گجرات کی خبریں 11/4/2016

Gujrat

Gujrat

گجرات (جی پی آئی) ڈسٹرکٹ سپورٹس آفیسر ندیم بٹ نے کہا ہے کہ ضلعی حکومت کھیلوں کے فروغ کیلئے کوشاں ہے اور کھاریاں میں کھلاڑیوں کے مطالبات پر عنقریب کرکٹ گرائونڈ بنا دیا جائے گا۔ وہ گزشتہ تحصیل کرکٹ ایسوسی ایشن کھاریاں کے زیر اہتمام کرکٹ ٹورنامنٹ کی افتتاحی تقریب سے خطاب کر رہے تھے۔ انہوں نے کہا کہ کھاریاں کے کھلاڑیوں کی حوصلہ افزائی کیلئے اقدامات کئے جائیں گے اور T20 میچز میں بھی کھاریاں کے کھلاڑیوں کو کھیلنے کا موقع دیا جائے گا۔ نوجوانوں کی حوصلہ افزائی کیلئے ہر ممکن اقدامات کئے جائیں گے۔ اس موقع پر ممتاز سماجی رہنما ممبر ڈسٹرکٹ سپورٹس کمیٹی رانا ثاقب مشرف ‘ راجہ ندیم نواز (PTI) ‘ ملک جاوید اقبال اعوان’ ملک سرور اعوان’ ملک وحید سرور اعوان و دیگر رہنما بھی موجود تھے۔ اس موقع پر مہمانان گرامی نے کھلاڑیوں میں نقد انعامات اور ٹرافیاں تقسیم کیں۔ چٹھا کرکٹ میلہ 12 دن تک جا ری رہے گا۔ جس میں کھاریاں کے مختلف کلب شریک ہو رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) آمد ماہ رجب اور ولادت معصومین کے سلسلہ میں سید الطاف عباس کاظمی کی رہائشگاہ پر سالانہ نیاز کا انتظام کیا گیا۔ جس میں ممتاز شحصیات نے شرکت کی جس میں خصوصی دعا ممتاز عالم دین علامہ آغا مبارک موسوی’ آغا غلام حسینی نے کی جبکہ علامہ الطاف جعفری’ رانا ثاقب مشرف ‘ صدر حسینیہ ٹرسٹ چوہدری منظور وڑائچ’ پروفیسر سید سرفراز حسین جعفری’ جواد حسین جعفری’ گلفام کاظمی’ سید جابر کاظمی’ سید محسن عباس’ وقار ہیرا’ سجاد حسین شاہ’ سید عباس زیدی’ سید محسنین زیدی’ سید ناصر عرف پپو شاہ’ و دیگر شریک تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) جماعت اسلامی پاکستان کے قائد سراج الحق کی کال پر JI یوتھ ونگ نے کرپشن فری پاکستان مہم کے سلسلہ میں ایک بڑی ریلی نکالی۔ ریلی کا آغاز جماعت اسلامی کے ضلعی سیکرٹریٹ اسلامک سنٹر سے ہوا جس کی قیادت ضلعی امیر جماعت اسلامی ڈاکٹر طارق سلیم’ سید ضیاء اللہ ایڈووکیٹ ‘صدر JI یوتھ میاں عبدالحنان’ چوہدری عرفان احمد صفی’ ڈاکٹر خالد محمود ثاقب’ چوہدری عمران انور’ چوہدری ضیاء احمد مرالہ ایڈووکیٹ’ جاوید اقبال بٹ سٹی امیر’ و دیگر راہنمائوں نے کی۔ ریلی اسلامک سنٹر سے جی ٹی ایس چوک سے ہوتی ہوئی تمبل بازار ‘ مچھلی چوک’ سرکلر روڈ سے ہوتی ہوئی چوک پاکستان میں اختتام پذیر ہوئی۔ جماعت اسلامی اور JI یوتھ کے رہنمائوں نے خطابات کئے ۔ انہوں نے کہا کہ اس وقت ملک میں روزانہ 12 ارب روپے کی کرپشن ہوتی ہے۔ پاکستان کے حکمرانوں اور سیاستدانوں کے جتنے پیسے بیرون ملک بینکوں میں پڑے ہیں اگر وہ واپس آ جائیں تو پاکستان قرضوں کی دلدل سے نکل سکتا ہے۔ انہوں نے کہا کہ پانامہ لیکس نے شریفوں کی شرافت اور غریبوں کے ہمدردی کے دعویداروں کے چہروں سے نقاب اُلٹ کر ان کے اصل چہرے دکھا دئیے ہیں۔ انہوں نے کہا کہ گجرات میں جعلی ادویات سے لیکر ٹی ایم اے اور سبزی منڈی کی کرپشن میں نام نہاد اشرافیہ ملوث ہے۔ اور اس وقت کسی دفتر میں سفارش کے بغیر کسی کی شنوائی نہیں ہوتی۔ محکمہ صحت’ ٹی ایم اے ‘ اور دیگر اداروں کی کرپشن زبان زد عام ہے۔ انہوں نے کہا کہ ہماری تحریک تسلسل کے ساتھ جاری رہے گی۔ اور اگلے مرحلے پر کرپٹ اور بد عنوان افسران کے دفاتر کے باہر دھرنے دیں گے۔ ریلی کا اہتمام امیر کھاریاں چوہدری عمران انور کی دعا پر ہو ا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) جماعت اسلامی کے زیر اہتمام منعقدہ ریلی کے موقع پر تاجروں اور عوام نے ریلی کے شرکاء پر پھولوں کی پتیاں نچھاور کیں اور ریلی کے شرکاء سے یکجہتی کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ٹی ایم اے گجرات کی جانب سے رکھے جانیوالے کوڑے کرکٹ کے کنٹینر سکریپ کی شکل اختیار کر رہے ہیں اور عوام کی کمائی سے خریدے جانے والے یہ کنٹینر اگر اسی طرح پڑے رہے تو ان کا کوئی پرسان حال نہ رہے گا۔ ڈی سی او گجرات لیاقت علی چٹھہ سے مطالبہ کیا جاتا ہے کہ وہ فوری طور پر مختلف مقامات پر رکھے جانے والے کنٹینرز کا معائنہ کروائیں اور جو قابل مرمت ہیں ان کی مرمت کی جائے۔ تاکہ عوام کا پیسہ ضائع نہ ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) حکومت پنجاب کی ہدایات کے مطابق شہریوں میں ٹیکس ادائیگی کا شعور اجاگر کرنے کے لئے آگاہی واک اور سیمینار آج صبح 10بجے ہوگی، بعد ازاں ضلع کونسل ہال میں سیمینار کا انعقاد کیا جائے گا، واک اور سیمینار کی قیادت ڈی سی او لیاقت علی چٹھہ، اے ڈی سی عرفان علی کاٹھیا، ڈپٹی کمشنر انکم ٹیکس گجرات، صدر چیمبر آف کامرس، صدر بار ایسویسی ایشن گجرات، صدر انجمن تاجراں، صدر پریس کلب کریں گے جبکہ واک اورسیمینار میں مختلف شعبہ ہائے زندگی کے افراد شرکت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ایم پی اے حا جی عمر ان ظفر نے گز شتہ روز یو نین کو نسل3اور سلطا ن آ با د کے مختلف علا قو ں میں جا ر ی تر قیا تی کا مو ں کا جا ئز ہ لیا ،اس موقع پر ر ہنما مسلم لیگ ن قمر بشیر ،چو ہدری ذولفقار اسلم پہلو ان و دیگر نما ئند گا ن ہمر اہ تھے ،حا جی عمر ان ظفر نے کہا کہ حلقہ میں کروڑوں رو پے کی لا گت سے تر قیا تی کا مو ں کا چا ل بچھا د یا گیا اور جس میں زیا د ہ منصو بے پا یہ تکمیل تک پہنچا دیے گئے ہیں جبکہ با قی منصو بو ںپر تیزی سے کا م جا ر ی ہے ،انہو ں نے تعمیر اتی کا مو ں کے جا ئز ہ کے دوران محکمہ کے آفیسر ان کو ہد ایت کی وہ تر قیا تی منصو بو ں کو جلد از جلد پا یہ تکمیل تک پہنچا ئے تا کہ عو ام النا س ان سے ثمر ات سے استفا د ہ حا صل کر سکے ، انہو ں نے مذ ید کہا کہ منتخب بلد یا تی نما ئند گا ن اپنے اپنے علا قو ں جا ر ی تر قیا تی کا مو ں کے معیا ر کو اچھی طر ح پڑ تا ل کر یں ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گز شتہ روز ایم پی اے حا جی عمر ان ظفر نے تمبل با زاراور شا ہد ولہ گیٹ کا دور ہ کیا ، انہو ں نے دوکا نداروں سے ملاقا تیں کیں اور ان کے مسا ئل سنے ، تمبل بازار پہنچنے پر تا جر ان نے حا جی عمر ان ظفر کا شا ند ار استقبا ل کیا ، اس موقع پر چیئر مین یو سی12با سط راٹھو ر ،جنر ل سیکر ٹر ی مسلم لیگ ن سٹی را جہ حبیب الر حمن ،عر فا ن مٹو سمیت دیگر تا جر ان ہمر اہ تھے ، حا جی عمر ان ظفر نے تا جر وں کے مسا ئل سنے اور ان کے حل کی یقین دہا نی کر وائی ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملکہ(جی پی آئی) تحریک انصاف پنچاب کے کوآرڈی نیٹر چوہدری محمد سرور نے گلیانہ میں استقبالیہ جلسہ سے خطاب کرتے ہوئے کہا کہ پی ٹی آئی آپ کی ایک فیملی ہے ۔آپ نے اس کو کامیاب کرنا ہے ۔انھوں نے کہا کہ حکمرانوں نے ہمیں نا انصافی اور بد دیانتی کے سوا کچھ نہیں دیا ۔68سالوں میں حکمرانوں نے پینے کے پانی تک فراہم نہیں کیا ۔یہ حکمران حکومت کرنے کے لائق نہیں ہیں ۔ہم غریب کو انصاف دیں گے ۔ہم انشاء اللہ ن لیگ کو شکست فاش دیں گے ۔انھوں نے کہا کہ حکمران نوشتہ دیور پڑھ لیں ان کے جانے کا وقت قریب ہے ۔چوہدری سرور نے کہا کہ جس طرح آپ نے میرا استقبال کیا ہے اب کوئی بھی جماعت پی ٹی آئی کو کامیابی سے نہیں روک سکتی ۔انھوں نے کہا کہ ق لیگ کا جس طرح گجرات سے صفایا ہو ا ہے اسی طرح ن لیگ کا بھی صفایا ہو گا ۔لوگ علاج معالجہ نہیں کروا سکتے ،ان کو حکومت کرنے کا کوئی حق نہیں ۔یہ ذمہ داری 20کروڑ عوام کی ہے ۔عمران خاں پاکستان میں پسماندگی کو دور کریں گے ۔غریبوں کا حق ان کو دیلیز پر پہنچائیں گے ۔اس موقع پر چوہدری لیاقت بھدر ۔سید نور الحسن شاہ ۔میجر (ر )خلیل الرحمن اعوان ۔افغل گوندل ۔چوہدری علیم الدین وڑائچ ۔اور دوسرے مقررین نے بھی خطاب کیا ۔اور عمران خان کی بھر پور حمایت کی ۔چوہدری محمد سرور نے بعد ازاں نواحی گاوں بھوتہ میں بھی کنونشن سے خطاب کیا ۔اور کہا کہ حکمران 35سالوں سے حکومت پر قابض ہیں ۔اور انھوں نے عوام کے حقوق چھینے ہیں ۔چوہدری احمد ندیم گجر نے کہا کہ ہم نے اپنے زور بازو سے گجرات میں سیاست کی ہے ۔ق لیگ کو اس وقت خیر باد کہہ دیا تھا جب انھوں نے قبلہ ظہور الہی شہید کی بجائے بھٹو کے مزار کو بنا لیا تھا ۔چوہدری مختار ڈھل نے کہا کہ گزشتہ دنوں مجھے میرے مشن سے ہٹانے کے لئے میرے گھر پر غیر قانونی چھاپہ مارا گیا ۔لیکن میں اپنے مشن سے پیچھے نہیں ہٹوں گا۔جھوٹی ایف آئی آر میرا کچھ نہیں بگاڑ سکتیں ۔چوہدری علیم اللہ وڑائچ نے کہا کہ ہم نے گجرات کی سیاست کو تبدیل کر دیا ہے ۔اب کوئی ظالم گجرات میں ظلم نہیں کر سکے گا ۔بلکہ ہم اب صرف الیکشن کا انتظار کر رہے ہیں ۔جب الیکشن ہوں گے تو تمام لیگوں اور پی پی پی کو گجرات بھگا دیں گے ۔ چوہدری سرور نے پی ٹی آئی کے ٹائیگرز میں شیلڈز بھی تقسیم کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملکہ(جی پی آئی) دیہاتوں اور شہروں میں عوام کی سرکاری راستوں 5/5پر فٹ تک ناجائز تجاوزات ۔عوام الناس کا چلنا اور گاڑی لے کر گزرنا محال ہو گیا ۔ اے سی کھاریاں سے ناجائز تجاوزات ختم کروانے کا مطالبہ تفصیل کے مطابق گلیانہ ،بھگوال ۔ملکہ ۔ٹھوٹھہ رائے بہادر ڈوگہ اور گوٹریالہ سمیت تمام دیہاتوں میں مرکزی گزر گاہوں کے ساتھ اپنے گھروں کو جانے والے گیٹ کے سامنے اکثر لوگوں نے 5/5فٹ تک کی سیڑھیاں بنا رکھی ہیں ،جبکہ لوگ اپنے گھر کے سامنے ایک انچ بھی جگہ عوام الناس اور رفاہ عامہ کے لئے نہیں چھوڑتے ۔اور الٹا اپنے اپنے گھروں کے سامنے تھڑے اور ناجائز سیڑھیاں بنا لیتے ہیں ۔جہاں سے عوام الناس گاڑیاں تو درکنار پیدل چلنا بھی مشکل ہو جاتا ہے ۔گلیانہ اور گردو نواح کے عوام نے اے سی کھاریاں سے مطالبہ کیا ہے کہ وہ روزانہ کی بنیاد پر ایک ایک گاوں کا دورہ کریں اور اپنی سربراہی ہیں ناجائز تجاوزات ختم کروائیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملکہ(جی پی آئی) چوہدری عبد الحق مرالہ کی طر ف سے گلیانہ پریس کلب کے لئے 15ہزار روپے کی خطیر رقم دینے پر ان کا شکریہ ادا کرتے ہیں ،ان خیالات کا اظہار چیئرمین گلیانہ پریس کلب ڈاکٹر عبدا لرشیدنے ایک بیان میں کہی انھوں نے کہا کہ گلیانہ پریس کے تمام صحافی عوام الناس کی بے لوث خدمت کر رہے ہیں ۔ان کی دن رات کی محنت سے ضلع گجرات میں گلیانہ پریس کلب مثالی کردار ادا کر رہا ہے ۔ڈاکٹر عبد الرشید نے مزید کہاکہ گلیانہ پریس کلب کی فلاح و بہبود اور اتحاد واتفاق کے لئے اپنی تمام صلاحتیں بروئے کار لائیں گے ۔انشاء اللہ گلیانہ پریس کلب کو ڈویژن کا مثالی ادارہ بنائیں گے ۔انھوں نے گلیانہ پریس کلب کی تقریب حلف برداری میں تعاون کرنے والے تمام دوستوں کا شکریہ ادا کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) سیکرٹری جنرل جماعت اسلا می ضلع گوجرانوالہ مظہر اقبا ل رندھاوانے کہا ہے کہ کشکول توڑنے کے دعویداروںنے قوم کوگروی رکھ دیا ہے۔کرپشن کازہرہرشعبہ زندگی میںسرایت کرچکا ہے۔حقیقی فلا حی ریا ست کے لئے اس کا خاتمہ کرنا ہوگا۔جعلی ڈگری ہولڈرزاورمفادات کے لئے سیا سی وفاداریاںتبدیل کرنے والوںسے قو م مایوس ہے۔اسلا می اورخوشحال پاکستان سے ہی مسائل حل ہونگے۔کارکنان عوام میںپھیل کرکرپشن کے خلاف عوام کومنظم کریں۔جماعت اسلا می کے مخلص اوربے لوث قیادت لٹیروںسے لوٹی ہوئی رقم واپس لے سکتی ہے۔ وہ جماعت اسلا می سٹی کے زیراہتمام کر پشن فری پاکستان ریلی کے شرکا ء سے اجلاس کررہے تھے۔اس موقع پرناصر محمودکلیر،صابر حسین بٹ ،مسلم لیگ (ن) کے ملک محمدشہبازکلیار،خالد محمودراول،مر زا غلام مصطفی، عبد الوکیل علوی ،وسیم شاہد اولکھ،زمان حیدر چیمہ،ماجد نمبردار سمیت متعددافراد نے شرکت کی ۔ انہوںنے کہا کہ نا اہل حکمرانوںنے ایٹمی پاکستان کوگداگربناکرقومی کووقار کوساہوکاروںکے ہاتھوںفروخت کردیا ہے۔قو م کاہر بچہ مقروض اورقرضے لینے والے عالیشان محلوںمیںعیش کررہے ہیں۔انہوںنے کہا کہ ہم نے تہیہ کرلیا ہے کہ کرپشن مافیا کومزیدبرداشت نہیںکیا جا ئے گا۔انہوںنے کہا کہ ان سے لوٹی ہوئی دولت واپس لیکرنشان عبرت بنا یا جا ئیگا۔انہوںنے کہا کہ میرٹ نہ ہونے سے اعلیٰ تعلیم یافتہ نوجوان بے روزگاراورحکمرانوںکے نااہل شہزادے اعلیٰ عہدوںپرفائز ہیں۔ انہوںنے کہا کہ وی آئی پی کلچرنے عام آدمی کی زندگی اجیرن کردی ہے۔ملت سے غداری کرکے انگریز سے جاگیریںلینے والوںکی تیسری نسل عوام کی گردنوںپر سوارہے۔حکمران ان دفعات کومانتے ہیںجسمیںانکے وسیع اختیارات ہوں۔ انہوںنے کہا کہ جماعت اسلا می ہی کرپٹ لوگوںکااحتساب کرسکتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) والدین کی عزت وتکریم کی تعلیم اسلا م کی بنیادہے۔جوقومیںاپنے اجدادکی خدمت کرتی ہیںوہ نصیبوںوالے ہوتے ہیںاوربزرگوںوالدین کی دعائوںکی وجہ سے کامیاب وکامران ہوجا تی ہیں۔والدین کوپیاربھری نظروںسے دیکھنے سے ایک مقبول حج وعمرہ کاثواب حاصل ہونے کافرمان نبی کریم ۖ کی احادیث نبوی ۖ کی کتابوںمیںموجودہے۔ان خیالات کا اظہارایم این اے شازیہ فرید اورضلعی ایڈیشنل جنرل سیکرٹری بابو عامر رضا بٹ نے مقامی سکول میںیوم والدین کے موقع پر کیا۔اس موقع پرڈائریکٹرحافظ حامد سعید،مسزقاری سعید ارشد،فرح دیبہ ،شیخ عامرصدیقی ودیگرنے بھی خطاب کیا۔انہوںنے کہا کہ اسلام واحد مذہب ہے جووالدین سے اچھے برتائو کادرس دیتا ہے اوراکٹھے کنبے کاتصورہمارے ہاںبہت کامیاب ہے جبکہ یورپ اوردیگرمادرپدرآزادمعاشروںمیںوالدین کواولڈ ہائوس بھجوادیتے ہیں۔اس سے آنیوالی نسلوںکواپنے سے محبت اورانسیت حا صل نہیںہوتی۔یوم والدین کاانعقادہی اس سلسلے کی ایک کڑی ہے کہ ہمیںوالدین کی تکریم کرنی چا ہئے۔(فوٹوہمرا ہ ہے)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) ایس ایچ او سٹی نعمان بٹر نے منشیات فروشوں کے خلاف کریک ڈائون کے دوران محمد جمیل،عابد حسین،محمدخلیل،ذوالفقار علی عرف قاری شاہ،جبیر،محمد اعجاز،مظہر اقبال عرف پپواور سٹیفن مسیح سے 6232 گرام چرس اور5 لیٹر شراب برآمد کرکے مقدمات درج کر لئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) ایس ڈی او گیپکو سب ڈویثرن نمبر3 نظام آباد مدثر ارشاد چیمہ کی پریس ریلیز کے مطابق نئی لائنوں کے تنصیب کے سلسلہ میں مورخہ12 ،15 ،19اور26 اپریل کو حاجی پورہ ،کولار،ہیڈخانکی ،فتح گڑھ،پی این پی،مردیکے اور پھالوکی فیڈر پر بجلی کی سپلائی صبح9 بجے سے لیکر3 بجے تک بند رہے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) اوورہیڈ برج تلے پرچی جوا،منشیات اورقحبہ گری کا دھندہ عروج پر ہے جبکہ راہ گزر نوجوانوں کو بے راہ روی کی دعوت عام دی جاتی ہے،تھانہ سٹی پولیس کے علاقہ میں جسم فروشی کا مکروہ دھندہ سرعام جاری ہے جبکہ شریف انسان ان عورتوں کو باز کرتا ہے تو تو الٹا انکا مذاق اڑاتی ہوئی اسے بھی دعوت گناہ دیتی ہیں اور عام لوگ انکی اس بدذبانی کے باعث راہ بدل لیتے ہیں۔بعض دیہاتی نوجوان انکا شکار ہو جاتے ہیںکچھ عرصہ قبل پولیس نے اس گروہ کا دھندہ بند کرانے میں بڑے سرگرمی دکھائی تھی لیکن اب یہ کام پھر عروج پر ہے ایک عظیم الجثہ خاتون اپنے ہمراہ نوجوان لڑکیوں کو اپنے ساتھ رکھتی ہے اور دام فریب دینے میں یہ غیر معمولی دسترس رکھتی ہیں وزیرآباد کے دینی و سماجی حلقوں نے ان خرافات کے خلاف آپریشن کا مطالبہ کیا ہے واضح رہے کہ جسم فروشی کا دھندہ کرنے والی خواتین دھمکی یا کاروائی کرنے والے لوگوں پر بلانلا الزامات عائد کر دیتی ہیں جس سے ہر انسان اپنا دامن بچاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) جمعیت علما پاکستان کے مرکزی صدر پیر اعجاز احمد ہاشمی نے کہا ہے کہ آئین پاکستان متفقہ ہے، جس پر تمام سیاسی قوتوں کا اتحاد ہے، کسی شخص کو بنیادی آئینی ڈھانچے میں تبدیلی کی اجازت نہیں دی جائے گی۔ نئے سماجی میثاق کی بات کرنے والے ملکی سلامتی سے کھیلنا چاہتے ہیں۔ میڈیا سے گفتگو میں پیر اعجاز ہاشمی نے کہا کہ سیکولر اور مذہبی قوتوں کو ایک آئین پر متفق کرنے کا کریڈٹ ذوالفقار علی بھٹو اوراس وقت کی پارلیمنٹ میں موجود سیاسی اور مذہبی جماعتوں کو جاتا ہے،جنہوں نے ریاست کا نا م اسلامی جمہوریہ پاکستان اور ریاست کا مذہب اسلام قراردے کر بانی پاکستان قائد اعظم محمد علی جناح کا خواب پورا کیا مگر افسوس کہ آئین پر عملدرآمد نہیں کیا جارہا اور حکمران ملک کو سیکولرازم کی طرف لے جانا چاہتے ہیں۔ انہوں نے کہا کہ آئین مقدس دستاویز ہے، جس کے تحفظ کے لئے سیاسی جماعتیں ہی کردار ادا کرسکتی ہیں۔ مارشل لاحکومتوں نے آئین کو باربار معطل کیا مگر خوش آئند بات یہ ہے کہ سیاسی کارکنوںکی جدوجہد کے باعث انہیں اپنے فیصلوں کو تبدیل کرنا پڑا، اور جمہوریت بحال ہوئی۔پیر اعجازہاشمی نے کہا کہ مولانا شاہ احمد نورانی، پروفیسر غفور اورمفتی محمود کے آئین کو اسلامی بنانے میں اہم کردار کیا۔ اسی وجہ سے جو کچھ بھی سیاسی قوتوں میں اختلافات ہوں ، مگر آئین پر سب کا اتفاق ہے۔ جو کہ ملکی استحکام کے لئے خوش آئند ہے۔ جو لوگ نئے آئین کی بات کرتے ہیں وہ ملکی سلامتی سے کھیلناچاہتے ہیں، یا سیاسی بصیرت سے عاری ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نارووال(جی پی آئی)اللہ تعالیٰ نے قرآن حکیم میں والدین سے حسن سلوک کا حکم دیا۔ والدین اولاد کی رزق حلال سے پرورش کریں تو اولاد فرمانبردار ہوگی ۔نیک اولاد والدین کیلئے صدقۂ جاریہ ہے ۔ماں کے قدموں تلے جنت جبکہ باپ جنت کا دروازہ ہے۔ہمیں والدین کی خدمت اور احترام سے معاشرہ میں بہتری لانی ہے ۔خوش نصیب والدین ہیں وہ جن کی اولاد ان کیلئے ایصال ثواب کرتی ہے ۔والد کی رضا اللہ تعالیٰ کی خوشنودی کا باعث ہے۔ آج والدین کی نا فرمانی سے معاشرے میں بگاڑ آ رہا ہے ۔گستاخ اولاد دنیا و آخرت میں نا کامی کا منہ دیکھتی ہے۔وقت کا تقاضا ہے کہ ہم اسلامی تعلیمات پر عمل پیرا ہو جائیں ۔والدین کی خدمت انسان کو ولی بنا دیتی ہے۔ان خیالات کااظہار قائد تحریک اویسیہ پاکستان علامہ پیر محمد تبسم بشیر اویسی نے ڈیفنس کالونی میں خواجہ محمد صفدرمینجرنیشنل بنک نور کوٹ اور خواجہ محمد سرور کے والدین مرحومین کے ایصال ثواب کے لئے منعقدہ محفل پاک سے خطاب کرتے ہوئے کہا ۔انہوں نے کہا کہ ماں کے انتقال پر اولاد کو یتیم نہیں کہا جا تا بلکہ والد فوت ہو جائے تو اولاد کو یتیم کہا جاتا ہے۔نبی کریم ۖ والد کی جدائی میں آہ و زاری فرماتے ۔ ہمیں اپنے والدین کو نعمت خداوندی تصور کر کے خدمت کے جذبے سے ہر آن سرشار رہنا چاہیے ۔ علامہ پیر محمد تبسم بشیر اویسی نے کہا کہ نفاذِ نظام مصطفےٰ ۖ ہو جائے تو گستاخیٔ والدین اور گناہ کے ارتکاب میں بھی کمی ہو جائے گی ۔اس موقعہ پرمحمد عابد معصومی ،محمد محسن اویسی اور دیگر بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) انتہاء پسندی ، دہشت گردی اور فرقہ وارانہ تشدد کے خاتمے کیلئے چلائی جانے والی مہم کو منظم تحریک میں چلایا جائے گا۔ مدارس اور مساجد کا دہشت گردی اور انتہاء پسندی سے کوئی تعلق نہیں۔دہشت گردی اور انتہاء پسندی کو محراب و منبر اور داڑھی اور پگڑی سے نہ جوڑا جائے۔ مدارس اور مساجد کے ذمہ داران کسی اجنبی کو مدرسہ اور مسجد میں قیام کی اجازت نہ دیں۔ اسلام ، قرآن اور جہاد کے نام پر پھیلائے جانے والے تکفیری نظریات سے نوجوان نسل کو بچانا وقت کی اہم ضرورت ہے ۔ قومی ایکشن پلان پر مکمل عملدرآمد کیا جائے ۔ شک کی بنیاد پر گرفتار مذہبی رہنمائوں اور کارکنوں کو جلد از جلد تحقیق کر کے رہا کیا جائے ۔ یہ بات پاکستان علماء کونسل لاہور کے زیر اہتمام گلشن اقبال پارک جامعہ مسجد مکی میں علماء کنونشن سے خطاب کرتے ہوئے مقررین نے کہی ۔ کنونشن کی صدارت پاکستان علماء کونسل کے چیئرمین حافظ محمد طاہر محمود اشرفی نے کی ۔ کنونشن سے خطاب کرتے ہوئے صاحبزادہ زاہد محمود قاسمی ، مولانا محمد ایوب صفدر، مولانا خادم حسین ، مولانا محمد مشتاق لاہوری ، مولانا قاری عبد الحکیم ، مولانا عبد القیوم ، مولانا محمد اسلم قادری ، مولانا اسلام الدین ، مولانا عبد اللہ رشیدی ، مولانا اسید الرحمن ، مولانا اشفاق پتافی ، مولانا مخدوم حسین ، مولانا زبیر زاہد اور دیگر نے کہا کہ انتہاء پسند اور دہشت گرد گروہ نوجوان نسل کو یرغمال بنانے کی کوشش کر رہے ہیں۔ ان گروہوں کو ناکام بنانے کیلئے متحد ہو کر جدوجہد کرنے کی ضرورت ہے ۔ پاکستان میں مدارس اور مساجد نے ہمیشہ اسلام کے عادلانہ پیغام کو پھیلانے کی کوشش کی ہے ۔ جو لوگ اسلام کے نام پر تشدد کو تقویت دیتے ہیں وہ اسلام اور مسلمانوں کے خیر خواہ نہیں ہیں۔ پاکستان علماء کونسل کے مرکزی چیئرمین حافظ محمد طاہر محمود اشرفی نے کنونشن سے خطاب کرتے ہوئے کہا کہ محراب و منبر کے وارثوں کو حالات کے جبر سے گھبرانے کی ضرورت نہیں ہے ۔ پاکستان اسلام کے عادلانہ نظام کیلئے قائم ہوا ہے اور پاکستان کو مدینہ منورہ کی طرز کی ریاست بننا ہے جہاں پر سب کو حقوق یکساں ملیں۔ انہوں نے کہا کہ بعض قوتیں پاکستان کے اندر انتشار کی کیفیت پیدا کرنا چاہتی ہیں ۔ بے گناہ عورتوں، بچوں ، بوڑھوں کو قتل کرنے والے بتائیں وہ کون سی اسلام کی خدمت کر رہے ہیں؟ گلشن اقبال پارک میں معصوم بچوں کو نشانہ بنایا گیا جبکہ جہاد کے میدان میں بھی عورتوں اور بچوں کو قتل کرنے سے اسلام نے منع کیا ہے ۔ انہوں نے کہا کہ بعض قوتیں پاکستان کے سلامتی کے اداروں اور مذہبی قائدین کے درمیان تصادم پیدا کرنا چاہتی ہیں ۔ انتہاء پسندی ، دہشت گردی اور فرقہ وارانہ تشدد کے خلاف کل بھی ملک کی تمام مذہبی و سیاسی جماعتیں ملک کے سلامتی کے اداروں کے ساتھ تھیں ، آج بھی ساتھ ہیں۔ انہوں نے کہا کہ مدارس اور مساجد کے طلباء اور علماء کسی بھی دوسرے سے زیادہ پاکستان سے وفادار ہیں۔ کنونشن میں وفاق المساجد پاکستان کی طرف سے مدارس اور مساجد کیلئے ایک ضابطہ اخلاق جاری کیا گیا اور کہا گیا کہ ملک کے اندر وفاق المساجد پاکستان سے متصل چوہتر ہزار سے زائد مساجد میں اس ضابطہ اخلاق پر عمل ہو رہا ہے ۔ ہم ملک بھر کے مدارس اور مساجد کے ذمہ داروں سے اپیل کرتے ہیں کہ وہ اس ضابطہ اخلاق پر مکمل عملدرآمد کریں۔ کنونشن میں سانحہ اقبال پارک میں جاں بحق ہونے والوں اور ان کے لواحقین کے ساتھ مکمل طور پر اظہار یکجہتی کرتے ہوئے ایک قرارداد میں کہا گیا کہ صوبہ پنجاب سمیت ملک بھر میں جہاں پر بھی دہشت گرد اور انتہاء پسند عناصر موجود ہیں ان کے خلاف بلا تفریق آپریشن ہونا چاہیے ۔ محراب و منبر دہشت گردی اور انتہاء پسندی کے خلاف ہونے والے کسی بھی آپریشن میں رکاوٹ نہیں ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) جمعیت علما پاکستان نیازی نے پنجاب میں جاری فوجی آپریشن کی حمایت کرتے ہوئے اسے دہشت گردی کے خاتمے کے لئے ناگزیر قراردیا ہے۔ اور واضح کیا ہے کہ سہولت کاروں کے خلاف کارروائی کئے بغیر مطلوبہ نتائج حاصل کرنا ممکن نہیں۔ جے یو پی نیازی کے سربراہ پیر سید محمد معصوم حسین نقوی کی زیر صدارت مجلس شوریٰ کے اجلاس میں کہا گیا کہ دہشت گردی کی ابتدا فرقہ واریت سے ہوئی، جب ضیاالحق کے دور میںمکاتب فکرکے درمیان اختلافات پیدا کئے گئے۔ اور جہاد افغانستان کے نا م پر نجی لشکر تشکیل دیے گئے۔ اس پر سکیورٹی اداروںنے نوٹس لیا مگر بہت دیر ہوچکی تھی۔ اب بھی کالعدم تنظیمیں اپنے جلسے کرتی اور جلوس نکالتی ہیں اور نفرت آمیز نعرے لگائے جاتے ہیں۔ اجلاس میں کہا گیا کہ فرقہ واریت کو جرم قراردیا جائے، دہشت گردی رک جائے گی۔ اس کے لئے مدارس کے ملوث ہونے کا الزام عائد کیا جاتا ہے۔ جمعیت علما پاکستان نیازی مطالبہ کرتی ہے کہ ان مدارس کی فہرست میڈیا کے سامنے ان کے مسلک سے تعلق کے اظہار کے ساتھ پیش کی جائے ، تاکہ ابہام نہ رہے۔ جے یو پی کے اجلاس میں قراردیا گیا کہ 1973ء کا آئین متفقہ ہے ، مختلف فوجی حکومتوں کے دوران اس پر حملے کئے گئے، مگر عوام اور سیاسی قوتوں کی جدوجہد سے آئین کو بحال کیا گیا، اس کا بنیادی ڈھانچہ تبدیل کرنے کی اجازت نہیں دی جائے گی۔جے یو پی کے اجلاس سے خطاب میں پیر معصوم نقوی نے کہا کہ اہل سنت کے درمیان نااتفاقی کے ذمہ دار عہدوں کے خواہشمند رہنما ہیں۔ اتحاد اہل سنت وسیع تر ہونا چاہیے،لیکن کوئی شخصیت نظر نہیں آرہی جس پر اتفاق کیا جاسکے۔ اس کے لئے اجتماعی قیادت کا نظریہ دینا ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) قائد ملت جعفریہ پاکستان اور اسلامی تحریک کے سربراہ علامہ سید ساجدعلی نقوی نے کہا ہے کہ آئین پاکستان پر عملدرآمد ہی میں ملک کی مشکلات کا حل مضمر ہے، افسوس ملک میں مضبوط نظام نہ ہونے کے باعث آئین کی بالادستی اور قانون کی حکمرانی کی جگہ طاقت نے لی، متفقہ دستاویز کے باوجود ایسا محسوس کیا جارہاہے جیسے دستور کو یرغمال بنا دیا گیا ہے اورآئین کی اکثر شقوں کو چھیڑاتک نہیں گیا اور بعض درخوراعطناء نہیں سمجھا گیا۔ آئین کی حکمرانی فقط سیاسی جماعتوں کے منشور تک محدودرہی ،ملک میں آئین کی حکمرانی کی جگہ طاقت کی حکمرانی نے لے لی ہے۔1973ء کے متفقہ دستور پاکستان کی 43 ویں سالگرہ کے موقع پر اپنے پیغام میں علامہ سید ساجد علی نقوی نے کہاکہ دستور کسی بھی ملک کے مختلف حصوں، طبقوں اور ثقافتوں کوآپس میں جوڑتاہے، ان کے حقوق اور آزادیوں کا تحفظ فراہم کرتاہے ، جمہوریت ، جمہوری رویوں ،انسانی حقوق اور انصاف کی اساس فراہم کرتاہے۔انہوں نے کہا کہ1973 ء میں چھبیس سال کے بعد 10اپریل کو تمام سنجیدہ طبقات متفقہ آئین پر متحد ہوئے اور متفقہ دستور پاکستان کے نام سے دستاویز مکمل ہوئی، لیکن بدقسمتی سے 43 سال قبل ہم نے جس متفقہ آئین کی نوید سنی اس پر چار دہائیوں سے زائد عرصہ گزرجانے کے بعد بھی مکمل عملدرآمد نہ ہوسکا بلکہ بعض اوقات جزوی عمل بھی تعطل کا شکار ہوگیا۔ان کا کہنا تھاکہ آئین کی بہت سی ایسی دفعات ہیں جنہیں چھیڑا تک نہیں گیا اور بعض شقوں کو ہر دور میں اپنے مفادات کیلئے استعمال کیا جاتا رہا۔ آئین کی بالادستی کی بات تصور کی حد تک ہی محدود رہی اور ا س پر عملدرآمد میں تعطل کی ایک لمبی تفصیل ہے ۔قائد ملت جعفریہ نے کہا کہ آئین و قانون کی حکمرانی فقط سیاسی جماعتوں کے منشور تک ہی رہی ، آج ملک میں آئین کی حکمرانی کی جگہ طاقت کی حکمرانی نے لے لی۔ قانون کی حکمرانی نہ ہونے کی وجہ سے کوئی مضبوط نظام ہی مرتب نہ ہوا اور اسی کمزوری کا فائدہ طاقت کی حکمرانی نے بھرپور طریقے سے اٹھایا جس کے کئی مظاہر سے ہمارے ملک کی تلخ تاریخ گواہ ہے کہ کس طرح سرعام کوڑے مارے جاتے رہے، انسانیت کی تذلیل کی جاتی رہی، منتخب حکومتوں کو چلتا کیا جاتا رہا ، بنیادی انسانی حقوق پامال کئے جاتے رہے ، بڑے بڑے سیکنڈلزسامنے آئے لیکن طاقت کی حکمرانی کے باعث کسی نے لب کشائی کی جرات تک نہ کی اور اگر کسی نے کوئی لفظ بولنے کی جسارت ہی کردی تو وہ نشان عبرت بنادیاگیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان مسلم لیگ ق کے رہنما و مسلم لیگ یوتھ ونگ کے مرکزی صدر سید بلال مصطفی شیرازی نے کہا ہے کہ لاہور کے سرکاری ہسپتالوں میں زیر تعمیر توسیع منصوبوں کو سیاست کی نذر نہ کیا جائے کیونکہ یہ منصوبے صحت کے شعبہ میں مریضوں کی بڑھتی ہوئی تعداد اور ان کو مناسب علاج معالجہ کی سہولیات کی فراہمی کیلئے شروع کیے گئے تھے ۔انہوںنے کہا کہ میٹروبس ،میٹروٹرین کے ساتھ ساتھ عوامی صحت کے منصوبوں کو بھی ترجیحی بنیادوں پر مکمل کیا جائے مہینوں میں40ارب سے زائد لاگت سے میٹروبس چلانے والی حکومت صحت کے شعبہ میں بلندو بانگ دعوئوں کے باوجود مریضوں کو بھول گئی ہے مریضوں کے علاج معالجہ کیلئے سرکاری ہسپتالوں میں زیر تعمیر توسیع منصوبے سیاست کی نذر ہورہے ہیں کروڑووں روپے تخمینہ کے منصوبہ 10سال بعد بھی نامکمل ہیں اور اب ان کی لاگت اربوں روپے میں پہنچ چکی ہے۔سید بلال شیرازی نے کہا کہ حکومت کی ساری توجہ سڑکوں اور پل بنانے کے طرف مرکوز ہے میئو ہسپتال چوہدری پرویز الہٰی کا عوامی فلاحی منصوبہ سرجیکل ٹاور دس سال سے زیر تعمیر اور نامکمل ہے اسی طرح سروسز ہسپتال میں نئی آئوٹ ڈور بلڈنگ اور نیا ریڈیالوجی ڈیپارٹمنٹ بھی سالوںسے زیر تعمیر ہے ۔جناح ہسپتال لاہور میں ایک ارب روپے لاگت سے تیار ہونے والا سٹیٹ آف دی آرٹ برن سنٹر سالوںسے تیار ہونے کے باوجود چالو نہ ہوسکا۔،چلڈرن ہسپتال لاہور میں ان ڈور بلڈنگ کی توسیع کا منصوبہ بھی نامکمل ہے ،لاہور جنرل ہسپتال میں پاکستان کا سب سے بڑا نیورو سرجری انسٹی ٹیوٹ بھی غیر فعال ہے ۔انہوںنے کہا کہ چوہدری پرویز الہٰی نے انسٹی ٹیوٹ آف کارڈیالوجی ہسپتال لاہور میں دیگر شہروں سے آنے والے مریضوں کی مشکلات کے پیش نظر وزیرآباد کارڈیالوجی ہسپتال کا منصوبہ شروع کیا جس سے گوجرانوالہ ڈویژن کے اضلاع گوجرانوالہ،حافظ آباد،نارووال، سیالکوٹ، گجرات اور اس ڈویژن کے دیگر اضلاع کی عوام نے مستفید ہونا تھا چوہدری پرویز الہٰی دور میں اس کی بلڈنگ بھی مکمل ہوچکی تھی لیکن ان کی مخالفت میں تاحال وزیرآباد کارڈیالوجی ہسپتال آج تک غیر فعال ہے انہوںنے کہا کہ حکمران عوامی صحت کے ان منصوبوں پر اپنے نام کی تختی لگالیں لیکن خداراہ مریضوں کا استحصال نہ کیا جائے اور انہیں علاج کی مناسب سہولیات کی فراہمی کیلئے ان منصوبوں کو فی الفور مکمل کیا جائے۔انہوںنے کہا کہ حکمرانوں کی عدم دلچسپی کے باعث پنجاب نامکمل منصوبوں کا قبرستان بنتا جارہا ہے جن میں پنجاب اسمبلی کی نئی عمارت و دیگر منصوبے شامل ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) شیعہ علما کونسل پنجاب کے زیر اہتمام کل پنجاب ذاکرین وخطبا کانفرنس 14۔ اپریل جمعرات جامعتہ النجف ڈسکہ ضلع سیالکوٹ میں منعقد ہوگی۔ جس میں صوبے بھر سے ذاکرین اور خطبا شریک ہوں گے۔ قائد ملت جعفریہ علامہ سید ساجد علی نقوی،مرکزی سیکرٹری جنرل علامہ عارف حسین واحدی، صوبائی صدر علامہ سبطین حیدر سبزواری ،ذاکر ین اہل بیت خدابخش قیصر، سید مداح حسین شاہ، ضرغام عباس، مزمل حسین شاہ، حبیب رضا، ناصر حسین الحسینی تلہاڑا، جعفرطیار، مقبول حسین ڈھکو، رضوان قیامت ،تقی قیامت، نوید عاشق بی اے، ساجد حسین رکن، ضیغم عباس، اور دیگر کانفرنس سے خطاب کریں گے، جس میں تحفظ عزاداری سید الشہدا کے سلسلے میںدرپیش مسائل کو زیر بحث لاکر آئندہ کا لائحہ عمل تیار کیا جائے گا۔ شیعہ علماکونسل پنجاب کے جنرل سیکرٹری مولانا مشتاق حسین ہمدانی نے کہا ہے کہ ذاکرین و خطبا کانفرنس وقت کی ضرورت ہے، چونکہ گذشتہ محرم الحرام اور صفر المظفر میں بعض مقامات پر پولیس کی طرف سے رکاوٹیں کھڑی کی گئیں ۔ علما،ذاکرین اور خطبا کے دوسرے اضلاع میں مجالس عزا پڑھنے پر نارروا پابندیاں عائد کی گئیں۔ جس کی مذمت کرتے ہوئے ہم نے واضح کر دیا تھا کہ عزاداری شعائر اسلام میں سے ہے اور اس پر کسی قسم کی پابندی کو تشیع پر پابندی تصور کرتے ہیں۔ اس کے تحفظ کے لئے کسی بھی قسم کی قربانی سے گریز نہیں کیاجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی) دہشت گردی کے خاتمے کیلئے پاک آرمی بشمول انٹیلی جنس اداروں اور پولیس کا مردان اور صوابی کے گردونواح میں دہشتگردوں اور ان کے سہولت کاروں کے خلاف بڑاسرچ آپریشن مکمل ۔ نیشنل ایکشن پلان پر عمل در آمد کرتے ہوئے ہفتہ بھر مردان ، صوابی اور گردونواح کے علاقے میں کامیاب آپریشنز کیے گئے ہیں۔پاک فوج کے جوان بمعہ پولیس اہلکار ڈویژن بھرکے مختلف علاقوں میں سرچ آپریشنز کرتے رہے اور خاطرخواہ کامیابیاں حاصل کرتے رہے۔ مردان ڈویژن میں پاک آرمی کا یہ سرچ آپریشن انٹیلی جنس اداروں کی اطلاعات پر کیاگیا۔ ان سرچ آپریشنز میں ایر یا سرچ ،مختلف جگہوں پر ناکہ بندیوں اور ٹارگیٹڈ آپریشن جیسی کاروائیاں شامل رہی۔ جس میں مختلف جگہوں میں چیکنگ کے دوران تقریباًتین ہزارسے زائد گھروں کی تلاشی لی گئی ۔ مختلف علاقوں میں سرچ آپریشن کے دوران550 سے زائد مشتبہ اور دہشت گردوں کے سہولت کار حراست میں لئے گئے ۔بھاری مقدار میں حراست میں لئے گے اسلحے میںآٹھ سو سے زائد مختلف ہتھیار جس میں 30بورپسٹلز ،رائیفلز،ایس ایم جیزاور کلاشن کوف شامل ہیں۔اس دوران چار سو کلو سے زائد بارودی موادبھی پکڑا گیا ، اور منشیات بھی شامل ہے۔ ان میں اہم مبینہ دہشتگرد بھی پکڑے گئے ہیں جس میں آئی ای ڈی بنانے کے ماہر بھی شامل ہیں۔ انٹیلی جنس ذرائع کے مطابق یہ دہشت گردافغانستان سے تربیت یافتہ ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی) سوات بھر میںشدید زلزلے کے دوران ایک شخص جاں بحق 09افراد زخمی ہوگئے ہسپتال ذرائع کے مطابق زخمی افراد میں ایک حالت تشویشنا ک ہے جسے پشاور کے ایل ار ایچ منتقل کردیا گیا جبکہ 08افراد معمولی زخمی ہے جسے سیدو شریف ہسپتال میں طبی امداد دی جارہی ہے تفصیلات کے مطابق گزشتہ روز دوپہر 3بجکر 29منٹ پر زلزلے کے شدید جھٹکے محسوس کئے گئے زلزلے کی شدت 7اعشاریہ ایک ریکار ڈ کی گئی زلزلہ پیما مرکز کے مطابق زلزلے کا مرکز کوہ ہندوکش تھا جبکہ زیر زمین گہرائی 236کلومیٹر تھی زلزلے کے جھٹکے 10سے 12سیکنڈ تک محسوس کئے گئے لوگ کلمہ طیبہ کا ورد کرتے ہوئے گھروں سے باہر نکل ائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی) پاکستان مسلم لیگ نواز کالام کے رہنما ء اور منتخب ضلعی کونسلر ملک حسن زیب خان نے کہاہے کہ بحرین تاکالام روڈ پر جلد کام شروع ہوجائے گا ،اس سلسلے میں انجینئر امیر مقام کے خدمات کو قدر کی نگاہ سے دیکھتے ہیں اور انہیں خراج تحسین پیش کرتے ہیں جبکہ وزیر اعظم میاں محمد نواز شریف کا بھی شکریہ ادا کرتے ہیں کہ انہوںنے کالام کے غریب عوام کی حالت بدلنے کیلئے روڈ کی منظوری دیدی ان خیالات کا اظہار انہوںنے گزشتہ روز اخباری نمائندوں سے بات چیت کرتے ہوئے کیا انہوںنے کہا کہ دیگر حکومتوں میں ہمارے ساتھ صرف وعدے کئے لیکن حقیقت میں کچھ نہیں کیا پاکستان مسلم لیگ نواز ہی وہ واحد جماعت ہے جو عوام کی حالت زار کو بہتر بنانے کیلئے کام کررہی ہے ملک میں معاشی انقلاب برپا ہورہا ہے بجلی کی فراہمی بہتر ہورہی ہے ملک میں غریب کو انکا حق ملنا شروع ہوگیا ہے امن و امان کی صورت حال بہتری کی جانب گامزن ہے دنیا بھر کے سرمایہ کار پاکستان میں سرمایہ کاری کرنے شروع ہوگئے ہیں ملک میں ہرطرف سڑکوں کا جال بچھایا جارہاہے پاک چائنہ اکنامک کوریڈور سمیت دیگر اہم منصوبوں پر تیزی سے کام جاری ہے جو حقیقت میں ملک کی تقدیر بدلی گی انہوںنے کہاکہ کالام کے عوام نے پاکستان مسلم لیگ نواز کے امیدواروں کو بھاری اکثریت سے کامیاب بنا کر روشن پاکستان کی طرف پہلا قدم اٹھا یا اور انشاء اللہ پاکستان مسلم لیگ نواز کے قائدین اس خواب کو شرمندہ تعبیر کرنے کیلئے کسی قربانی سے دریغ نہیں کریںگے۔