قصور کی خبریں 9/5/2016

Kasur Meeting

Kasur Meeting

کمیونٹی پالیسنگ اور عوامی نمائندوں سے رابطوں کے سلسلہ میں ڈی پی اوآفس میں میٹنگ کا انعقاد۔
قصور (محمد عمران سلفی سے) گزشتہ روز ڈی پی اوقصور سید علی ناصر رضوی کی زیر صدارت کمیونٹی پالیسنگ اور عوامی نمائندوں سے رابطوں کے سلسلہ میں ڈی پی اوآفس میں میٹنگ کا انعقاد کیا گیا جس میں ممبران پارلیمنٹ ملک رشید احمد ،رانا محمد اسحاق خاںممبران پنجاب اسمبلی حاجی نعیم صفدر انصاری،یعقوب ندیم سیٹھی ،ملک محمد احمد خاں،ملک احمد سعید و دیگر شخصیات نے شرکت کی ۔اس موقع پر ایس پی انویسٹی گیشن بقاء محمد بگٹی ،ڈی ایس پی سٹی محمد اکرام خاں،ڈی ایس پی صدر مرزا عارف رشید ،ڈی ایس پی چونیاں قدوس بیگ ،ڈی ایس پی پتوکی علی اختر اور ڈی ایس پی ہیڈ کوارٹر حسن دانیال بشیر بھی موجود تھے ۔میٹنگ کے دوران ضلع بھر میں لاء اینڈ آرڈر کی صورتحال،کرائم کنٹرول کرنے اور عوام کو فوری ریلیف فراہم کرنے کیلئے کیے گئے ہنگامی اقدامات کا تفصیلی جائزہ لیا گیا ۔ اس موقع پر ڈی پی او قصورسید علی ناصر رضوی نے کہا کہ پولیس کمیونٹی پالیسنگ کے بغیر جرائم کو جڑسے نہیں اکھاڑ سکتی اورجرائم پیشہ افراد کے خلاف شروع کی گئی مہم عوامی تعاون کے بغیرممکن نہیں ۔انہوں نے مزید کہا کہ جب تک پولیس اور عوام آپس میں مل بیٹھ کر مسائل کے بارے میں مشاورت نہ کر لیں تب تک جرائم پر موثر طریقے سے کنٹرول نہیں کیا جاسکتا ۔ انہوں نے کہا کہ تھانہ کلچر کی تبدیلی وبہتری کیلئے تمام پولیس سٹیشن میںتعلیم یافتہ ایڈمن افسران تعینات کیے جارہے ہیں جس سے نہ صرف تھانہ کی سطح پر شہریوں کی شکایات کا ازالہ ہوسکے گا بلکہ فوری ریلیف بھی ملے گا۔اس کے علاوہ فیڈ بیک میکنزم اورتھانہ کی سطح پر موبائل کمپلینٹ کولیکٹر سمیت دیگر منصوبے بھی متعارف کروائے جا رہے ہیںکیونکہ قصور پولیس کا Mottoہے Live To Serve۔ عوامی نمائندگان نے اس ضمن میں بہت ساری تجاویز بھی دیں اور اس کے ساتھ ساتھ ضلع قصور میں کرائم کی موجودہ صورتحال پر اطمینان کا اظہار کیا اور کرائم کنٹرول کرنے کیلئے کیے گئے اقدامات کو بھرپور سراہتے ہوئے خراج تحسین پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور ( محمد عمران سلفی سے)پھول نگر کے علاقہ جمبر کلاں میں گھریلو ناچاکی پر ایک شخص نے گندم میں رکھنے والی زہریلی گولیاں کھاکر زندگی کا خاتمہ کرلیا،تفصیلات کے مطابق پھول نگر جمبر کلاں کے رہائشی محمد اکرم نے گھریلو حالات سے پریشان ہو کردلبرداشتہ ہوکر گندم میں رکھنے والی گولیاں نگل کر زندگی کا خاتمہ کرلیا،پولیس مصروف کارروائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور ( محمد عمران سلفی سے)شہر اور اسکے گردونواح میں چوری اور ڈکیتی کی مختلف وارداتوں میں شہری نقدی، موبائل فون ،موٹر سائیکل اور دیگر قیمتی اشیاء سے محروم ہوگئے،تفصیلات کے مطابق حسین خان والا کا رہائشی سیف اللہ نمبر دار موٹر سائیکل پر چوڑی والا جا رہاتھا کہ چوڑی والا کے قریب چھ ڈاکوئوں نے گن پوائنٹ پر روک کر 19 ہزار پانچ سو روپے اور موبائل فون چھین لیا اور فرار ہوگئے،گائوں بھالہ کا رہائشی محمد اشفاق راجہ جنگ جارہاتھا کہ حویلی گٹھیاں والی کے قریب ڈاکوئوں نے روک لیا اور گن پوائنٹ پر 2 ہزار روپے ، موبائل فون اور موٹر سائیکل چھین لی ،شیخ محمد مصطفی اپنی فیملی کے ہمراہ پتو کی جارہاتھا کہ کچا روڈ بھٹہ ڈوگراں والا کے قریب ناکہ زن ڈاکوئوں نے اسلحے کے زور پر روک کر تین ہزار روپے اور موبائل فون چھین لیا اور فرار ہوگئے،پولیس مصروف کارروائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور ( محمد عمران سلفی سے)پولیس نے مختلف مقامات پر چھاپے مار کر شراب اور چرس برآمد کرکے دو منشیات فروشوں کو گرفتار کرلیا،تفصیلات کے مطابق پولیس نے مخبر خاص کی اطلاع پر تحصیل دار چو ک میں چھاپہ مار منشیات فروش محمد اکمل سے 530 گرام چر س برآمد کرکے اسے گرفتار کرلیا،کوٹ اعظم خان سے منشیات فروش شبیر احمد سے 20 بوتل شراب برآمد کرکے ملزم کو گرفتار کرکے مقدمات درج کرلئے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور ( محمد عمران سلفی سے)تھانہ کھڈیاں پولیس نے زمیندارکی دو ایکڑ فصل کو آگ لگانے والے ملزمان کے خلاف مقدمہ درج کرلیا، تفصیلات کے مطابق کھودے کے رہائشی محمد منور نے پولیس کو اطلاع دی کہ سائل نے اپنی ملکیت اراضی پر گندم کاشت کی ہوئی تھی گزشتہ روز سائل اپنے بیٹے نبیل احمد کے ساتھ کھیتوں میں موجود تھا کہ ملزمان شفاقت وغیرہ6کس میری فصل پر آگئے اور راستہ نہ دینے کے تنازعہ پر میری گندم کو آگ لگا دی جس سے سائل کی 2ایکڑ فصل جل کر راکھ ہو گئی۔تھانہ کھڈیاں پولیس نے مقدمہ درج کرکے ملزمان کی تلاش شروع کردی،

Kasur Meeting

Kasur Meeting

محمد عمران سلفی صدر پریس کلب مصطفی آ باد للیانی(رجسٹرڈ)
0300,7575126/0334/0313