کراچی کی خبریں 13/6/2016

Posted on June 13, 2016 By Mohammad Waseem سٹی نیوز, کراچی

اوبامہ دنیا کے محفوظ و پرامن مستقبل کیلئے خطرہ بن چکے ہیں ‘ ایم آر پی
امریکی صدر بھارتی حمایت کے ذریعے جنونیت پرستی اور جارحانہ پالیسی کو فروغ دے رہے ہیں
مہذب دنیا بالخصوص امریکی قوم کو بارک اوبامہ کی ناعاقبت اندیشی کیخلاف احتجاج کرنا چاہے
کراچی (اسٹاف رپورٹر) نیو کلیئر سپلائرز گروپ میں بھارتی شمولیت کی امریکی حمایت کو دنیا کے محفوظ و پر امن مستقبل کیلئے خطرناک قرار دیتے ہوئے محب وطن روشن پاکستان پارٹی کے قائد و چیئرمین امیر پٹی نے کہا ہے کہ بھارتی سرپرستی کے ذریعے امریکہ صرف ایشیاءکے علاقائی امن سے ہی نہیں کھیل رہا ہے بلکہ پوری دنیا کیلئے تیسری عالمی وایٹمی جنگ کے خطرات بھی بورہا ہے حالانکہ امریکی کانگریس کے بعد ہیومن رائٹس واچ بھی اپنی رپورٹ میں بھارتی حمایت و سرپرستی کیخلاف امریکہ کو یہ باور کرارہی ہے کہ بھارت جنونیوں پر مشتمل ایسا ملک ہے جہاں انسانی حقوق اور مذہبی و سماجی آزادی کی صورتحال انتہائی ابتر ہے مگراس کے باوجود بھارتی وزیراعظم نریندر مودی نے امریکی صدر بارک اوبامہ کو نجانے وہ کون سی گیدڑ سنگھی سنگھائی ہے کہ وہ دنیا کے تمام حقائق اور رپورٹس نظر انداز کرکے بھارت پر نوازشات ‘ مہربانیاں ‘ بھارتی حمایت اور بھارت سے معاہدات کرکے دنیا کے امن و مستقبل کیلئے خطرات پیدا کررہے ہیں کیونکہ امریکی حمایت کے حصول کے بعد اب پاکستان ‘ افغانستان ‘ ایران ‘ برما ‘ بنگلہ دیش اور دیگر ممالک کیخلاف بھارتی جارحیت اور اندرونی مداخلت کے ساتھ کشمیر یوں پر ریاستی مظالم بھی بڑھ جائینگے جو پاکستان و بھارت ایٹمی جنگ کا باعث بن کرپوری دنیا کو اپنی لپیٹ میں لینے کا باعث بنے گا اسلئے مہذب دنیا اور بالخصوص امریکی قوم کو بارک اوبامہ کی ناعاقبت اندیشی کیخلاف احتجاج کرنا چاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرپشن ختم ہوجائے توہر بجٹ عوامی بجٹ ثابت ہوسکتا ہے ‘ جی کیو ایم
عوام کیلئے مصائب و تکالیف بجٹ نہیں بلکہ کرپشن ‘ کمیشن ‘ لوٹمار اور حکمرانوں کا کردار و عمل پیدا کرتا ہے
بجٹ کو کرپشن و کمیشن اور کاغذی منصوبوں سے بچاکر ہی اسے عوامی بجٹ بنایا جاسکتا ہے ‘ گجراتی سرکار
کراچی ( اسٹاف رپورٹر ) حکومت سندھ کی جانب سے مالی سال2016-17کیلئے پیش کردہ 8سو 70کھرب کے بجٹ پر تبصرہ کرتے ہوئے گجراتی قومی موومنٹ کے سربراہ گجراتی سرکار امیر سولنگی عرف پٹی والاالمعروف سورٹھ ویر نے کہا کہ سندھ حکومت کی جانب سے ٹیکس فری قرار دیاجانے والا صوبائی بجٹ گو روایتی بجٹ ہے لیکن اگر حکمران طبقہ ‘ سندھ حکومت اور بیوروکریسی اپنے اعمال و کردار کی اصلاح کرتے ہوئے لوٹمار اور کرپشن و کمیشن کی روایات سے مبرا وپاک ہوکر دیانتداری و نیک نیتی سے اپنے فرائض انجام دیں تو یقینا پیش کردہ بجٹ سے بھی سندھ میں خاصی ترقی بھی ممکن ہے اور عوامی مسائل حل کرکے انہیں ریلیف بھی فراہم کیا جاسکتا ہے لیکن اگر سابقہ کردار اور روایات کو دہراتے ہوئے کاغذی منصوبوں ‘ کرپشن ‘ کمیشن اور لوٹمار کی روایت برقرار رکھی گئی تو سندھ حکومت کا موجودہ بجٹ بھی سابقہ بجٹس کی طرح عوام دشمن اور سندھ کے پر امن مستقبل کیلئے خطرناک ثابت ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمرانوں کی ہوسناک پالیسی پاکستان کو دنیا میں تنہا کررہی ہے‘ راجونی اتحاد
امریکہ دہشتگردی کی جنگ میں ہماری قربانیاں کردار کو نظر انداز کرکے ہم سے جان چھڑا رہا ہے‘ اقبال ٹائیگر
بھارت ایران و افغانستان کوکامیابی سے ہمارے خلاف استعمال کررہا ہے‘ عمران چنگیزی‘ امیرعلی خواجہ
کراچی ( اسٹاف رپورٹر ) پاکستان کیلئے NSGرکنیت کیلئے اپنا کیس خود پیش کرنے کی امریکی ہدایت اور بھارت کیلئے مکمل حمایت کے اعلان کو افسوسناک قرار دیتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ‘ خان آف بدھوڑہ یحییٰ خانجی تنولی‘ عمرا ن چنگیزی و دیگرنے کہا کہ امریکہ کاسہ لیسی کی ناکام خارجہ پالیسی اور حکمرانوں ہوس زر پالیسی نے آج ہمیں اس مقام تک پہنچادیا ہے کہ بھارت ایران اور افغانستان کو ہمارے خلاف استعمال کرنے میں کامیابی حاصل کررہا ہے ‘ امریکہ دہشتگردی کی جنگ میں ہماری قربانیوں و کردار کو نظر انداز کرکے ہم سے جان چھڑا رہا ہے اور سعودی تعاو ن بھی کم ہوتا جارہا ہے اور صرف چین کے علاوہ ہمیں دنیا کسی اور ملک کا مضبوط تعاون حاصل نہیں ہے جو ہماری خارجہ پالیسی میں تبدیلی کا متقاضی اور کرپشن و دھاندلی زدہ حکمرانوں کی ناکامی کا ثبوت اور مزید اقتدار میں رہنے سے پاکستان کے مستقبل کیلئے خطرات کا حامل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریاستی طاقت سے سولنگی برادری کو کچلنا بندکیا جائے ‘ سولنگی اتحاد
محمد اسلم سولنگی کا پولیس کے ہاتھوں قتل اور مقدمہ کے اندراج سے انکار بربریت کی علامت ہے
انصاف فراہم نہ کیا گیا تو سولنگی اتحاد سندھ بھر میںا حتجاجی تحریک چلانے پر مجبور ہوگا ‘ امیر علی سولنگی
کراچی ( اسٹاف رپورٹر)پاکستان سولنگی اتحاد کے سینئر و بزرگ رہنما امیر سولنگی نے صوبائی و ضلعی رہنما سردار شبیر سولنگی ‘ سردار اکرم سولنگی ‘ سردار راحیل سولنگی ‘ سردارخادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی ‘ عابد سولنگی ‘ ندیم سولنگی ‘ عباس سولنگی ودیگر ہمراہ نوابشاہ پریس کلب کے سامنے بھوک ہڑتال و احتجاجی مظاہرہ کرنے والے مقتول محمد اسلم سولنگی کے لواحقین غلام شبیر سولنگی ‘ محمد سلیم سولنگی ‘ حاجی محمد صدیق سولنگی و دیگرسے ملاقات کی اور انہیں اپنے بھرپور تعاون کا یقین دلاتے ہوئے اظہار یکجہتی کیا ۔اس موقع پر امیر سولنگی نے ضلع نوابشاہ کی تحصیل مورو کے علاقے شاہپور جہانیاں کے گا ¶ں میں4جون کو نوابشاہ اور قاضی احمد پولیس کی چڑھائی اور بیگناہ و معصوم محمد اسلم سولنگی کی بلا وجہ گرفتاری اور بعد ازاں جھوٹے پولیس مقابلے میں اسے ہلاک کرکے اسے ڈاکو ثابت کرنے کی پولیس کوشش اور نوابشاہ پولیس کی جانب سے محمد اسلم سولنگی کے قتل کا مقدمہ درج کرنے سے انکار اور لواحقین کو ڈرادھمکاکر پولیس مظالم کیخلاف آواز اٹھانے سے روکنے کی سازش کو سولنگی برادری کیخلاف ریاستی جبر اور طاغوتی ہتھکنڈے قرار دیتے ہوئے آرمی چیف ‘ ڈی جی رینجرز ‘ صدر ‘ وزیراعظم ‘چیف جسٹس سپریم کورٹ ‘ چیف جسٹس ہائی کورٹ ‘ گورنر سندھ ‘ وزیراعلیٰ سندھ اور آئی جی سندھ سے واقعہ کا نوٹس لیکر محمد اسلم سولنگی کے قاتلوں کو کیفر کردارتک پہنچانے اور لواحقین کو انصاف کی فراہمی کا مطالبہ کیا اور کہا کہ اگر تین روز میں محمد اسلم سولنگی کے قتل کا مقدمہ نوابشاہ پولیس و قاضی احمد پولیس کیخلاف درج نہیں کیا گیا تو پاکستان سولنگی اتحاداپنی برادری کے حقوق کیلئے لائحہ عمل مرتب کرنے اور پولیس و حکومت مخالف تحریک چلانے پر مجبور ہوجائیگا۔