کراچی کی خبریں 23/6/2016

Posted on June 23, 2016 By Mohammad Waseem سٹی نیوز, کراچی

دنیا کو پاکستان و افواج پاکستان کی بھرپور حمایت کرنی ہوگی ‘ ایم آر پی
آپریشن ضرب عضب کی کامیابی دہشتگردی کیخلاف جنگ کی کامیابی ہے‘ امیرعلی پٹی ‘ سلیمان راجپوت
دہشتگردی کیخلاف جنگ کی کامیابی دنیا کے تمام ممالک و عوام کے محفوظ وپر امن مستقبل کی ضمانت ہے
کراچی (اسٹاف رپورٹر) اس بات میں کوئی شک نہیں کہ افواج پاکستان نے آپریشن ضرب عضب کے ذریعے دہشتگردوں کی کمر توڑ دی ہے اور پاکستان کو دہشتگردی کے خطرے سے بڑی حد تک محفوظ بنانے کے ساتھ دنیا کو محفوظ بنانے میں بھی انتہائی اہم کردار ادا کیا ہے جس کیلئے افواج پاکستان اور بالخصوص سربراہ افواج پاکستان جنرل راحیل شریف خراج تحسین کے مستحق ہیں ۔ محب وطن روشن پاکستان پارٹی کے قائد و چیئرمین امیر پٹی صدر محمد سلیمان راجپوت اور انفارمیشن سیکریٹری عمران چنگیزی نے میڈیا سے گفتگو کرتے ہوئے کہا کہ پاکستان ‘ افواج پاکستان اور عوام پاکستان نے دہشتگردی کیخلاف جنگ میں نہ صرف سب سے اہم کردار ادا کیا ہے بلکہ سب سے زیادہ قربانیاں بھی دی ہیں جن کا دنیا کو ادراک بھی ہے اور وہ اس کا اعتراف بھی کررہی ہے مگر محض اعتراف سے دہشتگردی کے خطرے کو ہمیشہ کیلئے مٹایا نہیں جاسکتا اس کیلئے ضروری ہے کہ دنیا پاکستان اور افواج پاکستان کی بھرپور حمایت کرے اور افواج پاکستان کا ہر طرح سے ساتھ دیتے ہوئے ہمہ اقسام وسائل و سہولیات کی فراہمی یقینی بنائے کیونکہ آپریشن ضرب عضب کی کامیابی دہشتگردی کیخلاف جنگ کی کامیابی ہے اور دہشتگردی کیخلاف جنگ کی کامیابی دنیا کے تمام ممالک و عوام کے محفوظ وپر امن مستقبل کی ضمانت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امجد صابری قتل نے کراچی آپریشن کامیابی کا پول کھول دیا ہے ‘جی کیو ایم
اویس شا ہ کے اغوا ¿ اور امجد صابری کے قتل سے عوامی تحفظ کے دعووں کی قلعی کھل گئی ہے‘ گجراتی سرکار
امن دشمن امن قائم کرنے کے دعویداروں سے زیادہ منظم وفعال ثابت ہورہے ہیں‘ نوابزادہ غلام محمد
کراچی ( اسٹاف رپورٹر )ملک کے ممتاز و مایہ ناز قوال و نعت خواں امجد صابری کے قتل پر اظہار تشویش و مذمت کرتے ہوئے ہزہائی نیس نواب مہابت خان کے نواسے وجونا گڑھ اسٹیٹ مسلم فیڈریشن کے چیف پیٹرن نوابزادہ غلام محمد خان‘ نواب آف جونا گڑھ ہز ہائی نیس نواب مہابت خان رائل فیملی فا ¶نڈیشن وٹرسٹ کی چیئر پرسن بیگم شاہ بانو‘ گجراتی قومی موومنٹ کے سربراہ و جونا گڑھ اسٹیٹ مسلم فیڈریشن کے الیکشن کمشنر امیرپٹی نے اپنے مشترکہ بیان میں کہا ہے کہ دن دہاڑے لیاقت آباد میں مسلح موٹر سائیکل سواروں کی فائرنگ سے معروف قوال و نعت خواں امجد صابری کی ہلاکت نہ صرف سیکورٹی اداروں کی جانب سے کراچی آپریشن کی کامیابی کے دعووں کی نفی ہے بلکہ عوام کو تحفظ کی فراہمی کے متعلقہ محکموں کے دعووں کی قلعی کھولنے کیلئے بھی کافی ہے اور حکومتی ناکامی کو بھی ثابت کررہی ہے پہلے دن دہاڑے چیف جسٹس سندھ ہائیکورٹ کے صاحبزادے کا اغوا ¿ اور پھر امجد صابری کا قتل اس بات کا ثبوت ہے کہ امن دشمن امن قائم کرنے کے دعویداروں سے زیادہ منظم وفعال ہیں اور انہیں مقتدر حلقوں کی حمایت و سرپرستی بھی حاصل ہے جو یقینا امن ‘ قوم اور ریاست کے مستقبل کیلئے خطرناک علامت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خواتین قیدیوں سے زیادتی استحصالی نظام کی خوبی ہے ‘ راجونی اتحاد
پاکستان دنیا کا وہ واحد اسلامی ملک ہے جو اسلامی آئین ‘ قوانین اورنظام سے محروم ہے‘ اقبال ٹائیگر
پاکستان انگریزوں کے بنائے استحصالی و کلونیل قوانین کے تحت چلایا جارہا ہے‘ عمران خان چنگیزی
کراچی ( اسٹاف رپورٹر ) سینیٹ کی قائمہ کمیٹی میں پاکستانی جیلوں میں مقید خواتین کیساتھ رات کے وقت بد سلوکی کے انکشاف پر تشویش و مذمت کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ‘ خان آف بدھوڑہ یحییٰ خانجی تنولی‘ عمرا ن چنگیزی و دیگرنے کہا کہ پاکستان دنیا کا شاید وہ واحد اسلامی ملک ہے جو اسلامی قوانین ‘ آئین اور نظام سے محروم ہے اور آج بھی انگریزوں کے بنائے ہوئے استحصالی کلونیل لاز کے تحت چلایا جارہا ہے جس کی وجہ سے اس ملک میں شیطانیت عام ہے اور انسانیت تڑپ رہی ہے ۔ راجونی رہنما ¶ں نے مزید کہا کہ صرف جیلوں میں ہی نہیں بلکہ درسگاہوں ‘ اسپتالوں ‘ دفاتر اورتقریباً ہر جگہ ہی خواتین کیساتھ بدسلوکی اور ان کا استحصال عام ہے بلکہ ہر سطح پر مقتدر ‘ طاقتور‘ دولتمند طبقہ عوام سے زیادتی ‘ اس کا استحصال اور اس پر مظالم کررہا ہے اور ذمہ داران بوجوہ خاموش تماشائی کا کردارادا کررہے ہیں کیونکہ استحصالی نظام ظلم و زیادتی کے بناءچل نہیں سکتا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معصوم بچوں سے زیادتی و قتل کا باعث طاقت کا قانون ہے‘ سولنگی اتحاد
سیاسی اجارہ داری ‘ کرپشن و رشوت خوف احتساب ختم کرکے جرائم میں اضافہ کررہی ہے ‘ امیرسولنگی
قوانین پر بلاتفریق عملدرآمد اور کوف سزا سے ہی معاشرہ محفوظ و پر امن بنایا جاسکتا ہے‘ کرم اللہ سولنگی
کراچی ( اسٹاف رپورٹر )پاکستان سولنگی اتحاد کے سینئر و بزرگ رہنما امیر سولنگی ‘ سردار شبیر سولنگی ‘ سردار اکرم سولنگی ‘ سردار راحیل سولنگی ‘ سردارخادم حسین سولنگی‘سندھ کے صوبائی جنرل سیکریٹری ایڈوکیٹ کرم اللہ سولنگی‘ ایڈوکیٹ اقبال سولنگی‘محمد رمضان سولنگی ‘محمد بشیر سولنگی ‘ ارشاد علی سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی و دیگر نے لاہور کے علاقے اسلام پورہ میں سادی کی تقریب سے 5سالہ حسنین اغواءو زیادتی کے بعد قتل اور گوجرانوالہ میں محنت کش کے 4سالہ بچے کے زیادتی کے بعد قتل پر اظہار افسوس و مذمت کرتے ہوئے اسے محفوظ مستقبل کیلئے خطرناک علامت قرار دیتے ہوئے کہا ہے کہ بچوں کے ساتھ زیادتی کے بڑھتے ہوئے واقعات جہاں ہمارے معاشرے میں بڑھتی ہوئی بے راہ روی اور قانون سے بے خوفی کو ظاہر کرتے ہیں وہیں یہ حکومتی گورننس کیلئے لمحہ فکریہ بھی ہیں اگر اس سلسلے میں مروجہ قوانین پر سختی سے عمل درآمد ہوتا تو سزا کا خوف انسان کو ایسی مکروہ حرکت سے باز رکھنے میں معاون ثابت ہوتا۔ چنانچہ معصوم بچوں سے زیادتی اور ان کو جان سے مارنے کے واقعات بڑھ رہے ہیں۔ حکومت کا فرض ہے کہ وہ ایسے مکروہ جرائم کے تدارک کیلئے متعلقہ قوانین کے تحت متعینہ سزاﺅں پر عمل درآمد کو یقینی بنائے اور بلا تفریق و تخصیص ہر مجرم کو قانون کی گرفت میں لانے کیلئے مساوات کا معاشرہ قائم کیا جائے۔