داعش کا سر کاٹ دیں گے، ٹرمپ کی انتخابی مہم کا پہلا اشتہار جاری

Donald Trump

Donald Trump

واشنگٹن (جیوڈیسک) امریکا میں ریپبلکن پارٹی کے صدارتی امیدوار بننے کی دوڑ میں شامل ڈونلڈ ٹرمپ نے اپنی انتخابی مہم کے سلسلے میں پہلا ٹی وی اشتہار جاری کر دیا۔

اس انتخابی اشتہارمیں انہوں نے مسلمانوں اور میکسیکو سے نقل مکانی کرکے آنے والے افراد کے بارے میں اپنے متنازع بیان کو دہرایا ہے۔اس وڈیو میں ڈونلڈ ٹرمپ کہتے ہیں کہ وہ شدت پسند تنظیم داعش کا سرکاٹ دیں گے اوران کا تیل ضبط کرلیں گے۔

واضح رہے کہ ڈونلڈ ٹرمپ نے اس سے قبل اپنی انتخابی مہم کے سلسلے میں ہر ہفتے 2 کروڑ روپے خرچ کرنے کا اعلان کیا تھا۔