گجرات کی خبریں 31/1/2017

Gujrat

Gujrat

گجرات (جی پی آئی) جامعہ گجرات میں 2017ء کو وائس چانسلر پروفیسر ڈاکٹر ضیاء القیوم کی جانب سے ”اختراع و تخلیق کا سال ” قرار دئیے جانے کے سلسلہ میںORICجامعہ گجرات نے ایک روزہ پراجیکٹ و پراڈکٹ نمائش کا اہتمام کیا۔ اس نمائش میں مختلف شعبہ جات، فیکلٹیوں اور سکول برائے آرٹ، ڈیزائن و آرکیٹکچرSADA کے طلبا و طالبات نے اختراع و جدت سے بھرپور اشیاء نمائش کے لیے پیش کیں۔ نمائش کا مقصد طلبہ کو اختراعی نوعیت کے ایسے منصوبہ جات ، تصورات اور خیالات کی جانب راغب کرنا تھا جو ملکی انڈسٹری کے فروغ و ترقی کے لیے سُود مند ثابت ہوں۔ ڈاکٹر ضیاء القیوم نے نمائش میں رکھی گئی طلبہ کی تیار کردہ مصنوعات و ایجادات کے متعلق کہا کہ طلبہ کی موجودہ نسل صلاحیت وعزم کی دولت سے مالا مال ہے۔ جدید ٹیکنالوجی کے تیز تر فروغ کے باعث یہ لازم ہو گیا ہے کہ جامعات اپنے طلبہ میں اختراع و جدت پر مبنی تحقیقی و علمی منصوبہ جات کی حوصلہ افزائی کرتے ہوئے ان کی ذہنی نمو کا باعث بنیں تاکہ ہمارے طلبہ عملی زندگی میں ملکی صنعت و تجارت کی ترقی کے لیے مثالی کارکردگی کا مظاہرہ کر سکیں۔ ڈاکٹر ضیاء القیوم نے مزید کہا کہ 2017ء میں ہمارے طلبہ اختراعی نوعیت کے جتنے بھی منصوبہ جات، ایجادات اور مصنوعات پیش کریں گے، مقابلہ کے ذریعے ان میں سے100بہترین منصوبہ جات کی حوصلہ افزائی کے لیے جامعہ گجرات مالی معاونت کرتے ہوئے ان طلبہ منصوبوں کو مارکیٹ میں لانے کے لیے مدد فراہم کرے گی ۔ جامعہ گجرات اپنے طلبا و طالبات میں عمل پسندی کو بیدار کرتے ہوئے انہیں معاشرہ و سماج کا کار آمد و سُود مند فرد بنانے کی راہ پر گامزن ہے۔ ڈائریکٹرORICڈاکٹر عبدالماجد نے کہا کہ اس ابتدائی نمائش میں مختلف شعبہ جات کے طلبہ نے تقریباً150پراجیکٹس پیش کیے ہیں۔ یہ تمام پراجیکٹس طلبہ کی اختراعی ذہانت کا عملی نمونہ ہیں۔ ORICجامعہ گجرات انڈسٹری اکڈیمیا تعلقات کو مضبوط تر بنانے کا خواہاں ہے کیونکہ جامعات میں جاری علمی تحقیقی کے نتائج کو ملکی انڈسٹری کی ترویج و ترقی کے لیے استعمال کرتے ہوئے ہم مضبوط پاکستانی معیشت کے خواب کو بخوبی پورا کر سکتے ہیں۔ ڈاکٹر عبدالماجد نے اس نمائش کی آرگنائزنگ ٹیم کی کوششوں کو سراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی)جامعہ گجرات میں HECانٹر یونیورسٹی بیس بال چیمپیئن شپ2017اختتام پذیر ہو گئی۔ جامعہ گجرات میں ان مقابلہ جات کا انعقاد ہائر ایجوکیشن کمیشن پاکستان کی معاونت سے کیا گیا تھا۔ امسال بیس بال چیمپیئن شپ کو منعقد کروانے کا فریضہ HECکی جانب سے جامعہ گجرات کو تفویض کیا گیا۔ ان مقابلہ جات میں پاکستان بھر سے آٹھ جامعات کی ٹیموں نے شرکت کرتے ہوئے اپنی کارکردگی کے جوہر دکھائے۔ اختتامی تقریب کے مہمان خصوصی وائس چانسلر جامعہ گجرات پروفیسر ڈاکٹر ضیاء القیوم تھے۔ ڈاکٹر ضیاء القیوم نے کہا کہ معاشرہ کی تشکیل نو میں کھیلوں کی اہمیت اور افادیت مسلم ہے۔ ہم نصابی سرگرمیاں طلبہ کی نوجوان نسل کی گوناگوں صلاحیتوں کو اُجاگر کرتے ہوئے معاشرتی روّیوں میں تبدیلی کا باعث بنتی ہیں۔ معاشرہ میں شدت پسندی کے خاتمہ کے لیے کھیلوں کا فروغ خوش آئند ہے۔ کھیل ہمیں برداشت اور نظم و ضبط کا سلیقہ سکھاتے ہیں۔ جامعہ گجرات طلبہ میں کھیلوں کے فروغ کے لیے اہم اقدامات کر رہی ہے۔ چیئرمینUOGسپورٹس بورڈ شیخ عبدالرشید نے کہا کہ کھیل قومی یک جہتی اور یگانگت کا باعث ہیں۔ کھیل انسانی تربیت میں حصہ لیتے ہوئے معاشرتی و سماجی امن کے پیامبر ہوتے ہیں۔ بیس بال چیمپیئن شپ میں حصہ لینے والی ٹیموں نے جامعہ گجرات کی عزت افزائی کی ہے۔ ڈپٹی ڈائریکٹر سپورٹس اخلاق احمد خاں نے کہا کہ مقابلہ جات میں شرکت کرنے والی ٹیموں نے اعلیٰ نظم و ضبط کا مظاہرہ کرتے ہوئے چیمپیئن شپ کو کامیاب بنایا ہے۔ ہمیں اُمید ہے کہ ہمارے طلبا و طالبات کھیل جیسی اہم سرگرمی میں حصہ لیتے ہوئے اپنی ذہنی و دماغی صلاحیتوں کو مزید چُست بنائیں گے۔ جامعہ گجرات میں منعقدہ انٹر ورسٹی بیس بال چیمپیئن شپ2017ء میں یونیورسٹی آف سنٹرل پنجاب کی ٹیم نے جیت کا سہرا اپنے سر سجایا جبکہ امپیریل یونیورسٹی اور اسلامیہ یونیورسٹی بہاولپور بالترتیب دوسری اور تیسری پوزیشن کی حقدار قرار پائیں۔ ڈاکٹر ضیاء القیوم نے تینوں کامیاب ٹیموں میں ٹرافیاں اور نقد انعامات تقسیم کیے۔ پہلی پوزیشن حاصل کرنے والی ٹیم کو36000روپے، دوسری کو27000روپے اور تیسری ٹیم کو 18000روپے کے انعامات سے نوازا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی)جامعہ گجرات کی قلمکار سوسائٹی کی ادبی ٹیم نے پی ٹی وی ہوم کے مقابلہ بیت بازی میں شرکت کرتے ہوئے پہلا انعام اپنے نام کر والیا۔ کوارڈینیٹر قلمکار سوسائٹی انجینئر نعیم اللہ انمول نے بتایا کہ ادبی ٹیم نے پی ٹی وی ہوم کے پروگرام بزم طارق عزیز میں شرکت کرتے ہوئے بیت بازی کے مختلف رائونڈ اور پاکستان بھر سے شرکت کرنے والی جامعات کی ٹیموں کے ساتھ سخت مقابلہ کے بعد پہلا انعام جیتا۔ پہلا انعام جیتنے کے صلہ میں جامعہ گجرات کی ٹیم کو ٹرافی کے علاوہ نقد انعام چالیس ہزار روپے سے بھی نوازا گیا۔ سرپرست قلمکار سوسائٹی ڈین فیکلٹی برائے انجینئرنگ و ٹیکنالوجی ڈاکٹر محمد سلیمان طاہر نے ادبی ٹیم کو مبارکباد پیش کرتے ہوئے کہا کہ ادب و علم کی سرفرازی مثبت سماجی اقدار کے فروغ کی علامت ہے۔ وائس چانسلر جامعہ گجرات پروفیسر ڈاکٹر ضیاء القیوم نے قلمکار سوسائٹی کی ادبی ٹیم کو ہدیۂ تبریک پیش کرتے ہوئے کہا کہ ادب و علم کا فروغ معاشرتی امن کا پیامبر ہے۔ جامعہ گجرات کے طلبہ قوم کے مستقبل کے معمار اور اعلیٰ سماجی اقدار کے فروغ کے امین ہیں۔ طلبہ میں اعلیٰ تعلیم کی تکمیل کے ساتھ ساتھ ہم نصابی سرگرمیوں کا فروغ ایک متوازن شخصیت کی تعمیر میں اہم کردار ادا کرتا ہے۔ جامعہ گجرات کے طلبا و طالبات فارغ التحصیل ہونے کے بعد قومی ترقی کے دھارے میں اعلیٰ خدمات سرانجام دینے کی راہ پر گامزن ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ڈپٹی کمشنر عرفان علی کاٹھیا نے ضلع میں اشیائے خورد و نوش کی ہول سیل اور پرچون میں قیمتوں کا از سر نو تعین کر دیا ہے، مارکیٹ میں نرخ کم ہونے کا فائدہ عوام کو پہنچانے کیلئے مختلف اشیاء کی ہول سیل اور پرچون میں قیمتوں میں واضع کمی کر دی گئی ہے ۔ ڈپٹی کمشنر نے پرائس مجسٹریٹس کو ہدایت کی ہے کہ مقررہ نرخوں پر عمل درآمد یقینی بنائیں ، مصنوعی مہنگائی اور گرانفروشی کے مرتکب عناصر کے خلاف سخت کاروائی عمل میں لائی جائے۔ اشیائے خورد و نوش کی نئی قیمتوں کیلئے جاری نوٹیفکیشن کے مطابق آٹے کے 20کلو گرام تھیلے کی قیمت گزشتہ ماہ کے مقابلے میں دس روپے کی کمی کی گئی ہے، نئی قیمت750روپے مقرر کی گئی ہے، دال چنا باریک کی قیمت ہول سیل میں32روپے فی کلو گرام کمی کی گئی ہے،نیا ہول سیل ریٹ 115روپے کلو جبکہ پرچون میں دال چنا باریک کی قیمت 118روپے فی کلو گرام مقرر کی گئی ہے، دال چنا موٹی کی قیمت میں 38روپے کلو گرام کمی کی گئی ہے، نئی قیمت ہول سیل117 روپے فی کلو پرچون 120روپے فی کلو ہوگی، کالے چنے کی قیمت میں فی کلوگرام 45کمی کی گئی ہے، نئی قیمت ہول سیل ریٹ107روپے فی کلو پرچون 110 روپے فی کلو ، سفید چنے سندھی کی قیمت ہول سیل فی کلو 167پرچون 170روپے فی کلو، سفید چنے باریک کینڈا کی قیمت میں 16روپے فی کلو گرا م کمی ہوئی ، نئی قیمت ہول سیل ریٹ 141روپے فی کلو گرام پرچون ریٹ 144روپے کلو، دال مونگ چھلکا باریک کی قیمت پانچ روپے فی کلو گرام کمی کے بعدہول سیل ریٹ 92روپے فی کلو ، پرچون ریٹ 95روپے کلو،دال مونگ دھلی ہوئی کی قیمت میں چار روپے فی کلو گرام کمی کے بعد ہول سیل ریٹ 97روپے فی کلو گرام، پرچون ریٹ 100 روپے کلو، دال ماش چھلکا باریک کا ہول سیل ریٹ 161روپے فی کلو پرچون ریٹ 164روپے کلو مقرر کیا گیا ہے، قیمت میں چار روپے فی کلو گرام کمی ہوئی، دال ماش باریک کی قیمت پندرہ روپے فی کلو گرام کم کی گئی ہے، نئی قیمت ہول سیل ریٹ 172روپے فی کلو گرام تھوک ریٹ 175روپے کلوگرام، دال ماش موٹی (چمن) کی قیمت 20روپے کلو گرام کمی کے بعد تھوک میں 182روپے کلو گرام اور پرچون ریٹ 185روپے کلو، دال مسور باریک کی قیمت ہول سیل میں 137روپے کلو اور پرچون میں 140روپے کلو برقرار رہے گی، دال مسور موٹی کی قیمت میں تین روپے فی کلو گرام کمی کی گئی ہے، نیا تھوک ریٹ 112اور 115روپے کلو، سرخ مرچ پاوڈر 227اور 230روپے کلو ہوگی، سپر باسمتی چاول (نئے ) کی قیمت ہول سیل ریٹ فی کلو گرام92اورپرچون 95روپے کلو، چینی ہول سیل میں62اور پرچون میں 65روپے کلو ، بیسن کی قیمت میں30روپے کلو گرام کمی کی گئی ہے، نئی قیمت تھوک ریٹ 122روپے کلو گرام پرچون ریٹ125 روپے کلو قیمت مقرر کی گئی ہے، چھوٹا گوشت اوپن مارکیٹ580روپے کلو، ماڈل شاپ 680روپے کلو، بڑا گوشت اوپن مارکیٹ 300روپے کلو، ماڈل شاپ 340روپے کلو، دودھ اوپن مارکیٹ 70روپے لٹر، ماڈل شاپ 80روپے کلو، دہی اوپن مارکیٹ 75روپے ، ماڈل شاپ 85روپے کلو، روٹی 100گرام 6روپے، نان 100گرام کی قیمت8روپے مقرر کی گئی ہے۔ سبزیوں ، پھلوں ، چکن اور انڈے کی قیمت روزانہ کی بنیاد پر مارکیٹ کمیٹی مقرر کرے گی ۔دریں اثناء حکومت پنجاب نے لوکل گورنمنٹ ایکٹ 2013کے نفاذ کے بعد ضلع گجرات کیلئے پرائس مجسٹریٹس کا تقرر کر دیا ہے ، ضلع بھر کے پرائس مجسٹریٹس کے اجلاس سے خطاب کرتے ہوئے ڈپٹی کمشنر عرفان علی کاٹھیا نے ہدایت کی کہ وہ اپنے علاقوں میں چیکنگ کا نظام موثر بنائیں، فیلڈ میں نکلیں تو ریٹس بھی ضرور چیک کریں ، افسران خود پرائس چیکنگ کریں، کسی کے خلاف ناجائز کاروائی ہرگز نہیں ہونی چاہیے تاہم کسی گرانفروش کو بچنا بھی نہیں چاہیے۔ انہوںنے کہا کہ پر پندرہ روز بعد پرائس مجسٹریٹس کی کارکردگی کا جائزہ لیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)حکومت پنجاب عوام کو طبی سہولیات دینے کے لئے بھرپور اقدامات کر رہی ہے سرکاری ہسپتالوں میں ادویات، عملہ اور دیگر سہولیات ترجیحی بنیادوں پر فراہم کی جا رہی ہیں سول ہسپتال کھاریاں کی بہترین کارکردگی میں ایم ایس ڈاکٹر فاروق احمد بنگش اور ان کی ٹیم کی ٹیم کی کارکردگی قابل تحسین ہے، ان خیالات کا اظہار گذشتہ روز ڈی سی گجرات عرفان علی کاٹھیا نے تحصیل ہیڈکوارٹر ہسپتال کھاریاں کے دورہ کے بعد میڈیا کے نمائندوں سے گفتگو کرتے ہوئے کیا، اے سی کھاریاں ذوالفقار علی باگڑی ، چیف ایگزیکٹو آفیسر ہیلتھ ڈاکٹر عابد غوری اور دیگر افسران بھی ہمراہ تھے جبکہ ایم ایس ڈاکٹر فاروق بنگش نے بریفنگ دی۔ ڈپٹی کمشنر عرفان علی کاٹھیا نے ایمرجنسی وارڈ، میڈیکل وارڈ، سرجیکل وارڈ، لیبارٹری ، ڈرگ سٹورسمیت سول ہسپتال کھاریاں کے تمام شعبہ جات کا معائنہ کیا مریضوں کی عیادت کی اور انکے لواحقین سے فراہم کی جانیوالی سہولیات بارے معلومات حاصل کیں ۔ڈی سی گجرات عرفان علی کاٹھیا نے اے سی کھاریاں چوہدری ذوالفقار علی باگڑی کو ہدایت کی کہ وہ باقاعدگی سے ہسپتال کا دورہ کریں اور یہاں سہولیات اور مسائل پر نظر رکھیں ، انہوںنے ہسپتال انتظامیہ کو ہدایت کی کہ تمام مریضوں کو مفت ادویات کی فراہمی یقینی بنائی جائے۔ اس سے قبل ڈی سی گجرات نے اراضی سنٹر کھاریاں کا بھی دورہ کیا اور وہاں پر بھی سائلین سے معلومات حاصل کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)چیف ایگزیکٹو آفیسر ہیلتھ ڈاکٹر عابد محمود غوری نے سول ہسپتال ڈنگہ، آر ایچ سی ڈنگہ اور بنیادی مرکز صحت دلانوالاکا اچانک دورہ کیا، ڈاکٹرز و عملہ کی حاضری چیک کی اور مریضوں سے فراہم کی جانیوالی سہولیات کے بارے میں دریافت کیا۔ چیف ایگزیکٹو آفیسر نے ڈرک سٹورز میں ادویات کا معائنہ کیا اور اہداف کے حوالے سے دریافت کیا۔ اس موقع پر بات چیت کرتے ہوئے ڈاکٹر عابد غوری نے ہدایت کی کہ حکومت پنجاب کی ہدایات کے مطابق مریضوں کو بہتر طبی سہولیات کی فراہمی کیلئے ڈاکٹرز و عملہ اپنی بہترین صلاحتیں بروئے کار لائیں ، مریضوں سے بہتر رویہ اپنایا جائے انہیں مفت ادویات کی فراہمی یقینی بنائی جائے۔ چیف ایگزیکٹو ڈسٹرکٹ ہیلتھ اتھارٹی نے ہدایت کی کہ24/7 مراکز صحت میں زچہ و بچہ کے حوالے سے بہترین سہولیات کی فراہمی یقینی بنائی جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)تین دن کی بارشوں کے بعد کھاریاں شہر اور گرد ونواح میں دھند کا راج۔ صبح سویرے دھند نے شدت اختیار کی اور جی ٹی روڈ پر حد نگاہ صرف15 میٹر تک رہ گئی جس کی وجہ سے ٹریفک کی روانی متاثر ہوں کئی مقامات پر تو لوگوں نے گاڑیاں سڑک کنارے کھڑی کر دیں فوگ لائٹس استعمال کرنے کے باوجود بھی سفری مشکلات میں کمی نہ آئی۔ دوپہر کے بعد دھند میں کمی آئی جس کے بعد لوگوں نے سفر شروع کیا دھند کے باعث سردی میں بھی اضافہ ہورہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)تحصیل ہیڈکوارٹر ہسپتال کھاریاں میں بیہوشی کے ڈاکٹر صرف دو روز ہسپتال پر۔ صحافیوں کے وفد نے ڈی سی گجرات عرفان علی کاٹھیا کی توجہ دلائی جس پرانہوں نے ایگزیکٹو آفیسر ہیلتھ ڈاکٹر عابد غوری کو فوری طور پر مسئلہ حل کرنے کی تاکید کی۔ صحافیوں نے کہا کہ ان حالات میں ہسپتال کی کارکردگی متاثر ہو رہی ہے سرجری نہ ہونے کے برابر ہے یہ مسئلہ فوری حل کیا جائے تاکہ کارکردگی متاثر نہ ہو سکے۔ وفد میں سینئر صحافی سید تنویر نقوی، سینئر صحافی اعجاز مرزا، سینئر نائب صدر KPC عبدالعزیز گوندل اور دیگر بھی شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) حکومت پنجاب عوام کو طبی سہولیات دینے کے لئے بھرپور اقدامات کر رہی ہے سرکاری ہسپتالوں میں ادویات، عملہ اور دیگر سہولیات ترجیحی بنیادوں پر فراہم کی جا رہی ہیں سول ہسپتال کھاریاں کی بہترین کارکردگی میں M.S ڈاکٹر فاروق احمد بنگش اور ان کی ٹیم کا کردار اہم ہے شاباش دیتا ہوں ان خیالات کا اظہار گذشتہ روز ڈی سی گجرات عرفان علی کاٹھیا نے تحصیل ہیڈکوارٹر ہسپتال کھاریاں کے دورہ کے بعد میڈیا کے نمائندوں سے گفتگو کرتے ہوئے کیا۔ انہوں نے سول ہسپتال کے تمام شعبہ جات کا تفصیلی وزٹ کیا وارڈز میں بھی گئے اور مریضوں سے معلومات حاصل کیں سول ہسپتال کے میڈیسن سٹور کا بھی وزٹ کیا۔ ایم ایس ڈاکٹر فاروق احمد بنگش نے وزٹ کروایا۔ اس موقع پر ایگزیکٹو آفیسر ہیلتھ ڈاکٹر عابد غوری، اے سی کھاریاں ذوالفقار علی باگڑی اور دیگر افسران بھی ہمراہ تھے۔ڈی سی گجرات عرفان علی کاٹھیا نے اے سی کھاریاں چوہدری ذوالفقار علی باگڑی کو ہدایات جاری کیں کہ وہ مہینے میں کم از کم 2مرتبہ ہسپتال کا دورہ کر کے معاملات کا جائزہ لے کر مجھے براہ راست رپورٹ کی جائے۔ ڈی سی نے اراضی سنٹر کھاریاں کا بھی دورہ کیا اور وہاں پر بھی سائلین سے معلومات حاصل کیں اے سی کھاریاں نے وزٹ کروایا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) پاک فوج کے خلاف زبان درازی کرنے والے پہلے اپنے گریبان میں جھانکیں پھر بات کریں۔ انڈین ایجنٹ اپنے آقائوں کو خوش کرنے کے لئے اپنی پاک فوج کے خلاف زبان درازی کر رہے ہیں ہم پاک فوج کے شانہ بشانہ ہیں اور جیو نیوز کے اینکر نجم سیٹھی کی پرزور مزمت بھی کرتے ہیں ان خیالات کا اظہار نوجوان کاروباری، سیاسی شخصیت چوہدری محمد نبیل پیارا ایم ڈی پیارا موبائلز نے کیا۔ انہوں نے کہا کہ حکمران آنکھوں سے پٹی اتاریں اور کانوں سے روئی بھی نکالیں پاکستان میں رہ کر یہاں کا نمک کھانے والے نمک حرام غداری کے مرتکب ہو رہے ہیں اور پاک فوج کے افسران کی کردار کشی کر رہے ہیں مگر ان کے خلاف کوئی ایکشن نہیں لیا جا رہا۔ پیمرا بھی حرکت میں نہیں آ رہا کسی سیاستدان کے خلاف بات کرنے یا ان کے کرتوت عوام کو بتانے والے اینکرز پر تو پابندیاں لگائی جا رہی ہیں مگر یہاں پر تو پاک فوج کو دنیا بھر میں بدنام کرنے کی ناپاک سازش ہو رہی ہے جبکہ پیمرا خاموش ہے ہم پاک فوج اور سابقہ سپہ سالار جنرل (ر) راحیل شریف کے شانہ بشانہ کھڑے ہیں اور ان کی خدمات اور قربانیوں پر خراج تحسین پیش کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کوٹلہ برادران حقیقی معنوں میں اور عملی طور پر عوامی نمائندگی کا حق ادا کر رہے ہیں پورے پنجاب میں کارکردگی کے لحاظ سے نمایاں ہیں ہم ایم این اے چوہدری عابد رضا، ایم پی اے چوہدری شبیر احمد اور ضلعی چیئرمین چوہدری محمد علی تنویر کو خراج تحسین پیش کرتے ہیں ان خیالات کا اظہار مشترکہ طور پر راہنما مسلم لیگ(ن) ملک فضل حسین اعووان سابق امیدوار چیئرمین یونین کونسل بدرمرجان اور سابق امیدوار وائس چیئرمین چوہدری محمد اشرف کنجیال نے کیا۔ انہوں نے کہا کہ حلقہ این اے107 کی تعمیر و ترقی ایک مثال بن چکی ہے انشاء اللہ ضلعی چیئرمین ضلع گجرات کو بھی پنجاب بھر میں مثالی بنائیں گے حلقہ این اے107 میں موجودہ دور کی ترقی کی مثال پہلے نہیں ملتی اور آئندہ بھی یہ کئی سالوں تک ایک اچھی مثال رہے گی موجودہ دور میں پورے حلقہ میں بلاتفریق ترقیاتی کام ہو رہے ہیں اور ان شاء اللہ حکومت کی آئینی مدت پانچ سال پورے ہونے کے بعد اس کارکردگی میں مزید اضافہ ہوگا اور حلقہ کے اکثریتی بڑے اور دیرینہ مسائل حل ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) SHO چوہدری شہباز ہنجرا نے ایک سال سے زائد عرصہ میں شہر اور گرد و نواح کے علاقوں کی ایسی چوکیداری کی ہے جس کی مثال ماضی میں نہیں ملتی ان کا عوام کے ساتھ تعلقات مثالی رہے چوہدری شہباز ہنجرا نے ڈیوٹی میں بے شمار ایسے کیسوں کو حل کیا جو ناممکن تھے ۔ چوری ڈکیتی، قتل کی وارداتوں کے مقدمات کے ملزمان کو پابند سلاسل کیا۔ قاتلوں کو گرفتار کر کے حیران کر دیا جرائم پیشہ افراد کے خلاف آپریشن، منشیات فروشوں کو گرفتار کر کے علاقہ سے منشیات فروشی کے نیٹ ورک کے ماسٹر مانڈ کو گرفتار کر کے ان کی فیکٹریوں کو سیل کر دیا بہترین کارکردگی پر کھاریاں کے شہری انہیں خراج تحسین پیش کرتے ہیں کھاریاں میں اُن کے مثالی کارناموں کی وجہ سے انہیں ہمیشہ یاد رکھا جائے گا ان خیالات کا اظہار تاجر راہنما چوہدری شوکت علی باہروال نے خصوصی گفتگو کرتے ہوئے کیا۔ انہوں نے کہا کہ چوہدری شہباز ہنجرا کو بہترین کارکردگی پر خراج تحسین پیش کرتے ہیں۔ چوہدری شہباز ہنجرا کی مخالفت صرف کرپٹ اور دو نمبری کرنے والے لوگوں نے کی جبکہ شہر میں امن و امان کے خواہاں ان کی مثالی کارکردگی کو سراہتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)نامعلوم چوررات کی تاریکی میںمین بازار میں واقع جنرل سٹور کے تالے کاٹ کر ہزاروں روپے مالیت کے کرنسی والے ہار اور نقدی لے کر فرار۔ مین بازار میں رات کو چوروں نے زیر تعمیر عمارت کے راستے بالائی کھڑکی کے کنڈے کاٹ کر منیاری کی دوکان میں سیڑھیوں کے راستے داخل ہو کر دوکان میں موجود سامان کی تلاشی کے دوران شادی والے نوٹوں کے ہار جن کی مالیت تیس ہزار روپے بنتی ہے اس کے علاوہ ہزاروں روپے نقدی چوری کر کے لے گئے۔تھانہ سٹی پولیس کو دوکان کے مالک یوسف محمود نے تحریری اطلاع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)اسلامی تعلیمات سے دوری مسلمان کے انحطاط کاباعث بن رہا ہے۔ آج مسلمان چہارسوپریشان ہے۔ آج بھی مسلمان اپنے آقا نبی رحمت ۖ کی زندگی کومشعل راہ بناکراسلامی تعلیمات پرعمل پیراہوجائیںتوممکن ہی نہیںکہ مسلمان دنیابھرمیںعزت ومرتبہ نہ پاسکیں۔ ان خیالات کااظہارجماعت اسلا می کے رہنماوامیدوارپی پی104محمدمشتاق بٹ نے افتتاح قصر جاویدودرس اسلام کی تقریب سے خطاب کرتے ہوئے کیا۔اس موقع پرعلامہ نجیب عبدالرزاق،محمدجاوید ممبر، محمداسلم بھٹی ودیگرنے بھی خطاب کیا۔ تقریب میںناصر محمودکلیر،صابر حسین بٹ، حافظ محمدآصف،میاںمحمدعاصم،ماسٹرمحمدخالد،محمدنعیم،محمدندیم،قیصر بٹ،محمدفاروق،ملک اسد، عدنان انورچیمہ، محمدارشدبٹ، فیصل یاروڑائچ، عبدالمجید،ملک محمودبھائی، ملک وسیم، محمدنعیم ہاشمی، سیٹھ محمدعارف سمیت عہل علاقہ کی کثیرتعدادنے شرکت کی۔ انہوںنے کہا کہ اسلام کی دوری کی وجہ سے مسلمان مسائل کے گرداب میںگھیراہواہے۔ جماعت اسلا می زندگیوںکواسلا می سانچے میںڈھالنے اوراسلامی نفاذکے لئے کوشاںہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) مسلم لیگ (ن)کی حکومت سے قبل کی حکومتوںنے توانائی بحران پرکوئی توجہ نہیںدی جس کی وجہ سے ملک2013اندھیروںمیںڈوباہواتھا۔زرداری دورمیںوزارتیںبکتی رہیں۔ کراچی کاامن وسکون تباہ ہوچکاتھا۔ ملک میںآئے روزبم دھماکے ہورہے تھے۔ میاںمحمدنوازشریف نے عسکری قوتوںکی معاونت سے ضرب عضب آپریشن کے ذریعے ملک سے دہشت گردی عناصرکے خاتمہ کی بھرپورکوششیںکیں۔آج ملک امن وسکون کامنظرپیش کررہا ہے۔ ان خیالات کااظہارممبرقومی اسمبلی جسٹس(ر)افتخاراحمدچیمہ نے کونسلرارشدمحمودسلیمی کے حلقہ چیمہ کالونی میںلنک روڈکی افتتاحی تقریب سے خطاب کرتے ہوئے کیا۔اس موقع پرضلعی صدرمسلم لیگ (ن)مستنصر علی گوندل، امتیازاظہرباگڑی، راجہ سیف اللہ سیفی، عادل چیمہ،محمداصغرہیرا، ارسلان بلوچ، خواجہ محمدشعیب، ادریس سپال، عمران سنی اورمدثرمشتاق نے بھی خطاب کیا۔ انہوںنے کہا کہ مسلم لیگ (ن)توانائی کے 31منصوبوںپردن رات کام کررہی ہے انشاء اللہ میاںمحمدنوازشریف کے2018تک اندھیروںکودورکرنے کے وعدوںکوپوراکیاجائے گا۔ زرداری دورملکی خزانے میںساڑھے تین ارب کے اثاثے تھے جومسلم لیگ (ن)کی دانشمندی اوربہترین حکمت عملی سے 126ارب تک بڑھ چکے ہیں۔ ملکی معیشت مضبوط اورملک ترقی کی طرف گامزن ہوا۔ ارشدمحمودسلیمی نے کہا کہ مقامی ایم پی اے نطریاتی مسلم لیگی ورکروںکونظراندازکرکے مخالف پارٹی کے لوگوںمیںفنڈزتقسیم کررہا ہے جس سے مسلم لیگی ورکروںمیںاضطراب پایا جاتا ہے۔ مسلم لیگ (ن)کی قیادت مسلم لیگی ورکروںکی حق تلفی پرتوجہ دے اورمسلم لیگی کارکنوںکی مایوسی دورکرے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) جماعت اسلا می ضلع گوجرانوالہ کے نائب امیروقاص احمدبٹ نے کہا ہے کہ حکمرانوںنے عوام کومایوسی کے سواکچھ نہیںدیا۔ کرپشن کے باعث غربت کی شرح میںتیزی سے اضافہ ہوا۔ جب تک لٹیرے پکڑے نہیںجاتے چین سے نہیںبیٹھیںگے۔ حکمرانوںکی لوٹ مارکی ہوس نے ملک کوبحرانوںمیںدھکیلا۔مفاداتی ٹولہ اوروزراء کالشکرنوازحکومت کے تابوت میںآخری کیل ٹھونکے گا۔ جماعت اسلا می کے خلاف غلیظ زبان استعما ل کرنے والوںکوکیفرکردارتک پہنچائیںگے۔ وہ جماعت اسلا می وزیرآبادزون کے شوریٰ کے خصوصی اجلاس سے خطاب کررہے تھے۔ صدارت زونل امیرناصرمحمودکلیرنے کی۔انہوںنے کہا کہ ہماری کسی فردسے ذاتی لڑائی نہیںکرپٹ تولے کوکیفرکردارتک پہنچانے کاعزم کیا ہے۔ اس کے لئے تمام نتایج بھگتنے کوتیارہیں۔ اوچھے ہتھکنڈے ہمیںہمارے متن سے نہیںہٹا سکتے۔ انہوںنے کہا کہ حکمران ٹولہ کاجہازپانامہ لیکس کی دلدل میںپھنس چکا ہے۔ نوازشریف کااپنے موقف سے اظہارلاتعلقی پارلیمانی جمہوریت کی تاریخ کابدنماداغ ہے۔ انہوںنے کہا کہ سپریم کورٹ ازخوداسٹیٹ بینک سے قرضے معاف کروانے والوںکے خلاف کاروائی کرے۔ کرپشن لوٹ کھسوٹ کی بہتی گنگامیںہاتھ دھونے والوںکواحتساب کے کٹہڑے میںلاناجماعت اسلا می کی جدوجہدکانتیجہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)حکومتی سرپرستی حاصل ہونے پرعلاج بالمثل (ہومیوپیتھی) کے ذریعے عوام الناس کی صحت وتندرستی کی بحالی میںہومیوڈاکٹرزاہم کرداراداکرسکتے ہیں۔ ہومیوپیتھی طریقہ علاج میںہومیوڈاکٹرزمریض کی علامتوںکے مطابق مریض کی صحت کی بحالی میںبھرپورکرداراداکررہے ہیں۔ان خیالات کا اظہارہومیوڈاکٹرسیدرضا سلطان نے پی ایچ ایم ہومیوڈاکٹرزفورم کے موقع پر کیا۔اس موقع پرسیدمنظورعلی دائم، طاہر زیدی،شبیہ الحسن، عروج فاطمہ، نسیم فاطمہ، حسیبہ غوری ودیگرہومیوڈاکٹرزبھی موجودتھے۔ انہوںنے کہا کہ آج ہومیوطریقہ علاج کی افادیت سے انکارنہیںکیا جاسکتا۔ ہرطریقہ علاج کے فروغ سے لاعلاج مریض شفاء یابی حاصل کرسکتاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نارووال(جی پی آئی)سیدنا خواجہ اویس قرنی رضی اللہ عنہ کی دعا سے امت رسول ۖ کی مغفرت ہو گی ۔ مومن کی دعا مومن کے حق میں قبول ہوتی ہے ۔ اللہ تعالیٰ غلامانِ رسول ۖ کے گناہوں پر پردہ پوشی کر کے کرم کی برسات فرماتے ہے ۔ نسبت رسول ۖ دنیا و آخرت کی کامیابیوں کا ذریعہ ہے ۔اپنے مسلمان بھائی کیلئے جگہ خالی کرنا اور خوش دلی سے اُسے ملنا بھی بخشش کا سبب ہے ۔والدین کی دعا اولاد کے حق میں ، استاد کی دعا شاگرد کے حق میں اور پیر کی دعا مریدکے حق میں جلد قبول ہوتی ہے ۔رسول کریم ۖ نے اپنی امت کو امت مرحومہ فرمایا ہے جو قبر میں گناہگار جائیں گے اور حشر میں نیکو کار اٹھا جائیں گے مومنین کی دعا کی برکت سے ۔ مومن کا مومن کیلئے سب سے بڑا تحفہ دعا ہے ۔آج ہم نے دعا کو بھی اختلافی مسئلہ بنا دیا ہے ۔اوقات دعا پر بحث کی جاتی ہے ۔اُمت مسلمہ کے اتحاد و اتفاق کے لئے فروعی اختلافات بھلانے ہوں گے ۔ ان خیالات کا اظہار مرکزی ناظم اعلیٰ تحریک اویسیہ پاکستان علامہ پیر محمد تبسم بشیر اویسی نے ضلعی صدر تحریک اویسیہ پاکستان نارووال چوہدری محمد یعقوب اویسی ایڈووکیٹ کے چچا جان بابا جی صوفی عبد الرشید قادری مرحوم کے ایصال ثواب کیلئے منعقدہ ختم چہلم کے اجتماع سے خطاب کرتے ہوئے کیا ۔ اس موقعہ پر قاری رضاء المصطفےٰ قادری، مولانا قاری محمد ارشد اویسی،حافظ محمد عرفان اسلام اویسی نے خطاب کرتے ہوئے کہا کہ ہماری نجات اسلام کی پاکیزہ تعلیمات پر عمل میں ہے ۔ہمیں ثقافتی ،تہذیبی، معاشرتی اور رسم و رواج کے لحاظ سے اغیار کے طریقوں کو چھوڑنا ہو گا۔ مسلمان کی شان ہے کہ اللہ تعالیٰ اسے گناہ کے بعد توبہ کا موقعہ عطا فرماتا ہے ۔اس موقعہ پر محمد سجاد اویسی،حافظ خلیل الرحمن اویسی،مولانا محمد انور حیدری،محمد الیاس اویسی،حافظ محمد فیاض اویسی،محمد غلام مرتضیٰ اویسی،محمد ثناء اللہ اویسی،محمد فیصل جاوید اویسی،محمد عارف اویسی ،محمد عبد الغفار ،محمد قاسم خان جلالی اور دیگر نے بھی خطاب و ہدیہ نعت پیش کیا ۔ ختم پاک میں علاقہ بھر کی وکلاء ،سیاسی،سماجی ،روحانی اورعلمی اور اہم شخصیات نے شرکت کی۔اختتام پر علامہ پیر محمد تبسم بشیر اویسی سجادہ نشین مرکز اویسیاں نارووال نے مرحوم کی مغفرت اور لواحقین کیلئے صبر جمیل کی دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان مسلم لیگ ق کے رہنما و مسلم لیگ یوتھ ونگ کے مرکزی صدر سید بلال مصطفی شیرازی نے کہا ہے کہ متحدہ اپوزیشن ہی عوام کے دکھوں کا مداوا ہے او ر عوام کو پریشانیوںسے نجات دلاسکتی ہے انہوںنے کہا کہ مسلم لیگ کے سینئر مرکزی راہنما چوہدری پرویز الہٰی کی عوام رابطہ مہم کے سلسلہ میں راولپنڈی کے بعد گوجرانوالہ کے کامیاب جلسے نے کارکنوں میں نیا جوش و ولولہ پیدا کردیا ہے ۔انہوںنے کہا کہ چوہدری پرویز الہٰی نے اپنے وزارت اعلیٰ کے دور میں گوجرانوالہ،حافظ آباد،گجرات،سیالکوٹ، نارووال اور اس سے ملحقہ اضلاع کے دل کے مریضوں کی مشکلات کے پیش نظر وزیرآباد کارڈیالوجی ہسپتال کی تعمیر کا آغاز کیا ہسپتال کی مکمل بلڈنگ ان کے دور حکومت میں مکمل ہوچکی تھی لیکن خادم اعلیٰ کی عدم دلچسپی کے باعث وزیرآباد کارڈیالوجی ہسپتال کوعلاقہ کی عوام کی سہولت کے فعال نہ بنانا بیڈ گورننس کی انتہا ہے جس کے باعث اب تک علاقہ کے 8ہزار دل کے مریض عدم علاج کے باعث وفات پاچکے ہیں جو خادم اعلیٰ کے دعوئوں کے برعکس اور موجودہ حکومت کی صحت پالیسی میں عدم دلچسپی کو ظاہر کرتا ہے اور موجودہ حکومت کی کارکردگی پرسیاہ داغ ہے۔ان خیالات کا اظہار انہوںنے مسلم لیگ ہائوس میں یوتھ ونگ کے عہدیداران و کارکنوں سے گفتگو کرتے ہوئے کیا۔سید بلال مصطفی شیراز ی نے کہا کہ چوہدری پرویز الہٰی کے عوامی فلاحی منصوبوں سے عوام آج تک مستفید ہورہی ہے جن میں 1122سروس ،میٹرک تک مفت تعلیم و درسی کتب کی فراہمی،ہسپتالوں میں مفت ادویات کی فراہمی شامل ہیں انہوںنے کہا کہ انہوں نے کہا کہ موجودہ دور میں ہسپتالوں میں بیڈ ہیں نہ ادویات، مریض ٹھنڈے فرش پر جان دے رہے ہیں، شہبازشریف پنجاب پر پندرہ سال کی حکمرانی میں چوہدری پرویز الہٰی کی 1122 سروس جیسا کوئی منصوبہ نہیں لا سکے،انہوں نے کسانوں، مزدوروں سمیت ہر شعبہ کے لوگوں کی فلاح و بہبود کیلئے بے مثال کام کیے اور انقلابی سہولتیں دیں،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی)گلستان جوہر تھانے کی حدود میں ہفتہ قبل نجی کمپنی میں کام کرنے والے رضوان کو مردہ حالت میں گھر میں پایا گیا تھاانصاف نہ ملنے پر متاثرہ خاندان کا پی ٹی آئی رہنماء حلیم عادل شیخ سے رابطہ حلیم عادل شیخ متاثرین کے گھر پہنچ گئے اس موقع پر مقتول رضوان کے والدنظام الدین نے حلیم عادل شیخ اور میڈیا کو بتایہ کہ بیٹا شادی کے بعد ہم سے الگ رہ رہا تھا اور اس سے شادی بھی زبردستی گن پوائنٹ پر کی گئی تھی جس کے ہم خلاف تھے کچھ دن قبل بیٹے نے فون کیا کہ مجھے پیسوں کی ضرورت ہے اور میں رٹائرڈ ملازم ہوں پینشن سے گھر کا خرچ چلاتا ہوں اور میرا بیٹا ایک آئسکریم کی کمپنی میں کام کرتا تھا میرے پاس پئسے نہیں تھے میں نے اپنی بیوی کے زیورات گروے رکھ کر 52000ہزار روپے اپنے بیٹے کو دیے کچھ دن بعد جب میں بیٹے سے ملنے گیا تو گھر پر تالا لگا ہوا تھا اور وہاں موجود چوکیدار نے بتایا کہ یہ لوگ گھومنے گئے ہیں جس کے بعد میں واپس چلا آیا اور دوسرے دن گیا تو بھی گھر پر تالا تھا جس کے بعد میں نے ان کے موبائل پر فون کرنا شروع کیے کال جا رہی تھی مگر آگے سے کوئی جواب نہیں آرہا تھا تین دن بعد میری بیٹی جوکہ ایک اسکول میں پڑھاتی ہیں اس کے نمبر پر نامعلوم کال آئی اور انہوں نے کہا کہ آپ کے بیٹے کی لاش فلیٹ میں پڑی ہوئی ہے اسے ہم نے ماردیا ہے لاش جاکر لے لو اور پولیس یا کسی اور کو بتایا تو ہم تمہیں اور تمہاری بیٹیوں کو بھی مار دیں گے پھر بھی میں نے پولیس کو بتا یا اور میں اس گھر میں پہنچا تالا توڑنے کے بعد پولیس اندر گئی مجھے اندر جانے نہیں دیا گیا میں باہر روتا رہا پولیس نے جب پوچھا کہ کسی پر شک ہے تو میں نے کہا کہ ابھی میں کچھ نہیں کھ سکتا کچھ دیر بعد انہوں نے مجھے ایک وڈیو دکھائی جس کہ بعد صاف ظاھر ہوا کہ اس میں اس کی بیوی ملوث ہے اور وہ ابھی تک یہاں سے غائب ہے پولیس نے اس سے آگے ہماری کوئی مدد نہیں کی جب ہم لاش لے آئے تو جس نے جنازے نماز پڑھنے تھی اس مولوی کو بھی دھمکیاں دی گئی کے آپ جنازہ نہیں پڑھانا اور اب تک ہمیں ہرروز دھمکیاں ملتی رہتی ہیں ۔ حلیم عادل شیخ نے بزرگ نظام الدین کو انصاف کی مکمل یقین دھانی کراتے ہوئے کہا کہ قاتل سرعام ایک نمبر سے انہیں دھمکیاں دے رہے ہیں پولیس کو چاہے تھا کہ اس نمبر کو ٹریس کرتے اور ان تک پہچا جاتا اور انہیں گرفتار کیا جاتا ہم اس متاثرہ خاندان کا ساتھ دیں گے اور انصاف کے لیے ہر فورم پر ان کے ساتھ جائیں گے حلیم عادل شیخ نے کہا کہ آء جی سندھ اس واقعے پر نوٹس لیں اور انصاف کی فراہمی یقینی بنائیں اگر یہی واقعہ کسی بااثر کے ساتھ پیش آتا تو پورا سسٹم ہل جاتا مگر افسوس کہ مرنے والا ایک غریب کا بیتا ہے جس کی داد فریاد سننے والا کوئی نہیں ہے مگر اب ہم ان کے وارث ہیں ان کی مکمل مدد کریں گے معاشرے میں اس طبقاتی نظام کا خاتمہ ہونا چاہے جہاں امیر کے لیے الگ قانون اور غریب کے لیے الگ قانون ہے انصاف کے حصول کے لیے لوگ در بدر ہیں دھکے کھا رہے ہیں آء جی سندھ سے ہمیں انساف کی مکمل امید ہے ، بعد ازاں اس واقعے پر آء جی سندھ ای ڈی خواجہ نے بھی مقتول رضوان کے والد نظام الدین سے رابطہ کیا اور ان سے تفصیلات معلوم کی اور انصاف کی یقین دھانی کرائی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی)کوہستان اور تھانہ احمد خان کی مشہور سیاسی سماجی شخصیت ملک پھاڑ خان باقاعدہ طور پی ٹی آئی میں شامل اس سے قبل چیئرمین پی ٹی آئی عمران خان سے ملاقات میں وہ شمولیت کرچکے تھے اس حوالے سے ملک پھاڑ خان کی جانب سے گائوں تھانہ احمد خان میں ایک شمولیتی پروگرام منعقد کیا گیا جس میں پی ٹی آئی سندھ کے صدر ڈاکٹر عارف علوی سینئر نائب صدر حلیم عادل شیخ اور دیگر نے شرکت کی اس موقع پر خطاب کرتے ہوئے ڈاکٹر عارف علوی نے کہا کہ تھانہ بولا کان میں ایک بادشاہت قائم کی ہوئی ہے جو لوگ ہمارے ساتھ شامل ہوئے ہیں ان کے ساتھ سماجی رابطے اور ان کی بجلی گیس ساری چیزیں بند کردی جائیں گی اس لیے غریب لوگ اس خوف سے دوسری پارٹیوں میں شامل نہیں ہوتے کیوں کہ وہ لوگ ایک ڈر میں مبتلا ہے اور جب ظلم حد سے بڑھ جاتا ہے تو لوگ خد ایسے بادشاہوں کو اتار پھینکتے ہیں ،سارے سندھ میں لوٹ مار کا بازار سرگرم ہے لوٹ مار چوری امن امان صحت سمیت تمام شعبے بری طرح سے ناکام ہوچکے ہیں اور تحریک انصاف بھرپور کوشش کررہی ہے کہ ان چیزوں میں تبدیلی لائی جائے عوام کے حقوق کے لیے عمران خان نے دنیا کی تاریخ کا بڑا دھرنا دیا جو لوگ سمجھتے ہیں کہ پاناما کیس بھول جائیں گے تو انہیں یہ علم ہونا چاہے کہ عمران خان اس کیس کو بھولنے نہیں دیگا اور اس کیس کو منطقی انجام تک پہنچائے گا ، عمران خان کا اصل مقصد فلاح کا کام کرنا تھا اسی کام کے لیے وہ نکلا تھا اور اس راستے میں اس نے دیکھا کہ اگر کچھ ایدھی اور عمران خان اور ہوجائیں تو یہ معاشرہ ٹھیک ہوسکتا ہے مگر اس میں جو سرکار چوری کر رہی ہے وہ عمران خان اور ایدھی کے بس میں نہیں کہ اسے روکہ جائے کیوں کہ سب سے بڑا فلاحی ادارہ حکومت ہوتی ہے اور وہی حکومت جب فلاح کے کام چھوڑ کر آپ کے اور ہماری جیبیں کاٹنے میں لگ جائے تو اس پر ہمارا فرض بنتا ہے کہ ہم ایسے حکمرانوں کو نکال کر باہر پھینکیں ، ایک رپورٹ کے مطابق 2013سے آج تک 8ارب ڈالر دبئی بھیجے گئے ہیں جوکہ مختلف کاروباروں اور دیگر چیزوں میں استعمال ہورہے ہیں یہ سارا پیسہ چوری کا ہے ، اس موقع پر سرادار پپو خان چاچڑ ، دیوان سچل ،اظہار الحق قادری ، ڈاکٹر مسرور سیال ، امین اللہ موسیٰ خیل ، افتخار فاروقی ،عادل انصاری ، خالد نیازی ، رفیق پالاری ،جاوید خٹک ، عبدالرسول بلالی ، اعجا زملاح ،جونی اوڈو ، طاھر نیازی ،عادل انڈر ، مھیش کمار ، رمیش کمار ، صائمہ ندیم ، انیسہ ولی اللہ ، زنیر املک ، سیما شیخ ، کنول رندھاوا ، درغا ونتی ، شبانہ نواب اور دیگر نے بھی خطاب کیا ،اس موقع پر پی ٹی آئی سندھ کے سینئر نائب صدر حلیم عادل شیخ نے خطاب کرتے ہوئے کہا کہ سندھ میں تیزی سے پی ٹی آئی مضبوط ہورہی ہے سندھ میں ظلم انتہا سے بڑھ چکا ہے وقت دور نہیں جب لوگ اس نظام کے خلاف اٹھ کھڑے ہونگے اور اپنے سپہ سالار عمران خان کی قیادت میں ایک نئے پاکستان کی تعمیر کریں گے سندھ کے لوگ گٹروں کا پانی پینے پر مجبو رہیں بجلی نہیں گیس نہیں ہسپتالیں نہیں کوہستان میں بارانی سسٹم ہوتا ہے یہاں پر ہر سال قحط کی صورتحال ہوجاتے ہے جس میں مال مویشی مرجاتا ہے اس کے آنے والے فنڈز لوگوں کو ملنے کی بجاء وڈیروں اور افسران کی جیبوں میں جارہے ہوتے ہیں سندھ کا عام آدمی دو وقت کی روٹی کے لیے پریشان ہے پیپلزپارٹی نے سندھ کے لوگوں کو سواء رسوائی کے کچھ نہیں دیا پاناما کا معاملہ جلد ختم ہوجائے گا جس کے بعد عمران خان زیادہ وقت سندھ میں دیں گے اور سندھ کے لوگوں میں پھیلی مایوسی ختم ہوجائے گی اس ملک پر قابض ایک مخصوص ٹولے نے ملک کا نظام مفلوج بنادیا ہے عمران خان اس قوم کی امید ہیں عوام عمران خان کے ہاتھ مضبوط کرے کیوں کی عمران خان ہی وہ لیڈر ہے جو اس ملک کو ترقی یافتہ ملکوں میں شامل کرسکتا ہے اس موقع پر نئے شامل ہونے والے ملک پھاڑ خان نے کہا کہ ہم اس ظلم سے تنگ آچکے ہیں اگر ہمیں کوئی اس ملک کا خیرکواہ اور لوگوں کا مسیحا نظر آتا ہے تو وہ عمران خان ہیں عمران خان اس ملک سے غربت بیروزگاری اندہیروں کا خاتمہ کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)سینئرصوبائی وزیر اور قو می وطن پارٹی کے صوبائی چیئرمین سکندر خان شر پائو نے کہا ہے کہ پختونوں کے نام پر سیاست کرنے والوں نے بڑی طاقتوں اور اپنے ذاتی مفادات کا تحفظ کرتے ہو ئے پختون قوم کے مفادات پر سودے بازی کی جس کے نتیجے میں پختون بے پنا ہ وسائل اور تاریخی ،سیاسی و جغر فیائی اہمیت کے باوجود تباہی و بر بادی اور پسماندگی کی زندگی گزار رہے ہیں ۔انھوں نے کہا کہ اس کے بر عکس قومی وطن پارٹی ہی پختونوں کی مفادات کی نگہبان پارٹی ہے جو سی پیک ،مردم شماری ، بجلی ،گیس اور دیگر صوبائی وسائل میں صوبہ کے مفادات کا جنگ لڑ رہی ہے۔انھوں نے پیشن گوئی کی کہ ائندہ الیکشن میں قومی وطن پارٹی زبردست کامیابی حا صل کریگی ۔وہ پیر کے روز (خادی ) ہال مینگورہ میں پارٹی کے ضلعی تنظیم کے اعلان کے موقع پر منعقدہ تقریب سے خطاب کررہے تھے۔اس موقع پر مرکزی وائس چیئر مین شجاع الملک ،صوبائی جنرل سیکرٹری ہاشم بابر اور ڈویژنل چیئرمین فضل رحمان نونو کے علاوہ پارٹی عہدیدار اور ورکرز بھی کثیر تعداد میں موجود تھے۔سکند ر شرپائو نے کہا کہ انتخابات میں کامیابی کیلئے پارٹی کو مضبوط تنظمیوں کی ضرورت ہے اور تنظیمں تب مضبوط ہوں گی جب ہر عہدیدار اور ورکر پارٹی کی کامیابی کیلئے دل و جان سے کام کرے گا۔انھوں نے کہا کہ مخلص قیادت کے فقدان کے باعث پختون خطہ محرومی اور پسماندگی کا شکار ہے تاہم پختون قوم کی نظریں اب ملی رہبر آفتا ب احمد خان شیر پائو پر لگی ہیں کیونکہ وہ اس خطے کے واحد لیڈرہیں جو خطے کی قیادت کی صلاحیت اور قوم کا درد رکھتے ہیں انھوں نے کہا کہ قومی وطن پارٹی مردم شماری اور فاٹا کے پختونخوا میں انضمام کے مطالبات منوانے میں بھی کو ئی کسر نہیں چھوڑے گی کیونکہ مردم شماری اور فاٹا کے ا نضمام کے نتیجے میں پختونوں کو کم از کم (75)ارب روپے سالانہ اضافی ملنے کی توقع ہے ۔اسی طرح آبادی میں اضافہ کی صورت میں دیگر بے شمار شعبوں میں پختونوں کے حصے میں اضافہ ہوگا۔ سکندر شیر پائو نے اس مو قع پر رفیع الملک خان کو ضلعی چیئرمین،شاہ دوران کو ضلعی جنرل سیکرٹری ، مصطفی کمال ، محمد رسول، طلحہ حیات ،حیدر علی خان اور ریاض خان کو وائس چیئر مین ،امجد خان کو سینئر وائس چیئرمین ، بہرام خان کو پریس سیکرٹری اور رحم غفران کو سوشل میڈیا انچارج مقر ر کرنے کا اعلان کیا ۔اسی طرح انھوں نے رفیع الملک خان کی ضلعی چیئر مین شپ کے باعث خالی ہونے والے صوبائی وائس چیئر مین کے عہد ے پر شیر بہادر زادہ خان کو صوبائی وائس چیئر مین مقر ر کرنے کا اعلان کیا ۔قبل ازیں فضل رحما ن نونو نے ضلع سوات میںپارٹی کی صورتحال پر تفصیل سے روشنی ڈالی جبکہ رفیع الملک خان نے مہمانوں کا شکریہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)یونین کونسل ملوک اباد بیبر ہوڈ کونسل میں ناظم فواد اور نائب ناظم عقیل کے خلاف عدم تحریک عدم اعتماد پیش کی گئی ،نیبر ہوڈ کونسل کے دس ممبران میں سے چھ نے تحریک کے حق میں ووٹ دیکر عدم اعتماد کو کامیاب بنایا ،امجد علی ناظم اور گل رحمن نائب ناظم منتخب ،اجلاس میں اے اے سی گوہر علی،الیکشن کمیشن کے نمائندوں ،ڈائریکٹر بلدیات کے نمائندوں سمیت یونین کونسل کے تین سیکرٹریوں نے شرکت کی تحریک عدم اعتماد امجد علی اور گل رحمن نے پیش کی جس کی حمایت میں یوتھ کونسلر پیر اعجازالحق ،کسان کونسلر راجہ عصمت علی ،جنرل کونسلر روزہ دین بابو اور جنرل کونسلر سمیع اللہ نے ووٹ دئیے جبکہ مدمقابل امیدوار سابق ناظم این سی ون فواد اور نائب ناظم عقیل کے حق میں صرف جنرل کونسلر طفیل اور جنرل کونسلر اقبال حسین نے ووٹ دئیے اس طرح امجد علی چھ ووٹوں کے ساتھ ناظم جبکہ گل رحمن چھ ووٹوکے ساتھ نائب ناظم منتخب ہوگئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)اسسٹنٹ کمشنر محمد فیاض خان کو اے ڈی سی ضلع شانگلہ تعینات کیا گیا اس سے قبل محمد فیاض خان ضلع شانگلہ میں بطور اسسٹنٹ کمشنر تعینات رہے تفصیلات کے مطابق اسسٹنٹ کمشنر محمد فیاض کو ایڈیشنل ڈپٹی کمشنر ضلع شانگلہ تعینات کردیاگیا جس پر اہلیان شانگلہ نے خوشی کا اظہار کردیا موصوف کچھ عرصہ قبل ضلع شانگلہ میں تحصیل الپورئی کے اسسٹنٹ کمشنر رہے موصوف کا شمار ایماندار اور فرض شناس افیسروں میں ہوتا ہے جس نے عوامی مسائل کے حل کیلئے دن رات کام کیا اور اہلیان شانگلہ کے دل جیت لئے محمد فیاض خان کے بطور ایڈشنل ڈپٹی کمشنر تعیناتی سے اہلیان شانگلہ میں خوشی کی لہر دوڑ گئی اور اس امید کا بھی اظہار کردیا کہ محمد فیاض خان پہلے سے زیادہ ضلع شانگلہ اور اہلیان شانگلہ کیلئے کام کریںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)ایم پی اے فضل حکیم کی کوششوں سے مینگورہ شہر میں لو پریشر کا مسئلہ کافی حد تک کم ،ایک مہینہ بعد گھریلو صارفین نے سوئی گیس دیکھ لیا ،گزشتہ روز ممبر صوبائی اسمبلی اور ڈیڈک کمیٹی کے چیر مین فضل حکیم خان نے جی ایم سوئی گیس کو فون کرکے سوات کے سوئی گیس صارفین کے مسائل سے اگاہ کیا اور کہا کہ سوات کے عوام صوبہ بھر میں ایبٹ آباد کے بعد زیادہ بل جمع کرنے والے ہیں لیکن اسکے باوجود ان پر ظالمانہ لوڈشیڈنگ کا سلسلہ جاری ہے اور لوپریشر کے وجہ سے عوام کو شدید مشکلات کا بھی سامنا ہے جس پر فوری طور پر انہوں نے لو پریشر ختم کرنے کے احکامات جاری کر دئے اور مینگورہ شہر میں گیس کے مسئلے میں کمی ائی اس موقع پر فضل حکیم نے میڈیا کو بتایا کہ مینگورہ شہر میں گیس لوڈشیڈنگ اور لو پریشر کے وجہ سے گھریلو صارفین کو گیس نہیں مل رہا تھا جس پر ہم نے سی این جی سٹیشن بند کردئے اور سٹیشن مالکان کو کروڑوں روپے کا نقصان اس وجہ سے بوجھ ڈالا ہے کہ گھریلو صارفین کو گیس مل سکیں لیکن اسکے باوجود یہ نہایت ظلم ہے جس کیلئے ہر فورم پر اواز اٹھایا جائیگا انہوں نے کہا کہ اس سلسلے میں گزشتہ رو ز اسمبلی فلور پر بھی اواز اٹھائی تھی میں عوام کا خادم ہوں اور عوام کی فلاح و بہبود کیلئے کسی بھی قربانی سے دریغ نہیں کرونگا انہوں نے کہا کہ میں اپنے قوم سے مخلص ہوں اور انکے لئے ہر وقت حاضر ہوں انہوں نے کہا کہ سوات کیلئے 120 پریشر کے بجائے صرف 40.50 پریشر دنیا زیادتی ہے اس سلسلے میں مذید اگے بھی بات کرونگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)تین ارب روپے کی لاگت سے 109 کلومیٹر بارہ انچ گیس پائپ لائن کی تکمیل سے سوئی گیس لوپریشر کا مسئلہ مکمل حل ہوجائیگا ، سوئی گیس لو پریشر کا مسئلہ صرف سوات میں نہیں خیبر پختونخوا کے دیگر شہروں سمیت ملک بھر میں ہے ، امسال پورے ملک میں بارشیں ہوئیں اور موسم سرد ہونے سے اس کے استعمال میں اضافہ ہوا اور کم پریشر کا مسئلہ شروع ہوگیا ، جس کے حل کیلئے حکومت سمیت محکمہ سوئی گیس اقدامات اٹھا رہی ہے ، ان خیالات کا اظہار ضلعی ناظم محمد علی شاہ اور انچارج سوئی گیس ماصم خان نے سوات پریس کلب میں سوئی گیس لوپریشر کے حوالے سے پریس کانفرنس سے خطاب کرتے ہوئے کیا ، انہوں نے کہا کہ کم پریشر کے خاتمے کیلئے پچھلے سال کی طرح امسال بھی سی این جی اسٹیشنز بند کردئے گئے ہیں لیکن استعمال زیادہ ہونے سے کچھ علاقوں میں پریشر کا مسئلہ ہے جس کے حل کیلئے محکمہ اقدامات اٹھارہی ہے ، انہوں نے کہا کہ مشیر وزیر اعظم انجینئر امیر مقام کی کوششوں سے مردان ٹوسوات 12 انچ پائپ لائن منصوبے کا افتتاح کیا گیا ہے جو جلد پایہ تکمیل تک پہنچ کر یہاں کے عوام کے گیس کا مسئلہ حل ہوجائیگا ، انہوں نے کہا کہ سوات کے منتخب ممبران اسمبلی نے تین سال میں کوئی بھی میگا پراجیکٹ نہیں لایا اور مشیر وزیراعظم نے کڈنی ہسپتال سمیت بجلی فیڈرز اور دیگر بے شمار تعمیراتی و ترقیاتی منصوبے لائے جس سے عوام مستفید ہورے ہیں ، انہوں نے کہا کہ عوام افواہوں اور پرا پیگنڈوں کے بجائے عملی اقدامات کی طرف دیکھیں اور کام کرنے والوں کی حوصلہ افزائی کریں ، آخر میں انچارج سوئی گیس ماصم نے کہا کہ جنریٹر اور کمپریسر کا استعمال ختم کیا جائے تو کم پریشر کا مسئلہ کم ہو جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی) ڈسٹرکٹ پولیس آفیسرمحمد اعجاز خان کا اچانک تھانہ مدین کادورہ ،دورے کیدوران انہوں نے تھانہ کی بلڈنگ،مالخانہ اور حوالات کا معائینہ کیا،تھانہ کا ریکارڈ چیک کرتے ہوئے زیر تفتیش مقدمات کا بغور جائزہ لیا۔ تفصیلات کے مطابق ڈسٹر کٹ پولیس آفیسر محمد اعجاز خان نے تھانہ مدین کا اچانک دورہ کیادورے کے دوران انہوں نے موجود محرر سٹاف کو ہدایات جاری کرتے ہوئے کہا کہ وہ تھانہ کا ریکارڈ درست رکھا کرے صفائی کا خاص خیال رکھیں ،تھانہ میں موجود جوانوں کے مسایئل سنے،اور حل کر نے یقین دہانی کرائی انہوں نے کہاکہ علاقہ میں امن وامان لانا پولیس کا اولین فرض ہے اور معاشرے سے جرائم اور جرائم پیشہ افراد کو ختم کرنے کیلئے پولیس اپنے تمام تر وسائیل بروئے کار لاکر معاشرے سے اس ناسورکا خاتمہ کرینگے ۔بے جاسفارشات پر کوئی کاروائی نہیں ہوگی اور جرائم پیشہ افراد کیلئے علاقہ میں کوئی جگہ نہیں اور نہ ہی کسی مجرم کیساتھ رعایت کی جائیگی۔جرائم میں ملوث اہلکاروں کیلئے محکمہ پولیس میں کوئی جگہ نہیں غفلت کرنیوالے اہلکاروں کیخلاف سخت کاروائی کیجایئگی ،اس موقع پر ایس ڈی پی او شوکت علی بھی ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)عوامی نیشنل پارٹی کے ضلعی نائب صدرعاصمہ دلاور نے کہا ہے کہ رہبر تحریک عبدالولی خان غیر ت مند پختون لیڈر تھے ، جنہوں نے ملک میں جمہوریت کے لئے جدوجہد کی ان کی زندگی ہمارے لئے ایک کھلی کتاب کی مانند ہے،انہوںنے کہاکہ خدائی خدمتگار تحریک کے بانی خان عبدالغفار خان اور رہبر تحریک اے این پی خان عبدالولی خان کی برسی کے حوالے سے منعقدہ ایک بڑے تقریب سے خطاب کرتے ہوئے کیا ،انہوںنے کہاکہ باچا خان پختونوں کے محسن تھے جنہوں نے جنگ آزادی میں ایک کلیدی کردار ادا کیا ہے ، باچا خان نے پختونوں کو عدم تشدد کا فلسفہ دیا ، آج ان کی جدوجہد کی وجہ سے پختونوں میں صبر وتحمل پایاجاتا ہے ، انہوں نے کہاکہ ، انہوں نے کہاکہ بدقسمتی سے پاکستان میں دھرتی کے مفاد کے بجائے بڑی قوتوں کی مفاد میں پالیسیاں بنائی جاتی ہیں جس کا خمیازہ پاکستانیوں کو بھگتنا پڑتا ہے۔