گجرات (جی پی آئی) ممتاز ثناء خوان رسول محمد عارف شاہد گوندل (واپڈا)اورممتاز ماہر تعلیم ڈاکٹر محمد آصف گوندل (گورنمنٹ ایلیمنڑی سکول)کے والد محترم ممتاز عالم دین علامہ میاں امان اللہ نعمانی کے ایصال ثواب کے لئے ختم قل کی محفل ان کے آبائی گائوں موضع جھیورانوالی میں منعقدہوئی جس میں ہر مکتبہ فکر سے تعلق رکھنے والے افراد کی کثیر تعداد نے شرکت کی،جن میں علماء کرام،پیران عظام،ماہرین تعلیم،سیاسی وسماجی شخصیات شامل تھیں۔محفل پاک کی صدارت صاحبزادہ فیض الامیننے کیمہمان حصوصی پیر سید منظور حسین شاہتھیخطاب علامہ مظہر حسین قادری،پروفیسرندیم بن صدیق نے کیا۔اس موقع پر ممتاز ماہر تعلم چوہدری سرفراز،ےٰسین وڑائچ،محمد بوٹا عامر غفاری،چوہدری محمدعنصر،ڈاکٹر رزاق احمد غفاری،محمد یوسف جنجوعہ،توصیف عارف گوندل وفیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)محرم الحرام کے سلسلہ میں گجرات پولیس بہترین انتظامات کرے گی اور اس سلسلہ میں بھرپور طریقہ سے تیاریاں جاری ہیں۔ان خیالات کا اظہارDSPصدروسٹی گجرات محمد امتیاز نے امام بارگاہ حسینیہ میں محرم الحرام کے سلسلہ میں ممبران حسینیہ ٹرسٹ سے گفتگوکرتے ہوئے کیا۔انھوںنے کہا کہ DPOگجرات کی سربراہی میں بانیان مجلس وجلوس کی مشاورت سے فول پروف انتظامات کئے جائیں گے تمام روٹس کا معائنہ کیا جائے گا۔SHOتھانہ Bڈویژن امجد فاروق نے علاقہ کی صورتحال پر گفتگو کی۔جنرل سیکریٹری حسینیہ ٹرسٹ پروفیسر سید سرفراز حسین جعفری نے بریفنگ دیتے ہوئے گجرات کی صورتحال سے آگاہ کیا اور تجاویز دیں ۔اور ٹریفک کے انتظامات،لیڈیز پولیس کی تعیناتی وغیرہ کے بارے میں گفتگو کی صدر حسینیہ ٹرسٹ چوہدری منظو ر حسین وڑائچ،سید الطاف عباس کاظمی،وقار الحسن ہیرا،سید مظہر عباس،سید سفیر کاظمی ،سید رضا نقوی،میر فدا حسین،فراز بحاری دیگر موجود تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان مسلم لیگ شعبہ خواتین پنجاب کی آرگنائزر و رکن صوبائی اسمبلی خدیجہ عمر فاروقی نے کہا ہے کہ جنگ ستمبر ہو یا ضرب عضب افواج پاکستان نے قربانیوں کا حق ادا کردیا ،جانثاراران پاکستان مہم پاکستان کے ہر نوجوان کے دل کی آواز ہے ،پاکستان کو گالیاں دینے والے بھی غدار اور یہ گالیاں سن کر خاموشی اختیار کرنے والے بھی غدار ہیں ان خیالات کا اظہار انہوں نے پاکستان مسلم لیگ یوتھ ونگ کے مرکزی صدر سید بلال مصطفی شیراز ی سیکرٹری جنرل یوتھ ونگ ملک شکیل سکندر اور ان کی میڈیا ٹیم کے انچارج فرحان شاہ کی طرف سے جانثاران پاکستان مہم شروع کرنے پر مسلم لیگ ہائوس میںمنعقد ہ خصوصی اجلاس سے خطاب کرتے ہوئے کیا ۔خدیجہ فاروقی نے کہا کہ “جانثاران پاکستان” کی مہم افواج پاکستان کو خراج تحسین پیش کرنے کیلئے شروع کی گئی ہے ،وہ افواج پاکستان جس نے قلیل مدت میں آپریشن ضرب عضب کے ذریعے شمالی وزیر ستان اور ملحقہ ایجنسیوں کو دہشت گردوں کے ناپاک وجود سے پاک کیا اور پاکستان کے تحفظ کے حوالے سے افسران اور جوانوںنے قربانیوں کے نذرانے پیش کرکے جنگ ستمبر کی یادوں کو بھی تازہ کیا ۔ پاکستان کی19کروڑ عوام کو اپنی محب وطن افواج ،اس کے افسران اور نوجوانوں پر فخر ہے ۔ہمیں پورا بھروسہ ہے کہ ہماری بہادر اور جانثار افواج کے ہوتے ہوئے کوئی اندرونی اور بیرونی دشمن پاکستان کی طرف میلی آنکھ اُٹھا کر نہیں دیکھ سکتا۔انشاء اللہ تعالیٰ پاکستان دہشت گردی کے ناسور سے بھی نجات پائے گا اور کرپشن،دہشت گردی کے گٹھ جوڑ کا بھی خاتمہ ہوگا۔انہوںنے کہا کہ پاکستان سے پیار کرو ۔آج اس نعرے کی اشد ضرورت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) صدرپنجاب نعت کونسل و صدر سٹیزن فرنٹ شیخ عرفان پرویز کے صاحبزادے شیخ ریحان عرفان رشتہ ازدواج میں منسلک ہو گئے ۔ ان کا نکاح جلالپورجٹاں کے تاجر راہنما شیخ مبشر کی صاحبزادی سے بخیرو خوبی سرانجام پایا اس موقع پر شیخ جمشید اقبال ، شیخ عبدالمناک ، شیخ مدثر حسین ، شیخ شاہد شیخ ظہیر ، ملک عثمان ، شیخ نبیل سیٹھی ، شیخ عدنان پرویز ، شیخ فرخ ، شیخ طیب ، شیخ عامر ، قاسم سیٹھی ، ڈاکٹر رزاق احمد غفار و دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ممتازسماجی رہنما انسانی حقوق کمیٹی کے چیئرمین سابق مرکزی نائب صدر تحریک استقلال سید باقررضوی کے صاحبزادے بزنس مین سید امجد رضوی کے بھتیجے سید شفیق الرحمن کی دعوت ولیمہ گزشتہ روز قندفشاں میرج ہال میں منعقد ہوئی سید باقررضوی ،سید ا مجد رضوی ،سید شفیق الرحمن ،افتخاربھٹہ ،چوہدری خالد پرویزمنگا ودیگرنے مہمانوں کااستقبال کیا تقریب میں ممتاز شخصیات نے شرکت کی ،شرکت کرنیوالوں میں سابق صوبائی وزیرمیاں عمران مسعود،جماعت اسلامی ضلع گجرات کے امیرڈاکٹرطارق سلیم،اسلامی نظریاتی کونسل کے رکن صاحبزادے سعید شاہ گجراتی ،انجمن تاجران گجرات کے صدرجاوید بٹ،سابق ایم پی اے سید علی ہارون شاہ،صنعتکارفرقان اے ایوب،سابق تحصیل نائب ناظم حاجی الیاس الرحمن،سید خالد محمود گیلانی،عالم دین سید الطاف الرحمن ،سابق امیدوارچیئرمین رہنماپی ٹی آئی حاجی شبیروڑائچ، سابق صدور پریس کلب محمد طفیل میر،راجہ طارق محمود،وائس چیئرمین چوہدری تنویر،خان امان اللہ خان،خان دلاورخاں،ڈاکٹرارشد،سید عدیم شاہ جنگی،سید علیم امتیازشاہ،حاجی غفوربٹ،وسیم حیدرایڈووکیٹ، سید ساجے شاہ،سید صفدرشاہ گیلانی،محمد منیب،چوہدری فرخ پرویز،چوہدری سرفرازایڈووکیٹ،ٹھیکیدارلیاقت علی،ملک عدیل جنگ ایجنسی،انجینئرعبادعلی بھٹہ،مولاناعبدالوہاب عابد،عامرمنگا،احسان فیصل کنجاہی،حاجی محمد شفیع آف حاجیوالہ،یاورعباس،طاہرمانڈہ،صفدرمحمود شاہ،محمدانورشیخ سمیت سینکڑوں دیگرشریک ہوئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پیرزادہ حمزہ سبحانی قادری آستانہ عالیہ نیک آباد مراڑیاں شریف کی سٹیٹ یوتھ پارلیمنٹ کے صدر شہیر سیالوی اور نمل یونیورسٹی اسلام آباد کے ریسرچ اسکالر ظہیر احمد قادری سے گزشتہ روز ملاقات ۔ملاقات کے اندر شہیر سیالوی اور ڈاکٹر ظہیر قادری نے پیرزادہ حمزہ قادری کے دینی تعلیمی کے ساتھ ساتھ انگلینڈمیں دنیاوی تعلیم کو بھی جاری رکھنے کو خوش آئند کہا ۔بعد ازاں پیرزادہ حمزہ قادری نے سٹیٹ یوتھ پارلیمنٹ کے مشن کی تعریف کی اور دعا کی کہ یہ پارٹی جلد اپنے مقاصد کی تکمیل تک پہنچ کر ملک وملت کی حقیقی معنوںمیں خدمت کر ے۔پیرز ادہ حمزہ قادری نے شہیر سیالوی کی قائدانہ صلاحیتوں کوبھی سراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان مسلم لیگ کے صدر و سابق وزیراعظم چودھری شجاعت حسین نے اس بات کی شدید مذمت کی ہے کہ مرحومہ والدہ کی خواہش پر ان کی بہن کے بنائے ہوئے فلاحی ادارہ ”الجنت ٹرسٹ” کو پنجاب حکومت کی جانب سے سیاسی انتقام کا نشانہ بنایا جا رہا ہے جبکہ یہ یتیموں، غریبوں، بے سہاروں کی مدد کرنے والا غیرسیاسی ادارہ ہے جو پندرہ سال سے لاہور میں فری رہائشی و تعلیمی مرکز چلا رہا ہے اور کینسر کے مریضوں کو بھی مفت علاج اور رہائش کی سہولتیں فراہم کر ہا ہے۔ چودھری شجاعت حسین نے ایک بیان میں کہا کہ حمزہ شہباز اور شہبازشریف کے زیر کنٹرول ایل ڈی اے کے عملہ نے بلڈوزر لے کر ٹرسٹ کی بلڈنگز کو مسمار کرنے کا کام شروع کیا تو وہاں موجود بیوائوں، یتیم بچوں اور غریبوں کی بڑی تعداد بلڈوزر کے آگے بیٹھ گئی۔ چودھری شجاعت حسین نے کہا کہ شرافت اور بدمعاشی کی بھی کوئی حدود ہوتی ہیں، انہوں نے تو بدمعاشی کی کوئی حدیں نہیں چھوڑیں اور 15سال سے اس ٹرسٹ میں مقیم بیوائوں، یتیموں اور ٹرسٹ کے ذریعے تعلیم حاصل کرنے والوں سے سب کچھ چھینا جا رہا ہے جبکہ یہ کتنی ہی بچیوں کی کفالت بھی کر رہا ہے۔ دریں اثناء الجنت ٹرسٹ کے متاثرین نے جھولیاں اٹھائے حکومت کو بددعائیں دیتے اور روتے ہوئے حکومتی کارروائی کی شدید مذمت کرتے ہوئے کہا کہ چودھری شجاعت حسین کی ہمشیرہ نے یتیموں، بیوائوں، مسکینوں اور ان کے بچوں کیلئے چھت بنا کر دی، مفت تعلیم کا انتظام کیا لیکن انتقام سے بھری پنجاب حکومت نے ایل ڈی اے کے ذریعہ سے اسے گرانا شروع کر دیا حالانکہ اس میں کوئی سیاسی عمل دخل نہیں، وزیراعلیٰ یہاں بیوائوں اور بے سہارا لوگوں سے مفت رہائش اور بے سہارا بچوں، بچیوں سے مفت تعلیم کا مرکز چھین رہے ہیں، 15سال سے یہ ادارہ چل رہا ہے، وزیراعلیٰ کو بے سہارا اور یتیموں کی آواز سنائی نہیں دیتی لیکن اللہ کے یہاں ان کی بہت شنوائی ہے، فرعونیت سے بھرپور حکمران اللہ کو جان دینا بھول گئے ہیں اور نہ ہی ان میں خدا کا خوف ہے اسی لیے یتیموں، بیوائوں اور غریبوں کو ٹرسٹ کے سہارے سے محروم کر رہے ہیں۔ الجنت ٹرسٹ سکول کی پرنسپل مسز اقبال گل نے کہا کہ چودھری شجاعت حسین کی ہمشیرہ اس ٹرسٹ کی بانی ہیں اس لیے حکمران اسے سیاست کا نشانہ بنا رہے ہیں، ایل ڈی اے کے اہلکاروں نے ایسے دھاوا بولا جیسے یہاں پر دہشت گرد ہوں، ٹرسٹ نے کبھی یتیموں، بیوائوں، غریبوں اور بے سہاروں کو احساس محرومی نہیں ہونے دیا، ٹرسٹ کی بانی ہر عید اور دن تہوار پر بچوں کیلئے ذاتی طور پر نئے کپڑے دیتی ہیں، ایل ڈی اے والے دوبارہ آئے تو بچوں سمیت ہم ان کی گاڑیوں کے آگے لیٹ جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی سی او لیاقت علی چٹھہ نے یونین کونسلوں کو فعال بنانے کیلئے تحصیل کھاریاں اور تحصیل سرائے عالمگیر کا دورہ کیا اور یونین کونسلوں کے چیئرمینوں سے خطاب کیا، اسسٹنٹ کمشنرز ذوالفقار علی باگڑی، آذبہ اعظم، اے ڈی ایل جی محمود اقبال گوندل، ڈی او سی او الطاف حسین جگ بھی اس موقع پر موجود تھے ۔ ڈی سی او لیاقت علی چٹھہ نے کہا کہ حکومت پنجاب کی ہدایات کے مطابق بلدیاتی نمائندے عوامی مسائل کے حل اور اپنی ذمہ داریوں کے ادائیگی کیلئے فوری طور پر فعال کردار ادا کرنے کیلئے تیار ہو جائیں، باقاعدگی سے دفاتر میں بیٹھیں انکے دفاتر کے قیام اور تزئین وآرائش کے لئے حکومت کی اعلان کردہ پچیس لاکھ روپے کی گرانٹ سے نئی قائم ہونیوالی 29یونین کونسلوں کو 5پانچ لاکھ روپے جبکہ پرانی یونین کونسلوں کو ایک ایک لاکھ روپے کے فنڈز بھی جاری کر دیے گئے ہیں۔ انہوںنے کہا کہ بلدیاتی نمائندے یونین کونسلوں سے متعلقہ عوامی مسائل کے حل کے ساتھ تعلیم ، صحت کے شعبہ جات کی بہتری کیلئے اپنا کردار ادا کریں خصوصا صحت اور تعلیم کے شعبہ جات حکومت کی بہتری اور عوامی فلاح بہبود کیلئے انہیں متحرک اور فعال کردار ادا کرنا ہے۔ انہوں نے کہا کہ سکولوں کو جاری ہونیوالے این ایس بی فنڈز سکول کونسلز کے ذریعے خرچ کئے جائیں گے ان کونسلز میں بلدیاتی نمائندوں کو بھی شامل کیا جائے گا،بلدیاتی نمائندے بھی اپنے علاقے میں سکولوںاور ہسپتالوںکا دورہ کریں اور وہاں فراہم کی جانیوالی سہولیات اور مسائل پر نظر رکھیں۔ ڈی سی او نے کہا کہ سات سال تک بچے کی تاریخ پیدائش کا انداراج چیئرمین یونین کونسل کا اختیار ہے اسی طرح ڈیتھ سرٹیفکیٹ ، نکاح اندارج اور طلاق موثر سرٹیفکیٹ کے حوالے سے بھی چیئرمین یونین کونسل اپنا کردار ادا کریں ، انہوںنے ڈی او سی او کو ہدایت کی کہ تمام یونین کونسلوںمیںتاریخ پیدائش، اموات سمیت مختلف خدمات کیلئے فیس کے ریٹس بورڈز پر نمایاں طور پر آویزاں کرائیں۔ انہوںنے واضع کیا کہ سیکرٹری یونین کونسل چیئرمین کی ہدایات پر عمل کا پابند ہے شکایت پر فوری تبادلہ کر دیا جائے گا۔ اس سے قبل اجلاس سے خطاب کرتے ہوئے ڈی سی او لیاقت علی چٹھہ نے کہا کہ نئی قائم ہونیوالی یونین کونسلوں کے دفاتر انکے ہیڈ کوارٹرز میںقائم کئے جائیں گے تاکہ علاقہ کے مکینوں کی رسائی آسان ہو سکے ۔ انہوںنے ہدایت کی کہ سرکاری افسران نئی یونین کونسلوںکو فعال بنانے کیلئے بھرپور تعاون کریں، انکے اکاوئنٹ کھلوانے کیلئے حکومت سے رجوع کیا جائے نیز اسسٹنٹ کمشنرز اپنے دورے کے شیڈول میں یونین کونسلوںکے معائنہ کو بھی شامل رکھیں۔ اجلاس میں یونین کونسلوںکے چیئرمینوں نے اپنے مسائل سے ڈی سی او کو آگاہ کیا اور تجاویز دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ایڈمنسٹریٹر ٹی ایم اے عرفان علی کاٹھیا نے کہا ہے کہ محرم الحرام کے آغاز سے قبل تمام مجالس اور جلوسوں کے تمام روٹس کی صفائی اور پیچ ورک مکمل کر لیا جائے گا، یکم سے دس محرم الحرام تک لوڈ شیڈنگ کے دوران بجلی کی فراہمی کیلئے جنریٹرز فراہم کئے جائیں گے ان خیالات کا اظہار انہوں گجرات ، جلالپو ر جٹاں، شادیوال اور کنجاہ سے تعلق رکھنے والے شیعہ کمیونٹی کے نمائندوں، لائسنس ہولڈرز اور امام بارگاہوں کے متولیو ں کے اجلاس سے خطاب کرتے ہوئے کیا، ٹی ایم او خرم محمود، پروفیسر سرفراز جعفری ، الطاف کاظمی ، ایکسئین ٹی ایم اے یاور عباس، عظمت فرید سی او یونٹس کے انچارج بھی اس موقع پر موجود تھے ۔ ایڈمنسٹریٹر عرفان علی کاٹھیا نے کہا کہ گذشتہ برسوں کی طرح اس سال مجالس اور جلوسوں کی مانٹیرنگ کے لئے 36سی سی ٹی وی کیمرے نصب نصب کئے جائیں گے جبکہ مرکزی کنٹرول روم بلدیہ آفس میں قائم کیا جائے گا۔ انہوںنے کہا کہ یکم محرم الحرام سے قبل مجالس اور جلوس کے روٹس پر آنیوالے تمام روڈز سے تجاوزات کا خاتمہ، پیچ ورک ، سیوریج نالوں کی صفائی کیلئے متعلقہ افسران کو ہدایات جاری کر دی گئی ہیں، جلوس کے راستوں پر روشنی کا بھی انتظام کیا جائے گا۔ اجلاس میں فیصلہ کیا گیا کہ ایڈمنسٹریٹر ٹی ایم اے شیعہ کمیونٹی کے نمائندوں کے ہمراہ جلد روٹس کا وزت کرکے انتظامات کا جائزہ لیں گے۔ اس سے قبل لائسنس ہولڈرز اور نمائندوںنے ایڈمنسٹریٹر کو مختلف مسائل سے آگا ہ کیا اور حل کیلئے تجاویز پیش کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)ریسکیو1122کھاریاں کے ملازمین حادثات کی صورت میں مریضوں کو نجی ہسپتالوں میں ریفر کرنا سوالیہ نشان بن گیا۔ تفصیل کے مطابق ریسکیو1122پنجاب بھر میں اپنی عوامی خدمات میں ثانی نہیں رکھتی پنجاب بھر کے لوگ ریسکیو1122پر اندھا اعتماد کرتے ہیں لیکن بدقسمتی سے ریسکیو1122کھاریاں کے چند ملازمین حادثہ کی صورت میں مریض کے لواحقین کو پرائیویٹ ہسپتالوں میں ریفر کرنے کا مشورہ دیتے ہیں لواحقین پریشانی کے عالم میں ہر مشورہ ماننے پر مجبور ہو جاتے ہیں ملازمین کا اس سرکاری ہسپتالوں کی بجائے اس طرح پرائیویٹ ہسپتالوں میں مریضوں کو لے کر جانا سوالیہ نشان بن چکا ہے عوام میں طرح طرح کی چہ میگوئیاں ہو رہی ہیں کہ ملازمین نے مبینہ طور پر پرائیویٹ ہسپتالوں کے ساتھ ”مک مکا”کر رکھا ہے جبکہ ذرائع کے مطابق چند ملازمین پرائیویٹ ہسپتالوں میں پارٹ ٹائم جاب کرتے ہیں اور وہ مریضوں کو اُسی ہسپتال میں لے جانے کو ترجیح دیتے ہیں جہاں پر وہ نوکری کر رہے ہیں جس کی وجہ سے پرائیویٹ ہسپتال مالکان کو خوش کرنے کے لئے مریضوں کو سرکاری ہسپتالوں کی بجائے پرائیویٹ ہسپتالوں میں علاج کے لئے ریفر کرتے ہیں عوامی شکایات پر میڈیا کے نمائندوں نے موقف کے لئے 1122کے انچارج رانا جمشید سے رابطہ کیا تو اُن کا کہنا تھا کہ میرے نوٹس میں بھی ایسی شکایات آ چکی ہیں لیکن سرکاری ہسپتالوں میں چونکہ ہیڈ انجری کے لئے کوئی معقول بندوبست نہیں اس لئے ہم مریضوں کی جان بچانے کے لئے بروقت پرائیویٹ ہسپتالوں میں ریفر کرتے ہیں صحافیوں نے کہا کہ ہم سارے معاملہ کو ڈی سی او گجرات کے نوٹس میں لائیں گے تو انہوں نے کہا کہ آپ ڈی سی او گجرات کو چھوڑ کر بیشک وزیراعلیٰ پنجاب کے نوٹس میں لائیں ہم اپنے طریقے سے کام کریں گے۔ اس ایشو پر اخبار نویسوں نے جب ایم ایس تحصیل ہیڈکوارٹر ہسپتال کھاریاں ڈاکٹر فاروق احمد بنگش سے رابطہ کیا تو اُن کا کہنا تھا کہ ہسپتال میں ہر طرح کی سہولیات موجود ہیں اور ہسپتال کے ڈاکٹر ہر قسم کی ناگہانی اور ایمرجنسی صورتحال سے بروقت نبٹنے کے لئے تیار رہتے ہیں یہ بات 100فیصد غلط ہے کہ ہسپتال میں سہولیات نہیں ہیں اگر کوئی مریض ضرورت سے زیادہ سیریس ہو تو ہم اُس کو عزیز بھٹی شہید ہسپتال گجرات یا لاہور ریفر کرتے ہیں وگرنہ ہماری کوشش ہوتی ہے کہ مریض کو بروقت طبی امداد دے کر اُس کی جان بچائی جائے۔ کھاریاں کے شہریوں نے وزیراعلیٰ پنجاب میاں شہباز شریف، کمشنر گوجرانوالہ اور ڈی سی او گجرات لیاقت علی چٹھہ سے اصلاح احوال کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)رہنما مسلم لیگ ن ،وائس چیئرمین یوسی ڈوگہ حاجی راجہ فضل الرحمن مکوال نے چیئرمین یوسی ڈوگہ ملک محمد اشفاق اعوان ڈوگہ کو حج کی سعاد ت حاصل کر نے پر مبارک پیش کرتے ہوئے کہا ہے کہ خوش نصیب ہیں وہ لوگ جنہیں جوانی میں ہی اللہ تعالیٰ کے گھر کی زیارت نصیب ہوتی ہے اور ملک اشفاق ڈوگہ بھی انہی لوگوں میں سے ایک ہیں دعا ہے کہ اللہ تعالیٰ اُن کی خانہ کعبہ اور روضہ رسولۖ پرحاضری قبول فرمائے اور سب کو اپنے گھر کی زیارت کا شرف عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)پر امن احتجاج ہر شہری کاحق ہے تاریخ گواہ ہے کہ پاکستان تحریک انصاف کے پہلے بھی پر امن احتجاج ہوئے اور انشاء اللہ تعالیٰ آئندہ بھی پر امن احتجاج ہی ہونگے ملک سے کرپشن، لوٹ مار، فرسودہ نظام کے خاتمہ کے لئے پاکستان تحریک انصاف جدوجہد جاری رکھے گی حکمران اور اُن کے چیلے چمچے خود اخلاقیات کی دھجیاں بکھیر رہے ہیں رائیونڈاحتجاج کی کال سے حکمران اور ان کے حواری حواس باختہ ہوچکے ہیںاور وہ خود حالات کو خراب کرنے کی کوششیں کررہے ہیں اگر حالات خراب ہوئے تو تمام تر ذمہ داری حکمرانوں اور ان کے ڈنڈہ بردار جتھوں پر ہوگی ان خیالات کااظہار سابق نائب صدر یوتھ ونگ کھاریاں سٹی چوہدری فرحان احمد نے اپنے بیان میں کیا انہوں نے کہا کہ ہم انشاء اللہ چیئرمین عمران خان کی کال پر لبیک کہتے ہوئے چوہدری ناصر احمدچھپر کی قیادت میں لاہور ضرور پہنچیں گے اور اگر کسی نے رکاوٹ ڈالنے کی کوشش کی تو اس کو اسی طرح جواب دینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)راہنما پاکستان مسلم لیگ(ن) یونین کونسل ڈوگہ راجہ عبدالرحمن میڑھ نے کہا ہے کہ پاکستان مسلم لیگ ن ملکی ترقی اور عوام کا معیارِ زندگی بلند کرنے کے لئے 24گھنٹے کام کر رہی ہے قائدین میاں برادران دن رات ملک کو بام عروج پر پہنچانے میں مصروف ہیں جب کہ حلقہ این اے 107کی تعمیروترقی کیلئے کوٹلہ برادران بھی بہترین کارکردگی کا مظاہرہ کررہے ہیں ان خیالات کااظہار انہوں نے اپنے ایک بیان میں کیا ۔انہوں نے کہا کہ پاکستان کی ترقی اور عوام کی خوشحالی کچھ لوگوں کو ہضم نہیں ہورہی اس لیے وہ ترقی کی راہوں میں رکاوٹیں ڈالنے کیلئے کبھی احتجاجی مارچ اور کبھی دھرنے دینے کیلئے سڑکوں پر آجاتے ہیں اور صرف اور صرف ملک و قوم کا نقصان ہی کرتے ہیں ہم ان لوگوں سے کہتے ہیں کہ اگر یہ واقعی ملک وقوم سے مخلص ہیں تو حکومت کیساتھ مل کر تعمیر و ترقی اور خوشحالی کیلئے کام کریں احتجاجی دھرنے اور ریلیاں ملک و قوم کو نقصان پہنچا رہی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)شیخ غلام رسول آف (سپین) شیخ فدا حسین (ڈنمارک) کے والد اور شیخ ظفر اقبال کباڑی بازار کھاریاں کے بہنوئی پیش امام مسجد بابا گوہر شاہ ولی صوفی محمد حسین شیخ جو کہ گذشتہ دنوں رضائے الٰہی سے وفات پا گئے تھے ان کی رسم چہلم مورخہ22ستمبر بروز جمعرات صبح10تا11 بجے جامع مسجد نور کباڑی بازار کھاریاں میں ادا کی جائے گی۔ پسماندگان نے دوست احباب سے ختم چہلم میں شرکت کی استدعا کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)کھاریاں مین بازار میں غیر قانونی طور پر کرنسی ایکسچینج کا کام دھڑلے سے جاری ہے ملبوسات کے کاروبار کی آڑ میں غیر ملکی کرنسی ایکسچینج کا یہ دھندہ کئی سالوں سے جاری و ساری ہے غیر ملکی کرنسی کا کام کرنے والے کروڑ پتی بن چکے ہیں کیونکہ بلیک کے اس دھندہ میں ملوث افراد سے کبھی کسی نے نہیں پوچھا کہ آپ بغیر لائسنس کے کیوں کام کر رہے ہیں اور بڑے دھڑلے سے یہ کام کھاریاں شہر میں جاری ہے اور کوئی بھی FIA کا محکمہ ان سے پوچھنے کی جرات نہیں کرتا ان کے ہاتھ اتنے مضبوط ہیں کہ مین بازار کھاریاں میں ان غیر قانونی دھندہ کرنے والوں کی طرف کوئی آنے کی کوشش ہی نہیں کرتا کیونکہ وہ پھر اپنے انجام سے واقف ہے یہی وجہ ہے کہ ملبوسات کی آڑ میں یہ سب ہر روز لاکھوں روپے کا کام کرتے ہیں کھاریاں اور گرد و نواح کے علاقوں سے لوگ یہاں پر آ کر کرنسی ایکسچینج کرتے ہیں اور جو لوگ لائسنس ہولر ہیں ان کے حق کو یہ لوگ مار رہے ہیں یہ مال ان لوگوں کے ہاتھوں اتنے مضبوط ہیں کہ ان کے خلاف کارروائی کی کسی کو جرات نہیں ہوتی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)ٹیلی فون پر سنگین نتائج کی دھمکیاں دینے والے جعلی اے ایس آئی کو سٹی پولیس نے پکڑ کر حوالات میں بند کردیا۔ ڈائریکٹر الائیڈ سکول عرفان یوسف چوہدری نے جناح کالونی میںاپنی اراضی پر مکان کی تعمیر شروع کی تو محلہ صلے شاہ کے رہائشی خرم شہزاد نے نے خود کو تھانہ سٹی کا اے ایس آئی امجد ظاہر کرکے ہر قسم کی تعمیرات فوری طور پر روک دینے کا کہا حکم نہ ماننے کی پاداشت میں میں سنگین نتائج کی دھمکیاں دیں۔عرفان یوسف نے تمام حالات و واقعات ڈی ایس پی رانا شبیر کے نوٹس میں لائے جنہوں نے تفتیش کے دوران ٹیلی فون ڈیٹا اور ریکارڈنگ سمیت دیگر ضروری ثبوت اکٹھے کرکے 25.D ٹیلی گراف ایکٹ کی دفعہ171 کے تحت مقدمہ درج کرکے ملزم کو گرفتار کر لیا۔معلوم ہوا ہے کہ ملزم کو بااثر قبضہ مافیا کی پشت پناہی حاصل ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) بزم غوثیہ کے زیراہتمام 44ویں سالانہ محفل نعت مورخہ22ستمبربروزجمعرات بعدازنمازعشاء ایم سی ہائی سکول گرائونڈوزیرآبادمیںزیرسرپرستی ملک محمدیوسف چاند،نذیراحمدوڑائچ منعقد ہوگی۔جسمیںعلماء کرام پیرمحمدخالد سلطان،پیرمحمدصفی اعظم چن پیر،پیرمحمدآصف ہزاروی گولڑوی،حافظ محمدکاشف چشتی ،ثناء خواںعبدالرئوف روفی،شہبازقمرفریدی،تسلیم احمدصابری،سیدآصف علی ظہوری ،عمرمختار،حافظ نورسلطان،قاری محمدرفیق شرکت کرینگے۔محفل کے اختتام پربذریعہ قرعہ اندازی دوخوش نصیبوںکوعمرہ کاٹکٹ دیا جا ئیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)ممبرقومی اسمبلی جسٹس(ر)افتخاراحمدچیمہ نے کہا ہے کہ انڈیا اپنے مذموم مقاصدکی تکمیل کے خواب دیکھ رہا ہے جبکہ چندنابالغ سیاستدان نادانستگی میںاسکے آلہ کاربن رہے ہیں۔پا کستان ایٹمی قوت ہے دشمن میلی آنکھ سے دیکھنے جرات نہیںکرسکتا۔پاکستان بھارت کے لئے ترنوالہ ہے۔تحصیل ہیڈکوارٹرہسپتال میںسردخانہ کے افتتاح کے بعدصحافیوںسے گفتگوکرتے ہوئے کہا کہ کارڈیالوجی ہسپتال کی آئوٹ ڈور کو چالوکروانے کے لئے پہلے بھی شدیداحتجاج کیاآئندہ بھی کرینگے۔عنقریب میاںمحمدشہبازشریف سے ملاقات میںاپنے تحفظا ت سے آگا ہ کرونگامیرے استعفیٰ سے علاقے کی عوام کابھلا ہوتا ہے توتیارہوں۔اس موقع پرصدرانجمن بہبودی مریضاں تحصیل ہیڈکوارٹر ہسپتال وزیرآباد ناصر محموداللہ والے،ایم ایس ڈاکٹرافتخاراحمد،افتخاراحمدصدیقی،حاجی ارشدمحمودسلیمی،حاجی اخترمحمود،حافظ مشتاق احمدکوکب ودیگربھی موجودتھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)صدروزیرآبادچیمبرآف ایجوکیشن محمداشفاق وڑائچ نے کہا ہے کہ ذہین طلباء ملک وقوم کااثاثہ ہیں۔انکی حوصلہ افزائی فرض بھی ہے اورقرض بھی۔جدیدتعلیم حاصل کئے بغیرترقی یافتہ قوموںکامقابلہ ممکن نہیں۔پرائیویٹ سیکٹرشرح خواندگی میںاضافہ کے لئے اپناکرداراداکررہا ہے۔وہ گوجرانوالہ بورڈپری میڈیکل میںپنجاب کالج وزیرآبادکے طالب علم فہدذوالفقار کی پہلی پوزیشن حاصل کرنے پرپرنسپل حافظ پروفیسرمحمدآصف عثمانی اورطالب علم فہدذوالفقار کومبارکباد کے موقع پر اظہارخیال کررہے تھے۔اس موقع پرمحمدفیاض،صابر حسین بٹ بھی موجودتھے۔وزیرآبادچیمبرکی طرف سے مٹھائی بھی دی گئی۔انہوںنے کہا کہ حکمران تعلیمی میدان میںانقلاب برپا کرنے کے دعویدارہیںمگرپرائیویٹ سیکٹرجو65فیصدتعلیم کابوجھ اٹھائے ہوئے ہے انہیںدیوارسے لگایا جارہا ہے اورمختلف ٹیکسزسے شعبہ تباہ کرنے کی کوشش ہورہی ہے۔انہوںنے کہا کہ وزیراعلیٰ پنجاب کواس معاملے کانوٹس لینا چاہئے اورپرائیویٹ سیکٹرکی مشاورت سے پالیسیاںتشکیل دینی چاہئیں۔انہوںنے کہا کہ ملک وقوم کی ترقی میںتعلیم کابنیادی کردارہے تعلیم دشمنوںکامتحدہوکرمقابلہ کرنا ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)نان کوالیفائیڈدیہاتی معا لجین کے پریکٹس کے نتیجہ میں ان علا قوںمیںامراض قلب کے مریضوںکی تعداددیگرعلا قوںکی نسبت کافی زیادہ ہے۔دل کے مرض کی بروقت تشخیص نہ ہوناجان لیواثابت ہوتی ہے۔کارڈیالوجی انسٹیٹیوٹ آف وزیرآبادکے ایسوسی ایٹ پروفیسرڈاکٹروسیم اشرف نے بتا یا کہ آج کارڈیالوجی ہسپتال آئوٹ ڈورمیںمریضوںکی تعداد600روزانہ سے تجاوزکرگئی ہے۔50بسترکا ان ڈورشعبہ نا کافی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)جماعت اسلا می ضلع گوجرانوالہ کے امیرڈاکٹرمحمدعبید اللہ گوھیر نے کہا ہے کہ کرپشن کے خلاف پوری قوم متحدہوچکی ہے۔احتساب کے لئے عدالتی کمیشن بنانے میںنوازشریف خودسب سے بڑی رکاوٹ ہیں۔نوازشریف کے متوالوںکومشرف ایکشن کے بعددیکھ چکے ہیں۔اقتدارکے ڈنڈے پکڑکرفوٹوسیشن سے کشدیگی میںاضافہ ہوگا۔(ن)لیگ اورتحریک انصاف مذاکرات سے جلسہ کی جگہ کاتعین کریں۔30ستمبرکوفیصل آبادمیں ہزاروںمردوخواتین کرپشن فری پاکستان مہم میںسراج الحق کے شانہ بشانہ جدوجہدکرنے کے عزم کے ساتھ شریک ہونگے۔خواجہ اظہارالحق کی رہا ئی کے لئے وزیراعظم اوروزیراعلیٰ سندھ نے غلط مثال قائم کی۔وہ جماعت اسلا می کے قائمقام زونل امیرعبدالوکیل علوی کی ہمشیرہ کی وفات پراظہارتعزیت کے بعدصحافیوںسے گفتگوکررہے تھے۔اس موقع پروسیم شاہد اولکھ،خالد راول،صابر حسین بٹ بھی موجودتھے۔ڈاکٹرمحمدعبید اللہ گوھر نے کہا کہ ملک میںنظریاتی،اخلاقی اورمعاشی کرپشن کی وجہ سے پاکستان اپنی منزل نہیںپارہا۔ملکی مسائل کے حل،ترقی،امن وخوشحالی کے لئے سیاسی بیداری اوردیانتدارقیادت ضروری ہے۔جماعت اسلا می کے سینکڑوںکارکنان مختلف ادوارمیںایوانوںمیںرہے مگرکسی کے دامن پربددیانتی،کرپشن اوراقرباء پروری کاکوئی داغ نہیں۔جماعت اسلا می نے اپنے عمل وکردارسے ثابت کیا ہے کہ وہی بحران سے پاکستان کونکال سکتی ہے۔انہوںنے کہا کہ بھارت میںکشمیری مسلمانوںپرمظالم سے مودی پوری دنیامیںبدنام ہوااس لئے اقوام متحدہ نہیںجارہا ۔نوازشریف کوجرات سے مسئلہ کشمیراقوام متحدہ میںاٹھانا چا ہئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) عالمی انجمن خدام الدین پاکستان کے امیر و جے یو آئی (ف) کے مرکزی رہنما مولانا محمد اجمل قادری نے بھارتی فوجی ہیڈ کوارٹر پر حملے کا الزام پاکستان پر عائد کرنے کی شدید مذمت کرتے ہوئے کہا ہے کہ بھارتی وزیراعظم نریندر مودی حکومت اپنے مظالم چھپانے کے لئے دنیا کی آنکھوں میں دھول نہیں جھونک سکتی،پاکستان کے خلاف اس کی ہر سازش ناکام ہوگی،کشمیریوں کی جدو جہد آزادی رنگ لائے گی ، مسئلہ کشمیرحل ہوگا۔قابض حکومت کو گھٹنے ٹیکنا ہوں گے۔گذشتہ روز کیولری گراؤنڈ میں میڈیا سے گفتگو کرتے ہوئے انہوں نے کہا کہ کشمیری بھارتی تسلط کو مسترد کرچکے ہیں، کشمیر ی واضح کرچکے ہیں کہ انہیں بھارتی آئین قبول ہے اور نہ ہی اس کے تحت ہونے والی مصالحت، وہ صرف اور صرف آزادی چاہتے ہیں، جس کے لئے عالمی اداروں خصوصاً اقوام متحدہ کی سکیورٹی کونسل کو اپنا کردار ادا کرنا چاہیے۔ مسلم ممالک کی تفریق بھی امریکی ایجنڈا اور استعماری سازش ہے، اسلامی درد اور وحدت فکر رکھنے والے دانشور طبقے کو اتحاد امت کے لئے اپنا کردار ادا کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد(جی پی آئی)اس سال کا حج انتہائی سہولت ،حفاظت اور اللہ تعالیٰ کی رحمتوں اور برکتوں کیساتھ مکمل ہوا۔حج کے موقع پر بہترین انتظامات سعودی حکومت کی طرف سے کیئے گئے ۔پاکستان علماء کونسل کے مرکزی سیکرٹری جنرل صاحبزدہ زاہد محمود قاسمی حج بیت اللہ سے واپس پاکستان پہنچ گئے۔فیصل آباد ایئرپورٹ پر ضلعی صدر پاکستان علماء کونسل مولانا اعظم فاروق ،ضلعی جنرل سیکرٹری مولانا عمر فاروق جامی،فیصل آباد کے چاروں ٹائونز کے صدور دیگر عہدے داران نے استقبال کیا۔اس موقع پر پاکستان علماء کونسل کے مرکزی سیکرٹری جنرل ،ممبر اسلامی نظریاتی کونسل صاحبزادہ زاہد محمود قاسمی نے کہاکہ اتحاد امت کا اصل منظر حج کے موقع پر نظر آتا ہے اس سال حج کے موقع پر بہترین انتظامامت تھے اس پر خادم الحرمین الشریفین شاہ سلمان بن عبد العزیز اور سعودی حکومت مبارکباد کی مستحق ہیں سعودی عرب کی حکومت نے ایک بار پھر حج کے بہترین انظامات کرکے ثابت کردیا ہے کہ وہ ہی خدمت حجاج کے اہل ہیں تقریباً 18لاکھ حجاج کی موومنٹ اور ان کے لیئے رہنے ،کھانے ،پینے اور طبی سہولیات کے ساتھ ساتھ ہر طرح کی سیکورٹی عمدہ انداز میں کی گئی ۔صاحبزادہ زاہدمحمود قاسمی 23ستمبر بروز جمعہ مرکزی جامع مسجد گول میں حج کے منافع اور شہادت سیدنا عثمان غنی کے موضوع پرتفصیلی بیان کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی)پاکستان ہندوکونسل کے سرپرستِ اعلیٰ اور ممبرقومی اسمبلی ڈاکٹر رمیش کمار ونکوانی نے کہا ہے کہ پاکستان کی سرزمین محبت کا پیغام پھیلانے والے صوفیوں، سادھوؤں، جوگیوں کی سرزمین ہے اور انکی انسانیت کی بھلائی کیلئے کی جانے والی خدمات کے اثرات صدیوں برس گزر جانے کے باوجود مزاروں پر عوام ناس کی حاضری کی صورت میں محسوس کیے جاسکتے ہیں، انہوں نے ان تاثرات کا اظہار مشہور ہندو بزرگ سنت نینو رام کی 43ویں برسی کی مناسبت سے اسلام کوٹ میںہون یگے کی طرف سے تین روزہ میلے کا افتتاح کرتے ہوئے کیا، ڈاکٹر رمیش ونکوانی نے کہا کہ سنت نینورام کی خدماتِ انسانیت ناقابلِ فراموش ہیں، اور آج انکے مزار پر ہندو، مسلمانوں سب بلامذہب تفریق نظرانہ عقیدت پیش کرتے ہیں، مزار پر نہ صرف انسانوں کیلئے چوبیس گھنٹے لنگر کا انتظام ہے وہیں چرند پرند کیلئے بھی خوار اک کی فراہمی یقینی بنائی جاتی ہے، تین روزہ میلے کا آغاز منگل کے روز ہوا ہے۔انہوں نے بین المذاہب ہم آہنگی کی ضرورت پر زور دیتے ہوئے کہا کہ دنیا کو امن کا گہوارہ بنانے کیلئے مذہبی انتہاپسندی سے چھٹکارا پانے کیلئے تمام مکاتب فکر کو اپنا بھرپور کردار ادا کرنا ہوگا۔ہندو بزرگ کے میلے میں شرکت کیلئے ملک بھر سے سینکڑوں ہندو اور مسلمان مزار پر پہنچ گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) شیعہ علما کونسل پنجاب کے صدر علامہ سید سبطین حیدر سبزواری نے کہا ہے کہ صوبے میں ڈی سی اوز اور ڈی پی اوزنے اضلاع میں غیر قانونی طور پر عزاداری سید الشہدا میں رکاوٹیں پیدا کررہے ہیں۔ فورتھ شیڈول کے تحت شریف شہریوں کا جینا دوبھر کردیا گیاہے اور مجالس اور جلوس ہائے عزا کے بانیان اور شیعہ علما کونسل کے رہنماوں کی نظر بندی کے احکامات جاری کئے جارہے ہیں۔ حکومت مقدمات واپس لے، انتظامیہ سے تعاون کرنا چاہتے ہیں، احتجاج پر مجبور نہ کیا جائے۔ ان خیالات کا اظہار انہوں نے لاہور پریس کلب میں نیوز کانفرنس سے خطاب میں کیا۔اس موقع پرمولانا حافظ کاظم رضا نقوی، مولانا حسن رضا قمی، پروفیسر ذوالفقار حیدر، مولانا یعقوب رضاحیدری اور دیگر رہنما بھی موجود تھے ۔ علامہ سبطین سبزواری نے کہا کہ محرم الحرام شروع ہونے والا ہے۔ ماتمی انجمنیں اور تنظیمیں اس کے انتظامات میں مصروف ہیں۔ امن کمیٹیوں کے اجلاس بھی شروع ہورہے ہیں مگر ضلعی انتظامیہ کی طرف سے عزاداری میں رکاوٹیں ڈالی جارہی ہیں۔ نیشنل ایکشن پلان کی آڑ میںشعائر تشیع کومحدود کرنے کی سازشیں کی جارہی ہیں، ان کا ڈٹ کر مقابلہ کیا جائے گا۔ ہم بھاگنے والے نہیں، شہادتوں کے راہی اور قربانیوں کے عادی ہیں۔فورتھ شیڈول اور نقص امن کے بے بنیاد بہانوں کے تحت پولیس بے گناہوں کو نظر بند کررہی ہے۔ جبکہ دہشت گرد دندناتے پھر رہے ہیں۔ انہوں نے مطالبہ کیا کہ صوبائی حکومت ڈی سی اوزاور ڈی پی اوز کو من مانیاں کرنے سے روکے، علما ، خطبا اور ذاکرین پر ضلعی ، ڈویژنل اور صوبائی حدود کی غیر آئینی پابندیوں کو قبول نہیں کریں گے۔آئین پاکستان کے مطابق پورے ملک میں سفر کرنے اور تبلیغ دین پر کسی پر کوئی پابندی عائد نہیں۔ حکمران پنجاب کو مقبوضہ کشمیر نہ بنائیں۔ان کاکہنا تھا کہ کچھ اضلاع میں پولیس کی طرف سے صدیوں پرانے عزاداری کے روایتی او ر لائسنسی جلوسوں اور مجالس عزا میں رکاوٹیں ڈالنے کی کوششیں کی جارہی ہیں۔حتٰی کہ چاردیوار ی کے اندر ہونے والی مجالس کو بھی روکا گیا ، مگر شیعیان حیدر کرار غم حسین منانے کا عزم لئے ہوئے ڈٹے رہے اور پولیس کی طرف سے جھوٹی ایف آئی آرز کاٹی گئیں۔ لگتا ہے کہ بہترین چیف ایگزیکٹو کے طور پر مشہور وزیر اعلٰی شہباز شریف کی ڈی پی اوز پر گرفت نہیں رہی، من مانیاں کرنے والے یہ افسران مسلم لیگ ن کی حکومت کے لئے بدنامی کا باعث بن رہے ہیں۔ کچھ ڈی پی اوز نے بانیان مجالس اور تنظیمی عہدیداران کی نظر بندی کے احکامات جاری کرنا شروع کردیے ہیں۔کچھ ڈی پی اوز ہیں کہ بانیان مجالس کو ڈرا دھمکا رہے ہیں، ان سے شورٹی بانڈ ز پر کروارہے ہیں۔ جس کے نتائج حکمرانوں کے لئے اچھے نہیں ہوں گے۔ہم چاہتے ہیں کہ حکومت سے ساتھ تعاون کریں، امن و امان برقرار رکھنے میں اپنی خدمات پیش کریں مگر عزاداری سید الشہدا پر کوئی سمجھوتہ نہیں کریں گے۔ یہ ہمار ا آئینی اور شہری حق ہے ۔علامہ سبطین سبزواری نے کہا کہ قائد ملت جعفریہ علامہ سید ساجد علی نقوی نے ہمیشہ اتحاد بین المسلمین کی فضا سازگار بنانے اور اتحاد امت کو فروغ دینے کے لئے کلیدی کردار ادا کیا ہے۔ ایک سوال کے جواب میں انہوںنے کہا کہ ملک میں کوئی فرقہ واریت نہیں، سنی شیعہ مل کر تعزیے اٹھاتے ، عید میلادالنبی ِ، مجالس عزا اور جلوسوں میں شرکت کرتے ہیں۔یہ صرف دہشت گردی ہے، جسے کنٹرول کرنا ضروری ہے۔ ان کا کہنا تھاکہ مذہبی پروگراموں میں ہی لاوڈ سپیکر کے استعمال پر پابندی کیوں، سیاسی جلسوں میں رقص اور گانوں پر تو کوئی پابندی نہیں لگائی جاتی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شکر گڑھ(جی پی آئی)چیئرمین ادارہ تاجدار یمن پاکستان و مرکزی ناظم اعلیٰ تحریک اویسیہ پاکستان علامہ پیر محمد تبسم بشیر اویسی سجادہ نشین مرکز اویسیاں نارووال شمال روڈ شکر گڑھ صاحبزادہ محمد ظہیر واصفی کی اہلیہ کے ختم چہلم پر منعقدہ محفل ایصال ثواب سے خطاب کرتے ہوئے کہا ہے کہ پردہ عورت کے حیاء کی علامت ہے ۔معاشرے میں قیامِ امن کے لئے عورت کا باپردہ ہونا اور تعلیماتِ اسلام کا فروغ ضروری ہے ۔مسلمان عورت کی پہچان اللہ و رسول ۖ نے پردہ میں رکھی ہے ۔آج جس عورت کوپردہ سے وقار دیا گیا تھا اُسے مختلف النوع اشیاء کی تشہیری مہم کے لئے بے پردہ کیا جا رہا ہے ۔ پاکستان اسلام کے نام پر بنا اس میں حیاء کے کلچر کو عام کر نا چاہیے ۔دہشت گردی اور فرقہ پرستی تعلیماتِ صوفیاء کے منافی ہے ۔ ہمارے اسلاف نے اسلحہ سے نہیں کردار سے لوگوں کے دلوں کو فتح کیا ۔اغیار نے ہم پر ثفاقت کے نام پر بے حیائی اور دہشت گردی کے نام پر جنگ مسلط کر رکھی ہے ۔ بہو،بیٹیاںاغیار کے رسم و رواج کو ترک کر کے امہات المومنین اور بناتِ رسولۖ کی سیرت کو اپنائیں ۔عورت کو اسمبلی ،کلب یا سڑک پر احتجاج سے حقوق نہیں ملیں گے ۔عورتوں کے حقوق تو بانیٔ اسلام حضرت محمد مصطفےٰ ۖ نے آج سے چودہ صدیاں پہلے متعین فرما دئیے۔ عورت شمعِ محفل بن کر نہیں چراغ ِ خانہ رہ کر ہی دنیا و آخرت میں عزت و مقام پا سکتی ہے ۔ سیرت امہات المومنین رضی اللہ عنھن خواتین اسلام کے لئے مینارۂ نور ہے ۔ سیرت و کردار میں سنتِ رسول ۖ کی پیکر سیدہ فاطمة الزاہراہ رضی اللہ عنہا آج کی مسلمان عورتوں کو پیغام دے گئیں کہ تمہاری عزت و عفت گھر کی چاردیواری میں ہے ۔حقوقِ نسواں کے علمبرداروں کو سیرتِ زہراہ رضی اللہ عنہا سے راہنمائی کی ضرورت ہے۔محفل پاک کی صدارت جانشین سخی سلطان الشعراء پیر محمد ظہور واصف بڈیانوی سجادہ نشین واصفی آستانہ بڈیانہ شریف نے کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)پاکستان مسلم لیگ(ن) کلچرل ونگ کی عہدیدار ومعروف اداکارہ سلومی رانا نے کہا ہے کہ عمران خان جلسے اور دھرنوں کی بجائے مینٹل ہسپتال میں اپنا چیک اپ کروائیں۔پاگل خان رائے ونڈ جانے کی غلطی نہ کرے لیگی خواتین اپنے قائد کے گھر کی حفاظت کرنا جانتی ہیں۔عمران خان سیاست کریں کسی کے گھر پر حملے نہ کریں ، چور دروازوں کی بجائے عوام کے ووٹوں سے اقتدار میں آئیں۔عمران خان تعصب،افراتفری اور فساد کی سیاست کو فروغ دے رہیں جنہیں الیکشن 2018 میں بھی عوام انہیں دھول چٹادیں گے۔عوام نے پہلے بھی یہودی ایجنڈے کو مسترد کیا تھا اور آئندہ بھی مسترد کر دیں گے ۔میڈیا سے گفتگو میں سلومی رانا نے کہا کہ عوام نے دھرنہ سیاست کو دفن کردیاہے،عمران خان ملک میں عدم استحکام پیدا کرنا چاہتے ہیں جبکہ عوام کو اس اذیت میں مبتلا کرنے کے ذمہ دارنا بالغ اور مفاد پرست سیاستدان ہیں۔انہوں نے کہا کہ عمران خان رائے ونڈ جانے کی تاریخی غلطی کرینگے ،لیگی خواتین ورکرز ان کو ایسا سبق سکھائیںگی کہ یہ زندگی بھر یاد رکھیں گے۔مسلم لیگ(ن) تین سالوں میں عوام کا اعتماد حاصل کرنے میں کامیاب رہی ہے ۔انہوں نے مزید کہا کہ عمران خان غیروں کے ایجنڈے پر عمل پیرا ہیں اگر انہوں نے ملک میں انتشار اور افراتفری پھیلانے کے لئے کسی سے کوئی ڈیل کی ہے تو وہ خود کو محب وطن پاکستانی سمجھتے ہوئے قوم کے وسیع تر مفاد میں اس ڈیل کو واپس کردیں اور سی پیک پراجیکٹ کو مکمل ہونے دیں۔انہوں نے عمران خان سے ایک بار پھر مطالبہ کیا کہ وہ اپنے اس افراتفری کے ایجنڈے سے توبہ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) پاکستان تحریک انصاف سندھ کے سینئر نائب صدرحلیم عادل شیخ کے سیکرٹریٹ پررائیونڈ مارچ کی تیاریاں ، حکومت کے خلاف پی ٹی آئی کی کفن پوش خواتین نے ہاتھوں میں چوڑیاں پکڑ کر مظاہرہ کیا۔رائیونڈ مارچ میں بھرپور شرکت اور ن لیگ کے غندوں کی دھمکیوں کا جواب دینے کے لیے کفن پوش خواتین کا دستہ حلیم عادل شیخ نے تیار کیا۔اب تک دو سو کے قریب خواتین کارکنان نے کفن پوش دستے میں شمولیت کے لیے رجسٹریشن کراوالی ،کراچی کے تمام اضلاع سے پی ٹی آئی کی خواتین کی بڑی تعداد میں شرکت جنھوں نے کفن پہن رکھے تھے۔خواتین نے احتجاج کے دوران گلوئوں کو پیش کرنے کے لیے ہاتھوں میں چوڑیاں اٹھارکھی تھی جو مزاحمت کرنے والے گلوبٹوں کو دی جائیں گی۔ کفن پوش خواتین کے مظاہرے میں عمران تیرے جانثار بے شمار بے شمار کے نعرے ۔،۔عمران خان کے جانثاران حکومت کی دھمکیوں اور موت سے ڈرنے والے نہیں ہیں،کفن پوش خواتین کا دستہ ہر حال میں رائیونڈ مارچ میں شرکت کریگا خواتین کا بھرپور عزم۔کفن پوش خواتین کا کہنا تھا کہ ن لیگ کے لوگوں نے مزاحمت کی تو ہم انہیں چھٹی کا دودھ یادکروادیں گے ،ہمارا مارچ پرامن ہوگا مگر حکومتی دھمکیوں کے بعد ہم نے کفن پہن کر یہ ثابت کردیا کہ عمران خان کے جانثاران اپنے قائد کی آواز پر ہر قیمت پر رائیونڈ مارچ میں پہنچیں گے ۔کفن پوش خواتین میں جمیلہ بلوچ،سدرہ بتول ،امبر جاوید ،جویرہ بتول ،شگفتہ ۔خیرالنساء ،روزینہ کرن زہر،اقراء بتول ااور دیگر پی ٹی آئی کی خواتین موجود تھیں۔حلیم عادل شیخ نے میڈیا سے بات چیت کرتے ہوئے کہاکہ ن لیگ کے رنگ باز رہنمائوں نے اپنے گلوں بٹوں کی تیار کررکھاہے جو ڈنڈ بیٹھکیں اور ڈنڈے اٹھا کر ہمارے احتجاج کو روکنے کی دھمکیاں دے رہیں مگر وہ نہیں جانتے کہ اس عمل سے ہمارے حوصلے پست نہیں ہونگے ۔رائیونڈ مارچ میں بھرپور شرکت کے لیے ہم اندرون سند کا بھی دورہ کرینگے اور سندھ کی عوام کو اپنے ساتھ لیکر جانے کے لیے تیار کرینگے ،جبکہ کل سے شہر بھر میں چلوچلو رائیونڈ چلو مہم کے لیے سڑکوں اور چوراہوں پر جاکر عوام کو رائیونڈ مارچ کی دعوت بھی دینگے۔
چکوال کا سیاسی ماحول واضح ہو گیا، آمدہ عام انتخابات میں کوٹ سرفراز بمقابلہ کوٹ چوہدریاں ہو گا
گجرات کی خبروں کی تصویری جھلکیاں