گجرات (جی پی آئی) جمعیت علما اہلحدیث پاکستان کے سربراہ قاضی عبدالقدیر خاموش نے تحفظ حقوق نسواں بل کی حمایت کا اعلان کرتے ہوئے کہا ہے کہ مخالفت برائے مخالفت کے عادی افراد سے مذاکرات کرنے کی بجائے، دانشوروں کے ذریعے لوگوں کے تحفظات دور کئے جائیں ۔ مرکزی مجلس عاملہ کے اجلاس کی صدارت کرتے ہوئے قاضی عبدالقدیر خاموش نے کہا کہ تحفظ حقوق نسواں بل اسلامی اور آئینی ہے، مخالفت صرف خواتین کے حقوق کو پائمال کرنے والے اور اسلام کے عورت کو دیے گئے تقدس کو مجروح کرنے والے ذاتی اغراض کی بنیاد پر کررہے ہیں۔ انہوں نے کہا کہ تحفظ حقوق نسواں بل اور دہشت گردوں کے خلاف ضرب عضب کی حمایت موجودہ حکومت کے واحد اقدامات ہیں، جن کی تحسین میں بخل سے کام نہیں لینا چاہیے۔ان کا کہنا تھا کہ تحفظ حقوق نسواں بل ان تمام افراد کی روح کی پکار اور ترجمانی ہے،جو اپنے گھر میں جنم لینے والی بیٹی ، بہن اور ماں کو وہ درجہ دیتے ہیں ، جو نبی رحمت حضرت محمد مصطفی صلی اللہ علیہ وسلم نے عطا فرمایا تھا۔ قاضی عبدالقدیر خاموش نے کہا کہ حکومت کو پسپائی اختیار کرنے کی بجائے، اپنی صفوں میں موجود دانشوروں پر مشتمل کمیٹی بنانی چاہیے جو لوگوں کے تحفظات دور کرے ، مخالفت برائے مخالفت کے عادی افراد سے مذاکرات کی ضرورت نہیں۔ انہوں نے مطالبہ کیا کہ پنجاب حکومت کی طرز پر باقی تمام قوانین قرآن و سنت کے مطابق نہیں، انہیں بھی پارلیمنٹ کے ذریعے اسلامی قالب میں ڈھالا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) فاران گروپ آف ٹیکنیکل انسٹی ٹیوٹس کے زیر اہتمام سپورٹس گالا کا آغاز 15 مارچ کو ہو گا ۔ جو کہ 20 مارچ تک جاری رہے گا۔ جس میں پنجاب بھر کے 10 اضلاع سے آنے والے طلباء حصہ لیں گے۔ پنجاب لیول پر یہ سب سے بڑا پروگرام ہے۔ سپورٹس گالا کا افتتاح ڈی سی او گجرات لیاقت علی چٹھہ کریں گے۔ جبکہ ڈسٹرکٹ سپورٹس آفیسر ندیم بٹ تمام پروگرام میں شریک ہوں گے اور طارق جاوید چوہدری مینیجنگ ڈائریکٹر اور انکی ٹیم جن میں میر محمد یونس’ چوہدری ذوالفقار احمد سندھو’ چوہدری عمر طارق’ سعد مشتاق وڑائچ’ عامر فاروق’ زعیم شہزادشامل ہیں اس سلسلہ میں تمام انتظامات مکمل کر رہے ہیں۔ طارق جاوید چوہدری نے میڈیا کو بتایا کہ پنجاب کا سب سے بڑا سپورٹس ایونٹ ہے جس میں ہزاروں طلباء شریک ہوتے ہیں۔ پنجاب کے علاوہ آزاد کشمیر کی ٹیمیں بھی شریک ہوں گی۔ جن کی میزبانی کا شرف گجرات کو حاصل ہو رہا ہے۔ ضلع گجرات کی سب سے بڑی سپورٹس واک بھی منعقد ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گجرات سمیت مختلف علاقوں میں سیلاب الرٹس جاری کر دئیے گئے ہیں۔ شدید بارشوں کی وجہ سے برساتی نالوں میں طغیانی آ چکی ہے اور تمام ضلعی انتظامیہ نے سخت حفاظتی انتظامات کر لئے ہیں۔ دریائوں اور برساتی نالوں کے کناروں پر بسنے والے افراد کو اس سلسلہ میں حفاظتی ہدایات جاری کر دی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) بارش کی وجہ سے گجرات شہر میں جگہ جگہ پانی کھڑا ہے۔ پورا شہر جھیل کا منظر پیش کر رہا ہے۔ ٹی ایم اے اہلکار بھی بے بس ہوتے دکھائی دے رہے ہیں۔ جبکہ ٹی ایم اے کارکردگی گزشتہ سالوں کی طرح اب بھی ناکام ہی ہے۔ شہریوں کو شدید مشکلات کا سامنا کرنا پڑ رہا ہے۔ بارش تو وقتاً فوقتاً ہوتی رہی مگر بارشی پانی شہر سے ختم نہ ہو سکا۔ اور خوبصورت گجرات سب کا منہ چڑھانے لگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) پاکستان مسلم لیگ کے مرکزی رہنما چوہدری حسین الٰہی نے گزشتہ روز بہت مصروف گزاہ۔انھوں نے وفود کے ساتھ ملاقاتوں کے علاوہ حلقہ کا تعزیتی دورہ بھی کیا انھوں نے چوپالہ جا کر سابق کونسلر چوہدری عارف کی وفات پر افسوس کیا اور فاتحہ پڑھی انھوں نے کرنل اکبر کی والدہ کی وفات پر بھی ان کے گھر جا کر تعزیت کی وہ امجدبٹ آف دھاڑیوال کے گھر بھی گے اور ان کے والد کی وفات پر بھی افسوس کیا اور فاتحہ خوانی کی اس موقع پر چوہدری سعادت نواز اجنالہ۔چوہدری محمد افض ملہی۔چوہدری گل شہزاد۔اشرف بٹ۔ملک طارق عزیز۔چوہدری افضال۔صاحزادہ قربان افضل۔چوہدری شیراز الحق آف بڈھن ودیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممتاز مسلم لیگی مہر زوالفقار نے گزشتہ روز مسلم لیگ کے مرکزی رہنما چوہدری حسین الٰہی کے اعزاز میں عصرانہ دیا چوہدری حسین الٰہی جب تقریب میں پہنچے تو ان کا والہانہ استقبال کیا گیااس موقع پر علاقائی اور آزاد کشمیر کے متوقع انتخابات کے حوالے سے تفصیلی صلاح مشورہ کیا گیا چوہدری سعادت نواز اجنالہ۔چوہدری خالد اصغر گھرال۔چوہدری افضل ملہی۔بائو شہباز بٹ۔عوامی شاعر عارف گجراتی۔بابر بھٹی ودیگر نے بھی عصرانے میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) مسلم لیگی رہنما مہر اصغر آف کڑیانوالہ کی اہلیہ کی روح کے ایصال کے لئے سالانہ اجتماعی دعا کا ختم ان کی رہائش گاہ پر پڑھا گیا جس میں مزہبی۔سماجی اور سیاسی شخصیات نے بڑی تعداد میں شرکت کی جن میں مسلم لیگ کے مرکزی رہنما چوہدری حسین الٰہی۔چوہدری سعادت نواز اجنالہ۔چوہدری خالد اصغر گھرال۔عوامی شاعر عارف گجراتی۔چوہدری افضل ملہی۔ معروف مسلم لیگی رہنمابائو شہباز بٹ ۔مہر اشرف ۔چوہدری طارق آف ماجراشمالی۔چوہدری بوٹا جٹ۔چوہدری حبیب اللہ۔مہر زوالفقار۔ملک ارشد۔ بابر بھٹی۔مہر اشرف سابق کونسلر سمیت بڑی تعداد میں معززین نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) واپڈا آفیسر چوہدری ارسلان گجر کی دعوت ولیمہ گزشتہ روز بخیر و خوبی سرانجام پا گئی جس میں بڑی تعداد میں معززین نے شرکت کی ۔چوہدری حسین الٰہی۔چوہدری سعادت نواز اجنالہ۔چوہدری خالد اصغر گھرال۔چوہدری گل شہزاد۔چوہدری افضل ملہی۔چوہدری طلال گجر۔چوہدری طارق محمود۔چوہدری خان محمد۔چوہدری سعی محمد۔چوہدری زوالفقار و دیگر نے بھی شرکت کی چوہدری ارسلان گجر اور ان کے عزیز و اقارب نے مہمانوں کا استقبال کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی سی او لیاقت علی چٹھہ نے کہا ہے کہ ٹی ایم اے کے افسران و عملہ کی بھرپور محنت اور کوششوں سے شہر کے بیشتر علاقوں سے برسات کے پانی کا نکاس کر دیا گیا ہے، شہریوں کی سہولت اور انہیں مسائل سے بچانے کے لئے ٹی ایم اے کے افسران و عملہ کو ہر وقت الرٹ رہنے کی ہدایت کی گئی ہے جبکہ وہ خود بھی اس عمل کی نگرانی کرتے رہیں گے ۔ ان خیالات کا اظہار انہوںنے ایڈمنسٹریٹر ٹی ایم اے عرفان علی کاٹھیاکے ہمراہ بارش کے پانی کے نکاس کا جائزہ لینے کے لئے شہرکے مختلف علاقوں جیل چوک ، جی ٹی روڈ ، سروس موڑ ، رامتلائی چوک ، فروٹ منڈی ، بولے کے دورہ کے موقع پر بات چیت کرتے ہوئے کیا، ٹی ایم او خرم محمود،چیف آفیسر عظمت فرید و دیگر بھی ان کے ہمراہ تھے ۔ ڈی سی او لیاقت علی چٹھہ اور ایڈمنسٹریٹر ٹی ایم اے عرفان علی کاٹھیا نے ٹی ایم اے کے افسران اور عملہ کو بارشوں کے جاری سسٹم کے دوران الرٹ رہنے اور شہریوں کو مشکلات سے محفوظ رکھنے کیلئے نکاسی آب اور برساتی نالوں کی صفائی کی صورتحال بہتر بنانے کیلئے ہر ممکن وسائل برئوے کار لانے کی ہدایت کی ڈی سی او لیاقت علی چٹھہ نکاسی آب کی صورتحال بہتر بنانے کیلئے سخت محنت کرنے پر ٹی ایم اے افسران اور عملہ کو شاباش دی اس سے قبل عرفان علی کاٹھیا اور ٹی ایم او خرم محمود نے ڈی سی او کو بریفنگ دیتے ہوئے بتایا کہ ٹی ایم اے کا شعبہ سینٹی ٹیشن اور مشینری پوری طرح الرٹ اور موبلائز ہے اور اس امر کو یقینی بنایا جا رہا ہے کہ کم سے کم وقت میں بارش کے پانی کا نکاس ممکن ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ضلع میں تین روزہ انسدادپولیو مہم آج سے شروع ہو کر 16مارچ تک جاری رہے گی ، جبکہ 17سے 18مارچ 2روزہ فالو اپ مہم چلائی جائے گی اس دوران پانچ سال تک عمر کے 4لاکھ32ہزار 932بچوں کو پولیو سے بچائو کے قطرے پلائے جائیں گے۔ڈی سی او لیاقت علی چٹھہ نے بتایا کہ ضلع گجرات میں تین روزہ انسداد پولیو مہم کے لئے 986ٹیمیں تشکیل دے دی گئیں ہیں اسی طرح دیگر آبادیوں سمیت 31ٹرانزٹ پوائنٹس ، 271بھٹوں اور 41نان فارمل سکولوںکے پانچ سال سے کم عمر بچوں کو پولیو کے قطرے پلائیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) پاکستان مسلم لیگ کے صدر و سابق وزیراعظم چودھری شجاعت حسین نے کہا ہے کہ نیب اور رینجرز کو پنجاب میں کیوں کام نہیں کرنے دیا جا رہا؟ جبکہ چودھری پرویزالٰہی کا کہنا ہے کہ شہبازشریف نے حقوق نسواں بل پر علماء سے مشورہ نہیں کیا، انہیں اتنی جلدی کیا تھی، یہ تو سوچ لیتے کہ اس قانون کے تحت ان کے اپنے دونوں ہاتھوں اور پائوں میں کڑے پڑ سکتے ہیں۔ وہ گجرات میں چودھری اعجاز احمد کے صاحبزادے کی دعوت ولیمہ میں شرکت کے موقع پر میڈیا کے سوالات کے جواب دے رہے تھے۔ چودھری شجاعت حسین نے کہا میں پہلے بھی کہہ چکا ہوں کہ حکومت نے مذہبی جماعتوں کی طرف رخ کیا تو ان کا حشر برا ہو گا، حقوق نسواں بل پر دینی جماعتوں کے اعتراضات دور کیے جائیں اور ان کو اعتماد میں لیا جائے، نیب کو ختم کرنے کی بات سرے سے غلط ہے، کسی امتیاز، تعصب، رکاوٹ یا مخالفت کے بغیر نیب کو اپنا کام کرنے دینا چاہئے۔ انہوں نے مزید کہا کہ 21گریڈ کے افسر کو 22 گریڈ کے افسر کے اوپر لگایا جا رہا ہے ایسا نہیں ہونا چاہئے، تقرر و تبادلوں کا یہ طریقہ کار ٹھیک نہیں۔ انہوں نے کہا کہ پنجاب میں نیشنل ایکشن پلان پر عملدرآمد نہیں ہو رہا اور رینجرز کو آپریشن سے روک دیا گیا۔ چودھری پرویزالٰہی نے کہا کیونکہ یہاں ان کے وزراء خود سہولت کار ہیں۔ انہوں نے مزید کہا کہ ان کے اپنے اتحادی مولانا فضل الرحمن سمیت مذہبی جماعتوں اور علماء کو حقوق نسواں بل پر بہت اعتراض ہے، شہبازشریف ہر کام جلد بازی میں کیوں کرتے ہیں، ہماری حکومت نے 5 سال میں ریکارڈ قانون سازی کی لیکن کسی کو کبھی اعتراض نہیں ہوا، اگر انہوں نے حقوق نسواں بل بنانا تھا تو علماء سے مشورہ کرتے، وفاقی سطح پر ہمارے دور میں چودھری شجاعت حسین کی کوششوں سے کی گئی قانون سازی کو دیکھ لیتے جس میں تمام مکاتب فکر کے علماء سے 6 ماہ تک مشاورت کے بعد خواتین کے حق میں متفقہ ترامیم کی گئی تھیں۔ انہوں نے کہا کہ اب عوام میں یہ احساس بڑھ چکا ہے کہ ہمارے کام بہتر تھے اور یہ کام اب تک بول رہے ہیں، یہی وجہ ہے کہ شہبازشریف کو اب 8 سال بعد خیال آیا ہے اور وہ فنڈز دینے کے اعلان کر رہے ہیں۔ چودھری پرویزالٰہی نے کہا کہ فنڈز اپنے ہاتھ میں رکھنے کیلئے تو یہ بلدیاتی الیکشن نہیں کروا رہے تھے اب بھی پنجاب کی تاریخ میں یہ پہلا بلدیاتی الیکشن ہے جس کے بعد نومنتخب نمائندے ابھی تک فنڈز، اختیارات اور اپنے دفاتر ڈھونڈ رہے ہیں کیونکہ یہ حکمران نچلی سطح پر اختیارات اور فنڈز کی تقسیم کے خلاف نہ ہوتے تو ہمارے والا بلدیاتی نظام ہی لاگو رہنے دیتے جس کے تحت منتخب نمائندوں نے وافر فنڈز اور مکمل اختیارات کے ساتھ پورے پنجاب میں مثالی کام کئے لیکن شہبازشریف نے تمام اداروں کے فنڈز جنگلہ بس جیسی مال بنائو اور اورنج لائن جیسے ڈالر کمائو منصوبوں پر لگا دئیے۔ انہوں نے کہا کہ حساب لینے والے تو حساب لیں گے چاہے کوئی دینا چاہے یا نہ دینا چاہے۔#
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گجرات اور گرد نواح میں مسلسل دو دن سے جاری بارش نے ایک بار پھر سردی کی شدت میں اضافہ کر دیا ہے بارش کے شہریون نے ایک بار پھر گرم کپڑوں کا استعمال شروع کر دیا ہے مسلسل بارش سے گجرات شہر کے تمام نشیبی علاقے بھی بارش کے پانی سے بھر گئے اور سڑکون و گلیوں میں کئی کئی فٹ تک پانی جمع ہو گیا جس کی وجہ سے راہ گیروں کو سخت مشکلات کا سامنا رہا ،گجرات شہر میں تیز اور ہلکی بارش کے ساتھ ساتھ سارا دن ٹھنڈی ہوائیں بھی چلتی رہی جس سے شہر ی لطف اندوز ہوتے رہے ،جبکہ دوسری جانب بارش سے سڑکوں پر جمع ہونے والے پانی کا نکاس بھی نہ ہو سکا اس سلسلہ میں ٹی ایم اے گجرات کا عملہ بھی بے بس رہا ،بارش سے ریلوے روڈ سرگودھا روڈ رحمان شہید روڈ سمیت کئی اہم شاہراہوں بارش کا پانی کئی کئی فٹ تک جمع ہو گیا ،محکمہ موسمیات کے مطابق گجرات اور گردنواح میں مزید اور پانچ روز تک بارشوں کا سلسلہ جاری رہے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گلیا نہ پر یس کلب کے متفقہ صدر ملک مد ثر منظو راعوا ن جنر ل سیکر ٹر ی ڈا کٹر انصر فا رو ق مغل کو تما م ممبر ا ن کے اتفا ق را ئے سے منتخب کر لئے گئے ۔ نو منتخب صدر ملک مد ثر منظو ر اعوا ن اور جنر ل سیکر ٹر ی ڈا کٹر انصر فا رو ق مغل کو سیا سی سماجی و صحا فتی شخصیا ت نے مبا ر کبا د دیں ۔ ادھر پا ک پر یس کلب فر ا نس کے صد ر ز ا ہد مصطفی اعوا ن کی گلیا نہ پر یس کلب کے الیکشن میں بلا مقا بلہ ملک مد ثر منظو ر اعوا ن صدر اور ڈا کٹر انصر فا رو ق مغل کو جنر ل سیکر ٹر ی منتخب ہو نے پر مبا ر کبا د د ی ۔ اور کہا کہ گلیا نہ پر یس کلب کی نو منتخب کا بینہ صحا فیو ں کے مسا ئل احسن اند ا ز میں حل کر یں گے اور معا شر تی مسا ئل اجا گر کر نے میں اہم کر دا ر ا دا کر یں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) محکمہ موسمیات کی الرٹ کے مطابق کھاریاں میں موسم بہار کی پہلی بارش اور پورا شہر جل تھل ہو گیا ، شہر کی گلیاں ندی ، نالوں کا منظر پیش کرنے لگیں ، ٹی ایم اے کے دعوے دھرے کے دھرے رہ گئے لوگوں کو ایک مرتبہ پھر سے ٹھنڈے موسم کے مزے اور اونی کپڑے ،جرسیاں اورگرم کوٹ پہننے پر مجبور کر دیا اور اس کے ساتھ ہی ہلکی پھلکی پھوار کی چھیڑخانی بھی شروع ہو گئی موسم نے انگڑائی لی اور رات خوب گرج چمک کے ساتھ بارش ہوئی اور اب تک وقفے وقفے سے جاری و ساری ہے جس نے لوگوں کو اذانیں دینے پر مجبور کر دیا شہر میں کچے مکانوں کے گرنے کی بھی اطلاعات ہیں اور غریبوں کی کچی چھتوں کے ٹپکنے کی بھی خبریں موصول ہو رہی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) صحافی چوہدری یوسف سونو کی60ویں سالگرہ کا کیک کاٹا گیا اس موقع پر صحافی برادری نے چوہدری یوسف سونوکو پھولوں کا گلدستہ بھی پیش کیا جبکہ شرکاء میں فنانس سیکرٹر ی کھاریاں پریس کلب جبار علی ساگر،کوآرڈی نیٹر اعجاز مرزا،کوآرڈی نیٹر عبدالعزیز گوندل، سیکرٹری اطلاعات ایم عمر،صحافی شہزاد احمد،صحافی ڈاکٹر ارشد علی،صحافی مغفور الحسن شاہ سمیت دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) سابق سیکرٹری کھاریاں پریس کلب محمدسجاد اکرم عمرے کی ادائیگی کے لئے کل حجاز مقدس روانہ ہو نگے اس سلسلہ میں انہوں نے ممبران کھاریاں پر یس کلب کے اعزاز میں گذشتہ روز سنگم ہوٹل کھاریاں پر شاندار ٹی پارٹی کا اہتمام بھی کیا اور دوست احباب سے ملاقات بھی کی اس موقع پر نمایاں شرکت کرنے والوں میں صدر کھاریاں پر یس کلب حاجی عبدالرئوف،جنرل سیکرٹری آفتاب نذر،کوآرڈی نیٹراعجاز مرزا،کوآرڈی نیٹر عبدالعزیز گوندل،چیئرمین تعمیراتی کمیٹی سیدتنویرنقوی،سیکرٹری اطلاعات ایم عمر،جوائنٹ سیکرٹری طاہر رشید صدیقی،سینئرصحافی میاں محمدصفدر،صحافی سیدندیم گیلانی،صحافی نیئرصدیقی،صحافی چوہدری قربان گجر،صحافی امجد حسین امجد سمیت دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) امیدوار کونسلر وارڈ نمبر3چوہدری سلطان احمد چھپر کی کامیابی آسمانوں پر لکھی جاچکی ہے ان کو کامیاب کروانے لئے تمام وسائل بروئے کار لا ئیں گے میونسپل کمیٹی کھاریاں کی وارڈ نمبر3کے عوامPTIکے امیدوار کو ہی کامیاب بنائیں گے ان خیالات کا اظہار راہنما پاکستان تحریک انصاف کھاریاں صوفی ریاض چوہدری نے کیا انہوں نے مزید کہا کہ اب عوام باشعور ہوچکے ہیں اور اپنے اچھے برے کی پہچان بھی رکھتے ہیں وارڈ نمبر3میں پہلے بھی کامیاب ہوئے تھے انشاء اللہ آئندہ بھی کامیاب ہونگے امیدوار چوہدری سلطان چھپر کی کامیابی کے لئے تمام تروسائل بروے کا ر لائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) علامہ اقبال انٹرنیشنل ہسپتال جی ٹی روڈ کھاریاں میں عوام کے ساتھ ناروا سلوک کے چرچے عام ہو گئے۔ ہسپتال میں آنے والے مریضوں کے ساتھ انتہائی ہتک آمیز سلوک کیا جاتا ہے۔ ذرائع کے مطابق ہسپتال کا عملہ اپنی من مرضی کرتا ہے ڈاکٹرز کو جب شکایات کی جاتی ہیں تو ڈاکٹرز اپنی بے بسی کا اظہار کرتے ہیں اور مریضوں سے معذرت کرتے ہیں ڈاکٹرز حضرات جو چاہے کر لیں عملہ اپنی مرضی ہی کرتا ہے اس بات سے ظاہر ہوتا ہے کہ ڈاکٹرز اور عملہ ملی بھگت سے یہ سب کچھ کر رہا ہے علامہ اقبال انٹرنیشنل ہسپتال کی انتظامیہ نے عوام کو بیوقوف بنانے کے لئے یہ بات عام کر رکھی ہے کہ ہمارے ہسپتال میں اسلام آباد، راولپنڈی اور لاہور کے بڑے ہسپتالوں سے بھی زیادہ اچھی مشینری اور قابل ڈاکٹرز ہیں اس لئے لوگ اپنے مریضوں کی جان بچانے کے لئے علامہ اقبال انٹرنیشنل ہسپتال کا رخ کرتے ہیں مریضوں کی مجبوری کا فائدہ اٹھاتے ہوئے اُن کی کھال الٹی چھری سے اتاری جا رہی ہے ملک کے مایہ ناز اور بڑے ہسپتالوں کے مدقابل اپنا نام پیش کر کے عوام کو دونوں ہاتھوں سے لوٹا جا رہا ہے ہسپتال میں میڈیکل سٹور اور لیبارٹری بھی قائم ہے جہاں پر مریضوں کے بلاجواز ٹیسٹ کروا کر نوٹ اکٹھے کئے جا رہے ہیں مریضوں کے لواحقین کے ساتھ ایسا سلوک کیا جاتا ہے کہ وہ خود بھی مریض بن جاتے ہیں اور لواحقین کو ایسے ٹارچر کیا جاتا ہے کہ وہ محسوس کرنے پر مجبور ہو جاتے ہیں کہ وہ کسی ہسپتال میں نہیں بلکہ ٹارچر سیل میں آ گئے ہیں ۔ تجزیہ نگاروں کے مطابق اس ہسپتال کو اگر ایک فیکٹری کا نام دیا جائے تو کچھ غلط نہ ہوگا یہاں پر انسانیت کی تذلیل کی جاتی ہے کھاریاں شہر کے عوام اب اس ہسپتال کے خلاف سڑکوں پر آنے والے ہیں بلکہ یہاں تک پتہ چلا ہے کہ عنقریب شہریوں کا ایک وفد محکمہ پنجاب ہیلتھ کمیشن سے مل کر تمام تر صورتحال سے آگاہ کرے گا اور تحریری طور پر درخواست بھی دی جائے گی۔ علامہ اقبال ہسپتال کے خلاف عوام میں شدید غصہ پایا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) نیک عالم مارکیٹ میں مرچ مصالحہ پیسے جانے کی وجہ سے پیدل چلنے والوں کا چلنا محال ہو گیا۔ مرچ مصالحوں کی وجہ سے پیدل چلنے والوں کی آنکھوں میں مرچ مصالحوں نے پیدل چلنا محال ہو گیا اہل محلہ اور نیک عالم مارکیٹ کی مرچ مصالحوں کی دوکانوں کے خلاف کارروائی کی جائے اس سے مرچ مصالحوں میں گندکی ہوا کی وجہ سے گرد بھی مرچ مصالحوں میں مکس ہو جاتی ہے جو خطرناک ہے ان تاجروں کے خلاف سخت نوٹس لے کر مرچ مصالحوں کے اوپر شاپر یا کپڑے سے ڈھانپا جائے تاکہ خطرناک بیماریوں سے بھی بچایا جائے اور پیدل چلنے والے افراد کو بھی پریشانی سے محفوظ رکھا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) ناروے کی ممتاز سماجی شخصیت و سینئر صحافی چوہدری محمد یوسف سونو کی سالگرہ کی تقریبات گذشتہ روز مختلف مقامات پر اُن کے دوست احباب کی طرف سے منائی گئی۔سالگرہ کی پہلی تقریب ”ہادی ایڈوائزر”گلیانہ روڈ کھاریاں پر سینئر صحافی و کوارڈی نیٹرKPC اعجاز مرزا کی طرف سے منعقد کی گئی جبکہ دوسری تقریب ارشد گفٹ سنٹر پر ڈاکٹر محمد ارشد چوہدری کی طرف سے منعقد کی گئی۔ سالگرہ کی تقریبات میں سینئر صحافی نصراللہ چوہدری ایڈووکیٹ، اعجاز مرزا، عبدالعزیز گوندل، شہزاد احمد، جبار ساگر،ایم عمر، ڈاکٹر محمد ارشد چوہدری، چوہدری اورنگزیب، سید مغفور الحسنین سمیت دیگر دوستوں نے بھرپور شرکت کی اور چوہدری محمد یوسف سونو کو سالگرہ پر مبارک باد پیش کی اور اُن کی دراز عمری اور صحت کاملہ کیلئے خصوصی دعائیں کی۔سالگرہ کی پروقار تقریبات کے انعقاد پر چوہدری محمد یوسف سونو نے اپنے دوست کو شکریہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)ا یف۔جی ڈگری کالج کھاریاں کینٹ کے سابق طالب علموں کی تنظیم کھارین کے زیر اہتمام سالانہ تقریب کا انعقاد۔ کالج کے مرکزی ہال میں ہوا جس کی صدارت سابق پرنسپل کالج ہذا پروفیسر ایوب اور مہمانِ خصوصی مرزا سلیم بیگ سابق پروفیسر تھے۔ استقبالیہ دیتے ہوئے کھارین کے صدر کرنل (ر) پروفیسر اختر نے سابقہ کارکردگی کے بارے میں بتایا اور کالج کے ایسے طلباء جنہوں نے نمایاں کارکردگی کا مظاہرہ کیا انہیں محمد منیر سیٹھی نے شیلڈیں دیں کرنل پرویز اختر نے بتایا کہ آج اولڈ کھارین کارکردگی بتانے کے ساتھ ساتھ آئندہ گولڈن جوبلی منانے کے بارے میں بھی تیاریاں کرنی ہیں آئندہ سال کالج کو تعمیر ہوئے 50 سال مکمل ہو جائیں گے جنرل سیکرٹری کھارین چوہدری اعجاز نے بتایا کہ طلبہ کے لئے خصوصی میگزین تیار کیا جا رہا ہے اور رابطے مزید مضبوط کئے جا رہے ہیں کالج کے سابق طالب علم چوہدری قمر الزمان کا ئرہ نے اپنی زندگی کے قیمتی دن اور اپنی سیاست کا آغاز کالج سے تروجیح کرنے کے بارے میں بتایا۔ مختلف علاقوں سے آئے ہوئے طالب علموں نے کالج سے اپنی وابستگی کے بارے میں دلچسپ واقعات بیان کئے۔ مختلف شعبہ جات جن میں ڈاکٹر، وکلائ، صحافی، سیاستدان اور آرمی کے اعلیٰ افسران نے شرکت کی۔ نائب صدر محمد منیر سیٹھی، ثاقب محمود اعوان، عزیز الرحمن مجاہد، کرنل(ر) مقدس بٹ نے مہمانوں کا استقبال کیا اور آئندہ سال کے لائحہ عمل کے بارے میں آگاہ کیا اس موقع پر کھارین کی ٹیم کو خصوصی تحائف بھی دیئے گئے تمام سابق طلبہ کو آئندہ کے لائحہ عمل اور بعد ازاں ان کے اعزاز میں شاندار ظہرانہ کا اہتمام کیا گیا تھا۔ فنانس سیکرٹری افضل محمود نے رجسٹریشن مکمل کی اور کالج کے ریگولر طلبہ نے مہمانوں کی تواضح کی اس موقع پر عارفانہ کلام اور غزلیں بھی پیش کی گئیں جنہیں حاضرین نے بہت سراہا اسٹیج سیکرٹری کے فرائض نصراللہ چوہدری نائب صدر کھارین نے سرانجام دیئے آئندہ سال تقریب2017ء کے فروری کے دوسرے ہفتہ میں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)2013کے جنرل الیکشن کی تاریخ دہرا کرمسلم لیگی امیدوارکوبھاری اکثریت سے کامیاب کروائیںگے۔پارٹی کے فیصلوںکے سامنے ذاتی اختلافات رنجشیںکوئی معنی نہیںرکھتی ہماراایک ایک ووٹ میاںنوازشریف کومضبوط کرے گااورمیاںنوازشریف کی مضبوطی ارض پاک کے استحکام کی ضامن ہے۔ان خیالات کا اظہارسابق ناظم بابوواجد رضا بٹ اورسما جی رہنماعامر رضا بٹ نے اپنے ساتھیوںکے ہمرا ہ کورڈینیٹراین اے101ایم پی ایزتوفیق احمدبٹ،خواجہ وسیم سے حلقے میںضمنی الیکشن کے سلسلہ میںانتخابی دفترکاافتتاح کرنے کے موقع پرکیا۔توفیق بٹ اورخواجہ وسیم نے کہا کہ پنجاب بھرمیںضمنی الیکشنوںکی ذ مہ داری کی ادائیگی میںمنڈی بہا ئوالدین کے بعدوزیرآبادکے عام ووٹرسے مل کرمسلم لیگ (ن)سے اس کے لگائوپرجوخوشی ملی ہے اس کااظہارنہیںکرسکتے۔این اے101میںورکروںووٹروںسے ہونے والی ناانصافیوںاورانکے جذبات سے پارٹی قیادت کوآگاہ کرینگے انشاء اللہ ضمنی الیکشن میںہی نہیںہمارارابطہ ہرورکرسے رہے گا۔کارکنوںکے وقار وعزت میںاضافہ کے لئے بھرپورکرداراداکرینگے۔اس موقع پرملک شکیل احمد،ملک محمدشہبازکلیاراورمحمودبٹ نے بھی خطاب کیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) سیکرٹری حمزہ شہبازذیشان نے کہا ہے کہ عوام مسلم لیگ اور پی ٹی آئی کا موازنہ کر کے میرٹ پرووٹ دیں پاکستان کو نواز شریف جیسے لیڈر کی ضرورت ہے کنٹینر والوں کو مسترد کر دیں، 22مارچ کو حلقہ این اے میں ن لیگ کی کامیابی کا سورج طلوع ہوگا ۔وہ الہ آبادوارڈنمبر15میںانتخابی دفترکاافتتاح کررہے تھے۔اس موقع پرایم پی اے شوکت منظورچیمہ،بابو شعیب ادریس،شاہنواز چیمہ،قدرت اللہ زرگر،محمدعثمان غنی،شفاقت رحمانی،خالد باجوہ،ریاض ذیلداردیگربھی موجودتھے۔انہوں نے کہاکہ تحصیل بھر میںمیاں برادران کی قیادت میں صحت وتعلیم پر لاکھوں روپے کے فنڈ خرچ کرچکے ہیں ۔ انہوں نے کہاکہ جسٹس (ر)افتخاراحمدچیمہ نے تحصیل وزیر آباد میں سیاست کو عبادت سمجھ کے کیا ہے انتقامی سیاست کے قائل نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) شیعہ علما کونسل پنجاب کے ضلعی صدور کے انتخابات کادوسرا مرحلہ بھی مکمل ہوگیا ہے۔ جس کے مطابق سید اعجاز حسین بخاری ضلع منڈی بہاوالدین ، سید امجد علی گیلانی شیخوپورہ،سید ضامن عباس جھنگ ،سید غضنفر عباس کاظمی فیصل آباداورمیاں محمد شفیع راجن پور کے ضلعی صدور منتخب ہوگئے ہیں جبکہ مختلف وجوہات کی بنیاد پر چار اضلاع میں آرگنائزرنامزد کئے گئے ہیں جن میں توقیر حسین بابا ضلع لاہور، سید امیر حسین یوسف لاشاری میانوالی، سید مظہر حسین شیرازی حافظ آباداورڈاکٹر مرید حسین لغاری مظفر گڑھ کے ضلعی آرگنائزر ہوںگے ۔ انہیں یونٹس اور تحصیلوں کی تنظیم نو مکمل کرنے کی ہدایت کی گئی ہے ۔ جس کے بعدضلعی صدور کے انتخابات کروائے جائیں گے۔ صوبائی نمائندوں کی نگرانی میںتمام صدور کے انتخابات میں دستور کے مطابق ضلعی جعفریہ کونسلوں کے ارکان نے ووٹنگ میں حصہ لیا۔ واضح رہے کہ 24۔ مئی 2015ء کو قائد ملت جعفریہ علامہ ساجد علی نقوی کی زیر نگرانی فیصل آباد میںمنعقد ہونے والے صوبائی جعفریہ کونسل کے اجلاس میں حجتہ الاسلام والمسلمین علامہ سید سبطین حیدر سبزواری کو شیعہ علما کونسل پنجاب کا صدر منتخب کیا گیا تھا۔ جس کے بعد ضلعی تنظیمی نو کا پہلا مرحلہ ماہ ذوالحجہ میں مکمل کیا گیا۔ چہلم شہدا کربلا کے بعد شروع ہونے والا دوسرا مرحلہ مکمل ہوگیا ہے۔صوبائی جعفریہ کونسل کے 16۔اپریل سے شروع ہونے والے دوروزہ اجلاس سے پہلے تیسرے مرحلے میں باقی اضلاع میں تنظیم نو مکمل کرنے کی ہدایت کردی گئی ہے ۔ علامہ سید سبطین حیدر سبزواری نے نو منتخب عہدیداروں پر زوردیا ہے کہ وہ خالص قرب اللہ الٰہی کے لئے کام کریں ۔ عہدہ اعزاز ہونے کے ساتھ بھاری ذمہ داری بھی ہے۔ پاکستان میں اسلامی نظام کے نفاذ اور تشیع کے حقوق کے تحفظ کے لئے قائد ملت اسلامیہ علامہ ساجد علی نقوی کی قیادت میں جدوجہد جاری رکھیں گے اور ان کا پیغام ہر گھر پہنچائیں گے۔ باقاعدگی سے تنظیمی اداروں کے اجلاس منعقد کئے جائیں اور نچلی سطح تک تنظیم سازی کو یقینی بنایا جائے۔ انہوں نے ہدایت کی کہ شیعہ علما کونسل کے ونگز کوبھی منظم کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)کرن ویلفیئر فائونڈیشن کے زیراہتمام لاحسان آئی ہسپتال مغلپورہ میں گزشتہ روز شاہپور بھنگو سے آئے ہوئے درجنوں افراد کی آنکھوں کا مفت آپریشن کیاگیا۔آپریشنزمعروف آئی سرجن ڈاکٹر آکاش جی لال نے کئے۔چند روز قبل کرن ویلفیئر فائونڈیشن کے زیراہتمام گورنمنٹ گرلز ایلیمنٹری سکول شاہپور بھنگو میں اخوت ہیلتھ سروسز’پاکستان پبلک ایڈٹرسٹ اور الاحسان آئی ہسپتال کے تعاون سے ایک فری میڈیکل و آئی کیمپ کا انعقاد کیا گیا تھا جس میں ماہر ڈاکٹرز کی زیر نگرانی ایک ہزار سے زائد افراد کا چیک اپ کیا گیا جبکہ 500سے زائد افراد کی آنکھوں کا معائنہ کیا گیا اور ادویات کے علاوہ مفت عینکیں بھی دی گئی تھیں۔مذکورہ افراد کومیڈیکل کیمپ کے دوران سفید موتیا تشخیص ہونے پر آپریشن کیلئے لاہور لایا گیا تھا۔الاحسان آئی ہسپتال کے صدر ثناء اللہ خان کاکڑ’اکرام اللہ خان کاکڑ’حافظ عتیق’محمد زمان’حاجی عبد القیوم’ کرن ویلفیئر فائونڈیشن کی صدر روبی دانیال’جنرل سیکرٹری محمد عبداللہ’ سینئر کارکن ڈاکٹر ساجد نذیر نے اس مو قع پر مختلف امور میں معاونت کی۔الاحسان آئی ہسپتال کے صدر ثناء اللہ خان کاکڑ نے کہا کہ انسانیت کی خدمت کرنا انبیاء کا شیوا ہے اور دکھی انسانیت کی خدمت کر کے دل کو سکون ملتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)وفاق المدارس الشیعہ پاکستان کے صدر آیت اللہ حافظ ریاض حسین نجفی، نائب صدر علامہ نیاز حسین نقوی اور سیکرٹری جنرل علامہ محمد افضل حیدری نے عرب لیگ کی طرف سے فلسطینیوں کے حقوق کی محافظ اوراسرائیلیوں کے لئے خوف کی علامت لبنان کی مجاہد تنظیم حزب اللہ کو دہشت گرد قراردینے کی شدید مذمت کرتے ہوئے اسے صیہونی ریاست کی کھلی حمایت اور فلسطین پر ظلم قراردیا ہے۔ جامعتہ المنتظر میں علما کے اجلاس میں مشرق وسطیٰ میں ہونے والے اقدامات پر تشویش کا اظہار کرتے ہوئے اسے امت مسلمہ کے لئے خطرناک قراردیا گیا۔ آیت اللہ حافظ ریاض نجفی کا کہنا تھاکہ چند عرب ممالک کا حزب اللہ کو دہشت گرد قرار دینا فلسطینیوں کے قاتل اسرائیل کی کھلی حمایت ہے۔ یہ بزدلانہ اقدام امریکی او ر اسرائیلی خواہش کی تکمیل کے لئے کیا گیا ہے۔ جس کی جتنی مذمت کی جائے کم ہے۔ ایسے ہتھکنڈے بزدل اٹھاتے رہتے ہیں، مگر مجاہدین عوام کی حمایت سے استعماری قوتوںکے سامنے ڈٹ کر ظالموں کا مقابلہ کرتے رہتے ہیں۔انہوں نے کہا کہ سعودی عرب کی قیادت میں 34۔ ممالک کے نام نہاد اتحاد کی فوجی مشقوں کے موقع پر فلسطینیوں کی آزادی اور انسانی حقوق کا غاصب اسرائیل کو خبردار کرنے کی بجائے ، مظلوموں کی حمایت کرنے والی حزب اللہ کو دہشت گرد قراردینے کی شرمناک قرارداد پاکستان کی سیاسی اور عسکری قیادت کے لئے بھی لمحہ فکریہ ہے، جو اس موقع پر فوجی مشقوں میں موجود تھے۔ان کا کہنا تھاکہ یمن اور شام میں ہزیمت سے بوکھلا کر سعودی حکومت فلسطین اور لبنان کے درپے ہوگئی ہے۔ اور اسی بنیاد پر مسلمانوں میں تفریق بھی پیدا کرنا چاہتی ہے مگر شیعہ اور سنی عوام اس ساز ش کو ناکام بنادیں گے۔ علامہ نیاز نقوی نے کہاکہ لبنانی مفتی اعظم نے عرب لیگ کی اس حرکت کو ابوجہل والی عرب فکر جبکہ لبنان کے سیاسی رہنما سعد حریری نے اسے لبنان پر ظلم قراردیا ہے۔ جس سے واضح ہوگیا ہے کہ اسرائیل کے کاسہ لیس چند عرب ممالک کی یہ قابل مذمت حرکت کو پورے عرب اور امت مسلمہ کی رائے قرارنہیں دیا جاسکتا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)پاکستان مسلم لیگ نوازضلع سوات کے جنرل سیکرٹری انجینئر عمر فاروق نے کہاہے کہ موجودہ دور میں میڈیا کا کردارانتہائی اہم ہے ،صحافی عوامی مسائل کو متعلقہ حکام کے سامنے پیش کریں اس سلسلے میں ہم ہرقدم پر انکا ساتھ دیںگے ان خیالات کا اظہار انہوںنے گزشتہ روز سوات ٹی وی نیٹ ورک کے افتتاحی تقریب کے موقع پر کیا انہوںنے کہاکہ محدود وسائل میں سوات ٹی وی نیٹ ورک انتظامیہ خراج تحسین کے مستحق ہیں اس موقع پر سوات ٹی وی کے چیف ایگزیکٹیو عمر علی باچا ،ایم ڈی سمیع خان ،ڈائریکٹر نیوز کرم خان سواتی،انچارج نمائندگان واحدزمان اور انکی ٹیم نے عوامی مسائل کو اجاگر کرنے کیلئے سوات کی تاریخ میں پہلی مرتبہ ٹی وی اور ویب ٹی وی شروع کیا جو کہ سنگ میل ثابت ہوگا اس موقع پر سوات پریس کلب کے چئیر مین رشید اقبال ،سینئر صحافی ہمایون وقار شاہین ،سینئر صحافی شہزاد عالم ،یونین کونسل ملوک اباد کے منتخب تحصیل کونسلر یوسف علی خان ،پاکستان مسلم لیگ نواز یونین کونسل ملوک اباد کے صدر گل رحمن،صحافی ابرار حسین ،صحافی محمد رحمن اور دیگر سیاسی وسماجی شخصیات نے بھرپور شرکت کی۔
دنیا بھر کی خواتین کیلئے امہات المومنین رول ماڈل ہیں: مولانا محمد عمر
ملتان: اونٹوں کی لڑائی پر لاکھوں کا جوا، پولیس خاموش تماشائی بنی رہی