جھنگ کی خبریں 25/8/2016

Dco Meting Kango waris

Dco Meting Kango waris

جھنگ (ڈسٹرکٹ رپورٹر) ڈسٹرکٹ کوآرڈی نیشن آفیسر غازی امان اللہ نے کانگو وائرس کی روک تھام کے لئے موثر اقدامات کرنے کی ہدایت کی ہے اور کہاکہ سنجیدگی سے بھرپور انسدادی وحفاظتی انتظامات کئے جائیں۔انہوں نے یہ ہدایت ایک اجلاس کی صدارت کرتے ہوئے کہی۔ڈی سی او نے کہا کہ کانگو وائرس سے بچائو کے لئے وسیع آگاہی مہم چلائی جائے اور شہریوں کو احتیاطی تدابیر پرسختی سے عمل پیرا ہونے کا پیغام دیں۔انہوں نے کہا کہ عیدالاضحیٰ کے سلسلے میں مویشی منڈیوں میں آنے والے جانوروں کی سکریننگ میں کوتاہی نہ کی جائے اور داخلی راستوں پر ہی جانوروں کو چیک کرکے سپرے اور ادویات کااستعمال کریں۔انہوں نے کہا کہ بھرپور مہم کے ذریعے گھروں میں لائے جانے والے قربانی کے جانوروں کو کلئیر کریں اور بچوں کو جانوروں سے دور رکھنے کے سلسلے میں آگاہی دی جائے۔انہوں نے کہا کہ جانوروں کو چیچڑوں سے محفوظ کرنے کے لئے محکمہ لائیوسٹاک کی کارکردگی نظر آنی چاہیے۔ڈٰ سی او نے عیدالاضحیٰ کے سلسلے میں صفائی پلان کاجائزہ لیتے ہوئے ہدایت کی کہ قربانی کے جانوروں کی آلائشوں کومناسب انداز میں ٹھکانے لگانے کے لئے خصوصی پلان تیارکریں اور صفائی کا اعلیٰ معیاربرقراررہنا چاہیے۔اس موقع پر ڈی او لائیوسٹاک نے جانوروں کو چیچڑوں سے بچائو کے سلسلے میں سپرے اور ویکسین کی تفصیلات سے آگاہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ: ڈسٹرکٹ کوآرڈی نیشن آفیسر غازی امان اللہ نے محکمہ ہیلتھ کے افسران اور موبائل ہیلتھ یونٹ کے عملہ کو تاکید کی ہے کہ وہ عملی طور پر عوام کو اس انقلابی سہولت سے فائدہ پہنچائیں اور اس دوران کسی قسم کی کوتاہی اور لاپرواہی ہرگز برداشت نہیں کی جائیگی۔ یہ بات انہوںنے ڈی او سی کے دفتر میں محکمہ صحت کی طرف سے لگائے گئے میڈیکل کیمپ کی کارکردگی کا جائزہ لیتے ہوئے کہی ۔ اس موقع پر ڈی او سی ہارون رشید، ای ڈی او سی ڈی محمد خالد راجو ، سیکرٹری آر ٹی اے محمد طاہراور ڈی ایچ او ڈاکٹر غلام قادر اور دیگر اس موقع پر موجود تھے۔ڈی سی او غازی امان اللہ نے کہا کہ موبائل ہیلتھ یونٹ مختلف سرکاری دفاتر میں ملازمین کو میڈیکل چیک اپ اور فری ادویات کی فراہمی کی سہولت فراہم کرنے کے علاوہ عملہ کی صحت کے حوالہ سے کرتا رہے گا اس ضمن میں تمام وسائل برئوے کار لائے جا رہے ہیں۔انہوںنے کہا کہ محکمہ صحت کے افسران موبائل ہیلتھ سروس کے اغراض ومقاصد کو پوراکرنے میں کوئی کسر اٹھا نہ رکھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ: ڈی سی او /ایڈ منسٹریٹر ضلعی حکومت غازی امان اللہ نے ضابطہ فوجداری کی دفعہ144کے تحت ایک حکم نافذ کیا ہے جس کی رو سے گورنمنٹ کالج یونیورسٹی فیصل آبادکے زیر اہتمام ہونے والے پہلے سالانہ امتحانات 2016ء ایم اے /ایم ایس سی اور ایم ایڈ/بی ایڈ سپلیمنٹری امتحانات2015ء کے سلسلہ میں ضلع کی حدود میں بنائے گئے امتحانی مراکز کی سو گز کی حدود کے اندر غیر متعلقہ افراد کے داخلہ پر پابندی عائد کر دی گئی ہے۔ حکم میں مزید کہا گیا ہے کہ رولنمبر کے حامل امید واران دوران پرچہ کتاب،گائیڈ،ڈیجیٹل ڈائری،موبائل فون و دیگر ایسا کوئی مواد جو پرچہ حل کرنے میں مدد گار ثابت ہوہرگز ہمراہ نہ لائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ میں ریسکیو 1122 کے جوانوں ماہانہ فٹنس ٹیسٹ
جھنگ (تحصیل رپورٹر) ریسکیو1122کے جوانوں کی فٹنس کی جانچ پڑتال کے لئے ماہانہ ٹیسٹ سپورٹس کمپلس میں لیا گیاجس کی نگرانی ڈسٹرکٹ ایمرجنسی افیسر ڈاکٹر طارق سعید نے کی،ا ہلکاروںکی جسمانی صحت کیلئے دوڑ کا مقابلہ منعقد کروایا گیا جبکہ امتحانی مشقوں کے حوالہ سے تحریری ٹیسٹ بھی لیا گیا۔اس موقع پر خطاب کرتے ہوئے ڈسٹرکٹ ایمرجنسی افیسر نے کہا۔ٹیسٹ سے نہ صرف جسمانی صحت کو برقرار رکھا جا سکتا ہے بلکہ اس سے جوانوں کے دل دماغ پر بی مثبت اثرات مرتب ہوتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ( تحصیل رپورٹر )26اگست کوجامع مسجدگلزارمدینہ سکنہ چشتی زرعی ماڈل فارم ملتان روڈموضع ملہوآنہ موڑمیںجمعةالمبارک کاخطبہ ممتازعالم دین مو لانا محمد ا کبرعلی آف کوٹ شاکراپناخصوصی خطاب ارشادفرمائیںگے اورانکے علاوہ عالمی شہرت یافتہ حمدونعت محمدطاہربلال چشتی بھی ا پناکلام پیش کریں گے۔یہ بات پا کستا ن علما ء کو نسل کے ضلعی ڈپٹی سیکرٹری اطلاعات محمدسیف اللہ خالدچشتی نے اپنے ایک بیان میںکہی۔

Dco Medical Comp Visit

Dco Medical Comp Visit