کشمیریوں کے ساتھ اظہار یکجہتی پاکستانی کمیونٹی ویانا کی کشمیر ریلی میں لوگوں کی ریکارڈ شرکت

Posted on July 24, 2016 By Zulfiqar Ali کشمیر

Pakistani community Vienna Kashmir Solidarity Rally

ویانا (اکرم باجوہ) پاکستانی کمیونٹی ویانا کی جانب سے مقبوضہ کشمیرمیں انڈیا کی جانب سے نہتے کشمیریوں پر تشدد کے خلاف پُر امن احتجاجی ریلی آسٹرین پارلیمنٹ کے سامنے سے شروع ہوکر کارپلٹس انڈیا ایمبیسی کے سامنے تک نکالی گی جس میں پاکستانی کمیونٹی کے مذہبی ،سیاسی ، رفاہی ،اور تاجر برادری ،صحافی برادری اور پاکستانی کمیونٹی کی عورتوں اوربچوں نے ویانا کی تاریخ میں ریکارڈ شرکت کی اور انڈیا ایمبیسی کے سامنے پُر امن مظاہرہ کیا مظاہرین نے بینر اور کتبے اُٹھا رکھے تھے جس پر کشمیریوں کے حق میں اور انڈیا کے خلاف نعرئے درج تھے اور مظاہرین نے شیم شیم انڈیا کے اور کشمیریوں کو آزادی کے نعرئے لگائے۔

مقررین نے اقوام متحدہ سے مطالبہ کیا کہ کشمیریوں کے ساتھ ظلم و ستم کا فوراََ نوٹس لے اور کشمیریوں کو انسانی حقوق دئیے جائیں اور اِن کو آزادی دی جائے ۔مذید مقررین نے کہا کہ بھارت کشمیر میں ٹارگٹ کلنک بند کرئے اور کشمیر میں امن ہو نے کا واحد حل کشمیریوں کی آزادی ہے اور ہر پاکستانی اُس وقت تک چین سے نہیں بیٹھے گا جب تک کشمیر یوں کو آزاد ی نہیں مل جاتی ۔مقررین میں پروفیسر شوکت اعوان ، ندیم خان ، غلام مصطفی بلوچ،خواجہ محمد نسیم،مقصود مغل ،علامہ مدثر اعوان ،بابر فہیم خان ، مقصود خان،گونترایڈوکیٹ اور سید عبدالرحمان شاہ ودیگر نے انڈیا کی کشمیر میں کاروائیوں کے خلاف زبردست مذمت کی۔