گجرات کی خبریں 19/5/2016

Posted on May 19, 2016 By Mohammad Waseem سٹی نیوز, گجرات

گجرات (جی پی آئی) انجمن نوجوانان میلاد کمیٹی کے زیر اہتمام دسویں سالانہ عظیم الشان محفل نعت ”جشن آمد ِ مصطفی ۖ” 19 مئی بروز جمعرات کو بعد از نماز عشاء میلاد چوک عادووال گجرات میں منعقد ہو گی۔ پیر محمد عثمان افضل قادری کی زیر صدارت’ پیر محمد عابد حسین گیلانی کی زیر قیادت محفل کا انعقاد کیا جائے گا۔ محفل میں نقابت کے فرائض بدر اسلام بدر (اسلام اباد)’ تلاوت قاری محسن رضا قادری گجرات’ جبکہ ثناء خوان مصطفی ٰ میں قاری مصطفی قادری کراچی’ محمد عادل قریشی اسلام آباد’ ریحان حبیب سہروردی’ راولپنڈی’ قاری خالد محمود قادری سیالکوٹ’ علی رضا نوری گجرات اپنی عقیدت کے پھول نچھاور کریں گے۔ محفل نعت میں خصوصی خطاب مقرر شیریں بیاں علامہ احمد رضا قادری کا ہو گا۔ حاضرین محفل کو آٹھ عمرہ کے ٹکٹ بذریعہ قرعہ اندازی دئیے جائیں گے۔ عورتوں کے لئے پردہ کا وسیع انتظام ہو گا۔ محفل کی کوریج براہ راست www.mcagujrat.com پر دیکھی جا سکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) آستانہ عالیہ غوثیہ فضلیہ کھیپڑانوالہ شریف میں ماہانہ محفل گیارہویں شریف پیر طریقت’ رہبر شریعت صوفی با صفا منبع جودو سخا صاحبزادہ پیر سید محمود الحسن شاہ بخاری ‘ قادری الحسینی و الحسنی سجادہ نشین آستانہ عالیہ غوثیہ فضلیہ کھیپڑانوالہ شریف کی زیر صدارت منعقد ہو گی۔ تلاوت قرآن پاک حافظ القاری شفقت اللہ قادری پرنسپل جامعہ غوثیہ فضلیہ کھیپڑانوالہ شریف نے کی جبکہ ممتاز ثناء خواں الحاج عطاء جیلانی’ صوفی صابر حسین’ محمد اقبال قادری ارمغان خالد ‘ صوفی مشتاق احمد’ حافظ عبدالطیف’ محمد احسان قادری ‘ عمران احمد اور عبدالرزاق قادری نے ہدیہ نعت پیش کیا۔ جس کے بعد نوجوان مذہبی سکالر صاحبزادہ سید فیضان الحسن شاہ بخاری قادری اور حضرت علامہ محمد مظفر نقشبندی نے خصوصی حطاب کیا۔ بعد ازاں ختم غوثیہ شریف پڑھا گیا اور صاحبزادہ پیر سید محمود الحسن شاہ بخاری قادری الحسینی و الحسنی سجادہ نشین آستانہ عالیہ غوثیہ فضلیہ کھیپڑانوالہ شریف نے خصوصی دعائیں کیں اور محفل میں شرکت کرنے والے سینکڑوں پیر بھائیوں’ مریدوں اور عقیدت مندوں میں لنگر تقسیم کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز نوجوان کاروباری و سماجی شخصیت سیٹھ یاسر لطیف صراف کی والدہ محترمہ اور سیٹھ ظہیر عباس صراف کی تائی جان جو کہ گزشتہ دنوں رضائے الٰہی سے انتقال کر گئی تھیں مرحومہ کی روح کے ایصال ثواب کیلئے ختم چالیسیوں کی محفل آج 19 مئی بروز جمعرات کو جامع مسجد پیر حبیب اللہ شاہ محلہ مسلم آباد میں منعقد ہو گی محفل 10 بجے صبح شروع ہو گی جبکہ اجتماعی دعا ٹھیک 11 بجے ہو گی ۔ تمام دوست احباب سے شرکت کی استدعا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) انجمن بہبودی مریضاں کے اجلاس کے میں سیٹھ یاسر لطیف صراف کی والدہ کیلئے فاتحہ خوانی ۔ اجلاس کے دوران مرحومہ کے روح کے ایصال ثواب کیلئے فاتحہ خوانی کی گئی اور سوگواران کیلئے صبر جمیل کی دعا کی گئی۔ اجلاس میں کمیٹی کے ممبران نے بھر پور تعداد میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) رمضان المبارک میں رحمتوں کی برسات کے ساتھ ساتھ ڈسٹرکٹ سپورٹس کمیٹی کی طرف سے کھلاڑیوں کیلئے انعامات کی برسات۔ دوسرا شہباز شریف فلڈ لائٹ کرکٹ ٹورنامنٹ 2016ء 6 رمضان المبارک سے شہباز شریف پارک گجرات میں منعقد ہو رہا ہے۔ ڈسٹرکٹ سپورٹس کمیٹی گجرات کے زیر اہتمام اس ٹورنامنٹ کا افتتاح 6 رمضان المبارک کو ڈی سی او گجرات لیاقت علی چٹھہ اور انٹرنیشنل کھلاڑی کریں گے۔ اس سلسلہ میں ایک خصوصی اجلاس منعقد ہوا جس کی صدارت ڈسٹرکٹ سپورٹس آفیسر ندیم بٹ نے کی۔ ندیم بٹ نے خطاب کرتے ہوئے کہا کہ ڈی سی او گجرات لیاقت علی چٹھہ کی سربراہی میں ڈسٹرکٹ سپورٹس کمیٹی کھیلوں کے فروغ کیلئے دن رات کام کر رہی ہے۔ دوسرا سالانہ فلڈ لائٹ کرکٹ ٹورنامنٹ 6 رمضان المبارک کو شہباز شریف پارک میں منعقد ہو گا جہاں پر ڈسٹرکٹ سپورٹس کمیٹی کی طرف سے نماز تراویح کا بھی اہتمام کیا جا رہا ہے تاکہ جو کھلاڑی یا مہمان نماز تراویح ادا کرنا چاہئے انہیں بھی سہولت میسر ہو۔ انہوں نے بتایا کہ انٹری فیس 1000 روپے ہو گی۔ انٹری فیس ڈسٹرکٹ سپورٹس آفس گجرات میں جمع کروائی جا سکتی ہے۔ 5 اوور پر مشتمل میچ ہو گا جس میں 64 ٹیمیں حصہ لیں گی۔ بمپر پرائز ہیوی بائیک اور LCD ہو گا جبکہ دیگر انعامات بھی دئیے جائیں گے۔ اجلاس میں چوہدری ظہور الٰہی وائس چیئرمین ڈسٹرکٹ سپورٹس کمیٹی’ خالد کے کے ‘ میاں ظہیر’ میاں جاوید ‘ مہر عامر علی ‘ رانا ثاقب مشرف ناز’ نوازش علی نوازش’ حمزہ وڑائچ’ چوہدری ناصر محمود’ ڈاکٹر رزاق احمد غفاری’ وقاص علی’ فراز ملک’ راشد محمود’ ڈاکٹر شکیل سرور اور جیزان ڈار نے شرکت کی۔ اس موقع پر فنانس کمیٹی کیلئے خالد پرویز ‘ نوازش علی نواز ش کا نام چنا گیا جبکہ میڈیا کیلئے ڈاکٹر رزاق غفاری انچارج ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز مذہبی شخصیت سید الطاف عباس کاظمی کے والد محترم ، سید گلفام کاظمی کے چچا ‘ سید قیصر عباس رضائے الٰہی سے انتقال کر گئے۔ مرحوم کی نماز جنازہ اور ختم قل میں ہر مکتبہ فکر سے تعلق رکھنے والے افراد نے شرکت کی۔ مرحوم کی نماز جنازہ قائد ملت جعفریہ علامہ سید ساجد نقوی نے پڑھائی۔ جبکہ ختم قل کے موقع پر ممتاز عالم دین خطیب اعظم یو کے علامہ محمد اصغر یزدانی’ نے خصوصی حطاب کیا اور موت و حیات کے فلسفہ پر روشنی ڈالی۔ اس موقع پر ملکی ترقی و سلامتی کیلئے بھی دعائیں کی گئیں ۔ اہم شرکاء میں علامہ ناظم عباس جعفری’ علامہ زمان حسینی ‘ پروفیسر سرفراز جعفر’ چوہدری منظور وڑائچ’ چوہدری اکرم طاہر’ علامہ سید تنویر رضوی’ علامہ الطاف رضوی’ سید مظہر عباس’ ڈی ایس پی سٹی سید غلام مصطفی گیلانی’ صدر مرکزی انجمن تاجران جاوید بٹ’ رانا ثاقب مشرف’ سید اکبر عباس کاظمی’ سید گلفام عباس کاظمی’ میر فدا حسین ‘ سید جابر عباس کاظمی’ میر اکبر’ سید ناصر عباس پپو شاہ’ باوا زلفی شاہ’ وائس چیئرمین باسط راٹھور ‘ چیئرمین میاں پرویز پگانوالہ’ عمران اصغر’ سید حیدر عباس شاہ’ مرزا محمد تقی’ سید حسین عباس’ علامہ سید ذاکر حسین نقوی’ علامہ سید عابد علی’ سیٹھ ظہیر عباس صراف’ غلام مصطفی سیفی’ سیٹھ علی اصغر’ خادم علی خادم’ پیر سید مصیب حسین زیدی’ علامہ سید عابد علی جعفری’ محمد انور ہریہ والا’ سید رضوان مہدی’ سید مدثر حسین شاہ’ مولانا فخر زمان’ ڈاکٹر سید عا بد جعفری’ آصف رضا نقوی’ جواد جعفری’ علی عمران’ میاں لطیف’ چوہدری نثار’ ڈاکٹر زاہد حسین’ طاہر پرویز’ سید نثر شاہ’ سید گلزیر شاہ’ علامہ اشتیاق کاظمی’ ذاکر اہلبیت غلام عباس جسوکی’ طارق سلامت صراف’ رانا ملازم حسین’ مولانا امجد منیر حیدری’ مرزا تقی وزیر آباد’ مرزا وسیم عباس’ سید سلیمان کاظمی’ سید جعفر کاظمی’ سید طاہر کاظمی’ و دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز کاروباری شخصیت چوہدری شہباز صراف یونس جیولرز نے اپنی رہائشگاہ پر ڈسٹرکٹ سپورٹس آفیسر ندیم بٹ کے اعزاز میں عشائیہ دیا۔ اس موقع پر مسلم لیگ (ن) کے ممتاز رہنما نسیم اصغر جوڑا’ رانا ثاقب مشرف ناز’ ڈاکٹر رزاق احمد غفاری و دیگر موجود تھے۔ اس موقع پر کھیلوں کے فروغ کے سلسلہ میں بات چیت کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) گجرات کا اعزاز ، گجرات کی ڈیف کرکٹ ٹیم نے نیشنل ڈیف کرکٹ چیپئن شپ 2016ء جیت لی۔ قذافی اسٹیڈیم لاہور میں ہونیوالے فائنل میچ میں گجرات کی ڈیف ٹیم کا مقابلہ لاہور کی ٹیم سے ہوا ۔ لاہور کی ٹیم نے 153 رنز بنائے جبکہ اس کے مقابلہ میں گجرات کی ٹیم نے 4 کھلاڑیوں کے نقصان پر 154 رنز بنا کر چیپئین شپ جیت لی۔ اس چیپپئین شپ میں پنجاب بھر کی 32 ٹیموں نے حصہ لیا۔ مہمان خصوصی سینئر جنرل مینیجر پی سی بی علی ضیاء اور صدر ڈیف کرکٹ ایسوسی ایشن عبدالسلام تھے۔ گجرات کے کپتان اشفاق حیدر نے بہترین کارکردگی کا مظاہرہ کیا۔ اور مین آف دی میچ رہے۔ محمود اختر صدر گجرات ڈیف کرکٹ ایسوسی ایشن نے تمام ٹیم کو مبارکباد پیش کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈائریکٹر دی ایجوکیٹرز بارہ دری کیمپس شہزاد شفیق شرقپوری کے والد محترم بائو محمد شفیق کی صحت یابی کیلئے خصوصی محفل کا انعقاد کیا گیا۔ جس کے مہمان خصوصی ممتاز عالم دین صاحبزادہ غلام بشیر نقشبندی تھے۔ اس موقع پر تمام مہمانوں کا استقبال شہزاد شفیق شرقپوری اور ان کے بھائی شاہ رُخ شفیق نے کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)تحریک لبیک یارسول اللہ ۖ کی طرف سے نظام مصطفیۖ کے عملی نفاذ کیلئے حکومت پاکستان کو چارٹر آف ڈیمانڈ جاری کردیا گیا۔ حضرت پیر محمد افضل قادری، ڈاکٹر اشرف آصف جلالی، صاحبزادہ حامد رضا سیالکوٹی، ڈاکٹر ظفر اقبال، ڈاکٹر اجمل چشتی کی زیرقیادت علماء کے وفد نے وزارت مذہبی امور میں چارٹر آف ڈیمانڈ پیش کیا۔ وزیراعظم کی طرف سے وفاقی وزیرمذہبی امور پیر امین الحسنات شاہ، سیکرٹری مذہبی امور، جوائنٹ سیکرٹری مذہبی امور، ڈی جی مذہبی امور ودیگر حکام نے وصول کیا۔ علماء نے کہا کہ پاکستان بنانیوالے سنی علماء ومشائخ کے وارثین نے ستائیس مارچ کو لیاقت باغ تا ڈی چوک تاریخ کا سب سے بڑا” ناموس رسالتۖ مارچ” کیا اور بعد ازاں سخت پابندیوں کے باوجود چار روز تک ڈی چوک پر دھرنا دیئے رکھا۔ اس موقع پر حکومت کی جانب سے کہا گیا تھا کہ علماء نظام مصطفیۖ کیلئے تجاویز دیں۔ لہذا چارٹر آف ڈیمانڈ برائے نظام مصطفی ۖ جاری کردیا گیا ہے۔ وزیر اعظم پاکستان ودیگر ذمہ دار وطن کے نام جاری کئے گئے اس مراسلے میں کہا گیا ہے کہ اسلام ایک جامع دین اور مکمل ضابطہ حیات ہے جو انسان کی انفرادی زندگی سے لے کر انٹر نیشنل معاملات وسیاسیات تک تمام مسائل کا حل پیش کرتا ہے۔ حضور نبی اکرم ۖ اور خلفاء راشدین رضی اللہ عنہم نے جہاں اسلامی عقائد ، عبادات، اخلاق ومعاملات اور آداب زندگی کی ترویج فرمائی وہاں ریاست مدینہ کے قیام کے فوراً بعد تمام شعبہ ہائے زندگی میں مکمل سیاسی نظام بھی نافذ فرما کر واضح فرما دیا کہ دین اسلام ایک مکمل اور کامیاب ترین فلاحی سیاسی نظام بھی ہے۔ یہ بات اظہر من الشمس ہے کہ اسلامی جمہوریہ پاکستان کا قیام اسلام اور دوقومی نظریہ کی بنیاد پر معرض وجود میں آیاتھا۔ جبکہ اسلام ہی مختلف زبانوں، نسلوں، خاندانوں اورصوبوں کے لوگوں کو ایک مضبوط ترین دینی وحدت میں متحد رکھ کر پاکستان کی سلامتی کا ذریعہ ہے۔ لیکن افسوس کہ پاکستان کے سربراہان نے وطن عزیز کی بنیاد کو نظر انداز کیا تو پاکستان کا ایک حصہ جدا ہو گیا اور اب دیگر کئی مقامات پر بھی ملکی سلامتی کے خلاف سازشیں زور پکڑ چکی ہیں۔ اور گزشتہ چند سالوںسے وطن عزیز میں چند اسلام دشمن قوتیں، عالمی اسلام دشمن قوتوں کے زیر سایہ اسلامی جمہوریہ پاکستان کو لادین ریاست بنانے کیلئے سرگرم عمل ہو چکی ہیں۔ تباہ کن فحاشی، بے راہروی، لادینیت والحاد کی ترویج واشاعت کی جارہی ہے۔ جبکہ نظام مصطفی ۖ کے نفاذ کیلئے جاری کئے گئے چارٹر آف ڈیمانڈ کے نکات درج ذیل ہیں: وطن عزیز پاکستان میں اسلامی حکومت کا معیار مقرر کیا جائے اور خصوصا تمام کلیدی پوسٹوں کیلئے دیگر ضروری صلاحیتوں اور اہلیت کیساتھ مسلمان اور نیک سیرت ہو نا اساسی شرط قرار دیا جائے۔ اور اس پر عمل درآمد یقینی بنایا جائے۔ نصاب تعلیم میں قرآن مجید ناظرہ مع ترجمہ کی تکمیل میٹرک تک لازم قرار دی جائے اور چینلز پر بھی اس کیلئے وقت مقرر کیا جائے۔ نماز ایک اہم اسلامی رکن ہے اس کو رائج کرنے کیلئے تمام ضروری اقدامات اٹھائے جائیں۔ نظام زکوٰة وعشر وخراج وجزیہ کو اس طرح نافذ کیا جائے کہ تمام مستحقین کی بنیادی ضرورتیں مثلا: تعلیم، رہائش، خوراک، علاج، حفاظت وغیرہ اس فنڈ سے پورے کئے جائیں۔ حقوق اللہ اور حقوق العباد کی ادائیگی کو یقینی بنایا جائے۔ تحفظ ناموس رسالتۖ کیلئے ایک مستقل وزارت یا ادارہ تشکیل دیا جائے جو توہین رسالت کے اسباب اور مواقع پر کڑی نظر رکھے اور توہین رسالت کی روک تھام کیلئے فوری کردار ادا کرے اور ایسے مجرموں کو فی الفور قانونی کٹہرے میں لاکر سزا دی جائے۔ حکمرانوں، ممبران سینٹ واسمبلی اور افسران کیلئے اسوئہ نبوی وطریقہ خلفاء راشدین کے مطابق سادگی لازم کی جائے۔ یاد رکھیں! جب تک حکمران سادگی اختیار نہیں کرتے اس وقت تک اہلکاروں اور عوام مین بد عنوانی کا خاتمہ ناممکن ہے۔ سودی نظام معیشت کو ختم کر کے مضاربت کی بنیاد پر نظام معیشت رائج کیا جائے اور رزق حلال کو یقینی بنایا جائے۔ شادی وغمی کی تمام رسوم پر پابندی لگائی جائے تاکہ سفید پوشوں کی مشکلات آسان ہوں۔ یاد رہے کہ شادی ودیگر رسوم ورواج کے اخراجات پورا کرنا کرپشن کا ایک بڑا سبب ہے۔ عریانی، فحاشی اور بے راہ روی کو ختم کرنے کیلئے ضروری اقدامات اٹھائیں جائیں۔ خواتین کو اسلامی لباس کا پابندکیا جائے۔ عریانیت پر مشتمل تصاویر کی روک تھام کی جائے۔ کو ایجوکیشن کا خاتمہ ممکن بنایا جائے۔ نیز چینلز اور انٹرنیٹ پر فحش اشتہارات، فحش مناظر، فحش گفتگو اور دیگر فحش مواد پر پابندی لگا ئی جائے۔ بدکاری کے محرکات و اسباب ودواعی کو بھی سختی سے روکا جائے۔ اولیاء کرام کے مراکز کو بد نام کرنے سے گریز کیا جائے اور مزاراتِ اولیاء پر غیر شرعی رسوم، ملنگ کلچر اور میلے سرکس وغیرہ بند کرکے اسلام کی تعلیم وتربیت کا شاندار انتظام کیا جائے۔ نیز مدارس وسکول قائم کیے جائیں اور اس کیلئے ہر صوبہ میں باختیار کمیٹی قائم کی جائے۔ قوانین میں اصلاحات کر کے مساجد اور نظام تبلیغ پر لگائی گئی پابندیوں کو ختم کیا جائے اور انتہا پسندی ومذہبی منافرت وفرقہ واریت کی ایسی تعریف کی جائے کہ قرآن وحدیث کے احکام اور کلامی واعتقادی وفقہی اختلافات کی علمی وتحقیقی بحثیں اس کی زد میں نہ آئیں۔ نصاب تعلیم میںاللہ تعالیٰ کی بندگی وخشیت، رسول اللہ ۖ کی محبت واطاعت، ختم نبوت، آیات جہاد، خلفاء راشدین رضی اللہ تعالیٰ عنہم، ممتاز صوفیاء اسلام اور قیام پاکستان میں مسلم لیگ کا ساتھ دینے والے سنی علماء ومشائخ کے تذکرے شامل کئے جائیں۔ پاکستان کی سیاست، مذہب، تعلیم، ثقافت، معیشت اوردیگر تمام شعبوں میں غیرملکی مداخلت بند کرائی جائے، جس میں امریکہ، یورپی ممالک کیساتھ سعودی عرب اور ایران وغیرہ بھی شامل ہیں ۔ امر بالمعروف ونہی عن المنکر کیلئے مستقل وزرات قائم کی جائے۔ اسلامی اقدار کو فروغ دیا جائے۔ قانون شکنی کرنے والوں کا سخت محاسبہ کیا جائے۔ معاشرے میں ظلم، نا انصافی، مہنگائی، بیروزگاری اور دیگر قباحتوں کا خاتمہ کیا جائے۔ حدودو تعزیرات کا اجرا کیا جائے۔ اور دہشت گردوں کو عبرتناک سزائیں دی جائیں۔ عوام الناس کیلئے انصاف اور دیگر حقوق کا حصول آسان بنایا جائے۔ معاشرتی امن وامان اور مال جان عزت کا تحفظ یقینی بنایا جائے۔ سچ کو فروغ اور جھوٹ سے نفرت کا اظہار کیا جائے۔ معاشرے میں اخلاقیات کو فروغ دیا جائے۔ غیر اخلاقی امور جیسے چوری ڈکیتی قتل وغارت دھوکہ دہی فراڈ وغیرہ اور دیگر کبیرہ گناہوں کے انسداد کیلئے ہر ممکن اقدامات اٹھائے جائیں۔ نیز اخلاقیات کو اپنانے اور ان پر اجر وثواب اور قباحتوں وکبیرہ گناہوں کے متعلق وعیدیں اور سزاؤں کو میڈیا ودیگر ذرائع سے عام کیا جائے۔ ”تحریک لبیک یارسول اللہ” کے قائدین نے حکومت پاکستان کو یقین دہانی کرائی کہ نظام مصطفی ۖ کے نفاذ کیلئے جہاں کہیں کوئی پیچیدگی ہو گی یا کسی تفصیل کی ضرورت ہو گی تو اس سلسلہ میں مکمل تعاون کیا جائیگا۔ علماء نے اس امید کا اظہار کیا کہ حکومت پاکستان جلد از جلد ان تجاویز پر عمل در آمدکیلئے تمام ضروری اقدامات اٹھا کر سعادات ِ دارین سے بہرہ ور ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)حکومت پنجاب کی ہدایات کے مطابق ضلع بھر میں 10سستے رمضان بازار 3جون سے قائم کر دیے جائیں گے، تینوں تحصیلوںمیں مخیر حضرات کے تعاون سے مجموعی طور پر 50مدنی دسترخوان بھی لگائے جائیں گے اس مقصد کے لئے انتظامات کو جلد حتمی شکل دی جائے۔ ان خیالا ت کا اظہار ڈی سی او لیاقت علی چٹھہ نے اہم اجلاس سے خطاب کرتے ہوئے کیا، اسسٹنٹ کمشنرز نورالعین، ذوالفقار باگڑی ، شعیب نسوانہ، ڈی ایم او وقار خان، ای ڈی او زراعت محمد جمیل، ڈی اوز ڈاکٹر اکرام، محمد رفیق، ڈاکٹر طاہر عزیز ، ٹی ایم اوز خرم محمود، عمر شجاع، ملک شفقت، ڈی ایس پی سہیل فاضل اور دیگر افسران بھی اس موقع پر موجود تھے۔ڈ ی سی او لیاقت علی چٹھہ نے بتایا کہ سستے رمضان بازار ظہور الہی اسٹیڈیم ، شاہ جہانگیر روڈ، ماڈل بازار، ریلوے روڈ، کنجاہ، جلالپور جٹاں، کھاریاں، ڈنگہ، لالہ موسیٰ اور سرائے عالمگیر میں قائم کئے جائیں گے جہاں متعلقہ اسسٹنٹ کمشنرز، ٹی ایم اوز اور دیگر افسران کو انچارج مقرر کیا گیا ہے۔ انہوںنے بتایا کہ ماہ رمضان المبارک کے دوران رمضان بازاروں میں وافر مقدار میں فراہمی کے لئے 396ٹن چینی کا کوٹہ الاٹ کر دیا گیا ہے ،ان رمضان بازاروںمیں دیگر اشیائے خورد و نوش کے ساتھ محکمہ زراعت کے زیر اہتمام سبزیوں کے سٹالز لگائے جائیں گے اسی طرح مختلف علاقوںمیں فیر پرائس شاپس بھی قائم کی جائیں گے۔ا نہوںنے کہا کہ رمضان بازاروںمیں یوٹیلٹی سٹورز کے سالز بھی لگائے جائیں گے جہاںسبزیاں، پھل، گوشت اور دیگر اشیائے خورد و نوش وافر مقدار میں موجود ہونی چاہیے ، سایہ کا مناسب انتظام ، شکایات سیل، کنٹرول روم قائم کئے جائیں گے،محکمہ صحت کا عملہ بھی ڈیوٹی دے گا ، واک تھرو گیٹس اور سی سی ٹی وی کیمرے بھی لگائے جائیں گے ، سکیورٹی کے لئے پولیس کے ساتھ سول ڈیفنس کے رضا کار ڈیوٹی دیں گے جبکہ ۔ ڈی سی او لیاقت علی چٹھہ نے رمضان بازاروں کے انچارج افسران کو ہدایت کی کہ فوری طورپر تاجروںاور دیگر سٹیک ہولڈرز سے میٹنگز منعقد کرکے مثالی رمضان بازاروںکے انعقاد کے لئے اقدامات کئے جائیں اور عوام کو ریلیف فراہم کرنے کے لئے حکومت پنجاب کی پالیسوں پر عمل درآمد کے لئے ٹیم کی حیثت سے کام کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) عوامی بھٹہ لیبر یونین رجسٹرڈ ضلع گجرات کے بھٹہ مالکان کو انڈسٹریل ریلیشنز ایکٹ 2010ء کے سیکشن 20 کے تحت ڈیمانڈ نوٹس جاری کرنے کا فیصلہ کیا گیا ہے۔ اور اس سلسلہ میں بھٹہ مالکان کو باقاعدہ نوٹسز جاری کر دیئے گئے ہیں ۔ یہ فیصلہ گزشتہ روذ امتیاز لیبر ھال میں ہونے والی میٹنگ میں کیا گیا۔ عوامی بھٹہ لیبر یونین کی ایگزیکٹو کمیٹی کا ایک اجلاس یونین کے صدر محمد نوید کی زیر صدارت میں منعقد ہوا۔ اجلاس میں شرکاء نے یونین کو اجتماعی سودا کاری ایجنٹ کا سرٹیفکیٹ ملنے پر مبارکباد دی۔ یاد رہے کہ پاکستان کی تاریخ کا پہلا موقع ہے کہ کسی بھٹہ مزدور یونین کو اجتماعی سودا کاری ایجنٹ کا سرٹیفکیٹ جاری ہوا ہے۔ اجلاس سے یونین کے سیکریٹری جنرل پیرزادہ امتیاز سید نے خطاب کرتے ہوئے کہا۔ کہ آج تک ہماری پالیسی معتدل رہی اور ہم ہر بار بھٹہ مالکان سے بھٹہ مزدوروں کے حقوق کے لئے بھیک ہی مانگتے رہے۔ مگر افسوس کہ بھٹہ مالکان نے اس کو ہماری کمزوری سمجھا۔ انہوں نے کہا کہ ہم قطعا یہ نہیں چاہتے کہ بھٹہ خشت کی صنعت کا پہیہ روک دیا جائے۔ بلکہ ہم اسکو چلتا ہوا دیکھنا چاہتے ہیں ۔ مگر اپنے حقوق کی جنگ لڑنا کوئی جرم نہیں ۔ ہم آج تک اپنا حق مانگتے رہے۔ مگر مالکان نے ہمارا حق دینے سے انکار ہی کیا۔ انہوں نے کہا کہ اب ہم بھٹہ مالکان کو IRA-2010 کے تحت نوٹس بھیج رہے ہیں ۔ اگر اب بھی بھٹہ مالکان نے ہماری بات نہ مانی تو پھر ہمارا بھی اور بھٹہ مالکان کا بھی خدا حافظ۔ پیرزادہ امتیاز سید نے کہا کہ پیشگی دینا قانونی جرم ہے ۔ بھٹہ مالکان نے اگر کسی ورکر کو پیشگی دی ہے تو وہ اسکی فاتحہ خوانی پڑھ لیں ۔ ہماری طرف سے اور ہماری لیبر کی جانب سے پیشگی کے سلسلہ میں صاف جواب ہو گا۔ جونہی بھٹہ کا موجودہ سیزن ختم ہو گا تو تمام لیبریں آزاد ہونگی۔ کوئی بھٹہ مالک کسی بھٹہ مزدور کو پابند کر کے اپنے بھٹہ پر نہیں بٹھا سکے گا۔ ہم قانونی طور پر تمام لیبروں کو اٹھانے کے مجاز ہیں ۔ لہذا بہتر یہی ہے کہ بھٹہ مالکان بھٹہ مزدوروں کو انکی اجرت کا ریٹ 962/- روپے بابت تیاری ایک ہزار اینٹ دے دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ڈی سی او لیاقت علی چٹھہ نے جی ٹی روڈ پر پیچ ورک، سلپ روڈز کی تعمیر اور خوبصورت گجرات پراجیکٹ کے تحت چوراہوں کی خوبصورتی کے کام کا جائزہ لینے کے لئے شہر کے مختلف علاقوں کا دورہ کیا، چیئرمین بیوٹیفکیشن کمیٹی حاجی اورنگزیب بٹ، ڈی او روڈز رائے نواز اور دیگر افسران بھی انکے ہمراہ تھے۔جی ٹی روڈ کے دورہ کے موقع پر ڈی سی او لیاقت علی چٹھہ سٹرک کی مرمت کے کام کا تفصیلی معائنہ کیا اور روڈز ڈیپارٹمنٹ کے عملہ کی کارکردگی کو زبردست سراہااور انہیں ایک ماہ کی اضافی تنخواہ دینے کا اعلان کیا ۔ انہوں نے ہدایت کی کہ شہریوں کی سہولت اور ٹریفک کی روانی برقرار رکھنے کیلئے منصوبہ کو جلد از جلد مکمل کیا جائے ۔ ڈی سی او لیاقت علی چٹھہ نے سلپ روڈز کے معائنہ کے موقع پر بات چیت کرتے ہوئے کہا کہ مختلف مصروف چوراہوں میں سلپ روڈز کی تعمیر سے ٹریفک کے مسائل پر قابو پانے میں بڑی حد تک مدد ملی ہے ۔ انہوں نے ہدایت کی کہ شاہروں کو خوبصورت بنانے کیلئے ان کے اطراف خوبصورت پودے لگائے جائیں اور لائٹس کا مناسب بندوبست بھی کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی سی او لیاقت علی چٹھہ نے صدر گوجرانوالہ چیمبر آف کامرس اخلاق احمد بٹ کے ہمراہ دربار سائیں کانواں والی سرکار کا دورہ کیا اور مزار کی توسیع اور تزئین و آرائش کے منصوبہ جائزہ لیا ۔ ڈی سی او لیاقت علی چٹھہ نے کہا کہ حضرت سائیں کرم الٰہی المعروف کانواں والی سرکار کی توسیع اور تزئین و آرائش کا منصوبہ نہایت اہمیت کا حامل ہے جس پر جلد کام کا آغاز کیا جائیگا ۔ انہوں نے کہا کہ منصوبے کے تحت مزار کی تزئین و آرائش ، مسافر خانہ کی تعمیر و برآمدہ بنایا جائیگا تا کہ یہاں پر آنے والے عقیدت مندوں کو بہتر سے بہتر سہولیات فراہم کی جا سکیں ۔صدر گوجرانوالہ چیمبر آف کامرس اخلاق احمد بٹ نے اس موقع پر منصوبے کے حوالے سے تجاویز پیش کیں اور اپنے مکمل تعاون کا یقین دلایا۔