کراچی (جیوڈیسک) شہر کی بلدیاتی انتظامیہ نے دفعہ 144 کے تحت ساحل سمندر پر جانے اور نہانے پر پابندی لگادی ہے۔
کراچی کی بلدیاتی انتظامیہ نے سمندر میں طغیانی کے باعث کسی بھی ناخوشگوار واقعے سے نمٹنے کے لئے لوگوں کے سمندر میں نہانے پر پابندی عائد کردی ہے۔ جس کے بعد پولیس کی اضافی نفری شہر کے مختلف ساحلوں پر تعینات کردی گئی ہے جو وہاں آنے والے لوگوں کو واپس بھیج رہی ہے۔
دوسری جانب محکمہ موسمیات نے بحیرہ عرب میں سمندری طوفان کوساحل پر اونچی لہروں کی وجہ قرار دیا ہے۔ ماہرین کا کہنا ہے کہ یہ طوفان کراچی کے جنوب میں ساحل سے ایک ہزار 500 کلو میٹر دور ہے تاہم اس کی صحیح شدت اور سمت آئندہ 24 گھنٹے میں معلوم ہوسکے گی۔
دہشت گردوں کی بزدلانہ کارروائیوں سے حکومت کے عزم کو کمزور نہیں کیا جاسکتا، وزیراعظم
زمبابوے سے سیریز میں اخراجات سے زیادہ آمدنی ہوئی