جھنگ (ڈسٹرکٹ رپورٹر) محکمہ تعلیم کا خالد کلرک کرپشن کا بے تاج بادشاہ ہونے کے ساتھ جعلی عطائی ڈاکٹر بھی نکلا،اپنا ذاتی کلینک بنا رکھا ہے جبکہ کلینک میںایک ہی سرنج کا باربار استعمال اور ناقص ادویات شہریوں کی زندگیاں خطرے میں اثرورسوخ ہونے کی وجہ سے محکمہ ہیلتھ نے آنکھیں بند کر رکھی ہیںاعلیٰ حکام سے تادیبی کارروائی کا مطالبہ ۔تفصیلات کے مطابق محکمہ تعلیم کا خالد کلرک کرپشن کا بے تاج بادشاہ ہونے کے ساتھ جعلی عطائی ڈاکٹر بھی ہے جس نے جھنگ سٹی بستی گوگے والا میں اپناذاتی کلینک بھی بنا رکھا ہے جبکہ کلینک میںایک ہی سرنج کا باربار استعمال اور ناقص ادویات شہریوں کو مختلف بیماریوںمیں مبتلا کر رہی ہیں جس سے شہریوں کی زندگیاں خطرے میں ہے ۔مذکورہ ڈاکٹر نیم حکیم خطرہ جان بن کر شہریوں کی جانوں سے کھیل رہا ہے جو کہ صرف پیسے کا پجاری ہے اہل علاقہ اس جعلی ڈاکٹر کے ہاتھوں لوٹنے پر مجبور ہیں ۔معتبر ذرائع سے معلوم ہوا ہے کہ مذکورہ کلرک سرکاری حیثیت کا ناجائز فائدہ اٹھاتے ہوئے سرکاری خزانے اور عوام کو دونوں ہاتھوں سے لوٹ رہا ہے ۔محکمہ تعلیم کا کلرک ہونے کی وجہ سے اور سیاسی اثرورسوخ ہونے کی وجہ سے محکمہ ہیلتھ نے بھی آنکھیں بند کر رکھی ہیں ۔عوامی و سماجی و صحافتی حلقوں نے ڈپٹی کمشنر جھنگ کے علاوہ اعلیٰ حکام سے انکوائری کر کے کلینک کو سیل کرنے اور مذکورہ کلرک کی جائیداد اور مالی حیثیت کا جائزہ لینے اور لوٹا ہوا مال سرکاری خزانے میں جمع کروانے کا مطالبہ کیا ہے۔ْ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) ڈپٹی کمشنر غازی امان اللہ نے ضابطہ فوجداری کی دفعہ 144کے تحت ضلع بھر میں 31مارچ سے قبل کپاس کی فصل کاشت کرنے پر پابندی عائد کردی ہے۔محکمہ زراعت کی سفارشات پر ڈپٹی کمشنر کی طرف سے اس ضمن میں جاری نوٹیفیکیشن میں کہا گیا ہے کہ محکمہ زراعت کی اطلاع کے مطابق 31مارچ سے قبل کپاس کی فضل کاشت کرنے پر گلابی سونڈی کا حملہ ہو سکتاہے جس سے فی ایکٹر پیداوار میں کمی واقع ہو سکتی ہے جو مجموعی ملکی معیشت کیلئے سخت نقصان دہ ہے ۔ ڈپٹی کمشنر غازی امان اللہ نے اپنے حکم نامہ میں ضلع بھر کی حدود میں قائم کاٹن فیکٹریوں اور آئل ملز کے مالکان کو پابند کیا ہے کہ وہ کپا س کی فصل کے حوالہ سے تمام کچرا کو فوری طور پر تلف کریں ورنہ انکے خلاف سخت قانونی کاروائی عمل میں لائی جائیگی ۔مذکورہ حکم نامہ میں فوری طور پر نافذالعمل ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) ڈپٹی کمشنر غازی امان اللہ نے ضابطہ فوجداری کی دفعہ 144کے تحت ایک حکم نافذ کیا ہے جس کی رو سے پنجاب ایگزامینیشن کمیشن (PEC) کے زیر اہتمام ہونے والے جماعت پنجم اور ہشتم کے امتحانات کے سلسلہ میں ضلع کی حدود میں بنائے گئے امتحانی مراکز کی سو گز کی حدود کے اندر غیر متعلقہ افراد کے داخلہ پر پابندی عائد کر دی گئی ہے۔ حکم میں مزید کہا گیا ہے کہ رولنمبر کے حامل امید واران دوران پرچہ کتاب،گائیڈ،ڈیجیٹل ڈائری،موبائل فون و دیگر ایسا کوئی مواد جو پرچہ حل کرنے میں مدد گار ثابت ہوہرگز ہمراہ نہ لائیںبصورت دیگر انکے خلاف قانونی کاروائی عمل میں لائی جائیگی۔
پیرمحل کی خبریں 28/1/2017
فرقہ واریت سے عالم اسلام کو ناقابل تلافی نقصان پہنچا ہے، مفتی محمد نعیم