سکھر (جیوڈیسک) جمعیت علمائے اسلام (ف) کے سربراہ مولانا فضل الرحمٰن نے کہا ہے کہ لاہور کے حلقہ این اے 122 کے ضمنی الیکشن میں تحریک انصاف کے امیدوار علیم خان کی شکست سے عمران خان کی سیاسی و اخلاقی موت واقع ہوچکی ہے۔
ان خیالات کا اظہار انھوں نے گزشتہ روز جے یو آئی سندھ کے جنرل سیکریٹری علامہ راشد محمود سومرو سے ٹیلی فون پر گفتگو کرتے ہوئے کیا۔ انھوں نے کہا کہ عمران خان نے ضمنی الیکشن میں اپنے تمام پتے کھیلے اب انکی حیثیت ہارے ہوئے جواری جیسی ہے۔
عمران خان نے ایک سال تک دھاندلی کا واویلا کرکے دھرنوں کے ذریعے قوم کا وقت اور پیسہ برباد کیا، این اے 122کے نتائج آنے کے بعد عمران خان کا احتساب ہونا چاہیے۔
شہبازشریف نے مسلم لیگ(ن) کا بیڑہ غرق کردیا، عابد شیر علی کے والد پھٹ پڑے
بھارت میں بلوچستان کی مہم چلانے والا شخص افغانی ہے، دفتر خارجہ