بھارت میں شدید بارشیں، دو دنوں میں کم از کم 26 افراد ہلاک

Posted on July 30, 2015 By Mohammad Waseem بین الاقوامی خبریں

نئی دہلی (جیوڈیسک) بھارتی حکام کے مطابق ریاست گجرات میں تیز ہوا اور شدید بارش کے سبب بجلی اور مواصلاتی نظام درہم برہم ہو گیا ہے۔

دیہات کے رہنے والوں کے اس طوفان بادو باراں میں پھنس جانے کے خدشات بہت زیادہ بڑھ گئے ہیں۔ حالیہ سیلاب میں گجرات کے دو ہزار سے زائد گائوں متاثر ہوئے ہیں۔

گجرات کے ریاستی ایمرجنسی کنٹرول روم کے مطابق زیادہ تر دیہات سے ہمارا رابطہ منقطع ہو چکا ہے اور ان علاقوں سے ہم تک کوئی خبر نہیں پہنچ رہی ہے۔