گجرات (جی پی آئی) گجرات فرینڈز لائنز کلب کی جنرل باڈی میٹنگ میں سال 2015-16 ء کیلئے عہدیداران کا چنائو مکمل ۔ اجلاس کی صدارت صدر گجرات فرینڈز لائنز کلب عمر اقبال نے کی۔ اس موقع پر اتفاق رائے سے لائن احسن متین ملک بلا مقابلہ صدر لائن عامر رضوان گل جنرل سیکرٹری ‘ فنانس سیکرٹری رضوان احمد منتخب ہو گئے۔ اس موقع پر ڈاکٹر رزاق احمد غفاری ‘ شیخ عمر نوخیز’ بلال سیٹھی’ حراء شہزادی و دیگر موجود تھے۔ اس موقع پر خطاب کرتے ہوئے نو منتخب صدر احسن متین ملک نے کہا کہ گجرات فرینڈز لائنز کلب کی تاریخ خدمت کے کے کاموں سے بھری پڑی ہے’ جس طرح گزشتہ سال ہم نے دن رات کام کر کے خدمت خلق کے نئے باب رقم کئے اسی طرح آئندہ سال بھی خدمت کرتے رہیں گے۔ اور گجرات فرینڈز لائنز کلب کو مضبوط سے مضبوط تر بنائیں گے۔ نئی ٹیم جذبوں سے سرشار ہے ۔ اس موقع پر سابق صدر عمر اقبال نے کہا کہ جس طرح میرے ساتھ دوستوں نے تعاون کیا اس پر میں شکر گزار ہوں اور ہم اسی طرح کام کرتے رہیں گے۔ نو منتخب جنرل سیکرٹری عامر رضوان گل نے کہا کہ ٹیم ورک پر یقین رکھتے ہیں۔ اور ٹیم ورک پر کام کرتے ہوئے کامیابی حاصل کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اے ڈی سی /سپیشل پرائس مجسٹریٹ عرفان علی کاٹھیا نے دہی، چینی اور چنے مہنگے داموں فروخت کرنیوالے 3گرانفروشوںکے خلاف مقدمات درج کر دیے ہیں جبکہ ایک گرانفروش پر 2ہزار روپے جرمانہ عائد کر دیا گیاہے۔ ڈی سی او لیاقت علی چٹھہ کی ہدایت پر کریک ڈائون کے دوران اے ڈی سی نے مختلف علاقوں میں اچانک چیکنگ کی اس دوران چنے مہنگ داموں فروخت کرنے پر فضل حسین ، دہی مقررہ قیمت سے زائد پر فروخت کرنے پر الیاس اور چینی اور گھی مہنگا فروخت کرنے پر اویس کے خلاف مختلف تھانوں میں مقدمات درج کر ادیے جبکہ گرانفروش طالب حسین پر چینی مہنگے داموں فروخت کرنے پرجرمانہ عائد کر دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اسسٹنٹ کمشنر میاں اقبال مظہر کی زیر قیادت ٹیم نے کاروائی کرتے ہوئے پنجاب سیلز ٹیکس کے نادہندہ ایک میرج ہال اور 3ہوٹلز کو سیل کر دیا ہے۔ پنجاب ریونیو اتھارٹی نے ضلعی انتظامیہ کو نشاندہی کی تھی کہ ملن میرج ہال نزد فروٹ منڈی، سوات ہوٹل ، اے ایف سی قمر سیالوی روڈ اور چناب بار بی کیو نزڈ دریائے چناب کو اتھارٹی نے رجسٹرڈ کیا ہوا ہے لیکن انکی انتظامیہ نے نہ تو ریٹرن فائل کیا ہے اور نہ ہی اپنے ذمہ سیلز ٹیکس ادا کیا ہے۔ ڈی سی او لیاقت علی چٹھہ کی ہدایت پر اے سی گجرات میاں اقبال مظہر کی قیاد ت میں ڈپٹی کمشنر انفورسمنٹ پنجاب سیلز ٹیکس ذکا اللہ، ریونیو آفیسر گلزار احمد اور پولیس کی نفری کے ہمراہ کاروائی کرتے ہوئے چاروں نادہندہ ہوٹلز کو سیل کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) خوبصور ت گجرات پراجیکٹ کے تحت یونیورسٹی آف گجرات کے تعاون سے رحمانیہ پل کے ساتھ قومی ہیروز کو خراج تحسین پیش کرنے کے لئے خوبصورت پینٹگز بنائی جائیں گی، جبکہ سٹرک کے اطراف شجرکاری اور ایل ای ڈی لائٹس بھی نصب کی جائیں گی کمشنر گوجرانوالہ ڈویژن شمائل احمد خواجہ گیارہ جون کو دورہ گجرات کے موقع پر منصوبہ کا افتتاح کریں گے ۔ یہ فیصلہ ڈی سی او لیاقت علی چٹھہ کی زیر صدارت اجلاس میں کیا گیا جس میں اے ڈی سی عرفان علی کاٹھیا، چیئرمین بیوٹیفیکشن کمیٹی اورنگزیب بٹ، یونیورسٹی آف گجرات کے ڈائریکٹر سٹوڈنٹس افئیرز محمد یعقو ب نے شرکت کی۔ اجلاس میں فیصلہ کیا گیا کہ پل کے ساتھ لگائے گئے پتھروں پر یونیورسٹی کے طلبہ قائد اعظم سمیت قومی ہیروز کی تصاویر، قومی پرچم، موجودہ قیادت کی تصاویر بنائیں گے اس مقصد کے لئے اورنگزیب بٹ یونیورسٹی کے طلبہ کو تمام سہولیات فراہم کریں گے۔ اجلاس میں کٹھالہ انڈر پاس کی دیواروںپر بھی ضلع کی ثقافت کو اجاگر کرنے کے لئے پینٹگز کے حوالے سے غور کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی ایس پی ٹریفک سہیل فاضل کی زیر نگرانی موٹر سائیکل سواروں کو ہیلمٹ کے استعمال اور اس کے فوائد سے آگاہی کیلئے شہر بھر کے مختلف علاقہ جات میں ہیلمٹ کے استعمال کی پابندی کے حوالہ سے پمفلٹ تقسیم کیے گئے ۔ ڈی ایس پی ٹریفک سہیل فاضل نے کہا کہ موٹر سائیکل حادثات کے پیش نظر دوران حادثات ہیلمٹ کا استعمال نہ کرنے سے کئی قیمتی جانوں کا ضیاع ہو جاتا ہے اسی سلسلہ میں عوام کو ہیلمٹ کا استعمال یقینی بنانے کیلئے اور اس کے فوائد کے بارے میں پنجاب بھر میں آگاہی مہم شروع کر دی گئی ہے ۔ گجرات شہر میں مختلف علاقوں میں ہیلمٹ کے استعمال کے بارے میں شعور اجاگر کرنے کیلئے پمفلٹ تقسیم کیے گئے ہیں اور شہر بھر کے چوراہوں میں بینرز بھی آویزاں کیے جا رہے ہیں تا کہ عوام الناس میں ہیلمٹ کی افادیت کے بارے میں شعور بیدار کیا جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ٹی ایم اے گجرات میں تعینات سب انجینئر اکمل مسعود کو تبدیل کر کے سب انجینئر ای ڈی او روڈز آفس میں تعینات کر دیا گیا ہے انہوں نے اپنے عہدہ کا چارج سنبھال کر کام شروع کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)تھانہ انٹی کرپشن گجرات نے چھاپہ مار کر پٹواری کو رشوت لیتے ہوئے رنگے ہاتھوں گرفتار کر کے مقدمہ درج کر لیا ۔تفصیل کے مطابق گزشتہ روز تھانہ انٹی کرپشن گجرات سرکل انچارج رمضان کمبوہ نے اپنی ٹیم کے ہمراہ موہلہ خورد میں چھاپہ مار کرموہل میں تعینات پٹورا ی رفیق کے موہلہ کے رہائشی ایک شخص امجد بشیر ولد بشیر احمد سے 40 ہزار روپے رشوت لیتے ہوئے رنگے ہاتھوں گرفتار کر لیا اور رقم برآمد کر کے پٹواری کے خلاف مقدمہ درج کر کے جیل بھیج دیا ہے۔
آسمانی بجلی گرنے سے موضع چیچیاں کا نوجوان جاں بحق ہو گیا
تلہ گنگ کی خبریں 11/6/2015