لاہور : پاکستان کے سب سے بڑے پراپرٹی پورٹل زمین ڈاٹ کام کے سی ای او ذیشان علی خان نے کہا کہ عالمی اداروں کی رپورٹس میں پاکستانی معیشت کے بہتر ہوتے ہوئے اعشاریے خوش آئند ہیں۔ اس سے نہ صرف بین الاقوامی سرمایہ کاروں کے اعتماد میں اضافہ ہوگا بلکہ مقامی سرمایہ کاری میں اضافہ ہونے کے امکانات ہیںجس سے مجموعی طور پر ملک کی معیشت پر مثبت اثرات مرتب ہونگے۔ انہوں نے کہا کہ عالمی ادارے ‘فچ’ نے پاکستان کی درجہ بندی کو بہتر کرتے ہوئے اس کو ‘بی’ کر دیا ہے۔ اسی طرح سے وال اسٹریٹ جرنل کی ایک رپورٹ نے بھی پاکستان کی معیشت کے استحکام کی نوید سنائی ہے۔
دنیا بھر کی معیشتوں پر گہری نظر رکھنے والے ادارے ‘بلوم برگ’ نے پاکستان کی اقتصادی صورتحال میں خوشگوار حیرت کو رپورٹ کیا ہے ۔دنیا بھر کے مالیاتی ادارے پاکستان کی اسٹاک مارکیٹ کو دنیا کی بہترین مارکیٹ قرار دے رہے ہیں ۔اُن کا کہنا تھا کہ اگرچہ گزشتہ سال کے آخری ششماہی میں پاکستان کی پراپرٹی مارکیٹ تسلی بخش کارکردگی کا مظاہرہ نہیں کر سکی تھی ‘ تاہم دسمبر2016ء کے بعد سے حالات بدتدریج بہتری کی جانب گامزن ہیںاور لوگ دوبارہ سے پراپرٹی میں دلچسپی کا اظہار کر رہے ہیں۔اُنہوں نے مزید کہا کہ موجودہ اعدادو شمار کے جدول اس بات کی قوی امید دیتے ہیں کہ2017ء پاکستان کی پراپرٹی مارکیٹ کیلئے حوصلہ افزاء سال ثابت ہوگا۔
لعل شہباز شاہ قلندر کے مزار پر ہونے والا خودکش دھماکہ قومی سانحہ ہے، مفتی منیب الرحمن
پاکستان یوگا اسپورٹس فیڈریشن کا سندھ گیمز کے انعقاد کا خیر مقدم