کراچی کی خبریں 8/3/2017

Posted on March 8, 2017 By Mohammad Waseem سٹی نیوز, کراچی

صنفی امتیاز سے پاک معاشرہ ہی محفوظ مستقبل کا ضامن ہے ‘ ایم آر پی
کسی بھی شعبہ میں خواتین کیلئے کوٹہ مختص کرنا صنفی امتیاز کو فروغ دینے کے مترادف ہے ‘ امیر پٹی
مردم شماری میں ہر بیٹی ‘ بہو ‘ بیوی‘ ماں ‘ بہن اپنا اندراج او ووٹ کی رجسٹریشن لازمی ویقینی بنائے
کراچی (اسٹاف رپورٹر) روایتی سیاسی جماعتیں اور سماجی تنظیمیں حقوق کے نام پر خواتین کو بے وقوف بناکر ان کے مستقبل کیلئے تباہی کے اسباب پیدا کررہی ہیں کیونکہ خواتین نہ صرف آبادی کا نصف سے زائد حصہ ہیں بلکہ معاشرے ‘ خاندان اور گھرانے کی تعمیر وترقی میں مردوں سے زیادہ کردار ادا کررہی ہیںا سلئے اسمبلیوں اور اداروں میں معمولی شرح سے ان کیلئے کوٹہ مختص کرنا انہیں دیوار سے لگانے ‘ محدود کرنے اور ان کیخلاف صنفی امتیا ز کو فروغ دینے کے مترادف ہے۔ خواتین کے عالمی دن کے موقع پر محب وطن روشن پاکستان پارٹی کے شعبہ خواتین کی جانب سے منعقدہ سیمینار سے خطاب کرتے ہوئے ایم آر پی چیئرمین امیر پٹی ‘ مرکزی صدر سلیمان راجپوت ‘ امیر علی خواجہ ‘ یونس سایانی ‘ محمدافضل مغل ‘ عمران چنگیزی ‘ فاطمہ میمن ‘ روبینہ شاہین ‘ روزینہ خان روزی ‘ ڈاکٹر مونا ‘ ڈاکٹر سمیرا خان ‘ آفرین صدیقی‘ کلثوم شمع ‘ ذکیہ بیگم ‘صبا میمن ‘ زبیدہ آپا ‘ فرح ناز و دیگر نے کہا کہ محب وطن روشن پاکستان پارٹی خواتین کو بھی ہر سطح و ہر شعبہ میں مردوں کے مساوی بااختیارو ذمہ دار بنانا چاہتی ہے مگر اس کیلئے ضروری ہے کہ خواتین سب سے پہلے مردم شماری میں اپنا اندراج اور اپنے ووٹ کی رجسٹریشن یقینی بنائیں اور پھر انتخابات میں بڑھ چڑھ کر حصہ لیں اور زیادہ سے زیادہ تعداد میں اسمبلیوں میں پہنچیں تاکہ ان کی نمائندگی سے ان کے تحفظ و حقوق کیلئے مو ¿ثر قوانین سازی اور قوانین پر یقینی عملدرآمد کیساتھ انہیں اپنے سیاسی ‘ سماجی ‘ معاشی ‘ اقتصادی اور ہر سطح پر اپنے آئینی حقوق اور تحفظ حاصل ہوسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجراتی بولنے والے ہر فرد کو مکمل وتمام حقوق دلائیں گے ‘ جی کیوایم
مردم شماری میں ہر گجراتی بولنے والا اپنی مادری زبان گجراتی ہی لکھوائے‘ گجراتی سرکار سورٹھ ویر
گجراتی بولنے والی ہر برادری کے ہر گھرانے کے ہرفرد اور ہر ووٹ کا اندراج یقینی بنایا جائے
کراچی (اسٹاف رپورٹر) گجراتی قومی موومنٹ مجلس عاملہ کے اجلاس میں شریک گجراتی سرکار امیر علی سولنگی عرف پٹی والا ‘ فرزند جونا گڑھ اقبال چاند ‘ جونا گڑھ فیڈریشن کے جنرل سیکریٹری سلیم لودھی ‘ آفس سیکریٹری مصطفی خان ‘ہز ہائی نیس نواب مہابت خان رائل فیملی فا ¶نڈیشن کے سربراہ نوابزادہ غلام محمد خان ‘گجراتی ماہر قانون الطاف حسین ایڈوکیٹ ‘ ایڈوکیٹ محمد صدیق بلوچ ‘ ایشوریا جونیجو جماعت کے رہنما محمد اسماعیل جونےجو ‘ آل کاٹھیاواڑ سپریم کونسل کے سربراہ محمد رزاق ہنگورجہ ‘جونا گڑھ عرب جماعت کے رہنما عارف عرب اور گجراتی سماجی رہنما یونس سایانی ‘ الطاف حسین عمرانی ‘محمد سلیمان پڈھیار ‘ نور محمد بالا ‘ صدیق زری والا ‘ محمد علی ممو ‘ اشوک کمار‘ رزاق ہنگورہ ‘ صدیق باپو آجک والا ‘ ایوب ہنگورہ اور شبیر قریشی و دیگر نے گجراتی بولنے والی تمام برادریوں سے اپیل کرتے ہوئے کہا ہے کہ مردم شماری ہر گھر کے ہرفرد اور ہر ووٹ کا اندراج گجراتی بولنے والوں کے محفوظ و خوشحال مستقبل کیلئے ضروری ہے جبکہ ہر گجراتی بولنے والے کیلئے لازم ہے کہ وہ اپنی مادری زبان گجراتی ہی لکھوائے تاکہ گجراتی بولنے والوں کی درست آبادی حکومت کے علم آسکے اور گجراتی بولنے والوںکو ان کی آبادی کے تناسب سے وسائل و اختیارات مل سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان سولنگی اتحاد کی مردم شماری شعوری مہم کا آغاز آج سے ہوگا
اصغر علی سولنگی کی رہائشگاہ پر سولنگی اتحاد کے اجلاس میں مرکزی کابینہ و ضلعی عہدیداران کی شرکت
سندھ ساواسولنگی ایسوسی ایشن کے اشتراک سے مردم شماری شعوری مہم کیلئے ضلعی کمیٹیوں کی تشکیل
کراچی (اسٹاف رپورٹر) پاکستان سولنگی اتحاد کے سینئر رہنما امیر سولنگی کے زیر صدارت ہونے والے سولنگی اتحاد کے اجلاس میں مردم شماری کے حوالے سے شعوری مہم چلانے کے فیصلے پر عملدرکیلئے مورو میں سندھ ساوا سولنگی ایسوسی ایشن کے رہنما اصغر علی کی سربراہی میں ہونے والے اجلاس میں سندھ ساوا سولنگی ایسوسی ایشن اور پاکستان سولنگی اتحاد کے بدین ‘ دادو‘ گھوٹکی ‘ حیدرآباد ‘جیکب آباد ‘ جامشور ‘ کراچی ‘ کشمور ‘ خیرپور ‘ لاڑکانہ ‘ مٹیاری ‘ میرپور خاص ‘نو شہرو فیروز ‘شہیدبینظیر آباد ‘قمبر شہدادکوٹ ‘ سانگھڑ ‘ شکارپور‘ سکھر ‘ ٹنڈو الہٰیار ‘ ٹنڈو محمد خان ‘تھرپارکر ‘ ٹھٹھہ ‘ عمر کوٹ ‘ سجاول کے ضلعی آرگنائزرز و عہدیداران کے علاوہ امیر سولنگی سمیت مرکزی کابینہ کے دیگر عہدیداران و اراکین نے شرکت کی ۔ اجلاس مردم شماری آگہی مہم کے حوالے سے تمام ضلعی عہدیداران کو بریفنگ دی گئی ۔ واضح رہے کہ پاکستان سولنگی اتحاد اورسندھ ساوا سولنگی ایسوسی ایشن کی جانب سے کل سے سندھ بھر میں مردم شماری آگاہی مہم کا آغاز کیا جارہا ہے تاکہ مردم شماری کا عمل شفاف طریقے سے انجام پائے اور عوام الناس مردم شماری کے عملے سے بھرپور تعاون کرتے ہوئے ہر گھرانے کا سربراہ اپنے گھرانے اور مرد و خواتین سمیت ہر بالغ و نابالغ فرد کی رجسٹریشن یقینی بناتے ہوئے ہر بالغ رائے دہنگان کا ووٹ بھی درج کرائے تاکہ آنے والے انتخابات شفاف انداز میں انجام پائیں اور ہر ووٹر اپنا حق رائے دہی استعمال کرسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جسٹس (ر) سجاد علی شاہ کے انتقال پر راجونی اتحاد کا اظہار تعزیت
جسٹس (ر) سجاد علی شاہ جیسے ماہر آئین و قانون کا انتقال قومی نقصان ہے‘ امیر سولنگی ‘ اقبال ٹائیگر
عدلیہ پر کیسز کا بوجھ اور معاشرے میں جاری دہشتگردی بدامنی انصاف کی راہ میں رکاوٹ ہے!
کراچی (اسٹاف رپورٹر) کراچی ( اسٹاف رپورٹر ) سابق چیف جسٹس آف پاکستان سجاد علی شاہ کے انتقال پر اظہار تعزیت ‘ ان کیلئے دعائے مغفرت اور ان کے اہل خانہ کیلئے دعائے صبر کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی ودیگر نے کہاکہ جسٹس (ر) سجاد علی شاہ جیسے ماہر آئین و قانون کا انتقال قومی نقصان ہے کیونکہ استحصالیوں کے مظالم کا شکار اس قوم کو سجاد علی شاہ جیسے محب وطن اور عوام دوست منصفوں کی ضرورت ہے ۔ راجونی رہنما ¶ں نے مزید کہا کہ عدلیہ پر کیسز کا بوجھ اور معاشرے میں جاری دہشتگردی بدامنی کے باعث موجود عدم تحفظ و خوف کی فضا بروقت وغیر جانبدارانہ انصاف کی راہ میں رکاوٹ بنی ہوئی ہے جس کی وجہ سے پاکستان و عوام کا نقصان ہورہا ہے اور استحصالی طبقات دونوں ہاتھوں سے ملک و قوم کو لوٹنے کے باجود محب وطن ہی نہیں کہلائے جارہے بلکہ قوم کی تقدیر کے فیصلے بھی کررہے ہیں جو قومی مستقبل کیلئے خطرات کی علامت ہے۔