کراچی کی خبریں 17/9/2016

Posted on September 17, 2016 By Mohammad Waseem سٹی نیوز, کراچی

قومی استحکام و ترقی کیلئے جمہوریت کی پائیداری ضروری ہے ‘ ایم آر پی
حکمران و سیاستدان اختیار اقتدار کے مفاداتی طرز عمل سے عوام کو جمہوریت سے بیزار نہ کریں
پاکستان وپاکستانی قوم مزید کسی طالع آزمائی یا محاذ آرائی کے متحمل نہیں ہوسکتے‘ امیر علی پٹی والا
کراچی ( اسٹاف رپورٹر ) عوامی مسائل کا حل جمہوریت کے استحکام و پائیداری میں ہی مضمر ہے مگر جب جمہوریت پر آمرانہ فطرت عوام دشمن دھاندلی کے ذریعے قابض ہوکر حکمران بن جائیں توایسی جمہوریت کو جمہوریت نما آمریت ہی کہا جاسکتا ہے اور جمہوریت نما آمریت ملک و قوم کیلئے فاسق جمہوریت سے زیادہ خطرناک ثابت ہوتی ہے ۔جمہوریت کے عالمی دن کے موقع پر جمہوریت کے تحفظ و فروغ کیلئے عزم کی تجدید کی ضرورت پر زور دیتے ہوئے محب وطن روشن پاکستان پارٹی کے قائد و چیئرمین امیر پٹی نے کہا کہ حکمرانوں سمیت تمام ارباب اختیار و اقتدار ‘ اراکین پارلیمنٹ ‘ سیاسی جماعتوں اور سیاسی قائدین و رہنما ¶ں جمہوری طرز عمل اختیار کرنے کی اپیل کرتے ہوئے کہا کہ حکمران و سیاستدان اقتدار و اختیار کی رسہ کشی کے ذریعے ملک و قوم کیلئے خطرات میں اضافہ کرنے کی بجائے عوام کی خدمت کے ذریعے جمہوریت پر متزلز ل ہوتے ہوئے عوامی اعتماد کو مستحکم کرنے کیلئے اپنا ذمہ دارانہ کردار ادا کریں کیونکہ پاکستان کو لاحق خطرات اور عوام کو درپےش مسائل و مصائب ملک میں مزید کسی طالع آزمائی ‘انتشار یا محاذ آرائی کے متحمل نہیں ہوسکتے اور نہ ہی عوامی ووٹو ں کے ہٹ کر آنے والی کوئی تبدیلی ملک و قوم کے حق میں سودمند ثابت ہوسکتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جونا گڑھ کے معاملہ پر حکومتی بے حسی افسوسناک ہے ‘ جی کیو ایم
سرکاری سطح پر مسئلہ جونا گڑھ کو بھی مسئلہ کشمیر کی طرح اہمیت و فوقیت دی جائے ‘ امیر پٹی ‘ اقبال چاند
مسئلہ کشمیر کی طرح جونا گڑھ کے مسئلے کو بھی عالمی سطح اور اقوام متحدہ میںبھرپور انداز سے اٹھایا جائے
کراچی ( اسٹاف رپورٹر )جونا گڑھ پاکستان کا آئینی حصہ ہے کیونکہ تقسیم برصغیر کے وقت جونا گڑھ کے حکمرانوں و عوام نے پاکستان سے الحاق کا اعلان کیا اوربانی و گورنر جنرل پاکستان نے قائد اعظم محمد علی جناح نے جونا گڑھ کے نواب مہابت خان کے ساتھ جونا گڑھ کے پاکستان سے الحاق کے معاہدے پر سائن کرکے جونا گڑھ کو پاکستان کے آئینی حصہ کی حیثیت دی یہی وجہ ہے کہ آئین پاکستان میں جونا گڑھ سے تعلق رکھنے والوں کیلئے خصوی مراعات و حقوق مختص کئے گئے ہیں مگر افسوس کہ سیاسی منافقت و بے حسی کے باعث قائد اعظم کی خواہش و معاہدے کے تحت جونا گڑھ کے پاکستان سے الحاق کو یقینی بنانے کیلئے کوئی سنجیدہ کوشش نہیں کی گئی اور پاکستان کا آئینی حصہ جونا گڑھ آج بھی بھارتی جبری تسلط کا شکار ہے جبکہ جونا گڑھ کے معاملے پر حکومتی بے حسی پوری پاکستانی قوم کیلئے افسوسناک و شرم انگیز ہے ۔ گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے یوم الحا ق جونا گڑھ کے موقع پر فرزند جونا گڑھ اقبال چاند اور خان آف بدھوڑہ یحییٰ خانجی تنولی کے ہمراہ پریس کانفرنس میں 15ستمبرکو یوم الحا ق جونا گڑھ اور 9نومبر کو یوم سقوط جونا گڑھ سرکاری سطح پر منانے کے ساتھ حکومت پاکستان سے مسئلہ کشمیر کی طرح مسئلہ جونا گڑھ کو بھی ترجیح دینے اور اس کے حل کیلئے عالمی برادری و اقوام متحدہ پر دبا ¶ ڈالنے کا مطالبہ کرتے ہوئے کہا کہ جونا گڑھ کے پاکستان سے الحاق اور جونا گڑھ کمیونٹی کے مسائل کے حل و آئینی حقوق کے حصول کیلئے کمیونٹی کا اتحاد اور منافقوں و مفاد پرستوں کے محاسبہ کا عزم و اظہار ضروری ہے کیونکہ جونا گڑھ اور اس سے تعلق رکھنے والی عوام کے نام پر مراعات و مفادات پانے والوں کی منافقت کے باعث جونا گڑھ سے تعلق رکھنے والے محب وطن پاکستانیوں پر مشتمل تمام برادریاں آج تک اپنے آئینی حقوق سے محروم ہیں!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرپشن قومی خود مختاری و سلامتی کیلئے خطرہ بن چکی ہے ‘ راجونی اتحاد
احتساب کی راہ میں رکاوٹیں کھڑی کرنیوالوں کے قبلے کی درستگی عدلیہ کا کام ہے‘ اقبال چاند
ر عدلیہ کی ذمہ داری کی ادائیگی کیلئے ماحول یقینی و سازگار بنانا محافظان پاکستان کا فریضہ ہے
کراچی ( اسٹاف رپورٹر ) پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کہا کہ کرپشن و کمیشن کی لعنت اور کرپشن کیخلاف شفاف احتساب سے حکمرانوں کا انکار قوم کے ہر فرد کی زندگی کیلئے خطرہ بن چکا ہے کیونکہ کرپشن نے نہ صرف عوام سے بنیادی سہولیات اور خوشحال زندگی گزارنے کا حق چھین لیا ہے بلکہ یہ قومی خود مختاری و سلامتی کیلئے بھی خطرہ بن چکی ہے اسلئے کرپشن کا خاتمہ اور ہر ایک کا شفاف و غیر جانبدارانہ احتساب ناگزیر ہوچکا ہے اور اگر حکمران احتساب کی راہ میں رکاوٹیں کھڑی کررہے ہیں تو پھر ان کے قبلے کی درستگی عدلیہ کا کام ہے اور عدلیہ کی ذمہ داری کی ادائیگی کیلئے ماحول یقینی و سازگار بنانا محافظان پاکستان کا فریضہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دہشتگردی سے نجات اقوام متحدہ کے خاتمہ سے مشروط ہے‘ سولنگی اتحاد
سامراجی اقوام متحدہ کی جانبداری کے مضمرات سے تحفظ کیلئے مسلم اقوام متحدہ کا قیام ناگزیر ہے
کشمیر میں بھارتی مظالم پر عالمی قوتوں کی خاموشی بے حسی و اسلام دشمنی کی دلیل ہے ‘ امیر علی سولنگی
کراچی ( اسٹاف رپورٹر ) دنیا کی مظلوم اقوام پر مظالم پر خاموش تماشائی اقوام متحدہ اسرائیلی وامریکی مفادات کی نگہبان اور سامراج کی گماشتہ ہے اسلئے اقوام متحدہ سے نجات پائے بغیر نہ تو دنیا سے دہشتگردی کا خاتمہ ممکن ہے اور نہ ہی مظلوم اقوام کو طاقتور سامراجی ممالک کے مظالم سے محفوظ بنایا جاسکتا ہے کیونکہ امریکہ و اسرائیل سمیت تمام سامراجی ممالک اقوام متحدہ کی مدد سے مسلم ریاستوں اور ان کے عوام کو بتدریج اپنا محکوم و غلام بنارہے ہیں اس لئے اب وقت آگیا ہے کہ مسلم ریاستیں سامراجی اقوام متحدہ کی جانبداری کے مضمرات سے تحفظ کیلئے مسلم اقوام متحدہ کی بنیاد ڈالیں‘ پاکستان سولنگی اتحاد کے سینئر و بزرگ رہنما امیرعلی سولنگی ‘ پنجاب کے صوبائی صدر ملک نذیر سولنگی‘ سولنگی اتحاد کے سینئر رہنما ¶ں وعمائدین معین سولنگی ‘ عمر سولنگی ‘غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی اور انچارج میڈیا سیل نعمت اللہ سولنگی ودیگر نے کشمیر میں جاری بھارتی مظالم اور عید الاضحی کے موقع پر کشمیریوں کو نماز عید سے روکے جانے کی مذمت کرتے ہوئے کہا کہ بھارتی مظالم پر خاموشی عالمی قوتوں کے بے حسی اور بھارت نوازی کے ذریعے دنیا سے اسلام کو مٹانے کی سازشوں کی دلیل ہے!