کراچی کی خبریں 26/3/2016

Civil Defence Group

Civil Defence Group

بھارت کیخلاف عالمی عدالت میں مقدمہ دائر کیا جائے ‘ ایم آر پی
کلبھوشن یادیو کی گرفتاری پاکستان کی سلامتی کیخلاف بھارتی سازشوں کا ثبوت ہے‘ امیر پٹی
اس معاملے میں تامل حب الوطنی سے انحراف اور قومی سلامتی ومستقبل کیلئے خطرناک ہوگا
کراچی ( اسٹاف رپورٹر )بلوچستان سے ”را“ کے حاضر سروس افسر کل بھوشن یادیو عرف مبارک حسین ‘ عرف حسن بلوچ ‘ عرف امداداللہ کی گرفتاری پر اظہار تشویش کرتے ہوئے محب وطن روشن پاکستان پارٹی کے قائد و چیئرمین امیر پٹی نے حکمرانوں سے مطالبہ کیا ہے کہ بھارت سے دوستی کا راگ الاپنے اور برادرانہ و تجارتی تعلقات کی بحالی کی خواہش پس پشت ڈال کر اس معاملے کو عالمی سطح پر اٹھایا جائے کیونکہ تحقیقاتی اداروں کی تفتیش سے یہ نتائج سامنے آئے ہیں کہ کلبھوشن یادیو نے نہ صرف علیحدگی پسند نذر بلوچ گروپ کو مسلح تربیت فراہم کی ہے بلکہ ایرانی ویزے پر افغانستان کے راستے بلوچستان میں داخل ہونے والا کلبھوشن یادیو بلوچستان اور کراچی کو پاکستان سے علیحدہ کرنے کے منصوبے کی تکمیل کیلئے کام کررہا تھا جو یقینا پاکستان کے استحکام و سلامتی کیخلاف بھارتی سازش ہے جس کیخلاف پاکستان کو عالمی عدالت میں بھی جانا چاہئے اور اس معاملے کو اقوام متحدہ و سلامتی کونسل کے فورم پر بھی اٹھانا چاہئے کیونکہ اس معاملے میں تامل ‘ تاخیراور پس وپیش کا اظہار قومی حمیت ‘ حب الوطنی ‘ فرض شناسی سے انحراف اور قومی سلامتی و محفوظ مستقبل کیلئے خطرناک ثابت ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شکست کی ہیٹ ٹرک پر قومی کرکٹ ٹیم کو گجراتی قومی موومنٹ کی مبارکباد
ذلت آمیزشکست کا تسلسل ثبوت ہےکہ عزت و فتح کے ریکارڈ زکھلاڑیوں کی فطرت میں نہیں ہیں
قوم سوچ رہی ہے ”را “کو صرف دہشتگردوں تک ہی نہیں بلکہ کئی اور شعبوں تک رسائی ہوچکی ہے
کراچی ( اسٹاف رپورٹر )بھارت اور نیوزی لینڈ کے بعد آسٹریلیا کے ہاتھوں ورلڈ ٹی ٹوئنٹی میں شکست کی ہیٹ ٹرک کی تکمیل اور ٹی ٹوئنٹی ورلڈ کپ سے باہر ہونے پر قومی کرکٹ ٹیم کو مبارکباد پیش کرتے ہوئے گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کہا کہ قومی حمیت سے محروم ‘ سفارش ‘ اقربا پروری ‘ تعصب و لسانیت کی بنیاد پر بننے والی گروپ بندی و گروہ بندی کا شکار پاکستانی کرکٹ ٹیم میں موجودد کھلاڑیوں کے کھیل کو دیکھتے ہوئے قوم کو یہ اندازہ لگالیا ہے ”را“ نے صرف سیاسی و لسانی جماعتوں تک ہی رسائی حاصل نہیں کی ہے بلکہ کئی اور شعبوں تک میں پذیرائی کے حصول کے بعد وہاں بھی اختلافات وانتشار پیدا کرنے میں کامیابی حاصل کرچکی ہے جس کی وجہ سے ورلڈ ٹی ٹوئنٹی میں ٹیم کے کھلاڑیوں نے ملک و قوم کیلئے کھیلنے کی بجائے ملک وقوم کیخلاف کھیل پیش کرکے ذلت آمیز شکست کے جو تاریخی ریکارڈز بنائے ہیں اس پر یقینا وہ مباکرکباد کے مستحق ہیں کیونکہ فتح و عزت کے ریکارڈز قائم کرنا شاید ان کے مقدر میں نہیں ہے یا پھر ان کی فطرت انہیں اس کی اجازت نہیں دے رہی ہے جسکے ذمہ دار صرف کھلاڑی نہیں بلکہ کوچ ‘ٹیم منیجر‘ سلیکشن کمیٹی ‘ چیئرمین اور دوستی کے صلے میں کرکٹ بورڈ کی چیئرمین شپ کرکٹ سے ناواقف ایک متعصب و منافق شخص کو دینے والے وزیراعظم پاکستان بھی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معافی کافی نہیں مصطفی کمال خود کو احتساب کیلئے پیش کریں ‘ راجونی اتحاد
متحدہ پر لگائے ہرالزام میں شریک گناہ مصطفی کمال کی معافی سے گلو خلاصی زیادتی ہوگی‘ امیر سولنگی
مصطفی کمال پر اربوں روپے لندن بھیجنے ‘ چائنا کٹنگ وبھتہ خوروں سے تعلقات کے الزامات ہیں
کراچی ( اسٹاف رپورٹر )عوام کے حقوق کی جنگ لڑنے سے پہلے اپنے دامن پر لگے داغ دھونے کیلئے مصطفی کمال کو خود کو احتساب کیلئے پیش کرنا چاہئے ۔ پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی ودیگر نے حیدرآباد میں مصطفی کمال کی پریس کانفرنس پر تبصرہ کرتے ہوئے کہا کہ پاک سرزمین کے نام سے نئی سیاسی جماعت کی بنیاد رکھنے والے مصطفی کمال کو اس کا آئینی حق حاصل ہے مگر متحدہ پر جن جرائم کے الزامات انہوں نے لگائے ہیں ان میں ان کی شراکت کا اعتراف ان کے گنہگار ہونے کی دلیل ہے جبکہ مصطفی کمال پر بطور ناظم کراچی کئی ارب روپے لندن بھیجے اور بھتہ خوروں سے تعلقات کے علاوہ چائنہ کٹنگ سے وابستگی کا بھی الزام بھی ہے اور پولیس اہلکاروں سے دست و گریبان ہونے اور خواتین و صحافیوں کو گالیاں دینے کے حوالے سے بھی وہ خاصے مشہور ہیں اسلئے صرف ایم کیو ایم قیادت کے گناہوں میں شرکت کا اعتراف کرکے عوام سے معافی مانگ لینا کافی نہیں ہے بلکہ مصطفی کمال کو سیاسی پارٹی کی بنیاد رکھنے سے قبل خود کو احتساب کیلئے پیش کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمران کرپشن میں ملوث نہیں تو خود کو احتساب کیلئے پیش کریں ‘ سولنگی اتحاد
دیانتداری کے دعویداروں کے دعوو ¿ں پر عوام کسی بھی طرح یقین کیلئے تیار نہیں ہیں‘ امیر علی سولنگی
فرشتگی کے دعوو ¿ن کی درستگی کے ثبوت کیلئے حکمرانوں کو نیب کو احتسابی آزادی دینی ہوگی‘شبیر سولنگی
کراچی ( اسٹاف رپورٹر ) پاکستان سولنگی اتحاد کے سینئر وبزرگ رہنما امیر سولنگی اور سردار اکرم سولنگی ‘ سردار شبیر سولنگی ‘ سردار راحیل سولنگی ‘ سردار خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی و دیگرنے کہاہے کہ کشکول توڑنے والوں کے قرضوں ‘ حب الوطنی کے دعویداروں کی غداری ‘ عوام دوستی کا راگ الاپنے والوں کی عوام دشمنی اور دیانتدار بننے والوں کی کرپشن عوام کیلئے کھلی حقیقت ہے مگر اس کے باوجود ڈھٹائی سے جھوٹ بولنا اورمنافقت سے خود کو دیانتدار ‘ محب وطن ‘ فرض شناس اور عوام دوست قراردینا سیاست کی پرانی روایت اور حکمران طبقات کاوطیرہ ہے اسلئے دیانتداری کے دعویداروں کے دعووں پر عوام کسی بھی طرح یقین کیلئے تیار نہیں ہیں اسلئے فرشتگی کے دعووں کے ثبوت کیلئے حکمرانوں کو احتسابی محکموں کو مکمل آزادی کے ساتھ کام کی اجازت اور ہر سہولت فراہم کرتے ہوئے خود کو احتساب کیلئے پیش کرنا چاہئے تاکہ عوام کو ان کے دعووں پر یقین کے ساتھ ان کی مخلصی کا اعتراف بھی ہوجائے اور حکومتی نیک نامی میں اضافے کے علاہ نیب کا معتبر ادارہ بھی سرخرو ہوجائے اور کرپشن کے الزامات لگانے والے بھی اپنا سا منہ لیکر رہ جائیں۔