گجرات کی خبریں 17/8/2015

Gujrat

Gujrat

گجرات (جی پی آئی) ڈی سی او گجرات لیاقت علی چٹھہ محفل نعت کمیٹی کنجاہ کے صدر عبدالقیوم بھٹہ کے بڑے بھائی محمد صفدر بھٹہ سابق کونسلر بلدیہ کنجاہ کی وفات پر تعزیت کے لیے ان کی رہائش گاہ پر آئے ۔ انہوںنے مرحوم کے ایصال ثواب کے لیے دعائے مغفرت کرتے ہوئے اﷲ تعالیٰ سے دعا کی کہ مرحوم کو جنت الفردوس میںبلند مقام عطافرمائے اور پسماندگان کو صبر جمیل عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی سی او لیاقت علی چٹھہ نے میجر شبیر شریف شہید(نشان حیدر ) ہسپتال کنجاہ کا اچانک دورہ کیا اور ہسپتال میں جاری تعمیراتی کاموں کا جائزہ لیا اس موقع پر ڈی سی او لیاقت علی چٹھہ نے کہا کہ ہسپتال میں جاری ترقیاتی کاموں کی رفتار تیز کی جائے انہوں نے متعلقہ حکام کو مقررہ مدت تک کام مکمل کرنے کے احکامات جاری کیے انہوںنے میجر شبیر شریف شہید ٹی ایچ کیو ہسپتال کنجاہ کی تعمیر کیلئے استعمال ہونے والے میٹریل کی کوالٹی کو چیک کیا اور ہدایت کی کہ اس عظیم منصوبہ کی تعمیر کیلئے اعلیٰ کوالٹی کے میٹریل کا استعمال یقینی بنایا جائے ، ناقص میٹریل کا استعمال کسی صورت برداشت نہیں کیا جائیگا۔ اس سے قبل محکمہ بلڈنگ کے افسران اور کنٹریکٹر نے ڈی سی او لیاقت علی چٹھہ کو تعمیراتی کام کے حوالہ سے بریفنگ دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)پنجاب نیشنل پارٹی اور کالاباغ ڈیم ریفرنڈم موومنٹ کے زیر اہتمام لاہور سے پید ل چلنے والا قافلہ پیدل گجرات پہنچ گیا ،اس ریفرنڈم موومنٹ میں پاکستان بھر کے لوگوں کی رائے پرچی سے لی جائے گی کہ کالا باغ ڈیم بننا چاہیے کہ نہیں ،، یہ قافلہ چودہ اگست سے پارٹی چیئرمین میاں عامر عباس کی قیادت میں لاہور سے روانہ ہو ا ہے اور قافلہ پنجاب کا چکر لگانے کے بعد 22اگست کو اسلام آباد پہنچے گا قافلہ کا گجرات پہنچے پر سیاسی سماجی حلقوں نے شاندار استقبال کیا قافلہ کے شرکاء میں نور نعیم خان ایدوکیٹ ،میاں حاجی رفیق،ڈاکٹر رضوان،اور دیگر شامل ہیں قافلہ کے ہمراہ پولیس کی نفری بھی تعینات تھی اس موقع پر پنجاب نیشنل پارٹی کے چیئرمین میاں عامر عباس نے کہا کہ اس ریفرنڈم کا بنیادی مقصد یہ ہے کہ پاکستان کے عوام میں یہ شعور بیدار کر نا ہے کہ کالا باغ ڈیم کی تعمیر اشد ضروری ہے جس کے بننے سے پاکستان کے غریب عوام جو ہر سال سیلاب کی نظر ہو تے اور لوگ لوڈشیڈنگ سے تنگ ہیں اس سے چھٹکار مل جائے گا اس ریفرنڈم میں ہمیں پرچی کے زریعے یہ بھی پتہ چل جائے گا کہ کتنے لوگ کالا باغ ڈیم کے ہامی ہیں اور کتنے مخالف ہیں انہون نے کہا کہ اگر کالا باغ ڈیم بن گیا تو آدھے سے زیادہ پاکستان کے مسائل حل ہو جائیں گے اس موقع پر جی ٹی ایس چوک میں شہریوں کی ایک بڑی تعداد نے کالا باغ کے حق میں ریفرنڈم میں حصہ بھی لیا اور پرچی پر نشانات بھی لگائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) سرگودھا روڈ پر واقع موضع شیخ سکھا اور موضع منڈ کا رقبہ نالہ بھمبر میں آ گیا ہے۔ جو کہ دونوں گائوں کا زرعی رقبہ ہے وہاں پر موضح شیخ سکھا کا تقریباً 20 ایکٹر اور موضع منڈ کا تقریباً 5 ایکٹر رقبہ قبضہ کیا جار ہا ہے۔ جبکہ گائوں کے غریب کسانوں کا 2 کنال یا 3 کنال تک 50 سے 60 خاندانوں کا روزی کا ذریعے معاشی گورنمنٹ جاننا چاہتی ہے۔ اس رقبہ کے ساتھ پکی سڑک دھارو کوٹ کو جاتی ہے جس کے اوپر موضع شیخ سکھا کا جنازہ گاہ اور قبرستان بھی واقع ہے اگر خدانخواستہ کوئی منڈی والے دن کوئی فوت ہوئے تو سارا راستہ مکمل طور پر بند ہونے کی وجہ سے کسی لاش کو دفنایا نہیں جا سکتا۔ شیخ سکھا کا سرگودھا روڈ کے اوپر ایلییمنٹری پرائمری سکول طلباء واور طالبات کا ہے۔ چھوٹے چھوٹے معصوم ذہنی طور سخت دبائو میں ہیں کیونکہ سکول کے چاروں اطراف شورغل اور گاڑیاں کھڑی ہوتی ہیں سب سے بڑا خطرہ ہے کہ کوئی بچہ اغواء نہ ہو جائے۔ اس ماحول میں بچوں کی تعلیم کا کافی حرج ہو رہا ہے۔ منڈی مویشیاں والے دن کافی حادثات ہوتے ہیں اور ایک تو آدمی حادثہ کی وجہ فوت ہو چکا ہے۔ سڑک سارا دن بند پڑا رہتا ہے۔ 3 ہماری دونوں گائوں والوں کی التجا ہے کہ اس منڈی مویشیاں کی زرعی زمینیں سے لے جا کر دوسری جگہ جو کہ موضع چاکنانوالی کے پاس 14 ایکٹر زمین حکومت کی ہے اور دوسری تجویز بھمبر روڈ کے اوپر مہسم موڑ اور بوکن موڑ کے پاس بنجر زمین ہے جو کہ حفاظتی بند بنایا جا سکتا ہے۔ اہیان موضع شیخ سکھا اور موضع منڈ نے مطالبہ کیا ہے کہ حکومت اس پر نظر ثانی کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) موضع دھدرا کا گیپکو کنجاہ ڈویژن ناگریانوالہ فیڈر کا ٹرانسفارمر چور لے اڑے۔ گزشتہ رات شب چور ٹرانسفارمر سے تانبہ نکال کر لے گئے اور ٹرانسفارمر کا ڈھانچہ چھوڑ گئے۔ جبکہ چھ ماہ قبل بھی چور اسی ٹرانسفارمر کو نشانہ بنا چکے ہیں۔ اور اس دفعہ بھی چور اس پر ہاتھ پھیر گئے۔ اہلیان دھدرا نے واپڈا افسران سے اپیل ہے کہ ہے ٹرانسفارمر کو جلد از جلد نصب کیا جائے اور بجلی کی فراہمی کو یقینی بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ناروے میں پاکستانی کمیونٹی کے ممتاز راہنماچوہدری اسرار احمد کھٹانہ کی بھاوج جو کہ گزشتہ روز انتقال کر گئیں تھی ان کی روح کے ایصال ثواب کے لیے ختم چہلم 20اگست بروز جمعرات دن 11بجے گلی ڈاکٹر سرور والی نزد سر سید کالج میں پڑھا جائے گا دوست احباب کو شرکت کی اپیل کی گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) جشن آزادی کے مبارک موقع پر ضلع گجرات کے تعلیمی ادارے دی ایجوکیٹرز بارہ دری کیمپس گجرات میں عظیم الشان تقریب کا انعقاد کیا گیا جس کے مہمان خصوصی MPA حاجی عمران ظفر ‘ تھے اس موقع پر رانا ثاقب مشرف’ ڈاکٹر رزاق احمد غفاری’ حافظ محمد طاہر’ و دیگر اہم شخصیات بھی موجود تھیں۔ اس موقع پر خطاب کرتے ہوئے ممبر صوبائی اسمبلی حاجی عمران ظفر نے کہا کہ دی ایجوکیٹرز بارہ دری کیمپس کی انتظامیہ کو مبارکباد پیش کرتے ہیں کہ انہوں نے اتنا شاندار پروگرام منعقد کیا جس میں بچوں نے اپنے فن کا اظہار کیا اور ملک سے محبت کے جذبے کو پروان چڑھایا۔ انہوں نے کہا کہ جشن آزادی کے مبارک موقع پر ہمیں کوشش کرنی چاہئے کہ ہم اپنی نوجوان نسل میں آزادی کے جذبہ کو پروان چڑھائیں ۔ شہزاد شفیق نقشبندی نے کہا کہ یہ وطن لاکھوں قربانیاں دے کر حاصل کیا گیا۔ ہزاروں عصمتیں اس پر قربان ہوئیں تب ہمیں یہ مملکت حاصل ہوئی جس میں ہم اپنی مرضی کے مطابق زندگی گزرار رہے ہیں لیکن آج ہم پر جو ظلم و ستم اپنے کر رہے ہیں وہ بھی تاریخ لکھے گی۔ تعلیمی نصاب میں سے مشاہیر کے تذکرے کو غائب کر دیا گیا ہے ہمیں اغیار کی بجائے اپنا نصاب بنانا چاہئے۔ اس موقع پر آزادی کا کیک کاٹا گیا۔ بچوں نے ٹیبلو و ملی نغمات پیش کئے۔