راولپنڈی (جیوڈیسک) موسم کی تازہ ترین صورتحال کے مطابق ملک کے بیشتر علاقوں میں مطلع صاف ہے جبکہ کشمیر، گلگت بلتستان، وسطی پنجاب اور بالائی بلوچستان میں مطلع جزوی طور پر ابر آلود ہے۔
ملک کے بیشتر حصوں میں نیلے آسمان پر سورج کرنیں بکھیر رہا ہے تاہم کشمیر ، گلگت بلتستان ، وسطی پنجاب اور بالائی بلوچستان میں بادل چھائے ہوئے ہیں۔ جڑواں شہروں اسلام آباد اور راولپنڈی میں مطلع جزوی ابر آلود ہے۔
لاہور میں گزشتہ رات کی گرج چمک اور بارش کے بعد گرمی کی حدت میں کمی آگئی۔ صبح سویرے چلنے والی ٹھنڈی ہواؤں نے باغوں کے شہر کا موسم خوشگوار بنا دیا۔
موسم کا حال بتانے والوں کا کہنا ہے کہ آئندہ 24 گھنٹوں کے دوران ملک کے اکثرعلاقوں میں موسم شدید گرم اور خشک رہے گا تاہم مالاکنڈ، ہزارہ، پشاور، راولپنڈی ، گوجرانوالہ، سرگودھا، فیصل آباد، ساہیوال، لاہور، کوئٹہ ڈویژن، بالائی فاٹا، گلگت بلتستان اور کشمیرمیں چند مقامات پر تیز گرد آلود ہواؤں اور گرج چمک کے ساتھ بارش کا امکان ہے۔
بلوچستان: نیشنل ایکشن پلان کے تحت تمام این جی اوز کی چھان بین
ملک بھر میں آج شب برات پورے مذہبی جوش و جذبے اور عقیدت و احترام سے منائی جائیگی