گجرات (جی پی آئی) سنگت فائونڈیشن کے وفد نے انتخابی اصلاحات کے حوالہ سے عوامی رابطہ مہم کے سلسلہ میں مختلف سیاسی راہنمائوں اور الیکشن کمیشن کے حکام سے ملاقاتیں کیں۔ تفصیلات کے مطابق سنگت فائونڈیشن کے وفد نے ڈسٹرکٹ کوارڈی نیٹر مس شہناز رفیق کی سربراہی میں ڈسٹرکٹ الیکشن کمیشن آفس کے ہمراہ ضلعی امیر ڈاکٹر طارق سلیم اور ضلعی صدر پاکستان مسلم لیگ (ن) شعبہ خواتین نگہت اقبال قریشی سے علیحدہ علیحدہ ملاقات کی۔ ملاقات کے دوران وفد نے سنگت فائونڈیشن کی کارکردگی پر تفصیلی تبادلہ خیال کیا اور 2015 کے بلدیاتی انتخابات کے دوران مختلف مسائل کے بارے میں بتایا۔ سنگت فائونڈیشن کے زیر اہتمام ایک پبلک فورم منعقد کیا جائے گا۔ جس میں الیکشن کے حوالہ سے عوامی مسائل پر گفتگو کی جائے گی۔ تمام راہنمائوں کو اس فورم میں شرکت کی دعوت دی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اے ڈی سی جی گجرات عرفان علی کاٹھیا نے چیئرمین گجرات ہومیو پیتھک میڈیکل کالج ڈاکٹر وکیل چوہدری کے بہنوئی کی وفات پر ان سے تعزیت کا اظہار کیا اور مرحوم کی روح کے ایصال ثواب کیلئے فاتحہ خوانی کی اس موقع پر اہم شخصیات بھی موجود تھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)ڈی سی او لیاقت علی چٹھہ نے کہا ہے کہ چھٹی قومی مردم شماری کے لئے گجرات میں عملہ کی ڈیوٹیا ں لگا دی گئی ہے، ضلعی ہیڈ کوارٹرز اور تینوں تحصیل دفاتر میںکنٹرول روم قائم کر دیے گئے ہیں جبکہ فیلڈ سٹا ف کی ٹریننگ کا آغاز مارچ میں کر دیا جائے گا۔ ان خیالات کا اظہار انہوںنے مردم شماری کے انتظامات کا جائزہ لینے کیلئے منعقدہ اجلاس سے خطاب کرتے ہوئے کیا، اے ڈی سی /فوکل پرسن عرفان علی کاٹھیا، اسسٹنٹ کمشنر ز میاں اقبال مظہر،نورالعین، اسسٹنٹ مردم شمار ی آفیسر ریاض چوغتہ، محمد اسد، ایجوکیشن آفیسرز رفعت النسائ، محمد پرویز ، سماجی کارکن نگہت قریشی و دیگر بھی موجود تھے۔ ڈی سی او لیاقت علی چٹھہ نے کہا کہ ضلع گجرات میں مردم شماری کے دوران تینوں تحصیلوںاور کنٹونمنٹ ایریا میں 47چارج سپرنٹنڈنٹس، 373سرکل سپروائزر، 2332شمار کنندگان فرائض سرانجام دیں گے جبکہ پاک فوج کے جوان بھی مردم شماری کے عمل میںمعاونت کریںگے، متبادل کے لئے 10فیصد اضافی سٹاف بھی رکھا گیا ہے جبکہ مجموعی طور پر مردم شماری کے لئے 3029سٹاف ڈیوٹی دیگا۔ ڈی سی او لیاقت علی چٹھہ نے ہدایت کی کہ مردم شماری کے لئے تعینات کئے گئے سٹاف کی فہرستیں ایجوکیشن ڈیپارٹمنٹ کو فراہم کی جائیں تاکہ ایسے سٹاف جنکی امتحانات میں ڈیوٹی لگی ہو انکا متبادل انتظام کیا جا سکے اسی طرح خواتین ٹیچرز کو بطور شمار کنندگان تعینات کرنے کے عمل میں نہایت احتیاط کا مظاہر ہ کیا جائے۔ فوکل پرسن عرفان علی کاٹھیا نے اجلاس کوبتایا کہ کنٹرول رومز اور ماسٹر ٹرینرز کا نوٹیفکیشن جلد جاری کر دیا جائے گا ۔انہوںنے کہا کہ اس امر کو یقینی بنانا ہوگا کہ تمام فیلڈ سٹاف ٹریننگ کے دوران حاضر ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ضلعی انتظامیہ نے فلور ملزمالکا ن کو ہدایت کی ہے کہ آئندہ آٹے کے ہر تھیلے کے ساتھ فلور ملز کا نام،تھیلے کا وزن، مینوفیکچرنگ (پسائی) اور ایکسپائری کی تاریخ پر مشتمل سٹکر بھی لف کرینگے ، فلور ملزایسویسی ایشن ایک ہفتے میں ہدایات پر عمل درآمد یقینی بنائے، اسسٹنٹ کمشنرز آئندہ بدھ سے اس حوالے سے باقاعد ہ چیکنگ کا آغاز کر دیں گے جبکہ خلاف ورزی کے مرتکب عناصر کے خلاف قانون کیمطابق سخت ایکشن ہوگا۔ ان خیالات کا اظہار ڈی سی او لیاقت علی چٹھہ نے فلور ملز ایسویسی ایشن کے عہدیداروں کے اجلاس سے خطا ب کرتے ہوئے کیا، اے ڈی سی/ڈائریکٹر فوڈ اتھارٹی عرفان علی کاٹھیا، ڈی او سی احمد رضا، اسسٹنٹ کمشنر ز میاں اقبال مظہر، نورالعین ، شعیب نسوانہ، ڈ ی ایف سی شاہنوازچوہان ، سینئر صحافی وسیم اشرف بٹ، صدر فلور ملزایسویسی ایشن چوہدری افتخار احمد ، عہدے دار نواز بٹ، فیاض چیمہ، عثمان پرویز، چوہدری مظہربھی اس موقع پر موجود تھے۔ ڈی سی او لیاقت علی چٹھہ نے کہا کہ پنجاب حکومت اور ضلعی انتظامیہ شہریوں کو صحت بخش اشیائے خورد و نوش کی فراہمی کا عزم کئے ہوئے ہے اس مقصد کے لئے فوڈ اتھارٹی کا کریک ڈائون بھی جاری ہے۔ انہوںنے کہا کہ اس حوالے سے شکایات سامنے آئی ہیں کہ فلور ملز آٹے کے تھیلے پر پسائی اور اسکے استعمال کی معیاد درج نہیںکرتیں اور زائد المعیاد آٹا بھی فروخت کرکے شہریوںکی صحت کو نقصان پہنچایا جا رہا ہے۔ انہوںنے فلور ملز ایسویسی ایشن کے نمائندوںکو ہدایت کہ آٹے کے ہر تھیلے پر اسکے اوپر والے حصے کی طرف سلائی کے ساتھ سٹکر لگایا جائے گا جس پر فلور ملز کا نام، آٹے کے تھیلے کا وزن، پسائی اور اسکی معیاد کی تاریخ درج ہو گی۔اجلاس میں فیصلہ کیا گیا کہ پسے ہوئے آٹے کی زیادہ سے زیادہ معیاد ایک ماہ ہوگی جبکہ فلور ملزآٹے کے وزن کو یقینی بنانے کی بھی ذمہ دار ہوںگی جبکہ ایسویسی ایشن ہی تمام ممبران کو آگاہ کرنے کی پابند ہوگی۔ ڈی سی او لیاقت علی چٹھہ نے اسسٹنٹ کمشنرز کو ہدایت کی کہ فلور ملز ایسویسی ایشن کو دی گئی ہدایات پر عمل درآمد کا جائزہ لینے کے لئے آئندہ بدھ سے چیکنگ کا آغاز کر دیا جائے نیز آٹے کے تھیلے کا وزن بھی چیک کیا جائے ۔ انہوںنے واضع کیا کہ ہدایات پر عمل نہ کرنیوالوں سے کوئی رعایت نہیںہوگی۔ اس سے قبل ڈی ایف سی نے بتایا کہ فلور ملز کو پہلے ہی اس حوالے سے ہدایات جاری کر دی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی )ڈی سی او لیاقت علی چٹھہ نے ڈی پی او گجرات کی سفارش پر پنجاب سکیورٹی آف ولنر ایبل اسٹیبلشمنٹ آرڈیننس 2015کے تحت چیمبر آف کامرس جی ٹی روڈ گجرات کو سکیورٹی کے لحاظ سے حساس قرار دے دیا ہے۔ اس حوالے سے جاری نوٹیفکیشن کے مطابق چیمبر انتظامیہ دفتر کی سکیورٹی انتظامات کی ذمہ دار ہوگی۔ نوٹیفکیشن کے تحت ناقص انتظامات پر عمارت کو سیل کیا جا سکتا ہے جبکہ متعلقہ ایس ایچ او اس حوالے سے سکیورٹی کے معائنہ اور رپورٹ کا ذمہ دار ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) پرائیویٹ سکولز کی رجسٹریشن کے حوالے سے اہم اجلاس زیر صدارت ڈی سی او لیاقت علی چٹھہ منعقد ہو ا جس میں ڈسٹرکٹ مانیٹرنگ آفیسر احمد رضا، ای ڈی او ایجوکیشن طاہر کاشف، پرائیویٹ سکولز ایسویسی ایشن کے طارق جاوید، شہزاد شادابیہ، اور ذیشان بٹ نے شرکت کی۔ اجلاس میں بتایا گیا کہ 30پرائیویٹ تعلیمی اداروں نے رجسٹریشن کی درخواست کی ہے تاہم انکی بلڈنگ فٹنس سرٹیفکیٹ درکارہے جس پر ان کیسز پر مزید کاروائی فٹنس سرٹیفکیٹ تک موخر کر دی گئی۔ اجلاس میں فیصلہ کیا گیا کہ بلڈنگز ڈیپارٹمنٹ کے علاوہ شادابیہ ایسویسی ایٹس سے بھی بلڈنگز فٹنس سرٹیفکیٹ حاصل کیا جا سکے گا ۔ اجلاس میں فیصلہ کیا گیا کہ بلڈنگز یہ سرٹیفکیٹ زیادہ سے زیادہ 5سال کے لئے ہوگا، اسکی فیس دو روپے فی مربع فٹ کور ایریا ہوگی بلڈنگ میں سامنے لائے جانے والے نقائص دور کرنا سکول انتظامیہ کی ذمہ داری ہوگی۔ اجلاس میں فیصلہ کیا گیا کہ رجسٹریشن کے لئے پرائمری سکول کا رقبہ کم از کم 7مرلے، مڈل کیلئے 10مرلے، ہائی سکول کے لئے کم از کم رقبہ 1کنال ہونا لازمی ہوگا۔ ڈی سی او لیاقت علی چٹھہ نئے سکولوںکی رجسٹریشن کے حوالے سے ہدایت کی کہ افسران نہایت ذمہ داری کا مظاہرہ کریں ، طلبہ کے مستقبل اور انکی زندگیوں کو محفوظ بنانے کے لئے اپنے فرائض ذمہ داری سے انجام دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)ڈسٹرکٹ ہاکی ایسوسی ایشن کے جنرل سیکرٹری عامر اسلم نے کہا ہے کہ گجرات ہاکی کے حوالہ سے شاندار روایات کا حامل ہے مگر ہمیشہ اسے نظر انداز کیا جاتا رہا ہے۔ سابق دور میں حکومت نے گجرات جمنیزیم کے ساتھ آسٹرو ٹرف گرائونڈ کا منصوبہ منظور کیا تھا جو کہ تاحال مکمل نہیں ہو سکا۔ مقامی سیاستدانوں اور ضلعی افسران سے ہماری اپیل ہے کہ وہ ہاکی جو کہ ہمارا قومی کھیل ہے اس کی جانب توجہ دیں اور گجرات شہر کیلئے آسٹرو ٹرف کا منصوبہ مکمل کیا جائے۔ یہ مکمل مقامی سطح پر ہاکی کے فروغ کیلئے بہت بڑا قدم ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)17 ویں سالانہ محفل نعت ”عقیدت کے پھول ”18 فروری بروز جمعرات مہمدہ چوک گجرات میں منعقد ہو گی۔ جس کی صدارت پیر سید مبارک علی گیلانی آستانہ عالیہ منڈھیر شریف کریں گے۔ جو کہ زیر قیادت صاحبزادہ رضوان منصور آوانی منعقد ہو گی۔ زیر سرپرستی پیر سید سعید احمد شاہ گجراتی ‘ مفتی عبدالقادر نعیمی’ پیر سید جماعت علی شاہ ‘ شیخ عرفان پرویز’ خالد چیمہ’ حاجی افضل کپور’ و دیگر اہم شخصیات شرکت کریں گی۔ خصوصی خطاب صاحبزادہ مولانا خادم حسین رضوی’ کریں گے۔ نقابت کے فرائض خاور بشیر بٹ گولڑوی سرانجام دیں گے۔ عمر شریف قادری کی زیر نگرانی منعقد ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)نوجوان نسل کی بہتر تعلیم و تربیت کیلئے دی ایجوکیٹرز بارہ دری کیمپس نے بچوں کی بہتر تعلیم و تربیت کیلئے اپنے اساتذہ کی ٹریننگ کا سلسلہ شروع کیا ہوا ہے ان خیالات کا اظہار شہزاد شفیق نقشبندی ڈائریکٹر دی ایجوکیٹرز بارہ دری کیمپس نے آکسفورڈ یونیورسٹی پریس کے زیر اہتمام دی ایجوکیٹرز بارہ دری کیمپس میں ٹیچرز ٹریننگ کورس کے موقع پر کیا۔ جس میں مطالعہ پاکستان اور میتھ کے ٹیچرز کی ٹریننگ کی گئی۔ شہزاد شفیق نے کہا کہ ماسٹر ٹرینرز بلانے کا مقصد یہ ہے کہ اساتذہ میں پڑھانے کی صلاحیتیں بہتر ہوں۔ اور وہ اپنے سبجیکٹ کو سمجھتے ہوئے بچوں کی تربیت کا فریضہ سرانجام دیں۔ اساتذہ کا فرض ہے کہ وہ اپنی پیشہ وارانہ صلاحیتیوں کو بہتر کریں اور اپنی ٹریننگ کی طرف توجہ دیں کیونکہ جب تک اساتذہ کی بہتر تعلیم و تربیت نہیں ہو گی وہ بچوں کو پڑھا نہیں سکیں گے۔ دی ایجوکیٹرز بارہ دری کیمپس اس سلسلہ میں اپنے فرائض احسن طریقے سے سرانجام دے گا اور اساتذہ کی ٹریننگ کا سلسلہ جاری رکھے گا۔ اس موقع پر آکسفورڈ یونیورسٹی پریس کے ماسٹر ٹرینرز نے مختلف موضوعات پر اساتذہ کی راہنمائی کی تاکہ وہ بچوں کو صحیح انداز میں پڑھا سکے۔ اس موقع پر اساتذہ میں شیلڈز بھی تقسیم کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) جامعہ گجرات کے چوتھے جلسۂ عطائے اسناد2016ء کا انعقاد18فروری2016ء بروز جمعرات ہو گا۔ ترجمان جامعہ گجرات کے مطابق یونیورسٹی آف گجرات کے اس چوتھے کانووکیشن کے انعقاد کے لیے تمام انتظامات کو حتمی شکل دے دی گئی ہے۔ امسال کانووکیشن2016ء میں2013ء اور2014ء میں فارغ التحصیل ہونے والے طلبا وطالبات کو اسناد سے نوازا جائے گا۔اس سلسلہ میں فل ڈریس ریہرسل کا انعقاد آج جامعہ گجرات کے حافظ حیات کیمپس میں ہو گا۔ کنٹرولر امتحانات جامعہ گجرات احمد جمیل ترک کے مطابق تقریباً پانچ ہزار طلبا و طالبات کو اس کانووکیشن میں اسناد عطا کی جائیں گی۔ علاوہ ازیں جامعہ گجرات کے مختلف شعبہ جات کے زیر اہتمام منعقدہ امتحانات میں بہترین کارکردگی دکھانے والے 122پوزیشن ہولڈر طلبا و طالبات کو گولڈ میڈل عطا کیے جائیں گے۔ وائس چانسلر جامعہ گجرات پروفیسر ڈاکٹر ضیاء القیوم نے نمائندہ خصوصی سے بات کرتے ہوئے کہا کہ جامعہ گجرات اپنی بہترین تعلیمی کاوشوں کے ذریعے ملک عزیز کی نوجوان نسل کو علمی شعور سے بہرہ ور کرنے میں شب و روز کوشاں ہے۔ معیارِ تعلیم کے اغراض و مقاصد کو حاصل کرنے کے لیے جامعہ گجرات کی تمام ٹیم یکسُو ہو کر اپنی ذمہ داریاں احسن طریقہ سے نبھا رہی ہے۔ نیز جامعہ گجرات معاشرہ کی ترقی وبہتری کے حوالہ سے بھی اپنے سماجی کردار کو ہمہ تن نبھاہتے ہوئے طلبا و طالبات میں سماجی خدمت کے جذبہ کو بدرجۂ اتم پروان چڑھا رہی ہے تاکہ طلبا و طالبات زندگی کی عملی راہوں پر ملک و قوم کے بہترین اور ذمہ دار شہری ثابت ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) جامعہ گجرات کے زیر اہتمام ایم اے ایم ایس سی ایم کام پارٹ فرسٹ و سکینڈ کے سپلیمنٹری امتحانات 2015ء کا آغاز یکم مارچ2016ء بروز منگل سے ہو گا۔ کنٹرولر امتحانات جامعہ گجرات احمد جمیل ترک کے مطابق ان امتحانات کے انعقاد کے سلسلہ میں تفصیلی شیڈول کا اعلان کر دیا گیا ہے۔ اعلامیہ کے مطابق ریاضی، انگریزی، سیاسیات، نفسیات، معاشیات، اسلامیات، اُردو، اطلاقی نفسیات، فزکس، کامرس اور فائن آرٹس کے مضامین کا امتحان ہو گا۔ ان امتحانات کے انعقاد کے سلسلہ میںUOGکالج برائے بوائز جی ٹی روڈ گجرات، گورنمنٹ علامہ اقبال کالج (بوائز) سیالکوٹ اور گورنمنٹ کالج جی ٹی روڈ جہلم کو امتحانی مراکز قرار دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اسسٹنٹ کمشنر سرائے عالمگیر شعیب نسوانہ نے رکھ پبی جنگل سے لکڑی چوری کرنے اور ٹال پر فروخت کرنے پر محکمہ جنگلات کے 2اہلکاروں ، ٹال مالک سمیت 7ملزمان کے خلاف تھانہ صدر سرائے عالمگیر میں مقدمات درج کرادیے ہیں، ملزمان کا ٹریکٹر قبضہ میں لے لیا گیا ہے اور نہیں گرفتار کرکے تفتیش شروع کر دی گئی ہے۔ ڈی سی او لیاقت علی چٹھہ کی شکایات موصول ہوئی تھیں کہ بعض افراد رکھ پبی جنگل سے لکٹر ی چوری کرکے جنگل کو نقصان پہنچا رہے ہیں اور انہوںنے قریبی گائوں ڈیرہ بیساں میں لکڑی کا غیر قانونی ٹال بھی بنا رکھا ہے ۔ڈی سی او نے فوری نوٹس لیتے ہوئے اے سی سرائے عالمگیر شعیب نسوانہ کو جنگل کی نگرانی سخت کرنے کی ہدایت کردی ۔14فروری کو اے سی سرائے عالمگیر شعیب نسوانہ کو اطلاع ملی کہ بعض افراد چوری کی نیت سے رکھ پبی جنگل سے لکڑی کا ٹ رہے ہیں جس پر فوری ایکشن لیتے ہوئے وہ اپنے عملہ کے ہمراہ موقع پر پہنچے جہاں بلاک آفیسر شبیر اور فارسٹ گارڈ یونس کی ملی بھگت سے ملزمان محمد زمان، محسن منیر، علی حسن اور ظفراقبال لکڑی کاٹ رہے تھے۔ اسسٹنٹ کمشنر اور انکی ٹیم کو دیکھ کر بلاک آفیسر شبیر موقع سے فرار ہوگیا جبکہ دیگر ملزمان فارسٹ گارڈ یونس وغیر ہ کو موقع سے گرفتار کر لیا گیا اور انکا ٹریکٹر نمبر HZA-6769سمیت حراست میں لے کر انکے خلاف تھانہ سرائے عالمگیر میں مقدمہ نمبر 29/2016 درج کرادیا نیز جنگل کی نگرانی مزید سخت کردی گئی۔ گذشتہ روز ایک بار پھر اطلاع ملی کہ رکھ پبی کے نواحی موضع ڈیرہ بیساں میں منظوراحمد نامی شخص نے لکڑی کا ٹال بنا رکھا ہے اور بلاک آفیسر شبیر کی مدد سے لکڑی کا ٹ رہا ہے جس پر اسسٹنٹ کمشنر شعیب نسوانہ ٹیم کے ہمراہ فوری موقع پر پہنچے جہاں ملزمان منظور ولد کر م داد سکنہ ڈیرہ بیساں، بلاک آفیسر شبیر احمد کی مدد سے لکڑی کاٹ رہا تھا، ٹیم نے فوری طور پر کاروائی کرتے ہوئے بلاک آفیسر شبیر کو حراست میں لے لیا جبکہ ہمراہی ملزم منظور موقع سے فرار ہو گیادونوں کے خلاف تھانہ صدر سرائے عالمگیر میں مقدمہ نمبر32/2016درج کرا دیا گیا۔ ابتدائی تفتیش کے دوران معلوم ہوا کہ شبیر کے ہمراہی ملزم منظور نے جنگل سے صرف ادھا کلومیٹر دور موضع بیساں میں لکڑی کا ٹال قائم کررکھا تھا جہاں وہ جنگل سے لکڑی چوری کرکے فروخت کرتا تھا جبکہ قانون کے مطابق کسی بھی جنگل سے 8کلومیٹر تک لکڑی کا ٹال قائم نہیں کیا جا سکتا۔ دریں اثنا ء ڈی سی او لیاقت علی چٹھہ نے کامیاب کاروائی پر اے سی سرائے عالمگیر شعیب نسوانہ اور انکی ٹیم کو شاباش دی ہے اور ہدایت کی ہے کہ سرکاری جنگل کی نگرانی مزید موثر بنائی جائے تاکہ کوئی بھی شخص اپنے مفاد ات کے لئے اسے نقصان نہ پہنچا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) تھانہ بی ڈویژن کے علاقہ محلہ علی مسجد سے نامعلوم مسلح ڈاکو اسلحہ کے زور پر محمد یاسین اور اسکی بیوی سے طلائی زیورات وغیرہ چھین کر لے گئے ہیں بی ڈویژن پولیس نے محمدیاسین کی رپورٹ پر چار نامعلوم مسلح ڈاکو ئوں کے خلاف مقدمہ درج کرلیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سول لائن پولیس کے سب انسپکٹر مشتاق احمد نے معہ ملازمان دوران ناکہ بندی چیکنگ کرتے ہوئے ایک شخص عرفان اختر سے تین بوتل شراب کپی برآمد کرلی ہے اور ملزم کے خلاف تھانہ سول لائن میں مقدمہ درج کرکے تفتیش شروع کردی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) تھانہ سٹی لالہ موسیٰ کے علاقہ محلہ قادر آباد میں محمد الیاس وغیرہ نے احمد رضا کی ہمشیرہ کے گھر میں گھس کر اسکی ہمشیرہ اور چچا زاد کو ڈنڈوں سوٹوں اور پستولوں کے بٹ مار کر زخمی کردیا ہے اور گھر پر فائرنگ کی ہے سٹی لالہ موسیٰ پولیس نے احمد رضا کی رپورٹ پر محمد الیاس وغیرہ کے خلاف مقدمہ درج کرلیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) تھانہ گنجاہ پولیس نے شادیوال میں سے سرکاری ریت ٹرالی میں لوڈ کرکے لے جاتے ہوئے علی رضا کو پکڑ کر فیلڈ انسپکٹر محکمہ معدنیات محمد رفیق کامران کی رپورٹ پر علی رضا وغیرہ کے خلاف مقدمہ درج کرلیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) صدر سرائے عالمگیر پولیس نے موضع رنیاں میں اپنے آپ کو فائر مار کر خودکشی کی کوشش کرنے پر ادریس حسین کے خلاف اسکے والد خادم حسین کی رپورٹ پر مقدمہ درج کرلیا ہے بتایا جاتاہے کہ ملزم ادریس حسین نے اپنے آپ کو فائر مار کر خودکشی کرنے کی کوشش کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سول جج گجرات آصف علی کی عدالت میں کسی اور ملزم کی جگہ پیش ہونے اور غلط بیانی کرنے ڈیوٹی ریڈر محسن سرور کی رپورٹ پر ثاقب اقبال ولد محمد اقبال سکہ رامڑیانوالہ کے خلاف مقدمہ درج کرلیا ہے بتایا جاتاہے کہ ملزم ثاقب اقبال کسی دوسرے ملزم کی جگہ عدالت میں پیش ہوا اور غلط بیانی کی ہے پولیس نے مقدمہ درج کرکے تحقیقات شروع کردی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) پاکستان مسلم لیگ ن فرانس کے چیئرمین چوہدری شاہین اختر کی والدہ محترمہ طویل علالت کے بعد خالق حقیقی سے جا ملیں ۔نماز جنازہ آبائی گاوں پنگالی نزد کوٹ جیمل(آزاد کشمیر) ادا کر دیا گیا ۔سینکڑوں افراد کی نماز جنازہ میں شرکت ۔تفصیل کے مطابق پاکستان مسلم لیگ ن فرانس کے چیئرمین چوہدری شاہین اختر کی والدہ محترمہ طویل علالت کے بعد انتقال کر گئی ہیں ۔مرحومہ کے اکلوتے بیٹے چوہدری شاہین اختر پیر س کی معروف سیاسی و سماجی شخصیت ہیں ۔نماز جنازہ آبائی گاوںپنگالی نزد کوٹ جیمل میں ادا کیا گیا۔نماز جنازہ میں چوہدری فضل علی ۔چوہدری منیر ۔چوہدری نصیر ۔مرزا تصدق حسین ۔چوہدری طارق ۔ماسٹر ناصر۔چوہدری عتیق احمد ۔کرنل اشفاق ۔سید تنظیم شاہ ۔چوہدری عبد الشکور ۔چوہدری محمد علی ۔کرنل وقار احمد امیدوار ۔مرزا ظفر حسین جرال ۔مرزا شفیق جرال سابق منسٹر ۔چوہدری ولید اشرف ۔ملک فیضان ۔راجہ محمد صادق سابق ڈی ایس پی ۔راجہ عبد الرشید ایڈووکیٹ ۔چوہدری فضل علی سابق ممبر ضلع کونسل ۔چوہدری مظہر اقبال اسسٹنٹ کمشنر برنالہ ۔چوہدری غلام سرور تحصیل دار ۔چوہدری محمد الیاس ۔چوہدری جاوید نواز رینج آفیسر ۔چوہدری زاہد حسین پٹواری ۔حاجی عبد الرشید ریحانیہ ۔چوہدری جاوید اقبال بوکن ۔چوہدری اصغر ٹوپہ ۔صحافی دی جذبہ ڈاٹ کام ۔چوہدری اعجاز پیارا ۔امجد فاروق گجرات ۔راجہ ارشد محمود تصویر وطن ۔ملک مبشر حسین پہاڑے ۔چوہدری محمد زمان (ر)تحصیل دار ۔راجہ ارشد محمود گجرات ۔عطا للہ بھمبر ۔نمبر دار ذوالفقار اور زاہد مصطفی اعوان کے علاوہ سینکڑوں افراد نے شرکت کی ۔پاکستان مسلم لیگ ن فرانس کے صدر چوہدری ریاض پاپا ،جنرل سیکرٹری شیخ وسیم اکرم ۔چیف آرگنائزر پاکستان مسلم لیگ ن یورپ شمروز الہی گھمن ۔سینئر نائب صدر منظور حسین جنجوعہ ۔سیکرٹری انفارمیشن زاہد مصطفی اعوان اور دوسرے لیگی رہنماوں نے چوہدری شاہین اختر سے تعزیت کا اظہار کیا ہے ۔چوہدری شاہین اختر آج پاکستان پہنچ جائیں گے ۔چوہدری شاہین اختر سے ان کے موبائل 03486276997پر رابطہ کیا جا سکے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) مسلم لیگ(ن) کھاریاں کے وفد نے گذشتہ روز حاجی محمد اسلم خان کونسلر کی قیادت میں گلیانہ روڈ کھاریاں کا وزٹ کیا ان کے ہمراہ محکمہ T.M.A، محکمہ واپڈا اور ٹیلی فون کے نمائندے بھی تھے۔ سڑک کو کشادہ کرکے کارپٹ بنانے اور بجلی، ٹیلی فون کی تاروں کو ترتیب سے لگانے کے لئے سروے کیا گیا۔ ذرائع سے معلوم ہوا ہے کہ گلیانہ روڈ پر بجلی، ٹیلی فون کی تاروں کو انڈر گرائونڈ کرنے کا منصوبہ بھی زیر غور ہے اس موقع پر کونسلر عبدالقیوم بھٹی، کونسلر حاجی جاوید ملک، کونسلر ظفر مجید بٹ، چوہدری اللہ یار چاڑ، چوہدری غلام فرید، کپتان نادر خاں، راجہ شہزاد، حاجی امجد رشید ،عبدالعزیز گوندل اور دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کوٹلہ برادران کی قیادت میں کھاریاں شہر کی تعمیر و ترقی پر خصوصی توجہ دی جا رہی ہے۔ تمام بنیادی اور بڑے مسائل مرحلہ وار حل ہو رہے ہیں گلیانہ روڈ کھاریاں کو کشادہ کر کے کارپٹ روڈ بنانے کے لئے سروے کیا گیا ہے تاکہ تاجروں اور شہریوں کی مشکلات کم کی جا سکیں اور صفائی کا نظام بھی بہتر ہو سکے ان خیالات کا اظہار ن لیگی کونسلر عبدالقیوم بھٹی نے کیا۔ انہوں نے کہا کہ کھاریاں شہر کی تعمیر و ترقی اور عوامی فلاح و بہبود کے لئے تاریخی کارنامے سرانجام دیئے جا رہے ہیں کوٹلہ برادران پوری توجہ اور ذمہ داری کے ساتھ کھاریاں کے لئے خدمات سرانجام دے رہے ہیں ہماری پوری ٹیم ایم این اے چوہدری عابد رضا کوٹلہ اور ایم پی اے چوہدری شبیر احمد کوٹلہ کی قیادت میں دن رات عوام کی خدمت کے لئے مصروف عمل ہیں ان شاء اللہ جلد گلیانہ روڈ پر کام شروع ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) ”ردا” قتل لمحہ فکریہ ہے یہ کھاریاں کی بیٹی تھی ہم مظلوم خاندان کے شانہ بشانہ کھڑے ہیں سپریم کورٹ تک بالکل فری لیگل ایڈ دینے کا اعلان کرتے ہیں ان خیالات کا اظہار راہنما الخدمت فائونڈیشن صوبہ پنجاب سید ضیاء اللہ شاہ ایڈووکیٹ نے گذشتہ روز میڈیا کے نمائندوں سے اظہارِ خیال کرتے ہوئے کیا۔ انہوں نے کہا کہ پولیس اس کیس کو فوری طور پر منطقی انجام تک پہنچائے اور اصل قاتل کو گرفتار کرے ہم مظلوم خاندان کے ساتھ شانہ بشانہ کھڑے ہیں اور بہیمانہ قتل کی پرزور مزمت کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) سحر ویلفیئر سوسائٹی کی ماہانہ میٹنگ کا انعقاد کیا گیا۔ صدارت صدر میڈم دانش زہرہ نے کی اس موقع پر سرپرست سوسائٹی چوہدری محمد اختر، سینئر نائب صدرسید تنویر نقوی (صحافی)، جنرل سیکرٹری علی ظفر ملک، فنانس سیکرٹری مس فرح عنصر، نائب صدر مس سلمہ بٹ، نائب صدر جبار ساگر، ممبران مس نائمہ ارم، چوہدری قربان گجر، عتیق لال، عرفان عباس، محمد سلطان بٹ، محمد عباس، محمد ریاض بٹ، الیاس بٹ اور دیگر بھی موجود تھے۔ میٹنگ میں چوہدری رضوان اختر حقیقہ نے خصوصی شرکت کی اس موقع پر باہمی امور زیر بحث آئے اور آئندہ کام کے لئے لائحہ عمل بھی طے کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) اے سی کھاریاں میاں اقبال کے خصوصی احکامات پر آج T.M.A انتظامیہ گلیانہ روڈ کھاریاں پر ناجائز تجاوزات کے خلاف گرینڈ آپریشن کرے گی اس سلسلہ میں ٹریڈ یونین گلیانہ روڈ کے صدر چوہدری شوکت علی نے تاجروں کو لیٹر بھی جاری کیا ہے کہ وہ رضا کارانہ طور پر اپنا سامان اپنی حدود میں رکھیں تاکہ نقصان سے بچ سکیں۔ ذرائع سے یہ بھی معلوم ہوا ہے کہ یہ آپریشن گلیانہ روڈ کے بعد مین بازار میں بھی کیا جائے گا تاکہ عوام کو خریداری کرنے میں مشکلات کا سامنا نہ کرنا پڑے۔ آپریشن کے لئے اے سی کھاریاں میاں اقبال مظہر اور مرکزی انجمن تاجران کی میٹنگ بھی ہو چکی ہے جس کے بعد ایکشن لیا جا رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) محلہ نیا آڑہ کی سماجی شخصیت محمد بشیر بٹ گذشتہ روز رضائے الٰہی سے انتقال کر گئے محروم کی نمازِ جنازہ گورنمنٹ بوائز ہائی سکول کی گرائونڈ میں ادا کی گئی اس موقع پر دوست احباب، رشتہ دار عزیز و اقارب اور معززین علاقہ نے کثیر تعداد میں شرکت کی۔ نمایاں طور پر شرکت کرنے والوں میں چوہدری اللہ یار چاڑ،چوہدری اسفند اصغر کونسلر PTI، ملک اختر محمود اعوان کونسلرPTI، حاجی محمد اسلم خان کونسلر مسلم لیگ(ن)، ڈاکٹر ذوالفقار علی راہنما پیپلز پارٹی، رحمت خاں کھوکھر، رضوان الحق کھوکھر اور شامل تھے۔ مرحوم کی روح کے ایصال ثواب کے لئے ختم قل 18فروری بروز جمعرات جامع مسجد کوثر محلہ نیا آڑہ میں پڑھا جائے گا۔ اختتامی دعا دن گیارہ بجے ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) ڈیرہ بسیاں رکھ پبی سرکار پار ک جی ٹی روڈسے ایک کلومیٹر پرواقع ہے جہاں منظور ولد کرم داد نے ایک لکڑی کا آرہ بنا رکھا ہے جہاں پر چوری کی گئی لکڑیوں کا کاٹنے کے بعد آگے سپلائی کی جاتی تھیں جب پولیس کو اطلا ع ملی تو ریڈ کیا گیا تو آرے کا مالک منظور فرار ہونے میں کامیاب ہوگیا اور پولیس نے اپناپہرہ وہاں پر لگادیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) سینئرصحافی راجہ ریاض احمد راسخ کے گھر پر حملہ آزادی صحافت پر حملہ ہے اس کی بھرپور مذمت کرتے ہیں ان خیالات کا اظہار چیئرمین یوسی دھوریہ حاجی افتخار حیدرنے کیا انہوں نے کہا کہ سینئرصحافی راجہ ریاض احمدراسیخ جیسے صحافی پر حملہ کی مذمت کرتے ہیں اورDPOگجرات رائے ضمیرالحق سے ملزمان کی فوری گرفتاری کا مطالبہ کرتے ہیں ملزمان کو جلد سے جلد گرفتار کر کے کیفر کردارتک پہنچایا جائے تا کہ آئندہ کوئی بھی کسی صحافی پر حملے کا سوچ بھی نہ سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کوٹلہ برادران کی قیادت میں عوامی خدمت کرنے کے لئے میدان سیاست میں آیا ہوں یونین کونسل سہنہ کے عوام نے مجھے اپنے ووٹوں سے منتخب کیا ہے ان کی فلاح و بہبود اور علاقہ کی تعمیر وترقی کے ساتھ عوام کا تحفظ بھی میری ذمہ داری ہے جس کو قانون کے اندر رہتے ہوئے سرانجام دوں گا ان خیالات کا اظہار چیئرمین یوسی سہنہ ملک محمد اکرم ڈھل نے کیا۔ انہوں نے کہا کہ کسی بھی ووٹر کے ساتھ غنڈہ گردی برداشت نہیں کروں گا قیصر پہلوان کے ساتھ غنڈہ گردی کرنے والوں کو کیفر کردار تک پہنچائوں گا تاکہ آئندہ کوئی بھی اس طرح کی جرات نہ کر سکے۔ انہوں نے کہا کہ مخالفین کو علاقہ کی ترقی ہضم نہیں ہو رہی وہ لڑائی جھگڑے کر کے حالات خراب اور علاقہ کا امن و امان تباہ کرنا چاہتے ہیں مگر ہم انہیں ایسا ہر گز نہیں کرنے دیں گے انہوں نے کہا کہ یوسی سہنہ کے عوام کا ہرحال میں تحفظ کریں گے۔ پولیس ہماری ایف آئی آر کے تمام ملزمان کو گرفتار کرے تاکہ امن قائم رہ سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی) بااثر صنعتکار نے بلڈنگ انسپکٹر کو تشدد کا نشانہ بنا ڈالا تھانہ صدر پولیس نے مقدمہ درج کر لیا گرفتاری کیلئے چھاپے۔ٹی ایم اے کا بلڈنگ انسپکٹر شفقت جاویدچیمہ جی ٹی روڈ پر بغیر نقشہ پاس کروائے غیر قانونی کمرشل تعمیرات کی بابت نوٹس وصول کروانے معروف صنعتکارمحمد شکیل بھٹہ کے پاس گیا جس پرصنعتکار نے طیش میں آ کر 3 نامعلوم افراد کے ہمراہ اس پر حملہ کر دیا اور شدید زدوکوب کیا ۔تھانہ صدر نے بلڈنگ انسپکٹر شفقت جاوید چیمہ کی مدعیت میں مقدمہ درج کر لیا تاہم گرفتاری عمل میں نہ آسکی جبکہ ٹی ایم اے اہلکاروں نے عدم گرفتاری پر کل ہڑتال اور احتجاج کی دھمکی دے دی ہے ،اس سلسلے میںایس ایچ او صدر طارق محمود ڈھڈی نے کہا کہ ملزمان کی گرفتاری کیلئے چھاپے مارے جا رہے ہیں جلد گرفتاری عمل میں آ جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی) ضلعی صدر پی پی پی پی میاں اظہر حسن ڈار نے کہا کہ پارٹی نے جاگیردار اور بیورکریٹ کے مقابلے میں مڈل کلاس ورکرز کو ٹکٹ دے کر کارکنوں کے دل جیت لئے ہیںبلاول بھٹو زرداری بیرون ملک ہونے کے باوجود ضمنی الیکشن پر گہری نظر رکھے ہوئے ہیں اور ممکن ہوا تو انتخابی مہم میں حصہ لینے کیلئے وزیرآباد آئیں گے۔پریس کانفرنس سے خطاب کرتے ہوئے اظہر حسن ڈار نے کہا پیپلزپارٹی شہیدوں اور قربانیاں دینے والوں کی پارٹی ہیں ہم ضمنی الیکشن جیتنے کیلئے میدان میں اترے ہیں۔ اس موقع پر امیدوار این اے101 اعجاز احمد چیمہ نے کہا کہ حامد ناصر چٹھہ کے لے پالک وہ اوچھے ہتکھنڈوں سے باز رہیں ورنہ جیالوں کے پاس بھی زبان ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی) اے سی وزیرآباد کا احمدنگر روڈ پر بھٹہ خشت ،رورل ہیلتھ سنٹر اور گورنمنٹ سکولوں کا دورہ کیا۔اسسٹنٹ کمشنر محمد انور بریار نے مختلف بھٹہ خشت کا دورہ کیا اور مالکان کو چائلڈ لیبر ایکٹ پر سختی سے عمل درآمد کو یقینی بنانے کی ہدایات دیں ،رورل ہیلتھ سنٹر منچر چٹھہ میں ملازمین کی حاضری کو چیک کیا جبکہ گورنمنٹ ہائی سکول منچر چٹھہ اور علی پور چٹھہ میں سکیورٹی کے انتظامات بھی چیک کئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)22مارچ ن لیگ کی کامیابی کی نوید لے کر طلوع ہوگا ۔میاں برادران خدمت کے شاندار ریکارڈ کی وجہ سے قوم کی امنگوں کا محور ہیں۔ان خیالات کا اظہارمسلم لیگی راہنماکیپٹن ڈاکٹرمحمدرفیق فضل نے صحافیوںسے گفتگوکرتے ہوئے کیا۔ انہوںنے کہا کہ میاںبرادران کی قیادت میں پاکستان مسلسل ترقی کی راہ پرگامزن ہے۔ انہوں نے کہا کہ میاں نواز شریف اور میاں شہبازشریف کبھی ملکی مفادات کا سودا نہیں کرسکتے پاکستان کو مسائل سے نجات صرف شریف برادران ہی دلاسکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)محمداحمدچٹھہ کی پی ٹی آئی میںشمولیت سے تحصیل وزیرآبادمیںتبدیلی کی نئی لہرآئے گی۔حلقہ این اے 101میںتحریک انصاف کے امیدوارکی کامیابی کویقینی بنائینگے۔ان خیالات کا اظہارسابق تحصیل کنونیئرراجہ عثمان اللہ خان ایڈووکیٹ اورسابق جنرل سیکرٹری سمیع اللہ بٹ نے صحافیوںسے گفتگوکرتے ہوئے کیا۔انہوںنے کہا کہ احمدچٹھہ کے پی ٹی آئی میںشمولیت کی وجہ سے دونوںکوتقویت ملے گی اورعمران خاںکے ہاتھ مضبوط ہونگے۔انہوںنے کہا کہ دیا نتدارقیا دت ہی پا کستان کی کشتی کوپار لگا سکتی ہے،چیئرمین پاکستان تحریک انصاف کی راست فکرکانتیجہ ہے کہ تبدیلی کی خوشگوار ہوائیں چل پڑی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)پی ٹی آئی کے امیدوارقومی اسمبلی حلقہ این اے101محمداحمدچٹھہ اورخالد مغل کی جماعت اسلا می کے رہنمائوںمحمدمشتاق بٹ،صابر حسین بٹ اورناصر محمودکلیر،عدنان کھرل سے ضمنی الیکشن کے سلسلہ میں تبادلہ خیال ہوا ۔جسمیںانہوںنے جماعت اسلامی کوپاکستان تحریک انصاف کے ساتھ مل کر الیکشن لڑنے پر زوردیا۔انہوںنے کہا کہ اپوزیشن جماعتوںکواکٹھا کرنا چا ہئے اورمتحد ہوکرفرعون صفت حکمرانوںکامقابلہ کرنا چا ہئے۔حکمرانوںنے جمہوریت کی آڑ میںڈکٹیٹرشپ قائم کررکھی ہے۔کرپشن،اقرباء پروری بڑھ رہی ہے ہمیںمتحدہوکرعوامی حقوق کاتحفظ ہونا چاہئے ۔جماعت اسلا می کے رہنمائوںنے کہا کہ ہم کارکنوںسے مشاورت کے بعدفیصلہ کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)پاکستان مسلم لیگ (ن)کی حکومت وطن عزیزکی ترقی واستحکام کے لئے دن رات کوشاںہے۔موٹروے کی تعمیرکے بعدمیٹروبس سروس،اورنج ٹرین منصوبے عوامی عوامی ترقی کامنہ بولتا ثبوت ہیں۔ان خیالات کا اظہارسابق ممبرقومی اسمبلی ومسلم لیگ (ن)کے ٹکٹ ہولڈرجسٹس(ر)افتخاراحمدچیمہ نے مسلم لیگ (ن)کے ضلع گوجرانوالہ کے سابق نائب صدرملک شکیل احمدسے ملاقات کے دوران کیا۔انہوںنے کہا کہ سٹی میںگرلز کالج ،مزدوروںکے روزگاراورفلاح وبہبودکے لئے سما ل انڈسٹریز اسٹیٹ کاقیام،دیہی علاقوںمیںعوام کوعلا ج ومعالجہ کی بہترسہولیات فراہم کرنااورسول ہسپتا ل کواپ گریڈاورقصبہ سوہدرہ میںسوئی گیس کی فراہمی جیسے اقدامات خادم پنجاب میاںمحمدشہبازشریف کے حلقہ این اے101کے عوام سے دلی محبت کامنہ بولتاثبوت ہے۔انہوںنے کہا کہ ماضی کی طرح اب بھی حلقہ کے غیورعوام اورمسلم لیگی اکابرین اورکارکنان بھرپورطریقہ سے الیکشن مہم میںحصہ لیںگے اورشیرکے نشان پرمہرلگاکرایک مرتبہ پھرمسلم لیگ (ن)اورقائد میاںنوازشریف کے نامزدامیدوارجسٹس(ر)افتخاراحمدچیمہ کوبھاری اکثریت سے کامیاب کرائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)حلقہ این اے 101 ضمنی الیکشن سے قبل وزیرآباد انسٹی ٹیوٹ آف کارڈیالوجی اوٹ ڈور چالو ہونے کی امید،افتتاحی تقریب وزیراعلیٰ پنجاب میاں محمد شہباز شریف کی آمد متوقع ہے،ہسپتال میںان ڈور فنکشنل کرنے کیلئے3 رجسٹرار سمیت8 میڈیکل آفیسر کی بھرتی کا مرحلہ مکمل کر لیا گیا جبکہ سٹاف نرسز کے انٹرویو22 فروری کو ہونگے۔انٹرویوز 5 رکنی پینل ای ڈی او ہیلتھ ڈاکٹر سعید اللہ خان،ایم ایس ڈبلیو آئی سی ڈاکٹر علی محمد،ایم ایس ڈی ایچ کیو گوجرانوالہ ڈاکٹر انور امان، ڈپٹی ایم ایس ڈاکٹر غلام مرتضےٰ قاضی،پروفیسر ڈاکٹر نور الصباء ہاشمی پر مشتمل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)ذاتی اختلافات ہونگے مگر ضمنی الیکشن میں سب اکٹھے اور ایک پلیٹ فارم پرہیں کیونکہ تمام منتخب نمائندے میاںمحمد نواز شریف کے سپاہی ہیں۔وزیرآباد کے عوام جاگیردارنہ نظام کو پہلے بھی ٹھکرا چکے ہیں اور وہ روایت برقرار رکھیں گے۔مسلم لیگ(ن)کی ضلعی جنرل سیکرٹری شازیہ فرید نے کہا کہ چیمہ برادران کی وزیرآباد اور پاکستان کیلئے خدمات سے انکار ممکن نہیں ہے۔حامد ناصر چٹھہ اور تحریک انصاف کا معانقہ غیر فطری ہے۔شاہنواز چیمہ،عدنان سرور چیمہ،جاویدمہر بابا کی ساتھیوں سمیت حمایت سے پارٹی مزید مضبوط ہو گئی ہے۔شازیہ فرید نے مسلم لیگ(ن)کے سابق جنرل سیکرٹری ملک محمد شفیق کی رہائش گاہ پر بھی گئیں اورانکی وفات پر اہلخانہ سے تعزیت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) شیعہ علما کونسل پنجاب کے صدر علامہ سید سبطین حیدر سبزواری نے مولانا یعقوب رضا حیدری کوصوبائی نائب صدر، بشارت عباس قریشی کو ڈپٹی جنرل سیکرٹری اور قیصر دادوانہ کو آرگنائزر ضلع خانیوال تعینات کردیا ہے ۔ان تعیناتیوں کی منظوری کونسل کے حالیہ اجلاس میں دی گئی۔ جس میں ہدایت کی گئی کہ ضلعی تنظیم نو کو 31۔ مارچ تک مکمل کرلیا جائے ۔صوبائی جعفریہ کونسل کا پہلا اجلاس 16اور17۔ اپریل کو لاہور میں طلب کرنے کا بھی فیصلہ کیا گیا۔ جس میں تمام اضلاع سے نومنتخب صدور اور جنرل سیکرٹریز شریک ہوں گے اور مستقبل کا لائحہ عمل تیار کیا جائے گا۔ اجلاس میں واضح کیا گیا کہ قائد ملت جعفریہ علامہ سید ساجد علی نقوی کی پالیسی کے مطابق جعفریہ اسٹوڈنٹس آرگنائزیشن شیعہ علما کونسل کاطلبہ ونگ ہے، علیحدہ تنظیم نہیں۔ اور اس کے کارکن تنظیمی پالیسیوں پر عمل کرنے کے پابند ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)جمعیت علما پاکستان کے مرکزی صدر پیر اعجاز احمد ہاشمی نے ادویات کی قیمتوں میں اضافے پرمیڈیسن کمپنیوں کی من مانی کی مذمت کرتے ہوئے کہا ہے کہ حکومت کی دلچسپی عوام سے متعلقہ مسائل سے نہیں کمشن بنانے اور سریا سیمنٹ والے منصوبوں میں ہے۔ میڈیا سیل کی طرف سے جاری بیان میں پیر اعجازہاشمی نے کہا کہ میڈیسن کمپنیوں کی طرف سے بغیر کسی منظوری کے زندگی بچانے والی ادویات کی قیمتیں بڑھانا قابل مذمت ہے اور اس سے زیاد ہ افسوسناک پہلو یہ ہے کہ متعلقہ ادارے اور حکومت خاموش تماشائی بنی ہوئی ہے۔ سپریم کورٹ کے چیف جسٹس کو معاملے کی سنگینی کا نوٹس لینا چاہیے۔انہوں نے کہا کہ جن ادویات کی قیمتوں میں اضافہ کیا گیا وہ تمام زندگی بچانے والی ہیں۔ حکومت کی گوڈ گورننس کے دعوے کہا ں گئے۔ ان کا کہنا تھا حکومت کی دلچسپی ایسے منصوبوں میں ہے جہاں لوہا اور سیمنٹ استعمال ہوتا ہے، اسی لئے بجلی کی قلت دور کرنے کی بجائے سارا بجٹ میٹرو بس کے بعد اب اورنج لائن ٹرین پر خرچ کیا جارہا ہے۔ اور متاثرین کو معاوضے کی ادائیگی کے لئے ایمرجنسی سروس شروع کی گئی ہے۔ لیکن جن کی چھت چھین لی گئی وہ احتجاج کررہے ہیں۔ وزیراعظم میاں نواز شریف کو بے بس لوگوں کی چیخ و پکار کی طرف توجہ دینی چاہیے۔ اسی طرح پٹرولیم مصنوعات کی قیمتوں میں صرف پانچ روپے کی کمی عوام سے مذاق کے مترادف ہے۔ اسے عالمی منڈی میں کمی کے تناسب سے کم کرکے عوام کو ریلیف دیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)جمعیت علما پاکستان نیازی کے سربراہ پیر سید محمد معصوم حسین نقوی نے کہا ہے کہ ایران گیس پائپ لائن منصوبے کی موجودگی میں قطرسے گیس کے معاہدے پر شکوک و شبہات یقین میں بدل رہے ہیں۔ لگتا ہے کہ حکومت امریکی اور سعودی دباو کے ساتھ کمشن مافیا کے چنگل میںبھی پھنسی ہوئی ہے۔ وزیر اعظم نواز شریف کی حکومت گرانے میں اہم کردار ادا کرنے والے سیف الرحمان کا سیاسی تحرک اور معاہدے میںکردار سے معاملات مزید سنگین نظر آرہے ہیں۔ بغیر کسی دباو کے پاکستان غیر جانبدارانہ اقتصادی پالیسیاں جاری رکھے۔ مگر ثابت ہورہا ہے کہ امریکی سعودی خواہشات کی تکمیل میں پیپلز پارٹی اور مسلم لیگ ن ایک پیج پر ہیں۔ جے یو پی لاہور کے اجلاس سے خطاب میں پیر معصوم نقوی نے کہا کہ ایٹمی صلاحیت اور اعلیٰ فوج کے باعث پاکستان نہ صرف امت مسلمہ بلکہ دنیا بھر میں قدر کی نگاہ سے دیکھا جاتا ہے اور اس پر قوم کو فخر بھی ہے۔ مگر قبضہ اور کمشن مافیا سے ملک کو نجات دلانے کے لئے سیاسی اور مذہبی قوتوں کو اکٹھا ہونے کی ضرورت ہے جوکہ کہیں نظر نہیں آرہی۔کیونکہ مولانا شاہ احمد نورانی اور نوابزادہ نصراللہ خان جیسی شخصیات کسی جماعت میں نہیں جو سب کو اکٹھا کرسکیں۔نواز شریف حکومت میں ہیں تو آصف علی زرداری بھی عسکری اداروں کے خلاف بیان کے بعد سے ملک سے بھی فراری اختیارکرچکے ہیں۔ انہوں نے کہا کہ ایران اپنے حصے کی گیس پائپ لائن مکمل کرچکا ہے، اور اس وقت دونوں برادار اسلامی ممالک کے صدور آصف علی زرداری اور محمود احمدی نژاد نے اکٹھے گیس پائپ لائن کا افتتاح بھی کیا تھا۔ جبکہ ایران پر اقتصادی پابندیاں عائد تھیں۔ اب ایران پہلے سے زیادہ اقتصادی اور سفارتی سطح پر مضبوط اہمیت رکھتا ہے۔ اقتصادی پابندیاں بھی اٹھ چکی ہیں۔ پھر بھی قطر سے گیس منگوانے کی کیا ضرورت تھی؟ جبکہ یہ گیس ایران سے زیادہ مہنگی ہوگی۔انہوں نے کہا کہ پاکستان کو اپنی غیر جانبدارانہ اقتصادی پالیسیوں کو جاری رکھنا چاہیے۔ امریکہ اور سعودی عرب کے دباو میں آنے کی ضرورت نہیں۔ جوکہ ہر آنے والے حکومت کا مسئلہ رہا ہے کہ ان دو ممالک کی جائز ناجائز خواہشات کے سامنے ڈھیر ہوجاتی ہے۔ اس میں پیپلز پارٹی اور مسلم لیگ ن دونوں ایک پیج پر نظر آتی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان مسلم لیگ ق کے رہنما و مسلم لیگ یوتھ ونگ کے مرکزی صدر سید بلال مصطفی شیرازی نے ترکی کے میئر کے لاہور میں استقبال پر کروڑوں روپے استعمال کرنے پر تشویش کا اظہار کرتے ہوئے کہا کہ پنجاب حکومت اورنج ٹرین کے لیے اربوں روپے قرض لیکر منصوبہ مکمل کررہی ہے اور اب پھر چین کی طرف سے5ارب روپے قرض لیا جارہا ہے ،حکومت نے اقتدار میں آنے سے قبل قرض نہ لینے اور کشکول توڑنے کے بلند وبانگ دعوے کیے لیکن اقتدار میں آتے ہی قرض در قرض لیکر خوشحال پنجاب کو مقروض پنجاب میں تبدیل کردیا۔سید بلال شیرازی نے کہا کہ مقروض پنجاب کی جانب سے ترکی کے ایک شہر کے میئر کے استقبال پر کروڑوں روپے کا خرچ پنجاب کے خزانے کا ضیاع ہے ۔حکومت سادگی اختیار کرنے کے دعوے تو کرتی ہے لیکن اللے تللوں پر کروڑوں روپے خرچ کردیئے جاتے ہیں ۔انہوںنے کہا کہ ہسپتالوں میں ہیپٹائٹس اور دیگر موذی امراض کے ادویات نہ ہیں بروقت علاج نہ کے باعث مریض موت کے منہ میں جارہے ہیںاگر استقبال کیلئے خرچ کی گئی رقم ہسپتالوں میں مفت ادویات کیلئے فراہم کی جاتی تو مریض علاج کے لیے دربدر نہ پھر رہے ہوتے۔انہوںنے کہا کہ ہسپتال کی خراب صورتحال کے باعث عوام آج چوہدری پرویز الہٰی کے دور کو یاد کررہی ہے جس میں ہسپتالوں میں مفت علاج معالجہ کی سہولیات دستیاب تھیں اور عوام مطمئین زندگی بسر کررہے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)جامعہ بیت القرآن (نیو سنچری قرآن انسٹیٹیوٹ)سلطان پارک نزد کیولری گرائونڈ لاہور کینٹ میں میجر شبیر شریف شہید (ستارہ جرات) اورجنرل راحیل شریف (آرمی چیف)کی والدہ مرحومہ و مغفورہ کی پہلی برسی کے موقع پر قرآن خوانی کی گئی جس میں کرنل (ر)سردار عبد الرئوف مگسی ،مفتی سید عاشق حسین پرنسپل جامعہ بیت القرآن ،راجہ عبد الستار چیف آرگنائزر جنرل راحیل شریف لورز فورم ،حاجی نوید احمدالنور ،منصور احمد مغل،حافظ بلال حسین ،قاری منیر احمد سعیدی، صاحبزادہ عمر ممتاز اعوان ودیگر نے شرکت کی ۔قرآن خوانی کے بعد مفتی سید عاشق حسین نے اجتماعی دعا کرائی کہ اللہ تعالیٰ مرحومہ و مغفورہ کی مغفرت ،درجات کی بلندی اورانہیں جنت الفردوس میں اعلیٰ مقام دے ۔آمین یا رب العالمین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)بین المذاہب بین المسالک مکالمہ اور امن کیلئے کوششیں کرنے والے تمام جماعتوں ،تنظیموں اور حکومتوں کو مظلوم انسانیت کی مدد کیلئے میدان میں آناہوگا۔امن کے حصول کیلئے مظلوم اور بے گناہ انسانیت کے بہنے والے خون کو روکنا ہوگا ۔تمام مذاہب کے ماننے والوں کو نفرتوں کو ختم کرکے محبتوں کو پروان چڑھانا چاہئے۔پاکستان میں رہنے والے دوسرے مذاہب کے لوگ دیگر ممالک کہیں زیادہ محفوظ ہیں ۔پاکستان میں غیرمسلموں کے حقوق کے تحفظ کیلئے پاکستان علماء کونسل اور اسکی قیادت ک جدوجہد قابل تحسین ہے۔یہ بات پاکستا ن علماء کونسل کے مرکزی چیئرمین حافظ محمد طاہر محمود اشرفی نے دوحہ میں ہونے والی بین الاقوامی کانفرنس سے خطاب کرتے ہوئے کہی۔ انہوں نے کہا کہ اسلام تمام آسمانی مذاہب ،کتب اور انبیاء پر ایمان اور احترام کا درس دیتا ہے اور جو شخص حضرت عیسی کو تسلیم نہیں کرتا وہ مسلمان نہیں ہوسکتاضرورت اس بات کی ہے کہ عالمی سطح سے لیکر مقامی سطح تک مکالمہ کی اہمیت کو اجاگر کیا جائے ۔مسلم اور غیر مسلم نوجوانوں کو دہشتگردی اور انتہاپسندی سے بچانے کیلئے مذہبی و سیاسی قیادت اپنا کردار اداکرے۔انہوں نے کہا کہ اس وقت انتہاپسندی مسلم نوجوانوں میں ہی نہیں غیر مسلم نوجوانوں میں بڑھ رہی ہے اس کے خاتمے کیلئے مذہبی و سیاسی قیادت کو سنجیدگی سے سوچنا چاہئے۔انہوں نے کہا کہ گزشتہ چند سالوں میں پاکستان علماء کونسل نے جس طرح انسانی حقوق اور غیرمسلموں کے حقوق کیلئے جدوجہد کی ہے وہ اس بات کا ثبوت ہے کہ اسلام امن،محبت اور بھائی چارے کو فروغ دیتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)قائد ملت جعفریہ پاکستان اور اسلامی تحریک کے سربراہ علامہ سید ساجد علی نقوی نے کہا کہ سعودی عرب اور ایران کشیدگی کے دوران پاکستان کا کردار مصالحانہ ہی ہو نا چاہیے۔متعدد ممالک کی مشقیںجن میں پاکستان بھی شامل ہے ہو رہی ہیں یہ فوجی مشقیں صلاحیتوں کو اُجاگر کرنے کی حد تک تو درست ہیں لیکن کسی برادر اسلامی ملک کے خلاف یا خطہ میں امن واستحکام کی بجائے کسی ملک کیخلاف یا جنگ کا حصّہ بننے کے مقاصد میں استعمال ہو ئیں تو اس سے خطہ سمیت پاکستان پر بھی منفی اثرات پڑیں گے ۔شیعہ علماکونسل پنجاب کے صدرعلامہ سبطین سبزواری سے گفتگو کرتے ہوئے قائد ملت جعفریہ نے کہا کہ مسلم ممالک ایک دوسرے کے معالات میں مداخلت کی بجائے مسائل مفاہمت سے حل کریں ۔اس سے قبل بھی پاکستان کی سیاسی اور سول سوسائٹی وعوامی حلقوںاور تجزیہ نگاروں نے پاکستانی حکومت کو سعودی عرب ایران کشیدگی میں مصالحانہ کردار ادا کرنے کا ہی کہا تھا جس پر پاکستان کے وزیراعظم اور آرمی چیف نے دونوں برادر اسلامی ممالک کا ہنگامی بنیادوں پر دورہ کرکے سعودیہ ایران کشیدگی کے خاتمے کیلئے ثالثی کردار ادا کرنے کا اعادہ کیا تھا اور اقوام متحدہ کے جنرل سیکرٹری نے بھی سعودیہ ایران کشیدگی کی سنگین نتائج کوبھانپتے ہوئے پاکستانی وزیر اعظم کومثبت کر دار ادا کرنے کا کہا ہے ۔انہوں نے کہا کہ برادر اسلامی ممالک کو رواداری ،برداشت اور تحمل کا رویہ اختیار کرنے کی ضرورت ہے ۔پاکستان کی داخلی صورت حال بھی انتہائی پیچیدہ ہے اور ہمارا ملک خود دہشتگردی کیخلاف سینہ سپر ہے اور حالت جنگ میں ہے ۔دوسری جانب منفی قوتیں برادر اسلامی ممالک کے اختلافات سے فائدہ اُٹھاتے ہوئے عالم اسلام کو دنیا کے سامنے کمزور اورذلیل خوار کرنا چاہتی ہیں ،دنیا بھر کے تمام اسلامی ممالک کو متحد ہو کرمنفی قوتوں کی تمام سازشوں کو ناکام بنانے کی ضرورت ہے ۔مسلم دنیا میں پاکستان کا امیج اچھا ہے اس کو برقرار رکھنے کی ضرورت ہے ۔آخر میں انہوں نے کہا کہ کئی اسلامی ممالک کی طرف سے دوسرے اسلامی ممالک کے حوالے سے ارادے اور عزائم و خاص نوعیت کے اقدامات سامنے آرہے ہیں لیکن اب تک اس قسم کے ارادے ،عزائم اور خاص نوعیت کے اقدامات اسرائیل کے خلاف دیکھنے میں کیوںنہیں آرہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی)پاکستان میں دہشتگردی کی بڑی وجہ افغانستان کا سیاسی عدم استحکام اور افغان حکومت کی وہ ناقص کارکردگی ہے جس کا پول اقوام متحدہ کی14فروری کی رپورٹ نے کھول دیا ہے ۔ محب وطن روشن پاکستان پارٹی کے قائد وچیئرمین امیرپٹی نے کہا ہے کہ افغانستان کے حوالے سے اقوام متحدہ کی رپورٹ یہ بتارہی ہے کہ کابل میں کوئی عوامی حکومت نام کی چیز نہیں ہے بلکہ امریکی سرپرستی تشکیل کردہ کمزور حکومت عوام کے جان و مال کے تحفظ میں ناکامی کے ساتھ عوامی خدمت کے ویژن سے بھی محروم ہے اور اگر نیٹو و امریکی افواج افغانستان میں موجود نہ ہوتیں تو شاید اب تک طالبان تخت کابل کا مکمل انتظام سنبھال چکے ہوتے اسلئے پاکستان کیلئے افغانستان کی جانب سے لگائے گئے الزامات کو اپنے دامن سے دھونے کا یہ بہترین موقع ہے کیونکہ پاکستان میں آپریشن ضرب عضب کے باوجود دہشتگردی کے واقعات کا تسلسل افغان حکومت کی یہی کمزوری ہے جس کا بھرپور فائدہ اٹھاتے ہوئے بھارت نے افغان سرزمین سے ہم پر دہشتگردی کا جہنم کھول رکھا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی)پاسبان پاکستان کے صدر الطاف شکور نے ڈاکٹر عافیہ صدیقی کے گھر کے باہر مسلح افراد کا رضاکار عامر کو یر غمال بنا کر بد ترین تشددکا نشانہ بنانے اور رضا کار عامر سے ڈاکٹر عافیہ صدیقی کے بچوں مریم اور احمد کے بارے میں معلومات حاصل کرنے کی کوشش کی شدید الفاظ میں مذمت کی ہے اور کہا ہے کہ اتوار کو ”وی لوعافیہ ” ریلی میں سیاسی و مذہبی جماعتوں ، وکلاء ، صحافی، سماجی اور سول سوسائٹی کی تنظیموں اور ہزاروں کی تعداد میں عوام نے شرکت کی اور اظہار یکجہتی کے بعد اگلی شب نامعلوم مسلح افراد کا ڈاکٹر عافیہ کے گھر پر دھاوا اور بچوں کے بارے میں معلومات حاصل کرنے کی کوشش باعث تشویش امر ہے۔ پاسبان اس واقعہ کی عدالتی تحقیقات اور ڈاکٹر عافیہ کے اہلخانہ کو تحفظ کی فراہمی کا مطالبہ کرتی ہے ۔پاسبان کے علم میں یہ بات بھی آئی ہے کہ ڈاکٹر عافیہ صدیقی کے اہلخانہ کو تحفظ کی فراہمی کے لئے صرف ایک پولیس اہلکار تعینات کیاگیا ہے اور وہ اہلکار بھی صرف سرکاری فائلوں میں تعینات ہے حقیقتاََ اکثر غائب رہتا ہے ۔ انہوں نے کہا کہ قوم کی بیٹی ڈاکٹر عافیہ صدیقی امریکی قید میں ہے اور اس واقعہ نے ان کے بچوں اور اہلخانہ کو بھی غیر محفوظ کردیا ہے ۔ انہوں نے کہا کہ ڈاکٹر عافیہ صدیقی کی رہائی حکمرانوں پر فرض اور قرض ہے اور اُن کے اہلخانہ کو تحفظ کی فراہمی بھی حکومت اور سرکاری اداروں کے فرائض کا حصہ ہے مگر سرکاری تحفظ صرف حکمرانوں کے لئے ہے اور عوام عدم تحفظ کا شکار ہیں جو کہ افسوسناک ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی)شام کو تین ٹکڑوں میں تقسیم کرنے کی اسرائیلی خواہش اور شام میں ایران وروس کی حمایت یافتہ حکومت کیخلاف ترکی وسعودی عرب کی جانب سے مشترکہ فوجی اتحاد بنائے جانے کے بعد اگلے ماہ سعودی عرب میں بری ‘ فضائی اور بحری طاقت کے مظاہرے کیلئے پاکستان سمیت20مسلم ممالک کی افواج ”تھنڈر آف نارتھ ”نامی خطے کی سب سے بڑی فوجی مشقیں یقینا سعودی عرب پر حملے کا خواب دیکھنے والوں کو ان کے احمقانہ عزائم سے باز رکھنے کا واضح پیغام ثابت ہوں گی ۔پاکستان راجونی اتحاد میں شامل پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما سردار خادم حسین سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن’ہیومن رائٹس رہنما امیر علی خواجہ ودیگرنے کہا ہے۔ان مشقوں کا دوسرا مقصدایران پر شام کی حمایت بند کرنے کیلئے دباؤ ڈالنا بھی ہوسکتا ہے اور چونکہ پاکستان ایران اور سعودی عرب دونوں ہی مسلم ممالک سے بہترین تعلقات کا حامل ہے اسلئے شام کی وجہ سے ان دونوں ممالک کے درمیان بڑھتی ہوئی خلیج پاکستان کیلئے مسائل کا پیش خیمہ ثابت ہوسکتی ہے ان حالات میں حکومت کو سیاسی جماعتوں سے مشاورت کے بعد عسکری و قومی قیادت کی باہمی تجاویز و رائے سے قومی پالیسی تشکیل دیکر اس کے مطابق ”تھنڈر آف نارتھ ”میں شرکت کے حوالے سے فیصلہ کرنا چاہئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی)انتخابات سے قبل عوام کو پرفریب نعروں کے ذریعے عوام کو سہانے خواب دکھانے والے عوام کے منتخب کردہ اراکین پارلیمنٹ و حکمران اقتدار پانے کے بعد عوام سے کس قدر وفادار و مخلص رہتے ہیں ان کاا ظہار حکمرانوں کے رویئے ‘ مراعات ‘ آسائشات ‘ تعیشات ‘ باڈی گارڈز اور حکومتی پالیسیوںو عوام کو فراہم کردہ سہولیات سے ہوجاتا ہے جبکہ عصر حاضر میں ملکی صورتحال و عوامی حالت و حالات موجودہ حکمرانوں و منتخب نمائندوں کی عوام دوستی کا مظہر ہے ۔ پاکستان سولنگی اتحاد کے سینئررہنما امیر سولنگی ‘ سردار اکر م سولنگی ‘ سردار شبیر سولنگی ‘ سردار راحیل سولنگی ‘ سردار خادم حسین سولنگی و دیگر نے پنجاب اسمبلی کے اراکین کی جانب سے اپنی تنخواہوں ومراعات میں100فیصد اضافے کے بل کی منظوری کی مذمت کرتے ہوئے کہا ہے کہ توانائی بحرا ن کے حل اور مہنگائی ‘ بیروزگاری و غربت سے عوام کو نجات دلانے میں ناکامی کے ساتھ صحت و تعلیم اور زندگی گزارنے کی بنیادی سہولیات کے ساتھ امن وتحفظ کی فراہمی میں ناکام حکمرانوںو اراکین پارلیمنٹ کی تنخواہوں و مراعات میں 100فیصد اضافہ عوام کی گردنوں پر چھری چلانے کے مترادف ہے اسلئے اس بل کو کالعدم قرار دیکر ان سے تمام مراعات واپس لی جائیں یا پھر سرکاری ملازمین کی تنخواہیں اور مراعات میں بھی اراکین اسمبلی کے جتنا اضافہ کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے پاکستان سپر لیگ کے میچ میں وہاب ریاض اور احمد شہزاد کے درمیان جھگڑے وتلخ کلامی کے مظاہرے پر اظہار افسوس کرتے ہوئے وہاب ریاض اور احمد شہزاد سے اپیل کی ہے کہ وہ کھیل کے میدان کو ایوان یا سیاسی ٹاک شو بنانے سے گریز کرتے ہوئے اسے کھیل کا میدان ہی رہنے دیں کیونکہ عوام کرکٹ کے میدان میں کرکٹ دیکھنا چاہتے ہیں لڑائی جھگڑے ‘گالیاں ‘ دھکم پیل ‘ شور و شرابا ‘ ایک دوسرے کو سنگین نتائج کی دھمکیوں کے مناظر انہیں تقریباً روز ہی قومی یا صوبائی اسمبلی کے سیشن کی لائیوکوریج کے دوران دیکھنے کو میسر آجاتے ہیں یا ایسی اخلاق باختگی کا مظاہرہ عموماً مختلف سیاسی جماعتوں کے رہنماؤں کی جانب سے ٹی وی ٹاک شوز کے دوران دکھائی دیتا ہے اسلئے وہاب ریاض اور احمد شہزاد یہ یاد رکھیں کہ پاکستان میں سیاستدانوں اور اخلا ق سے عاری مقتدر و طاقتور افراد کی کمی نہیں ہے مگر اچھے کھلاڑی بہت کم ہیں اسلئے احمد شہزاد و وہاب ریاض کیلئے سیاست کی روایت اپنانے کی بجائے اچھے کھلاڑیوں ہونے کا اپنارتبہ برقرار رکھیں تو ان کا اس قوم پر احسان ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاڑکانہ /کراچی(جی پی آئی)پی ٹی آئی کے انصاف کارواںکی لاڑکانہ،قمبر،شہدادکوٹ میں ریکارڈ ممبر سازی جگہ جگہ والہانہ استقبال ۔پی ٹی آئی کی جانب سے لاڑکانہ کے علاقے علی آباد،الہ آباد،عطاترک،ٹاور چوک ،باکرانی روڈ،جناح آباد ،ایس پی چوک،ٹنیک چوک ،چانڈکاپل،سچل کالونی ،شیخ زید موڑ،بائی پاس اور رائل چوک پر ممبر شپ کرانے کے لیے عوام کا زبردست رش،جہاں سے گزرے عوام نے پھول برسائے اورجئے عمران خان کے نعرے بھی لگتے رہے ،لاڑکانہ میں مختلف راستوں سے ہوتے ہوئے جب قمبر شہدادکوٹ میں پہنچے تو عوام پہلے ہی سے استقبال کے لیے موجود تھے ،پی ٹی آئی کے ممبرسازی کے کیمپوں پر شہریوں کا بھرپور رش دیکھنے کو ملا۔پی ٹی آئی کے رہنما حلیم عادل شیخ نے ممبر شپ کے دوران پرسان حال اور انصاف کے مارے لوگوں کی فریادوں کو بھی سنا اور انہیں اس بات کا یقین دلایا کہ ان کے دکھوں کے خاتمے کے دن آگئے انہوں نے میڈیا اور عوام سے گفتگومیں کہا کہ پیپلزپارٹی کا زور اب ختم ہوچکاہے کچھ ہی دنوں کی بات ہے ان کے آدھے وزیر جیلوں میں اور آدھے ملک سے باہر ہونگے۔انہوں نے لاڑکانہ کی معروف شخصیات جاوید پنہور،عاجز بگٹی ،رئیس آغا،عبدالوسیم جتوئی،رئیس مظفرچانڈیو،زوالفقار جتوئی،عاشق حسین ،عبدالکریم انڑ،عبدالرحیم چھکرو،زی ناز،نگہت سلطانہ اور دیگر کی جانب سے لاڑکانہ میں زبردست استقبالیہ دینے پر شکریہ ادا کیا انہوں نے کہا کہ لاڑکانہ زوالفقار علی بھٹو اور ایوان میں بیٹھے لوگوں کا خاص مرکز ہے جو اس وقت سب سے زیادہ بدحالی کا شکار ہے ،ہم عمران خان کی قیادت میں پورے سندھ سمیت لاڑکانہ کی تقدیر بدل دینگے ،انہوں نے کہا کہ ہم چیئرمین عمران خان کی ہدایت پر سندھ کے تمام اضلاع اور ان کے گوٹھوں میں جائینگے ہمارا شاندار استقبال عمران خان کے کارکن ہونے کا نتیجہ ہے ،انہوں نے مزید کہا کہ لاڑکانہ ہی نہیں اس بار پی ٹی آئی ہر جگہ سے سیٹیں نکالے گی،کیونکہ سندھ کی عوام بھی اب تبدیلی کے اس خواب کو پورا کرنے کے لیئے مکمل طورپر تیار ہوچکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی) پاکستانی ہندوؤں کی نمائندہ تنظیم پاکستان ہندوکونسل نے3اپریل کو انتخابات کا اعلان کرتے ہوئے الیکشن شیڈول جاری کردیا ہے، الیکشن کمیشن کے مطابق ملک بھر کے ہندوشہری کاغذاتِ نامزدگی 20فروری سے لیکر5مارچ تک پاکستان ہندوکونسل کے سیکرٹریٹ سے حاصل کرکے جمع کرواسکتے ہیں، امیدواروں کی فائنل لسٹ اسکروٹینی کا عمل مکمل کرنے کے بعد 16مارچ کو آویزاں کردی جائے گی، اس سلسلے میں 3اپریل کو جنرل باڈی کا اجلاس طلب کیا گیا ہے، فاتح امیدواروں کا اعلان اسی روز کردیا جائے گا۔پاکستان ہندوکونسل کے 2013ء کے انتخابات میں ایک سنسنی خیز مقابلے کے بعدیونائیٹڈ پینل فاتح قرار پایا تھا، ممبرقومی اسمبلی ڈاکٹر رمیش کمارونکوانی کی زیرسرپرستی پاکستان ہندوکونسل گزشتہ دس برسوں سے پاکستانی ہندوؤں کی فلاح و بہبود اور حقوق کیلئے سرگرم ہے، ڈاکٹر رمیش ونکوانی کے مختلف موضوعات پر بیانات تواتر سے ملکی و عالمی میڈیا کی زینت بنتے رہتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)یونیورسٹی آف سوات میں سونامی بلین ٹریزپراجیکٹ کے تحت شجر کار ی مہم کا آغازہوگیا،زیر تعمیر عمارت میں جگہ جگہ پودے لگائے گئے ،اس حوالے سے گذشتہ روز تقریب منعقدہوئی جس سے خطاب کرتے ہوئے وائس چانسلرڈاکٹر جہان بخت ،چیف کنزرویٹر افسراللہ وزیر اور دیگر مقررین نے کہاکہ سونامی بلین ٹریزپراجیکٹ کے تحت ریجنل،ڈویژنل کی سطح پر اور بعدازاں اس کا دائرہ وسیع کرکے صوبہ بھر میں شجر کاری مہم چلائی جائے گی،انہوںنے کہاکہ مہم کا مقصد نہ صرف صوبے کو سرسبزوشاداب بناناہے بلکہ اس کے ذریعے ماحولیاتی آلودگی کو شکست دینا بھی ہے،انہوںنے کہاکہ شجرکاری مہم سے اگر ایک طرف اقتصادیات سمیت دیگر فوائدحاصل کئے جائیںگے تودوسری طرف اس سے ڈیلی ویجزپرپانچ لاکھ افرادکو روزگار بھی مل سکے گا،انہوںنے کہاکہ مہم کاہدف پچیس فیصد ہے اس لحاظ سے اگر ایک فرد چار پودے لگائے تو یہ ہدف بآسانی پورا کیا جاسکتاہے ،اس دوران نہ صرف پودے لگانا بلکہ ان کے تحفظ کو بھی یقینی بنانے کی بھی اشد ضرورت ہوگی اس کے علاوہ جنگلات کی حفاظت کیلئے بھی ٹھوس اقدامات اٹھانا ہوں گے،انہوںنے کہاکہ شجرکاری مہم کوکاکامیابی سے ہمکنار کرنا اور جنگلات کے تحفظ کو یقینی بناناہم سب کی مشترکہ ذمہ داری بنتی ہے لہٰذہ ہمیں اس ذمہ داری کو بطریا احسن پورا کرنا ہوگا،انہوںنے کہاکہ آئو مل کر ملک کو سرسبز وشاداب بنانے میں اپنا کرداراداکریں،تقریب میں یونیورسٹی آف سوات کے سٹاف اور محکمہ جنگلات کے اہلکاروں کے علاوہ یونیورسٹی کے طلبہ نے بھی کثیرتعدادمیں شرکت کی،اس موقع پر وائس چانسلر ڈاکٹر جہان بخت اور چیف کنزرویٹر افسراللہ وزیر نے یونیورسٹی کے احاطے میں پودے لگاکر مہم کا باقاعدہ افتتاح کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)پنجاب والے پختون قوم کے ترقی کے دشمن ہے تبدیلی لانے والوں نے اسا تذہ اور سکول چوکیداروں کو بندوقیں دے کر تبدیلی کا آغاز کر دیا عوامی نیشنل پارٹی خدمت پر یقین رکھتے ہیں اور خدمت فرض کے طرح ادا کر رہے ہیں گزشتہ روز کبل کے علاقہ کوز ابا خیل ڈڈھارہ میں عوامی نیشنل پارٹی کے زیر اہتمام شمولیتی تقریب سے ANPکے مرکزی جائنٹ سیکرٹری خان نواب ، سابق MPAوقار احمد خان ، ضلعی کونسلر شاہ سید ، ابراہیم دیولئی، شو کت خان، نادر خان ریاض خان،ہادی خان، جہانگیر خان اور دیگر نے خطاب کر تے ہوئے کہاکہ عوامی نیشنل پارٹی نے جب صوبے میں اقتدار سنبھالا تو دہشت گردوں کا راج تھا جب دہشت گردی پر کنٹرول کیا تو سیلاب آیا جس کے وجہ ہمیں شدید مشکلات کا سا منا کر نا پڑا لیکن پھر بھی ہم نے اپنے دو سالہ اقتدار میں جو ترقیاتی کام اور میگا میگا پراجیکٹ کے تو اس کا67سالوں میں کوئی مثال نہیں ہم نے اپنے دور حکومت میں ترقیاتی کام کسی پر احسان نہیں بلکہ اپنا فرض پورا کیا ہے تعلیم کے میدان میں ہماری کا ر کر دگی مثالی اور تاریخی ہے جو مو جودہ حکومت 50سال پیچھے دھکیل دیا عمران خان احتساب کمیشن کے تعریفیں کر رہے تھے لیکن جب احتساب کمیشن کے سر براہ نے PTIکے کرپشن کو بے نقاب کر نا چا ہا تو استعفی دینے پر مجبور کر دیا موجودہ حکومت کے صحت پروگرام کرپشن کے نظر ہو گئے ہیں اور عوام کو شدید مشکلات میں چھوڑ دیا ہے پنجاب والے پختون قوم کے خیر خواہ نہیں وہ نہیں چاہتے کہ پختون قوم ترقی کریں تبدیلی صرف ANPہی لا سکتے ہیں تبدیلی اور انقلاب قربانیوں کے بدولت آتے ہیں ANPنے ہزاروں قربانیاں دے کر تاریخ رقم کر دیا ہے ہمیں اپنے حلقہ PK82سے بہت پیار ہے مخالفین الزمات لگانے سے گریز کریں انہوں نے کہا کہ پختون قوم میں اتفاق نہ ہونے کے وجہ سے آج ہم شدید مسائل و مشکلات سے دوچار ہے لیکن پختون قوم اب بیدار ہو چکے ہیں اور ان کو احساس ہوا ہے کہ پختون قوم کے نمائندگی صرف ANPہی کر سکتے ہیں اور ہم قوم سے عہد کر تے ہیں کہ پختون قوم کے خلاف تما م سازشیں نا کام بنا دینگے جس کے لئے عوام کو ہمارا ساتھ دینا ہو گا اس موقع پر PPPاور پاکستان مسلم لیگ سے ہادی خان ، اسحاق، صدیق امبر، کریم ، سید خان، ڈاکٹر افضل شاہ ، بہر کرم اپنے درجنوں سا تھیوں سمیت مستعفی ہو کر عوامی نیشنل پارٹی میں شمولیت کا اعلان کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)اسسٹنٹ کمشنر کبل محمد نعیم نے کاروائی کر تے ہوئے تحصیل کبل کے علاقہ شاہ ڈھیرئی میں بغیر لائسنس کے پٹرول پمپ سیل کر دی گئی علاقے میں غیر قانونی کام اور غیر قانونی پیٹرول پمپ چلانا کسی صورت برداشت نہیں قانون کے خلاف کام کرنے والوں کے خلاف کاروائی جاری رہینگے تفصیلات کے مطابق کبل کے علاقہ شاہ ڈھیرئی میں ACکبل محمد نعیم تورو نے کاروائی کر تے ہوئے غیر قانونی اور بغیر لائسنس چلانے والے پیٹرول پمپ سیل کر دی گئی انہوں نے کہا کہ علاقہ میں غیر قانونی کام کرنے والوں کے خلا ف کاروائی جاری رہیگے غیر قانونی کام کسی صورت قابل برداشت نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)کبل کے علاقہ ڈڈھارہ میں سوزوکی کے ٹکر سے 6سالہ بچی جا بحق دوسری شدید زخمی ہسپتال منتقل کبل پولیس نے سوزوکی ڈرائیور گاڑی سمیت گرفتار کر لیا مقدمہ درج مزید تفتیش جاری تفصیلات کے مطابق گزشتہ روز کبل کے علاقہ ڈ ڈھارہ میں سوزوکی PSK:3007جو شیر گل ولد فقیر کبل چلا رہا تھا کبل پولیس مطابق گاڑی کے ٹکر سے 6سالہ بچی راحت بی بی دختر پرویز جا بحق جبکہ 7سالہ جلوہ بی بی دختر محمد زیب ساکنان تو تا نو بانڈئی سورے شریفے زخمی ہو گئی پولیس نے ڈرائیور کر گرفتار کر کے مزید انکوائری شروع کر دی جس کے تفتیش جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)کبل کے علاقہ ایک شخص نے خود پر فائرنگ کر کے زخمی کر دیا پولیس نے رپورٹ درج کر کے مزید تفتیش شروع کر دی تفصیلات کے مطابق گزشتہ روز تحصیل کبل کے علاقہ میلگا ہ میں ایک شخص نیاز منیر ولد مومن سکنہ میلہ گا ہ بندوق سے کھیلتے ہوئے اچانک گولی لگنے سے زخمی ہوا جو ہسپتال منتقل کر دیا پولیس نے رپورٹ درج کر کے مزید تفتیش کا آغاز کر دیا وجہ معلوم نہ ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)تحصیل کونسلر انجینئر اکرام خان نے کہا ہے کہ قلا گئے کے مختلف علاقوں کے بند سڑکیں اور بجلی نظام برفباری کے وجہ سے درہم برہم ہونے کے بعد مشیر وزیرا علی ڈاکٹر امجد کے دن رات کوششوں سے بحال کر دی گئی مزید کام تیزی سے جاری ان خیالات کا اظہار تحصیل کونسلر اکرام خان نے گزشتہ روز ایک بیان جاری کر تے ہوئے کہا کہ پہاڑی علاقہ قلا گے کے مختلف علاقوں میں گزشتہ برفباری کے وجہ سے سڑکیں بند اور بجلی کے نظام درہم برہم ہو گیا تھا یونین کونسل قلا گے کے عوام PTIکارکنان اور ڈاکٹر امجد کے دن را ت کوششوں کے نتیجے میں بجلی نظام اور سٹرکیں بحال کر دے گئے مزید کام تیزی سے جاری ہے۔
کراچی کی خبریں 17/2/2016
گجرات کی خبروں کی تصویری جھلکیاں