قصور (بیورورپورٹ) یونین آف جرنلسٹس کا افطار ڈنر آج ہوگا ، صحافی شریک ہونگے، تفصیلات کیمطابق یونین آف جرنلسٹس،پریس کلب کے تحت معزز صحافی حضرات کے اعزاز میں افطار ڈنر آج الفضل بار بی کیو فوڈ سٹریٹ قصور میں ہوگا ،جنرل سیکرٹری محمداحمدچوہدری کے مطابق آج بروز جمعرات کو ہونیوالے افطار ڈنر میں یونین آف جرنلسٹس کے عہدیداران اور بعض مخصوص صحافی شریک ہونگے ، جبکہ ضلعی انتظامیہ کے مخصوص افسران کو بھی دعوت دی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور ( بیورورپورٹ) بیرون ملک بھیجنے اور نوکری دلوانے کا جھانسہ دینے والے قصور کے نوسر باز علی شیر کیخلاف FIAنے انکوائری شروع کردی ۔بتایا گیا ہے کہ بائی پاس کے قریب قائم ڈاکٹراں والا باغ کے مالک چوہدری مقبول احمد کمبوہ کا نوسر باز ملازم اپنے مالک کے امریکہ میں مقیم ہونے کا فائدہ اٹھاتے ہوئے شریف شہریوں سے عرصہ دراز سے بیرون ملک (امریکہ ) بھیجنے کا جھانسہ دیکر لاکھوں روپے ہڑپ کرچکا ہے کوٹ پیراں کے رہائشی بابر علی ولد علی گوہر کیساتھ بھی نوسر باز علی شیر نے ورغلا پھنسلاکر ایسا ہی کیا اور 2لاکھ روپے ایڈوانس لیکر ہڑپ کرنے کے درپے ہے ۔کچھ روز پہلے معلوم ہوا ہے کہ نوسر باز کا بیرون ملک مقیم مالک مذکور بھی فوت ہوچکا ہے ۔جبکہ بابرعلی نے FIAمیں ملزم کیخلاف حسب ضابطہ کاروائی کرنے کیلئے درخواست گزاری ہے جسپر FIAنے کاروائی شروع کردی ہے ۔ درخواست میں مزید موقف اختیار کرتے ہوئے درخواست دہندہ کا کہنا ہے ملزم انتہائی چالاک ،جھوٹا ،مکار اور بین الاقوامی نوسر باز ہے جس نے دیگر شریف شہریوں سے بھی اپنے شریف النفس مرحوم مالک کے نام پربیرون ممالک بھجوانے کا جھانسہ دیکر لاکھوں روپے ہڑپ کرکے مرحوم کی روح کو تکلیف دی ہے علاوہ ازیں جس باغ میں ملزم ملازمت کرتا ہے وہاں سے بھی درخت ،لکڑی ،پانی اور فصل ،کھادپھل وغیرہ میں خورد برد کرتا چلا آرہا ہے ۔ اور ناجائز کمائی سے اپنی قیمتی جائیدادیں بنا لی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ؓقصور ( بیورورپورٹ) کمسن بچوں کی لڑائی ایک شخص کی جان لے گئی،نواحی گاؤں سرویا میں 4مسلح افراد نے افطاری سے قبل گھر میں گھس کر 8بچوں کے باپ کو انتہائی بے دردی سے پیٹنے کے بعد گردن میں گولیاں مار کر قتل کر دیا۔بتایا گیا ہے کہ گذشتہ روز نواحی گاؤں سرویا کے رہائشی بشیر احمد اور سلیم وغیرہ کے بچوں کے درمیان گلی میں کھیل کود کے دوران معمولی بات پر جھگڑا شروع ہوا جو بڑھتے بڑھتے ان بچوں کے بڑوں تک پہنچ گیا جس پر سلیم،منیر اور ایوب اپنے نامعلوم ساتھی کے ہمراہ افطاری سے قبل بشیر کے گھر میں گھس آئے اور چارپائی پر بیٹھے بشیر احمد کو پکڑ کر شدید زدوکوب کرنے لگے بعد ازاں اسے فرش پر الٹا لٹا کر گھر والوں کی آنکھوں کے سامنے گردن میں گو لیاں مار کر موت کے گھاٹ اُتار دیااورفرار ہو گئے۔مرحوم روڈہ بوہگن کے نمبردار محمداسحاق کے سمدھی تھے ، مصطفی آباد پولیس نے مقدمہ درج کر کے ملزمان کی تلاش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ) بلیک یا اقربا پروری، صارفین کو ایک کلو جبکہ من پسند افراد کو ایک توڑہ چینی کی فراہمی، اعلی حکام سے فوری نوٹس لینے کا مطالبہ، تفصیلات کے مطابق رمضان بازار مصطفی آباد میں عوام کو سستے داموں چینی ہر صارف کو صرف ایک کلو دی جاتی ہے جبکہ من پسند افراد کو ایک توڑہ تک دے دیا جاتا ہے، اہلیان مصطفی آباد نے وزیر اعلی پنجاب ، ڈی سی او قصور ودیگر اعلی حکام سے فوری نوٹس لینے کا مطالبہ کیا ہے۔
بلیک یا اقربا پروری، صارفین کو ایک کلو جبکہ من پسند افراد کو ایک توڑہ چینی کی فراہمی
جھنگ کی خبریں 29/6/2016