گجرات (جی پی آئی) انچارج بزم غلامان گھمکول شریف چوہدری افتخار احمد ملہی نے عظیم الشان میلاد ِ مصطفی ریلی کی کامیابی پر تمام دوستوں کو مبارکباد پیش کی ہے۔ جن کی دن رات محنتوں سے یہ ریلی کامیاب ہوئی۔ انہوں نے انجمن خدام الصوفیا گجرات ‘ پنجاب نعت کونسل’ سٹیزن فرنٹ گجرات اور دیگر تمام تنظیموں کا شکریہ ادا کیا جنہوں نے اس ریلی میں بھر پور شرکت کی۔ اور ریلی کے شرکاء کا مختلف مقامات پر استقبال کیا۔ انہوں نے کہا کہ بزم غلامان گھمکول شریف اپنے فرائض احسن طریقے سے سرانجام دیتی رہی اور میلاد کی محفلیں منعقد ہوتی رہیںگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اسلام میں والدین کا بہت بڑا مقام ہے لیکن والدین سے بھی زیادہ مقام اساتذہ کا ہے۔ اور اساتذہ کو یہ مقام برقرار رکھنے کیلئے بہت زیادہ محنت و لگن کی ضرورت ہے ان خیالات کا اظہار شہزاد شفیق نقشبندی ڈائریکٹر دی ایجوکیٹرز بارہ دری کیمپس میں آکسفورڈ یونیورسٹی کے زیر اہتمام ٹیچرز ٹریننگ ورکشاپ کے دوران کیا۔ انہوں نے کہا کہ اساتذہ کی تربیت سے ہی وہ بہتر انداز میں بچوں کی تربیت کر سکتے ہیں۔ دی ایجوکیٹرز بارہ دری کیمپس اس سلسلہ میں ماہر اساتذہ کی خدمات حاصل کرتا رہتا ہے تاکہ اساتذہ کو بہتر انداز ٹرینڈ کیا جا سکے۔ اور وہ بچوں کی تعلیم و تربیت کا فریضہ احسن طریقہ سے سرانجام دے سکیں۔ ہم آکسفورڈ یونیورسٹی کے شکر گزار ہیں کہ انہوں نے اپنے ماسٹر ٹرینرز کو بھجوایا۔ اس ورکشاپ میں ریاضی اور سائنس کے ٹیچرز کو ٹریننگ دی گئی۔ ماسٹر ٹرینرز مس رضوانہ اور مس زینب آفاق نقوی نے بڑے بہتر انداز میں اساتذہ کی ٹریننگ کا فریضہ سرانجام دیا۔ اختتام پر ورکشاپ میں شریک اساتذہ کو سرٹیفکیٹ بھی دئیے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)آستانہ عالیہ غوث یگانہ چھالے شریف میں 12 ربیع الاول کو عظیم الشان محفل میلاد مصطفی ۖ کا انعقاد کیا جائے گا۔ جس میں ملک کے ممتاز علماء کرام اور ثناء خوان رسول ۖ شرکت کریں گے۔ یہ محفل سارا دن جاری رہے گی۔ محفل کی صدارت صاحبزادہ پیر سید انتصار الحسن شاہ کریں گے ۔ جبکہ انتظامات کی نگرانی صاحبزادہ پیر سید اسرار الحسن شاہ کریں گے۔
ملکہ کی خبریں 21/12/2015
جام محمد حنیف میموریل شوٹنگ بال ٹورنامنٹ مزمل کلب پنو عاقل نے جیت لیا