جھنگ (ڈسٹرکٹ رپورٹر) مذہبی اقلیتوں کو اگر الیکشن میں حصہ لینے سے روکا گیا تو اپنے قائد طاہر نوید چوہدری ،صوبائی صدر طاہرہ انجم اور پوری قوم کے ساتھ مل کر ملک گیر احتجاج کریں گے الیکشن لڑنا ہمارا آئینی حق ہے ان باتوں کا اظہار پاکستان مینارٹیز الائنس کے ضلعی صدروسیم بھٹی،نائب صدر صفدر مسیح،یوتھ آرگنائزرپطرس ندیم اور میڈیا کوآرڈینیٹر آصف منور نے اپنے ایک مشترکہ اخباری بیان میں کیا انہوں نے کہا کہ پاکستان مینارٹیز الائنس ملک کی بڑی سیاسی جماعت ہے جو مذہبی اقلیتوں کے حقوق کیلئے لئے دن رات کوشاں ہے اور مسلم لیگ (ن)نے ہمیشہ اقلیتوں کی آواز دبانے کی کوشش کی ہے اور اقلیتوں کے جائز حقوق لینے میں رکاوٹ بنی ہے جو وعدے مسیحیوں کے ساتھ الیکشن سے پہلے کئے گئے تھے وہ آج تک پورے نہ ہو سکے اور ہمیشہ مسیحیوں کے ساتھ سوتیلی ماں جیسا سلوک کیا گیا اگر اس بارمسیحیوں کو براہ راست الیکشن میں حصہ لینے سے روکا گیا تو مسیحی برادری چپ نہیں بیٹھے گی ۔11اگست کو پینٹوگراؤنڈ وارث پورہ”یوم اقلیت” کے حوالہ سے اجلاس منعقد ہو گا جس میں بلدیاتی الیکشن میں نمائندگی سمیت اقلیتی برادری کے دیگر مسائل پر بات چیت بھی کی جائے گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ ( ڈسٹرکٹ رپورٹر) محکمہ اوقاف کی سرکاری زمین سے کروڑوں روپے کی مٹی چوری سطح زمین سے پانی نکل آیا کرسچن کالونی اور ریلوے لائن تباہ ہونے کا خطرہ لاحق ڈی سی او جھنگ نادر چٹھہ فوری طور پر کارروائی کریں آصف منور چیئر پرسن این سی ایچ ڈی جھنگ تفصیلات کے مطابق پرانا چنیوٹ روڈ پر واقع کرسچن کالونی اور ریلوئے لائن بتاہ ہونے کا خطرہ گوندل برادری عرصہ دراز سے سرکاری زمین سے ٹرالیوں کے ذریعہ سے مٹی چوری کرتے ہیں اور فروخت کرتے ہیں محکمہ اوقاف کی ملی بھگت سے مٹی فروخت کی جاتی ہے اب تک کروڑوں روپے مالیت کی مٹی فروخت ہو چکی ہے لیکن ملزمان کے خلاف کسی قسم کی کارروائی نہ ہوئی ہے ۔نوبت اب یہاں تک پہنچ گئی کہ سطح زمین سے زمینی پانی بھی نکل آیا اور اگر بہت زیادہ بارش ہوئی تو کرسچن کالونی اور ریلوئے لائن تباہ ہونے کا خطرہ ہے جس سے بے گناہ انسانو ں کی جانیں بھی جا سکتی ہیں ۔عوامی و سماجی و اہالیان مسیحی برادری کے علاوہ نوبل کنسرن فا ر ہیومن ڈویلپمنٹ آرگنائزیشن (این سی ایچ ڈی ) جھنگ کے چیئر پرسن آصف منور نے اعلیٰ حکام کے علاوہ ڈی سی او جھنگ نادر چٹھہ سے فوری طور پر کرسچن کالونی میں وزٹ کر کے ذمہ داران کے خلاف کارروائی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ( ڈسٹرکٹ رپورٹر) ڈسٹرکٹ کوآرڈی نیشن آفیسر نادر چٹھہ کی ہدایات پر ڈسٹرکٹ لائیو سٹاک آفیسرڈاکٹر تنویر احمد نے پولٹری ایسوسی ایشن اور انجمن قصاباں کے عہدیدان سے کہا ہے کہ وہ اپنی دکانوں پر موجود گوشت کو کپڑے میں ڈھانپ کر رکھیں تاکہ شہریوں کو بیماری سے پاک گوشت میسر آئے اس ضمن میں نااہلی کے مرتکب افراد کے خلاف قانونی کاروائی سے ہرگز گریز نہیں کیا جائیگا۔انہوںنے کہا ہے کہ ڈی سی اونادر چٹھہ کی سرگردگی میں گوشت فروشو ں کی شاپس میں صفائی ستھرائی کے نظام کو بہتر بنانے کیلئے ضلع بھر میں مہم کا آغازکر دیا گیاہے جس کے تحت غیر معیاری گوشت فروخت کرنے والے قصابوں کے خلاف سخت کاروائی اور صفائی ستھرائی کے نظام کو فعال بنانے کیلئے عمل درآمد کو ہر صورت یقینی بنایا جائیگا۔انہوںنے پولٹری ایسوسی ایشن اور انجمن قصاباں کے عہدیداران پر زور دیا ہے کہ گوشت کوگردو غبار اور مکھی مچھر سے محفوظ رکھنے کیلئے وہ اپنی دکانوں میںچونا کروائیں اور کھلے گوشت کو کپڑے میں ڈھانپ کر رکھیں ۔انہوںنے مزید کہا کہ اس مہم کے دوران کھلے آسمان تلے سموسے پکوڑے اور مٹھائی بیچنے والے افراد کے خلاف بھی کاروائی کا عمل جاری کر دیا گیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ( ڈسٹرکٹ رپورٹر )ڈسٹرکٹ کوآرڈی نیشن آفیسر نادر چٹھہ نے کہا ہے کہ اسلام میں دوسروں کے دکھ درد کو اپنا سمجھ کر مدد کرنے کو عبادت کا درجہ دیا گیا لہٰذا ہمیں بغیر کسی لالچ کے دکھی انسانیت کی خدمت کے کاموں میں بڑھ چڑھ کر حصہ لینے کی ضرورت ہے ۔ جب سے معاشرہ قائم ہو ا اس وقت سے رضا کار کام کررہے ہیں کیونکہ انسان کا پیدا ہونے کا مقصد ہی دوسروں کی خدمت کرنا ہے اور رضاکاروں کی خدمات کو زیادہ سے زیادہ فائدہ مند اور فعال بنانے کیلئے ان کی بھر پور تربیت کا سلسلہ جاری رہنا چائیے۔یہ بات انہوںنے ضلع کونسل ہال میں رضاکاروںکی سیلابی مہم کے سلسلہ میں منعقدہ سیمینار سے خطاب کرتے ہوئے کہی۔سیمینار می ڈسٹرکٹ ایمر جنسی آفیسر ریسکیو1122ڈاکٹر طارق سعید ،اے سی شورکوٹ عامرشہزاد اوراے سی اٹھارہ ہزاری سیداحسن رضا بخار ی کے علاوہ متعلقہ افسران اور رضارکاروں نے کثیر تعداد میں شرکت کی۔ڈی سی او نادر چٹھہ نے رضاکاروںسے مخاطب ہوتے ہوئے کہا کہ ان کی ذمہ داریوں اور دیگر فرائض کے متعلق آگہی کے ساتھ ساتھ فلڈ سے متاثرہ ہونے والے مواضعات کے رضاکاروںکی (CERT)کیمیونٹی ایمر جنسی ریسپانس ٹیم کو پنجاب ایمر جنسی سروس ریسکیو1122سے مرحلہ وار ٹرینینگ بھی کروائی جائے گی۔اس موقع پرڈ اکٹر طارق سعیدنے بھی اپنے خیالات کااظہارکرتے ہوئے کہ جھنگ کی تمام تحصیلوں سے 335 رضاکاروںنے حصہ لیا ہے اورریسکیو1122سروس ہر مشکل گھڑی میں عوام کے ساتھ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ(ڈسٹرکٹ رپورٹر) جمعیت علماء اسلام پنجاب کے رہنما عبدالرحمن عزیز نے مقامی جماعتی عہدیداروں سے گفتگو کرتے ہوئے کہا کہ پاک چائنہ اقتصادی راہداری منصوبہ انڈیا کے دل میں کانٹے کی طرح کھٹک رہا ہے ۔بھارت ،برطانیہ و امریکہ کی ٹرائیکا پاکستان اور کراچی میں بالخصوص عدم استحکام پیدا کرکے اس منصوبے کو سبو تاژ کرنا چاہتے ہیں مگر انہیں ناکامی کا منہ دیکھنا پڑے گا۔ برطانیہ الطاف حسین کے خلاف منی لانڈرنگ کیس کو خواہ مخواہ طول کیوں دے رہا ہے درحقیقت برطانیہ ایم کیو ایم کی قیادت کے ذریعے انڈین خفیہ ایجنسی ”را” کی خواہشات پر عمل پیرا ہے جو کہ حکومت کے لیے لمحہ فکریہ ہونا چاہیے۔ ”را” پاکستان میں کالا باغ ڈیم کے مخالف قوم پرست جماعتوں اور ایم کیو ایم کی قیادت کو بھاری مالی امداد دے کر اپنی روائتی پاکستان دشمنی کا مظاہرہ کر رہاہے حکومت پاکستان بین الاقوامی فورمز پر ”را” کی مداخلت کو پور ی شدت سے اٹھائے ۔رینجرز کو کراچی کے علاوہ پورے سندھ میں اختیارات دیے جائیں جب تک کراچی و دیگر علاقوں میں ”را” کے پروردہ لوگوں کی سرگرمیاں ختم نہیں ہوتی رینجرز کے اختیارات میں لمبی توسیع کی جانی چاہیے ۔تمام محب وطن سیاسی قوتیں متحد ہو کر انڈیا اور اس کے حلیف قوتوں کے عزائم ناکام بنانے کے لیے قومی سلامتی کے اداروں کا بھر پور ساتھ دے۔ رینجر ز اور افواج پاکستان کراچی کے امن کو بحال کرنے کیلئے تاریخ ساز کردا ر ادا کر رہے جمعیت علماء اسلام ان اداروں کی بھر پور حمایت کرتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ(ڈسٹرکٹ رپورٹر) صوبائی سیکرٹری کوآپریٹوسیدجاوید اقبال بخاری نے کہا ہے کہ عوام کی جان و مال کی حفاظت کرنا حکومت کی اولین ترجیح اور ذمہ داری ہے ضلع جھنگ کی حدود میںمتوقع متاثرہ علاقوں کے رہائشیوں کو محفوظ مقامات اور ریلیف کیمپو ں میں پہنچاکر انہیں ہر ممکن حد تک سہولیات فراہم کی جائیں تاکہ عوام کوسیلابی صورتحال کے پیش نظر کم سے کم تکلیف کا سامنا کرنا پڑے۔ یہ ہدایات انہوںنے گزشتہ روزاچانک دورہ کے دوران تریموں ہیڈ ورکس جھنگ کے مقام پر سیلابی صورتحال کا جائزہ لینے کے حوالہ سے ریسکیو1122کے افسران کو جاری کیں۔صوبائی سیکرٹری جاوید اقبال بخاری نے ضلعی انتظامیہ کے افسران کو ہدایت کی کہ جھنگ میں سیلابی صورتحال سے نمٹنے کے ساتھ ساتھ متاثرہ افراد کی جان و مال کا ہرممکن تحفظ کیا جائے ۔اس موقع پرڈسٹرکٹ ایمر جنسی آفیسر ڈاکٹر طارق سعیدنے بتایا کہ ریسکیو1122 ،ضلعی پولیس، ریونیو انتظامیہ کا عملہ کشتیوں اور موٹر بوٹس کے ساتھ سیلابی علاقوں میں کسی بھی ہنگامی صورتحال سے نمٹنے کیلئے موجود ہے۔انہوںنے د ونوں دریائوں میں پانی کے اتار چڑھائو اور ہیڈ تریموں پر پانی کے اخراج کی سطح بارے مکمل بریفنگ دی
کیا پاکستان میں غلطیاں کرنے والوں کا بھی کبھی احتساب ہوگا ‘ ایم آر پی
دھاندلی کے خلاف فیصلہ آنے سے جمہوریت کے ساتھ محاذ آرائی کرنے والوں کو منہ کی کھانا پڑی۔ فرخ شہباز وڑائچ