کراچی (جیوڈیسک) شہر قائد کے دو حلقوں سمیت سندھ اسمبلی کی 3 نشستوں پر ضمنی انتخاب کے لیے پولنگ کا عمل جاری ہے۔
کراچی اور نوشہرو فیروز میں سندھ اسمبلی کی 3 نشستوں پر ضمنی انتخاب کے لئے پولنگ کا عمل صبح 8 بجے شروع ہوا جو کہ شام 5 بجے تک بلا تعطل جاری رہے گا۔ ضمنی انتخاب میں عوام کی سہولت کے لیے تینوں حلقوں میں عام تعطیل ہے تاہم نجی دفاتر اور کاروباری مراکز کھلے ہیں۔ پولنگ کے عمل کو شفاف بنانے کے لیے پولنگ اسٹیشنز کے اندر اور باہر رینجرز کے اہلکار تعینات کئے گئے ہیں جب کہ پاک فوج کو کسی بھی ہنگامی صورت حال کے لیے تیار رہنے کے احکامات ملے ہیں، رینجرز اور پاک فوج کے افسران کو میجسٹریٹ درجہ اول کے اختیارات تفویض کیے گئے ہیں تاکہ شر انگیزی پھیلانے والوں کو موقع پر ہی سزا دی جاسکے۔ اس کے علاوہ پولیس کی جانب سے سخت سیکیورٹی انتظامات کئے گئے ہیں۔
کراچی کے حلقہ پی ایس 106 میں کل رجسٹرڈ ووٹرزں کی تعداد اییک لاکھ 76 پزار 395 ہے۔ جن کے لئے 100 پولنگ اسٹیشنز قائم کیے گئے ہیں جن میں سے 73 کو انتہائی حساس جبکہ 27 کو حساس قرار دیا گیا ہے۔ ان پولنگ اسٹیشنز پر 900 افراد پر مشتمل عملہ خدمات سرانجام دے رہا ہے۔
پی ایس 117 میں کل رجسٹرڈ ووٹرز کی تعداد ایک لاکھ 63 ہزار 746 ہے اور پورے حلقے میں 84 پولنگ اسٹیشنز قائم کیے گئے ہیں۔ ان پولنگ اسٹیشنز پر بھی رینجرز کی بھاری نفری تعینات ہے۔
واضح رہے کہ کراچی میں سندھ اسمبلی کے حلقہ 106 پی ایس 106 اورپی ایس 117 جب کہ نوشہرو فیروز میں حلقہ پی ایس 22 کی نشست پر ضمنی انتکاب کے لیے پولنگ کا عمل جاری ہے۔ پی ایس 106 اور پی ایس 117 پر ایم کیو ایم کے افتخار عالم اور ڈاکٹر صغیر کامیاب ہوئے تھے تاہم دونوں افراد ایم کیو ایم چھوڑ کر مصطفیٰ کمال کی پاک سرزمین پارٹی میں شامل ہوگئے تھے اور انہون نے اپنی اسمبلی رکنیت سے بھی استعفیٰ دے دیا تھا جب کہ پی ایس 22 پر عدالت کے حکم پر ضمنی انتخاب ہورہا ہے۔
ایان علی کا نام ایگزٹ کنٹرول لسٹ سے نکالنے کا حکم
خواجہ آصف کے حلقے میں ایک لاکھ انگوٹھوں کے نشان غیرواضح