کراچی کی خبریں 19/11/2016

Aafia Siddiqui Bhook Harrtaal

Aafia Siddiqui Bhook Harrtaal

حکمران سیاسی مفادات کیلئے مردم شماری سے گریزاں ہیں ‘ ایم آر پی
مردم شماری کے تحت نئی حلقہ بندیاں ونشستوں میں اضافہ حکمرانوں کے مفادات کیلئے زہرقاتل ہوگا
عدالتی احکامات کے باوجود مردم شماری میں تاخیر عدلیہ کی توہین ہے ‘اعلیٰ عدلیہ اس توہین کا نوٹس لے
کراچی (اسٹاف رپورٹر) اقتدار پر قبضہ برقرار رکھنے کیلئے سازشوں میں مصروف استحصالی عناصر جانتے ہیں کہ مردم شماری کے بعد آبادی میں اضافے کے باعث حاصل ہونے والے اعدادوشمار کے تحت نئی حلقہ بندیاںاور قومی و صوبائی اسمبلی نشستوں میںا ضافہ ان کے سیاسی مفادات و خودساختہ عوامی مقبولیت و حمایت کیلئے زہر قاتل ثابت ہوسکتی ہیں اسلئے وہ مردم شماری کرانے سے گریزاں ہیں ۔ محب وطن روشن پاکستان پارٹی کے قائد وچیئرمین امیر پٹی نے سپریم کورٹ سے حکومت کو مردم شماری کیلئے آخری ڈیڈ لائن دیکر اس حوالے سے اعلیٰ عدلیہ کے فیصلے و حکم پر یقینی عملدرآمد کرانے کا مطالبہ کرتے ہوئے کہا کہ سپریم کورٹ حکمرانوں کا فوری طور محدود مدت کے اندر مردم شماری کرانے اور مردم شماری کے حاصل شدہ اعدادوشمار کے مطابق الیکشن کمیشن کو نشستوں میں اضافے کا حکم دے اور عدالتی حکم سے گریز کی صورت حکمرانوں اور الیکشن کمیشن دونوں کیخلاف تادیبی کاروائی کرتے ہوئے حکومت کو معطل کرکے نگراں حکومت تشکیل دے جبکہ الیکشن کمیشن کو بھی تحلیل کرکے اس کی ازسر نو تشکیل کی جائے کیونکہ عدلیہ کے احکامات کے باجود حکومت کا مردم شماری سے گریز توہین عدالت ہی نہیں بلکہ قومی مفادات و ضروریات سے پہلو تہی کے مترادف بھی ہے جو کسی بھی طور نہ تو حب الوطنی ہے اور نہ ہی کسی محب وطن کا شیوہ ہوسکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چہلم امام حسین پر فول پروف سیکورٹی انتظامات کئے جائیں‘جی کیوایم
ڈبل سورای پر پابندی کو امن کی ضمانت سمجھنا حماقت ونااہلی کا ثبوت ہے ‘ گجراتی سرکار سورٹھ ویر
حاجی عدیل کی موت سے عوامی نیشنل پارٹی ایک مخلص و مدبر رہنما وسیاستدان سے محروم ہوگئی ہے
کراچی ( اسٹاف رپورٹر )گجراتی قومی موومنٹ کے سربراہ گجراتی سرکار نے عوامی نیشنل پارٹی کے مرکزی رہنما حاجی عدیل کے انتقال پر اظہار تعزیت و تاسف کرتے ہوئے کہا ہے کہ حاجی عدیل اپنے عوام سے مخلص اور نظریاتی سیاستدان ہونے کے باعث اپنی پارٹی میں ریڑھ کی ہڈی کی حیثیت رکھتے تھے ان کی موت سے عوامی نیشنل پارٹی ایک مخلص و مدبر رہنما و کارکن سے محروم ہوگئی ہے۔ گجراتی سرکار نے چہلم امام حسین کے موقع پر کراچی میں 21اور 22نومبر شہر میں ڈبل سواری پر پابندی کے محکمہ داخلہ کے نوٹیفکیشن پر تبصرہ کرتے ہوئے کہا کہ ڈبل سواری پر پابندی انسانی حقوق کی خلاف ورزی ہے اور اس سے عوام کو بدترین پریشانی اورمسائل کا سامنا کرنا پڑتا ہے مگر حکمرانوں نے ڈبل سواری کو قیام امن کا لازمی جزو ذریعہ سمجھ لیا ہے اسلئے ہر مذہبی موقع پر ڈبل سواری پر پابندی عائد کردی جاتی ہے مگر اس کے باوجود دہشتگرد اپنا کام کرجاتے ہیںاسلئے ڈبل سواری پر پابندی عائد کرنے کے علاوہ سیکورٹی امور کو مزید بہتر بنایا جائے اور چہلم امام حسین کے موقع پر عوام کو فول پروف سیکورٹی فراہم کرکے پاکستان دشمنوں ‘ عوام دشمنوں اور امن دشمنوں کے نا پاک ارادوں کو خاک میں ملایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نیب کرپشن کو ختم نہیں کررہابلکہ فروغ دے رہا ہے ‘ راجونی اتحاد
نیب کے تمام سفارشی اور رشوت خور افسران کو فارغ کردینا ہی قومی مفاد میں ہے‘ عمران چنگیزی
قابل احتساب لوگوں پر دوسروں کے احتساب کی ذمہ داری چور کو کوتوالی دینے کے مترادف ہے
کراچی ( اسٹاف رپورٹر ) کرپشن کیلئے قائم کردہ ادارہ نیب بدعنوانی میں ملوث لوگوں کو پکڑتو لیتا ہے مگر لوٹی گئی قومی دولت کے معمولی سے حصے کی وصولی کے بعد ان کرپٹ عناصر کو نیب کی جانب سے ملنے والی کلین چٹ مزید لوٹ مار کا لائسنس ثابت ہورہی ہے جس کی وجہ سے کرپشن کا خاتمہ ممکن دکھائی نہیں دے رہا اور نیب اپنے قیام کی افادیت سے محروم دکھائی دے رہا ہے ۔ پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے سپریم کورٹ کی جانب سے نیب کو ڈیپو ٹیشن پر بھرتی کئے جانے والے افسران کو فارغ کرنے کی ہدایت کو عدلیہ کا راست اقدام قرار دیتے ہوئے کہا کہ نیب کی ہدایت نے کرپشن میں ملوث افراد کو حصہ وصولی کے بعد کلین چٹ یعنی مزید لوٹ مار کا لائسنس دینے پر قدغن لگادی ہے جبکہ کرپشن کے خاتمے کے نام پر کرپشن کا بازار گرم کرنے کیلئے سفارش و حکومتی سرپرستی کے ذریعے نیب میں آنے والوں سے نجات کیلئے نیب کو مناسب آپشن دیا ہے جس کی تعمیل نہیں کی گئی تو پھر عدالت کو خود اس معاملے کو ہینڈل کرنا ہوگا کیونکہ قابل احتساب لوگوں پر دوسروں کے احتساب کی ذمہ داری چور کو کوتوالی دینے کے مترادف ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاک فوج نے برتری کا خود ساختہ بھارتی احساس بکھیر دیا ہے ‘ سولنگی اتحاد
فوج دفاع وطن کیلئے مستعد ہے اور سرحدی جارحیت کیخلاف بھارت کو بھرپور جواب دے رہی ہے
پاکستان کو اندر سے نقصان پہنچانے کی بھارتی سازشوں کا بھی بھرپور جواب دینے کی ضرورت ہے
کراچی ( اسٹاف رپورٹر )پاکستان کیخلاف بڑھتی ہوئی بھارتی ریشہ دوانیوں ‘ سازشوں اور سرحدی جارحیت کاافواج پاکستان کی جانب سے بھرپور جواب دیا جارہا ہے مگر کنٹرول لائن کی خلاف ورزیوں کے ذریعے پاکستانی فوجیوں اور معصوم شہریوں کو شہید کرنے والا بھارت پاکستان کی جوابی کاروائی سے اپنے فوجیوں کی ہلاکت پر خاموش ہے کیونکہ جارحیت کیخلاف پاکستانی افواج کی جوابی کاروائیوں سے بھارتی فوجیوں کی ہلاکت کا اعتراف بھارتی عوام میں مودی حکومت کیلئے منفی جذبات اور اشتعال باعث بن جائے گا اور بھارتی برتری کا خود ساختہ احساس بھی بکھر جائے گا ۔پاکستان سولنگی اتحاد کے سینئر رہنما امیر علی سولنگی ‘ ملک نذیر سولنگی ‘ معین سولنگی ‘ عمر سولنگی ‘غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ نعمت اللہ سولنگی ‘ صالح سولنگی ‘ ڈاکٹر قدیر سولنگی و دیگر نے کہا کہ پاک فوج ایل او سی پر دفاع وطن کا بھرپور کردار ادا کر رہی ہے اور بھارت کو مو ¿ثر و فوری جواب کے ذریعے چھٹی کا دودھ یاد دلارہی ہے تاہم دشمن سرحد کے اندر بھی پاکستان کو نقصان پہنچانے کی کوشش کر رہا ہے اسلئے اس کو یہاں بھی مزید بھرپور طریقے سے جواب دینے کی ضرورت ہے۔