جھنگ (ڈسٹرکٹ رپورٹر) حکومت پنجاب کی ہدایات کی روشنی میں ڈسٹرکٹ جیل جھنگ میں انسداد ڈینگی مہم کے حوالہ سے ایک تقریب کا انعقاد کیا گیا جس میں سپرنٹنڈنٹ جیل شیخ محمد افضل جاوید، اسسٹنٹ انٹا مولو جسٹ خرم یوسف،مائکروسکولسٹ مدثر ریاض رانا،انسکٹ کلکٹر محمد حنیف اور دیگر افسران بھی موجود تھے۔اس موقع پر جیل اسیران میں ڈینگی وائرس پھیلنے کے اسباب اور اس سے بچائو کے حوالہ سے تفصیلی معلومات فراہم کی گئی ۔ا نہوںنے قیدیوں پر زور دیا کہ وہ اپنی بیرکوں میں صفائی ستھرائی کا خاص خیال رکھیں اور کھانے پینے کے برتنوں کو ڈھانپ کر رکھیں۔بعدا زاں جیل کی تمام بیرکوں میں سپرے بھی کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) حکومت پنجاب کی خصوصی ہدایات کی روشنی میںضلعی حکومت نے جشن آزادی پاکستان کو قومی جو ش و جذبہ سے منانے کے حوالہ سے مختلف پروگرام کے انعقاد اور اقدامات کا آغاز کر دیا ہے۔ اس ضمن میں مختلف تقریبات کے علاوہ 14اگست سے 26اگست تک شفقت شہید گرائونڈ میں ٹورنا منٹ کا انعقاد جبکہ ڈسٹرکٹ سپورٹس کمپلیکس میں مختلف دیگر کھیلوں کا انعقاد بھی کروایا جائیگا۔ضلعی سپورٹس آفیسر کے مطابق مذکورہ سپورٹس پروگرام کے انتظامات تیز رفتاری سے مکمل کئے جا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) صوفی رمضان انقلابی مرکزی صدر آل اساتذہ الائنس و پنجاب ٹیچرزیونین نے ایک پریس بریفنگ میں بتایا کہ یکم اگست ایجوکیشن سے پھر میٹنگ ہوگی۔ سرکاری سکولوں کی فیصل آباد بورڈ میں 77.5%جبکہ پرائیویٹ سکولز کے رزلٹ54%نے ثابت کردیا ہے کہ سرکاری سکولز کا معیار پرائیویٹ اداروں سے بہت اچھا ہے۔ تبادلوں سے پابندی اٹھایا جانا 25جولائی کی سول سیکرٹریٹ میٹنگ کا نتیجہ ہے جس میں ہم نے کہا تھا کہ اس پر تو کوئی بجٹ نہیں لگنا، تبادلوں سے پابندی فوراً اٹھائی جائے جس پر عملدرآمدشروع ہوگیا ہے ۔ جب تک اساتذہ کو اپ گریڈیشن نہیں ملتی اور PEFاور دانش اتھارٹی کو دئیے جانے والے سکولز واپس نہیں ہوتے ہم چین سے نہیں بیٹھیں گے۔ الحمرا گروپ بغض انقلابی میں بنا ہے، میر ی ان سے اپیل ہے کہ اب آپ آگے چلیں ، ہم اساتذہ کے حقوق کیلئے پیچھے چلنے کو بھی تیار ہیں لیکن کسی کو بھاگنے نہیں دیں گے۔ مسلسل جدوجہد نے حکومت کو مجبور کردیا ہے کہ وہ ہم سے بار بار مزاکرات کررہے ہیں لیکن ہم نہ بکیں گے نہ جھکیں گے۔ مطالبات کی منظوری تک جدوجہد جاری رہے گی۔ انہوں نے مزید بتایا کہ وزیراعلیٰ سے مشاورت کیلئے سیکرٹری ایجوکیشن نے وقت لیا تھا ،یکم اگست کو پھر آل اساتذہ الائنس پنجاب کی مرکزی باڈی سے مزاکرات ہوں گے جو بھی نتائج آئیں گے ہم اساتذہ برادری کے سامنے رکھیں گے، کبھی چھپ کے مزاکرات کے نام پر اساتذہ حقوق کا سودا نہیں کریں گے۔ ان کے ساتھ میڈم فرخندہ عثمان ،تصور خان نول، بشیراحمدساحل، ملک محمدفیاض ، انور سیال سمیت دیگراساتذہ رہنما موجود تھے۔
اوریا مقبول جان محمد کالم نگار محمد شاہد محمود کو شیلڈ و سند پیش کر رہے ہیں
لاہورکی خبریں 28/7/2016