لاہور (جیوڈیسک) منصورہ میں پریس کانفرنس کرتے ہوئے امیر جماعت اسلامی سراج الحق کا کہنا ہے کہ سیاسی مفادات سے بالاتر ہو کر کراچی کے مسئلے کا حل نکالنا ہو گا۔
کراچی میں جاری رینجرز آپریشن کی وجہ سے بھتہ خوری اور دیگر جرائم میں کمی آئی مگر یہ وقتی حل ہے مستقل نہیں۔ کراچی کے تمام مسائل کے ذمہ دار ایم کیو ایم اور پیپلز پارٹی ہیں جو ڈلیور نہیں کر سکے۔
عوام کو چاہئیے بلدیاتی الیکشن پیپلزپارٹی اور ایم کیو ایم کے لئے یوم حساب بنا دیں۔ امیر جماعت اسلامی کا کہنا تھا کہ ایم کیو ایم پر پہلی بار الزام نہیں لگے حکومت ایم کیو ایم پر لگائے گئے الزامات کی تحقیقات مفادات اور سیاست سے بالا تر ہو کر کرے۔
اسلام آباد، لاہور، پشاور سمیت ملک کے مختلف شہروں میں زلزلے کے جھٹکے
حلفیہ کہتا ہوں میرا ’’را‘‘ سے کوئی تعلق نہیں، الطاف حسین