جہلم (مرزا فیاض اشرف) صدر پریس کلب جہلم (رجسٹرڈ) ڈاکٹر مظہر اقبال مشر نے کا 31جنوری اہم اجلاس طلب کر لیا، اجلاس میں 5فروری کشمیر ڈے کے حوالے سے سیمینار کے انعقاد کیلئے لائحہ عمل طے کیا جائے گا،ان خیالات کا اظہار نائب صدر ندیم ساجد مغل نے اپنے ایک بیان میں کیا ، انہوں نے کہا کہ پریس کلب جہلم نے گزشتہ سال ریکارڈ پروگرامز کئے جو کہ قابل تعریف ہیں ، انشاء اللہ امسال بھی اپنی روایت کو برقرار رکھتے ہوئے اپنی سرگرمیاں جاری رکھی جائیں گی، اس سلسلہ میں پہلا پروگرام 5فروری یوم یکجہتی کشمیر کے حوالے سے منعقد کیا جائے گا، جس میں مختلف مکاتب فکر سے تعلق رکھنے والے افراد کو مدعو کیا جائے گااور آزاد جموں کشمیر کے شہداء کی قربانیوں کو خراج عقیدت اور اظہار یکجہتی کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹرمظہر مشر)اردو کے معروف بزرگ شاعر،نثر نگار،ماہر تعلیم اور ماہر تاریخ پروفیسر محمد انور گوہر جہلم میں وفات پا گئے۔ان کی نماز جنازہ ٹاہلیانوالہ جہلم میں ادا کردی گئی۔نماز جنازہ میں ان کے دوستوں،اساتذہ،ادیبوں اور مختلف مکاتب فکر سے تعلق رکھنے والوں افراد نے نمناک آنکھوں سے شرکت کی۔مرحوم مختلف سرکاری و نجی سکولوں اور کالجوں میں شعبہ تدریس سے وابستہ رہے۔اردو زبان کے حوالے سے وہ جہلم میں ایک مستند شخصیت مانے جاتے تھے۔ان کے طلباء کا دائرہ کار بہت وسیع تھا۔ان کی نماز جنازہ میں شرکت کے بعد ادارہ ادب افروز جہلم کی طرف سے احسان شاکر اورحلقہ یاران کالا گوجراں کی جانب سے سید عرفان عرفی نے صحافیوں سے بات چیت کرتے ہوئے کہا کہ پروفیسر محمد انور گوہرکی وفات سے جہلم کی دھرتی ایک بڑے استاداورادیب سے محروم ہوگئی ہے۔ان کی وفات صرف جہلم کے لیے ہی نہیں بلکہ اردو ادب اور شعبہ تدریس کے لیے ایک بہت بڑا سانحہ ہے۔اللہ تعالیٰ ان کو اپنے جوار رحمت میں جگہ نصیب فرمائے اور ان کے اہل خانہ کو صبر جمیل عطافرمائے آمین۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم(راجہ سہیل کیانی) معروف سماجی ورکر و کالم نگار ریاض احمد مغل نے ڈاکٹر مظہر اقبال مشر کو پریس کلب جہلم کا صدر اور راجہ سہیل کیانی کو جنرل سیکرٹری بننے پر دل کی اتھاہ گہرائیوں سے مبارکبار پیش کی ہے ، انہوں نے کہا کہ جس طرح ڈاکٹر مظہر مشر اور ان کی ٹیم احسن طریقے سے سماجی خدمات سر انجام دے رہے ہیں ، بلا شبہ شعبہ صحافت کیلئے فخر کا باعث ہے ، پریس کلب جہلم کی صحافتی ، سماجی اور قومی خدمات کسی سے ڈھکی چھپی نہیں ،ہم امید کرتے ہیں کہ یہ سابقہ روایات کو برقرار رکھتے ہوئے امسال بھی اپنی صلاحیتوں کی بناء پر اپنے پروگرام جاری و ساری رکھیں گے ، کیونکہ جہلم کی عوام کو ان کی طرف سے مثبت صحافت کے حوالے سے منعقد کئے جانے والے سیمینارز فائدہ مند ثابت ہوئے ہیں،ہماری تمام تر خدمات ان کیلئے حاضر ہوں گی۔
کورنگی جیمخانہ ایف سی کے الیکشن 7 فروری کو ہونگے’حاجی احمد علی
لادین قوتیں ریاستی طاقت کیساتھ ہمارے عقیدے، تہذیب اور نئی نسل پر یلغار کر رہی ہیں، ثمینہ قمر