جھنگ (ڈسٹرکٹ رپورٹر) ڈسٹرکٹ ہیڈ کوارٹر ہسپتال جھنگ میں محکمہ صحت کے زیر اہتمام 23واں ورلڈ بریسٹ فیڈنگ ویک کے سلسلہ میں عوام میں شعور اجاگر کرنے کیلئے ای ڈی او ہیلتھ ڈاکٹر ظفر عباس خان کی زیر صدارت سیمینارکا انعقاد کیا گیا جس میں پروگرام ڈائریکٹر ڈسٹرکٹ ہیلتھ ڈویلپمنٹ سنٹرڈاکٹر عبدالغنی شیخ اورڈسٹرکٹ کوآرڈنیٹر آئی آر ایم این سی ایچ پروگرام ڈاکٹرذوالفقارعلی کے علاوہ دیگر ڈاکٹرز ،لیڈی ہیلتھ ورکرز اورکمیونٹی ورکزکے علاوہ خواتین نے شرکت کی۔لیڈی ہیلتھ ورکرز اور کمیونٹی ورکرزسے خطاب کر تے ہوئے ای ڈی او ہیلتھ ڈاکٹر ظفر عباس خان نے کہا کہ بچے کیلئے ابتدائی طورپر ماں کے دودھ سے بہتر کوئی غذا نہیں ہے کیونکہ اس میں اینٹی باڈیز ہوتی ہیں جو بچوں کو بیماریوں سے محفوظ رکھتی ہیں۔مزید برآں دودھ پلانے والی مائیں بریسٹ کینسر جیسے موذی مرض سے بھی محفوظ رہتی ہیں ۔انہوںنے بتایا کہ 17اگست سے 22 اگست2015منائے جانے والے ہفتہ کے دوران ضلع بھر کی تما م تحصیلوں میں تعلیمی اداروں میں سیمینار منعقد کروائے جائینگے اور محکمہ صحت کی ٹیمیں گھر گھر جا کر خواتین کو ماں کے دودھ کی اہمیت اور افادیت بارے شعور اور آگہی دینگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ڈسٹرکٹ کوآرڈی نیشن آفیسر نادر چٹھہ کی ہدایت پر غیر معیاری اور زائد المعیاد ادویات فروخت کرنے والے میڈیکل سٹورز، عطائی اور نان کوالیفائڈ افراد کے زیر سانہ کلینکس اور ہسپتالوں کے خلاف جاری کریک ڈائون میں محکمہ صحت کی ٹیموں نے مبینہ جعلی الفلاح ہسپتال چنڈ بھروانہ روڈ کو پنجاب ہیلتھ کیئر کمیشن کی خلاف ورزی پر 28روز کیلئے سیل کر دیا ہے ۔ محکمہ صحت کی ٹیموں نے عظیم میڈیکل سٹور گوجرہ روڈکی انسپکشن کی غیر معیاری اور زائد المعیاد ادویات کی موجودگی پر ڈرگ ایکٹ کے تحت چلان کیاجبکہ فیصل آباد روڈ پر واقع فخر ملت میڈیکل سٹور، غازی میڈکل سٹور اورمیڈیکل پوائنٹ کی انسپکشن کی ادویات کے نمونہ جات لیکر لیبارٹری بجھوا دیئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) تفصیلات کے مطا بق سرگودہا روڈ پکے والا کے نزدیک موٹر سائیکل کا مخالف سمت میں آنیوالی تیز رفتارکار سے تصادم ہوا جس کے نتیجہ میں 35سالہ شیرعباس 40سالہ اشفاق 30سالہ باقر علی 25سالہ صفدر 22سالہ نازیہ پروین شدید زخمی ہوئی ٔ جنھین ٰ ریسکیو1122نے ابتدائی طبی امداد کے بعد ڈسڑکٹ ہیڈکواٹرہسپتال جھنگ منتقل کیا
جھنگ (ڈسٹرکٹ رپورٹر) کسان بورڈ پاکستان کے صوبائی صدر ڈاکٹرعبدالجبار خان نے کہا ہے کہ عوام بنیادی سہولتوں سے محروم ہیں جبکہ خود کو عوام کا خادم قرار دینے والے سردرد کا علاج بھی بیرون ملک سے کرواتے ہیں۔ انہوں نے جشن آزادی پر عوام کے جوش وولولہ کو سراہتے ہوئے کہا کہ طورخم سے سری نگر اور خیبر سے کراچی تک جشن آزادی کا منایا جانا قابل ستائش ہے اور عوام الناس کی ملک سے محبت کا ثبوت ہے۔ بھارت نے بزرگ حریت رہنما سید علی گیلانی اور میرواعظ عمرفاروق کو گھروں میں نظر بند کیا مگر لاکھوں کشمیریوں نے پاکستانی پرچموں کے ساتھ ریلیاں نکال کردنیا پر واضح کردیا ہے کہ کشمیریوں کے دل پاکستان کے ساتھ دھڑکتے ہیں۔ انہوں نے کراچی آپریشن پر بات کرتے ہوئے کہا کہ کراچی میں آپریشن کا مطالبہ الطاف حسین نے خود کیا تھااور اب وہی آپریشن میں کیڑے نکال رہے ہیں ۔ حالانکہ کراچی کے حالات میں اس آپریشن کے بعد بہت بہتری آئی ہے۔
جھنگ (ڈسٹرکٹ رپورٹر) ڈسٹرکٹ سپورٹس کمیٹی جھنگ کی زیر سرپرستی اور ڈسٹرکٹ آرچری ایسوسی ایشن جھنگ کے زیر اہتمام جشن آزادی انویٹیشنل انٹر ڈسٹرکٹ آرچری چیمپئن شپ ڈسٹرکٹ سپورٹس کمپلیکس میں منعقد ہوئی جس میں ڈسٹرکٹ ملتان ،سرگودھا ،ٹوبہ ٹیک سنگھ ،اورڈسٹرکٹ جھنگ اور پنجاب یونیورسٹی کے کھلاڑیوں نے حصہ لیا۔اس موقع پرشہریوں اور شائقین کی بڑی تعداد موجود تھی۔چیمپئن شپ کا افتتاح ڈی سی او نادرچٹھہ اوڈسٹرکٹ سپورٹس آفیسر طاہر ملک نے کیا کھلاڑیوں کے درمیان تیز اندازی کے دلچسپ مقابلے ہوئے اس چیمپئن شپ میں جھنگ کے حافظ عبدالرحمن نے پہلی پنجاب یونیورسٹی کے مبشر نذ رنے دوسری جھنگ کے اسامہ مصطفی نے تیسری اورعبدالرحمن عارف نے چوتھی پوزیشن حاصل کی بعد ازاں ڈی سی او نادرچٹھہ نے پوزیشن حاصل کرنے والے کھلاڑیوں میں انعامات تقسیم کئے ۔
سیاسی جماعتیں اور اتحاد ملک وقوم کی تقدیر نہیں بدل سکتے‘ ایم آر پی
یاور مہدی کی جانب سے میر زوہیر علی کے اعزاز میں مقامی کلب میں تقریب ِ