جھنگ (تحصیل رپورٹر) جرنلسٹ ایسوسی ایشن آف پاکستان کی جانب سے ڈسٹرکٹ جھنگ میں محمد شفقت اللہ خان سیال کو کواڈینیٹر ڈسٹرکٹ جھنگ مقرر کردیا گیا ہے موصوف پہلے بھی جھنگ صحافتی اموار میں فرائض انجام دے رہے ہیں حلقہ کی عوام نے مرکزی صدر صہبان عارف جرنلسٹ ایسوسی ایشن آف پاکستان کے شکر گزار ہے کہ انہوں نے پسماندہ ضلع جھنگ کی عوام کے مسائل کیلئے ایک معروف شخصیت کونامزد کیا ہے اور ہم امیدکریں گے کہ موصوف جھنگ کے صحافیوں کی مسائل حل کرے گے اور حقوق کی جنگ لڑیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر ) ضلعی انتظامیہ نے گنے کے کاشتکاروں کو مطلع کیا ہے کہ شوگر ملز کے ذمہ ان کی فصل کے بقایا جات کیلئے متعلقہ تحصیل کے اسسٹنٹ کمشنر کے دفتر سے ہمراہ سی پی آر رابطہ کریں اس سلسلہ میں اسسٹنٹ کمشنرز کو متحرک کر دیا گیا ہے۔ ڈسٹرکٹ کوآرڈی نیشن آفیسر غازی امان اللہ نے ضلع کے تمام اسسٹنٹ کمشنرز کو ہدایات کی ہیں کہ وہ گنے کے کاشتکاروں کے بقایا جات کی فوری ادائیگی کیلئے تیز رفتار اقدامات کریں اور ان کے دفاتر سے رجوع کرنے والے کسانوں کے مفاد کا ہر ممکن خیال رکھا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ایڈیشنل ڈسٹرکٹ کلکٹر محمد اویس ملک نے کہا ہے کہ کھیلیں انسانی نشوونما اور خوبصورتی میں نکھار پیدا کرتی ہیں لہٰذا خصوصی طلباء و طالبات کھیلوں میں بڑھ چڑھ کر حصہ لیں اوراپنے علاقہ شہر اور ضلع کو نام روشن کریں۔یہ بات انہوںنے گزشتہ روز محکمہ سوشل ویلفیئراینڈ بیت المال کی جانب سے گورنمنٹ سپیشل ایجو کیشن سنٹر برائے متاثرہ سما عت خصو صی طلبہ وطالبات کے درمیان مختلف کھیلوں کا انعقاد کے موقع پربطور مہمان خصوصی تقریب سے خطاب کرتے ہوئے کہی۔اس موقع پر ای ڈی او کمیونٹی ڈویلپمنٹ غلام اصغر جلبانی ،ڈی او سوشل ویلفیئراظہر عباس عادل، چیئر مین ڈسٹرکٹ بیت المال کمیٹی ریا ض حسین عشرت ، چیئر مین ڈسٹرکٹ زکوٰةکمیٹی عابدہ بشیر،پرنسپل گورنمنٹ سپیشل ایجوکیشن سنٹرمشرف فاطمہ سمیت بچوں کے والدین اور دیگر متعلقہ افسران نے شرکت کی۔تقریب سے خطاب کرتے ہوئے اے ڈی سی محمد اویس ملک نے کہا کہ وزیر اعلیٰ پنجاب محمد شہباز شریف کے ویژن کے تحت سماعت سے محروم خصوصی طلباء و طالبات میں چھپی ہوئی صلاحیتوں کو اجاگر کرنے کے ساتھ ساتھ ان میں کھیلوں کا رجحان پیدا کرنے اورحوصلہ افزائی کرنے سے منفی سرگرمیاں بہت دور چلی جاتی ہیں۔انہوںنے کہا کہ میں ان خصوصی بچوں کی سر پرستی ذاتی اور سرکار ی حیثیت میں کر وں گا۔ انہوں نے پوری ٹیم کو مبارک باد دی جو ان بچوں کی حو صلہ افزائی کیلئے کام کر رہے ہیں۔اے ڈی سی محمد اویس ملک نے چیئر مین ڈسٹرکٹ بیت المال کمیٹی اورذکواة کمیٹی کو بھی ہمدردانہ سفارش کی کہ وہ بیت المال اور ذکواةفنڈز سے خصوصی افراد کے والدین کی مالی امداد کریں۔انہوں نے ڈسٹرکٹ آفیسر سپورٹس ملک محمد طا ہر کی کا وشوں کو بھی سرا ہا جنہوں نے ڈسٹرکٹ سپورٹس کمیٹی کے فنڈز سے سپورٹس مقا بلہ جات میں انعا مات دینے کے انتظامات کئے۔ ای ڈی او سی ڈی غلام اصغر جلبانی نے کہا کہ جھنگ کی مٹی بڑی زرخیز ہے اورسر زمین جھنگ ذہین لوگوں کا مسکن ہے۔کھیلوںکے مقابلہ جات کر وا کر کھلاڑیوں کے حوصلے بلند کئے گئے ہیں جس سے ان میں مزید آگے بڑھ کر کامیابی حاصل کرنے کا رجحان پیدا ہوگا۔ڈی او سوشل ویلفیئر اظہر عباس عادل نے کھیلو ں کے مقا بلہ جات کے ا غراض و مقاصد بیان کرتے ہوئے کہا کہ بڑے بچوں کی ریس ، ہرڈل ریس، سپون ریس، بوری ریس، خرگوش ریس ،کرو جمپنگ ،چھوٹے بچوں کی ریس، تین ٹا نگوں والی ریس میں 110 طلبہ و طالبات نے گہری دلچسپی سے حصہ لیا ۔قبل ازیں پرنسپل ادارہ مشرف فاطمہ نے سکول کی کارکردگی کے بارے میں شر کا ء کو آگا ہ کیا اور بتا یاکہ طا لبات کو فنی اورآرٹ کی تعلیم بھی دی جاتی ہے ادارہ کی ایک طا لبہ سدرہ بتول نے نارمل بچوں کے ساتھ مل کر میٹرک کا امتحان دیا اور پورے فیصل آبادڈویژن میںتیسری پوزیشن حا صل کی۔تقریب کے اختتام پر مہمان خصوصی محمد اویس ملک نے سپورٹس مقا بلہ جات میں ائول، دوئم اور سوئم آنے والے خصو صی طلبہ وطا لبات میںانعا مات تقسیم کیے اور بورڈ میں تیسری پوزیشن حا صل کرنے والے طا لبہ سدرہ بتول کو خصو صی ٹرا فی اور میڈل پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ڈسٹرکٹ اینڈ سیشن جج سجاد حسین سندھرنے سول جج شہباز حجازی کے ہمراہ گزشتہ روز ڈسٹرکٹ جیل جھنگ کے دورہ کے دوران معمولی نوعیت کے مقدمات میں ملوث 15 اسیران/قیدیوں کو ذاتی مچلکوں پر رہائی کا حکم صادر کیا۔انہوںنے جیل کے مختلف حصوں کا معائنہ کرتے ہوئے جیل میں صفائی ستھرائی اور سیکورٹی کے نظام کو مزید موثر اور فعال بنانے کی ہدایات جاری کیں۔فاضل جج صاحبان نے جیل کچن میں کھانے کا معیاراور تیاری کے مختلف مراحل کا جائزہ لیا اور ہسپتال میںزیر علاج قیدی مریضوں کی عیادت کی اور ان سے علاج معالجہ طبی و دیگر سہولیات کی فراہمی کے حوالہ سے گفتگو کی۔انہوںنے معائنہ کے دوان مختلف بارکوں میں قیدیوں کے مسائل سنے اورانہیں ترجیحی بنیادوں پر حل کرنے کی ہدایات جاری کیں۔ اس موقع پر جیل سپرنٹنڈنٹ شیخ افضل جاوید اور ڈپٹی سپرنٹنڈنٹ ایگزیکیٹو حق نواز اور دیگر متعلقہ افسران بھی موجودتھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ڈپٹی انسپکٹر جنرل جیل خانہ جات فیصل آبادریجن نے گذشتہ شب سکیورٹی کے نظام کامعائنہ کرنے کے لیے جیل کااچانک دورہ کیا ۔ اس موقع پر جیل سپرنٹنڈنٹ شیخ محمد افضل جاوید ، چوہدری حق نوازایگزیکٹیو، چوہدری جاوید رشید ڈپٹی سپرنٹنڈنٹ جوڈیشل ، اعجاز خان سٹور کیپر ، اور انکے ہمراہ دیگر افسران موجود تھے ۔ انہوں نے سکیورٹی کے نظام کو سراہا ۔انہوں نے ہسپتال وارڈ، بارکان ، خواتین وارڈز کا بھی معائنہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(ڈسٹرکٹ رپورٹر) ریسکیو 1122کی جانب سے محرم الحرام کے لئے ایمرجنسی پلان تشکیل دے دیا گیا
تفصیلات کے مطابق ڈسٹر کٹ ایمرجنسی آفیسر ڈاکٹر طارق سعید کے کی زیر صدارت ریسکیو1122کا خصوصی اجلاس ہوا جس میں ڈسٹرکٹ ایمرجنسی آفیسر ڈاکٹر طارق سعید نے محرم الحرام کیلئے ایمرجنسی پلان کی حتمی منظوری دی جس کے مطابق محرم الحرام کے دوران تمام ریسکیورز چھٹیاں منسوخ کر دیں گئی ہیں پلان کے مطابق جلوسکے داخلی اور خارجی راستوں پر ریسکیو کی ایمبولنسز اور فائر برگیڈ کی گاڑیاں موجود رہیں گئیں ریسکیو 1122کی جانب سے ماتم داروں بروقت طبی امداد فراہم کرنے کے لئے ریسکیوپوسٹیں بھی قائم کیں جائیں گئیں محرم الحرام کے موقع پر ضلع بھر میں 160سے زائد اہلکار اپنے فرائض سرانجام دینگے اس کے علاوہ امامیہ رضاکاروں کی بھی طبی امداد کی تربیت دے دی گئی ہے جو اس دوران ریسکیو کی معاونت کریں گئے تمام مجالس پر ریسکیو کی ایمبولینسز الرٹ رہیں گئی تاکہ کسی بھی ناخوشگوار واقعے کی صورت بر وقت اور بہتر طبی امداد فراہم کی جاسکے اجلاس میں کنٹرول روم انچارج طاہر عباس، ریسکیو اینڈ سیفٹی آفیسر محترمہ اصغری پروین اور میڈیا کوارڈینئٹر محمد زبیر نے سمیت تمام ریسکیوافسران نے شرکت کی۔
کسی کو پاکستان کی طرف میلی آنکھ سے دیکھنے نہیں دینگے: حاجی قیصر امین بٹ
حکومت عوام کے جم غفیر کو دیکھ کر رائیونڈ کی بنیادیں لرز اٹھی ہیں۔ رانا جاوید اشرف