پٹنہ (جیوڈیسک) بھارتی ریاست بہار کے مقبول وزیراعلیٰ نتیش کمار بھی جوتے کی زد میں آ گئے۔ حکومت کی طرف سے ریاست بھر میں آگ لگنے سے انسانی جانوں کے ضیاع کو روکنے کیلئے دن کے اوقات میں کھانا پکانے اور شادی یا مذہب کی تقریبات منعقد کرنے پر پابندی سے تنگ ایک نوجوان نے نتیش کمار پر ’’جنتا دربار‘‘ کے نام سے کھلی کچہری کے دوران جوتا دے مارا۔
تاہم سکیورٹی اہلکاروں نے اس 16 سالہ نوجوان کو جس کا تعلق اروال ضلع سے ہے قابو کر لیا۔ بعدازاں نتیش کمار کی ہدایت پر پولیس نے امنگ کمار کو چھوڑ دیا۔
نتیش کمار نے لڑکے کے پاس بیٹھ کر شفقت سے اس کے کندھے پر ہاتھ رکھا اور پوچھا کہ اسے کیا مسئلہ ہے اوراس نے جوتا کیوں پھینکا تو گھبرایا ہوا نوجوان جواب نہ دے سکا اور رونے لگا۔
ایران کی پارلیمانی تاریخ میں پہلی مرتبہ 17 خواتین منتخب ہوئی ہیں
برطانیہ : لواحقین سے پوچھے بغیر مریضوں کی جان نہ بچانے کے احکامات جاری