کراچی کی خبریں 6/8/2016

Lal Master Haneef Meeting

Lal Master Haneef Meeting

قومی مختاری کا تحفظ ہر حال میں ضروری ہے ‘ گجراتی قومی موومنٹ
حکومت و اداروں کی نااہلی و غفلت ملک و قوم کیلئے مسائل و مصائب پیدا کررہی ہے ‘ گجراتی سولنگی
قائمہ کمیٹی کے اجلاس میں امریکی سفارتکاروں کی موجودگی پر جی کیو ایم کا اظہار تشویش ومذمت
کراچی (اسٹاف رپورٹر) سائبر کرائمز بل کی منظوری کیلئے قائمہ کمیٹی برائے آئی ٹی کے اجلاس میں مبصر کی حیثیت سے امریکی سفارتی عملے کی موجودگی یقینا حیرت انگیز’ تشویشناک اورسیکورٹی و محافظ اداروں کی کارکردگی پر سوالیہ نشان ہے ۔ گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروفس سورٹھ ویر نے اس حوالے سے تبصرہ کرتے ہوئے کہا ہے کہ سوال یہ پیدا ہوتا ہے کہ کیا پاکستان کے سفارتکار بھی کبھی امریکہ کی ایسی کمیٹیوں کے اجلاس میں بطور مبصر شریک ہوئے ہیںجبکہ پاکستان میں اگر ایسے اجلاسوں میں این جی اوز اور غیر ملکی مبصرین کی شرکت کی روایت ہے تو اس کیلئے کوئی ضابطہ کار بھی ہو گامگر مذکورہ اجلاس میں چیئر مین سینٹ ہی نہیں بلکہ صدر میٹنگ بھی مبصر نما امریکی سفارتی عملے کی موجودگی سے بے خبر تھے ۔ امریکی سفارتکاروں کا یوں سینٹ کمیٹی کے اجلاس میں جا کر براجمان ہو جانا قطعی مناسب نہیں ہے۔ سائبر کرائمز کے حوالے سے کمیٹی کو کسی مشاورت کی ضرورت ہے تو وہ کسی سے بھی رابطہ کر سکتی ہے یوں امریکیوں کا کمیٹی اجلاس میں گھس جانا حساس اور نازک قومی معاملات پر امریکہ کی ڈکٹیشن کے مترادف ہے۔ جن لوگوں کی غیر ذمہ داری کی وجہ سے ایسا ہوا انکے کڑے محاسبہ کی ضرورت ہے تاکہ آئندہ قومی خودمختاری میں کسی کو مداخلت کا موقع نہ مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارتی نیت سنجیدہ ہوتی تو مسئلہ کشمیر حل ہوگیا ہوتا ‘ سولنگی اتحاد
پارلیمنٹ مشترکہ اجلاس میں بھارت کے ساتھ قطع تعلق کرنے کی قرارداد پیش کی جائے
پاکستان مسئلہ کشمیر کے حل کیلئے کوشاں جبکہ بھارت اس سے راہ فرار اختیار کر رہا ہے
کراچی ( اسٹاف رپورٹر ) پاکستان سولنگی اتحاد کے سینئر و بزرگ رہنما امیرعلی سولنگی ‘ پنجاب کے صوبائی صدر ملک نذیر سولنگی’ سولنگی اتحاد کے سینئر رہنماؤں وعمائدین معین سولنگی ‘ عمر سولنگی ‘غلام نبی سولنگی’اصغر علی سولنگی ‘سبحان سولنگی’محمد ذبیر سولنگی’حبیب خان سولنگی ‘اکرم سولنگی’برخوردار سولنگی’شفقت نذیر سولنگی’ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی’ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی’ عابد سولنگی ‘ ندیم سولنگی ‘ عباس سولنگی’ ایاز سولنگی ‘ نعمت اللہ سولنگی ‘ صالح سولنگی ‘ ڈاکٹر قدیر سولنگی و دیگر نے کہا ہے کہ پاکستان اور بھارت کے مابین مسئلہ کشمیر کم و بیش سات دہائیوں سے موجود ہے۔ پاکستان اسکے حل کے کوشاں جبکہ بھارت اس سے راہ فرار اختیار کر رہا ہے۔ اگر مسئلہ کشمیر کے حوالے سے بھارت کی نیت صاف اور وہ سنجیدہ ہوتاتو یہ مسئلہ کب کا حل ہو چکا ہوتا۔ بھارتی وزیر داخلہ سارک کانفرنس میں شرکت کیلئے آ رہے ہیں انکی طرف سے اپنے پاکستانی ہم منصب کے ساتھ ملاقات سے گریز دراصل مسئلہ کشمیر پر گفتگو سے راہ فرار اختیار کرنا ہے۔ ان حالات میں بھارت کیساتھ تجارت تو کیا دوستی اور تعلقات بھی نہیں رکھنے چاہئیںجبکہ اراکین اسمبلی کو کشمیریوں سے اظہار یکجہتی کیلئے پارلیمنٹ کا مشترکہ اجلاس میں بھارت کے ساتھ مذاکرات کی میز پر آنے تک قطع تعلق کرنے کی قرارداد بھی پیش کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلدیاتی اداروں کی تشکیل میں روڑے نہ اٹکائے جائیں’ راجونی اتحاد
جمہوریت کی پوری عمارت بلدیاتی اداروں کی بنیادوں پرکھڑی ہوتی ہے’ امیر سولنگی ‘ عمران چنگیزی
نظام کا فعال نہ ہونا حکمرانوں کیجانب سے اس نظام کو قبول نہ کرنے کی چغلی کھارہا ہے’ اقبال ٹائیگر
کراچی ( اسٹاف رپورٹر ) بلدیاتی انتخابات منعقد ہوئے ایک مدت گزرچکی ہے مگر ابتک اس نظام کا فعال نہ ہونا اور منتخب عوامی نمائندوں کو اختیارات نہ ملنا حکمرانوں کی جانب سے اس نظام کو قبول نہ کرنے کی چغلی کھارہا ہے اور حکمران شو آف ہینڈز اور خفیہ رائے شماری کے چکر میں الجھاکر میئرز و ڈپٹی میئرز کے انتخاب کو التوأ و تاخیر کا شکار کررہے ہیں ۔پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن’ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے حکومت سے بلدیاتی اداروں کی جلد سے جلد تشکیل کا مطالبہ کرتے ہوئے کہا ہے کہ حکومت کو بلدیاتی نظام میں مزید روڑے اٹکانے سے گریز کرنا چاہیے اور اسے آپریشنل کرکے عوام کو اس سے مستفید ہونے دینا چاہیے۔ بلدیاتی نظام کی کامیابی درحقیقت جمہوری نظام کی کامیابی ہے کیونکہ جمہوریت کی عمارت بلدیاتی نظام کی بنیادوں پر ہی کھڑی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت کشمیریوں سے غداری کا طعنہ باطل ثابت کرے’ ایم آر پی
مسئلہ کشمیر کے حل کیلئے بھارت سے تجارتی و سفارتی تعلقات کا مکمل خاتمہ کیا جائے’امیر پٹی والا
کشمیر میں بھارتی مظالم کیخلاف پاکستان کے احتجاجی و مذمتی کردار کو مزید فروغ دینا ضروری ہے
کراچی (اسٹاف رپورٹر) محب وطن روشن پاکستان پارٹی کے قائد و چیئرمین امیر پٹی نے کہا ہے کہ مظفر وانی کی شہادت کے بعد تحریک آزادی کشمیر کو ایک نئی مہمیز ملی ہے۔ کشمیری حریت پسند کرفیو کو خاطر میں نہیں لا رہے۔ 24 روز میں بھارتی فورسز کی بربریت سے شہید ہونیوالوں کی تعداد کم و بیش 70 ہو گئی ہے۔ ان مظالم کیخلاف دنیا بھر میں کشمیری اور پاکستانی احتجاج کر رہے ہیں۔ پاکستان میں حکومتی سطح پر یوم سیاہ منایا گیا اور کل اس سلسلے میں پارلیمنٹ کا مشترکہ اجلاس بھی ہو رہا ہے۔ حکومت کی طرف سے مسئلہ کشمیر اقوام متحدہ میں پوری قوت سے اٹھانے کا اعلان کیا گیا ہے۔او آئی سی کو مسئلہ کشمیر پر متحرک ہونے کہا ہے۔ عالمی سربراہوں کو خطوط لکھے گئے ہیں اور سفارتکاری کو تیز کیا گیا ہے۔ اس سب کے باوجود ابھی بہت کچھ کرنے کی ضرورت ہے۔ کشمیر کمیٹی کو بیدار کرنا حکومت کی ذمہ داری ہے۔ مقبوضہ کشمیر میں لوگ بھارتی مظالم کیخلاف احتجاج کرتے ہوئے جانیں نچھاور کر رہے ہیں۔ پاکستان انکے ساتھ ہے مگر یہ طرفہ تماشا ہے کہ بھارت کے ساتھ تجارت اور تعلقات بدستور قائم ہیں۔ اسی بنا پر سراج الحق حکمرانوں کو کشمیریوں کے خون سے غداری کا طعنہ دے رہے ہیں۔ بھارت پر مسئلہ کشمیر کے حل پر دباؤ بڑھانے کیلئے اسکے ساتھ تعلقات’ تجارت اور دوستی کو ختم کرنا ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت پاکستان حنیف محمد کو ایوارڈ و ریوارڈ سے نوازے ‘ نوابزادہ غلام محمد
جونا گڑھ کمیونٹی سے تعلق رکھنے والے کرکٹر حنیف محمد کی خدمات مثالی ‘ تاریخی اور بے مثال ہیں
جونا گڑھ اسٹیٹ مسلم فیڈریشن کے وفد کی آغا خان اسپتال میں حنیف محمد سے ملاقات وعیادت
کراچی ( اسٹاف رپورٹر ) وزیراعلیٰ سندھ سید مراد علی شاہ کی جانب سے سرکاری سطح پر کرکٹر محمد حنیف کے علاج کے اعلان کا خیر مقدم کرتے ہوئے ہزہائی نیس سر نواب مہابت خان رائل فیملی فاؤنڈیشن و ٹرسٹ کے چیٔرمین اور جونا گڑھ اسٹیٹ مسلم فیڈریشن کے چیف پیٹرن نوابزادہ غلام محمد خان نے کہا کہ سندھ حکومت کی جانب سے حنیف محمد کیلئے امداداور سرکاری سطح پر علاج کا اعلان یقینا ان کی خدمات کا اعتراف ہے جس پر جونا گڑھ کمیونٹی سندھ حکومت کی شکر گزار ہے اور وفاقی حکومت سے بھی ایسے ہی کردار کی توقع و مطالبہ کرتی ہے جبکہ یہ حقیقت ہے کہ جونا گڑھ’ کاٹھیاواڑ اور گجرات سے تعلق رکھنے والے محب وطن پاکستانیوں نے نہ صرف صنعتی ‘ کاروباری ‘ تجارتی ‘ اقتصادی ‘ معاشی ‘ تعلیمی’ ادبی اور سماجی شعبہ میںاپنی خدمات انجام دی ہیں بلکہ کھیلوں کے شعبہ میں بھی دنیا بھر میں پاکستان کی شناخت بنے ہیں۔ لٹل ماسٹر حنیف محمد اور کرکٹر فاروق کمال کا شمار بھی جونا گڑھ سے تعلق رکھنے والے ایسے ہی افراد میں ہوتا ہے جنہوں نے اپنی محنت و قابلیت سے کرکٹ میں بلند مقام حاصل کرکے دنیا بھر میں پاکستان کا نام روشن کیا ۔ یہ بات نوابزادہ غلام محمد خان نے فیڈریشن کے الیکشن کمشنر امیرپٹی ‘ جنرل سیکریٹری سلیم لودھی ‘ آفس سیکریٹری مصطفی خان ‘ فیڈریشن میں شامل جونا گڑھ ملک جماعت کے رہنما ملک حنیف دربار ‘ جونا گڑھ عرب جماعت کے رہنما عارف عرب ‘سلیم عرب ‘ جوناگڑھ انصاری جماعت کے رہنما فاروق انصاری’ جونا گڑھ شیدی جماعت کے رہنما یوسف شیدی اور گجراتی قومی موومنٹ کے رہنما اقبال ٹائیگر کے ہمراہ آغا خان اسپتال میں زیر علاج کرکٹ کے شہرۂ آفاق کھلاڑی حنیف محمد سے ملاقات اور ان کی عیادت کے بعد حنیف محمد کے صاحبزادے اور پاکستان کرکٹ ٹیم کے مایہ ناز کھلاڑی شعیب محمد کے ہمراہ میڈیا نمائندگان سے گفتگو کرتے ہوئے کہی۔