گجرات کی خبریں 26/1/2016

Gujrat

Gujrat

گجرات (جی پی آئی) سابق وزیراعظم پاکستان چوہدری شجاعت حسین گزشتہ روز تعزیت کیلئے ڈاکٹر وکیل چوہدری کے گھر گئے اور ان کے بہنوئی سید حسین علی شاہ کی وفات پر ان سے تعزیت کا اظہار کیا اور مرحوم کے ایصال ثواب کیلئے فاتحہ خوانی کی۔ اس موقع پر چوہدری شجاعت حسین نے ڈاکٹر وکیل چوہدری اور انکے خاندان کی مسلم لیگ کیلئے خدمات کو خراجِ تحسین پیش کیا۔ اور دعا کی کہ اللہ تعالیٰ ڈاکٹر وکیل چوہدری کے بہنوئی کو جنت الفردوس میں جگہ عطا فرمائے اور لواحقین کو صبر جمیل عطا فرمائے۔ اس موقع پر ڈاکٹر ارشد چوہدری ‘ حسین علی ‘ حاجی اجمل حسین ‘ ملک ریاست علی’ چوہدری ندیم’ چوہدری امتیاز چوہدری عباس’ چوہدری امتیاز’ چوہدری ریاض ‘ ڈاکٹر چوہدری غیاث و دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) نوجوان نسل ہمارا قیمتی اثاثہ ہیں ان خیالات کا اظہار چیئرمین یونین کونسل 6 چوہدری سلیم کمبوہ نے دی ایجوکیٹرز بارہ دری کیمپس میں پندرہویں سپورٹس فیسٹیول کے دوران کیا۔ انہوں نے کہا کہ نوجوان نسل کی صحت کیلئے ہم نصابی سرگرمیاں وقت کی اہم ضرورت ہے اور جب تک نوجوان نسل کو سپورٹس اور دیگر سہولیات فراہم نہ کی جائیں وہ ترقی نہیں کر سکتیں۔ ڈاکٹر تصور حسین نے کہا کہ دی ایجوکیٹرز بارہ دری کیمپس ہمیشہ ایسے پروگراموں کا انعقاد کرتا ہے۔ جس میں نوجوان نسل کی بہتری کیلئے کام ہوتا ہے۔ ممتاز صحافی محمود اختر محمود’ نے کہا کہ دی ایجوکیٹرز بارہ دری کیمپس کی کاوشیں قابل تحسین ہیں۔ شہزاد شفیق شرقپوری اور ان کی ٹیم دن رات سپورٹس کی ترقی کیلئے کوشاں رہتی ہے۔ اس موقع پر کونسلر شوکت بٹ’ مسٹر اینڈ مسز بائو محمد شفیق’ مسز شہزاد شفیق شرقپوری’ حافظ محمد طاہر و دیگر موجود تھے۔ بچوں نے مختلف کھیلوں میں حصہ لیا اور کھیلوں کی بہتری کیلئے کام کرنے پر شہزاد شفیق اور انکی ٹیم کو خراجِ تحسین پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اسسٹنٹ کمشنر گجرات نور العین نے بھٹہ خشت پر دو کم سن بچوں سے مزدوری کروانے پر مالک کے خلاف مقدمہ درج کروا دیا ہے حکومت پنجاب اور ڈی سی او گجرات لیاقت علی چٹھہ کی ہدایت پر اے سی گجرات نے وڑائچ برکس کمپنی سوہل کا اچانک معائنہ کیا جہاں 13اور 11سال کے دو کم سن بچے مزدوری کر رہے تھے فوری نوٹس لیتے ہوئے اے سی گجرات نے بھٹہ مالک چوہدری توصیف وڑائچ کے خلاف مقدمات درج کروا دئیے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی او لائیو سٹاک ڈاکٹر سید ممتاز حسین شاہ نے گراں فروشی پر قصاب کے خلاف مقدمہ درج کروا دیا ڈی سی او لیاقت علی چٹھہ کی ہدایت پر جاری کریک ڈائون کے دوران ڈی او لائیو سٹاک نے تھانہ بی ڈویژن کے علاقہ میں اچانک چیکنگ کی جہاں قصاب عامر جمیل مہنگے داموں گوشت فروخت کر رہا تھا جس پر ملزم کے خلاف تھانہ بی ڈویژن میں مقدمہ درج کروا دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ریسٹورنٹ کی دنیا میں ایک اور دھماکہ ۔ استنبول ریسٹورنٹ جی ٹی روڈ جلیانی نزد کلفٹ ہسپتال کا شاندار افتتاح کر دیا گیا۔ تفصیلات کے مطابق گزشتہ روز استنبول ریسٹورنٹ کا شاندار افتتاح کیا گیا جس میں مہمان خصوصی چوہدری وحید الزمان ڈوگہ’ چوہدری شاہد’ سید وجیح الحسن شاہ’ چوہدری ناصر’ چوہدری تنویر فاضل ‘ چوہدری شاہنواز’ چوہدری شہناز احمد’ قاری کاظم شاہ’ چوہدری جاوید بلال افتخار’ (سول جج) ‘ چوہدری پرویز پلاسکو پی سی پائپ انڈسٹری’ چوہدری محمد خان نے شرکت کی۔ استنبول ریسٹورنٹ میں ترکش’ پاکستانی’ پیزا ‘ اسٹیک’ ترکش ڈونر’ باربی کیو اورپاکستانی سپیشلٹی کھانوں کو متعارف کروایا ہے۔ جنہوں نے پاکستان کے بہترین شیف کی خدمات حاصل کی ہیں۔ اعلیٰ کھانوں کے ساتھ ساتھ پارٹی آرگنائزر میں بھی مہارت حاصل ہے۔ سروس میں بھی سب سے آگے جس سے ہوم ڈلیوری کی سہولت بھی موجود ہو گی۔ جس میں پہلی دفعہ ترکش اور پاکستانی کھانوں کااعلیٰ معیار ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈسٹرکٹ سپورٹس آفیسر ندیم بٹ’ اور ڈسٹرکٹ انفارمیشن آفیسر سید وقار نقوی کے اعزاز میں ممتاز سماجی شخصیت رانا ثاقب مشرف ناز کی جانب سے پر تکلف عشائیہ کا اہتمام کیا گیا۔ عشائیہ تقریب میں ڈاکٹر رزاق احمد غفاری’ ذوالفقار علی باجوہ’ احسان اللہ اعظم’ محسن بشیر ‘ یاسر وریاء ‘ طارق سلامت نے بھی شرکت کی۔ رانا ثاقب مشرف ناز کی جانب سے مہمانوں کی مختلف کھانوں سے تواضع کی گئی۔ اس موقع پر ڈسٹرکٹ سپورٹس آفیسر ندیم بٹ نے گفتگو کرتے ہوئے کہا کہ گجرات میں سپورٹس کی سرگرمیوں کو بہتر بنانے کے سلسلہ میں اقدامات کئے جا رہے ہیں۔ وزیر اعلیٰ پنجاب میاں شہباز شریف اور ڈی سی او لیاقت علی چٹھہ کی سربراہی میں ضلع گجرات میں سپورٹس کے مختلف پروگرامز منعقد کروائے گئے ہیں جو کہ بھر پور طریقہ سے کامیاب رہے ہیں ۔ انہوں نے بتایا کہ 20 فروری کو شہباز شریف پارک میں 40 سال سے زائد عمر کے افراد کیلئے میراتھن ریس منعقد کی جا رہی ہے جو کہ عام عوام کیلئے ہو گی۔ جس میں جیتنے والے کو نقد انعام اور ٹرافی بھی دی جائے گی۔ جبکہ اس کے بعد انڈر 18 میراتھن بھی کروائی جائے گی۔ جس میں جیتنے والوں کو انعامات دئیے جائیں گے۔ جبکہ مستقبل میں ضلعی لیول پر عزیز بھٹی شہید T-20 ٹورنامنٹ کروایا جائے گا جس میں ضلع بھر کی ٹیمیں حصہ لیں گی۔ انہوں نے کہا کہ لیڈیز اینڈ چلڈرن پارک میں جمنازیم کو فعال کر دیا گیا ہے جبکہ وزیر اعلیٰ پنجاب میاں شہباز شریف کے ویژن کے مطابق گجرات میں سپورٹس کو ہر گائوں میں پھیلانے کا پروگرام بھی طے ہیں۔ جن جن دیہات میں شاملاٹ اراضی موجود ہے وہاں پر گورنمنٹ کھیل کے میدان آباد کرے گی تاکہ ہماری نوجوان نسل صحت مند زندگی کی جانب پروان چڑھ سکے۔ حکومت پنجاب کی جانب سے فنڈز کی بھی کوئی کمی پیش نہیں آ رہی۔ جبکہ گجرات کے عوام کا تعاون بھی مثالی ہے ۔ اس موقع پر ڈسٹرکٹ انفارمیشن آفیسر سید وقار نقوی نے گفتگو کرتے ہوئے کہا کہ جب تک عام انسان کی سوچ نہیں بدلتی تب تک معاشرہ ترقی نہیں کر سکتا۔ ہمیں اپنے ملک کی حفاظت کیلئے از خود اقدامات کرنے ہوں گے اور حکومت کے شانہ بشانہ کھڑے ہو کر دہشتگردی اور دیگر جرائم کے سامنے سیسہ پلائی دیوار بننا ہو گا۔ انہوں نے کہا کہ عوام میں شعور بیدار کی ضرورت ہے جس کیلئے چھوٹے چھوٹے کیمپس اور دیگر اصلاح پروگرام تشکیل دئیے جائیں ۔ اس موقع پر رانا ثاقب مشرف نے تمام مہمانوں کا شکریہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) نو منتخب جنرل کونسلر یو سی معین الدین پور سیداں سید سجیل عباس شاہ نے احمد مختار بٹ (وائس چیئرمین یو سی 2 ‘PTI )کے والد افتخار بٹ کی وفات پر گہرے رنج و غم کا اظہار کیا ہے اور کہا کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور ان کے لواحقین صبر جمیل عطا کرے۔ دکھ ان کی گھڑیوں میں ہم ان کے خاندان کے ساتھ ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سابق لیڈی کونسلر رانی تنظیم اختر کی والدہ محترمہ اور راجہ شوکت علی خاں چب کی خوشدامن محترمہ رضائے الٰہی سے انتقال کر گئیں۔ مرحومہ کو سینکڑوں سوگواروں کی موجودگی میں سپردِ خاک کر دیا گیا۔ مرحومہ کے ایصال ثواب کیلئے ختم قل 27 جنوری بروز بدھ کو صبح 11 بجے محلہ فیض آباد ‘ جامع مسجد فاروق اعظم میں منعقد ہو گا۔ دوست احباب سے شرکت کی استدعا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) رکاوٹوں، گرفتاریوں اور ریاستی جبر کے باوجود داتا دربار تا پنجاب اسمبلی عظیم الشان تاریخ ساز ”لبیک یارسول اللہ مارچ” میں ہزاروں غلامان رسول نے شریک ہوکر واضح کردیا کہ وہ تحفظ ناموس رسالتۖ کیلئے کسی قربانی سے دریغ نہیں کرینگے۔ قائد تحریک شیخ الحدیث حافظ خادم حسین رضوی، صاحبزادہ میاں ولید احمد شرقپوری، صاحبزادہ صدیق افضل قادری، سید مختار اشرف رضوی، پیر ضیاء الاسلام شاہ، پیر ظہیر الحسن شاہ، علامہ ابوتراب بلوچ، ڈاکٹر نور محمد دانش، قاری عثمان عزیز، شبیر ساہی اور پنجاب بھر سے گرفتار کئے گئے ہزاروں رہنمائوں وکارکنان کو فوری طور پر رہا کیا جائے۔ ان خیالات کا اظہار حضرت پیر محمد افضل قادری، ڈاکٹر اشرف آصف جلالی ، انجینئر ثروت اعجاز قادری، پیر محمد نصر اللہ خان، پیر سید مظفر حسین شاہ، سید غلام غوث بغدادی، پیر سید نوید الحسن شاہ، پیر قاضی محمود احمد، سید مراد علی شاہ، میاں تنویر احمد نقشبندی، مولانا عبد الرشید اویسی، صاحبزادہ حامد رضا سیالکوٹی، مفتی کمال الدین، علامہ طاہر تبسم، سید عبد الغفار شاہ ودیگر نے مارچ سے خطاب کرتے ہوئے کیا۔ علماء نے کہا کہ پر امن تحریک کیخلاف تاریخ کا بدترین کریک ڈائون اور ہزاروں علماء ومشائخ وکارکنان کو گرفتار کرکے وطن عزیز کے امن وامان کو تباہ کرنے کی کوشش کی گئی ہے۔ قائدین نے کہا کہ بزرگ ترین اور معذور عالم دین شیخ الحدیث حافظ خادم حسین رضوی اور تحریک ناموس رسالت کے دیگر گرفتار شدگان کی رہائی تک پنجاب اسمبلی کے سامنے پرامن دھرنا جاری رہے گا۔ مقررین نے مزید کہا کہ آئین پاکستان کی رو سے قرآن وسنت کو بالا دستی حاصل ہے لہذا آئین پاکستان تقاضا کرتا ہے کہ فیصلے قرآن وسنت کے مطابق کئے جائیں۔ نیز پر امن سنی بریلوی علماء کو پریشان کرنے کی بجائے دہشت گردی کے خاتمہ پر توجہ دی جائے۔ عالمی تنظیم اہلسنت کے مرکز ی امیر حضرت پیر محمد افضل قادری کو پولیس کی بھاری نفری نے رہائش گاہ پر محصور کیا ہوا ہے جس کی بنا پر انہوں نے ٹیلیفونک خطاب کرتے ہوئے کہا کہ ناموس رسالتۖ کا تحفظ ایمان کا حصہ ہے۔ انہوں نے کہا کہ ملک میں فوری طور پر نظام مصطفیۖ نافذ کیا جائے تاکہ خیر وبرکت کیساتھ ساتھ دہشت گردی کا خاتمہ ممکن ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی سی او لیاقت علی چٹھہ نے کہا ہے کہ عزیز بھٹی شہید ہسپتال میںمریضوں کے آپریشن کے لئے بے ہوشی کی مشین فراہم کر دی گئی ہے، ایم ایس ہسپتال کی تمام خراب مشینوں کو اسی ہفتے میں مرمت کرائیں، سی سی ٹی وی کیمرے چالو کئے جائیں جبکہ ہسپتال کی چار دیواری مرمت اور اس پر خار دار تار لگائی جائے۔ ان خیالات کا اظہار انہوںنے ہفتہ وار اجلاس سے خطاب کرتے ہوئے کیا جس میں عزیز بھٹی شہید ہسپتال میںتعمیر و مرمت اور مریضوں کو بہتر سہولیات کی فراہمی کے لئے اقدامات کا جائزہ لیا گیا، ای ڈی او فنانس چوہدری اصغر، ای ڈی او ورکس محمد یونس، ڈی او بلڈنگز محمد شاہد، ڈی او فنانس محمد اشفاق، چیئرمین بیوٹیفکیشن کمیٹی اورنگزیب بٹ، انجمن فلاح و بہودی مریضاں کے چوہدری سلیم، خادم علی خادم،پی ایس او عثمان سرور ، ٹی ایم او خرم محمود،عظمت فرید نے شرکت کی۔ ڈی سی او لیاقت علی چٹھہ نے بے ہوشی کی مشین کے لئے 3لاکھ روپے عطیہ کرنے پر سماجی شخصیت چوہدری قدیر حسین کو سراہا اور ایم ایس کو ہدایت کی کہ ٹینڈرنگ کا عمل فوری مکمل کرکے عزیز بھٹی شہید ہسپتال میںخراب تمام مشینوں کی اسی ہفتے مرمت یقینی بنائی جائے۔ انہوںنے ہدایت کی کہ بلڈنگز ڈیپارٹمنٹ یقینی بنائے کہ نئی نصب کیجانیوالی لائٹس منظور شدہ کمپنی سے ہوں اور انکی وارنٹی ایم ایس کے نام جاری کرائی جائے۔ ڈی سی او نے ہدایت کی کہ بلڈنگز ڈیپارٹمنٹ کو ہدایت کی کہ نئی تعمیر شدہ سٹرک کے ساتھ ٹف ٹائلز لگائی جائیںجبکہ سیوریج سسٹم کو مزید فعال بنایا جائے۔ ڈی سی او نے ایم ایس کو ہدایت کی کہ ایمرجنسی وارڈ میں تینوںشفٹوںمیںعملہ موجود ہونا چاہیے ، ڈینگی اور سوائن فلو وارڈز کو آپریشنل رکھا جائے نیز اسٹینڈ بائی جنریٹر کا انتظام رکھا جائے۔ ڈی سی او نے ہدایت کی کہ میڈیکل افسران کی بھرتیوںکے لئے واک ان انٹرویو کا سلسلہ شروع کیا جائے ۔ ڈی سی او نے ہدایت کی کہ سکیورٹی خدشات کے پیش نظر ہسپتال میںواک تھرو گیٹ لگائے جائیں، ہسپتال میں بیرئیرز لگائے جائیںاسی طرح برن یونٹ کو فعال بنانے، ایمرجنسی وارڈ، ایدھی سنٹرکی تعمیر، اے سی اور دیگر تمام آلات فنکشنل کئے جائیں۔ اس سے قبل ایم ایس عزیز بھٹی شہید ہسپتال ڈاکٹر عباس گوندل اور دیگرا فسران نے ڈی سی او کو بریفنگ دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ضلعی انتظامیہ نے اے پلس کیٹگری میں شامل 7سکولوں میں سکیورٹی کے مناسب انتظامات نہ ہونے کا سخت نوٹس لیتے ہوئے ان اداروںکی انتظامیہ کو شوکاز نوٹس جاری کر دیا ہے اور انہیںہدایت کی ہے کہ 2روز میںحکومتی ہدایات کے مطابق حفاظتی انتظامات یقینی بنائے جائیں ورنہ تعلیمی اداروں کو سیل کر دیا جائے گا۔ یہ فیصلہ ڈی سی او لیاقت علی چٹھہ، ڈی پی او رائے ضمیر الحق کی صدارت حساس کیٹگری میں شامل سکولوںکے سکیورٹی آڈٹ کے جائزہ اجلاس میں کیا گیا جس میں ڈی ایم او احمد رضا، ای ڈی او ایجوکیشن طاہر کاشف، ڈی ای اونثار احمد میو، ز رفعت النسا، محمد پرویز اور دیگر افسران ، اے پلس سکولوںکے سربراہان و نمائندگان نے شرکت کی۔ اس سے قبل ڈی سی او لیاقت علی چٹھہ نے اے پلس کیٹگری میں شامل تعلیمی اداروں یونیورسٹی آف گجرات اور جناح پبلک سکول کادورہ کیااور وائس چانسلر یونیورسٹی آف گجرات ڈاکٹر ضیا القیوم، پرنسپل جناح پبلک سکول ترنم ریاض اور ڈائریکٹر سکیورٹی میجر(ر)عمر سے ملاقات کی اور سکیورٹی انتظامات کا تفصیلی جائزہ لیا۔ بعد ازاںمنعقدہ اجلاس میں سکیورٹی لحاظ سے اے پلس کیٹگری میںشامل 20تعلیمی اداروںکی سکیورٹی آڈٹ رپورٹ پیش کی گئی جس کے مطابق روٹس سکول، کتھڈرل ہائی سکول، سینٹ میری ہولی روزری سکول، سینٹ انڈریو چرچ، کتھڈرل مشن کمپائونڈ، گورنمنٹ مشن ہائی سکول، گورنمنٹ کرسچیئن ہائی سکول کے سکیورٹی انتظامات ناقص پائے گئے ہیں اور ان سکولوں کی انتظامیہ نے سکیورٹی کیمروںکی تنصیب، دیواریں اونچی کرنے، خار دار تار لگانے، سکیورٹی اہلکاروںکی تعیناتی ، ایمرجنسی الارم، بیرئرز لگانے سمیت دیگر انتظامات نہیںکئے گئے، ڈی سی او لیاقت علی چٹھہ ، ڈی پی او رائے ضمیر الحق نے صورتحال کا سخت نوٹس لیتے ہوئے ہدایت کی کہ ان اداروں کے سربراہان کو فوری طور پر شوکاز نوٹس جاری کرتے ہوئے ہدایت کی گئی کہ اپنے ادارو ں میں دو دن میں حکومتی ہدایات کے مطابق سکیورٹی انتظامات مکمل کریں بصورت دیگر ان تعلیمی اداروں کو سیل کرکے انکی انتظامیہ کے خلاف کاروائی عمل میں لائی جائے گی۔ اجلاس میں اے پلس کیٹگری میںشامل وزڈم ہائی سکول کھاریاں، بحریہ فائونڈیشن سکول شادیوال، ٹرسٹ ہائی سکول جلالپور جٹاں روڈ، فوجی فاونڈیشن سکول، سینٹ اینڈریوہائی سکول کی انتظامیہ کو سکیورٹی انتظامات میںمزید بہتر بنانے کی ہدایت کی گئی جبکہ بہتر سکیورٹی انتظامات کرنیوالے اداروںکی انتظامیہ کو سراہا گیا۔ ڈی سی او لیاقت علی چٹھہ اور ڈی پی او رائے ضمیر الحق نے واضع کیاکہ تعلیمی اداروںمیں زیر تعلیم طلبہ کی حفاظت ہر چیز پر مقدم ہے اس ضمن میں کوئی کوتاہی برداشت نہیںکی جائے گی۔ انہوںنے ہدایت کی کہ تعلیمی ادارے رات کے اوقات اپنی بسوں کو تھانوں ، سرکاری عمارات یا محفوظ مقامات پر کھڑا کریں جبکہ سکول میں ان گاڑیوں کو مناسب فاصلے پر کھڑاکیا جائے۔ انہوںنے کہا کہ موجود ہ ملکی حالات کے پیش نظر سکولوںمیںغیر نصابی سرگرمیوںکے اجتماعات سے گریز کیا جائے نیز سکول انتظامیہ اپنے متعلقہ پولیس اور ایجوکیشن افسران سے قریبی رابطہ رکھیں۔ انہوںنے ہدایت کی کہ سکولوںکے باہرموجود ریڑھیوں کو وہاں سے ہٹا دیا جائے نیز سکولز انتظامیہ صحت مند اور چوکس افراد کو بطور سکیورٹی گارڈ تعینات کرے جبکہ کلاس فور ملازمین کی سپیشل برانچ سے تصدیق بھی کرائی جائے۔ یونیورسٹی آف گجرات میں وائس چانسلر ڈاکٹر ضیا القیوم اور پرنسپل جناح پبلک سکول سے میٹنگ کے دوران ڈی سی او لیاقت علی چٹھہ اور ڈی پی او رائے ضمیر الحق نے کہا کہ یونیورسٹی آف گجرات ضرورت کے مطابق اسلحہ لائسنس کے لئے درخواست دے فوری لائسنس جاری کر دیا جائے گا جبکہ اس عمل کی تکمیل سے قبل پولیس یونیورسٹی کو اپنے سٹور سے جدید اسلحہ فراہم کردے گی ۔ انہوںنے بتایا کہ ایلیٹ فورس کی موبائل یونیورسٹی میںمستقل تعینات کر دی گئی ہے جبکہ وہاں تعینات پولیس کی نفری میں بھی اضافہ کر دیا جائے گا۔ انہوںنے یونیورسٹی آف گجرات میں مناسب تعداد میںسابق فوجیوں کی بطور سکیورٹی اہلکار بھرتی پر اطمینان کا اظہار کیا اور پرنسپل جناح پبلک سکول کو بھی ہدایت کی کہ سکیورٹی انتظامات کو مزید بہتر بنا یا جائے۔ اس سے قبل ڈائریکٹر سکیورٹی نے بتایا کہ یونیورسٹی انتظامیہ نے اپنی کوئیک رسپانس فورس بھی تشکیل دی ہے جبکہ تمام گارڈز کو وائرلیس سیٹ فراہم کر دیے گئے ہیں ، یونیورسٹی میں سی سی ٹی وی کیمروںکی تعداد میںاضافہ کر دیا گیا ہے جبکہ چاروں اطراف پوسٹوں پر بھی سکیورٹی اہلکار متعین کئے جائیںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اورنٹئیل کالج آف ٹیکنالوجی گجرات میں ولادت مصطفی و مقام مصطفی ۖ کے حوالے سے پروقار تقریب کا اہتمام، کالج کے طلباء کے در میان تلاوت حمدو نعت کے مقابلے منعقد ہوئے مقابلوں میں پوزیشن حاصل کرنے والے طلباء میں مہمان خصوصی کالج ایڈمن آفیسر پرنسپل نے انعامات تقسیم کئے تفصیل کے مطابق اورنٹئیل کالج آف ٹیکنالوجی کچہری روڈگجرات میں سیرت النبی ۖ کے حوالے سے مقام مصطفی اور ولادت مصطفی کے عنوان پر انعامی مقابلہ منعقد کروایا گیا گورنمنٹ سویڈش کالج آف ٹیکنالوجی شعبہ الیکڑیکل کے ایچ او ڈی سید سرفراز پروفیسر سرفراز حسین جعفری سید علی شاہ مدینہ سیداں مہمان خصوصی تھے اورنٹئیل کالج شعبہ الیکٹریکل کے ایچ او ڈی پروفیسر چودھری عبدالرحمٰن وڑائچ نے نقابت کے فرائض سر انجام دئیے تلاوت کلام پاک میں حافظ کاشف محمود ، حسنین دائود ، سید بلال انور شاہ نے بالترتیب اول دوئم سوئم پوزیشن حاصل کی ک حمدو نعت کے مقابلہ میں علی اصغر فرسٹ ائیر ، حسنین دائود سال دوئم ، محمد عرفان سال اول ، محمد یٰسین سال اول نے بالترتیب اول دوئم سوئم اور چہارم پوزیشن حاصل کی اسکے علاوہ صاحبزادہ ولات علی قادری نے نعت رسول مقبول کی سعادت حاصل کی چودھری طارق محمود خان وڑائچ (ایڈمن آفیسر )پروفیسر سرفراز حسین شاہ جعفری اورپرنسپل کالج وسیم اکرم نے طلباء میں انعامات تقسیم کئے اس موقع پر کالج اساتذہ پروفیسر نسیم کھوکھر ، پروفیسر فہدنواز اور کلریکل اسٹاف چودھری محمد اکرم گجر بھی موجود تھے اس موقع پر مقررین نے کہا کہ سیرت ا لنبی ۖ پر عمل پیرا ہو کر ہی ہم باوقار خوشحال اور منظم قوم بن سکتے ہیں حضور اکرم ۖ کی تشریف آوری سے دنیا سے جہالت اور ظلمت کے اندھیرے چھت گئے انسانیت کو جینے کا شعور اور عظمت ملی آپ ۖ کو معلم انسانیت بنا کر اور اخلاق حسنہ کی تکمیل کرنے والا بنا کر بھیجا گیا نبی مہربان ۖ نے اخوت محبت رواداری صبر و تحمل اور ایثار قربانی جیسے اعلیٰ اوصاف اپنانے کا درس دیا آپ نے قرآن و سنت کی روشنی سے ظلمت کدہ کو امن و سکون کا گہوارہ بنا دیا اس موقع پر پاچا خان یونیورسٹی چارسدہ میںجاں بحق طلباء اساتذہ اور ملازمین کیلئے دعائے مغفرت کی گئی اور اس عزم کا اظہار کیا گیا کہ ملک کو دہشت گردی سے پاک کرنے معاشرے سے انتہاء پسندی اور فرقہ بندی کے خاتمے کیلئے کسی قربانی سے دریغ نہیں کیا جائے گا پاک فوج اور دیگر فورسز کی قربانیوں کو سراہتے ہوئے انہیں خراج تحسین پیش کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گلیانہ پریس کلب کا تعزیتی اجلاس ۔دنیا میڈیا گروپ کے چیئرمین میاں عامر محمود کے والد محترم کے انتقال پر تعزیت کا اظہار ۔تفصیل کے مطابق دنیامیڈیا گروپ کے چیئرمین میاں عامر محمود کے والد محترم کی وفات گلیانہ پریس کلب کا ایک تعزیتی اجلاس زیر صدارت راجہ آفتاب احمد منعقد ہو ا جس میں پریس کلب کے تمام ممبران اور عہدیداران نے شرکت کی ۔اجلاس میں میاں عامر محمود کے والد محترم کی روح کے ایصال ثواب کے لئے دعائے مغفرت کی ۔اجلا س میں راجہ آفتاب احمد ،محسن ضیاء اعوان ،زاہد مصطفی اعوان ،عمر فاروق اعوان ،شفقت بٹ ۔ملک مدثر اعوان ،عبد الغفور مرزا ۔اور دوسرے صحافیوں نے شرکت کی ۔اور میاں عامر کے والد کے درجات کی بلندی کے لئے دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) حکمران پٹرولیم مصنوعات کی قیمتوں میں فی لیٹر کم از کم 20روپے کم کریں اور عوام کو ان کا حق دیں اپنی لوٹ مار کے ذریعے صرف اپنی ہی تجوریاں بھرنے میں مصروف ہیں۔ کرپشن دن بدن بڑھ رہی ہے گڈ گورننس کے نام پر قوم کو فول بنایا جا رہا ہے مگر یہ قوم باشعور ہو چکی ہے اور اپنا حق لینا بھی جان چکی ہے عمران خان نے قوم میں شعور بیدار کر دیا ہے ان خیالات کا اظہار راہنما پاکستان تحریک انصاف چوہدری ناصر احمد چھپر ایڈووکیٹ نے کیا۔ انہوں نے کہا کہ دنیا بھر میں پٹرول کی قیمتیں تاریخ کی کم ترین سطح پر آ گئی ہیں اور دیگر تمام ممالک اپنی عوام کو ریلیف دے رہے ہیں مگر پاکستانی حکمران عوام کو ریلیف دینے کی بجائے اپنی لوٹ مار میں مصروف ہیں اور اپنے بینک بیلنس بڑھا رہے ہیں جو کہ سراسر ظلم و زیادتی ہے انہوں نے کہا کہ پٹرول کی قیمتوں میں کم از کم 20روپے فی لیٹر کمی کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) صدر پاکستان ممنون حسین غازی ناموس رسالتۖ غازی ملک ممتاز قادری کی رحم کی اپیل کو منظور کریں اور انہیں باعزت بری کرنے کا حکم بھی دیں۔عاشقان رسولۖ اس مشن کو مکمل کر کے ہی دم لیں گے۔ ان خیالات کا اظہار مرکزی جنرل سیکرٹری تحریک تحفظ اسلام پاکستان مولانا اصغر توحیدی نے گذشتہ روز کھاریاں میں میڈیا کے نمائندوں سے گفتگو کرتے ہوئے کیا۔ انہوں نے کہا کہ اب اپیل صدر پاکستان کے پاس ہے وہ بھی عاشق رسولۖ ہونے کا ثبوت دیں اور غازی ممتاز قادری کی اپیل منظور کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) یونین کونسل ڈوگہ میں مخصوص سیٹوں پر مسلم لیگ(ن) کے امیدواروں کا بلامقابلہ کامیاب ہونا چیئرمین ملک محمد اشفاق اعوان ڈوگہ، وائس چیئرمین حاجی راجہ فضل الرحمن مکوال، جنرل کونسلر محمد ناصر ایوب سیٹھ رڑیالہ اور دیگر تمام ورکروں کی کامیابی کا ثمر ہے ہم مبارکباد پیش کرتے ہیں بیشک یہ MNA چوہدری عابد رضا کوٹلہ اور MPA چوہدری شبیر احمد کوٹلہ کی ولولہ انگیز قیادت اور بے لوث خدمت کی ہی وجہ سے ممکن ہوا ہے ان خیالات کا اظہار ممتاز سیاسی و سماجی کاروباری شخصیت سابق کونسلر مہر ناظم حسین رڑیالہ نے کیا۔ انہوں نے کہا کہ علاقہ کی بے لوث تعمیر و ترقی اور عوام کی بلاتفریق خدمت مسلم لیگ(ن) کا مشن ہے جسکو عوام میں پذیرائی حاصل ہو رہی ہے ہم یونین کونسل ڈوگہ میں مخصوص سیٹوں پر مسلم لیگ(ن) کے بلامقابلہ کسان کونسلر راجہ طفیل میڑھ، یوتھ کونسلر احسن رضا اور دولیڈی کونسلروں کو مبارکباد پیش کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) چوہدری محمد علی تنویر کی کامیابی سو فیصد یقینی ہے انشاء اللہ مخالفین کو ان کی حیثیت پتہ چل جائے گی اب وہ وقت زیادہ دور نہیں جب کوٹلہ برادران ضلع گجرات کی تعمیر و ترقی میں بھرپور کردار ادا کریں گے۔ چوہدری محمد علی تنویر بھاری اکثریت سے ضلع گجرات کے چیئرمین منتخب ہوں گے ان خیالات کا اظہار چیئرمین یوسی سہنہ ملک محمد اکرم ڈھل نے کیا۔ انہوں نے کہا کہ حلقہ این اے 107 کی طرح ضلع گجرات کو بھی پنجاب کا مثالی ضلع بنانے کے لئے ایم این اے چوہدری عابد رضا کی قیادت میں کلیدی اور مثبت کردار ادا کیا جائے گا۔ انہوں نے کہا کہ چوہدری محمد علی تنویرکوٹلہ کی کامیابی سو فیصد یقینی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) دہشت گردوں کا باچا خان چارسدہ یونیورسٹی پر حملہ انتہائی شرمناک اور بزدلانہ فعل ہے دہشت گرد معصوم طلباء پر اس طرح کے حملے کر کے علم کے پیاسوں کی راہ میں بندھ نہیں باندھ سکتے ہیں ان خیالات کا اظہار راہنما مسلم لیگ(ن) چوہدری اللہ یار چاڑ نے اپنے ایک بیان میں کیا۔ انہوں نے کہا کہ حملہ علم دوستوں اور انسانیت پر حملہ ہے انشاء اللہ حکومت اور مسلح افواج دہشت گردوں کو منطقی انجام تک پہنچا کر دم لیں گے انہوں نے کہا کہ دین اسلام امن کا داعی ہے دین اسلام میں تو غیر مسلموں پر بھی اس طرح کے مظالم ڈھانے کی اجازت نہیں اسلام کے لبادے میں چھپے درندوں کو اسلام سے کوئی تعلق نہیں پوری قوم ان درندوں کے خلاف ایک پیج پر متحد ہے جس طرح ہماری مسلح افواج نے چارسدہ حملہ کے سہولت کاروں کو پکڑا ہے انشاء اللہ اسی طرح وطن عزیز کے کونے کونے میں چھپے ہوئے انسان دشمنوں کو بھی ڈھونڈ کر کیفر کردار تک پہنچائیں گے انہوں نے کہا کہ طلباء کے خون سے ہولی کھیلنے والے وحشی درندوں کے اس اقدام کو بھرپور مزمت کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) کھاریاں شہر میں بجلی کے ساتھ ساتھ گیس کی ظالمانہ لوڈشیڈنگ کا سلسلہ جاری ، بجلی بندش کا دورانیہ 18گھنٹے تک جا پہنچا مسلسل 4-4گھنٹے بجلی بندش سے کاروباری مکمل طور پر ٹھپ،جبکہ گیس کی عدم دستیابی کے باعث صارفین کے لئے دو وقت کی روٹی بھی ناپید ہو گئی،بجلی گیس کی بندش کے باعث عوام کے لئے زندگی چیلنج بن گئی۔ تفصیل کے مطابق کھاریاں شہر میں بجلی بندش کا سلسلہ اپنے عروج پر پہنچ چکا ہے۔ہر 2 گھنٹے بعد 4-4گھنٹے بجلی بند کر دی جاتی ہے گریڈ اسٹیشن پر رابطہ کرنے کی کوشش کی جائے تو کوئی نمبر اٹینڈ کرنے کو تیار نہیں ہوتااگر کوئی فون اٹینڈ کر بھی لے تو کراکرہ جواب ملتا ہے کہ کوئی پتہ نہیں کب بجلی آئے گی۔ بجلی بندش سے کاروبارِ زندگی مکمل طور پر مفلوج ہو کر رہ گیا ہے بغیر ناشتہ کئے گھر سے نکلنے والا دیہاڑی دار طبقہ سارا دن بجلی کے انتظار میں گزار کر خالی ہاتھ گھر لوٹنے پر مجبور ہے ایک طرف بجلی کی لوڈشیڈنگ کے باعث بیروزگاری میں ہوشربا اضافہ ہوتا جا رہا ہے تو دوسری طرف گیس بندش نے عوام کا جینا محال کر رکھا ہے ایسے لگتا ہے کہ غریب آدمی کے لئے زندہ رہنا بھی ایک چیلنج بن چکا ہے کھاریاں کے شہریوں نے ارباب اختیار سے مطالبہ کیا ہے کہ بجلی اور گیس کی بندش کے طویل ترین دورانیہ کو کنٹرول کرتے ہوئے کم سے کم اتنی بجلی اور گیس تو فراہم کی جائے کہ مزدور طبقہ دیہاڑی لگا سکے اور گھروں میں کھانے بنانے کے لئے گیس کی کمی کو پورا کیا جائے تاکہ گیس اور بجلی کی بندش سے بھوکوں مرنے والے غریب کم سے کم زندہ تو رہ سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) انسانیت کی خدمت توفیق خداوندی ہے جومخیرحضرات غریب،مساکین،مستحقین کی خدمت اللہ کی رضا اورخوشنودی حاصل کرنے کے لئے کرتے ہیںوہ دنیاوآخرت کی کامیابی کواپنا مقدربنا لیتے ہیں۔ان خیالات کا اظہارچیئرمین المثمن سوسائٹی پیرراجہ محمداعجاز اللہ خان نے المثمن سوسائٹی کے عہدیداران اورممبران کے اجلاس سے خطاب کرتے ہوئے کیا۔اس موقع پرکیپٹن ڈاکٹرمحمدرفیق فضل،جنرل سیکرٹری راجہ عثمان اللہ خان ایڈووکیٹ،راجہ اسدللہ خان،راجہ ظاہر،ڈاکٹررضاسلطان،محمدنعیم اشرف ودیگرنے بھی خطاب کیا۔انہوںنے کہا کہ رب کریم کی مخلوق کی خدمت میںہی ہماری نجا ت ہے۔دکھی انسانیت کے فلا حی کاموںمیںدلی سکون ہے۔حقیقی حق کے طلب گاروںاورسفید پوش لوگوںکے دکھوںکے مدد سے قلبی تسکین حاصل ہوتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) حضرت غوث اعظم نے بے شمارغیرمسلموںکواسلام سے جوڑکرراہ حق پرگامزن کیا۔آپ کی روشن تعلیمات مسلم امہ کے لئے مشعل راہ ہیں۔غوث اعظم دستگیر نے احیاء دین کافریضہ سرانجام دینے کاحق اداکردیا۔ان خیالات کا اظہارمفکردین جگرگوشہ جانشین شیخ القرآن پیرمحمدآصف ہزاروی نے مرکزفیضان شیخ القرآن جامع مسجد غوثیہ میںبڑی گیارہویں شریف کی تقریب سے خطاب کرتے ہوئے کیا۔اس موقع پرقاری ارشدگولڑوی،قاری محمداکبر،محمدرزاق،ڈاکٹرنثاراحمد،صوفی محمداشرف نثار،مرزاشہزادہ سلیم بیگ ودیگربھی موجودتھے۔انہوںنے کہا کہ پیران پیرغوث اعظم کی دینی خدمات کوہمیشہ یادرکھا جائے گاہمیںانکی زندگی کے نمونے کے مطابق زندگیاںگزارنے کاڈھنگ آجا ئے توآج کامسلمان کامیاب وکامران ہوجائے۔آپ نے لوگوںکودرس محبت دیا۔صدیاںگزرنے جانے کے باجودآج بھی لوگ آپ سے گہری محبت وعقیدت رکھتے ہیں۔آخرمیںملک کے استحکام اورسا لمیت کے لئے خصوصی دعا کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) کلیریکل سٹاف کے علا وہ نان کلیریکل سٹاف کوٹائم سکیل اونٹ کے منہ میںزیرہ کے مترادف ہے ۔کلیریکل سٹاف کی اپ گریڈیشن میں88فیصددیگرملازمین کونظراندازکردیا گیا۔لیککچراراسسٹنٹ کواپ گریڈنہ کرناان کامعاشی قتل ہے۔ان خیالات کا اظہارسیدرضاسلطان ایڈیشنل جنرل سیکرٹری لیکچراراسسٹنٹ ایسوسی ایشن نے پریس ریلیزمیںکیا۔انہوںنے کہا کہ لیکچراراسسٹنٹ تعلیمی شعبہ میںریڑھ کی ہڈی رکھتے ہیں۔اعلیٰ تعلیم یافتہ ہونے کے باوجودفکسڈسکیل میںکام کررہے ہیں۔میٹرک پاس کلرک سکیل 17تک جبکہ لیکچراراسسٹنٹ اعلیٰ تعلیم یافتہ ہوکر25،30سال سے بنیادی سکیل میںکام کرکے 60سال مکمل کرکے ریٹائر ہورہے ہیں۔حکومت پنجاب کلیریکل سٹاف کی طرح لیکچراراسسٹنٹ کوبھی اپ گریڈکرنے اورسروس سٹریکچربنانے کے احکامات جاری کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) آل پاکستان پرائیویٹ سکولزمینجمنٹ ایسوسی ایشن کے چیئرمین ملک شکیل احمدنے پنجاب ایگزامینیشن کمیشن کے تحت یکم فروری سے شروع ہونے والے امتحانات کے سلسلہ میںابھی تک پرائیویٹ سکولوںکے طلباء وطالبات کورولنمبرسلپس جاری نہ ہونے پرگہری تشویش کااظہارکیاہے۔انہوںنے کہا کہ پی ای سی کی کارکردگی مایوس کن ہے جس سے نجی سکولزمالکان ،بچوںکے والدین اورطلباء وطالبا ت میںاضطراب پایا جاتاہے۔انہوںنے کہا کہ ابھی تک نگران عملہ اورموبائل انسپکٹرزکابھی تقررعمل میںنہ لایا جا سکاہے جبکہ اس سخت ترین سردی میںامتحانی سنٹرزمیںطلباء وطا لبات کوبٹھا نے کے لئے مکمل فرنیچردستیاب نہ ہے جس سے بچوںکودشواری کاسامناکرناپڑے گااوروہ محنت اوردلجمعی سے امتحانی پرچہ جات حل نہ کرسکیںگے۔اراکین ایسوسی ایشن نے کمشنرگوجرانوالہ محمدعامر جان سے مطالبہ کیا ہے کہ کہ پی ای سی امتحان برا ئے پنجم اورھشتم کے معاملات کودرست بنایا جائے اوریہ سی ایس ایس کاامتحان نہ بلکہ پرا ئمری ومڈل سطح کے طلبہ کا امتحان ہے۔جس کے لئے موبائل انسپکٹرزکے لئے ریٹائرڈملازمین ،مختلف ایجنسیاںاورتھرڈپارٹی کی ڈیوٹیاںلگا ئی جارہی ہیں۔جس سے معصوم طلبہ وطالبات ہراساںہوسکتے ہیںجبکہ محکمہ کافرض ہے کہ وہ امتحانی سنٹرزپرسیکیورٹی خدشات کے پیش نظرپولیس کاعملہ تعینات کرے تاکہ کسی قسم کاکوئی ناخوشگوارواقعہ رونمانہ ہوسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان مسلم لیگ کے صدر و سابق وزیراعظم سینیٹر چودھری شجاعت حسین، سینئرمرکزی رہنما و سابق نائب وزیراعظم چودھری پرویزالٰہی اور مونس الٰہی نے دنیا میڈیا گروپ کے سربراہ اور سابق ضلع ناظم میاں عامر محمود کے والد میاں ظہورالحق کے انتقال پر دلی رنج و غم کا اظہار کیا ہے۔ مسلم لیگی قائدین نے دعا کی کہ اللہ تعالیٰ مرحوم کے درجات بلند اور غمزدہ خاندان کو صبر جمیل عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) جعفریہ اسٹوڈنٹس آرگنائزیشن کے زیر اہتمام 31۔ جنوری بروز اتوارقومی مرکز شاہ جمال میں عظیم الشان سیر ت النبی کانفرنس منعقد کی جائے گی۔ جس سے قائد ملت جعفریہ پاکستان اور اسلامی تحریک کے سربراہ علامہ سید ساجد علی نقوی،شیعہ علما کونسل پنجاب کے صدر علامہ سبطین حیدر سبزواری، جماعت اسلامی کے سیکرٹری جنرل لیاقت بلوچ، جمعیت علما پاکستان کے مرکزی صدر پیر اعجازاحمد ہاشمی، علامہ قاضی نیاز حسین نقوی، علامہ محمد افضل حیدری، جے ایس او کے مرکزی صدر وفاعباس،جمعیت علما اسلام کے مولانا محمد امجد خان، خطیب بادشاہی مسجد مولانا عبدالخبیر آزاد، اسلامی نظریاتی کونسل کے رکن علامہ افتخار حسین نقوی، کوآرڈینیٹر وزیر اعلیٰ پنجاب علامہ ڈاکٹر محمد حسین اکبر،اور دیگر رہنما پیغمبر اکرم صلی اللہ علیہ وآلہ ٰ وسلم کی ذات بابرکات پر روشنی ڈالیں گے۔ جے ایس او لاہور ڈویژن کے صدر فخر عباس بٹر نے کہا ہے کہ سیرت النبی کانفرنس اتحاد بین المسلمین کا بہترین اظہار ہو گی۔جس سے تمام مکاتب فکر کے علما خطاب کریں گے اور نعت خواں حضرات حضور سرور کائنات کی شان اقدس میں نذرانہ عقیدت پیش کرکے عاشقان مصطفی کے ایمان کو تازہ کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان تحریک انصاف کی رکن پنجاب اسمبلی سعدیہ سہیل رانا نے امریکی صدر باراک اوباما کے بیان پر ردِ عمل دیتے ہوئے کہا ہے کہ کمزور خارجہ پالیسی کی وجہ سے فارغ ہونے والا امریکی صدر بھی پاکستان کو آنکھیں دکھا رہا ہے حکمرانوں کی غلط خارجہ پالیسیوں کی وجہ سے پاکستان کو فرنٹ لائن اتحادی ہونے کے باوجود تذلیل کا سامنا ہے اپنے آفس میں کارکنوں سے گفتگو کرتے ہوئے انہوں نے کہا کہ ہماری قربانیاں بھارت اور امریکہ کو نظر نہیں آ رہی اس کی وجہ خارجہ پالیسی کی کمزور حکمت عملی ہے پاکستان کو اپنی خودمختاری کو مضبوط اور باوقار طریقے سے اُجاگر کرنا ہو گا۔ اگر خارجہ پالیسی مضبوط ہوتی تو امریکہ اور انڈیا پاکستان کو طعنہ و تشنع کا نشانہ نہ بناتے اور کبھی انڈیا پاکستان کو دہشت گردی پر مورد الزام ٹھہراتا ہے تو کبھی امریکی صدر جاتے جاتے خطاب میں پاکستان کو عدم استحکام کا شکار کہہ جاتا ہے۔ انہوں نے کہا کہ وزیر اعظم خارجہ امور کسی کو دینے کو تیار نہیں اور تمام وزارتوں کو گھر تک محدود رکھا ہوا ہے جس کی وجہ ملک کو مسائل کا سامنا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) جمعیت علما پاکستان نیازی کے سربراہ پیر سید محمد معصوم حسین نقوی کی زیر صدارت مجلس عاملہ کے اجلاس میں دہشت گردی کے بڑھتے واقعات پر تشویش کا اظہار کرتے ہوئے مطالبہ کیا گیا ہے کہ افغانستان کے راستے بھارت کی مداخلت اور دراندازی کے ثبوت عالمی برادری کے سامنے رکھے جائیں اور اقوام متحدہ سے نوٹس لینے کے لئے سفارتی ذرائع استعمال کئے جائیں۔ جمعیت سیکرٹریٹ کینال ویو میں منعقد ہونے والے اجلاس میں کہا گیا کہ جہاد افغانستان سے شروع ہونے والی دہشت گردی کی نرسریاں اب بند ہونی چاہیں۔ پانی سر سے گذر چکا ہے۔مگر افسوسناک اور قابل مذمت بات ہے کہ ضرب عضب آپریشن کے اثرات کو کم کرنے کے لئے نیشنل ایکشن پلان کو صرف امن مذہبی طبقات کے خلاف استعمال کیا گیا۔نفرت آمیز تقاریر کے نام پر مساجد سے لاوڈ سپیکرز اتروائے گئے۔مدارس پر چھاپے مار ے گئے۔ جبکہ صوبائی حکومتوں نے نام تبدیل کرنے والی دہشت گرداور انتہا پسند کالعدم تنظیموں کو کھلی چھٹی دے رکھی ہے۔ اجلاس میں اس بات پر بھی تشویش کا اظہار کیا گیا کہ طالبان او رداعش جیسی انتہا پسند تنظیموں کی وکالت کرنے اور ان کے لئے ریکروٹمنٹ کرنے والے اسلام آباد کے جرائم پیشہ مولوی کی منفی سرگرمیوں پر وزیر داخلہ چودھری نثار علی خان پردہ ڈال کر سکیورٹی اداروں کی دہشت گردی کے خلاف کارروائیوں کو نہ صرف ناکام بنانے کی سازش میںملوث ہیں بلکہ طالبان اور داعش کے سہولت کار کا کام کررہے ہیں۔ جے یو پی کی مجلس عاملہ نے واضح کیا کہ وزیر اعظم میاں نواز شریف وزیر داخلہ کسی ایسے شخص کو بنائیں جس کے دہشت گردوںکے خلاف نظریات پختہ ہوں ، ان ناسوروں کے لئے نرم گوشہ نہ رکھتے ہوں،ورنہ جنوبی پنجاب سمیت کسی بھی علاقے میں آپریشن کامیاب نہیں ہوسکے گا۔ یہ بھی مطالبہ کیا گیا کہ دہشت گردوں کے سہولت کاروں کو فی الفور گرفتار کرکے قرار واقعی سزائیں دی جائیں۔ کیونکہ باچا خان یونیورسٹی اور آرمی پبلک سکول پر حملہ کرنے والے دہشت گرد ی افغانستان سے ہی آئے اور انہیں موقع واردات پر پہنچانے والے مقامی سہولت کار ہی تھے۔ اجلاس میں علما اہل سنت کی گرفتاریوں پر تشویش کا اظہار کرتے ہوئے ان کی فی الفور رہائی کا مطالبہ کیا گیا۔ اور اتحاد اہل سنت کی جدوجہد کو آگے بڑھانے کے عزم کا اظہار بھی کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نارووال(جی پی آئی) اولیاء اللہ نے محبت رسول ۖ کا درس دیا۔ مسلمان کے لئے عشقِ رسول ۖ سرمایۂ حیات اور باعثِ نجات ہے ۔ صوفیائے امت نے اپنے ماننے والوں کو شدت پسندی ،قتل انسانیت سے دور کر کے محبتوں کو فروغ دیا ۔خانقاہی نظام میں کبھی کوئی قتل و غارت گری، دہشت گردی اور نفرت نظر نہیں آئے گی ۔ احترامِ انسانیت سے ہی قوموں کی اصلاح و فلاح ممکن بنائی جا سکتی ہے ۔حضورِ غوثِ اعظم رضی اللہ عنہ نے قوم کو علم و تحقیق ،فکر و نظر ، عمل و اصلاح سے سر بلندی عنایت فرمائی ۔خانقاہیں شریعت و سنت سے آباد ہوں تو تا قیامت آباد رہتی ہیں۔حضرت آدم علیہ السلام سے خانقاہی نظام کا آغاز ہوا ور تا ابد جاری رہے گا۔ درویش و صوفی بے ضرر اور مخلوقِ خدا کا خیر خواہ ہوتا ہے۔ قوم مسلم میں جب تک درگاہیں شاد و آباد ہیں قیامت نہیں آئے گی۔ مرشد کامل کے لئے شریعت کی پابندی ضروری ہے ۔جو پیر سنتِ نبوی کا پیکر ہو اُس کا چہرہ دیکھنا نفلی عبادت میں شمار ہوتا ہے ۔قومِ مسلم اصلی پیر اور جعلی عاملوں میں فرق کرے ۔ ان خیالات کا اظہارقائد تحریک اویسیہ پاکستان علامہ پیر محمد تبسم بشیر اویسی نے طیبہ نگر میں محمد ذیشان کے والد کے ختم پاک کی محفل پاک ،جسوراں جشن غوث اعظم رضی اللہ عنہ اور عبد الرزاق شہزادہ کے زیر اہتمام محلہ ابو بکر پورہ میں عرس غوث الثقلین رضی اللہ عنہ سے خطاب کرتے ہوئے کیا ۔ انہوں نے کہا کہ درویش کی موت حیاتِ جاودانی کا وعدہ ہے ۔ پاکستان اولیاء کاملین کا فیضان ہے جس میں خانقاہوں کے ماننے والے ہی پرُ امن ہیں اور قیام امن کے لئے کوشاں ہیں ۔عوام پر تشدد اور کالعدم تنظیمات کے ہر فعل کو مسترد کر دیں ۔ انہوں نے کہا کہ قوم اپنے اسلاف سے پہچانی جاتی ہیں ۔کرسی سے دور مگر اپنے اللہ کے حضور یہ حضرات اولیاء تا قیامت عوام کی محبتوں کا مرکز رہیں گے ۔اس موقعہ پر صوفی محمد اسلم ،محمد ذیشان ،چوہدری محمد یعقوب اویسی ایڈووکیٹ ، حافظ محمد عرفان اسلام اویسی ، محمد مشتاق احمد ، قاری پیر محمد جمیل نقیبی، علامہ نواز اختر کمبوہ، محمد عباس بٹ ، محمد یاسین، مولانا محمد اشرف عثمانی، صاحبزادہ محمد عاصم بشیر اویسی، محمد محسن اویسی اور دیگر نے بھی خطاب و ہدیہ نعت پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) جمعیت علما پاکستان کے مرکزی صدر پیر اعجازاحمد ہاشمی نے کہا ہے کہ مسلم لیگ ن کی حکومت کے بلدیاتی اداروں کو بے اختیار کرنے کے مسلسل اقدامات نے اس کی جمہوریت پسندی کے دعووں کو بے نقاب کردیا ہے۔ میڈیا سے گفتگو میں پیر اعجا زہاشمی نے کہا کہ لوکل گورنمنٹ ایکٹ میں دیے گئے اختیارات اور طریقہ انتخاب میں تبدیلیوں سے واضح ہوگیا ہے کہ مسلم لیگ ن نچلی سطح پر منتخب نمائندوں کوبرداشت کرنے کا کوئی ارادہ نہیں رکھتی۔عدلیہ کے دباو کے نتیجے میں کروائے جانے والے بلدیاتی انتخابات محض ڈھونگ تھا۔ الیکشن کمشن کو آرڈیننسوں کے اجرا کا نوٹس لینا چاہیے۔ انہوں نے کہا کہ پاکستان میں پہلی بار جماعتی بنیادوں پر بلدیاتی انتخابات منعقد کروائے گئے، مگر افسوسناک بات یہ ہے کہ پہلے حلف برداری میں تاخیری حربے استعمال کئے گئے جبکہ اب مخصوص نشستوں کے طریقہ انتخاب کو حکومت اپنی خواہش کے مطابق چلانا چاہتی ہے۔ انہوں نے کہا کہ بلدیاتی ادارے جمہوری نرسریاں سمجھی جاتی ہیں، ان میں حکومت کو رکاوٹیں پیدا نہیں کرنی چاہئے۔ ورنہ مسلم لیگ ن کی جمہوریت پسندی کے دعوے سب کے سامنے بے نقاب ہوچکے ہیں۔ ان کا کہنا تھا کہ اپوزیشن جماعتیں پنجاب اسمبلی کا اجلاس طلب کرنے کے لئے سیڑھیوں پر علامتی اجلاس منعقد کررہی ہیں، جبکہ حکومت آرڈینیس جاری رہی ہے۔ جوکہ جمہوری حکومت کہلانے والی جماعت کے لئے افسوسناک بات ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) شیعہ علما کونسل پنجاب کے صدر علامہ سید سبطین حیدر سبزواری نے مساجد اور امام بارگاہوں کی انتظامی انجمنوں کو ریاستی اداروں کی طر ف سے ہراساں کرنے کی شدید مذمت کرتے ہوئے کہا ہے کہ حکومت کی ملک کو سیکولر ریاست بنانے کی سازش کو کامیاب نہیں ہونے دیں گے۔ پاکستان اسلام کے نام پر بنا تھا۔ اسلامی نظام حکومت ہی اس میں چلے گا۔ ترکی کا ملحدانہ ماڈل یا کوئی اور نظام یہاں نافذ نہیں ہوسکتا۔ یہ عاشقان مصطفی صلی اللہ علیہ وآلہ ٰ وسلم اور محبان اہل بیت علیہم السلام کی سرزمین ہے۔ کسی اتاترک کو نہیں مانتے اور انتہا پسندی کو بھی مسترد کرتے ہیں۔سیالکوٹ اور سرگودھا کے تنظیمی دورے سے واپسی پرکارکنوں سے خطاب میں علامہ سبطین سبزواری نے کہا کہ مساجد اور امام بارگاہوں کی انجمنوں کو پروفارما پر کرنے پر مجبور کیا جارہا ہے ۔ جس میں غیر ضروری سوالات پوچھے گئے ہیں۔اس پر شیعہ علما کونسل کو شدید تحفظات ہیں۔ انہوںنے کہا کہ نماز اورعزاداری پر کسی قسم کی قدغن کو برداشت نہیں کیا جائے گا۔ یہ بنیادی انسانی حقوق اور مذہبی آزادیوں کی خلاف ورزی ہے۔ کسی صورت اپنے حقو ق سے دستبردار نہیں ہوں گے۔ ان کا کہنا تھا کہ حکومت واضح کرے کہ اہل تشیع نے کب دہشت گردی کی ہے؟ جبکہ دہشت گرد تنظیموں کو کھلی چھٹی دے دی گئی ہے۔ اور پرامن شیعہ عوام کو تنگ کیا جارہا ہے۔ کبھی عزاداری میں رکاوٹیں ڈالی جاتی ہیں تو کبھی شریف شہریوں کو فورتھ شیڈول میں شامل کرکے پریشان کیا جاتا ہے۔ علامہ سبطین سبزواری نے کہا کہ اہل تشیع نے کبھی کسی مذہب و مسلک کے پروگراموں میں رکاوٹ پیدا کی اور نہ ہی کسی پر کفر کے فتوے صادر کئے۔ ہم تحمل اور برداشت پر یقین رکھتے ہیں ۔ مگر ہمیں احتجاج پر مجبور کیا جارہا ہے۔ جس کے نتائج حکومت کے لئے اچھے نہیں ہوں گے۔ انہوںنے کہا کہ کسی قسم کے کوائف اکٹھے کرنے کے بہانے اور حلف ناموں کو تسلیم نہیں کرتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان پیپلز پارٹی پنجاب کے کے ڈپٹی سیکرٹری اطلاعات عابد حسین صدیقی نے کہا ہے کہ مسلم لیگ ن خارجہ امور میں بُری طرح ناکام ہو گئی ہے عالمی سطح پر ہر ملک پاکستان کو آنکھیں دکھا رہا ہے۔ ملک کو اس وقت ٹھوس خارجہ پالیسی کی ضرورت ہے جبکہ وزیر اعظم نے خارجہ امور اپنے پاس رکھے ہوئے ہیں اور ایک مشیر کے زریعے خارجہ پالیسیاں چلائی جا رہی ہیںیہاں سے جاری ایک بیان میں انہوں نے کہا کہ مسلم لیگ ن کی قیادت کے پاس کوئی ویژن نہیں خارجہ پالیسی وقت کی اہم ضرورت ہے مسلم لیگ ن ابھی تک خارجہ پالیسی وضع نہیں کر سکی حکمرانوں کی ترجیحات سمجھ سے بالا تر ہیں انہوں نے مزید کہا کہ عسکری قیادتیں ہمہ وقت مستعد و چوکس ہیں مگر ہمارے حکمرانوں اور جمہوریت کے ذریعے مفادات کے پھل سمیٹنے والے دوسرے سیاست دانوں کے لچھن کچھ اور ہی پیغام دے رہے ہیں۔ خدا اس ارضِ وطن کو دشمنوں کی سازشوں سے بچائے اور اسے تاابد محفوظ و مضبوط رکھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی) امریکی صدر کی جانب سے چارسدہ سانحہ کی مذمت و افواج پاکستان کی توصیف کی آڑ میں پاکستان کو پٹھانکوٹ حملے کا ذمہ دار ٹہرانا اور بھارتی صبر کی تعریف کے ذریعے جانبدارانہ کردار کے مظاہرہ کی مذمت کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما سردار خادم حسین سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن’حاجی امیر علی خواجہ ودیگرنے کہاہے کہ پاکستان اور افواج پاکستان کے ذمہ دارانہ کردار و قربانیوں اور مثبت اقدامات کے طفیل ہی آج دنیا کا امن اور بھارت و امریکہ سمیت فرانس ‘ برطانیہ ‘ جرمنی و دیگر ممالک کا وجود برقرار ہے وگرنہ ان کی سامراجی پالیسیوں و اقدامات اور جبر و مظالم نے ان ممالک کیخلاف جس مایوسانہ رویئے کو جنم دیا ہے وہ بغاوت و دہشتگردی میں ڈھل کر ان کے وجود کیلئے خطرہ بن چکا ہے مگر پاکستان اور اس کی افواج دنیا کے پر امن و محفوظ مستقبل اور اسلام پر لگائے جانے والے دہشتگردی و بنیاد پرستی کے داغ کو دھونے کیلئے جو قربانیاں دے رہی ہیں انہی کے طفیل ان ممالک کا وجود اور ان کے عوام محفوظ ہیں اسلئے بھارتی جانبداری کی بجائے امریکہ ودنیا کو پاکستان کا شکر گزار ہونا چاہئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی) محب وطن روشن پاکستان پارٹی کے قائد و چیئرمین امیر پٹی نے قومی صورتحال پر اظہار خیال کرتے ہوئے کہا ہے کہ ملک سے دہشتگردی کا مکمل خاتمہ آخری دہشتگرد کے خاتمے ہی سے ہو گاجو سہولت کاروں، سپورٹرز اور مالی معاونت کرنیوالوں کیساتھ آہنی ہاتھوں سے نمٹے بغیر ممکن نہیںہے۔ قوم کی مجموعی سوچ کی حامل پارلیمنٹ نے نیشنل ایکشن پلان کی منظوری دی جس پر مرکز اور صوبوں نے عمل درآمد کرانا تھا مگر ہر کہیں مایوسی نظر آتی ہے۔ نیشنل ایکشن پلان کی 20 شقیںہیں۔ ان میں سے صرف تین پر مکمل عمل ہو سکا باقی سترہ میں کسی پر سرے سے عمل نہیں ہوا یا پھر جزوی عمل ہوا، نچلی سطح کے سہولت کار پکڑے گئے اوربڑے سہولت کاروں یا سپورٹرز پر ہاتھ ڈالنے سے گریز کیا جا رہا ہے’جن لوگوں کے دہشتگردوں کے ساتھ رابطے رہے ان کے حکومت میں رہنے پر بھی سوال اٹھ رہے ہیں’کراچی آپریشن بھی سیاست کی بھینٹ چڑھ رہا ہے اوراس کی جس طرح مخالفت ہورہی ہے’ پورے ملک میں آپریشن کی اسی طرح مخالفت ہونے لگی تو دہشتگردی کارواں سال تو کیا کئی دہائیوں میںخاتمہ ممکن نہیں ہو سکے گااسلئے دہشتگردی کے ناسور کے مکمل خاتمے کیلئے پوری قوم کو متحد اور حکومت کو نیشنل ایکشن پلان کی ایک ایک شق پر عمل کیلئے مصلحتوں سے بالاتر ہونا ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) پاکستان سولنگی اتحاد کے بزرگ و سینئر رہنما امیر سولنگی’ سردار اکرم سولنگی ‘ سردار شبیر سولنگی ‘ سردار راحیل سولنگی ‘ سردار خادم حسین سولنگی و دیگر نے کہا کہ افواج پاکستان کے سربراہ و وزیراعظم پاکستان کی جانب سے ایران و سعودیہ تنازعہ کے خاتمہ کیلئے مخلصانہ کردار کی ادائیگی اور مصالحت کاری کیلئے پاکستانی قائدین کی ایرانی و سعودی قیادت سے ملاقاتیں اور مذاکرات جاری ہیں جبکہ چین کی صدر اور امریکی وزیراعظم جان کیری بھی ایران سعودیہ کشیدگی کے خاتمے کیلئے کوشاں دکھائی دے رہے ہیں ان حالات میں ایران و سعودیہ کو اپنے اپنے محفوظ مستقبل اور دنیا کے امن کیلئے تدبر و تحمل کا دامن تھامنے ہوئے غیر ضروری بیانات سے اجتناب اور مثبت سوچ اپنانے کی ضرورت ہے مگر عالمی اقتصادی فورم کی جانب سے بلائے گئے بند کمرے میں نجی اجلاس کے دوران سینئر سعودی و ایرانی حکام کے دوران جھڑپ ضرورت وقت سے اجتناب کی پالیسی اور دنیا کے پر امن مستقبل کیلئے خطرے کی نشاندہی کے ساتھ پاکستان ‘ چائنا اور امریکہ کی مصالحت و ثالثی کو کوششوں کو صرف نظر کرنے کی عکاس بھی ہے جو یقینا ایران و سعودیہ کو عالمی سطح پر تنہا کرنے کا باعث بن سکتی ہے اسلئے سعودیہ و ایران کیلئے جذباتیت کی بجائے دانشمندی کا مظاہرہ ہی بہتر ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی) حکومتی غفلت ‘ لاپرواہی اور کرپشن کے باعث تھر میں بھوک و امراض کے ہاتھوں ہلاک ہونے والے بچوں کی تعداد میں اندوہناک اضافہ کے باوجود حکومتی بے حسی اور دواؤں کی خریداری کے نام پرقومی خزانے کو ایک ہی دن میں 80کروڑ کا ٹیکہ لگائے جانے کی خبروں پر اظہار تشویش کرتے ہوئے گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کہا کہ اسلامی جمہوریہ پاکستان کے عوام کی بد قسمتی ہے کہ اسلامی مملکت کی باگ ڈور عوام کی شخصیت پرستی کے باعث ایمان سے محروم افراد کے پاس چلی گئی ہے جس کی وجہ سے نہ صرف عوام بلکہ پاکستان بھی مسائل و مصائب سے دوچار اور اس کا مستقبل و وجود خطرے کا شکار ہوچکا ہے ۔ گجراتی قومی موومنٹ کے سربراہ نے مزید کہا کہ اللہ کی وحدانیت پر یقین کے بعد حرص ‘ حسد’ہوس ‘لالچ اور حرام سے خود کو محفوظ رکھتے ہوئے انصاف و مساوات پر کاربند رہنا ایمان کی بنیادی شرائط ہیں مگرپاکستان کے حالات اور حکمرانوں کے اعمال اس بات کا ثبوت ہیں کہ وہ ان شرائط سے مبرا اور تمام ایمان دشمن خرافات کے عادی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) پاکستان کے عوام 30مختلف اقسام کے مختلف ٹیکسز کے جال میں جکڑے ہوئے ہیں جس کی وجہ ہے مہنگائی ‘ گرانی ‘ غربت ‘ مفلوک الحالی نے ان کیلئے جینا دوبھر کردیا ہے۔18کڑور عوام سے براہ راست ٹیکس کی وصولی کانظام ختم کردیا جائے گا ۔ حکومتیں تمام سروس اداکرنے والے ادارے صرف ان اداروں سے استفادہ اٹھانے والوں سے ہی ٹیکس وصول کرسکیں گے باقی لوگوںپر ٹیکس لاگو نہیں ہوگا۔ کسی ملازم شخص پر اور کسی کی جائیداد پر ٹیکس لاگونہیںہوگا جبکہ پیچیدہ ٹیکس نظام کے باعث ٹیکس کی ادائیگی کا رجحان مفقود ہے اور حکومت کیلئے ٹیکس وصولی جوئے شیر لانے کے مترادف ہے اٹھارہ کڑور ٹیکسزیشن کے نظام میں جکڑے ہوئے غریب اور مفلس عوام کو اس سے نجات دلائی جائے گی ۔یہ بات پاکستان کو ٹیکس فری فلاحی و عوامی مملکت بنانے کے عزم کے ساتھ منظر عام پر آکر عوام میں تیزرفتار پذیرائی حاصل کرنے والی نئی سیاسی جماعت ”دی کامن لیگ” کنوینر شجا ع الرحمن نے حکومت کی جانب سے نئے ٹیکسز لگاکر منی بجٹ لانے کے منصوبے پر تشویش و مذمت کا اظہار کرتے ہوئے کہی ۔ شجاع الرحمن نے کہا کہ مزیدٹیکسوں کا نفاذ مہنگائی و غربت کے ہاتھوں خود کشی پر مجبور عوام کیلئے زندہ رہنا مشکل کردے گا ۔ یہی وجہ ہے کہ دی کامن لیگ نے قومی مسائل کو حل کرنے اور عوام کی زندگی میں آسانیاں ‘ آسائشیں ‘ ترقی اور خوشحالی لانے کیلئے سیاسی میدان میں قدم رکھا ہے ہم عام آدمی اور اس کی ضروریات کی تمام اشیاء کو ٹیکس سے مستثنیٰ قراردیکر مہنگائی و گرانی کا خاتمہ کردینگے اور ریاستی اخراجات کے حصول کیلئے 5کروڑ روپے سالانہ سے زائد آمدنی والے افراد پر ٹیکس لگایا جائے گا جس سے ٹیکس دہندگان کیلئے ادائیگی اور حکومت کیلئے وصولی آسان ہوگی اور کرپشن کا راستہ بھی رک جائے گا جبکہ اس فارمولے سے موجودہ نظام میں حکومت کو حاصل ہونے والے ٹیکس سے کہیں زیادہ آمدن ہوگی جس کا دیانتدارانہ استعمال پاکستان کو حقیقی معنوں میں ترقی یافتہ ‘خوشحال اور مضبوط و مستحکم مملکت بنادیگا۔