گجرات کی خبریں 29/1/2016

Gujrat

Gujrat

گجرات (جی پی آئی) پاکستان تحریک انصاف کی انٹرا پارٹی الیکشن اور ممبر سازی کے حوالے سے تربیتی ورکشاپس اور پروگرامات کا سلسلہ زوروشور سے جاری ہے اس سلسلہ میں پاکستان تحریک انصاف ضلع گجرات کے ڈسٹرکٹ الیکشن کوآرڈینیٹر چوہدری اختر حسین جوڑہ کی زیر صدارت ممبر سازی کے حوالے سے تبدیلی کا آغاز کرو اپنے راہبر آپ چنو ورکشاپ مقامی میرج ھال میں منعقد ہوئی اس موقع پر گفتگو کرتے ہوئے چوہدری اختر حسین جوڑہ نے کہا کہ تمام پی ٹی آئی ورکرز اپنے قائد عمران خان کے ویثرن پر عمل کرتے ہوئے ممبر سازی مہم میں بڑھ چڑھ کر حصہ لیں اور زیادہ سے زیادہ لوگوں کو ممبر بنائیں اور پھر اپنے راہبر آپ چنتے ہوئے تبدیلی کی جانب قدم بڑھائیں عوام سے میری اپیل ہے کہ وہ جوق در جوق پی ٹی آئی قافلے میںشامل ہوں اور قائد تحریک عمران خان کی قیادت میں وطن عزیز میں حقیقی تبدیلی اور انقلاب کہ عملی جامہ پہنائیں ۔تربیتی ورکشاپ سے لاہور سے آئے ہوئے مہمان پاکستان تحریک انصاف کے نیشنل ایگزیکٹو کو آرڈینیٹر عبیر وڑائچ نے ممبر سازی کا طریقہ کار بتاتے ہوئے کہا کہ پی ٹی آئی کی ممبر سازی کیلئیے اب صرف شناختی کارڈ اور نام 90088پر send کرنا ہوگا جس کے بعد رکنیت کے حوالے سے ممبران کو میسج موصول ہو گا جسے وہ محفوظ کر لیں اس موقع پر ضلع بھر سے پی ٹی آئی ورکرز سابق عہدیداران اور کارکنان نے کثیر تعداد مین شرکت کی نمایاں شرکاء میں میجر خلیل الرحمن ،ملک اعجاز ،محمد اشرف شریف ،مدثر رضامچھیانہ ،مہر امتیاز احمد ،محمد انیس بھٹی ،خاور شہزاد ،محمد منیر گوند ل ایڈوکیٹ ،شیخ گلریز نبی ،سردار عظیم خان ایڈوکیٹ ،شہزاد افضل میر ایڈوکٹ ،احمد ندیم گجر ،وائس چئیر مین فیضان خالد بٹ ،سید ذولفقار معین الدین پور ،مہر خالد ،عظیم سندھو ،ڈاکٹر محمد شبیر احمدایڈوکیٹ ،محمد الطاف ،ربیعہ شاھین ،اقراء سندس ،عائشہ بشرٰی ،عائشہ سرور ،عامرسجاد جھیورانوالی ،ولید سکندر جوڑہ ،ملک ظفر اقبال ملکہ ،ذوالفقار دھارووال،سمیت دیگر کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ریلوے اسٹیشن گجرات مسائلستان بن گیا۔ افرادی قوت کی کمی کی وجہ سے کئی مشکلات کا سامنا ۔ پولیس چوکی ریلوے اسٹیشن میں بھی نفری کی کمی کا سامنا۔ اس وقت پولیس میں صرف 2 ملازمین ‘ 1 حوالدار اور ایک انچارج تعینات ہیں۔ جبکہ باقی ملازمین عارضی ڈیوٹی پر ہیں۔ موجودہ حالات میں ضرورت اس امر کی ہے کہ یہاں پر 10 کانسٹیبل مزید تعینات کئے جائیں اور واک تھرو گیٹ نصب کیا جائے۔ تاکہ دہشتگردی کے خطرات سے نپٹا جا سکے۔ دوسری جانب ریلوے اسٹیشن پر ایک اسسٹنٹ اسٹیشن ماسٹر 4 کیبن مین’ 2 کانٹے والے ‘ 3 بکنگ کلرک ‘ 1 ٹی سی آر جبکہ 3 خاکروب کم ہیں۔ ریلوے حکام سے مطالبہ کیا جاتا ہے کہ وہ فوری طور پر مطلوبہ نفری کی فراہمی کو یقینی بنائیں تاکہ عوام کو سہولت مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)ضلعی گروپ برائے انتخابی اصلاحات کا ماہانہ اجلاس مقامی ریسٹورنٹ میں منعقد ہوا۔ جس کی صدارت ڈسٹرکٹ کنوینئر DERG گروپ چوہدری علی ابرار جوڑا نے کی۔ اس موقع پر ڈپٹی کنوینئر ڈاکٹر انجم نور دین ‘ اشتیاق بٹ’ ڈاکٹر لیاقت مہر’ افتخار الدین بھٹہ’ نثار الدین ساجد راٹھور ‘ جاوید بٹ’ ڈاکٹر شکیل سرور’ فہد نعیم’ ڈاکٹر رزاق احمد غفاری و دیگر نے شرکت کی۔ اجلاس میں ڈسٹرکٹ آفیسر سدھار بدر احمد نے سابقہ کارروائی بتائی جسے بے حد سراہا گیا۔ اجلاس منعقد ہونے کے حوالہ سے لائحہ عمل طے کیاگیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)گلوبل پریس انٹرنیشنل کے زیر اہتمام ماہانہ محفل میلاد النبی ۖ آج منعقد ہو گی۔ محفل کا آغاز صبح 10 بجے کیا جائے گا جبکہ دعا 11 بجے ہو گی۔ محفل کی صدارت چیف ایڈیٹر ڈاکٹر رزاق احمد غفاری کریں گے ۔ ممتاز علمائے کرام ‘ مشائخ عظام کی شرکت متوقع ہے۔ دوست احباب سے شرکت کی استدعا کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)سیکورٹی خدشات کے باوجود گجرات پولیس نے ڈنگ ٹپائو پالیسی پر عمل کرنا شروع کر دیا۔ SHO سول لائن کی طرف سے مختلف تعلیمی اداروں کو بغیر چیکنگ کے ہی 25 جنوری کو نوٹس جاری کئے گئے۔ جس میں سکول مالکان کو سیکورٹی کے حوالہ سے وارننگ دی گئی۔ جب کہ اس لیٹر پر SHO یا متعلقہ کسی افسر کے دستخط یا مہر تک نہیں لگائی گئی۔ اور سکولوں میں موجود سیکورٹیز کے آلات اور گارڈز ہونے کے باوجود بھی انہیں نوٹس بجھوا دئیے گئے۔ ڈی پی او گجرات سے پرائیویٹ سکولز مالکان نے اپیل کی ہے کہ وہ سکولوں کی چیکنگ کو یقینی بنائیں اور خود یا اپنی کوئی نمائندہ جو کہ ذمہ دار ہو اس کو چیکنگ کیلئے بجھوائیںجو کہ کاغذی کارروائی کی بجائے صحیح حالات پر مبنی رپورٹ جاری کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)عالم دین کو دھمکیاں۔ پولیس تھانہ سول لائن نے تفتیش شروع کر دی۔ ڈی پی او گجرات کو قاری احسن رسول نے درخواست دی ہے کہ وہ مختلف مقامات پر محافل میں شرکت کرتا ہے اور تلاوت قرآن پاک کا شرف حاصل کرتا ہے۔ جبکہ گزشتہ کئی روز سے مجھے مختلف لوگوں کی جانب سے قتل کی دھمکیاں آ رہی ہیں ۔ جو کہ مجھے محافل میں شرکت کرنے سے روکنے پر تلے ہوئے ہیں۔ جبکہ گزشتہ روز فوارہ چوک کے قریب بھی ایک شخص نے روک کر مجھے جان سے مارنے کی دھمکیاں دیں ۔ ڈی پی او گجرات رائے ضمیر الحق کو تحفظ کیلئے درخواست دید ی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)تبلیغ دین کی عالمی تنظیم ”تبلیغ اسلامی” کے زیر اہتمام ماہانہ محفل میلاد النبی ۖ مرکز تبلیغ اسلامی نزد دربار کانوانوالی سرکار میں منعقد ہوئی۔ جس میں خصوصی بیان و دعا امیر تبلیغ اسلامی حضرت علامہ محمد ابراہیم عاجز قادری نے کیا۔ اس موقع پر ہزاروں بھائیوں نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)ایڈمنسٹریٹر ضلعی حکومت /ڈی سی او لیاقت علی چٹھہ نے ضلع بھر میں دفعہ 144نافذ کرتے ہوئے تعلیمی اداروں کی دیواروںکے ساتھ اور سامنے ہر قسم کی ریڑھی، ٹھیلہ لگانے یا تجاوزات قائم کرنے پر پابندی عائد کر دی ہے اس ضمن میں نوٹیفکیشن جاری کر دیا گیا ہے ۔ انہوں نے اسسٹنٹ کمشنرز ، پولیس اور دیگر افسران کو ہدایت کی ہے کہ اس حکمنامے پر عمل درآمد یقینی بنایا جائے اور خلاف ورزی کے مرتکب عناصر کے خلاف قانون کے مطابق سخت کاروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)تعلیم کے اصل نتائج کے حصول کے لیے اعلیٰ تعلیمی نظام میں مثبت تبدیلیوں کی ضرورت ہے۔ طلبہ میں معیاری تعلیم کی روشناسی اساتذہ کی اوّلین ذمہ داری ہے۔ اساتذہ ہی اصلاً اعلیٰ تعلیم کے اداروں کے سُرخیل ہیں۔ اساتذہ کی دیانتدارانہ کاوشوں اور پُر شوق شمولیت کے بغیر اعلیٰ تعلیم کے نظام کو خوش آئند بنیادوں پر استوار نہیں کیا جا سکتا۔ تعلیمی معیار کو بہترین بنائے بغیر ہم ملک و قوم کی حقیقی خدمت سرانجام نہیں دے سکتے۔ میرا مشورہ ہے کہ اعلیٰ تعلیم کے میدان میں بہتر نتائج کے حصول کے لیے اساتذہ اپنے فرائض سے عہدہ بر آہوتے ہوئے اپنی ذمہ داریاں تندہی سے نبھائیں۔ جامعہ گجرات طلبہ کی عملی صلاحیتوں کو اُجاگر کرنے کے لیے معیارِ تعلیم کو بہتر سے بہترین بنانے کی کوشش میں ہر لمحہ مصروف ہے۔ ان خیالات کا اظہار وائس چانسلر جامعہ گجرات پروفیسر ڈاکٹر ضیاء القیوم نے سینیئر فیکلٹی کے ایک اجلاس کے شرکاء سے خطاب کرتے ہوئے کیا۔ اس اجلاس میںمختلف شعبہ جات کے ڈین، سربراہان، شعبہ جات ، پروفیسرز اور چیئرپرسن نے شرکت کی۔ اجلاس میں مختلف شعبہ جات میں پڑھائے جانے والے کورسز کے حوالہ سے سمسٹر سسٹم کے تحت امتحانی نظام کا جائزہ لینا تھا۔ اجلاس میں رجسٹرار جامعہ گجرات ڈاکٹر طاہر عقیل اور کنٹرولر امتحانات احمد جمیل ترک نے ڈاکٹر ضیاء القیوم کی معاونت کا فریضہ سر انجام دیا۔ احمد جمیل ترک نے بتایا کہ اس وقت جامعہ گجرات کے مختلف کیمپسوں میں رجسٹرڈ طلباء کی تعداد تقریباً31000ہے جبکہ سالانہ امتحانات کے نظام کے تحت60000کے قریب طلبا و طالبات جامعہ گجرات سے منسلک ہیں اور اس وقت جامعہ گجرات میں مختلف سطحوں پر469کے قریب کورسز پڑھائے جا رہے ہیں۔ انہوں نے کہا کہ معیاری تعلیم کے امکان کو یقینی بنانے کے لیے ہمیں امتحانی نظام کو جدید خطوط پر استوار کرنے کی ضرورت ہے۔ اس اجلاس میں سمسٹر سسٹم کے حوالہ سے کچھ تحفظات کو بھی زیرغور لایا گیا۔ڈاکٹر ضیاء القیوم نے جامعہ گجرات کے کوالٹی انہانسمنٹ سیل، بورڈ آف سٹڈیز و اکڈیمک کونسل کی کارکردگی کو مزید بہتر اور فعال بنانے کے لیے مختلف اقدامات کا تذکرہ کیا۔ اساتذہ نے یقین دہانی کروائی کہ وہ طلبا و طالبات میں معیار ی تعلیم کے فروغ کے لیے کوئی دقیقہ فردگذاشت نہ رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)اے سی کھاریاں میاں اقبال مظہر نے ٹیم کے ہمراہ قاسم میرج ہال لالہ موسیٰ ، ویلکم میرج ہال، الخسین میرج ہال ، فضل کریم عوامی گولڈ میرج ہال، رائل پیلس میرج ہال، گورمے بیکرز لالہ موسیٰ، گورمے بیکرز شاہ جہانیاں جی ٹی روڈ لا لہ موسیٰ ، راحت بیکری ، ٹی ڈی سی پی ہوٹل کی اچانک چیکنگ کی اور کچن میں صفائی کا معیار اورملازمین کے ہیلتھ کارڈ اور کچن وغیرہ کی صفائی چیک کئے اور انہیں پنجاب فوڈ اتھارٹی کی ہدایات پر عمل درآمدیقینی بنانے کی ہدایت کی ۔ بعد ازان انہوںنے انجمن تاجران کھاریاںکے عہدے داروں سے خصوصی میٹنگ کی اسسٹنٹ کمشنر کھاریاں نے انجمن تاجران کے نمائندوں کی ہدایت آمدہ منجانب پنجاب فوڈ اتھارٹی لاہور بابت بیکرز اینڈ ہوٹلز ، ریسٹورنٹ ، ہوٹلز، ڈیری فارم ، ملک شاپ وغیرہ حوالے کی ہیں اور انجمن تاجران کے صدر کی درخواست پر آپریشن سات یوم کے لیے روک دیا گیا ہے اور مورخہ 3-2-16تک مہلت دی گی ہے کہ تمام مالکان بیکری ، ہوٹلز ، میرج ہال ہیلتھ کارڈ وغیرہ ملازمین بنا لیں اور اس کے بعد مزید موقع نہ دیا جائے گا۔دریں اثنااسسٹنٹ کمشنر کھاریاں نے دوران پرائس چیکنگ ملزمان رخسار احمد، ارشد ، مبشر ، عبدالمجید ، مظہر اقبال ، محمد افضل ، عزیز عثمان ، غضنفر کو اشیاء خوردونوش مہنگی فروخت کرنے ر مبلغ2000روپے فی کس جرمانہ عائد کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ (جی پی آئی) پاکستان تحریک انصاف کے ضلعی راہنما سابق ممبر صوبائی کونسل نوازش علی شیخ ایڈووکیٹ ،سابق صدر پی ٹی آئی لالہ موسیٰ سہیل نواز خاں،سینئر راہنمامبشر بٹ آف جوگی محلہ ،سینئر راہنماحاجی رفیق احمد دھامہ ،آفس انچارج انصاف مرکز غلام عباس بھٹہ،سینئر راہنماحلقہ پی پی 112طاہر رفیق بٹ آف شاہ سرمست ،سابق صدر ISFحلقہ پی پی 112مرزا خرم شہزاد،محمد شہبازو دیگر نے پیپلز پارٹی کے نو منتخب کونسلر حاجی چوہدری بشارت حسین کی وفات پر گہرے دکھ اور افسوس کا اظہار کیا انہوں نے دعا کی اللہ تعالیٰ مرحوم کو اپنے جوار رحمت میں جگہ عطا کرے اور لواحقین کو دکھ کی اس گھڑی میں صبر جمیل عطا کرے آمین !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ (جی پی آئی) پی ٹی آئی کی ممبر شپ کیلئے بھرپور مہم چلا رہے ہیں،انٹرا پارٹی الیکشن سے تحریک انصاف حلقہ بھر میں مزید مضبوط اور فعال ہو گی،پی ٹی آئی کی ممبر شپ کے خواہشمنددفتر انصاف مرکز کیمپنگ گرائونڈسے بھی معلومات حاصل کر سکتے ہیں ،ان خیالات کا اظہار پی ٹی آئی لالہ موسیٰ کے سرکردہ کارکنان سابق صدر پی ٹی آئی لالہ موسیٰ سہیل نواز خاں،آفس انچار ج انصاف مرکز لالہ موسیٰ غلام عباس بھٹہ،سینئر راہنما حلقہ پی پی 112طاہر رفیق بٹ آف شاہ سرمست ،سینئر راہنما مبشر بٹ آف جوگی محلہ،سابق صدر ISFحلقہ پی پی 112مرزا خرم شہزاد نے اپنے ایک مشترکہ بیان میں کیا انہوں نے کہاکہ پارٹی قیادت چیئرمین عمران خان نے پارٹی میں دوبارہ انٹرا پارٹی الیکشن منعقد کرانے کا انتہائی اہم فیصلہ کیا ہے ،جس سے پی ٹی آئی کے ممبران کو اپنی مرضی کی قیادت کا انتخاب کرنے کا موقع مل سکے گا،انہوں نے کہاکہ پہلے مرحلے میں ممبر شپ مہم جاری ہے جس پر بھرپور ورک کر رہے ہیں انہوں نے مزید کہاکہ پی ٹی آئی کی ممبر شپ 90088پر اپنا نام اور شناختی کارڈ نمبر میسج کر کے حاصل کی جا سکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ (جی پی آئی)) پاکستان تحریک انصاف ضلع گجرات کے سینئر راہنما سابق ممبر صوبائی کونسل پنجاب نوازش علی شیخ ایڈووکیٹ نے انصاف مرکز کیمپنگ گرائونڈ میں پی ٹی آئی لالہ موسیٰ کے کارکنان سے گفتگو کرتے ہوئے کہا کہ بھرپور طریقے سے ممبر سازی کریں، تحریک انصاف واحد جماعت ہے جو دوسری بار نیچے سے اوپر تک تمام عہدوں کے لئے انتخابات کرانے جارہی ہے ،انٹرا پارٹی الیکشن میں کارکنوںکو اپنی من پسند قیادت کو پارٹی کی ذمہ داریاں سونپنے کا موقع مل سکے گا،انہوں نے کارکنوں کوہدایات دیتے ہوئے کہاکہ ممبر شپ کا طریقہ کارممبرشپ حاصل کرنے والوں کو بتائیں کہ پی ٹی آئی کی ممبر شپ کیلئے اپنے موبائیل کے SEND MSGمیں جا کر اپنا نام لکھ کر کامہ ڈالیں اور شناختی کارڈ نمبر ٹائپ کر کے 90088پر SMSکریں۔اسکے بعد اپنا شناختی کارڈ نمبر8300پرSENDکریں اور جو مسیج موصول ہو وہ مسیج90088پر FORWORDکر دیں ،آپکا ممبر شپ نمبریا پارٹی الیکشن میں ووٹ کاسٹ کرنے کی اہلیت کا ووٹر نمبر جاری ہو جائے گا،اس موقع پر سینئر راہنماحلقہ پی پی 112 طاہر رفیق بٹ آف شاہ سر مست،سابق انفارمیشن سیکرٹر ی حلقہ پی پی 112غلام عباس بھٹہ،سابق امیدوار وائس چیئرمین یو سی چکوڑی شیر غازی مہر محمد اقبال آف چنوں بھوجہ ،لیاقت علی کٹھانہ ،مرزا خرم شہزادو دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) M.D نیو سپرآٹوز ہنڈاایجنسی جی ٹی روڈ کھاریاں محمد عامر رشید بھٹی عمرہ کی سعادت حاصل کرنے کے بعد وطن پہنچ گئے۔ ایئر پورٹ پر دوست احباب اور رشتہ داروں نے ویلکم کیا۔ پھولوں کے ہار پہنائے اور پھول نچھاورکیں۔ یاد رہے کہ محمد عامر رشید بھٹی گذشتہ دو ہفتے قبل عمرہ کی سعادت حاصل کرنے کے لئے سعودی عرب پہنچے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) گلیانہ روڈ کھاریاں پر ناجائز تجاوزات کی بھرمار سبزی اور فروخت فروخت کرنے والے ریڑھی بانوں نے سڑک پر قبضہ جما رکھا ہے انتظامیہ کو بذریعہ فون متعدد مرتبہ آگاہ بھی کیا گیا ہے مگر نوٹس نہیں لیا جا رہا علاقہ کے تجارتی اور عوامی حلقوں نے DCO گجرات سے از خود نوٹس لینے کا مطالبہ کیا ہے۔ ریڑھیوں کو سڑک کے عین درمیان کھڑا کر کے کاروبار کر رہے ہیں پیدل چلنے والوں کے لئے مشکلات کا زیادہ سبب بن رہے ہیں جو کہ قانون کی کھلم کھلا خلاف ورزی ہے دوسری طرف بلڈنگ میٹریل سے بھی سڑک پر قبضہ کیا گیا ہے فوری ایکشن لیا جائے اور سڑک کو واگزار کروایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) ACکھاریاں میاں محمد اقبال مظہر نے بوقت 3بجے دن زیر صدارت انجمن تاجران کھاریاں کی خصوصی میٹنگ کی۔ جس میں روز مرہ کے مسائل زیر بحث آئے۔ اسسٹنٹ کمشنر کھاریاں نے انجمن تاجران کے نمائندوں کی ہدایت آمدہ منجانب پنجاب فوڈ اتھارٹی لاہور بابت بیکرز اینڈ ہوٹلز ، ریسٹورنٹ ، ہوٹلز، ڈیری فارم ، ملک شاپ وغیرہ حوالے کی ہیں اور انجمن تاجران کے صدر کی درخواست پر آپریشن سات یوم کے لیے روک دیا گیا ہے اور مورخہ 3-2-16تک مہلت دی گی ہے کہ تمام مالکان بیکری ، ہوٹلز ، میرج ہال ہیلتھ کارڈ وغیرہ ملازمین بنا لیں اور اس کے بعد مزید موقع نہ دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) ACکھاریاں نے میاں محمد اقبال مظہر نے ہمراہ انعام اسلام فوڈ ٹیکنولوجسٹ ، گل نواز فوڈ انسپکٹر ، محمد طارق فوڈ انسپکٹر لالہ موسیٰ جی ٹی روڈ کھاریاں کا دورہ کیا ہے ۔ قاسم میرج ہال لالہ موسیٰ ، ویلکم میرج ہال، الخسین میرج ہال ، فضل کریم عوامی گولڈ میرج ہال، رائل پیلس میرج ہال، گورمے بیکرز لالہ موسیٰ، گورمے بیکرز شاہ جہانیاں جی ٹی روڈ لا لہ موسیٰ ، راحت بیکری ، ٹی ڈی سی پی ہوٹل چیک کیے ہیں۔ ملازمین کے ہیلتھ کارڈ اور کچن وغیرہ کی صفائی چیک کی گئی ہے۔ تمام میرج ہال اور بیکرز کو ہدایات جای کی گئیں ہیں۔ اسسٹنٹ کمشنر کھاریاں نے دوران پرائس چیکنگ ملزمان رخسار احمد، ارشد ، مبشر ، عبدالمجید ، مظہر اقبال ، محمد افضل ، عزیز عثمان ، غضنفر کو اشیاء خوردونوش مہنگی فروخت کرنے ر مبلغ2000روپے فی کس جرمانہ کیا ہے اور کل جرمانہ 16000روہے ہوا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کھاریاں کے نومنتخب صدر حاجی عبدالرئوف نے گذشتہ روز مرکزی انجمن تاجران کے اعزاز میں کھاریاں پریس کلب میں تقریب سے خطاب کرتے ہوئے کہا کہ مرکزی انجمن تاجران نے کھاریاں پریس کلب آ کر صحافیوں کا مان بڑھایا ہے کھاریاں کی صحافی برادری انجمن تاجران کی انتہائی ممنون ہے جنہوں نے اپنا قیمتی وقت نکال کر مبارکباد دینے پر پریس کلب آئے انشاء اللہ کھاریاں پریس کلب کا ساتھ ہمیشہ مرکزی انجمن تاجران کے ساتھ رہے گا اس موقع پر جنرل سیکرٹری آفتاب نذر نے بھی مہمانوں کا شکریہ دل کی اتھاہ گہرائیوں سے کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کھاریاں پریس کلب کے نومنتخب صدر حاجی عبدالرئوف نے پریس کلب کے سامنے والی جگہ پر پارکنگ اور پارک بنانے کے لئے کام شروع کروا دیا ہے منتخب صدر نے تعمیر و ترقی کے کاموں کا آغاز کرتے ہوئے گذشتہ روز T.M.A کے تعاون سے جگہ کی مکمل صفائی اور ٹریکٹر لگا کر بلیڈ مار کر جگہ کو ہموار کروانا شروع کیا ہے۔ عنقریب A.C کھاریاں سے ملاقات کے بعد اس پر کام شروع کر دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کھاریاں کے نومنتخب صدر حاجی عبدالرئوف نے گذشتہ روز مرکزی انجمن تاجران کے اعزاز میں کھاریاں پریس کلب میں تقریب سے خطاب کرتے ہوئے کہا کہ مرکزی انجمن تاجران نے کھاریاں پریس کلب آ کر صحافیوں کا مان بڑھایا ہے کھاریاں کی صحافی برادری انجمن تاجران کی انتہائی ممنون ہے جنہوں نے اپنا قیمتی وقت نکال کر مبارکباد دینے پر پریس کلب آئے انشاء اللہ کھاریاں پریس کلب کا ساتھ ہمیشہ مرکزی انجمن تاجران کے ساتھ رہے گا اس موقع پر جنرل سیکرٹری آفتاب نذر نے بھی مہمانوں کا شکریہ دل کی اتھاہ گہرائیوں سے کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کھاریاں پریس کلب کے نومنتخب صدر حاجی عبدالرئوف نے پریس کلب کے سامنے والی جگہ پر پارکنگ اور پارک بنانے کے لئے کام شروع کروا دیا ہے منتخب صدر نے تعمیر و ترقی کے کاموں کا آغاز کرتے ہوئے گذشتہ روز T.M.A کے تعاون سے جگہ کی مکمل صفائی اور ٹریکٹر لگا کر بلیڈ مار کر جگہ کو ہموار کروانا شروع کیا ہے۔ عنقریب A.C کھاریاں سے ملاقات کے بعد اس پر کام شروع کر دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کھاریاں پریس کلب کے نومنتخب صدر حاجی عبدالرئوف، جنرل سیکرٹری آفتاب نذر اور فنانس سیکرٹری جبارساگر کو مبارکباد دینے کے لئے مرکزی انجمن تاجران کھاریاں پریس کلب آئے صدر چوہدری شوکت علی، سینئر نائب صدر چوہدری راشد محمود، صدر بازار کھاریاں عثمان اکبر عباسی، فنانس سیکرٹری صداقت محمود بٹ، جنرل سیکرٹری فیض رسول، چوہدری عنصر بھدر، صوفی جاوید اقبال صراف، چوہدری عتیق الرحمن، چوہدری خالد حسین صدر ڈنگہ روڈ کھاریاں، چوہدری شکیل احمد بہبلی، چوہدری اشفاق احمد چاڑ، طارق بٹ، گل نواز، ذوالفقار بھٹو، چوہدری محمد یوسف سونو، صوبیدار(ر) شکیل احمد اور دیگر نے کھاریاں پریس کلب پہنچ کر نئی کابینہ 2016ء کو دل کی اتھاہ گہرائیوںس ے مبارکباد اور نیک خواہشات کا اظہار کیا۔ اس موقع پر انجمن تاجران کے عہدیداروں نے صدر حاجی عبدالرئوف اور دیگر عہدیداران کو پھولوں کے ہار پہنائے اور مٹھائی پیش کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) صدر مرکزی انجمن تاجران چوہدری شوکت علی نے گذشتہ روز کھاریاں پریس کلب کے نومنتخب عہدیداران کو مبارکباد دینے کے موقع پر خطاب کرتے ہوئے کہا کہ کھاریاں پریس کلب کے تمام صحافی باشعور ہیں اور اپنا کام انتہائی دیانتداری سے کر رہے ہیں کھاریاں شہر کے مسائل کو اخبارات میں بہترین جگہ دیتے ہیں مرکزی انجمن تاجران کا ساتھ ہمیشہ صحافیوں کے ساتھ رہے گا چوہدری شوکت علی نے کہا کہ صحافی معاشرے کی آنکھ ہوتے ہیں ہم امید کرتے ہیں کہ نومنتخب صدر حاجی عبدالرئوف، جنرل سیکرٹری آفتاب احمد نذر ، فنانس سیکرٹری جبار ساگرتمام صحافیوں کو ساتھ لے کر چلیں گے ہمارا تعاون ہمیشہ ساتھ رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) انجمن تاجران بازار کھاریاں کے صدر عثمان اکبر عباسی نے کہا کہ نومنتخب صدر حاجی عبدالرئوف، جنرل سیکرٹری آفتاب احمد، فنانس سیکرٹری جبار ساگر وک بھاری اکثریت سے کامیابی پر مبارکباد پیش کرتے ہیں انجمن تاجران صحافیوں کے شانہ بشانہ کھڑی ہو گئی اگر کوئی بھی مسئلہ ہوا تو ہم صحافی بھائیوں کی بھرپور سپورٹ کریں گے انہوں نے کہا کہ کھاریاں کے صحافی بہترین صحافت کر رہے ہیں اس موقع پر چوہدری خالد حسین صدر ڈنگہ روڈ نے کہا کہ ہم نومنتخب کابینہ کو دلی مبارکباد پیش کرتے ہیں انجمن تاجران ڈنگہ روڈ کھاریاں KPCکے ساتھ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) حکمران اگر عوام سے واقعی مخلص ہیں تو پٹرولیم مصنوعات کی قیمتوں میں کم از کم 20روپے فی لیٹر کمی کی جائے تاکہ عوام کو براہ راست ریلیف مل سکے مہنگائی میں کمی بھی ہو۔ عالمی سطح پر پٹرولیم کی قیمتیں دن بدن کم ہو رہی ہیں اسی حساب سے ہی عوام کو ریلیف دیا جائے ہم چیئرمین عمران خان کی تائید کرتے ہیں ان خیالات کا اظہار راہنما پی ٹی آئی چوہدری افتخار منڈیر نے کیا۔ انہوں نے کہا کہ پی ٹی آئی عوامی آواز کو بلند کر رہی ہے بلکہ ہر میدان میں عوامی حقوق کی جنگ لڑ رہی ہے حکمران ملکی خزانے کو دونوں ہاتھوں سے لوٹ رہے ہیں مگر عوام کو کچھ نہیں دیا جا رہا اگر حکمران واقعی اور حقیقی معنوں میں عوام کو ریلیف دینا چاہتے ہیں تو پیٹرولیم مصنوعات کی قیمتوں میں کم از کم 20روپے فی لیٹر کمی کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) سحر ویلفیئر سوسائٹی (رجسٹرڈ) کھاریاں کی جانب سے ممتاز اوورسیز پاکستانی چوہدری محمد یوسف سونو(صحافی) کے اعزاز میں ٹی پارٹی کا اہتمام کیا گیا اس موقع پر سرپرست سوسائٹی چوہدری محمد اختر نمبردار حقیقہ، صدر میڈیم دانش زہرا، سینئر نائب صدر سید تنویر نقوی(صحافی)، جنرل سیکرٹری علی ظفر ملک، فنانس سیکرٹری مس فرح عنصر، جبار ساگر(صحافی)، ایم عمر (صحافی)، عتیق لال(صحافی)، چوہدری اسرار عزیز، محمد منیر سیٹھی اور دیگر بھی موجود تھے اس موقع پر چوہدری محمد یوسف سونو نے سوسائٹی کی کارکردگی کو سرہا اور بھرپور تعاون کی یقین دہانی بھی کروائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) حکومت کی نااہلی یا کچھ اور بینکوں میں50اور100 کے نوٹوں کی فراہمی بند کر دی گئی جس سے صارفین کو مشکلات کا سامنا کرنا پڑ رہا ہے عوام کو چھوٹے نوٹوں کے حصول کے لئے مشکلات اٹھانا پڑ رہی ہیں بینک کا عملہ بھی مجبور ہوتا ہے صارفین نے 50 اور100 نوٹوں کی فوری اور وافرمقدار میں فراہمی کو یقینی بنانے کا مطالبہ کیا ہے۔