جھنگ کی خبریں 24/10/2016

Jhang

Jhang

جھنگ (ڈسٹرکٹ رپورٹر) انسٹی ٹیوٹ آف کارڈیالوجی فیصل آبادکے ڈاکٹراطہررئوف رانانے کہاہے کہ شوگر بلڈ پریشر کو کنٹرول کرکے اور تمبا کونوشی ترک کرکے دل کے 80 فیصدامراض سے بچاسکتاہے۔سگریٹ کے دھوئیں کے اندر 200 سے زائد ایسے عناصر ہیں جو دمہ، بلڈپر یشر،دل کے امراض اور پھیپھڑوں کے کینسر کاباعث بنتے ہیں اور نوجوان افراد میں دل کے بڑھتے ہوئے امراض کی سب سے بڑی وجہ تمبا کونوشہ ہے۔انہوںنے مزیدکہاکہ دل کے مریض کو چکنائی ،نمک، پراٹھا،بکرے اورگائے کے گوشت سے اجتناب کرناچایئے۔مرغی ،مچھلی ،سبزیاں ،دالیں اور فروٹ کااستعمال دل کے مریضوں میں مفید ہوتا ہے، 30 منٹس کے قریب چہل قدمی بھی دل کے امراض سے بچائو کا اہم رکن ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جھنگ (ڈسٹرکٹ رپورٹر) کرپٹ طبقے نے سیاست اور جمہوریت کو یرغمال بنالیا۔ ان خیالات کا اظہار حاجی ارشاد حسین منڈ امیر جماعت اسلامی ضلع جھنگ نے ایک پریس ریلیز میں کیا۔ انہوں نے کہا کہ کرپٹ طبقے نے سیاست اور جمہوریت کو یرغمال بنارکھا ہے۔ ملک میں مسلسل سیاسی بحرانوں سے بچنے اور جمہوریت کے استحکام کیلئے اسمبلی کی مدت چار سال کی جائے۔ انہوں نے کہا کہ ملک میں عدالتی نظام بے کار ہوچکا ہے ، بے گناہ لوگ جیلوں میں عمریں گزار دیتے ہیں اور پھانسیوں پر چڑھ جاتے ہیں تب عدالتوں کو خیال آتا ہے کہ وہ تو بے گناہ تھے۔ انہوں نے مزید کہا کہ ہسپتالوں میں بستر اور سکولوں میں ٹاٹ نہیں جبکہ حکمران غریبوں کی غربت پر ٹسوے بہارہے ہیں۔ انہوں نے کہا کہ ملک میں تعلیم اور صحت کا نظام زبوں حالی کا شکار ہے۔ انہوں نے کہا کہ وزیرخزانہ نے ملکی تاریخ کے ریکارڈ قرضے حاصل کرکے ہماری آئندہ نسلوں پر قرضوں کا کوہ ہمالیہ لاد دیاہے۔ قرضے لے کر تمام دولت حکمران اپنے اللے تللوں اور عیاشیوں پر خرچ کرتے ہیں جبکہ فی پاکستانی صرف ایک سو گیارہ روپے رکھے گئے ہیں جبکہ اس سے کئی گنا روزانہ امراء کے کتوں پر خرچ ہوجاتا ہے۔ انہوں نے کہا کہ پاکستان کو ناقص حکومت کا تحفہ دیا گیا ہے۔ ٹوٹی سڑکیں، غربت ، بے روزگاری اور جہالت کا ملک پر راج ہے۔ انہوں نے کہا کہ جماعت اسلامی جیسی ایماندار قیادت ہی ملک کے حالات کو بہتر کرسکتی ہے۔