جہلم کی خبریں 7/8/2016

Jhelum

Jhelum

پوران / جہلم (ڈاکٹر تصور ھسین مرزا) جمیل ٹائون سڑک کی مرمت کے لئے جلد ہی فنڈز جاری کر دیئے جائیں گے ، ان خیالات کا اظہار شہنشاہ تعمیرات ممبر صوبائی اسمبلی چوہدری لال حسین نے گزشتہ روز گجر ہائوس میں ایڈیشنل جنرل سیکرٹری یوتھ ونگ مسلم لیگ (ن) جہلم مرزا فرخ نعیم سے گفتگو کرتے ہوئے کیا ، مرزا فرخ نعیم نے چوہدری لال حسین کو بتایا کہ جمیل ٹائون کی سڑک انتہائی خستہ حال ہوچکی ہے ، ٹی ایم اے کی عدم توجہی سے نالہ مکمل طور پر بند ہوچکاہے ، جس سے اہل محلہ شدید پریشانی کا شکار ہیں، محلے کا پانی نالے سے باہر آجانے سے سڑک پر کھڑا ہوجاتا ہے ، جس سے سڑک مکمل طور پر ٹوٹ چکی ہے، ایم پی اے چوہدری لال حسین نے کہا کہ میں جلد ہی اس کے لئے فنڈز منظور کرواکر سڑک کی مرمت کروا دوں گا، مرزا فرخ نعیم نے ان کا شکریہ اداکیااورکہا کہ ہماری خوش قسمتی ہے کہ آپ نے بلا تفریق اپنے حلقے کے ریکارڈترقیاتی کام کروائے ، اس موقع پر مرزا فرخ نعیم نے چوہدری لال حسین کو ضمنی الیکشن این اے63کے حوالے سے الیکشن مہم سے متعلق بھی تفصیلی آگاہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوران / جہلم ( ڈاکٹر تصور ھسین مرزا ) پاکستان جرنلسٹ ویلفیئر ٹرسٹ کی طرف سے سینئر صحافی جی ایم قادری کو پنجاب کا صدر بننے پر ہم دل کی اتھاہ گہرائیوں سے مبارکباد پیش کرتے ہیں ، بلا شبہ ان کے ٹرسٹ کیلئے کاوشیں قابل قدر ہیں،ان خیالات کا اظہار صدر پریس کلب جہلم (رجسٹرڈ) ڈاکٹر مظہر اقبال مشر ،جنرل سیکرٹری الیکٹرانک میڈیا ایسوسی ایشن سرائے عالمگیر گجرات ڈاکٹر تصور حسین مرزا،چیئرمین گلوبل یونین آف جرنلسٹ ضلع جہلم راجہ سہیل کیانی اور چیئرمین میڈیا ون سید اکرم حسین شاہ بخاری نے اپنے ایک مشترکہ اخباری بیان میں کیا، ڈاکٹر مظہر اقبال مشر نے کہا کہ پاکستان جرنلسٹ ویلفیئر ٹرسٹ کا قیام پاکستان بھر میں صحافیوں کے لئے بہترین پلیٹ فارم ہے ، اس ٹرسٹ کا صحافیوں کے لئے خدمات اور کاوشوں کے حوالے سے کوئی ثانی نہیں۔ہم مرکزی صدر ملک شاہد جاوید کو بھی خراج تحسین پیش کرتے ہوئے مطالبہ کرتے ہیں کہ وہ ضلع جہلم اور گجرات میں بھی اس ٹرسٹ کیلئے لائحہ عمل اختیار کرتے ہوئے ضلعی تنظیموںکا اعلان کریں تاکہ یہاں کے مقامی صحافی بھی اس ٹرسٹ کے حوالے سے دی جانے والی سہولیات سے استفادہ حاصل کرسکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوران / جہلم ( ڈاکٹر تصور ھسین مرزا ) صوبائی حکومت کی طرف سے اساتذہ کے تبادلوں کے حوالے سے پابندی کے خاتمے پر ٹیچرز یونین نے اس فیصلے کو خوش آئند قرار دیا ہے چیئرمین پنجاب ایجوکیٹرز یونین ضلع جہلم اشفاق حیدر نے کہا کہ اساتذہ کے عرصہ دراز سے گھروں سے دوردراز فرائض کی بجاآوری کے دوران درپیش مسائل کا ازالہ ہوجائے گا، انہوں نے میڈیا کو ٹرانسفر پالیسی 2013ء میں ہونے والے اضافے کی کاپی بھی دی ، جس کے مطابق تبادلے کیلئے ایک سکول میں تین سال کی نوکری لازمی ہوگی ،سکول ہذا میں ایک یا دو اساتذہ باہمی تبادلے سے ٹرانسفر کرواسکیںگے،اسی طرح خواتین اساتذہ سے متعلق ایسی خواتین اساتذہ جو کہ بیوہ ہوں یا طلاق یافتہ ہوں تو وہ پابندی کے باوجود اپنا تبادلہ کرواسکیں گی ،جبکہ شادی شدہ زنانہ ٹیچر ز اور معزور اساتذہ بھی پابندی کے باجود اپنا تبادلہ کروا سکیں گی ۔اسی طرح ایک جیسی پوسٹ ،سبجیکٹ والے اساتذہ بھی باہمی تبادلہ کرواسکیں گے ،ایسے اساتذہ جن کی سروس ریٹائرمنٹ صرف ایک سال رہ گئی ہو وہ بھی ٹراانسفر کروا سکیں گے، ان کیلئے ایک سکول میں تین سال گزارنے کی شرط لاگو نہیں ہوگی، اسی طرح وہ خواتین ٹیچرز جو اپنے گھروں سے کافی دور پڑھا رہی ہیں وہ بھی اپنا تبادلہ کرواسکیں گی ان پر بھی تین سال کی شرط لاگو نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوران / جہلم ( ڈاکٹر تصور ھسین مرزا ) سیاسی سماجی و کاروباری شخصیت محمد ظہیر بٹ وارڈ نمبر 36 حلقہ این اے63 نے میڈیا کے نمائندہ سے گفتگو کرتے ہوئے کہا کہ قائد جہلم سابق ایم این اے و سابق سینیٹرراجہ محمد افضل خان کا سیاست کی دنیا میں ایک نام ہیراجہ محمد افضل خان نے ہمیشہ مسلم لیگ (ن) سے وفا کی تھی اور مسلم لیگ (ن) کے لئے راجہ محمد افضل خان کی بہت قربانیاںہیں اور مسلم لیگ (ن) کے لئے بہت مشکلات کا سامنا بھی کیا ہے انہوں نے کہا کہاگر ضمنی الیکشن حلقہ این اے 63میں اگر راجہ محمد افضل خان نے نوابزادہ راجہ مطلوب مہدی خان کے سر پر شفقت کا ہاتھ نہ رکھا اور مسلم لیگ (ن) کا ساتھ نہ دیا تو مسلم لیگ (ن) ضمنی الیکشن ہار جائے گی انہوں نے کہا کہ راجہ محمد افضل خان ہمارے قائد ہیں اور ہم ان کے ہر حکم پر لبیک کریں گے انہوں نے کہا کہ ضلع جہلم کی عوام اب اچھے برے کی پہچان کر چکی ہے اور اب جہلم کی عوام کو یہ معلوم ہو چکا ہے کہ قائدجہلم راجہ محمد افضل خانایک ایسے لیڈر ہیں جو جہلم کی عوام کادل میں درد رکھتے ہیں اور جہلم کی تعمیر و ترقی کی سوچ رکھتے ہیں انہوں نے کہا کہ مسلم لیگ (ن) کے مشکل دور میں ایک راجہ محمد افضل خان ہی تھے جنہوں نے ساتھ دیا تھا مقد مات کا سامنا کیا تھا مسلم لیگ (ن) کے قائد اور ان کے اہل و اعیال ملک بدر تھے مگر راجہ محمد افضل خان نے ہی مسلم لیگ (ن) کا نام زندہ رکھاانہوں نے کہا کہ اب تھوڑے ہی دنوں میں ایک سیاسی بوچھال آنے والا ہے اور ضمنی الیکشن بھی راجہ محمد افضل خان کی وجہ سے ہی جیتا جا سکے گا اب حلقہ این اے63کا الیکشن صرف قائد جہلم راجہ محمد افضل ہی جیت سکتے ہیں اور اگر راجہ محمد افضل خان نے نوابزادہ راجہ مطلوب مہدی کا ساتھ نہ دیا اور ان کی حمائیت نہ کی تو مسلم لیگ (ن) یہ ضمنی الیکشن ہار جائے گی اور جہلم سے مسلم لیگ (ن) کا گڑھ بھی ختم ہو جائے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔