زخم دیتی ہے بے سبب دنیا

Posted on June 8, 2016 By Zulfiqar Ali آپکی شاعری, شاعری

زخم دیتی ہے بے سبب دنیا
کیوں رلاتی ہے روز و شب دنیا
آج دشمن ہوئی تو کیا غم ہے
مہرباں تھی یہ ہم پہ کب دنیا
فِکرِ سود و زیاں میں الجھی ہوئی
ہم کو لگتی ہے یہ عجب دنیا
جانے کیا خواب دیکھنے کے لئے
سو گئی دِن ڈھلے ہی سب دنیا
زندگی کے فریب زاروں میں
ہم نے دیکھی ہے جاں بہ لب دنیا
اِن اجالوں کے خوف سے ساحل
اوڑھ لے گی ردائے شب دنیا

تحریر: ساحل منیر