گجرات (جی پی آئی) پاکستانی قوم ملک کے دفاع اور استحکام کیلئے تن من دھن کی قربانی دینے کیلئے تیار ہے۔ جس طرح ستمبر 1965ء میں پاکستانی قوم نے اپنی جانوں کا نذرانہ پیش کیا۔ وہ ناقابل تسخیر ہے۔ ان خیالات کا اظہار ممتاز ماہر تعلیم ڈائریکٹر دی ایجوکیٹرز بارہ دری کیمپس شہزاد شفیق شرقپوری نے 6 ستمبر کے سلسلہ میں دی ایجوکیٹرز بارہ دری کیمپس میں منعقدہ تقریبا ت کے دوران کیا۔ جن کا انعقاد دی ایجوکیٹرز بارہ دری کیمپس سیکنڈری سکول اور پری سکول کی طرف سے کیا گیا۔ انہوں نے کہا کہ ننھے منھے بچے جس طرح اپنی جانوں کا نذرانہ پیش کر رہے ہیں وہ قابل تحسین ہے اور ہم ان بچوں کو خراجِ تحسین پیش کرتے ہیں۔ جنہوں نے آج اس شاندار تقریب کا انعقاد کیا۔ شہزاد شفیق نے کہا کہ جس طرح 6 ستمبر 1965ء میں پاکستانی قوم نے متحد ہو کر اس بات کا اظہار کیا کہ وہ متحد ہیں ۔اور وہ کسی بھی طاقت سے لڑ سکتے ہیں۔ آج پھر اسی جذبے اور جدوجہد کی ضرورت ہے۔ کیونکہ پاکستان جن حالات سے گزر رہا ہے وہ اس بات کے متقاضی ہیں کہ ہم ایک متحد قوم بنیں اور دشمنوں کا ڈٹ کر مقابلہ کریں ۔ وائس پرنسپل مسز شہزاد شفیق نے کہا کہ آج جن مشکل حالات سے پاکستان گزر رہا ہے وہ ہمیں دوبارہ ایک قوم بننے کا درس دے رہے ہیں۔ حافظ محمد طاہر نے کہا کہ دی ایجوکیٹرز نے ہمیشہ اپنے بچوں میں شعور بیداری کیلے کوشاں رہتا ہے تاکہ پاکستان کے بارے میں قومی یکجہتی پیدا ہو سکے۔ اس موقع پر بچوں نے ٹیبلو’ ملی نغمات اور تقاریر کیں جن میں یوم دفاع کے بارے میں شعور کو اجاگر کیا گیا۔ بعد ازاں بچوں کے بنائے ہوئے مختلف پراجیکٹ کا معائنہ کیا گیا۔ جن میں بچوں نے یوم دفاع کے حوالے سے چارٹ بنائے تھے۔ اس موقع پر ملکی ترقی اور استحکام کیلئے دعائیں کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) دی ایگزا سکول گجرات میں یوم دفاع کے حوالہ سے خصوصی تقریب کا انعقاد کیا گیا جس میں بچوں نے مختلف خاکے’ ملی نغمات پیش کئے۔ بچوں نے مارچ پاس کیا۔ حاضرین نے بچوں کی کارکردگی کو بے حد سراہا۔ اس موقع پر بچوں کی بھر پور حوصلہ افزائی کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز مذہبی شخصیت چوہدری منظور وڑائچ کی والدہ محترمہ کی وفات پر تعزیت کرنے والوں کا تانتا بندھا رہا۔ اہم شخصیات نے چوہدری منظور وڑائچ کی رہائشگا ہ پر جا کر ان سے تعزیت کا اظہار کیا اور انکی والدہ محترمہ کے ایصال ثواب کیلئے فاتحہ خوانی کی۔ تعزیت کرنے والوں میں نوابزادہ مظہر علی خاں’ نوابزادہ طاہر الملک’ چوہدری تنویر گوندل’ و دیگر اہم شخصیات شامل تھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی سی او گجرات لیاقت علی چٹھہ کی سربراہی میں 6 ستمبر کے حوالہ سے ظہور الٰہی اسٹیڈیم گجرات میں عظیم الشان کبڈی میچ کا انعقاد کیا گیا۔ جس میں پاکستان آرمی اور پنجاب پولیس کے درمیان زبردست مقابلہ جات ہوئے۔ اس تقریب کے مہمانان گرامی میں ڈی سی او لیاقت علی چٹھہ’ MPA میجر معین نواز ‘ نوابزادہ طاہر الملک’ چیئرمین زکوٰہ کمیٹی چوہدری تنویر گوندل’ پاکستان تحریک انصاف کے ممتاز راہنما چوہدری محمد افضل گوندل’ چوہدری خرم’ ADCG عرفان کاٹھیا’ حاجی ناصر محمود’ خرم ترہنگی’ DOC اسلم گوندل’ چوہدری ظہور الٰہی’ و دیگر اہم شخصیات شامل تھیں۔ DSO ندیم بٹ کی سربراہی میں شاندار انتظامات کئے گئے۔ ہزاروں کی تعداد میں لوگوں نے کبڈی میچ کو دیکھا اور شائقین نے دل کھول کر کھلاڑیوں کی حوصلہ افزائی کی۔ اس موقع پر اظہارِ خیال کرتے ہوئے ڈی سی او لیاقت علی چٹھہ نے کہا کہ کھیلوں کا فروغ ضلعی حکومت کی اولین ترجیح ہے اور اس سلسلہ میں دن رات کام ہو رہا ہے’ ڈسٹرکٹ سپورٹس آفیسر ندیم بٹ اور انکی ٹیم کی کاوشیں قابل تحسین ہیں۔ حاجی ناصر محمود نے ندیم بٹ اور انکی ٹیم کی کاوشوں کو بے حد سراہا۔ الحاج محمد افضل گوندل نے کہا کہ کھیلوں کے فروغ کیلئے ہم ہمیشہ تیار ہیں جہاں کہیں بھی ہمیں کھیلوں کے فروغ کیلئے بھلایا جاتا ہے ہم جاتے ہیں۔ بچوں میں کھیلوں کے بارے میں شعور اور دلچسپی پیدا کرنا وقت کی اہم ضرورت ہے۔ اس موقع پر ونر ٹیم کو 30 ہزار روپے اور رنر اپ ٹیم کو 20 ہزار روپے کیش پرائز دئیے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) 6 ستمبر کے موقع پر گجرات لائنز کلب ‘ گجرات ایڈن لائنز کلب اور گجرات بارہ دری لائنز کلب کے ممبران نے لادیاں میں ہونیوالی تقریب میں خصوصی شرکت کی۔ اور شہدائے کو خراجِ تحسین پیش کیا۔ وفد کی قیادت زونل چیئر پرسن انتظار رفیق اور احسن متین ملک نے کی۔ اس موقع پر لائنز ممبران کی کثیر تعداد موجود تھی جن میں شیخ عمر نوخیز’ ملک محمد شاہد’ ملک زاہد’ عامر راٹھور’ مرزا قیصر’ رضوان حان’ حاجی اظہر’ شہباز انصاری’ محمد رفیق’ محمد منظور ‘ عبداللہ ‘ مصطفی سلطان’ ڈاکٹر رزاق احمد غفاری’ لائن عمر و دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان مسلم لیگ ق کی رکن صوبائی اسمبلی خدیجہ عمر فاروقی نے پنجاب اسمبلی میں قرار داد جمع کرواتے ہوئے کہا ہے کہ پٹرولیم مصنوعات پر جی ایس ٹی میں اضافہ غیر آئینی اور منی بجٹ ہے اس سے عام آدمی بری طرح متاثر ہوگا انہوںنے کہا کہ پارلیمنٹ کی منظوری کے بغیر جی ایس ٹی میں اضافہ نہیں کیا جاسکتا،انہوںنے کہا کہ پٹرول پر عائد سیلز ٹیکس کی شرح3فیصد اضافہ سے 17سے بڑھا کر20فیصد،ایچ او بی سی پر سیلز ٹیکس کی شرح17سے بڑھا کر21.5فیصد،ہائی سپیڈ ڈیزل پر سیلز ٹیکس کی شرح7.5فیصد اضافہ ک ساتھ28فیصد سے بڑھا کر35.5فیصد جبکہ لائٹ ڈیزل آئل پر سیلز ٹیکس کی شرح3.5فیصد اضافہ سے8.5فیصد سے بڑھا کر12فیصد کردیا گیا اس طرح پٹرولیم مصنوعات میں اضافہ سے عام آدمی پر 10ارب روپے کابوجھ پڑے گا۔اس لیے یہ اضافہ واپس لیا جائے۔مزید برآں انہوںنے آر ایم این سی ایچ پروگرا م محکمہ صحت کے 5ہزار ملازمین کو 3ماہ سے تنخواہوں کی عدم ادائیگی اور سرکاری سکولوں کے9ہزار سے زائد کلاس رومز میں روشنی کا انتظام نہ ہونے پر بھی پنجاب اسمبلی میں تحریک التوائے کار جمع کرواتے ہوئے کہا ہے کہ آرایم این سی ایچ پروگرام کے ملازمین کو تنخواہوں کی عدم ادائیگی سے ان کے گھروں کے چولہے بند ہیں اور وہ پریشانی کا شکار ہیں اس لیے عید سے قبل ان کی تمام تنخواہوں کی ادائیگی کو یقینی بنایا جائے انہوںنے کہا کہ صوبہ پنجاب کے 9ہزار سرکاری سکولوں میں کلاس رومز میںروشنی کا انتظام نہ ہونے سے طلباء پریشانی کا شکار ہیں اور طلبہ و طالبات کے ساتھ اساتذہ کو بھی پڑھانے میں مشکلات کا سامنا ہے حکومت دیگر منصوبوں میں فنڈز کے ساتھ ساتھ سرکاری سکولوں میں روشنی کے مناسب انتظامات کیلئے بھی فنڈز فراہم کرے ۔نیز انہوںنے چینی کی قیمتوں میں 10روپے فی کلو کے غیر قانونی اضافہ پر بھی تحریک التوائے کار جمع کرواتے ہوئے کہا کہ بورڈ آف ریونیو کی طرف سے چینی کی قیمت60روپے فی کلو مقرر کرنے کا نوٹیفیکشن جاری ہوا مگر شوگر مافیا نے چینی کی قیمتوں میں غیر قانونی اضافہ کرکے ایک ماہ میں صارفین کو5ارب کا ٹیکہ لگایا انہوںنے کہا کہ حکمرانوں کی سرپرستی میں بجلی، چینی اور پٹرولیم مصنوعات کے صارفین سے لوٹ مار جاری ہے جو انتہائی تشویشناک ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)جامعہ گجرات میں یومِ دفاع روایتی جوش و جذبہ کے ساتھ منایا گیا۔ پاکستان بہادروں اور جرأتمند لوگوں کی سرزمین ہے اور وطن کی محبت پاکستانی قوم میں کوٹ کوٹ کر بھری ہوئی ہے۔ آج سے ٹھیک اکاون سال قبل جب دشمن نے اس بہادر قوم کو للکارا تو ہر فرد اپنی جان ہتھیلی پر رکھے مادرِ قوم کی حفاظت کے لیے دشمن کی راہ میں سیسہ پلائی دیوار بن کر کھڑا ہو گیا۔ وطن عزیز کی بہادر افواج نے جرأت و استقامت کی لازوال داستانیں رقم کیں۔ اپنے بہادر سپاہیوں کی اس سرفروشی کو سلام پیش کرنے کے لیے یوم ِ دفاع کے موقع پر جامعہ گجرات میں ایک نمائش کا اہتمام کیا گیا جس کا افتتاح وائس چانسلر پروفیسر ڈاکٹر ضیاء القیوم نے کیا۔ اس نمائش میں مختلف قسم کے پرانے اسلحہ جس میں تلواریں،پرانی بندوقیں، خنجر ، چاقو ، کلہاڑے، تیر، کمانیں، تبر اور ڈھال وغیرہ رکھے گئے تھے۔ علاوہ ازیں طلبہ کو قدیم کلچر سے روشناس کروانے کے لیے روایتی ہتھیاروں کے علاوہ تہذیبی اہمیت کی اشیاء کو بھی نمائش کے لیے پیش کیا گیا۔ اس نمائش کا مقصد طلبہ میں حب الوطنی اور پاکستانیت کے جذبات کو فروغ دیتے ہوئے ان کی ذہنی و شعوری پرورش تھا۔ ڈاکٹر ضیاء القیوم نے کہا کہ موجودہ دور میں جامعات نہ صرف تحصیل علم کے گہوارے ہیں بلکہ وہ طلبہ کی ذہنی و فکری تربیت کے مرکز بھی ہیں۔ جامعہ گجرات اعلیٰ مقاصد کی تکمیل کے لیے نونہالان قوم کو فارغ التحصیل ہونے کے بعد عمل کی راہوں پر گامزن کرنے کے لیے مختلف منصوبوں پر کام کر رہی ہے۔ انہوں نے کہا کہ 6ستمبر کے دن کو ہماری قومی تاریخ میں یادگاری حیثیت حاصل ہے۔ اس دن دشمن کی للکار کا جواب دینے کے لیے پوری قوم نے متحد ہو کر قربانیاں پیش کیں اور مادرِ وطن کی حرمت و ناموس پر کوئی آنچ نہ آنے دی۔ یہ ہماری اجتماعی ذمہ داری ہے کہ ہم اپنی نوجوان نسل کو ماضی کی قربانیوں کی یاد دلاتے ہوئے انہیں مستقبل کے چیلنجوں کا سامنا کرنے کے لیے ذہنی، علمی اور شعوری طور پر اعلیٰ اقدار و تعلیم پر گامزن ہونے کا درس دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)رائس ملز ایسوسی ایشن ضلع گجرات کی ایگزیکٹو باڈی کا اہم اجلاس ضلعی صدر مہر محمد حبیب بسوی کی زیر صدارت منعقد ہوا اجلاس میں مونجی ،چاول ،گجرات چیمبر کے الیکشن کے حوالے سے غورو خوض کیا گیا اجلاس کے شرکاء نے متفقہ طور پر گجرات چیمبر الیکشن میں فرینڈز گروپ کی حمایت کا فیصلہ کیا واضح رہے کہ اس فیصلہ کے گجرات چیمبر الیکشن پر بہت گہرے اثرات مرتب ہوں گے کیونکہ رائس ملز ایسوسی ایشن گجرات کے چالیس سے زائد ممبران گجرات چیمبر کے ووٹرز ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)سید امام شاہ آف المزمل رائس ملز کیرانوالہ کی ہمشیرہ محترمہ رضائے الہی سے وفات پا گئی ہیں مرحومہ کی نماز جنازہ آج مورخہ 7 ستمبر صبح نو بجے حسین رائس ملز ڈنگہ منگووال روڈ منگووال میں ادا کی جائے گی تما مدوست احباب سے شرکت کی اپیل ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)سیٹھ قمر خورشید صراف صدر مرکزی انجمن تاجران کنجاہ کے بھانجے سیٹھ ظہیر صراف نائب صدر مرکزی انجمن تاجران گجرات کے کزن محمد ندیم رضائے الٰہی سے انتقال کر گئے ان کا نمازجنازہ گزشتہ رات نو بجے خواجگان قبرستان میں ادا کیا گیا نمازجنازہ میں سیاسی وسماجی و کاروباری شخصیات کے علاوہ ہر مکتبہ فکر کے لوگوں کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)یوم دفاع کے موقع پر پروقار تقریب موضع لادیاں میں میجر عزیز بھٹی شہید نشان حیدرکے مزار پر منعقد ہوئی جس کے صدارت گریژن کمانڈر کھاریاں میجر جنرل نادر خان نے کی جبکہ مہمان خصوصی ڈی سی او لیاقت علی چٹھہ تھے ۔ میجر عزیز بھٹی شہید کے صاحبزادے میجر (ر) ظفر بھٹی، اے ڈی سی عرفان علی کاٹھیا، اے سی کھاریاں ذوالفقار علی باگڑی، پاک فوج کے افسران، جوان ، قومی ہیرو کے خاندان کے افراد اور اہل دیہہ بھی اس موقع پر موجود تھے ۔گریژن کمانڈر میجر جنرل نادر خان، ڈی سی او لیاقت علی چٹھہ اور میجر(ر) ظفر بھٹی نے میجر عزیز بھٹی شہید کے مزار پر حاضری دی ،پھولوں کی چادر چڑھائی اور شہید کے درجات کی بلندی، ملک میں امن، ترقی اور خوشحالی کیلئے دعا کی ، پاک فوج کے چاک و چوبند دستے نے سلامی دی جبکہ سکولوں کے طلبہ نے ملی نغمے بھی پیش کئے۔ گریژن کمانڈر اور ڈی سی او نے میجر راجہ عزیز بھٹی شہید کے اہلخانہ سے بھی ملاقات کی اور ان سے منسوب اشیاء کی نمائش بھی دیکھی۔ اس موقع پر خطاب کرتے ہوئے گریژن کمانڈر میجر جنرل نادر خان نے کہا کہ قومی اتحاد سے ہی ملک دشمنوں کے عزائم کو ناکام بنایا جاسکتا ہے اس مقصد کیلئے ہر فرد میں 1965والا جذبہ بیدار کرنے کی ضرورت ہے ۔ انہوںنے کہا کہ پاک فوج اور دوسرے سکیورٹی ادارے دہشگردوں کے خلاف حالت جنگ میں آپریشن ضرب عضب اور نیشنل ایکشن پلان کی کامیابی کیلئے معاشرے کے تمام طبقات کو اپنی ذمہ داریاں ادا کرنا ہوں گی۔ انہوںنے جنگ ستمبر 1965کے ہیرو میجر راجہ عزیز بھٹی شہید کی دفاع وطن کیلئے قربانی انکی جرات کو خراج عقید ت پیش کیا اور کہا کہ پاک فوج کا ہر افسر اور جوان دفاع وطن کیلئے انکے نقش قدم پر چلنے کو تیار ہے۔ مہمان خصوصی ڈی سی او لیاقت علی چٹھہ نے کہا کہ میجر راجہ عزیز بھٹی شہید قومی ہیرو ہیں جنہوں نے دشمن کو وہ سبق سکھایا جسے چاہتے ہوئے بھی وہ کبھی نہیں بھول سکتا، پوری قوم خصوصا اہل گجرات کو دفاع وطن کیلئے انکی عظیم قربانی اور بہادری پر فخر ہے۔ انہوںنے کہا کہ پاکستان کو آزادی کے بعد سے دشمن کی ناپاک سازشوں کا سامنا ہے اور ابتک ہم 4جنگیں لڑ چکے ہیں جبکہ گذشتہ دو سال سے پاک فوج آپریشن ضرب عضب میں مصروف ہے پاک فوج اور سکیورٹی فورسز کی انہیں قربانیوں کے نتیجہ میں کراچی کی روشنیاں لو ٹ رہی ہیں شمالی وزیرستان اور قبائلی علاقوں سے دہشت گردوں کا صفایا کر دیا گیا ہے۔ انہوں نے کہا کہ شہید زندہ ہوتے ہیں اور آج کے دن ہم سب عہد کرتے ہیں کہ وطن عزیز کے دفاع، سلامتی اور ترقی کیلئے کوئی کسر اٹھا نہیں رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ڈی سی او لیاقت علی چٹھہ نے کڈنی سنٹر اور میجر شبیر شریف شہید ہسپتال کنجاہ کا دورہ کیا اس موقع پر انہوںنے یوم دفاع کے حوالے سے کیک بھی کاٹا اس موقع پر اے ڈی سی عرفان علی کاٹھیا ، چوہدری مبشر حسین ، چوہدری رضا علی وڑائچ ، چوہدری اظہر حسین ، ای ڈی او فنانس چوہدری محمد اصغر ، ایم ایس عزیز بھٹی ڈاکٹر شیر علی نیازی ، ڈاکٹر عابد غوری ، ڈاکٹر زاہد تنویر ، چوہدری نوازریحانیہ ، چوہدری اشرف ریحانیہ و دیگر بھی موجود تھے ۔ کڈنی سنٹر کے دورہ کے موقع پر بات چیت کرتے ہوئے ڈی سی او لیاقت علی چٹھہ نے کہا کہ پبلک پرائیویٹ پارٹنر شپ کے اس عظیم منصوبہ پر کام تیزی سے جاری ہے اور آئندہ چند ہفتوںمیں یہاں گردے کے مریضوں کو علاج معالجہ کی بہترین سہولیات کی فراہمی کا آغاز کر دیا جائیگا ۔ انہوں نے بلڈنگز ڈیپارٹمنٹ اور کنٹریکٹر کو ہدایت کی کہ تعمیراتی کام فوری طور پر مکمل کریں تا کہ مشینوں کی تنصیب کا عمل شروع کیا جا سکے ۔ میجر شبیر شریف شہید ہسپتال کے دورہ کے موقع پر ڈی سی او لیاقت علی چٹھہ نے ایمرجنسی وارڈ ، میڈیکل وارڈ ، چلڈرن وارڈ سمیت مختلف شعبہ جات کا دورہ کیا اور مریضوں سے ادویات کی فراہمی ، ڈاکٹرز کے رویہ اور دیگر سہولیات کے بارے میں دریافت کیا ۔ ڈی سی او لیاقت علی چٹھہ نے ہدایت کی کہ مریضوں کو سو فیصد مفت ادویات کی فراہمی یقینی بنائی جائے ہسپتال میں صفائی کی صورتحال پر خصوصی توجہ دی جائے ۔ انہوں نے بتایا کہ ہسپتال کے آئی وارڈ کو جدید مشینری سے آراستہ کر دیا گیا ہے اسی طرح چلڈرن وارڈ میں بھی جدید طبی آلات فراہم کیے جا چکے ہیں ، انہوںنے ہدایت کی کہ میجر شبیر شریف شہید ہسپتال میں انجمن بہبودی مریضاں کو فعال بنایا جائے اور اس میں متحرک ممبران کو شامل کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)6ستمبر یوم دفاع کے سلسلہ میں یاد گار شہداء نور مسجدکھاریاں چھائونی کے مقام پر تقریب کا اہتمام کیا گیا مہمان خصوصی شہداء کے لواحقین تھے جبکہ میزبانی کے فرائض گریژن کمانڈر کھاریاں میجر جنرل نادر خاں نے سرانجام دئیے شہداء کی یاد گار پر لواحقین اور میزبان کی جانب سے پھولوں کی چادریں چڑھائی گئیں سلامی بھی پیش کی گئی سکولوں کے بچوں نے ملی نغمے پیش کیے اسموقع پر گریژن کمانڈر کھاریاں میجر جنرل نادر خان نے خطاب بھی کیا اور شہداء کو زبردست الفاظ میں خراج عقیدت پیش کیا انہوں نے کہا کہ ہماری خواہش ہے کہ مادر وطن کی خاطر شہید ہو جائیں اور آپکی طرح ہمارے لواحقین بھی فخر کرسکیں کہ ہم شہید کے لواحقین ہیں انہوں نے کہا کہ جو لوگ اللہ کی راہ میں مارے جاتے ہیں وہ زندہ ہوتے ہیں ہمیںاپنے تمام شہداء پر فخر ہے آپریشن ضرب عضب اور دہشتگردی کے دوران شہید ہونیوالے1965کے شہدا ء کی یاد یں تازہ کررہے ہیں آج ہم شہداء کو یقین دلاتے ہیں کہ پاکستان کے دفاع کی خاطر جانوں کی قربانی دینے سے بھی دریغ نہیں کریں گے اورآپکی یاد تازہ کی جائے گی تقریب میںسٹیشن کمانڈر کھاریاں بریگیڈئیر صادق راہی،CEOکنٹونمنٹ بورڈ عمران خان،وائس پریذنٹCNKمسعود احمد چوہان،ممبران چوہدری نصیر احمد،ہارون بھٹی مسیح،طارق امام کوکب،سیف الرحمن بھٹی،شہداء کے لواحقین،خواتین اور بچوں نے بھی بڑی تعداد میںشرکت کی شرکاء کے اعزاز میںہرتکلف ظہرانہ دیا گیا اسموقع پر فوجی سازوسان کی نمائش کا اہتمام بھی کیا گیا تھا،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)6ستمبر یوم دفاع کے حوالے سے تحصیل کھاریاں ضلع گجرات کے عظیم سپوت میجر راجہ عزیز بھٹی شہید(نشان حیدر) کے مزار لادیاں پر شاندار تقریب کا انعقاد کیا گیا تقریب کے مہمان خصوصی گریژن کمانڈر کھاریاں میجر جنرل نادرخاں تھے جبکہ میجر عزیز بھٹی شہید کے صاحبزادے میجر راجہ ظفر بھٹی اورDCOگجرات لیاقت علی چٹھہ نے بھی خصوصی شرکت کی پاک فوج کے افسران،میجر عزیز بھٹی شہید کی فیملی،سرکاری آفیسران ،معزین علاقہ اور مختلف تعلیمی اداروں کے طلباء نے بھی شرکت کی پاک فوج کے چاک و چوبند دستے نے سلام پیش کی گریژن کمانڈر کھاریاں،DCOگجرات کی جانب سے میجر راجہ عزیز بھٹی شہید اور انکی اہلیہ کی قبروں پرپھولوں کی چادریں چڑھائی گئیں تقریب میں نمایاں طور پر میجر جنرل نادرخاں گریژن کمانڈر کھاریاں،میجر(ر)ظفر بھٹی،DCOگجرات لیاقت علی چٹھہ،ADCGعرفان کاٹھیا،DIOسید وقارنقوی،AC کھاریاں ذوالفقار علی باگڑی، چوہدری خالد ایڈووکیٹ صدر کھاریاں بار، چوہدری محبوب علی ایڈووکیٹ جنرل سیکرٹری کھاریاں بار،TMOملک شفقت منیر،TORتنویرعباس گجر،COشیخ وجاہت حفیظ صدیقی،سیف الرحمن بھٹی،جاوید بٹ گجرات،MSسول ہسپتال کھاریاں ڈاکٹر فاروق بنگش اور میڈیا کے نمائندے بھی موجود تھے دن بھر میجر راجہ عزیز بھٹی شہید کے مزار پر میلے کا سماں رہا لوگ آتے رہے اور فاتحہ خوانی کرتے رہے تقریب کے دوران پاک فوج،پنجاب پولیس اوررضا کار سیکورٹی کے فرائض سرانجام دئیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)میجر راجہ عزیز بھٹی شہید جیسے جری اور بہادر شہید پر فخر ہے آج یہ عہد کرتے ہیں کہ پاکستان کی تعمیروترقی ،خوشحالی اور دفاع کیلئے شہداء کے نقش قدم پرچلیں گے اور مادروطن کی حفاظت کی خاطر جانوں کی قربانیاں دینے سے بھی دریغ نہیں کریں گے اگر کبھی موقع ملا تو وطن کے دفاع کی خاطر میجر راجہ عزیز بھٹی شہید کی یاد تازہ کریں گے آج یہ بھی عہد کرتے ہیںکہ ملک کے اندرونی ،بیرونی دشمنوں کا قلع قمع کرنے اور دہشتگردی کے کاتمہ کیلئے ملکر اپنا اپنا کردارادا کریں گے ان خیالات کا اظہار گذشتہ روز6ستمبر یوم دفاع کے موقع پرمیجر راجہ عزیز بھٹی شہید کے مزارلادیاں کھاریاں میں گریژن کمانڈر کھاریاں میجر جنرل نادر خاں نے کیا انہوں نے کہا کہ زندہ قوموں کی ایک یہ بھی نشانی ہوتی ہے کہ وہ کبھی اپنے محسنوں کو کبھی نہیں پھولتیں میجر عزیز بھٹی شہید جیسے تمام جری،جوانوں اور سپوتوں پر ہمیں اور پوری قوم کو ناز ہے1965 سے دشمنان پاک وطن سزشوں میںمصروف ہیں اور ناکام ہورہے ہیں دہشتگردی کیخلاف گذشتہ10سالوں سے نبردآزماہیں آپریشن ضرب عضب کا میابیوں اور کامرانیوں کی طرف گامزن ہے پاکستان ایک ایٹمی طاقت اور اسلامی دنیا کا ہیرو ہے دشمن کبھی اپنے مزموم مقاصد میںکامیاب نہیں سکیں گے اس موقع پرDCOگجرات لیاقت علی چٹھہ نے کہا کہ1965کی جنگ میں میجر راجہ عزیز بھٹی شہید نے جوانمردی کا مظاہرہ کیا اور دشمن کا دندان شکن جواب دیا شہداء کی قربانیاں کو ہمیشہ یاد رکھا جائیگا پاک فوج اور قانون نافذ کرنیوالے ادارے قربانیاں دے رہے ہیں اور کامیابیاں حاصل کررہے ہیں دہشتگردی کیخلاف آج بھی1965والے جذبے کی ضرروت ہے پاک فوج آپریشن ضرب عضب کو کامیابیوں کی طرف لیجا رہی ہے کراچی میںامن قائم ہورہا ہے آج ہم عہد کرتے ہیںکہ وطن کے دفاع کیلئے اپنی زندگیاںوقف کریں گے اور دفاع کی خاطر اپنا تن من اور دھن بھی قربان کردیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)سپرئیر کالج کھاریاں کاHECسے الحاق ہونے کے موقع پر یونیورسٹی کے فارغ ہونیوالے طلباء وطالبات کے پہلے بیج کی فیئر ویل اور کیریئر کونسلنگ سیمینار اور یوم دفاع کی مناسبت سے شاندار تقریب کا اہتمام کیا گیا طلباء وطالبات نے ملی،نغمے،ٹیبلوز پیش کیے یوم دفاع کے حوالہ سے تقاریر کیں اس موقع پر ڈاکٹر ندیم چوہدری نے پر معز لیکچر بھی دیا جبکہ میزبانی کے فرائض پرنسپل محمدعلی نے سرانجام دئیے سینئرصحافی سیدتنویرنقوی اورجبارساگر نے طلباء میں انعامات بھی تقسیم کیے جبکہ یادگاری شیلڈیں بھی دیں گئیں نمایاں طور پر شرکت کرنیوالوں میں ڈاکٹر ندیم چوہدری(PHD)،ڈاکٹرانیس(PHD)،ڈاکٹر گلزار(PHD)اورڈاکٹر خرم(PHD)نے خصوصی شرکت کی یادر ہے کہ یہ تمامPHDحضرات سپرئیر یونیورسٹی کھاریاں کیمپس کی فکیلٹی کا حصہ بھی بن چکے ہیں علاقہ معززین نے سپرئیر کھاریاں کی انتظامیہ کوHECسے الحاق ہونے پر مبارکباد بھی دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)اعوان ماربلز اینڈ بلڈنگ میڑئک بائی پاس ڈوگہ نے سیل شروع کردی ہے یہاں پر ہر قسم کا ماربل اور تمام ورائٹیاں بھی وافر مقدار میں موجود ہیں اس سلسلہ میں ایم ڈی ملک آفتاب حسین لمے شریف نے بتایا کہ ماربل کے ساتھ ساتھ بلڈنگ میٹریل بھی معیاری دستیاب ہوگا جو کہ بازار سے انتہائی کم نرخوں میں عوام کو مہیا کریں گے انہوں نے مزید کہا کہ جلد باقاعدہ افتتاح بھی کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)نواحی موضع ملکہ میں ڈکیتی کی دلیرانہ واردات ۔دو نامعلوم ڈاکو گھر کی دیواریں پھلانگ کر گھر گھس آئے ،خواتین اور بچوں کو یرغمال بنا کر نقدی 225000۔زیورات اور موبائل لے گئے ۔تفصیل کے مطابق تھانہ گلیانہ کے ملحقہ قصبہ ملکہ میں گزشتہ شام ڈکیتی کی دلیرانہ واردات ہوئی جس میں دو ڈاکووں نے دوران بارش گھر کی دیواریں پھلانگ کر اند داخل ہو گئے اور اسلحہ کے زور پر گھر میں بوڑھی عورت سمیت تمام خواتین اور بچوں کو یرغمال بنا لیا ۔اور انہیں اسلحہ کے زور پر دو لاکھ پچیس ہزار روپے نقد ،زیورات میں دو انگوٹھیاں اور تین موبائل لے گئے ۔جس کی فوری اطلاح تھانہ گلیانہ کو دی گئی ۔ایس ایچ او گلیانہ ارشد گوندل نے فنگر حاصل کر کے متعلقہ محکمہ کو ارسال کر دئیے ہیں اور ایف آئی آر نمبر 301درج کر کے ملزمان کی تلاش شروع کر دی ہے ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)ملک افتخار احمد اعوان آج ریٹار ہو جائیں گے ۔تفصیل کے مطابق حلقہ این اے 107کی معروف سماجی شخصیت ماسٹر ملک افتخار احمد آج محکمہ تعلیم میں اپنی ذمہ داریاں احسن طریقے سے نبھا کر ریٹار ہو جائیں گے ۔ماسٹر افتخار احمد اعوان کی طر ف سے ظہرانہ کا باقاعدہ اہتمام کیا گیا ہے ،جس میں مقامی سیاسی قیادت کے علاوہ محکمہ تعلیم کے افسران کی شرکت بھی ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)ستمبرکامہینہ عسکری اعتبارسے تاریخ عالم اورپاکستانی قوم کے لئے اہمیت کاحامل ہے۔ستمبرکی 6تاریخ کوایک چھوٹے سے ملک نے ایمانی طاقت سے سرشارہوتے ہوئے طاقت میںنشے میںڈوبے ہوئے بھارت کوناکوںچنے چبوادیئے اوراس ازلی دشمن بھارت کوپاکستانی غیورافواج اورقوم نے یہ بتلا دیا کہ اس مملکت خدادکی طرف میلی آنکھ اٹھاکربھی نہ دیکھے۔ان خیالات کا اظہار پرنسپل میڈم سندس بٹ ،ڈپٹی ہیڈمیڈم عطرت اورقرةالعین نے دی ایجوکیٹرزسکول وزیرآبادکیمپس میںیوم دفاع کی تقریبات سے خطاب کرتے ہوئے کیا۔اس موقع پر طلباء وطالبات نے پریڈ،ملی نغمے،عسکری مظاہرے اورٹیبلو پیش کئے۔انہوںنے کہا کہ پاکستان بہادرافواج وقوم نے یک جہتی اوریگانگت کامظاہرہ کرتے ہوئے عیار،بزدل رات کے اندھیرے میںوارکرنے والے دشمن کے حملے کوناکام بناکرتاریخ رقم کردی۔فرعونی سوچ اوردشمن کے دعووںکوخاکمیںملا دیا۔ایمانی نعروںکے سامنے بھاررتی سورمامٹی کے ڈھیرثابت ہوئے آج اس دن کومنانااوراپنی قوم میں6ستمبر1965کی تاریخ منتقل کرناہم سب کی ذمہ داری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)یوم دفاع پاکستان پورے جوش وجذبے سے منانے کی ضرورت ہے۔پاکستان کاوجودشہداء کی قربانیوںکامرہون منت ہے۔6ستمبرکادن ہمیںشہداء کی عظیم الشان بہادری اورقربانیوںکی یاد دلا تا ہے۔ان خیالات کا اظہارپرنسپل حافظ محمدسعیداحمدنے سپیرئیرکالج میںیوم دفاع کے موقع پرمنعقدہ تقریب سے خطاب کرتے ہوئے کیا۔اس موقع پرپروفیسرجنیدقیصر،حافظ زبیراحمد،مبین احمداورحافظ سلیمان احمدنے بھی خطاب کیا۔انہوںنے کہا کہ پاکستان کی سرزمین ہمارے لے خداکاایک تحفہ ہے پاکستان ہے۔پاکستان کواللہ تعالیٰ نے بے شمارقدرتی وسائل سے نوازاہے۔وطن عزیزکی حفاظت کرناہرمحب وطن اورباشعور پاکستان کی فرض اولین ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)ماہ ستمبرکی 6تاریخ پاکستانی قوم کے قربانی کے جذبہ کوتازگی بخشتی ہے،6ستمبرکوافواج پاکستان اورپاکستانی قوم نے جس جذبے ولولے سے ہندوبنئے کوشکست فاش دی آج بھی اس جذبہ کی ضرورت ہے۔ہم اپنے اندرونی وبیرونی دشمنوںکامقابلہ کرنا ہے۔اس کے لئے پوری قوم کواخوت وبھائی چارے ،یکجہتی کی لڑی میںپرونا ہوگا۔پوری قوم ایک جان ہوکردشمن کونیست ونابودکرسکتی ہے۔ان خیالات کااظہاراسسٹنٹ کمشنروزیرآبادمحمدانوربریار نے 6ستمبر1965میںپہلی شہیدخاتون عابدہ شریف طوسی کی یادگارپرفاتحہ خوانی کے موقع پرکیا۔اس موقع پرصدر مرکزی تنظیم تاجراںناصر محموداللہ والے،صدر پریس کلب افتخاراحمدبٹ،جنرل سیکرٹری صابر حسین بٹ،سیف اللہ بٹ،مہرطاہر جاویدمٹھو،محمداشرف نثار،ڈاکٹر سیدرضا سلطان،شیخ صلا ح الدین،افتخاراحمدصدیقی،خواجہ محمدشعیب،لالہ محمدخلیل،عمراشرف ،ارسلا ن بلوچ ودیگربھی موجودتھے۔انہوںنے کہا کہ پاکستانی قوم اپنے ایمانی جذبے کی وجہ سے پوری دنیااپنی میںپہچان رکھتی ہے۔ہمارے دشمن ہماری افواج اورقوم کے کارناموںسے باخبرہے اس لئے وہ پاکستان پرمیلی نظرڈالنے کی جرات نہیںکرسکتا۔ہم کواپنے جذبے کومضبوط بنیادوںپراستوارکرکے ایک قوم بن کردشمن کے سامنے سیسہ پلائی دیواربننا ہوگاتاکہ پھرکسی دشمن کورات کے اندھیرے میںبزدلا نہ حملہ کی ہمت نہ ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) جماعت اسلامی کے رہنما محمد مشتاق بٹ نے کہا ہے جماعت اسلامی اقامت دین۔عوامی فلاح و بہبود کا مشن جاری رکھے گی،اسلام کا عادلانہ نظام نافذ کئے بغیر قیام پاکستان کے مقاصد پورے نہیں ہونگے اس کیلئے ہر قربانی دیں گے۔بنگلہ دیش میں پھانسیاں ہمارے لئے اعزاز ہے مگر حکمرانوں کی بے حسی قابل مذمت ہے وہ ماہانہ مشاورتی اجلاس سے خطاب کررہے تھے۔اس موقع پر ناصر کلیر،عبدالوکیل علوی،صابر بٹ،زمان حیدر چیمہ نے بھی خطاب کیا۔انہوں نے کہا کرپشن اور لوٹ مار نے عوام کی زندگی اجیرن بنا دی ہے پاکستان کو باہر سے نہیں کرپٹ حکمرانوں سے خطرہ ہے دیانت دار قیادت ملک کو مسائل کی دلدل سے نکال سکتی ہے۔ملک کو جیالوں،متوالوں کی نہیں رکھوالوں کی ضرورت ہے۔اجلاس میں ذمہ داران نے اپنے علاقوں کی رپورٹ پیش کی،علاوہ ازیں محمد مشتاق بٹ نے لویری والا،رانا،،رام گڑھ،الہ آباد اور نظام آباد کا دورہ کیا اور کارکنوں کے اجتماعات سے خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) مسلم لیگی راہنما کیپٹن(ر)ڈاکٹرمحمدرفیق فضل نے کہا ہے کہ 6ستمبرپاکستان کی تاریخ ناقابل فراموش ویادگار دن ہے بھارت کی جارحیت کامقابلہ پاک افواج وعوام نے اپنی جانوںکے نذرانے دیکرکیا۔چھ ستمبرکوبھارتی فوجوںنے پاکستان کی سرحدوںپرکھلی جارحیت کرکے پاکستان کی زمین پراپنے ٹینک چڑھادیئے لیکن پاکستان کے شیردل افواج اورعوام نے بڑی جواںمردی کامظاہرہ کرتے ہوئے بھارت کے ٹینکوںکے آگے لیٹ کراپنی جانوںکے نذرانے دیکرہندوستانیوںکوشکست فاش دی۔انہوںنے کہا کہ آج ہمیںیہ عہدکرنا ہوگاہم دفاع وطن اورملک میںسیاسی ومعاشی استحکام کے لئے کسی قربانی دریغ نہیںکرینگے۔انہوںنے کہا کہ آج بھی ہمارے بہادرسپاہی ملک سے دہشت گردی کے خاتمہ اورسرحدوںکی حفاظت کے لئے اپنی جانوںکے نذرانے دے رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) فیڈرل ممبرپی پی پی شہیدبھٹواشفاق احمدکھوکھرنے کہا ہے کہ 6ستمبر1965کوافواج پاکستان وقوم کی قربانیاںبھلائی نہیںجا سکتیں۔رات کے اندھیرے میںحملہ کرنے والے بھارت کوعلم ہوچکا ہے کہ پاکستانی قوم اورافواج سے مقابلہ ممکن نہیں۔اس لئے وہ ثقافتی ذرائع سے ہمیںکمزورکرنے کے درپے ہے مگرمسلمان کے جذبہ ایمانی کے سامنے ہندوبنیاء ایک مٹی کاڈھیر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بڈیانہ(جی پی آئی)سجادہ نشین واصفی آستانہ بڈیانہ شریف پیر محمد ظہور واصف بڈیانوی کی بھاوج اور صاحبزادہ محمد ظہیر واصفی کی بیوی کی وفات پر پیر سید منور حسین شاہ جماعتی سجادہ نشین آستانہ عالیہ حضرت امیر ملت علی پور سیداں شریف، چیئرمین ادارہ تاجدار یمن پاکستان علامہ پیر محمد تبسم بشیر اویسی سجادہ نشین مرکز اویسیاں نارووال، صاحبزادہ علامہ محمد عرفان الہٰی قادری آستانہ عالیہ ساہو چک شریف، صاحبزادہ محمد عاصم بشیر اویسی ،حافظ محمد عرفان اسلام اویسی ضلعی صدر بزم رضائے محمد ۖ نارووال،علامہ محمد ریاض الدین صدیقی ،قاری محمد یوسف بٹ نقشبندی، خلیفہ محمد عدنان واصفی،محمد اللہ دتہ واصفی اور دیگر لواحقین سے اظہار تعزیت اور مرحومہ کیلئے دعا مغفرت کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) جمعیت علماپاکستان کے مرکزی صدر پیر اعجاز احمد ہاشمی نے کہا ہے کہ کشمیر کی آزادی کے بغیر پاکستان جغرافیائی اور دفاعی طور پر نامکمل ہے ۔ کشمیری عوام اور قیادت نے قربانیاں دے کر اور قید و بند کی صعوبتیں برداشت کرکے ثابت کردیا ہے کہ وہ وطن عزیز کا دفاع ہیں۔ اپنی آزادی کے لئے لڑنے والے کشمیری ہمارا فخر ہیں۔ دہشت گردی کے خاتمے کے بغیر مکمل دفاع ممکن نہیں۔ جوکہ صرف باہمی مذہبی اور سیاسی رواداری سے ہی آئے گا۔ کارکنوں سے گفتگو کرتے ہوئے پیر اعجاز ہاشمی نے کہا کہ 6۔ ستمبر 1965ء کو افواج پاکستان نے دشمن ملک بھارت کو ایسا سبق سکھایا کہ دوبارہ اسے لاہور کا رخ کرنے کی جرات نہیں ہوئی۔ لیکن دشمن نے مکارانہ چالوں سے دہشت گردی کا ناسور پیدا کردیا۔ جو کہ فاٹا اور بلوچستان سمیت ملک بھر میں کبھی کبھار ہوتا رہتا ہے ۔ افواج پاکستان کی جرات اور عوام کی حمایت کے باعث کافی حدتک دہشت گردی کے واقعات بند ہوچکے ہیں لیکن اب مکار دشمن دہشت گرد افغانستان کے ذریعے بھجوارہا ہے ۔ ان کا کہنا تھا کہ ملکی دفاع کا تقاضا ہے کہ ایم کیو ایم جیسی ملک دشمن دہشت گرد تنظیموں پر پابندی عائد کی جائے۔ جو غدار ہیں انہیں جیلوں کے اندر ہونا چاہئے۔ ہاں جو اچھے لوگ ہیں وہ سیاست جاری رکھنا چاہتے ہیں تو انہیں نئی جماعت رجسٹرڈ کروانی چاہیے۔ جے یو پی سمجھتی ہے کہ ایم کیو ایم کے خوف اور دہشت گردی کے نام کو ختم کیا جائے۔ جیسے کہ فاٹا سے طالبان جیسے ناسوروں کے ٹھکانے ختم کئے گئے۔ انہیں بھی ختم کیا جانا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) جمعیت علما پاکستان نیازی کے سربراہ قائد اہل سنت پیر سید محمد معصوم حسین نقوی نے یوم دفاع پر قوم کو مبارکبا ددیتے ہوئے کہا ہے کہ افواج پاکستان کی تاریخ بہادری، قربانی، شجاعت اورایثار سے بھر ی پڑی ہے۔ انڈیا کے خلاف جنگیں ہوں، عالمی سطح پر امن کا قیام یا طالبان دہشت گردوں کے خلاف ضرب عضب آپریشن فوج نے پھر پور کردار ادا کیا ہے۔ جس کے باعث آج قوم سرخرو ہے، سراٹھا کر اور سینہ تان کر چلتے ہیں۔ یوم دفاع کے حوالے سے نجی سکول میں منعقدہ تقریب سے خطاب میں پیر معصوم نقوی نے کہا کہ وطن کی محبت جزو ایمان ہے، جس کا تحفظ ہمار ا فرض اورقوموں کی زندگی کے لئے ضروری ہے۔ انہوں نے کہا کہ انڈیا بڑا ملک ہونے اور اسلحے کی بہتات کی تکبر میں پاکستان پر حملہ آور ہوا تو افواج پاکستان نے ان کے دانت کھٹے کردیے اور ایسی عبرتنا ک شکست دی کہ آج تک انہیں دوبارہ لاہور بارڈر پر حملے کی جرات نہیں ہوئی اور اب افغانستان کے ذریعے بلوچستان میں دہشت گردی کروا رہا ہے۔ اس حوالے سے بھارتی خفیہ ایجنسی را کے آفیسر کلبھوشن کے اعتراف سامنے آچکے ہیں۔ ان کا کہنا تھا کہ پوری قوم افواج پاکستان کی پشت پر کھڑی ہے، اور امید کرتی ہے کہ جنر ل راحیل شریف کی قیادت میں جس انداز سے دہشت گردوں کا خاتمہ کیا گیا ہے، آخری دہشت گرد کا قلع قمع کرنے تک یہی جدوجہد اور انداز جاری رہے گا۔ پیر معصو نقوی نے کہا کہ سیاست میں فوج کی مداخلت ختم ہوچکی ہے، کچھ اقتدار کے رسیا ضیاالحق، ایوب خان اور پرویز مشرف جیسے جرنیلوں نے جمہوریت پر شب خون مارا، جس کی وجہ سے کچھ بونے سیاستدان پید ا ہوئے اور قوم کی ترقی کا سفر سست روی کا شکار ہوا، لیکن اب فوج سیاست میں مداخلت کا کوئی اراد ہ نہیں رکھتی۔ جنر ل راحیل شریف پروفیشنل جرنیل ہیں، کچھ لوگ فوج کو بدنام کرنے کے لئے اس کی حمایت کے یکطرفہ دعوے کرتے ہیں، زمینی حقائق اس کے خلاف ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) قائد ملت جعفریہ پاکستان اور اسلامی تحریک کے سربراہ علامہ سید ساجد علی نقوی نے یوم دفاع کی مناسبت سے منعقدہ تقریب میں خطاب کرتے ہوئے کہا کہ پاکستان کی سلامتی اور خود مختاری کے دفاع کے لیے پاک فوج نے ماضی میں جو کارنامے اور خدمات انجام دی ہیں وہ قابل تحسین ہیں۔قربانیاں ہمیںملکی سلامتی اور دفاع کے لیے کسی قربانی سے دریغ نہ کرنے پر آمادہ کرتی ہیں۔ انہوںنے کہا کہ تاریخ نے ثابت کیا ہے کہ اگر پاک فوج اپنے پیشہ وارانہ فرائض تک محدود رہے تو وہ بہترین انداز سے پاکستان کا دفاع اور ملکی سلامتی کا تحفظ کرسکتی ہے۔ ان کا کہنا تھا کہ اس وقت پاکستان داخلی اور خارجی لحاظ سے شدید مشکلات سے دوچار ہے۔ ایک طرف سرحدوں پر ازلی دشمن جارحیت دکھارہا ہے تو دوسری طرف ملک کے اندر ملک دشمن سفاک دہشت گرد’ ٹارگٹ کلر اور بدامنی پھیلانے والے عناصر سرگرم عمل ہیں۔علامہ ساجد نقوی نے کہا کہ ضرب آپریشن کے کامیاب آپریشن کا دائرہ ملک کے دیگر شہروں تک پھیلانے کے مثبت اثرات ظاہر ہوئے ہیں ۔ انہوںنے کہا کہ نیشنل ایکشن پلان پر عمل درآمد بھی ملکی مفاد میں ہے تاہم انتظامیہ کی طرف سے ظالم و مظلوم اور قاتل و مقتول کی تمیز کئے بغیر بیلنس کی ظالمانہ اور غیر منصفانہ پالیسی کے نتیجے میں معاشرے کے عزت دار’ معزز اور امن پسند لوگوں کی بلاجواز گرفتاریاں تشویش ناک ہیں۔اسلامی تحریک کے سربراہ کاکہنا تھا کہ ان حالات میںحکمرانوں اور ملکی دفاع وسلامتی کے اداروں کی اولین ذمہ داری ہے کہ وہ ملک میں موجود بحرانوں کے خاتمے کے لیے اپنا کردار ادا کریں’ ملکی سلامتی ‘ قومی یکجہتی کو مقدم خیال کرتے ہوئے سرحدوں کے دفاع کو باہم متحدہوکر یقینی بنایا جائے’ عوام کو امن و سکون کی فراہمی’ انکے مذہبی حقوق اور شہری آزادیوں کے تحفظ کے لئے کوئی کسر اٹھا نہ رکھی جائے ۔انہوں نے دفاع پاکستان کی جنگ میں شہید ہونے والے تمام شہداء کو خراج عقیدت اورتمام غازیوں کو خراج تحسین پیش کرتے ہوئے پاکستانی عوام سے اپیل کی کہ اپنے اندر وحدت و اتحاد پیدا کریں اور ہر قسم کے فرقہ وارانہ، مسلکی، فروعی، لسانی، گروہی اور ذاتی مفادات کو پس پشت ڈال کر اسلام اور پاکستان کو اپنی پہلی ترجیح قرار دے کر خدمت کا عہد کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)پاکستان مسلم لیگ پنجاب کے جنرل سیکرٹری و سابق اپوزیشن لیڈرچوہدری ظہیر الدین خاں نے مسلم لیگی راہنما چوہدری پرویز الہٰی کی طرف سے عہدیداروں کے ہمراہ باٹا پورمیجر عزیز بھٹی شہید ودیگر شہدا ئے 6 ستمبر کی یادگار پر حاضری دی پھولوں کی چادر چڑھائی اور شہداء کے درجات کی بلندی کے لیے دعا کی بعدازاں میاں محمد منیر ، ایم پی ا ے خدیجہ عمر فاروقی،ماجدہ زیدی، رانا محمد ریاض،پرویز مائیکل، عائشہ شیخ،لیاقت بٹ کے ہمراہ میڈیا کے نمائندوں سے گفتگو کرتے ہوئے چوہدری ظہیر الدین خاں نے کہا کہ ستمبر 1965 ء جنگ کا سب سے بڑا ہتھیار اتحاد اور قومی جذبہ تھا ، آج تعمیر پاکستان کے لیے ستمبر 1965 ء والے قومی جذبہ اور حب الوطنی کے مظاہرے کی ضرورت ہے ، انہوں نے کہا کہ دفاع وطن پر قربان ہونے والے بری بحری فضائی جوانوں افسروں کی قربانیوں کی وجہ سے آج پاکستانی عوام آزاد فضائوں میں سانس لے رہے ہیں ، انہوں نے کہا کہ پاکستان شہیدوں ، غازیوں کی امانت ہے ہر شہری اس سے پیار کرے اور اس خطہ زمین کی قدر کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان ایوارڈ اکیڈمی کے زیراہتمام یوم دفاع کے سلسلے میں مقامی ہوٹل میں تقریب کا اہتمام کیا گیا جس میں 6ستمبر اور کارگل کے شہداء کی یاد کو تازہ کیا گیا اور انہیں خراج عقیدت پیش کیا گیا۔ کرنل عبدالرئوف مگسی نے تقریب سے خطاب کرتے ہوئے کہا کہ ہمارا سویلین طبقہ بھی اپنے شہداء کو دل سے یاد کرتا ہے یہ جان کر جوانوں کے حوصلے بڑھ جاتے ہیں۔ انہوں نے کہا کہ کارگل کے محاذ پر میرے بیٹے نے ملک کے دفاع کیلئے اپنی جان کا نذرانہ پیش کیا تھا، میں خود چمن بارڈر پر اپنے فرائض ادا کر رہا ہوں، میری دلی خواہش ہے کہ جان جائے تو وطن کے دفاع میں جائے، پاک فوج نے نہ صرف ملک کی سرحدوں بلکہ اندر بھی ملک دشمنوں کا مقابلہ کیا ہے۔ سابق نائب وزیراعظم چودھری پرویزالٰہی کے میڈیا کوآرڈی نیٹر اور وائس چیئرمین پاکستان ایوارڈ اکیڈمی اقبال چودھری نے 6ستمبر کے شہداء کو خراج عقیدت پیش کرتے ہوئے کہا کہ ہماری فوج دنیا کی افواج میں سب سے زیادہ قابلیت کی حامل ہے، اس کا ثبوت 65ئ، 71ء اور کارگل کے محاذ پر دے چکی ہے، ہم اپنی فوج کے شانہ بشانہ کھڑے ہیں اور وقت آنے پر اپنی جان قربان کرنے سے بھی دریغ نہیں کریں گے۔ اس موقع پر ارشد نسیم بٹ چیئرمین پاک آسٹریلیا فرینڈشپ، میاں اسماعیل سہیل، محمد امین، عزیز شیخ، امیر علی اور قدیر گلشن نے بھی شہداء کی یاد میں اپنے اپنے خیالات کا اظہار کیا۔ بعد ازاں کرنل عبدالرئوف مگسی کو پاکستان ایوارڈ اکیڈمی کی جانب سے اقبال چودھری نے شیلڈ پیش کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)مینگورہ کے نواحی علاقے اینگروڈھیرئی میں نامعلوم افراد کی فائرنگ سے گلکدہ نمبر 1سیدو شریف سے تعلق رکھنی والی خاتون عزرا بی بی زوجہ مطیع الرحمن بعمر 44/45سال قتل ،وجہ قتل معلوم نہ ہوسکی پولیس نے مقدمہ درج کرکے مزید تفتیش شروع کردی تفصیلات کے مطابق گزشتہ رات مینگورہ کے نواحی علاقے اینگروڈھیرئی میں نامعلوم افراد نے گلکدہ نمبر 1سیدو شریف سے تعلق رکھنی والی خاتون عزرا بی بی زوجہ مطیع الرحمن کو نامعلوم وجوہات کے بناء پر گولی مارکر قتل کردیا رحیم اباد پولیس نے موقع پر پہنچ کر لاش کو پوسٹ مارٹم کیلئے سیدو شریف ہسپتال منتقل کردیا رحیم اباد پولیس نے نامعلوم افراد کے خلاف مقدمہ درج کرکے مزید تفتیش شروع کردی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)ڈی پی او سوات محمد سلیم مروت کی خصوصی ہدایت پر ایس ایچ او منگلور مجیب عالم خان نے کارروائی کرتے ہوئے چوری چکاری اور نقب زنی کرنیوالے گروہ کو ڈرامائی انداز میں اسلحہ سمیت گرفتار کرلیا،دوسری کارروائی میں اماندار کے قبضے سے 507 گرام چرس برامد کرکے ملزم کو گرفتار کرلیا پولیس نے مقدمہ درج کرکے مزید تفتیش شروع کردی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)ڈی ایس پی مینگورہ سٹی حبیب اللہ خان کے ہدایت پر ایس ایچ او مینگورہ امجد خان کی کارروائی منشیات فروش انورعلی ولد غندل اور نوید ولد انور علی ساکنان پانڑ خواجہ کو گرفتار کرلیا ملزمان کے قبضے سے 1010گرام چرس برامد جبکہ حساس مقامات کی چیکنگ کے دوران ایک شخص کو 55109کے تحت گرفتار کرلیا گیا مینگورہ پولیس نے 15ہوٹلز کی چیکنگ بھی کی تفصیلات کے مطابق ڈی ایس پی مینگورہ سٹی حبیب اللہ خان کی ہدایت پر ایس ایچ او مینگورہ امجد خان کی کارروائی منشیات فروش انور علی ولد غندل اور نوید ولد انور علی ساکنان پانڑ خواجہ کے قبضے سے 1010گرام چرس برامد کرکے ملزمان کو گرفتار کرلیا پولیس جبکہ دیگر کارروائیوں میں ہوٹلز کی چیکنگ اور دیگر حساس مقامات کے چیکنگ دوران ایک شخص کو تحویل میں لے لیا پولیس نے مقدمات درج کرکے مزید تفتیش شروع کردی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی) تحصیل کبل کے علا قہ توتکے ہزارہ میں تیز بارش اورطوفان کے باعث شیرداد خان نامی شخص کے مکان کے دیوار گرنے سے ان کی بیوی مسما ة ( ش) جا بحق ہو گئی، نما زجنا زہ ادا کر کے سپر د خا ک کر دیاتفصیلا ت کے مطابق گذشتہ روز تحصیل کبل کے علاقہ ہزارہ توتکے میں گذشتہ روز تیز بار ش اور طوفان کے با عث ایک گھر کے دیوار گرنے سے خا تون شدید زخمی ہوئی جن کو ہسپتال منتقل کر تے ہوئے زخموں کی تاب نہ لا تے ہوئے چل بسی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)تنظیم اہلسنت و جماعت ضلع سوات کے زیر اہتمام آج 2:00بجے نشاط چوک مینگورہ میں تاجدار ختم نبوت ریلی کا اہتمام کیا گیا۔ جس میں ضلعی قائدین کا رکنان اور عاشقان رسول ۖ بڑی تعداد میں شرکت کرینگے جس کے لئے تمام تر انتظا مات مکمل کر دی گئی ہے تحصیل کبل کے مختلف علا قوں کبل ، کو ٹلئی ، کانجو ، بانڈئی اور دیگر علا قوں سے کارکنان جلوس کے شکل میں جا کر ریلی میں شرکت کرینگے ان خیا لات کا اظہار مو لانا ممتاز احمد شاہ ، مفتی کفایت اللہ ، شمس الرحمان اور دیگر نے گذشتہ روز ایک اخباری بیان جاری کر تے ہوئے کیا انہوں نے کہا کہ 7ستمبر کو قائد ملت اسلامیہ الاشاہ احمد نورانی کی جدو جہد سے آئین پاکستان میں منکر ختم نبوت قادیانی کو غیر مسلم اقلیت قرار دی گئی تھی۔انہوں نے عوام الناس سے اس ریلی میں شرکت کی اپیل کی۔
فیصل آباد : سرکٹ ہاوس فیصل آباد پیش ایورڈا کی تقریب
گجرات کی خبروں کی تصویری جھلکیاں