جھنگ (ڈسٹرکٹ رپورٹر) قائم مقام کمشنر فیصل آباد ڈویژن سلمان غنی نے ڈسٹرکٹ گورنمنٹ کے حکام اور قومی ترقی محکموں کے افسران کو ہدایات جاری کی ہیں کہ وہ 30جون سے قبل تمام زیر تکمیل ترقیاتی کاموں کو مکمل کروائیں اور اس ضمن میں کام کے اعلیٰ معیار کوبھی ملحوظ خاطر رکھا جائے۔ تما م متعلقہ محکمے باہمی کوآرڈی نیشن کو یقینی بنائیں اور ممبران اسمبلی کو اس حوالہ سے بروقت آگاہی پہنچائیں ۔ وہ گزشتہ روز ڈی سی او آفس جھنگ میں ضلعی کوآرڈی نیشن کمیٹی کے اجلا س کی صدارت کر رہے تھے، اس موقع پر ریجنل پولیس آفیسر بلال صدیق کمیانہ ،قائم مقام ڈی سی او عبدالقادر شاہ ، ڈی پی او ہمایوں مسعود سندھو، ممبران صوبائی و قومی اسمبلی اورمتعلقہ محکموں کے ایگزیکٹیو اور ڈسٹرکٹ افسران بھی موجود تھے۔ اجلاس کے دوران قائم مقام ڈی سی او عبدالقادر شاہ نے محکمہ تعلیم اور صحت کی عمارتوں اورضلع کی مختلف سڑکوں کے تعمیرومرمت کے جاری منصوبہ جات بارے بریفنگ دی۔انہوںنے گندم خریداری مراکز پر کسانوں کو فراہم کی گئی سہولیات و سیکورٹی اور رمضان بازاروں کے انعقاد کے حوالہ سے کئے جانے والے انتظامات بارے بھی اجلاس کو آگاہ کیا۔ قائم مقام کمشنر سلمان غنی نے محکمہ ورکس اینڈ سروسز ،فنانس اینڈ پلاننگ ، ہائی وے اور دیگر محکموں کے سربراہان کو تاکید کی کہ وہ ترقیاتی کاموں کی ذاتی طورپر مانیٹرنگ کو یقینی بناتے ہوئے تمام زیر تکمیل ترقیاتی منصوبہ جات کو اعلیٰ معیار کے مطابق بروقت مکمل کروائیں۔ انہوںنے ہدایات جاری کیںکہ ضلع میں جاری ترقیاتی کاموں کی تکمیل اوردیگر عوامی مسائل کے حل کیلئے کئے جانے والے اقدامات بارے ممبران اسمبلی کوبھی آگاہی فراہم کی جائے اور معزز ممبرا ن اسمبلی کی طر ف سے عوامی مسائل کی نشاندہی پر فوری کاروائی عمل میں لائی جائے۔ قائم مقام کمشنر سلمان غنی نے مزید کہا کہ شہر بھر میں نکاسی آب اورصفائی ستھرائی کے حوالہ سے عوامی شکایت کو ترجیحی بنیادوں پردور کیا جائے اور ضلعی انتظامیہ کے افسران تعلیمی اداروں کی سیکورٹی کی چیکنگ کا سلسلہ جاری رکھیں۔مزید برآں آر پی او فیصل آباد ڈویژن بلال صدیق کمیانہ نے ڈسٹرکٹ پولیس آفس کا دورہ کیا جہاں پولیس کے چاک و چوبند دستے نے انہیں سلامی پیش کی۔بعد ازاں ڈی پی او ہمایوں مسعود سندھو نے ضلع کی مجموعی امن و امان کی صورتحال اور کرائم کنٹرول کے حوالہ سے بریفنگ دی ۔ آ ر پی اوبلال صدیق کمیانہ نے اس موقع پر ہدایات جاری کیں کہ مقدمات کی تفتیشوں کو بروقت میرٹ پر مکمل کیا جائے اور عام آدمی کی داد رسی کو یقینی بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرکاری سکولوں کی نجکاری کے خلاف پنجاب ٹیچرز یونین نے احتجاجی شیڈول جاری کردیا۔ محمدانور جپہ
جھنگ( تحصیل رپورٹر )پنجاب ٹیچرز یونین ضلع جھنگ کے صدر محمدانور جپہ ، نائب صدر PTUپنجاب، حاجی مشتاق احمدہرل ، محمد سعید احمد ضلعی جنرل سیکرٹری ، حاجی شمشاد حسین ،محمدعباس نعیم ، محمدعارف شاہ ، ملک غلام فرید ،مہر محمدرفیق سیال ، ظفراقبال گجر، نوید احمداسد ،چوہدری افضل ، محمدنواز دراج،ملک شمشیرعلی،محمدرمضان ،محمداقبال سپرا،انوار احمدبھنگو،ظفراقبال عابد، مہرمحمداجمل، طاہر حیدر، غلام عباس شاہ،،محمدآصف بھٹہ، سرفراز لکھنانہ و دیگر اساتذہ رہنماؤں نے اپنے ایک مشترکہ بیان میں کہا ہے کہ اساتذہ اپنے حقوق کے حصول اور مسائل کے حل کیلئے متحد ہوچکے ہیں۔ سرکاری سکولوں کی نجکاری نہیں ہونے دیں گے۔ انہوں نے کہا کہ مرد مجاہد حافظ غلام محی الدین مرکزی صدر کی قیادت میں یونین نے احتجاجی شیڈول جاری کردیا ہے ۔ تمام اساتذہ سے اپیل ہے کہ احتجاجی شیڈول کے مطابق دھرنوں اور ریلیوں میں بھرپور شرکت کریں۔ ضلع جھنگ میں بھی حافظ غلام محی الدین صدر مرکزیہ کی کال پر شیڈول کے مطابق بھرپور احتجاج کیاجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ( ڈسٹرکٹ رپورٹر )ریسکیو1122تحصیل اٹھارہ ہزاری کے شفٹ انچارج چوہدری محمدجمشیداقبال نے کہاہے کہ ریسکیوعوام کی کیلئے ہمہ وقت تیارہے عوام کی خدمت کیلئے اپنے تروسائل بروئے کارلائینگے،ریسکیوکاآغازہوچکاہے عوام غیرضروری کالوںکی بجائے ضروری کال کریں تاکہ وقت کاضائع نہ ہواوربروقت حادثہ والی جگہ پرپہنچ کرمریض کوطبی امداددیکراسکی جان بچائی جاسکے۔ان خیالا ت کااظہاز اپنے گزشتہ رو زاپنے آفس بھکرروڈتحصیل ہیڈکوارٹرہسپتال میںصحافیوںسے ایک ملاقات کے دوران گفتگوکرتے ہوئے کیا،اس موقع پرریسکیو 1122 کے دیگر اہلکارکاشف گلزار،محمدجاویدکلیار،اخترخان،اظہرعباس،وارث عباس اورمحمدعامرحسین بھی موجودتھے۔انچارج چوہدری جمشید نے مزیدکہاکہ ریسکیوکے دفتربننے سے اب چندمنٹ میںہماری سروس موقع پرپہنچے گی اس سے پہلے جھنگ سے آناپڑتاتھاجس میںکا فی وقت لگ جاتاتھا ،عوام کی خدمت کیلئے ہم24گھنٹے موجودہیںعوام کی خدمت ہمارانصب العین ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ(تحصیل رپورٹر)وفاقی محکمہ مواصلات نے جھنگ کے نواحی علاقہ واصومیںڈاکخانہ قائم کرنیکی منظوری دیدی ہے۔تفصیلات کیمطابق تحصیل اٹھارہ ہزاری کے علاقہ واصوآستانہ میںلوگوںکو یوٹیلٹی وبجلی کے بلوں کی ادائیگی اور ڈاک کی ترسیل سمیت دیگر مسائل در پیش تھے۔ جمیعت علماء اسلام کے سابق وفاقی وزیرو سینیٹرمولاناعطاء الرحمن کواہل علاقہ کی طرف سے ایک درخواست دی جسمیںمیںڈاکخانہ کے قیام کی اپیل کی گئی تھی۔جس پرجے یوآئی تحصیل کے سینئرراہنماء ماسٹرمحمداقبال انجم،سماجی شخصیت ملک محمدعمرریاض اورمقامی ایم پی اے الحاج میا ںمحمداعظم چیلہ سیال کی خصوصی کا وش سے علاقہ میںڈاکخانہ کی منظوری دیدی گئی جوبہت جلد قائم کر دیاجائیگا۔ڈاکخانہ کے قیام کی منظوری پر ا ہل علاقہ نے ماسٹراقبال انجم،محمدعمرریاض،مقامی ا یم پی اے اورسینیٹرمولاناعطاء الراحمن سمیت حکام بالاکاشکریہ اداکیاہے۔
جہلم کی خبریں 9/5/2016
صدارتی نظام ہی ملک کو بحرانوں سے نکال سکتا ہے۔ طاہر حسین سید