل کرنے پر حوصلہ افزائی کرتا ہوں ۔ جامعہ گجرات ہر سطح پر اپنے طلبا و طالبات کو تعلیمی سفر میں سہولتیں فراہم کرنے کے سفر پر گامزن ہے۔ کنڑولر امتحانات پروفیسر ڈاکٹر محمد دانش نے اس موقع پر نتائج کا با ضابطہ اعلان کرتے ہوئے کہا کہ میں اپنی تمام ٹیم کا شکر گزار ہوں کہ اس نے انتہائی محنت اور فرض شناسی سے قلیل عرصہ میں نتائج کی تیاری کے اہم مراحل کو طے کیا۔ اُنہوں نے رزلٹ کا تجزیہ کرتے ہوئے بتایا کہ طالبات طلبہ کی نسبت زیادہ محنتی ثابت ہوئی ہیں۔ڈاکٹر محمد دانش نے تما م پوزیشن حاصل کرنے والے طلبا و طالبات کو مبارکباد پیش کی۔ اُنہوں نے معیار تعلیم کو بہتر بنانے کے لیے عملی اقدامات کے حوالہ سے بھی مفصل بات کی۔ڈاکٹر محمد دانش نے بتایا کہ جامعہ گجرات کا جاری کردہ رزلٹ ویب سائٹ پر بھی دستیاب ہے اورSMSکی سہولت سے مستفید ہوتے ہوئے طلبہ و طالبات800241پر اپنارول نمبر بھیج کر رزلٹ معلوم کر سکتے ہیں۔ ڈائریکٹر میڈیا شیخ عبدالرشید نے کہا کہ پائیدار ترقی کے حصول کے لیے ہمیں اپنے اجتماعی روّیوں میں تبدیلی لانے کی ضرورت ہے۔ ہماری درسگاہیں قومی ترقی و شعور کے خواب کی کھیتیاں ہیں۔ اقوام عالم میں ممتاز مقام حاصل کرنے کے لیے ہمیں اپنے طلبہ کی نوجوان نسل کو انتہائی احساس ذمہ داری کے ساتھ پروان چڑھانا ہو گا۔ اس خصوصی تقریب میں پوزیشن ہولڈر طلبا و طالبات کے والدین، مختلف کالجوں کے پرنسپل اور اساتذہ، جامعہ گجرات کے ڈین، صدور شعبہ اور اساتذہ کے علاوہ سول سوسائٹی کے اراکین نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)جامعہ گجرات نے بی ایس(چار سالہ) پروگرام کے نتائج کا اعلان کر دیا۔ کنٹرولر امتحانات جامعہ گجرات پروفیسر ڈاکٹر محمد دانش کے جاری کردہ اعلامیہ کے مطابق بی ایس ( چار سالہ) پروگرام کے تحت مختلف مضامین باٹنی، کیمسٹری، اکنامکس، انگریزی زبان، انفارمیشن ٹیکنالوجی، اسلامک بی ایڈ، ایم کام، ایسوسی ایٹ ڈگری (کامرس و اکائونٹس)، ایسوسی ایٹ ڈگری پیرا لیگل کے امتحانات برائے فرسٹ، تھرڈ اور ففتھ سمسٹرخزاں2015ء کے نتائج کا اعلان کر دیاہے۔ جامعہ گجرات کے الحاق کالجوں میں زیر تدریس طلبہ کے لیے ان امتحانات کا انعقاد فروری مارچ2016ء میں کیا گیا تھا۔ تاہم ان طلبہ کو ڈگری تمام امتحانی و تدریسی ضروریات کے مکمل کرنے کے بعد ہی جاری کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)اسسٹنٹ کمشنر کھاریاں ذوالفقار علی باگڑی نے مختلف علاقوں میں اچانک چیکنگ کے دوران صفائی کا خیال نہ رکھنے پر 3ہوٹلز اور2عطائیوں کے کلینک سیل کر دیے ہیں۔ ڈی سی او لیاقت علی چٹھہ کی ہدایت پر اے سی کھاریاں ذوالفقار علی باگڑی نے جاوید اقبال ڈرگ انسپکٹر،محمد علی شاہ ڈپٹی ڈسٹرکٹ آفیسر ہیلتھ کھاریاں اور محمد طارق فوڈ انسپکٹر کے ہمراہ تھانہ گلیانہ کا دورہ کیا اور دوران چیکنگ عطائی ڈاکٹرز طیب کلینک اور ڈاکٹر تنویر تنویر میڈیکل سٹور گلیانہ کو ڈرگ ایکٹ کی خلاف ورزی کرنے کی بنا پر سیل کردے گئے ہیں ۔ ایک اور کاروائی کے دورانگرین ویلی ہوٹل گلیانہ ، رضا ریسٹورنٹ گلیانہ اور کاشی پیزا پوائنٹ گلیانہ کو بوجہ ناقص صفائی اور ملازمین ہیلتھ کارڈز نہ ہونے کی بنا پر سیل کردیے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ضلع میں مون سون سیزن کی شجر کاری کا آغاز کر دیا گیا ہے ، ڈی سی او لیاقت علی چٹھہ نے ڈسٹرکٹ گورنمنٹ کمپلکس میں پودا لگا کر مہم کا افتتاح کیا۔ اس موقع پر اے ڈی سی عرفان علی کاٹھیا ، ای ڈی او زراعت حافظ محمد جمیل ، پی ایس او عثمان سرور بھی موجود تھے۔ افتتاحی تقریب میں بریفنگ دیتے ہوئے ڈی او فارسٹ قاضی عبدالرحیم نے بتایا کہ شجر کاری مہم کے دوران ضلع بھر میں مجموعی طور پر 1لاکھ 58ہزار پودے لگائے جائیں گے محکمہ جنگلات 36ہزار ، محکمہ تعلیم ، ہیلتھ ، زراعت لائیو سٹاک 12ہزار ، دفاعی ادارے 5ہزار اور پرائیویٹ سیکٹر 60ہزار پودے لگائے گا ۔ ڈی سی او لیاقت علی چٹھہ نے کہا کہ خطرناک موسمیاتی تبدیلیوں کے اثرات سے بچنے کا واحد ذریعہ شجر کاری ہے ، زیادہ سے زیادہ درخت لگا کر نہ صرف منافع کمایا جا سکتا ہے بلکہ ماحول کو آلودگی سے پاک رکھنے اور موسمیاتی تبدیلیوں کے منفی اثرات سے بھی بچا جاسکتا ہے۔ انہوںنے کہا کہ موجودہ مون سون کا موسم درختوںاور پودوں کی پرورش کے لئے نہایت موزوں ہے،فارسٹ ڈیپارٹمنٹ اور دیگر سرکاری محکمے اس موسم کے دوران زیادہ سے زیادہ پودے لگائیں اور جنگلات کے رقبہ میں اضافہ کے لئے موثر اقدامات کئے جائیں۔ ڈی سی اونے کہا کہ ہر باشعور شہری کو اس مہم میں حصہ لیتے ہوئے زیادہ سے زیادہ پودے لگانے چاہیں اور انکی حفاظت اور دیکھ بھال قومی ذمہ داری سمجھ کر کرنی چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ٹی ایم اے گجرات کے زیر اہتمام جاری 12روزہ صفائی مہم کامیابی سے اختتام پذیر ہوگئی ہے، آخری روز یونین کونسل نمبر 1میں ٹی ایم اے گجرا ت کے شعبہ سینٹی ٹیشن کے سینکڑوں ورکرز نے ہلکی اور بھاری مشینری کی مدد سے صفائی کے عمل میں حصہ لیا، ڈی سی او لیاقت علی چٹھہ، اے ڈی سی عرفان علی کاٹھیا، ٹی ایم او خرم محمود، چیئرمین یونین کونسل چوہدری اشرف ریحانیہ ، چیف آفیسر چوہدری عظمت فرید و دیگر بھی اس موقع پر موجود تھے اور انہوں نے صفائی کے عمل کی نگرانی کی۔ اس موقع ڈی سی او لیاقت علی چٹھہ نے کہا کہ ٹی ایم اے گجرات کے زیر اہتمام شہر کی تمام 12یونین کونسلوں کی صفائی کا جامع منصوبہ حکومت پنجاب کی ہدایات کے مطابق انسداد ڈینگی مہم کا حصہ تھا اس دوران بلدیہ گجرات کے افسران اور کارکنوں نے اپنی معمول کی ڈیوٹی کے ساتھ اس اہم مہم میں بھی حصہ لیا اور یونین کونسلوں کے مختلف علاقوں سے عرصہ دراز سے پڑے کوڑے کرکٹ کے ڈھیروں کا خاتمہ ، سیوریج سسٹم کو چالو کر دیا جبکہ محکمہ صحت کی ٹیمیں بھی انکے ہمراہ موجود رہیں اور جہاں ضروری تھا وہاں سپرے اور تالابوں میں ڈینگی لاروا کھانے والی مچھلیاں بھی چھوڑی گئیں۔ انہوںنے کہا کہ آئندہ بلدیہ کھاریاں اور بلدیہ سرائے عالمگیر کے علاقوں میں بھی صفائی کے لئے ایسی جامع مہم شروع کرنے کے لئے منصوبہ بندی کی جارہی ہے۔ ڈی سی او نے یونین کونسلوں میں صفائی مہم کی کامیابی کے لئے بھرپور کردار ادا کرنے پر ایڈمنسٹریٹر بلدیہ عرفان علی کاٹھیا، ٹی ایم او خرم محمود، چیف آفیسر عظمت فرید، یونین کونسلوں کے چیئرمین، وائس چیئرمین ، کونسلرز اور ٹی ایم اے شعبہ سینی ٹیشن کے محنتی ورکرز کے کردار کو زبردست سراہا، قبل ازیں ڈی سی او لیاقت علی چٹھہ نے ایم پی اے چوہدری شبیر احمد ، اے ڈی سی عرفان علی کاٹھیا کے ہمراہ بولے ڈسپوزل کا دورہ کیا اور بارش کے پانی کے نکاس کا جائزہ لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ڈی سی او لیاقت علی چٹھہ نے ہدایت کی ہے کہ قائداعظم ڈویژنل پبلک سکول لالہ موسیٰ کیمپس کی تعمیر کا کام تیز کیا جائے، کنٹریکٹر تعمیراتی سرگرمیوں کا شیڈول مرتب کرے اور اس پر سختی سے عمل درآمد کیا جائے۔ ان خیالات کا اظہار انہوں نے تعمیراتی کاموں کے معائنہ اور اجلاس سے خطاب کرتے ہوئے کیا، اے ڈی سی عرفان علی کاٹھیا، ای ڈی او فنانس چوہدری اصغر، اے سی کھاریاں ذوالفقار علی باگڑی، پرنسپل جناح پبلک سکول ترنم ریاض، کنٹریکٹر محمد خالد، آرکیٹکٹ شہزادہ عبدالمجید شادابیہ بھی اس موقع پر موجود تھے۔ ڈی سی او لیاقت علی چٹھہ نے تعمیراتی سرگرمیوں کی موجودہ رفتار پر عدم اطمینان کا اظہار کیا اور ای ڈی او فنانس چوہدری اصغر کو ہدایت کی کہ وہ خود تعمیراتی کاموں کی نگرانی کریں اور مقررہ مدت میں منصوبے کی تکمیل یقینی بنانے کے لئے اسکی نگرانی کریں۔انہوںنے ہدایت کی کہ تعمیراتی کاموں کی نگرانی اور کوالٹی یقینی بنانے کے لئے سب انجینئر تعینات کیا جائے۔ ڈی سی او لیاقت علی چٹھہ نے اس امر پر اطمینان کا اظہار کیا کہ قائد اعظم ڈویژنل پبلک سکول میں مختصر مدت میں زیر تعلیم طلبہ و طالبات کی تعداد 275تک پہنچ گئی ہے اور دیگر بڑے سکولوں سے بڑی تعداد میں والدین اپنے بچوں کو لالہ موسیٰ کیمپس میں داخلے کے لئے رجوع کر رہے ہیں۔ انہوں نے پرنسپل کو ہدایت کی کہ ادارے میں کوالٹی ایجوکیشن پر بھرپور توجہ دی جائے اور والدین کے اعتماد پر پورا اترتے ہوئے بچوں کی بہترین تعلیم و تربیت یقینی بنائی جائے۔ اس سے قبل کنٹریکٹر محمد خالد نے ڈی سی او کو تعمیراتی کامو ں کے حوالے سے بریفنگ دی اور بتایا کہ آئندہ تین ہفتے میں پی سی لیو ل تک تعمیراتی کام مکمل کر لیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)لینڈ ریکارڈ کی کمپوٹرائزیشن اور ای سٹمپنگ کے آغاز سے کرپشن کے خاتمہ میں مدد ملے گی اور جائیداد کی خرید و فروخت کے معاملات میں دھوکہ دہی کی روک تھام یقینی بنائی جا سکے گی۔ ان خیالات کا اظہار ڈی سی او لیاقت علی چٹھہ نے اے ڈی سی عرفان علی کاٹھیا، ای ڈی او فنانس چوہدری اصغراور اے سی کھاریاں ذوالفقار علی باگڑی کے ہمراہ لینڈ ریکارڈ سنٹر اور رجسٹریشن برانچ کی اچانک چیکنگ کے موقع پر بات چیت کرتے ہوئے کیا۔ ڈی سی او نے لینڈ ریکارڈ سنٹر اور رجسٹریشن برانچ میں موجود سائلین سے بھی فراہم کی جانیوالی سہولیات اور عملہ کے رویہ بارے استسفار کیا ۔ ڈی سی او لیاقت علی چٹھہ نے دونوں برانچز کے افسران اور عملہ کو ہدایت کی کہ زمینوں اور جائیداد سے متعلق امور کے لئے آنیوالے شہریوں کو زیادہ سے زیادہ سہولیات فراہم کی جائیں اور بلاوجہ اعتراضات سے گریز کیا جائے۔ انہوںنے ہدایت کی کہ جعلسازی اور دھوکہ دہی کے روک تھام کے لئے مستعدی سے فرائض سرانجام دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)عمر مسعو دفاروقی ممبر منشور کمیٹی PML(N)وائٹ ہاؤس U.S.Aکی طرف سے ماہر معاشیات 2016ایوارڈ کیلئے نامزد مسٹر جون نگھم ایڈوائزر آف صدر بارک اوباما (امریکہ) کی طرف سے پیشگی اطلاع دینے فاروقی ہاؤس گجرات پہنچنے پر عمر مسعود فاروقی نے ویلکم کیا اور ظہرانہ دیا مسٹر جون نگھم ایڈوائزر آف صدر بارک اوباما نے عمر مسعود فاروقی کے ساتھ گفتگو میں کہا کہ وائٹ ہاؤس U.S.Aکی طرف سے پہلے پاکستانی جو بڑے ایوارڈ کے لئے نامزد کئے گئے یہ نہ صرف وائٹ ہاؤس انتظامیہ کے لئے فخر کی بات ہے بلکہ پاکستان اور گجرات کیلئے کسی فخر سے کم نہیں ۔ ایوارڈ باقاعدہ 6ستمبر 2016ء وائٹ ہاؤس U.S.Aمیں دنیا کے سامنے دیا جائے گا ۔منعقدہ تقریب میں 90سے زیادہ ملکی سربراہان شرکت کریں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) سانحہ کوئٹہ درندگی کی بدترین مثال ہے دل خون کے آنسو روہا رہا ہے دہشت گردوں نے درندگی کی حد کراس کر دی ہے جنگ میں بھی ہسپتالوں کو نشانہ نہیں بنایا جاتا یہ عالمی برادری کے اصول ہیں انشاء اللہ حکومت اور پاک فوج ان دہشت گردوں کے عزائم خاک میں ملا کریں دم لے گی ان خیالات کا اظہار مشترکہ طور پر چیئرمین یونین کونسل ڈوگہ ملک محمد اشفاق اعوان ڈوگہ اور وائس چیئرمین حاجی راجہ فضل الرحمن مکوال نے کیا۔ انہوں نے کہا کہ قیمتی جانوں کا ضیاع قومی اور ناقابل تلافی نقصان ہے ہم سانحہ کوئٹہ کی پرزور مزمت کرتے ہیں شہداء اور زخمیوں کے لواحقین کے غم اور دکھ درد میں برابر کے شریک ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)لانا اصغر توحیدی مرکزی سیکرٹری جنرل تحریک تحفظ اسلام پاکستان نے کوئٹہ سانحہ کی پرزور مذمت کرتے ہوئے کہا ہے کہ راء کے دہشت گردوں کو بے نقاب کیا جائے اور ان درندوں کو پاکستانی قوم کے سامنے پیش کیا جائے تاکہ قوم ان درندوں کے چہرے دیکھ سکے جنہوں نے قیامت برپا کی ہے اور ان مجرموں کو سرعام تختہ دار پر لٹکایا جائے تاکہ باقی دہشت گرد عبرت حاصل کر سکیں انہوں نے کہا کہ اسلام امن کا درس دیتا ہے دہشت گردوں کا کوئی دین مذہب نہیں یہ انسانیت کے روپ میں درندے ہیں ہم سانحہ کوئٹہ کی بھرپور مزمت کرتے ہیں حکومت عمل کر کے دکھائے دہشت گردوں کے خاتمے کے لئے پاک فوج کی مکمل حمایت بھی کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)سیاسی سماجی شخصیت راہنما مسلم لیگ(ن) چوہدری محمد شفیق لنگڑیال نے کوئٹہ بم دھماکے اور دہشت گردی کی شدید الفاظ میں مذمت کرتے ہوئے کہا ہے کہ قوم کو متحد ہو کر ان دہشت گردوں کے مزموم مقاصد کو ناکام بنانا ہوگا حکومت اور فوج ملکر دہشت گردوں کے خاتمے کے لئے آپریشن جاری رکھے ہوئے ہیں ہم آپریشن ضرب عضب کی مکمل حمایت کرتے ہیں سانحہ کوئٹہ قیامت صغریٰ ہے ہم متاثرہ خاندانوں کے ساتھ ہیں اور پھر یہ عزم کرتے ہیں کہ دہشت گردوں کا مقابلہ کریں گے اور انہیں ختم کر کے ہی دم لیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)حکومت پنجاب نے بلدیاتی اداروں میں نئے نظام کو مکمل کرنے کی ٹھان لی ہے اسی لئے مخصوص سیٹوں پر الیکشن شیڈول بھی جاری کر دیا مورخہ 9ستمبر 2016ء کو ضلع کونسل، میٹرو پولیٹن کارپوریشن اور میونسپل کارپوریشن کے انتخابات ہوں گے مورخہ2ستمبر کو میونسپل کمیٹیوں،3نومبر کو یونین کونسلوں،4نومبر کو ریٹرننگ آفیسر نتائج کا اعلان کریں گے۔ 8نومبر کو کامیابی کے نوٹیفکیشن الیکشن کمیشن جاری کرے گا جبکہ10ستمبر کو مخصوص سیٹوں پر کامیاب نمائندگان کے حلف ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)ضلع گجرات بھر میں بچوں کے اغواء کی وارداتوں میں دن بدن اضافہ ہو رہا ہے گذشتہ روز فادر کالونی علاقہ تھانہ گلیانہ میں سے بھی گذشتہ روز ایک کرسچن بچے کے اغواء کی کوشش کی گئی بچہ اغواء کاروں کے چنگل سے آزاد ہو کر بھاگ نکلا اس ساری صورتحال میں والدین کی بھی ذمہ داری میں اضافہ ہوا ہے کہ وہ بچوں کو گھروں سے اکیلے نہ نکلنے دیں سکولوں میں بھی خود چھوڑ کر آئیں اور لینے بھی خود جائیں کسی بھی ہنگامی صورت میں متعلقہ تھانہ میں فوری اطلاع دیں اور عوام بھی اردگرد کے ماحول پر نظر رکھیں اور مشکوک افراد کو دیکھتے ہی 15پراطلاع دیں تاکہ بچوں کے اغواء کی وارداتوں کو کنٹرول کرنے میں مدد مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کوئٹہ سانحہ کی جتنی بھی مذمت کی جائے کم ہے دہشت گردوں کا کوئی دین مذہب نہیں ہوتا پوری قوم غمزدہ ہے انشاء اللہ جلد دہشت گردی ختم ہوگی آپریشن ضرب عضب کامیابی سے جاری ہے ہم سب پاک فوج کے شانہ بشانہ ہیں ان خیالات کا اظہار عدنان الٰہی بیگہ (جرمنی)نے کیا انہوں نے کہا کہ کوئٹہ پر پھر دہشت گردوں نے وار کیا ہے جو کہ قابل مذمت ہے ہم متاثرہ خاندانوں کے غم اور دکھ میں برابر کے شریک ہیں سانحہ کوئٹہ کی شدید اور پرزور مذمت کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) راہنما مسلم لیگ(ن) یوسی ڈوگہ راجہ عبدالرحمن میڑھ آف بلال ٹائون پنجوڑیاں نے کہا ہے کہ MNA چوہدری عابد رضا کوٹلہ کے بے حد مشکور ہیں یہ واحد عوامی لیڈر ہیں جنہوں نے دور دراز علاقہ کی تعمیر وترقی کے بارے میں سوچا ہے اور عمل بھی کیا ہے اس کے ساتھ ساتھ بلال ٹائون پنجوڑیاں کی تعمیر و ترقی کے لئے بھی پرامید ہیں ہم تمام دوست احباب اور یونین کونسل ڈوگہ کے بلدیاتی نمائندے کوٹلہ برادران کی قیادت میں ہر وقت کام کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) سانحہ کوئٹہ کی جتنی بھی مذمت کی جائے کم ہے درندگی کی بدترین مثال پیش کی گئی حکومت راء کی مذموم کارروائیوں کو بے نقاب کرے ان خیالات کا اظہار نوجوان سیاسی سماجی کاروباری شخصیت چوہدری محمد نبیل پیارا نے کیا۔ انہوں نے کہا کہ قیمتی جانوں کے ضیاع پر دلی افسوس ہوا ہے ملک دشہت گردوں کا خاتمہ کیا جائے ہم سانحہ کوئٹہ کی پرزور مذمت کرتے ہیں پاک فوج کے ضرب عضب کی مکمل حمایت کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) اسسٹنٹ کمشنر کھاریاں ذوالفقار علی باگڑی کا ہمراہ جاوید اقبال ڈرگ انسپکٹر،محمد علی شاہ ڈپٹی ڈسٹرکٹ آفیسر ہیلتھ کھاریاں محمد طارق فوڈ انسپکٹر نے تھانہ گلیانہ کا دورہ کیا ۔ دوران چیکنگ عطائی ڈاکٹرز طیب کلینک اور ڈاکٹر تنویر تنویر میڈیکل سٹور گلیانہ کو ڈرگ ایکٹ کی خلاف ورزی کرنے کی بنا پر سیل کردے گئے ہیں۔اس کے علاوہ اسسٹنٹ کمشنر کھاریاں نے گرین ویلی ہوٹل گلیانہ ، رضا ریسٹورنٹ گلیانہ اور کاشی پیزا پوائنٹ گلیانہ کو بوجہ ناقص صفائی اور ملازمین ہیلتھ کارڈز نہ ہونے کی بنا پر سیل کردیے گئے ۔ مزید چیکنگ جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)سانحہ کوئٹہ میں ملوث عناصر کو گرفتار کرکے فوری کیفر کردار تک پہنچایا جائے ملک میں پہلے سے گرفتار دہشت گردوں کو فوری سزائیں دی جائیں۔ان خیالات کا اظہار پاکستان تحریک انصاف کے سینئررہنماء وسابق ایم پی اے چودھری محمدمنشاء سندھونے کیا۔انہوں نے کہاکہ بلوچستان میں بھارت کی مداخلت کسی سے ڈھکی چھپی نہیں ہے اور اس کا اقرار حکومتی سطح پر بھی متعدد بار کیا گیا ہے مگر حکومت نے نہ جانے کیوں بھارت کی اس غنڈہ گردی کو دنیا بھر میں اجاگر کیوں نہیں کیا۔اس موقع پر یونین کونسل 246یوحنا آباد سے پی ٹی آئی کے چیئرمین آصف سہیل کھوکھر نے کہاکہ سانحہ کوئٹہ ایک دلخراش واقعہ ہے جس پر ہر پاکستانی خون کے آنسو رو رہا ہے۔انہوں نے کہاکہ دہشت گردی کی ایک اور وجہ قانون کی بالا دستی نہ ہونا بھی ہے اگر ملک میں صیح معنوں میں قانون کی رٹ قائم ہوجائے تو دہشت گردی سمیت کئی جرائم ختم ہوجائیں گے۔انہوں نے مطالبہ کیا کہ بھارتی جاسوس سمیت جو بھی ملک دہشت گردی کرتے ہوئے پکڑے گئے ہیں انکو فوری سزا دیکر کیفر کردار تک پہنچایا جائے اور بھارت کے ساتھ تعلقات پر نظرثانی کرکے اس کیساتھ سختی سے نمٹا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور کوپرامن اور جرائم سے پاک کرنے کیلئے کسی بھی قربانی سے دریغ نہیں کریں گے۔سی سی پی او لاہور کیپٹن(ر)محمدامین وینس
لاہور(جی پی آئی)لاہور کوپرامن اور جرائم سے پاک کرنے کیلئے کسی بھی قربانی سے دریغ نہیں کریں گے۔ان خیالات کا اظہار سی سی پی او لاہور کیپٹن(ر)محمدامین وینس نے گزشتہ روز سماجی ،صحافی رہنماء محمدزاہدصدیقی سے ایک ملاقات کے دوران کیا،محمدامین وینس نے کہا کہ پچھلے کچھ عرصہ سے لاہور کی پولیس میں نظم و نسق اورتربیت کیلئے سرگرم عمل ہیں، انہوں نے کہا کہ محکمہ پولیس کوجدید خطوط پر استوار کرکے معاشرے میں نہ صرف جرائم کی بیخ کنی کی گئی ہے بلکہ پولیس ملازمین کوامن پسند عوام کے دلوں میں اپنا وقارپیدا کرنے کے لئے خاطرخواہ اقدامات کئے ھیں۔یہی وجہ ھے کہ امن وامان کے قیام اور جرائم پیشہ افراد کی سرکوبی کے لئے پولیس دن رات مصروف عمل ہیں۔ کیپٹن ر امین وینس نے کہا کہ انشاء للہ لاہور کو مزید پرامن اور جرائم سے پاک کرنے کیلئے ان سے جو کچھ بھی ھو سکا وہ اس سے دریغ نہیں کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)13اگست کی ریلی کوکامیاب کرنے کے لئے پنجاب بھرسے کشمیریوںکوایک پلیٹ فارم پراکٹھا کرکے اسے کامیباب بنائوںگا۔عمران خاں کی قیادت میں13اگست کونکا لی جانی والی ریلی میںکارکن بھرپورشرکت کریں۔ان خیالات کااظہارسابق وزیراعظم آزادجموںکشمیربیرسٹرسلطان محمودنے پی ٹی آئی کے رہنماشبیراکرم چیمہ کی رہائشگاہ پرصحافیوںسے گفتگوکرتے ہوئے کیا۔انہوںنے کہا کہ آزادکشمیرمیںایک سوچے سمجھے منصوبہ کے تحت پی ٹی آئی کے امیدواروںاورمجھے دھاندلی سے ہرایاگیا۔حکمران مخلص ہوتے تواب تک لٹیروںکااحتساب شروع ہوچکا ہوتا۔حکمرانوںکوڈرہے کہ اگراحتساب شرو ہواتوسب سے پہلے اس کی زدمیںوہی لوگ آئینگے۔انہوںنے کہا کہ تحریک انصاف ملک میںآئین وقانون کی حکمرانی کے ساتھ ملک سے کرپشن کاخاتمہ چاہتی ہے جس کے لئے ہماری جدوجہدجاری رہے گی۔انہوںنے کہا کہ تحریک انصاف عمران خاںکی قیادت میںمتحدہے اورکسی بھی صورت پانا مہ لیکس کے معالہ کوادھورانہیںچھوڑے گی بلکہ جب تک پانا مہ لیکس میںسامنے آنیوالے لوگوںکااحتساب نہیںہوگا ہم اس وقت تک آرام سے نہیںبیٹھے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)معروف تاجرمحمدحنیف رحمانی ،محمدرفیق ،محمدحفیظ،عبد المجیدرحمانی کے والدحاجی غلام حسین ر حمانی( چونا والے) مختصر علالت کے بعدانتقال کرگئے۔جنہیںسینکڑوںسوگواروںکی موجودگی میںپیرمٹھا قبرستان میںسپردخاک کردیا گیا۔مرحوم کے ایصال ثواب کے لئے ختم قل مورخہ10اگست بروزبدھ صبح9بجے جامع مسجداعواناںمحلہ سکندرپورہ وزیرآبادمیںہوگا۔جسمیںمرحوم کی روح کے ایصال ثواب کے لئے قرآن خوانی اوراجتما عی دعا ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)حکومت پنجاب کی طرف سے صحت کے شعبہ میںانقلابی تبدیلیوںاوربہتری لانے کے لئے ہیلتھ کونسل کاقیام عمل میںلایا گیاہے۔تحصیل ہیڈکوارٹرہسپتال وزیرآبادمیںچیئرمین ،سیکرٹری کے علاوہ 7ممبران پرمشتمل ہیلتھ کونسل کو50لاکھ روپے کی گرانٹ جاری کردی گئی۔اس رقم کومریضوںکی فلا ح وبہبودپرخرچ کیا جائے گا۔ہیلتھ کونسل کے چیئرمین اسسٹنٹ کمشنروزیرآبادمحمدانوربریار،جنرل سیکرٹری میڈیکل سپرنٹنڈنٹ ڈاکٹرافتخاراحمد،ممبران مقامی ایم پی اے شوکت منظورچیمہ،صدرانجمن بہبودی مریضاںناصر محموداللہ والے،صدرکھادڈیلرایسوسی ایشن الحان ارشدمحمودسلیمی،ڈی ڈی ایچ اوڈاکٹرمحمداصغر،ڈپٹی ڈسٹرکٹ آفیسربلڈنگ اورسیکرٹری ہیلتھ کے نمائندے پرمشتمل ہوگی۔ہیلتھ کونسل کاپہلااجلاس مورخہ 10اگست بروزبدھ دوپہر2بجے زیرصدارت اسسٹنٹ کمشنرمحمدانوربریار اے سی آفس وزیرآبادمیںہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) نائب امیرجے یو آئی ضلع گوجرانوالہ حافظ محمدرفیق عابد علوی،قاری منصوراحمد،حافظ عمران احمد،مولانایونس اختر،قاری محمدیامین،مولاناعطا ء الرحمن تونسوی،پر فیسرحافظ منیراحمد،مفتی اسدمدنی،قاری محمدشفیق،مفتی انورکمال نے ایک مشترکہ بیان میںکہا کہ کوئٹہ میںبم دھماکہ کے واقعہ کی شدیدمذمت کرتے ہوئے کہا کہ یہ واقعہ ملک کے امن کے خلاف ایک گہری سازش معلوم ہوتی ہے ۔انہوںنے کہا کہ معصوم جانوںسے کھیلنے والے امن اورقوم کے دشمن ہیں۔حکومت وقتی تفتیش کرنے کی بجا ئے اس واقعہ کی حقیقت کوقوم کے سامنے لا ئے اوربیرونی ہاتھ کوخارج ازمکان قرارنہ دے۔اس موقع پرشہداء کے لئے درجات بلندی کی دعااورزخمیوںکے لئے صحت یابی کی دعا کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)چیئرمین المثمن ویلفیئر سوسائٹی پیرراجہ محمداعجاز اللہ خان ،جنرل سیکرٹری راجہ محمدعثمان اللہ خان ایڈووکیٹ ،چیئرمین رحمانی آرگنائزیشن محمدیوسف مومن نے سانحہ کوئٹہ کی شدیدمذمت کی اورحکومت سے مطالبہ کیاکہ کوئٹہ سانحہ میںملوث افرادکوفوری گرفتارکیا جائے۔ بعدازاںکوئٹہ بم بلاسٹ میںشہیدہونے والوںکے بلندی درجات کی دعاکی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)مختلف مکاتب فکر کے علماء و مشائخ اور 22سے زائد سیاسی ومذہبی جماعتوں نے سانحہ کوئٹہ کیخلاف جمعة المبارک کو ملک بھر میں یوم احتجاج منانے کا فیصلہ کیا ہے اور حکومت سے مطالبہ کیا ہے کہ گل بھوشن یادو سمیت ”رائ”کے گرفتار تمام دہشتگردوں کے مقدمات فوجی عدالتوں میں چلاکر جلد از جلد سزادی جائے اور تعاون اور عدم تعاون کے اصول پر خارجہ پالیسی بنائی جائے۔یہ بات پاکستان علماء کونسل فیصل آباد کے زیر اہتمام استحکام پاکستان کانفرنس کے فیصلوں کا اعلان کرتے ہوئے کہی۔ کانفرنس کی صدارت پاکستان علماء کونسل کے مرکزی چیئرمین حافظ محمد طاہر محمود اشرفی نے کی۔کانفرنس سے خطاب کرتے ہوئے حافظ محمد طاہر محمود اشرفی ،مرکزی سیکرٹری جنرل صاحبزادہ زاہد محمود قاسمی ،مولانا ایوب صفدر،مولانا غلام اللہ خان،حافظ محمد امجد،علامہ شبیر احمد عثمانی،پیر جی خالد محمود قاسمی، مولانا یوسف انور،مولانا ریاض کھرل ،علامہ غلام اکبر ساقی،مفتی شہباز عالم ،مولانا حبیب الرحمن عابد،قاری عصمت اللہ ،مولانا اعظم فاروق،قاری رمضان طاہر ودیگر نے خطاب کرتے ہوئے کہا کہ کوئٹہ بم دھماکہ میں ہندوستانی ایجنسی ”رائ”اور اس کے حلیف ملوث ہیں جس کا مقصد مسئلہ کشمیر اور سی پیک سے توجہ ہٹانا ہے لیکن پاکستان دشمن قوتوں کی یہ سازشیں کامیاب نہیں ہوں گی۔مقررین نے کہا کہ پاکستان کی سلامتی و استحکام کیلئے تمام مکاتب فکر متحد ہیں۔۔پاکستان کا پرچم قائد اعظم محمد علی جناح نے علماء حق کے سپرد کیا تھا انشاء اللہ ملک کی مذہبی قوتیں باہمی اتحاد سے وطن کی نظریاتی سرحدوں کی اور پاک فوج کے ساتھ مل کر جغرافیائی سرحدوں کی حفاظت کریں گی۔مقررین نے کہا کہ داعش جیسے گروہوں کا اسلام اور مسلمانوں سے کوئی تعلق نہیں ہے۔ داعش کو صرف مسلم ممالک کی سلامتی اور استحکام کو تباہ کرنے اور امن و امان کو خراب کرنے کیلئے اسلام اور امن دشمن قوتوں نے بنایا ہے۔داعش جیسے گروہوں نے مدینہ منورہ میں حملہ کیا ۔مدینہ منورہ پر حملہ کرنے والوں کا اسلام اور مسلمانوں سے کیسے تعلق ہوسکتا ہے۔ قائدین نے کہا کہ آپریشن ضرب عضب وقت کی ضرورت ہے ۔انہوں نے کہا کہ آپریشن ضرب عضب کے ساتھ ساتھ فکری اور نظریاتی جدوجہد کی ضرورت ہے۔ انہوں نے اپیل کی کہ ذرائع ابلاغ داعش جیسے فتنوں کے افکار سے آگاہی کیلئے بھر پور کرداراداکریں ۔کانفرنس میں فیصلہ کیا گیاکہ ملکی اور عالمی صورتحال پر 18اگست کو اسلام آباد میں ”ندائے امت کانفرنس ” منعقد کی جائے گی جس میں ملک کی تمام سیاسی ومذہبی جماعتوں کے نمائندے شریک ہوں گے۔ کانفرنس میں اعلان کیا گیا کہ تمام مکاتب فکر کا ایک وفد کوئٹہ میں لواحقین سے اظہار یکجہتی اور تعزیت کیلئے جائے گا۔ کانفرنس میں پاکستان علماء کونسل ،مرکزی جمعیت اہلحدیث ،جمعیت علماء امامیہ ،سنی اتحاد کونسل (سواد اعظم )،جمعیت علماء اسلام ،جمعیت علماء پاکستان ،وفاق المساجد پاکستان ،انٹر نیشنل ختم نبوت موومنٹ ،جمعیت مشائخ اہلسنت ،پاکستان طلباء کونسل ،جمعیت اہلسنت والجماعت ،جمعیت علماء اہلحدیث ،تحفظ مدارس دینیہ پاکستان ،جمعیت المدارس پاکستان سمیت دیگر سیاسی و مذہبی جماعتیں بھی موجود تھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)پاکستان مسلم لیگ کے صدر و سینیٹر چوہدری شجاعت حسین و مسلم لیگ کے سینئر مرکزی رہنما و سابق نائب وزیر اعظم چوہدری پرویز الہٰی کی ہدایت پر مسلم لیگ ہائوس لاہور میں سانحہ کوئٹہ کے شہدا کے ایصال ثواب کے لیے اجتماعی دعا کی گئی جس میں شہدا کی مغفرت اور زخمیوں کی جلد صحت یاب کے لیے بھی دعا ہوئی ،اجتماعی دعا کے بعد شرکاء نے ملک میں جاری دہشت گردی کے خلاف احتجاجی مظاہرہ کیا اور دہشت گردوں کی سرکوبی کرنے کا حکومت سے مطالبہ کیا مسلم لیگ لاہور کے آرگنائزر و سابق ایم این اے میاں محمد منیرنے کہا کہ ملک میں حکومت نام کی کوئی چیز نہیں جو حکمران عوام کو تحفظ دینے میں ناکام ہوں انہیں اقتدار میں رہنے کا کوئی حق نہیں ممبر پنجاب اسمبلی محترمہ خدیجہ عمر فاروقی نے نے کہا کہ حکمرانوں نے شہریوں کو دہشت گردوں کے رحم و کرم پر چھوڑ دیا ہے ،محترمہ آمنہ الفت نے کہاکہ حکومت اپنی ذمہ داریاں پوری کرے اور پاکستانیوں کو جینے کا حق دے ، مسلم لیگ یوتھ ونگ پاکستان کے صدر بلال شیرازی نے کہا کہ حکمرانوں کی نااہلی عیاں ہو چکی اب بھی حکمرانوں نے اپنی ذمہ داریاں پوری نہ کی تو عوام کے غم و غصے کا لاوا حکمرانوں کو اقتدارسے نکال باہر کرے گا ۔تعزیتی اجلاس میں سہیل اعوان، ماجدہ زیدی، شیخ عمر،مسرت اختر،کنول نسیم،سجاد بلوچ،سہیل چیمہ، زیبا احسان، رضیہ سلطانہ ،سمعیہ طارق، اشفاق فرزند بھٹی،نصیر آرائیں، اسلم گل، محمدنواز ،چوہدری اعجاز،میاں لیئق، حمید اللہ بھٹی فیاض بھٹی،افضال احمد تارڈزیلدار،شرافت علی،صداقت وڑائچ،منور ثاقب،صائمہ گل و دیگر عہدیداران و کارکنوںنے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)کالمسٹ کونسل آف پاکستان(سی سی پی) کے بانی وچیئرمین غازی ڈاکٹرشاہدرضا علوی،مرکزی صدرایم اے تبسم،سینئرنائب صدرعقیل خان ،نائب صدرامتیازعلی شاکر،سیکرٹری جنرل فیصل اظفرعلوی،سیکرٹری اطلاعات ونشریات انجینئراصغرحیات ،کنوینئرمیرافسرامان،چیئرمین ایکشن کمیٹی وسیم نذر،صدرپنجاب حافظ جاویدالرحمن قصوری،صدرسندھ محمدجاویدصدیقی ،اقبال کھوکھر،ایم پی خان،ابن نیاز،ابن ریاض،رشیداحمدنعیم،حامدقاضی،ڈاکٹرایم ایچ بابر،شہزاداسلم راجہ ودیگرنے کہا ہے کہ کوئٹہ میںبے گناہوں کا قتل عام کرنے والے دہشتگردوں کیخلاف پوری قوم متحد ہے۔ہسپتالوں میںجنگ کے دوران بھی حملے نہیں کئے جاتے۔ان خیالات کا اظہار انہوں نے کوئٹہ میں ہونے والے بم دھماکوں کی شدیدمذمت کرتے ہوئے کیا۔ انہوں نے کہا کہ پاکستانی قوم دہشتگردوں اور انتہاپسندوں کے ہاتھوں یرغمال نہیں بنے گی۔حکومت کی ذمہ داری ہے کہ وہ بلوچستان میں دہشتگردی کرنے والے گل بھوشن یادوسمیت راء کے تمام گرفتار ایجنٹوںکیخلاف دہشتگردی کی عدالتوں میں مقدمات چلائے جائیں اور ان کو کیفر کردار تک پہنچایا جائے ۔ انہوں نے کہا کہ بھارت افغانستان اور ایران کی سرزمین پاکستان کیخلاف استعمال کرکے مسلسل جارحیت کررہا ہے ۔حکومت کو متعلقہ ممالک سے واضح انداز میں بات کرنی ہوگی اور دہشتگردی پھیلانے والے عناصر کو ہر صورت روکنے کیلئے تمام اقدامات اٹھانے ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی)لانڈھی نمبر تین بیٹے کا شناختی کارڈ بنوانے کے لیے آنیو الی بیوہ خاتون پر نادرا کے عملے کی جانب سے تشدد اور کپڑے پھاڑنے کا واقعہ،پی ٹی آئی کے ر ہنما حلیم عادل شیخ کی اطلاع ملتے ہی بیوہ خاتون سے ملاقات،بیوہ عورت اور بیٹے کو لیکر لانڈھی تھانے میں پہنچ گئے اور نادرا کے عملے کے خلاف شکایات درج کروائی ، پولیس کی جانب سے نوٹس لینے پر نادرا کا عملہ معافی نامہ لیکر تھانے پہنچ گیا ،خاتون کے بیٹے کا شناختی کارڈ بنوانے کی یقین دہانی کرادی ،اس موقع پر موجود میڈیا کے نمائندوں سے بات چیت میں حلیم عادل شیخ کا کہنا تھا کہ بیوہ خاتون بیٹے کا شناختی کارڈ بنوانے کے لیے مسلسل دو ماہ سے نادرا دفتر کا چکر لگارہی تھی ، نادرا کے ملازمین کو کس نے اختیار دیاہے کہ وہ بیوہ عورتوں پر تشددکریں اور ان کے کپڑے پھاڑیں،ان لوگوں نے عوام کو دربدر کررکھاہے عوام کے روزانہ کے چکروں میں ہزاروں روپے کرایہ اور وقت بربار ہوجاتا ہے کوئی شخص تنگ آکر سوال کرے تو اس کے کپڑے پھاڑ کر تشدد کا نشانہ بنانا کہاں کی شرافت ہے ۔اس موقع پر پی ٹی آئی کے رہنما طائوس خان ،نعیم عادل شیخ ،کاشف نظامی ،سجاد ملاح خیل ،قاضی وجاہت ،روشن میدانی خطاب شاہ سمیت دیگر رہنما بھی موجود تھے،حلیم عادل شیخ کا کہنا تھا کہ نادرایک قومی ادارہ ہے اسے عوام کو سہولیات دینے چاہیے نہ کہ ان کی مشکلات میں اضافہ کیا جائے ۔انہوں نے کہا کہ پیسے لیکر غیر ملکیوں کے کارڈ بنادیئے جاتے ہیں مگر کسی لاوارث اور غیر آدمی کا شناختی کارڈ بنوانا بہت مشکل بنوادیا گیاہے ،کیونکہ ان کے پاس رشوت کے پیسے نہیں ہیں اس موقع پر متاثرہ خاتون نے نجی تھانے میں پولیس کے افسران کو بتایا کہ کس انداز میں ان کی تذلیل کی گئی جس پر تھانیدار کے نوٹس لینے پر نادرہ ملازمین بھی وہاں پہنچ گئے اور منت سماجت کی کہ وہ ان کے خلاف ایف آئی آر نہ درج کروائیں انہوں نے بیوہ عورت اور اس کے بیٹے سے معافی مانگی اور کہاں کہ وہ ان کے بیٹے کا شناختی کارڈ بنوانے میں جو رکاوٹیں وہ دور کریں گے۔