کروڑ لعل عیسن ( نامہ نگار) مشاق لاہوری بکھلاہٹ کا شکار ہو ئے ہیں۔ ان کے ساتھ وارڈ نمبر 13 کی کوئی برادری نہیں ہے۔ درانی اور راجپوت برادری کی جانب سے خود کونسلر کا امیداور ہوں۔ برادریوں کے حوالے سے میاں مشتاق لاہوری کی جانب سے شائع شدہ خبر کا حقیقت سے کوئی تعلق نہیں۔ ان خیالات کا اظہار امیدوار کونسلر روڈ نمبر 13 منصور خان درانی ، اکرام خان درانی ، مدثر خان درانی ، وقار خان درانی ، مظہر مسعود خان درانی ، محمد اسلم خان راجپوت ، محمد اشرف خان راجپوت ، محمد عبدالغفار راجپوت ، وکیل انجم خان، محمد صابر نے مشترکہ بیان میں کیا۔ انہوں نے کہا کہ میاں مشتاق لاہوری بچگانہ حرکتیں چھوڑ کر سنجیدہ ہو کر مقابلہ کریں۔ اور جھوٹی خبریں لگوانے سے گریز کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) کامیاب ہو کر وارڈ کی تقدیر بدل دونگا۔ وارڈ نمبر 12 کی بھنڈ برادری نے نائب صدر انجمن تاجران و امیدوار کونسلر وارڈ نمبر 12 انتظار حسین قریشی کی مکمل حمایت کا اعلان کر دیا۔ تفصیل کے مطابق گزشتہ روز وارڈ نمبر 12 کی بھنڈ برادری کا اجلاس منعقد ہوا۔ جس میں مٹھو ، شیدی لال ، علی خان ، منظور خان ، ریاض خان ، عاشق خان ، اکبر خان ، مشتاق خان ، تصور خان ، سیف اللہ خان ، غلام عباس خان ، عون عباس خان ، اقبال خان ، عطاء محمد خان ، فدا حسین خان ، منور خان ، محمود خان ، شریف خان اور اللہ ڈیوایا سمیت درجنوں افراد نے انتظار حسین قریشی کی مکمل حمایت کا اعلان کر دیا۔ اس موقع پر انتظار حسین قریشی نے کہا کہ گزشتہ کئی سال سے شہر کے لوگوں کی خدمت کر اہاہوں۔ کامیاب ہو کر علاقہ کی تقدیر بدل دونگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) کروڑ اور اس کے مضافات میںواپڈا حکام کی جانب سے گھنٹوں غیر اعلانیہ لوڈ شیڈنگ کا سلسلہ جاری۔ شدید اذیت کا شکار۔ عملہ گھر بیٹے ریڈنگ ڈالنے لگا۔ بل دگنا۔ کوئی پوچھنے والا نہیں۔ 18 گھنٹے کی لوڈ شیڈنگ ہر گزبرداشت نہیں۔ واپڈا حکام عوام کے صبر کا امتحان نہ لیں۔ ان خیالات کا اظہار صدر انجمن تاجران کروڑ طارق محمود پہاڑ نے اپنے ایک بیان میں کیا۔ انہوں نے کہا کہ کروڑ اور گردونواح میں لگاتار کئی کئی گھنٹے بجلی بند رہنے لگی ہے۔ جس کا دورانیہ 18 گھنٹے تک چلا گیا ہے۔ دوسری جانب عملہ گھر بیٹھے ریڈنگ میں سینکڑوں یونٹ زائد ڈال کر بل بھجوا رہا ہے۔ اور پھر دفتر میں بل درست کرنے کی بجائے صارفین کو پریشان کیا جاتا ہے اور اقساط بنا کر دے دی جاتی ہیں۔ جو کہ بہت بڑی زیادتی ہے۔ محکمہ شہریوں کے امتحان نہ لے۔ وگرنہ احتجاج پر مجبور ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) گزشتہ روز موسم سرما کی پہلی بارش۔ موسم خوشگوار۔ ہوا اور شدید بارش کے بعد ژالہ باری۔ مسلسل 3 گھنٹے بارش کے بعد بہت سے مکانوں کی دیواریں گر گئیں اور درخت جڑوں سے اکھڑکراڑ گئے۔ بارش کے باعث شہر کی اکثر گلیوں ، سبزی منڈی میں پانی کے جوھڑ لگ گئے۔ جس کے باعث چلنا پھرنا دشوار ہو گیا۔
کراچی کی خبریں 14/10/2015
راہ چلتے شہریوں سے موبائل فون، نقدی چھیننے کی وارداتیں معمول بن گئی ہیں، محمد یوسف