شیخ حرم

Posted on March 24, 2016 By Zulfiqar Ali کالم

تحریر : تضمین در شعر اقبال از علامہ سید عرفان حیدر عابدی
عمامہ پوش ،عبا بردوش ،ابوسفیان کا چیلا حریص ِزر،خبیث ِدہر یعنی بندئہ دنیا
کبھی ناصح ،کبھی مصلح ،بشکل ِزندہ ومردہ کبھی واعظ ،کبھی قائد ،کبھی مفتی ، کبھی ملا

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
اسی کی بالہوس طینت نے کعبے کو جلایا تھا اسی نے جنگ میں قرآن نیزوں پر اٹھایاتھا
اسی گستاخ نے عرش ِالٰہی کو ہلایا تھا اسی نے پہلوئے زہرا پہ دروازہ گرایا تھا

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
نبی کی آل سے نسلی عداوت اس کو پیاری ہے محمد ۖکے در ِدولت سے دولت اس کو پیاری ہے
رسو ل ِ حق کی میت سے حکومت اس کو پیاری ہے نظریہ کیا ،نظریے کی ضرورت اس کو پیاری ہے

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
اُحد میں مصطفٰی ۖاس کو بلائیں یہ نہیں آتا اگر دنداں نبی ۖکے ٹوٹ جائیں یہ نہیں آتا
خود اپنے خوں میں پیغمبر نہائیں یہ نہیں آتا علی ہی رد کریں ساری بلائیں یہ نہیں آتا

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
خدا دشمن ، علی دشمن ،نبی دشمن ، حسن دشمن بتول ِپاک کا دشمن ،سقیفہ کا سجن ،دشمن
بَقِیْعَة کے حوالے سے لحد دشمن ،کفن دشمن مگر کرب وبلا میں بن کے آیا پنج تن دشمن

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
اسی کمبخت کواِک بیر ہے زہرا وحیدر سے خدا کے دین سے ،کعبہ سے، اللہ سے ،پیغمبر سے
تعلق ہے یزیدی بے ادب گستاخ لشکر سے نسب نامہ ابھرتا ہے ابو سفیان کے گھر سے

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
حسد اِ س کو یہ ہے نسل ِمحمد معتبر کیوں ہے نزول ِدیں کی منزل فاطمہ زہرا کا گھر کیوں ہے
درِزہرا کا ہر جن وملک دریوزہ گر کیوں ہے علی مولا کا باغی آج تک یوں دربدر کیوں ہے

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
اسی کے مکر نے شیطان کو مہمیز کر ڈالا اسی نے امن کا ماحو ل شر انگیز کر ڈالا
اسی نے پیار کی بستی کو نفرت خیز کرڈالا اسی نے آدمی کو ہمسرِ چنگیز کر ڈالا

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
یہی سفیان کی صورت مسلماں بن کے آتا ہے بنام ِفرقہ وملت مسلماں کو لڑاتا ہے
کسی کا خو ن پیتا ہے ،کسی کا گوشت کھاتا ہے علی والوں پہ ظالم کفر کے فتوے لگاتا ہے

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
ہمیں اسلام دیتا ہے شریعت میں اِسے شک ہے عبادت اِس کی باطل ہے ،مودت میں اسے شک ہے
نبوت میں اسے شک تھا ،ولایت میں اسے شک ہے نبی کی ایک بیٹی کی وراثت میں ِاسے شک ہے

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
اسے کد ہے یہاں قرآن کی تنویر کیوں آئی علی کے واسطے اللہ کی شمشیر کیوں آئی
جناں پوشاک بہر ِشبر وشبیر کیوں آئی ردائے فاطمہ میں آیہ ٔ تَطْہِیْرکیوں آئی
یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
ابو طالب کے گھر میں دین کی تعبیر کیوں آئی حسن صورت لیے کوثر کی یہ تفسیر کیوں آئی
حسین ابن ِعلی کے آخری سجدے کی صورت میں ثبات ِکلمہ ء توحیدکی تقدیر کیوں آئی

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
علی ابن ِحسین ابن ِعلی کی ضرب ِ خاموشی یزیدیت کی نسلوں کے کلیجے چیر کیوں آئی
اِسے یہ بیر ہے سجاد کے باقر کی صورت میں خلیل اللہ کے اُس خواب کی تعبیر کیوں آئی

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
اِسے یہ دشمنی ہے جعفر ِصادق کی مسند پر محمد مصطفٰی ۖکے علم کی جاگیر کیوں آئی
یہ مرتا ہے کہ آخر موسیٰ ِکاظم کی چوکھٹ پر دعا بن کے غریبوں کے لیے تاثیر کیوں آئی

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
اِسے ضد ہے رضا مولا کے اِک ادنیٰ اشارے پر مجسم ہوکے آخر شیر کی تصویر کیوں آئی
تقی مولا کا تقویٰ اس کے چہرے کے لیے لقویٰ نبی کی آل میں یہ عزت و توقیر کیوں آئی

یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا
اسے کد ہے نقاوت طرۂ مولا نقی کیسے حسن مولا کے ہاتھوں عسکری شمشیر کیوں آئی
امام ِعصر کا باغی ہے کلمہ گو بظاہر ہے کریں اہل ِ بصیرت فیصلہ اب کون کافر ہے
یہی شیخ ِحرم ہے جو چرا کر بیچ کھاتا ہے گلیم ِبوذرودلق ِاویس وچادر ِزہرا

تحریر : تضمین در شعر اقبال از علامہ سید عرفان حیدر عابدی