کراچی کی خبریں 21/1/2017

karachi

karachi

امریکی پالیسیوں نے اس کیخلاف عالمی نفرت کو جنم دیا ہے ‘ ایم آر پی
ڈونلڈ ٹرمپ کو امریکہ کو اسرائیلی مفادات کے محافظ کے نفرت انگیزکردار سے آزادی دلانی ہوگی
امریکی عوام اسلامی دہشتگردی کا نہیںبلکہ امریکی پالیسیوں کے رد عمل کا شکار بن رہے ہیں‘ امیر پٹی
کراچی (اسٹاف رپورٹر) محب وطن روشن پاکستان پارٹی کے قائد و چیئرمین امیر پٹی نے نو منتخب امریکی صدر ڈونلڈ ٹرمپ کو حلف برداری کی مبارکباد پیش کرتے توقع ظاہر کی ہے کہ ٹرمپ کی قیادت میں امریکہ کی پالیسیوں میں مثبت تبدیلی آئے گی اور امریکہ اسرائیل کے بغل بچے کا کردار ادا کرتے ہوئے مسلم دشمن اقدامات کرنے اور مسلم ریاستوں کی خود مختاری سلب کرنے کی بجائے اپنے تحفظ ‘ دفاع اور خوشحالی وترقی پر توجہ دے گا کیونکہ اسرائیلی لے پالک کے کردار نے نہ صرف امریکی عوام کو حقیقی ترقی و خوشحالی سے محروم رکھا ہو اہے بلکہ دنیا بھر میں امریکہ اور امریکیوں کیخلاف ایسے معاندانہ اور نفرت آمیز رویوں کو بھی جنم دیا ہے جس کی وجہ سے امریکی شہری دنیا کے کسی بھی ملک میں محفوظ نہیں ہیں حتیٰ کہ خود امریکی سرزمین پر امریکی فوج ‘ پولیس ‘ قوانین اور آئین بھی ان کے تحفظ میں ناکام دکھائی دے رہے ہیںاورامریکی عوام مسلسل دہشتگردی کا نشانہ بن رہے ہیں جسے امریکی پالیسی ساز اسلامی دہشتگردی قرار دیکر اپنی اسرائیل پرستانہ پالیسیوں کے رد عمل کی پرداہ داری کی کوشش کررہے ہیں مگر حقیقت یہ ہے کہ امریکی عوام اسلامی دہشتگردی کا نہیں بلکہ امریکی پالیسیوں کے رد عمل کے نتیجے میں دنیا میں امریکہ و امریکی عوام کیلئے اٹھنے والے نفرت انگیز جذبات کا نشانہ بن رہے ہیں اسلئے ڈونلڈ ٹرمپ کو اب پالیسیوں میں تبدیلی لانی ہوگی اور امریکہ کو اسرائیلی مفادات کے محافظ کے کردار سے آزادی دلانی ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت ‘ پاکستان کا ازلی و بد ترین دشمن ہے‘جی کیو ایم
تجارتی و ذاتی مفادات کیلئے بھارت سے دوستی کی خواہش رکھنے والے محب وطن نہیں ہوسکتے
بھارت کے جارحانہ عزائم سے دنیا کے امن کو لاحق خطرات سے اقوام عالم کو آگاہ کیا جائے
کراچی ( اسٹاف رپورٹر ) بھارت ‘ پاکستان کا ازلی و بد ترین دشمن ہے او ر نہ صرف پاکستان کیخلاف آبی دہشتگردی کررہا ہے بلکہ پاکستان میں امن دشمن قوتوں کا سرپرست بھی ہے اور پاکستان کی سلامتی کیخلاف سازشوں میں بھی مصروف ہے جبکہ سرجیکل اسٹرائیکس کے نام پر سرحدوں پر اشتعال انگیزی ‘ گولہ باری اور فائرنگ کے ذریعے محافظان پاکستان و پاکستانی شہریوں کو قتل کرنے والا بھارت نہ صرف سی پیک کیخلاف سازشوں کے تانے بانے بن رہا ہے بلکہ کشمیر پر قابض رہتے ہوئے مسلمان کشمیریوں کو قتل عام بھی کررہا ہے اور پاکستان کے پانچویں صوبے و آئینی حصے جونا گڑھ پر بھی اپنا جبری تسلط برقرار رکھے ہوئے ہے ۔ گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے بھارت کیخلاف عالمی لابنگ کی ضرورت پر زور دیتے ہوئے کہا کہ کشمیری حریت پسندوں کی قربانیوں کے طفیل بھارت کا جارحانہ کردار دنیا کے سامنے عیاں ہوچکا ہے اسلئے یہ بہترین موقع ہے کہ پاکستانی حکمران بھارت سے وابستہ اپنے تجارتی و ذاتی مفادات کو بالائے طاق رکھتے ہوئے بھارت کے جنگی جنون اور جارحانہ عزائم سے دنیا کے امن کو لاحق خطرات اور ایٹمی جنگ کے خدشات سے آگاہ اقوام عالم کو آگاہ کرنا ہوگا کیونکہ عالمی قیادتوں کی مداخلت ہی بھارت کو مذاکرات کی میز پر لاکر پاک بھارت دیرینہ مسائل کے حل کا سبب بن سکتی ہے بصورت دیگر بھارت دنیا کو ایٹمی جنگ میں جھونک کر عالمی امن برباد کرنے کی تمام تیاریاں مکمل کرچکا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیاسی و سماجی رہنما امیر علی پٹی والا کا سندھ کو گورنر بنایا جائے ‘ راجونی اتحاد
وفاق میں حکمران جماعت کا حلف یافتہ گورنر ‘ اپنے عہدے کی غیر جانبداری پرکبھی پورا نہیں اتر سکتا !
حکومتی جماعت کے پارٹی رہنما کو گورنر بنانے سے صوبہ و وفاق کے درمیان محاذ آرائی میں اضافہ ہوگا
کراچی ( اسٹاف رپورٹر )پاکستان راجونی اتحاد میں شامل خاصخیلی رہنما سردار غلام مصطفی خاصخیلی ‘ سولنگی رہنما سردار خادم حسین سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنمایونس سایانی‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند‘ پشتون رہنما مصطفی خان اور این جی پی ایف کے چیئرمین عمران چنگیزی نے گورنر سندھ کی تقرری کے حوالے سے تبصرہ کرتے ہوئے کہاہے کہ گورنر کا عہدہ غیر جانبداری کا متقاضی ہوتا ہے اور وفاقی وصوبائی حکومت کے درمیان اختلافات کی صورت وفاقی حکومتی جماعت سے تعلق رکھنے والے کسی بھی فرد کی اس عہدے پر تقرری دونوں جماعتوں کے درمیان اختلافات میں مزید اضافہ کرے گی جس کا نقصان بہر صورت صوبہ سندھ کی عوام کو ہی ہوگا اسلئے وفاقی حکومت اور مسلم لیگ (ن) و وزیراعظم نواز شریف کو ہمارا مشورہ ہے کہ سندھ کے عوام کے وسیع تر مفاد اور صوبے و وفاق کے درمیان اتحاد و یکجہتی کے فروغ کیلئے سندھ سے تعلق رکھنے والے غیر جانبدار وبصیرت افرزو شخصیت اور عمیق سیاسی تجربہ کے حامل ‘ عوام سے مخلص و دیانتدار سیاسی و سماجی رہنما امیر علی پٹی والا کو سندھ کو گورنر بنایا جائے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پارچنا ر دھماکہ مقتدر طبقات کی مفاد پرستی کا شاخسانہ ہے‘ سولنگی اتحاد
پاراچنار بم دھماکے کے ذمہ دار نیشنل ایکشن پلان پر مکمل عملدرآمد کی راہ میں رکاوٹ بننے والے ہیں
مقتدر حلقوں میں موجود دہشتگردوں کے سرپرستوں کے خاتمہ تک دہشتگردی سے نجات ناممکن ہے
کراچی ( اسٹاف رپورٹر ) دہشتگردوں کی کمر توڑنے کے جھوٹے دعوو ¿ں کی بجائے نیشنل ایکشن پلان پر اس کی روح کے مطابق حقیقی ‘ غیر جانبدارانہ اور منصفانہ عملدرآمد یقینی بنایا جاتا تو پارچنار بم دھماکے کا واقعہ پیش نہ آتا ۔ پاکستان سولنگی اتحادکے بزرگ رہنما امیر علی سولنگی ‘ ملک عمر نذیر سولنگی ‘معین سولنگی ‘ غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی و دیگر نے پاراچنار بم دھماکے کے شہداءکیلئے دعائے مغفرت اور زخمیوں کیلئے دعائے صحت کرتے ہوئے مذکورہ بم دھماکے کا ذمہ دار دہشتگردی کی کمر توڑنے کے جھوٹے دعوے کرنے اور نیشنل ایکشن پلان پر اس کی روح کے مطابق عملدرآمد کی راہ میں رکاوٹ بننے والوں کو قرار دیتے ہوئے کہا کہ مقتدر طبقات کی مفاد پرستی ملک و قوم کی دشمن ہے اور جب تک مقتدر حلقوں میں موجود دہشتگردوں کے سرپرستوں وسہولت کاروں کا خاتمہ نہیں کیا جائے گا دہشتگردی سے نجات نا ممکن ہے۔