گجرات کی خبریں 7/3/2016

Gujrat

Gujrat

گجرات (جی پی آئی) ماجرہ شمالی کی سر زمین درود و سلام کی صدائوں سے گونج اُٹھی ۔ خدا کی رحمت برستی رہی۔ ساری رات برسات کے باوجود عاشقان رسول ۖ نے حاجی امجد علی کی رہائشگاہ پر ہونے والی عظیم الشان سالانہ محفل میلاد مصطفےٰ ۖ میں شرکت کی۔ تفصیلات کے مطابق حاجی امجد علی آف ماجرہ شمالی کی رہائشگاہ پر عظیم الشان محفل میلاد مصطفی منعقد ہوئی ۔ جس کی صدارت سجادہ نشین آستانہ عالیہ غوث یگانہ صاحبزادہ پیر سید انتصا رالحسن شاہ سروری قادری نے کی۔ جبکہ خصوصی خطاب صاحبزادہ پیر سید سعید احمد شاہ گجراتی ممبر اسلامی نظریاتی کونسل و سجادہ نشین آستانہ عالیہ شہنشاہ ولایت نے کیا۔ مہمان خصوصی پیر سید عمر علی شاہ آستانہ عالیہ سرہالی شریف، پیر سید اجمل حسین شاہ ‘ پیر سید تجمل حسین شاہ’ پیر سید اظہر حسین شاہ تھے۔ تلاوت کلام پاک کا شرف قاری سید صداقت علی شاہ PTV لاہور’ قاری محسن رضا قادری اور قاری عدنان رضا ماجرہ شمالی نے حاصل کیا۔ نعت رسول مقبول ۖ احمد علی حاکم’ محمد افضل سہروردی’ ڈاکٹر غلام مرتضیٰ نقیبی’ محمد فیضان رضا عطاری’ سید زین العابدین’ آزاد اصغر’ محمد افضل عطاری’ تنویر علی’ حافظ غلام عباس’ سخاوت حسین و دیگر نے ہدیہ نعت پیش کیا۔ یہ محفل چوہدری امجد علی آف ماجرہ شمالی اور چوہدری اختر علی آف ماجرہ شمالی کی زیر نگرانی منعقد ہوئی۔ جس کے مہمانان گرامی میں وزیر قانون حکومت آزاد کشمیر چوہدری اکبر ابراہیم’ ممبر صوبائی اسمبلی نوابزادہ حیدر مہدی’ تحصیلدار مسعود’ DOC وقار احمد خاں’ پروفیسر عبدالرزاق’ علماء کرام میں پیر سید ظہور حسین شاہ مہے شریف’ پیر سید منظور حسین شاہ مہے شریف’ سید عادل حسین شاہ ہزارہ مغلاں’ سید وارث شاہ دریہ’ سید اکرام مہدی شاہ چھالے شریف’ حافظ محمد طفیل شاہ چھالے شریف’علامہ انجم شہزاد جلالی’ حافظ صدیق خطیب ماجرہ شمالی’ حافظ عبدالعزیز دھمتھل’ علامہ مظہر دودھدرا شریف’ علامہ ثناء اللہ دوھدرا شرقی’ علامہ مدثر اقبال ہزارہ مغلاں’ صوفی محمد اکرم بہوجپور’ علامہ نعیم مجاہد چیچیاں’ علامہ ابوبکر طاہر چیچیاں’ حافظ مدثر اقبال ڈہوسرہالی’ حافظ ذوالفقار بھنگرانوالہ’ بائو محمد افضل فتالیاں’حافظ بلال احمد مکی بھنگرانوالہ’ مولوی گلزار احمد ہرڑ’ قاری محمد عارف چشتی بارو’ علامہ عاشق حسین چشتی مالووال’ علامہ نعیم اختر رضوی کڑیانوالہ’ علامہ محمدادریس کڑیانوالہ’ علامہ محمد رضا المصطفیٰ کڑیانوالہ’ علامہ نصیر احمد چشتی جیندڑ شریف’ قاری عنایت علی جینڈرا کلاں’ علامہ حاجی رفیق صاحب وڈا پنڈ’ علامہ محمد کوثر صاحب چوہان’ علامہ عمر حیات کالس’ صاحبزادہ نذیر احمد کیانی حاجیوالہ’ عاطف بٹ کڑیانوالہ’ صوفی اختر محمود بٹ کڑیانوالہ’ علامہ منصور احمد صابر دھمتھل و دیگر تھے۔ منتظمین میں حاجی میاں خاں(چھپڑے والا) ‘ حاجی محمد عالم ٹھیکیدار حاجی سردار خاں’ حاجی اکرم علی چوہدری’ حاجی اسد علی چوہدری’ حاجی خالد حسین’ محمد یاسین نمبردار’ حاجی محمد افضال’ حاجی محمد انصر’ حاجی محمد ارشد محمد انصر گلی والا’ نبیل اختر چوہدری ‘ حاجی عبدالرزاق’ حاجی خالد حسین’ چوہدری محمد افضل چھپڑے والا’ محمد ارشد پکے کوٹھے والہ’ حافظ عمران پکے کوٹھے والہ’ احتشام اکرم چوہدری’ اعزاز آصف ‘ حاجی محمد اکرم نمبردار’ حاجی صفدر حسین’ حاجی مشتاق احمد’ صوبیدار محمد اصغر لہندے والا’ چوہدری لیاقت علی’ چوہدری بائو بشارت’ اللہ دتہ بٹ’ چوہدری محمد افضل ڈھونگے ویڑھے والہ’ محمد انصر صود’ مختار احمد عرف سنا’ فوجی اصغر’ ماسٹر احمد خاں’ لہندے والا’ ماسٹر محمد انصر’ چوہدری محمد نویزانور نمبردار’ محمد اصغر بانیاں’ چوہدری محمد شہنشاہ چڑدے والا’ محمد ریاض لما’ حاجی نوید سبحانی’ عمران افضل ‘ وقاص اسجدو دیگر شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) موضع ماجرہ شمالی میں منعقدہ محفل میلاد النبی کے موقع پر بذریعہ قرعہ اندازی تین خوش نصیبوں کو عمرہ کی سعادت حاصل کرنے کیلئے پیکیج دینے کا اعلان کیا گیا۔ پہلا ٹکٹ پیر سید سعید احمد شاہ گجراتی ‘ دوسرا محمد منیر ‘ اور تیسرا محمد شفیق کو ملا۔ قرعہ انداز پیران کرام نے کی اور پیر سید انتصار الحسن شاہ نے اعلان کیا۔ ہر سال اس محفل سے تین خوش نصیب عمرہ کی سعادت حاصل کرنے کیلئے روانہ ہوتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) صاحبزادہ پیر سید انتصار الحسن شاہ سروری قادری نے موضع ماجرہ شمالی میں محفل میلاد النبی ۖ کے موقع پر خطاب کرتے ہوئے کہا کہ اس دنیا میں نبی کریم ۖ کی محبت اور اہل بیت سے محبت کے سواء کچھ نہیں۔ غازی ممتاز قادری شہید کی نماز جنازہ میں لاکھوں مسلمانوں نے شرکت کی بعض جنازے ایسے ہوتے ہیں جن میں نماز جنازہ پڑھنے والوں کی وجہ سے میت بخشی جاتی ہے اور بعض جنازوں میں میت کی وجہ سے نماز جنازہ پڑھنے والے بخشے جاتے ہیں۔ ہم اس سے پہلے نہیں جانتے تھے کہ ممتاز قادری کون تھے اور سلیمان تاثیر کون تھا، محبت اہل بیت اور محب نبوی کی وجہ سے ہمیں دونوں کی پہچان ہوئی۔ ہمیں سوچنا ہے کہ یہ ملک جو کہ اسلام کے نام پر حاصل کیا گیا تھا۔ اس میں گستاخ ِ رسول ۖ کیوں پیدا ہو رہے ہیں ؟ تو ہمیں سمجھ آئے گی کہ ہمارا اپنا کردار درست نہیں ۔ ہم اپنی اولاد کی صحیح تربیت نہیں کرتے۔ انہیں اسلام کے اصولوں پر عمل پیرا ہونے کا درس نہیں دیتے نماز کی پابندی نہیں کرتے۔ انہوں نے کہا کہ محافل میلاد منانا اور منعقد کرنا اور اس میں شرکت کرنا قابل فخر ہے۔ مگر اس سے بھی قابل فخر ہے کہ ہم نماز پڑھیں۔ خانقاہی نظام کو بہتر بنائیں۔ حلال رزق کمائیں تاکہ گستاخان رسول نہ پیدا ہو سکیں۔ ممبر اسلامی نظریاتی کونسل صاحبزادہ سعید احمد شاہ گجراتی نے کہا کہ اسلام کی تعلیمات پر صحیح طریقہ سے عمل کریں تو دنیا و آخرت میں کامیابی حاصل ہوتی ہے۔ جب تک ہماری زندگی میں عشق رسول ۖ پیدا نہیں ہو گا۔ ہم کہیں کامیابی حاصل نہیں کر سکیں گے۔ اور پیر سید انتصار الحسن شاہ نے جس طرح ہماری کوتاہیوں کی نشاندہی کی ہے یہ بات ہمارے لئے سوچنے کی ہے کہ ہم صحیح طرح اسلام کی تعلیمات پر عمل پیرا ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممتاز ماہر تعلیم محترمہ غزالہ بھٹی سابق پرنسپل میونسپل ماڈل سکول نے کہا ہے کہ والدین کی حوصلہ افزائی سے بچے ترقی کی منازل طے کرتے ہیں۔ اور جب تک والدین کی دلچسپی نہ ہو وہ کسی بھی میدان میں کامیاب نہیں ہو سکتے۔ یہ سپرٹ سکول شادیوال روڈ گجرات کی تقریب تقسیم انعامات کے موقع پر خطاب کرتے ہوئے کہا انہوں نے کہا کہ والدین کو چاہئے کہ اپنے بچوں کی بہترین تعلیم و تربیت کا بندوبست کریں اور اساتذہ کیساتھ روابط کو بہتر بنائیں تاکہ ان کے طلباء مستقبل کے حکمران بن سکیں۔ میں نے 35 سال بچوں کو تعلیم دی ہے۔ اور اس سکول کی پرنسپل میری اچھی سٹوڈنٹ ہیں۔ پرنسپل دی سپرٹ سکول عائشہ قریشی نے کہا کہ ہمارے طلبہ ہمارا اثاثہ ہیں، ہم اچھے فرنیچر یا شو پیس پر یقین نہیں رکھتے۔ بلکہ بچوں کی بہترین تعلیم و تربیت کی جانب توجہ دیتے ہیں۔ ٹیوشن مافیا کی حوصلہ شکنی کر رہے ہیں۔ کورس مزید شارٹ کر رہے ہیں تاکہ بچے بہتر انداز میں پڑھ سکیں۔ اس موقع پر بچوں نے مختلف خاکے پیش کئے۔ کلاس پلے گروپ میں اول لاریب فاطمہ’ ابراہیم’ دوئم ارحم’ عبداللہ عمران’ سوئم اریبہ اور عیان بٹ کلاس نرسری میں اول اسوہ گل’ عبداللہ آصف’ دوئم دائود عمران ‘ شفیعہ میر’ زریان بٹ’ محمد حنین’ اسوہ عامر’ بزل منصور’ سوئم’ عطاء الٰہی’ کنزہ ‘ تحریم’ فاطمہ’ عاشر’ فضا علی’ کلاس کے جی میں اول ہنزلہ علی مہرم جمیل’حاجرہ قیص’ عبدالہادی’ دوئم حیدر کامران’ نصیر احمد’ سوئم عبداللہ عثمان’ حاشر’ ماہین’ کلاس ون میں اول زارا شاہد’ عشاء نور’ دوئم سندس نوید’ سوئم عیون ماہ’ زوہیب کلاس ٹو میں اول انوشہ سید’ دوئم حامد شہباز سوئم ایمان علی’ کلاس تھری میں اول بلال اکبر’ دوئم مناہل وقار’ سوئم حسین گل ‘ کلاس فور میں اول تحریم عثمان’ دوئم عبداللہ کامران’ سوئم مامون شہزاد’ کلاس ششم میں اول احمد شہباز’ دوئم ایمن انور’ سوئم ایمان طارق کلاس ہشتم میں اول محمد سفیان’ دوئم عبداللہ سہیل رہے۔اس موقع پر بچوں میں انعامات تقسیم کئے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اہل گجرات کی خوش قسمتی ہے کہ ڈاکٹر اعجاز بشیرجیسی بے لوث سماجی شخصیت موجود ہے ڈاکٹر اعجاز بشیر کا وجود اہل گجرات کے لیے کسی مسیحا سے کم نہیں ہے وہ اسلام کے فلسفہ بلا امتیاز خدمت انسانیت کی عملی مثال ہیں ان خیالات کااظہار گجرات کی ممتازسیاسی اور مذہبی شخصیات مولانا مفتی جمیل الرحمن پروفیسر چودھری عمران مہدی چودھری رضاعلی وڑائچ پروفیسر فیض احمد ، کیپٹن ڈاکٹر غلام عباس وڑائچ ،گجرات چیمبرآف کامرس کے سابق صدرمہر ثاقب اسحاق ودیگر نے اپنے نے اپنیبیان مین کیا انھوں نے کہاکہ پاکستان کلفٹ ہسپتال جیسے منصوبے ان کی خداداد صلاحیتوں کا مظہر ہیں کلیفٹ ہسپتال میں بریسٹ کینسرکلینک کاقیام اہم اقدام ہے رائل فین فیملی اورڈیسنٹ ویلفیئرسوسائٹی کے اشتراک سے بریسٹ کینسر کلینک کاقیام اور اس میں فراہم کردہ معیاری اور جدیدمشینری کے ساتھ فری معائنہ ، فری میمو گرافی ، فری بریسٹ الڑاسائونڈ کی سہولت بہت بڑا اعزاز ہے واضح رہے اس طرھ کی مشینری لاہوراور راولپنڈی کے درمیان کسی ہسپتال میں میسر نہیں ہے انہوں نے کہا کہ اسلام ایک جامع نظام زندگی ہے مگر مسلمانوں نے عملی زندگی میں اسلام سے قطع تعلقی کر رکھی ہے اسلامی تعلیمات کو تحریروں تک محدود کر دیا ہے جبکہ ضرورت اس امر کی ہے کہ مسلمان اسلامی تعلیمات کا عملی نمونہ ہو مظلوم کی حمایت غریب کی دادرسی اور اسی طرح چھت سے محروم شخص کیلئے بنیادی سہولیات کی فراہمی اسلامی تعلیمات کی روشنی میں اہل ثروت اور اہل اقتدار کی ذمہ داری ہے ڈاکٹر اعجاز بشیر اور ان کی فیملی اور ساتھی دکھی انسانیت کی خدمت کے لیے کوشاں ہے تالو اور ہونٹ کٹے جیسے مریضوں کا مفت علاج ان کے سنہری کار نامے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) چار مسلح ڈاکوئوں کی صحافی کے بہنوئی کے گھر میں گھس کر لوٹ مار اہل خانہ کو رسیوں سے باندھ کر تشدد کا نشانہ بناتے ہوئے ڈاکو 40لاکھ سے زائد کا سامان زیورا ت ، نقدی ، راشن، کار لے گئے تفصیلات کے مطابق گوجرانوالہ کے رہائشی صحافی نجف شاہ کے بہنوئی سید ذوالفقار شاہ کے ہریہ والا میں قائم گھر میں چار ڈاکو دیوار پھلانگ کر داخل ہوئے اور سوئے ہوئے اہل خانہ کو جگا کر رسیوں سے ہاتھ پائوں آنکھیں باندھ کر 20تولے سونا ، اپلائیڈ فار کار ، 6لاکھ مالیت کا گودام میں موجود راشن ، 5لاکھ کی نقدی و دیگر قیمتی سامان لے گئے اور مزاحمت پر اہل خانہ کو تشدد کا نشانہ بناتے رہے ڈاکو چار گھنٹے کی واردات کے بعد اطیمینان سے بھاگ نکلے تھانہ صدر گجرات کے ایس ایچ او فراست چٹھہ نے ملزمان کی گرفتاری کیلئے چھاپہ مار ٹیمیں تشکیل دیدیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) پاکستان مسلم لیگ ق کے سٹی صدر محمد حنیف حیدری نے اپنے ایک بیان میں کہا ہے۔کہ چوہدری پرویز الٰہی کے منصوبے عوام اور ملکی مفادات میں تھے ۔ پنجاب میں لینڈ ریکارڈ کمپیو ٹرائیزیشن کا آغاز چوہدری پرویز الٰہی کا ایک مدبرانہ فیصلہ تھا، اور موجودہ وزیر اعلیٰ اس کا کریڈٹ لینے کی کوشش کر رہے ہیں۔ جو سراسر غلط اور جھوٹ ہے۔ پاکستانی قوم اب بیدار ہو چکی ہے، ہر اس چیز کو سمجھتی ہے ، کہ چوہدری پرویز الٰہی کے منصوبے پہلے روکے گئے، اور اب اپنا کریڈٹ لینے کے لیے دوبارہ آغاز کر دیا گیا ۔ وزیر آباد کریالوجی ہسپتال اور شہباز پور پل جیسے منصوبے پنجاب حکومت کی منافقانہ پالیسیوں کی وجہ سے رکے ہوئے ہیں، حالانکہ یہ تمام منصوبے عوامی مفادات میں ہیں، اور ایسے منصوبے ہیں ،جو تمام پارٹیوں کے لوگوں کے لیے مفید اور اعلیٰ ثابت ہوں گے۔ چوہدری پرویز الٰہی نے ہمیشہ عوامی مفادات کی سیاست کی ہے۔ اور کر رہے ہیں۔ لیکن موجودہ حکومت نے یہ منصوبے روک کر اپنے حسد کی آگ ٹھنڈی کی ہے۔انہوں نے کہا کہ جو لوگ عوامی خدمت کے دعوے دار ہوتے ہیں ، وہ ایسے اوچھے ہتھکنڈے نہیں کرتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنجاہ(جی پی آئی) کنجاہ کی ممتاز سیاسی و سماجی شخصیت کرنل (ر) حسنات سوہی کا بیٹا قضائے الٰہی سے انتقال کرگیا ۔ مرحوم کو سینکڑوں سوگواروں کی موجودگی میں کنجاہ پیر سبز غازی والے قبرستان میں سپرد خاک کردیاگیا ، نماز جنازہ میں سرپرست اعلیٰ مسلم لیگ ن کنجاہ چوہدری محمد اسحاق آرائیں، سابقہ ناظم کنجاہ رانا مقصود احمد ، سابقہ نائب ناظم کنجاہ شیخ شہکاز اسلم ، تاجر اتحاد کنجاہ کے صدر میر محمد اکرام ، چیئرمین مرکز ی انجمن تاجران حکیم لیاقت علی بٹ ، چیف ایگزیکٹو شہانہ ڈیرہ دوڑ میلا فواد رسول راٹھور، مہر محمد اکر م آرائیں ، چوہدر ی وحیدبشیر آرائیں ،مسلم لیگ ن یوتھ ونگ ضلع گجرات کے نائب صدر یاسر جرال ،تحریک منہاج القرآن کنجاہ کے صدر مرزا محمد مشتاق ، سرپرست اعلیٰ فضل کریم جان ، ہیڈ ماسٹر (ر) مشتاق احمد آرائیں ، معروف ماہر تعلیم ماسٹر غلام سرور دھارووال ، مسلم لیگی راہنما ، چوہدری محمد ارشد پوانجی ، چوہدر ی عاطف نصر اللہ پوانجی ، جنرل کونسلر ز میں چوہدری ساجد دلشاد ، خرم شہزاد ایڈووکیٹ ، احسان الحق مغل ایڈووکیٹ ، طارق محمود بٹ ، مدثر وڑائچ، صدر پی پی کنجاہ مہر طارق محمود آرائیں ،صدر پریس کلب کنجاہ محمد بلال بٹ، مرکزی انجمن تاجران کنجاہ کے صدر سیٹھ قمر رشید صراف ، فنانس سیکرٹری شیخ محمد انیس، ڈاکٹرشکور ا حمد، سب انسپکٹر پنجاب پولیس عمران فاروق سوہی ، محمد علی منہاس ایڈووکیٹ ، صدر مسلم لیگ ن میر صلاح الدین ، سینئر نائب صدر تاجر اتحاد محمد اصغر انصاری ، تنظیم مغلیہ کنجاہ کے راہنما مرزا سکندر ، ٹھیکیدار عبدالرشید آرائیں ، لالہ محمد بوٹا، بائو محمد ماجد، صحافیوں میں اشتیاق احمد آفتا ب ، وحید سلیم ، طیب حسین ، عمران قیصر،محمدعبداللہ سمیت مختلف شعبہ ہائے زندگی سے تعلق رکھنے والے سینکڑوں افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرس(جی پی آئی)ادارہ منہا ج القرآن فرانس کے لئے چوہدری محمد اعظم نامزد کر دئیے گئے ،پاکستانی کیمونٹی میں خوشی کی لہر دوڑ گئی ۔مبارک بادیں تفصیل کے مطابق تحریک منہا ج القرآن کے سربراہ علامہ ڈاکٹر محمد طاہر القادری نے فرانس کے نوجوان اور پاکستانی کیمونٹی کی ہر دل عزیز شخصیت چوہدری محمد اعظم کو ادارہ منہاج القرآن فرانس کا صدر نامزد کیا ہے ۔پاکستانی کیمونٹی نے چوہدری محمد اعظم کو صدر بننے پر مبارک باد دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) گلیانہ روڈ کھاریاں پر ٹریفک جام معمول بن گیا۔ کاروباری حضرات اور گزرنے والوں کے لئے مشکلات میں اضافہ۔ DSP ٹریفک میاں سہیل فاضل نے گلیانہ روڈ کھاریاں پر ٹریفک پولیس اہلکار تعینات کیا تھا مگر کبھی کبھار اہلکار یہاں پر نظر آتا ہے عدم توجہ کی وجہ سے یہاں پر گھنٹوں ٹریفک جام رہنا معمول بن چکا ہے۔ تجارتی اور عوامی حلقوں نے ارباب اختیار سے اصلاح احوال کا مطالبہ کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)کھاریاں شہر کی وارڈ نمبر3سے انشاء اللہ مسلم لیگ(ن) بھاری اکثریت سے کامیاب ہو گی۔MNA چوہدری عابد رضا کوٹلہ اور ایم پی اے چوہدری شبیر احمد کوٹلہ کی قیادت میں ہم سب کھاریاں شہر کی بلاتفریق تعمیر و ترقی کے لئے ہر وقت کوشاں ہیں ان خیالات کا اظہار کونسلر عبدالقیوم بھٹی رہنما مسلم لیگ(ن) کھاریاں سٹی نے کیا۔ انہوں نے کہا کہ اب وقت تبدیل ہو چکا ہے عوام اپنی فلاح و بہبود اور علاقہ کی تعمیر و ترقی کے لئے مسلم لیگ(ن) کا ہی ساتھ دیں گے اور وارڈ نمبر3سے مسلم لیگ(ن)کا امیدوار ہی کامیاب ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) امبر سحر سکول سسٹم لالہ موسیٰ میں سالانہ تقریب تقسیم انعامات/یوم والدین 19مارچ بروز ہفتہ کو ہوگی طلباء و طالبات میں انعامات تقسیم کئے جائیں گے۔ تقریب میں سیاسی سماجی شخصیات اور سرکاری افسران بھی شرکت کریں گے۔ سحر ویلفیئر سوسائٹی کی انتظامیہ تقریب کے دوران ایک اہم اعلان بھی کرے گی تقریب میں طلباء و طالبات رنگا رنگ پروگرام بھی پیش کریں گے والدین کی کثیر تعداد بھی شرکت کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) وارڈ نمبر3میں چھپر خاندان کے مخالفین کو ہمیشہ کی طرح اس بار بھی شکست سے دوچار کریں گے۔ وارڈ نمبر3کے عوام بلدیاتی انتخابات کی طرح ضمنی الیکشن میں بھی مسلم لیگ(ن) کے خواب خاک میں ملا دیں گے ان خیالات کا اظہار سابق صدر پی ٹی آئی کھاریاں سٹی چوہدری فرحان احمد نے کیا۔ انہوں نے کہا کہ وارڈ نمبر3 پی ٹی آئی کا گڑھ ہے یہاں پر کسی اور سیاسی جماعت کی کوئی جگہ نہیں ہے سابقہ بلدیاتی الیکشن میں بھی عوام نے چوہدری ناصر احمد چھپر کے نامزد امیدوار کو ووٹ دے کر کامیاب بنایا اور اب بھی انشاء اللہ عوام انہی کے نامزد امیدوار کو پہلے سے زیادہ لیڈ کے ساتھ کامیاب بنائیں گے۔ انشاء اللہ ضمنی الیکشن میں بھی وارڈ نمبر3سے پی ٹی آئی ہی کامیاب ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) ایس ایچ او تھانہ صدر کھاریاں چوہدری شہباز ہنجرا کی تعیناتی سے کھاریاں میں کرائم ریٹ میں نمایاں حد تک کمی واقع ہوئی ہے اور تھانہ سے ٹائوٹ مافیا خاتمہ دکھائی دے رہا ہے یہی وجہ ہے کہ اس وقت بوگس FIRکا اندراج کافی حد تک ناممکن ہو چکا ہے عوامی سماجی حلقوں نے ایس ایچ او چوہدری شہباز ہنجرا اور ان کی ٹیم کی کارکردگی کو بے حد سراہا ہے عوامی حلقوں کا کہنا ہے کہ انشاء اللہ کھاریاں شہر پولیس کی بہتر کارکردگی سے جرائم پیشہ افراد سے پاک ہو گا اور عوام بلا خوف و خطر اپنی زندگیاں گزاریں گے اور کاروبار بھی کریں گے۔ عوامی حلقوں نے خصوصی طور پر منشیات فروشوں کے خلاف بھرپور کارروائیاں کرنے پر پولیس افسران اور اہلکاروں کو خراج تحسین پیش کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)حلقہ این اے 101میں 22مارچ کو ہونے والاالیکشن دراصل عوامی ریفرنڈم ہے جس میں وزیرآبادکے 7لاکھ ووٹران پذیر ائی دے کر مسلم لیگ(ن)کے امیدوارکوواضع شکست دیں گے ۔ کرپشن نے ملک کی بنیادوں کو ہلا کر رکھ دیا ہے اسے ہمیشہ کیلئے دفن کرنا ہے،حکمرانوں کی ناقص پالیسیوں نے پاکستانی کاشتکار کو تباہ کر دیا ہے۔ان خیالات کا اظہارسابق اسپیکرقومی اسمبلی حامد ناصر چٹھہ نے ایک اجلاس کے موقع پرکیا۔اس موقع پررائس ڈیلرمحمدشہبازچیمہ،پی ٹی آئی کے رہنماوسابق ٹائون نائب ناظم چوہدری محمدیوسف ،چوہدری عمرودیگر بھی موجودتھے۔انہوںنے کہا کہ ہم نے صاف ستھری باوقارسیاست کوفروغ دیاہے۔ہمارادامن ہرقسم کے دھوکے ،کرپشن سے پاک ہے۔میرے تمام ساتھی ورکرامیدوارحلقہ این اے101محمداحمدچٹھہ کی کامیابی کے لئے سرگرم ہیںانشاء اللہ تعالیٰ 22مارچ کوپاکستان تحریک انصاف کامیابی کے ساتھ وزیرآبادکی تاریخ رقم کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)میاںبرادران ملکی معیشت کی گاڑی کودرست سمت میںرواںرکھے ہوئے ہیں۔ہم سب کوبحیثیت پاکستانی ان اقدامات کوسراہناہوگا۔101مسلم لیگ (ن)کاگڑھ ہے 2008اور2013میںمسلم لیگی ورکروںاورکارکنوںنے افتخاراحمدچیمہ ١ ور مجھ اپنے قیمتی ووٹ کی طاقت سے منتخب کرواکراس بات کاثبوت دیاہے کہ حلقہ101مسلم لیگ کامضبوط قلعہ ہے۔انہوںنے کہا کہ حلقہ101سے تیسری بارافتخاراحمدچیمہ کوتیسری بارکامیاب کرواکرقو می اسمبلی کی سیٹ کومیاںبرادران کوگفٹ کرینگے۔ان خیالات کا اظہار کوارڈینیٹرمحمدشعیب بٹ نے پاکستان مسلم لیگ (ن)کے امیدواراین اے101جسٹس (ر)افتخاراحمدچیمہ کے انتخابی جلسہ سے ٹھٹھی ارائیاںمیں خطاب کرتے ہوئے کیا۔اس موقع پر امتیازاظہرباگڑی،کونسلرشہبازمغل،امتیازرانجھاودیگرنے بھی خطاب کیا۔ انہوںنے کہا کہ پارٹیاںبدلنے والوںکا22مارچ کویوم احتساب ہوگااورمسلم لیگ (ن)کہ حق میںعوامی ریفرنڈم ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی):مسلم لیگ (ن)کے رہنماوکونسلرمحمدشفیق نمبردارکے والدمحمدیونس نمبردارمختصر علا لت کے بعدانتقال کرگئے۔جنہیںہزاروںسوگواروںکی موجودگی میںپیر مٹھا قبرستان میںسپردخاک کردیا گیا۔نمازجنازہ میںسیا سی وسماجی شخصیات کونسلران ،چیئرمین ووائس چیئرمین ،وکلائ،تاجر برادری ،صحافی،صنعتکاراورشہریوںکی کثیر تعدادنے شرکت کی۔مرحوم کے قل شریف کاختم مورخہ 7مارچ بروزسوموارصبح 10بجے جامع مسجددربارشین شاہ محلہ کٹڑامائی وزیرآبادمیںہوگا۔جسمیںمرحوم کی روح کے ایصال ثواب کے لئے قرآن خوانی اوراجتماعی دعا ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)خان غلام دستگیرخاںکی حامد ناصر چٹھہ پرنکتہ چینی دراصل بیٹے کی وزارت کے باعث ہے جبکہ قائداعظم کی ہمشیرہ فاطمہ جناح کے صدارتی الیکشن میںغلام دستگیرخاںآمریت کے ساتھ تھے۔یہ بات حامد ناصر چٹھہ کے ترجمان عبد الکریم بٹ نے ایک بیان میںکہی۔انہوںنے کہا کہ میاںبرادران کوجاتی عمرہ میںکوذہ مشک ہرکرسجدہ ریزی کرنے والے پسند ہیںحامد ناصر چٹھہ برابری کی بنیادپربات چیت کے عادی ہیںاورمحمداحمدچٹھہ کی پی ٹی آئی میںشمولیت سے دونوںبھائیوںکے اقتدارکاسنگھاسن زلزلہ محسوس کررہا ہے۔انہوںنے کہا کہ حامد ناصر چٹھہ کے دامن پرکرپشن کاایک دھبہ بھی نہیںجبکہ انکے خلاف بیان دینے والوںنے دوسال میںاسلا م آبادمیںکوٹھی خرید لی ہے۔عبد الکریم بٹ نے کہا کہ تحریک انصاف کے چیئرمین عمران خاںنے احمدنگرآکرحامد ناصر چٹھہ کی عظمت وسطوت کوخراج تحسین پیش کیااورمحمداحمدچٹھہ کی جیت سے عمران خاںکے وزیراعظم کی راہ ہموارہوگی۔انہوںنے کہا کہ قائداعظم کی رحلت کے بعدمسلم لیگ دفن ہوگئی تھی اورآج کی مسلم لیگ سیم وزرکی دخترہے اوریہ ساراکھیل میاںبرادران نے شروع کروایاہے۔انہوںنے کہا کہ قارون کے پیروکاروںکوکبھی ہوس دولت سے نجات حاصل نہیںہوتی اورون فیملی حکومت کے خاتمہ سے عوام ضمنی الیکشن میںحکمران جماعت کومستردکرینگے۔انہوںنے غلام دستگیربلاجوازنکتہ چینی کوذاتی مفادکاشاخسانہ قراردیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)پاکستان مسلم لیگ کے صدر و سابق وزیراعظم چودھری شجاعت حسین اور سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ وزیراعلیٰ پنجاب شہبازشریف کی جلد بازیاں ملک کو لے ڈوبی ہیں، پنجاب اسمبلی میں خواتین کے تحفظ کا بل منظور کروانے سے پہلے تمام مکاتب فکر کے علماء کو اعتماد میں لینا چاہئے تھا۔ وہ یہاں اپنی رہائش گاہ پر لاہور ہائیکورٹ بار ایسوسی ایشن کے نومنتخب سیکرٹری انس غازی اور ان کے والد جسٹس (ر) نذیر احمد غازی سے گفتگو کر رہے تھے۔ ملاقات میں مونس الٰہی اور نادر دوگل ایڈووکیٹ بھی موجود تھے۔ انہوں نے کہا کہ وکلاء برادری شہریوں کو فوری اور سستا انصاف فراہم کرنے میں اپنا مثبت اور بھرپور کردار ادا کرے کیونکہ اس سلسلہ میں وکلاء مرکزی کردار کے حامل ہیں اسی لیے ہم نے اپنے دور میں پہلی بار پراسکیوشن سروس قائم کی، پبلک ڈیفنڈر سروس کیلئے باقاعدہ قانون سازی کی اور پہلی بار کنزیومر کورٹس کا قیام عمل میں لایا گیا جن سے ہزاروں صارفین آج تک مستفید ہو رہے ہیں جبکہ ہمارے دور میں وکلاء کیلئے مفت علاج کی سہولت مہیا کی گئی، لاہور ہائیکورٹ بار کا ہال اور ایڈووکیٹ جنرل کا آفس تعمیر کیے گئے، وکلاء کیلئے ہائوسنگ کالونیاں بنائی گئیں۔ انس غازی نے مسلم لیگی قائدین کی جانب سے الیکشن میں حمایت پر اظہار تشکر کرتے ہوئے کہا کہ عوام پاکستان مسلم لیگ کے دور میں عدالتوں میں ہونیوالے ریلیف کے کاموں کو اب تک یاد کر رہے ہیں۔ انہوں نے چودھری پرویزالٰہی کے دور کو فوری و سستے انصاف کی فراہمی کے مؤثر اور نتیجہ خیز اقدامات کیلئے بہترین قرار دیا اور کہا کہ انصاف کی فراہمی، عدلیہ کی بالادستی اور عدالتی ڈھانچہ کے استحکام کیلئے ان کے قائم کردہ ادارے موجودہ حکومت کے انتقامی رویہ کی بھینٹ چڑھ گئے اور یہ ادارے جن سے ہر کسی کو فائدہ پہنچ رہا تھا اب تنزلی کا شکار ہیں جس کی سزا عوام بھگت رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) شیعہ علما کونسل پنجاب کے صدر حجتہ الاسلام والمسلمین علامہ سید سبطین حیدر سبزواری نے فورتھ شیڈول کی نئی فہرستوں کی تیاری اور شریف شہریوں کو تنگ کرنے پر تشویش کا اظہار کرتے ہوئے استفسار کیا ہے کہ اضلاع کے ڈی پی او اور ڈی سی اوز بھی لاعلم ہیں تو کارروائیاں کون کررہا ہے؟میڈیا سے گفتگو میں علامہ سبطین سبزواری نے کہا کہ فورتھ شیڈول کے خلاف شیعہ علما کونسل ایک عرصے سے مطالبہ کررہی ہے کہ اس کا کوئی معیار مقرر کیا جائے۔ پولیس اہلکار جس کو دہشت گردی کے شبے میں پکڑنا چاہیں پکڑ لیتے ہیں ، انہیں کوئی پوچھنے والا نہیں۔شریف شہریوں کو تنگ کیا جارہا ہے۔ اس کا سد باب نہ کیا گیا تو راست اقدام کریں گے۔ حکومت ہمیں احتجاج پر مجبور کررہی ہے۔ ان کا کہنا تھاکہ پنجاب کو پولیس اسٹیٹ بنایا جارہا ہے، مدارس ، مساجد اور امام بارگاہوںکے بارے میں غیر ضروری فارم تقسیم کئے جارہے ہیں اور بانیان مجالس اورمتولیان کو ہراساںکیا جارہا ہے، جس کی اجازت نہیں دی جائے گی۔ علامہ سبطین سبزواری نے کہا کہ دہشت گرد کون ہیں، حکومت ، ایجنسیاں اور عوام سب جانتے ہیں۔اہل تشیع نے دو دہائیوں سے دہشت گردی اور تکفیریت کا ڈٹ کر ایسے مقابلہ کیا ہے کہ اس کی مثال نہیں ملتی۔ قائد ملت جعفریہ علامہ سید ساجد علی نقوی کی قیادت میں اتحاد امت کا ماحول بنایا اور اس پر عمل بھی کیا۔ حالانکہ کچھ جذباتی لوگوں نے قائد ملت کی پالیسی سے اختلاف کیا اور راہیں جدا کرلیں۔ مگر علامہ ساجد نقوی کی دور اندیشی نے ثابت کیا کہ اتحادہی پاکستان اور امت مسلمہ کے مفاد میں ہے۔ او ر اسی پر ہم عمل جاری رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان مسلم لیگ ق کے رہنما و مسلم لیگ یوتھ ونگ کے مرکزی صدر سید بلال مصطفی شیرازی نے کہا ہے کہبین الاقوامی سطح پر پٹرولیم مصنوعات میں کمی کے باعث صرف انٹر سٹی اور آئوٹ آف سٹی ٹرانسپورٹ بسوں کے کرائیوں میں معمولی کمی سے مسئلہ حل نہیں ہوگا ۔پٹرولیم مصنوعات میں کمی کے باعث حج اور عمرہ جیسے دینی فریضے کی ادائیگی کیلئے حج اور عمرہ کیلئے ہوائی جہازوں کے کرائیوں بھی پٹرولیم مصنوعات کے تناسب سے کمی کی جائے۔ سید بلال مصطفی شیرازی نے کہا کہ پی آئی اے ،ریلوے کے کرائیوں میں کمی نہ ہونا عوامی ریلیف کی راہ میں رکاوٹ ہے وزیرریلوے صرف بیانات کی حد تک محدود ہیں اپنے محکمے میں تاحال کرائے کی مد میں کمی نہ کرکے ہر روز کروڑوں روپے عوام سے زائد وصول کرکے عوام کی جیبوں پر ڈاکہ ڈالا جارہا ہے۔ انہوںنے کہا کہ حکومت نے پٹرولیم مصنوعات میں اضافہ کا جواز بنا کر حج کے اخراجات میں ہوشربا اضافہ کردیا تھا اب جبکمہ پٹرولیم مصنوعا ت میں کمی ہوئی تو حج کے کرائے کم کرنے میں لیت و لعل سے کام لیا جارہا ہے۔ بلکہ اخباری رپورٹوں کے مطابق آنے والے حج کے اخراجات میں کمی کی بجائے مزید اضافہ کی پلاننگ کرکے دینی فریضہ کی ادائیگی کرنے والے حاجیوں پر اضافی بوجھ ڈالنے کی تیاریاں کی جارہی ہیں ۔انہوںنے کہا کہ حکومت پٹرولیم مصنوعات میں کمی کے باعث روزمرہ کی اشیائے ضروریہ کی قیمتوں میں بھی کمی کروا کر عوام کو ریلیف فراہم کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) جمعیت علما پاکستان کے سربراہ پیر سید محمد معصوم حسین نقوی نے کہا ہے کہ حکومتی اقدامات ملک کو سیکولرازم کی طرف دھکیل رہے ہیں، جس کے باعث عوام میں بڑی تشویش پائی جاتی ہے۔ مغربی میڈیا اور این جی اوز کے دباو میں ملک کی بنیادی اساس اور اسلامی تشخص کے خلاف اقدامات کو برداشت نہیں کیا جائے گا۔جے یو پی نیازی پنجاب کے اجلاس سے خطاب میں پیرمعصوم نقوی نے کہا کہ ملک کی منفی تصویر پیش کرنے کی سازشوں میں حکمران طبقہ برابر کا شریک ہے۔ معاشرے میں پائی جانے والی منفی قباحتوں پر فلمیں بناکر چند افراد کوفلمی ایوارڈز تو مل رہے ہیں لیکن ملک کا عالمی سطح پر امیج داغدار کیا جارہا ہے۔ خاتون فلم ساز شرمین عبید چنائے کو چارسا ل کے اندر دوسرا آسکر ایوارڈ پاکستانی معاشرے کی بدنامی کے کریڈٹ پر دیا گیا ہے اور یہی مغربی ایجنڈا ہے جو مسلمان ، اسلام اور پاکستان کو بدنام کرنے کے لئے اختیار کیا گیا ہے۔ انہوں نے کہا کہ پاکستان کے فلم سازوں کی دہشت گردی اور انتہا پسندی کے خلاف فلوموں کی تو عالمی سطح پذیرائی کیلئے ایوارڈز نہیں دیے گئے کیونکہ اس سے امریکی ایجنڈے کی تکمیل نہیں ہوتی تھی۔ ان کا کہنا تھا کہ پاکستان اور اسلام کو بدنام کرنے میں حکومت بھی برابر کی شریک ہے کہ جس نے پنجاب اسمبلی سے اسلامی تعلیمات سے متصادم تحفظ نسواں بل منظور کروالیا جس کا مقصداس متوقع ایوارڈ کی اہمیت کوبڑھا چڑھا کر ثابت کرنا اور اس کی عالمی سطح پر کمرشلائزیشن ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)ملک کی موجودہ صورتحال ، ممتاز قادری کی پھانسی ، حقوق نسواں بل اور دیگر اہم قومی امور پر غوروفکر کیلئے پاکستان علماء کونسل نے اسلام آباد اور لاہور میں علماء کنونشن بلانے کا فیصلہ کر لیا۔ 9 مارچ کو اسلام آباد میں اور 13 مارچ کو لاہور میں علماء کنونشن ہوں گے۔ یہ بات پاکستان علماء کونسل کے چیئرمین حافظ محمد طاہر محمود اشرفی نے اپنے ایک بیان میں کہی ۔ انہوں نے کہا کہ بعض قوتیں پاکستان میں انتشار پیدا کرنا چاہتی ہیں ان کا مقابلہ کرنے کیلئے تمام مذہبی و سیاسی جماعتوں کو اپنا کردار ادا کرنا ہو گا۔ انہوں نے کہا کہ حقوق نسواں بل جلد بازی میں پاس کروایا گیا اور اس کے منفی اثرات پر غور نہیں کیا گیا۔ جس کی وجہ سے پورے ملک کے اندر ایک اضطرابی کیفیت پیدا ہوئی ہے ۔ وزیر اعظم پاکستان اور وزیر اعلیٰ پنجاب کو اس پر غور کرنا چاہیے اور علماء ، مذہبی اور سیاسی جماعتوں کے اس پر تحفظات کو دور کرنا چاہیے ۔ انہوں نے کہا کہ اسلام عورتوں پر تشدد کی سخت مذمت کرتا ہے اور کسی فرد یا گروہ کو یہ حق نہیں دیا جا سکتا کہ وہ عورتوں پر تشدد کرنے والے ظالموں کی حمایت کریں۔ لیکن عورتوں پر تشدد کے نام پر اگر پاکستان کے معاشرتی اور خاندانی نظام کو تباہ کرنے کی کوشش کی جائے گی تو اس پر پاکستان علماء کونسل اور ملک کی دیگر مذہبی وسیاسی جماعتیں سخت مزاحمت کریں گی ۔ حافظ محمد طاہر محمود اشرفی نے بعض امریکی ذمہ داروں کی طرف سے توہین رسالت کیس میں ملوث آسیہ بی بی کے رہائی کے مطالبے کو پاکستان کے عدالتی اور داخلہ امور میں مداخلت قرار دیتے ہوئے کہا کہ حکومت پاکستان کو سفارتی سطح پر اور وزارت خارجہ کی سطح پر امریکہ سے احتجاج کرنا چاہیے اور تمام مقدمات میں جن کا تعلق توہین رسالت سے ہو یا کسی اور جرم سے پاکستان کے آئین اور قانون کے مطابق فیصلوں کا پابند ہونا چاہیے۔ انہوں نے کہا کہ آسیہ سمیت اگر کسی بھی مقدمے میں ماورائے عدالت اور قانون حکومت نے کوئی قدم اٹھایا تو اس سے ملک میں بحران پیدا ہو گا جس سے حکومت کو اجتناب کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)جمعیت علما پاکستان کے مرکزی صدر پیر اعجاز احمد ہاشمی نے کہا ہے کہ ملک کی اسلامی اساس اور شناخت کے تحفظ کے لئے مذہبی سیاسی جماعتوں کو متحدہ مجلس عمل کی طرز کا اتحاد تشکیل دینا چاہیے۔ ورنہ سیکولر طبقہ پاکستان کو امریکی غلامی اور این جی اوز کلچر کے رحم و کرم پر چھوڑنے میں کامیاب ہوجائے گا۔ جو بانیان وطن کے نظریات سے غداری اور آئین کی خلاف ورزی ہوگی۔ ان خیالات کا اظہار انہوں نے جے یو پی کے سیکرٹری جنرل شاہ اویس نورانی سے گفتگو کرتے ہوئے کیا جنہوں نے اسلام آباد میں مذہبی جماعتوں کے اجلاس میں ہونے والے فیصلوں پرانہیںبریفنگ دی۔پیر اعجاز ہاشمی نے کہا کہ نظریہ پاکستان ہی ملک کی بنیادی اساس ہے، جس کی عملی شکل اسلامی نظام کے قیام کا فیصلہ تھا، مگرسیاست میں سرمائے کے استعمال نے جاگیرداروں اور صنعتکاروں کے لئے پارلیمنٹ کے راستے آسان بنادیے۔مذہبی سیاسی جماعتوں میں تقسیم اور اختلافات نے انہیں وہ مقاصد حاصل کرنے سے دور رکھا۔ انہوںنے کہا کہ مولانا شاہ احمد نورانی مرحوم کی قیادت میں قائم چھ جماعتی اتحاد متحدہ مجلس عمل کے دور میںجو عزت ،وقار اور اقتدار مذہبی سیاسی جماعتوں کو حاصل تھا، پھر حاصل نہیں ہوا۔ اور اب اس پر قائدین کو سوچنے کی ضرورت ہے کہ جماعت اسلامی اور جمعیت علما اسلام کے اختلافات نے متحدہ مجلس عمل کو کیوں توڑا اور اب تک احساس کیوں پیدا نہیں ہورہا کہ ایم ایم اے کی بحالی یا نئے اتحاد کی تشکیل کے لئے کام کیا جائے۔ اس وقت پرویز مشرف کے دورحکومت میں قومی اسمبلی میں اپوزیشن لیڈر اور خیبر پختونخواہ میں صوبائی حکومت متحدہ مجلس عمل کی تھی۔ مگر اب جماعت اسلامی ، تحریک انصاف کی صوبائی حکومت اور جے یو آئی مسلم لیگ ن کی وفاقی حکومت میں اتحادی ہیں۔ انہوںنے کہا کہ جے یو پی کی کوشش ہے کہ ایم ایم اے کی بحالی کے لئے تمام قائدین سے رابطے کئے جائیں اور اسے عملی شکل دی جائے۔ چونکہ مذہبی جماعتوں کے اتحاد کے علاوہ کوئی چارہ کار نہیں۔ان کا کہنا تھا کہ غازی ممتاز قادری شہید اور حقوق نسواں بل پر حکومتی رویہ مذہبی جماعتوں کے قائدین کی آنکھیں کھولنے کے لئے کافی ہے کہ کس طرح سے میڈیا کو دبایاگیا اور خاندانی نظام کی جڑیں کھوکھلی کرنے کے لئے این جی اوز اور امریکہ کا ایجنڈا مسلط کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی) ٹیپو ما ڈل سکول اینڈ کالج میں سالانہ تقریب تقسیم انعامات کے منعقدہ پروگرام کا اہتمام کیا گیا جس میں طلباء ، طالبات ، والدین ، علاقائی عمائدین کے علاوہ سیاسی سماجی مشران نے کثیر تعداد میں شرکت کی جس کے مہمان خصو صی تحصیل نا ظم حا جی رحمت علی تھے تقریب کے دوران مختلف طلباء و طالبات نے ترانے ، ملی نغمے ، تقاریر ، خا کے وغیر ہ پیش کی طلبا ء نے اپنے تقاریر اور خا کوں میں کرپشن ، نا انصافی، مسائل مشکلات اور آئندہ کے جدوجہد کے بارے میں اپنے خیالات کا اظہار پیش کیںتحصیل نا ظم حا جی رحمت علی ، سکول پرنسپل صفدر علی عزیز ایڈوکیٹ اور دیگر نے کہا کہ کوئی بھی معاشرہ تعلیم کے بغیر ترقی نہیں کر سکتا تعلیم معاشرے میں ایک اعلی مقام کا درجہ رکھتا ہے انہوں نے کہا کہ ہمارے کوشش ہے کہ ہم معاشرے سے تمام برائیوں کے خا تمے میں اپنا کردار ادا کریں لیکن وہ تعلیم کے بغیر ممکن نہیں تحصیل کبل کے حوالے آپ لوگوں کے جتنے بھی مسائل و مشکلات ہو ہم حل کرینگے ہمارے دروازے ہر عام و خا ص کے لئے کھلے ہیں سیاست سے بالاتر ہو کر خدمت کا جذبہ رکھتا ہوں آپ لوگ تعاون کریں پروگرام میں علاقائی مشران اور دیگر نے سکول کے پوزیشن ہولڈر ، طلباء و طالبات اور دیگر کارکردگی حاصل کرنے والوں پر انعامات تقسیم کیں گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)یونین کونسل فیض اباد امانکوٹ سے منتخب ضلعی کونسلر ارشاد علی خان نے کہاہے کہ پیر کے روز پشاور میں منعقد ہونیوالے ناظمین کے کنونشن میں اپنے حلقے کی بھرپور نمائندگی کریںگے ،بلدیاتی نمائندوں کو درپیش مسائل کو اجاگر کرنے کیلئے بھرپور کوشش کریں گے ،عوامی مسائل کے حل کیلئے بلدیاتی اداروں کو مضبوط کرنا ہوگا ان خیالا ت کا اظہار انہوںنے گزشتہ روز اخباری نمائندوں سے بات چیت کرتے ہوئے کیا انہوںنے کہاکہ تقریبا ایک سال گزرنے کو ہے لیکن اج تک ان اداروں کو اختیارات نہیں مل سکے جس کی وجہ سے عوامی مسائل کے حل میں مشکلات درپیش ہیں انہوںنے صوبائی حکومت اور وزیر بلدیات پر زور دیتے ہوئے کہاہے کہ وہ ان اداروں کو مضبوط بنائیں تاکہ تمام منتخب نمائندے اپنے حلقوں میں ترقیاتی منصوبے شروع کرسکے اور اسکے ساتھ ساتھ عوامی مشکلات کے خاتمے میں اپنا کردار اداکرسکیں۔