حافظ چاند جنید کے والد کی وفات پر اظہار تعزیت کے لئے دوستوں کی آمد کا سلسلہ عیدالفطر کے دن بھی رہا

Condolences with Hafiz Chand

Condolences with Hafiz Chand

پیرس (میاں عرفان صدیق) فرانس میں پاکستان کی تمام سیاسی پارٹیوں، پاکستان ق لیگ فرانس، پاکستان پیپلز پارٹی فرانس، مسلم لیگ ن فرانس (ویلیر لو بیل) کی اعلی قیادت اور سیاسی وسماجی،اور کاروباری معروف شخصیات،صحافی برادران عیدالفطر کے دن سچ ٹی وی پیرس کے بیورو چیف حافظ چاند جنید، میاں عرفان صدیق کے والد حاجی محمد صدیق مرحوم کی وفات پراظہار تعزیت کے لئے پیرس ان کے گھر پہنچ گئے۔

انھوں نے حافظ چاند جنید، میاں عرفان صدیق کے والد حاجی محمد صدیق مرحوم کے انتقال پر اظہار افسوس کرتے ہوئے کہا کہ اللہ رب العزت ان کو جنت الفردوس میں اعلی مقام عطاء فرمائے لواحقین کو صبر جمیل عطاء کرے (آمین )۔

شرکت کرنے والوں میں پاکستان مسلم لیگ ق فرانس کے صدر چوہدری منیر احمد وڑائچ بھاگووالیہ، پاکستان مسلم لیگ ق فرانس یوتھ ونگ کے صدر چوہدری ندیم ڈھیروگھنہ، مسلم لیگ ق فرانس کے سینئر راہنماء چوہدری جاوید سدوال، مسلم لیگ ن فرانس (ویلیر لو بیل) کے چیئرمین ملک ناصر محمود سرگودھا، مسلم لیگ ن فرانس (ویلیر لو بیل) کے صدر چوہدری مختار بشارت، مسلم لیگ ن فرانس (ویلیر لو بیل) کے جنرل سیکرٹری مرزا خالد بشیر، پاکستان پیپلز پارٹی فرانس کے چیف آرگناٰئزر قاری فاروق احمد فاروقی، محمد افضل، نوجوان صحافی چوہدری قیصر گجر و دیگر افراد شامل تھے۔