کراچی کی خبریں 26/9/2016

Taqreeb Yekjehatti

Taqreeb Yekjehatti

روس سے معاشی و عسکری تعلقات پاکستان کے مفاد میں ہیں ‘ ایم آر پی
پاک روس مشترکہ جنگی مشقوں کا آغاز بروقت وعصری تقاضوں کے عین مطابق ہے‘ امیر علی پٹی والا
پاکستان روس مشترکہ جنگی مشقوں نے پاکستان کو تنہا کرنے کی بھارتی خواہشات پر پانی پھیر دیا ہے
کراچی (اسٹاف رپورٹر) پاکستان و روس کی زمینی افواج کے مابین جنگی مشقوں کے آغاز کو بروقت عصری تقاضوں کی تکمیل و دانشمندی قرار دیتے ہوئے محب وطن روشن پاکستان پارٹی کے قائد و چیئرمین امیر پٹی نے کہا کہ ماضی کی قیادتوں نے امریکہ سے دوستی و تعلقات کی جو غلطی کی تھی اس کا خمیازہ پاکستان امریکی بھارت نوازی اور پاکستان سے ڈومور کے تقاضوں کی صورت بھگت رہا ہے جبکہ بھارتی ‘ اسرائیلی و امریکی کردار اوربھارت کو خطے میں چوہدری بنانے کے سامراجی قوتوں کے اقدامات اس بات کے متقاضی ہیں کہ پاکستان روس ‘ چین اور ایران سمیت خطے کے دیگر ممالک سے فوجی و اقتصادی تعلقات بڑھائے اور پاک روس جنگی مشقوں کا آغاز یقینا بھارتی جارحانہ عزائم کو نکیل ڈالنے کیساتھ عسکری تعاون کے نئے راستے بھی کھولے گا جبکہ ان مشقوں کے آغاز سے پاکستان کو دنیا میں تنہا کرنے کی بھارتی خواہش پر بھی پانی پھرگیا ہے ۔ امیر پٹی نے مزید کہا کہ پاکستان اور روس کے درمیان سفارتی اور معاشی تعلقات میں گرم جوشی کے بعد اب فوجی تعلقات میں بھی یہ ایک اہم اور مثبت موڑ ہے جو یقینا پاکستان کے مفاد میں اور بھارتی خواہشات و تصورات کیخلاف ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر وجوناگڑھ کی آزادی کیلئے پاک فوج کیساتھ ہیں ‘ جونا گڑھ کمیونٹی
جونا گڑھ وکشمیر کی بھارتی تسلط سے آزادی پاکستان کے محفوظ مستقبل کی ضامن ہے‘ سورٹھ ویر
جونا گڑھ کمیونٹی متحد ہے ‘ کشمیر کے ساتھ جونا گڑھ کو بھی بھارتی قید سے آزاد کرائے گی‘ اقبال چاند
کراچی ( اسٹاف رپورٹر ) گجراتی سرکار امیر سولنگی عرف پٹی والا المعروف سورٹھ ویر ‘ فرزند جونا گڑھ اقبال چاند ‘ روبینہ شاہین‘ یحییٰ خانجی تنولی ‘ سلیمان پڈھیار ‘ خاتون کونسلر شمع کلثوم ‘روزینہ خان روزی ‘ علی مراد‘منظور سولنگی ‘ مصطفی خان ‘ سلیم لودھی ‘ حنیف خلیفہ ‘ لبنیٰ غزل ‘ صدیق زری والا‘ معین باپو ‘ اسلم ترک ‘ غلام حسین کچھی ‘ وہاب کھتری ‘ نور محمد غازی ‘ حاجی رزاق ہنگورہ ‘ تاج حنفی ‘ زبیدہ آپا ‘ صبا بانو ‘ محمدانور ‘ فرہان قادری ‘ صالح محمد ‘ زاہد سایانی ‘ نفیس احمد ‘ امین کچھی اور ڈاکٹر شام لال و دیگر نےگجراتی قومی موومنٹ ‘ جونا گڑھ اسٹیٹ مسلم فیڈریشن اور جونا گڑھ والنٹیئرکور کے اشتراک سے فرزند جونا گڑھ اقبال چاند ‘ خان آف بدھوڑہ یحییٰ خانجی تنولی وروبینہ شاہین کی میزبانی اور اقبال ٹائیگر کی نظامت میں منائے جانے والے ”یوم یکجہتی جونا گڑھ “ کی تقریب سے خطاب کرتے ہوئے کہا کہ بھارت کشمیر میں مظالم بند کرے اور کشمیر کے علاوہ جونا گڑھ کو بھی پاکستان کے حوالے کرنے کی تیاری کرلے کیونکہ جونا گڑھ کمیونٹی متحدہوچکی ہے اورآج سے جونا گڑھ و کشمیر کی بھارتی تسلط سے آزادی و پاکستان سے الحاق کی جدوجہد کا آغاز کررہی ہے اور انشاءاللہ اس جدوجہد کو ہر صورت منطقی انجام تک پہنچایا جائے گا ۔تقریب میں جونا گڑھ سے تعلق رکھنے والی میمن ‘ کاٹھیاواڑی ‘ گجراتی ‘ کتھری ‘ بوہری ‘ اسماعیلی ‘ بلوچ ‘ پٹھان و دیگر برادریوں کی نمائندہ جماعتوں کے عہدیداران اور عوام نے بڑی تعداد میں شرکت کی ۔ تقریب کے شرکاءسے خطاب کرتے ہوئے مقررین نے کہا کہ جونا گڑھ پاکستان کا پانچواں صوبہ اور آئینی حصہ ہے اسلئے اس پر بھارتی قبضہ کیخلاف پاکستان کی خاموشی افسوسناک و شرمناک ہے جبکہ جونا گڑھ سے تعلق رکھنے والوں کی آئینی حقوق سے محرومی ظلم کے مترادف ہے ‘ حکومت و حکمران طبقہ کشمیر کی طرح جونا گڑھ کے معاملے کو بھی اہمیت دے اور اقوام متحدہ پر جونا گڑھ کے معاملے کے حل کیلئے بھی دبا ¶ ڈالتے ہوئے جونا گڑھ کو بھارتی قید سے چھڑاکر اس کا پاکستان سے الحاق یقینی بنانے کیلئے سرکاری و ریاستی سطح پر مثبت و ترجیحی اقدامات کئے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت جنگ‘ بد امنی وبربادی کا آتش فشاں دہکانا چاہتا ہے ‘ راجونی اتحاد
بھارتی جارحیت کیخلاف قوم فوج کیساتھ اور بھارت کو منہ توڑ جواب دینے کیلئے تیار ہے ‘اقبال ٹائیگر
قوم وفوج کے حوصلے بلند ہیں ‘ بھارت کو1965ءسے زیادہ عبرتناک شکست دینگے ‘ عمران چنگیزی
کراچی ( اسٹاف رپورٹر )پاک فوج کو ہمیشہ کی طرح آج بھی قوم کی مکمل حمایت حاصل ہے اور قوم ممکنہ بھارتی جارحیت کیخلاف پاک فوج کیساتھ مل کر بھارت کو منہ توڑ جواب دینے کیلئے متحد ہے ۔پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے بھارتی جنونیت اور جنگی اقدامات کی مذمت کرتے ہوئے کہا ہے کہ پاکستان کی امن پرستی اور پڑوسیوں و دنیا کیساتھ بہتر و مثالی تعلقات کی خواہش و قابل قدر کردار کے باجود بھارت کا جنگی جنون ختم ہونے میں نہیں آرہا ہے اور اس نے خطے میں جنگ مسلط کرنے کی تیاریاں شروع کرہی دی ہیں تو یہ بات جان اور سمجھ لے کہ پاکستانی فوج اور قوم بھی بھارت کو 1965ءسے زیادہ عبرتناک اور ذلت آمیز شکست دینے کیلئے تیار ‘ متحد‘ یکجا اور عزم و حوصلے سے سرشار ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زرعی شعبے میں معاہدوں سے ملک اناج میں خودکفیل ہو گا ‘سولنگی اتحاد
زراعت کی ترقی و آبی وسائل کی بہتری کیلئے پنجاب حکومت و عالمی بنک معاہدہ مثبت اقدام ہے
معاہدوں کو کرپشن سے بچایا جائے اورایسے معاہدوں کیلئے دیگر صوبوں کی بھی رہنمائی کی جائے
کراچی ( اسٹاف رپورٹر ) پاکستان ایک زرعی ملک ہے مگر ذراعت کی نظر اندازی اور سرکاری و حکومتی کرپشن سے پہنچنے والے نقصانات کے اثرات نے دیگر تمام شعبوں کی طرح ذراعت کو بھی بھرپور نقصان پہنچایا ہے جس کی وجہ سے ہمیں سبزیاں، فروٹ اور گوشت تک درآمد کرنا پڑرہا ہے جس کی وجہ سے مہنگائی بڑھتی ہی جارہی ہے ۔پاکستان سولنگی اتحاد کے سینئر و بزرگ رہنما امیرعلی سولنگی ‘ پنجاب کے صوبائی صدر ملک نذیر سولنگی‘ معین سولنگی ‘ عمر سولنگی ‘غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی اور نعمت اللہ سولنگی ودیگر نے پنجاب حکومت اور عالمی بنک کے مابین زراعت کی ترقی اور زرعی معیشت کے استحکام کیلئے آبی وسائل کی بہتری اور تعاون کیلئے ایک معاہدے کو مثبت پیشرفت قرار دیتے ہوئے کہا کہ زرعی شعبے میں معاہدوں سے ملک اناج میں خودکفیل ہو گااسلئے حکومت اس قسم کے معاہدوں کو پنجاب تک محدود رکھنے کی بجائے دیگر صوبوں کی اس سلسلے میں رہنمائی کرے اور ایسے معاہدوں کو کرپشن سے محفوظ رکھنے اور ان کی بروقت تکمیل کے بھی مو ¿ثر اقدامات کرے۔